up>>>>>>>>

هلا قلبي سيدة حبي وينج طولتني علينا في البارت هذا كثيير وينج قلبي عساكي بخير وهذا اهم شي قلبي يالله نتظر البارت الجاااااااااااي على احر من الجمر تكفين سيده عاد لا طوليين

فهد والغيره تاكله اكل مو عارف شيسوي فهد بصوت عالي

جرااااااااح

جراح:هلا شفيك فهد خير..؟

كانت عاليه حاسه بغيرته لانها الوحيده اللي تقرا عيونه بس ماهتمت

فهد قدر يتحكم بعصابه وماعرف شلون جذب هالجذبه

جراح خالد يبيك ضروري مادري شعنده

جراح:خالد؟شكو توني عنده ماقالك شيبي؟؟

فهد:مادري؟..جراح:اوك عن اذنج عاليه دقيقه وبرد

عاليه:سوري اعذرني انا الحين لازم اروح وي الوالده
لازم الحين نكون بالمطار

جراح:من صجج؟اوكي بس بليز عاليه لاتنسين طمنينا
عنج واول ماتوصلين تعطيني رقمج

عاليه:بدون ماتوصي

كان فهد يسمع هالكلام واهو ميت غيره ومستخف من تجاهل عاليه له عاليه اللي امس ذلت نفسها
له

جراح مد يده لعاليه واهو مو قادر ينزل عيونه عنها وبعدها طلع تمت عاليه بروحها وي فهد

تقدم فهد منها واهي معطيته ظهرها تحاول تستمد القوه من روحها روحها اللي للاسف رافضه تساعدها
وتوقف وياها ضد حبيبها روحها اللي ماتمنعها عن ذل نفسها كل ساعه وكل دقيقه جدامه روحها اللي تتمنى تحضن روحه للابد بس هالمره القوه والشجاعه مادري من وين ياتها ؟بس مالومها اللي سببه لها من ذل وقهر ماحد يحتمله.....درات ظهرها وطلعت تمشي بعيد عنه وكملت ومشت صوب المعازيم وخلته بروحه

فهد تم في مكانه كان وده يوقفها يكلمها يهاوشها يلمها يودعها او يمنعها من السفر حتى بس تم قاعد,,,,

عاليه:يالله نشوفكم على خير

ابو فهد:الله يحفظج يبه بنشتاق لج

كان يتكلم بو فهد والدموع بعيونه بعد ماودعت الكل ويو بيطلعون

ام عاليه:يالله نسينا فهد ماودعناه

عاليه:اوكي يمه انا سلمت عليه بروح انطرج بالسياره

كانت مضطره تجذب لان شكلها قررت تجمع مابقى منها سلمت ام عاليه على فهد اللي تمنى يشوف عاليه بس للاسف ماحصله شوفها
..............................

(بعد الحفله باسبوع)

عبير:فيصل فهمني شفيك خليني اشاركك همك
اذا تحس بضيق او افتح لي قلبك لا تنفر مني
جذي

كانت عبير تحس هاليومين ان فيصل اللي كان مايبعد عنها ثواني اللي كلمات الحب ماتفرق لسانه متغير عليها والسبب؟؟؟؟؟؟؟؟؟؟؟؟؟؟؟؟؟؟ماتعرفه

فيصل:قتلج ماكو شي انتي بس ديري بالج على روحج
لانج خلاص دخلتي شهرج وزود

عبير والدموع بعيونها:فيصل انت ماعدت تحبني؟

فيصل تم ساكت....عبير:جاااااااوب ليه ساكت؟

فيصل:امبلى احبج ..عبير:لا مو هذا فيصل انت ماتحبني
وين المشاعر الراقيه وين احساسك بالكلمه حس ببرود
كبيييييييييييير لييييييييييييييييه.؟

فيصل قرب منها ولمها على صدره

عبير:بعدت عنه بروح بيت هلي فيصل لاتخاف
مافيني شي ولا زعلانه بس جد انا محتاجه فتره
اقعدها وي نفسي شوي

فيصل ماحاول يمنعها:اللي تشوفينه وطلع عنها
.......................

رغد:بشنو يفكر الدكتور؟؟؟؟؟؟؟؟؟؟؟؟؟؟؟؟

جراح:خليتها دكتور انتي بعد للحين ماتعينا

رغد:الا بتعين حبيبي والله يوفقك لانك تستاهل

جراح:بعاليه اللي صار لها اسبوع مادقت ولا طمنتنا عليها

رغد:اهي مو طرشت لك مسج تقول فيه انها وصلت

جراح:امبلى بس لي الحين مادقت ليه؟معقوله فيها شي

رغد:اعتقد ياخوي ماعندها وقت تدري انت
خوالها اكيد بتلهى وياهم انت كلمها

جراح:ودي بس انا قلت دامها مادقت اكيد ماتبي تكلم حد
لوانها تبي تكلم حد جان من نفسها دقت صح؟؟؟؟؟

رغد:مو اكيد خلني انا ادق عليها.

جراح:صج؟؟؟؟؟؟؟؟حبيبتي اختي والله يالله

دقت عليها رغد بس ماردت

رغد:جراح ماترد

جراح:انا خايف عليها بصراحه


رغد:من صجك انت اكيد طالعه ولانايمه

جراح:يااااااااالله تحفظها

رغد:ياللللللللللللله لي هالدرجه تحبها....؟

جراح:احبها.هه .شتقولين لا يارغد
انا اعشقها انا اهواها انا اتنفس هواها
انا ماحس اني موجود بدونها

رغد:هلله هلله ياعيني كل هذا طيب خلاص
حببها فيك وغير من حياتك خليها ليما تيي
تشوفك دكتور ومتغير شوي واثقل عليها ترى
الثقل زين والبنات مايحبون اللي يلزق ابهم

جراح:انتي خليها تييي بس
...........................

ابوفهد:يايبه شكلك مو عاجبني شكلك وايد كاد
نفسك بالشغل حتى زوجتك ماتسولف ويااها ولا اشوفك
تهتم فيها انت حتى مو عد الزواج ماحددته

فهد:يبه شسالفه عادي انا من زمان اشتغل وعمري
بتعب بالعكس بالشغل القى نفسي واذا على غدير ماعليها
بكرا بنمل من بعض

ابوفهد:طيب ياولدي ليش ماتحدد موعد الزواج

فهد:هااا مادري موببالي

بوفهد:ههههههههه شنو موبالك وانا ابوك
احنا الحين شهرشهر 8 شرايك نخليه اول عشره
او نصها

فهد اللي اساسا باله مو وياه:انت فصل وانا البس يبه

بوفهد:على خيرة الله بس شوف انت من اليوم ورايح ما
ماتيي الشركه وتهتم بعمرك واذل تبي تسافر ماعندي مشكله
ريح عمرك وبعد بتكون اخر سفره لك بروحك ليش ان سفراتك
اليايه كلها بتكون مع المدام باذن الله ههههههه

فهد ابتسم لابوه:عن اذنك يبه
.....................................

احمد:علللللللللللللللللوي واخيرا ليش جذي
معقوله ماتردين علي ليه مابي منج شي
غير اطمن عليج ليه ماتردين؟؟؟؟؟؟؟؟؟؟

عاليه:بليز اعذرني والله اني
مارديت على حد نهائي لا صديقات ولا اقارب
توني بس كلمت منال والحين انت ثاني واحد اكلمه
لاني كنت وااااااايد تعبانه

احمد:شنوووووووووووووووووووو؟؟؟؟

عاليه:نفسيا مو جسديا بس والله لني اشتقتلك
واااااااااااايد وفقدتك شلونك؟

احمد:صج اشتقتيلي قولي والله؟؟؟؟

عاليه:ليه مو مو مصدق؟؟؟؟لو ماماشتقت لك
مارد عليك ولا تشك بمعزتك عندي

احمد:ياعمري لا ابدا انتي طمنيني عنج وعن خالتي
شخباركم؟؟

عاليه:فوق الريح وخالتك تسلم عليك
انت شخبارك وشلون الاهل وعمي؟

احمد:الكل بخييير الا انا مو بخير

عاليه:ليييييييييييييه؟؟؟؟

احمد:لانج بعيده عني عاليه انا....انا
اموووووووووووووت فيج
والله مالي حياة من دونج

عاليه:بلييز احمد لاتقول جذي شقلنا احنا
لاتخليني اتندم اني رديت عليك

احمد:شسوي قولي شقول لقلبي

عاليه:ابتسمت لانها تذكرت نفسها
وعرفت ان هالمواقف موبيد الشخص صح القلب
يلعب بالعاشق لعب بس مهما كان احمد انا ماحب
تقولي جذي خلينا اخوان وربع اوكيك وبعدين خله بوقته

احمد:اوكيك ربع مو اخوان لاتقولين اخوان

عاليه:لا اخوان لاني ماتعودت اصادق صبيان

احمد:خلاص اخوان اخوان

تمو يتكلمون وبعدها سكرت عاليه منه واهي ميتتتتتتتتتتتتتتتتتتتتتتتتتتتتتته من الشووووووووووووووووق وذاااااااااااااااااايبه من الوله لعيون حبيبها ولصوته
مشتاقه لانفاسه كانت حاضنه مخدتها وتبجي لانها كانت واايد مشتاقه لفهد لانه
طول هالفتره واهو ثانيه ماغاب عن بالها ولانها المسكينه تحس بالذنب لانها ماسلمت
عليه كانت تمسك التلفون وترد تقطه لانها تخاف يزفها ولانها بعد ماتبي تخون بنت عمها
بس مع هذا ماقدرت مسكت جهازها وطرشت له اغنية(احلى لقى)
.............................

وصل المسج لفهد اللي كان على مكتبه وي خالد بالدوام مافتح المسج كانه حاس استاذن وطلع
قال لخالد انه تعبان وبيروح يريح وانه شكله بياخذ اجازه لانه موقادر يركز بالدوام وهالفتره
صاير واااااايد يحوشه صداع نصفي......راح شقته اخذ شاور وصب لنفسه كاس ويسكي ودخن
زيقاره وفتح المسج ((ياحبيبي عينيك بتوحشني والشوق ياماياما بيسالني مش لاقي حنان يطمني ولا اي غرام..انا عايش ليك ومش لي وبفكر فيك ومش في وعشانك عمري ولياليا واحلى الايام..ياحبيبي
تعالى كفايه بقى ده لقاك بالدنيا احلى لقى وانا يلي بدوب بعذا وشقى ارجعلي اوام..انا ليه وعلى ايه
وباعيش ليك وماليش في هواك ولا شوق حضنك يللي انت عيوني بتشتاق لك ارجع لي ئوام..))
كانت الاغنيه قمه باللحن والكلمات اغنيه مصريه شاف الرقم خارجي ولبناني عرف انه من عاليه

فهد واهو نايم عالقنفه:ااااااااااااااااااااااه
يالعذاب شسوي ؟؟؟واااااااااااالله حبج دمرني وانتي ماتدرين
اتعذب بلدقيقه مليون مره انا حبج خلاني اشرب واتعرف على بنات
مو من مستواي بس لجل التهي عنج ولقيتني ماقدرت حاولت انساج
بس انتي اكبر من النسيان ياللللللللللله شلون بعيش مع غيرج
وغدير شذنبها؟؟معقوله مثل ماصرت انا لانسانه غيرها تصير
اهي لغيري(شوف الانانيه)معقوله بيي اليوم اللي تتزوج
فيه حبي وتكون روح وجسد لرجل ثاني من حقه يحبها ويحسها
ويلمسها.......بس لاااااااااااااااا عاليه بتم طول عمرها لي وتحبني
حتى لو ماتزوجنا معقوله يلمسها مخلوق غيري
ااااااااااااااااااااه ياعيوني مشتتتتتتتتتتتتتااق لج للحين عطرج
بشقتي وانفاسج بروحي شذاها للحين ايديني تتخيل انها تضمج
لا انا فعلا لازم اسافر مثل ماقلت يبه ...اييييييه بسافر ل.......

............................
فيصل شفيه على عبير؟؟؟؟
وشنو سبب الخلاف بين احمد وفهد؟؟؟
ورغد معقوووووووووله ترضى تخرب
حياة عبير؟؟؟؟؟
الاهم فهد وين بيسافر؟؟؟
وشبيصير؟؟؟؟؟؟

....................................

ام خالد:شفيك يايمه قولي؟خالد:مادري احس اني
متلعوز فهد هالايام هذي امتغير مادري شفيه
وحتى الشغل مو مهتم فيه مثل اول وابو حسام
هذي شكله نصاااااب وانا بروحي ماقدر عليه

ام خالد:يمه شي طبيعي ان فهد يمل من الشغل
لانه ليل وي نهار الشغل ماخذ وقته يمكن يبي يريح شوي
ويبعد وي خطيبته عن الشغل واجوائه وابو حسام هذي
حاول انك تسايسه وتكشفه بدليل مو بس كلام لازم يكون
عندك دليل على نصبه طيب منى شفيك وياها؟

خالد:شنو؟شدراج؟اهي قالت لج؟

ام خالد:لا يمه انا امس بالصدفه سمعتك تتكلم وياها
وحسيت ان في امبينكم خلافات يايمه منى طيبه
وماتستاهل

خالد:والله مادري شقولج؟

ام خالد:مابيك تقولي شي يمه هذي اسرار مابي اعرفها
ولا يهمني اعرفها بس ابيكم ما تتزاعلون وما تضايقها

خالد:يمه لاتخافين مجرد سوء فهم وبيزول وانا عن اذنج بطلع
داري ارتاح تامريني بشي

ام خالد:لا يايمه عسى الله يحفظك لي

طلع خالد فوق بدل ملابسه ومسك موبايله ودق على منى

بعد اربع دقات شالته منى

منى:نعم..خالد:قوه.لي الحين زعلانه
اشتقت لج موووت

منى:انا مابيك تسمع وماحبك انت للاسف شخص عديم الاخلاق ......وبعد انت واحد ما تحترم اللي حولك
ولاتهتم لمشاعر غيرك انا ماحبك مابيك

خالد:خلصتي ولا بعد في شي زياده؟

منى:اي خلصت انا ماحبك تسمع واعتبر نفسك ماخطبتني
وبعدها بجت منى وماقدرت تكمل

خالد غمض عيونه:ليه تبجين مافيه شي يسوى انج تنزلين دموعج
الغاليه وشنو هاكلام انتي حبيبة خالد ومستحيل خالد يتنازل عن شي
له ومهما صار امبينا يبقى حبنا فوق كل شي

منى بين شهقاتها:اي حب هذا؟الحب اللي ماحترمته ودست
عليه انا ابسالك ترضى اكلم غيرك؟قول لو تشوفيني وي غيرك
بترضى من كلمة اسف مني انت جرحتني تكلم مليووووووووووون
وحده غيري ولو مو شايفتك بالمطعم ويا وحده من هاللي تعرفهم وسامعه
كلامك وياها عن البنات اللي تعرفهم جان ماعرفت حقيقتك

خالد:كل ريال قبل لا يتزوج او يخطب بيكون له علاقات انا احبج والله
من يوم شفتج دخلتي قلبي ومن تعرفت عليجد اكثر حبيتج زود
ولو اني ابي وحده من اللي عرفتهم ليه ماخطبتها ها؟؟جاوبي
والله هذيل كلهم ماضي وانتي حاضري ومستقبلي


منى وشكلها رضت عالحبيب:عيل ليه شفتك قبل امس ويا وحده منهم

خالد:انتي بنفسج قلتي انج سمعتي كلامها واهي كانت تعاتبني ليه
ماكلمها وماكلم الشله تبعها انا من اول ماخطبتج مسحت ارقامهم
بس اهي ذبحتني تقول مره وحده بكلمك وبعدها مابتشوفني وانا
شفتها وقتلها لاتحاولين اللي يملك القمر مايحتاج للنجوم

منى:تمت ساكته..خالد:حبيبي لي الحين زعلان؟؟

منى:بشرط........خالد:عيوني لج اشرطي..

منى:تغير خطك وماعندي غيره ومابتنازل عنه

خالد:ومن قالج ابيج تتنازلين لا يبا لعيونج نغيره بس مو تتعودين
من الحين تتشرطين ترى انا المره عندي مالها شور وراي
فاهمه تبيني جذي والا كيفج

منى:ابيك بكل عيوبك انا لو مابيك ماسامحتك الحين.خالد:يعني سامحتيني

منى:ايه..خالد:عيل قولي احبك..منى:لا..خالد:وليه؟..منى:بس جذي

خالد:اوكي يله عيل خليني احصل هاكلمه عند غيرج تلقيهم ينطروني

منى:لا واللللللللللللله عشان اذبحك انت وياهم .خالد:عيل قوليها

منى:احبك واموت فيك وماقدر اتخيل نفسي اعيش بدونك

خالد:لا بتشقق انا احبج والله احبج ومافي حد بيفرقنا
.........................................

رغد:السلام عليكم

وعليكم السلام

رغد:عفوا اخوي هذي موبايلك

الشخص الثاني:ايه

رغد:اخوي انا من فتره تييني مسجات من هالرقم
فمادري حضرتك تعرف رقمي من وين

الشخص الثاني:من قلبي

رغد:اها شكلك من هاللي يزعجون بنات العالم قعدت
تخربط بالرقم وطلع وياك رقمي فاقولك
احترم نفسك واياني واياك مره ثانيه تزعجني والا والله
لاشتكي عليك

الشخص الثاني:شفيج يبا انا مو من هالشباب والله العظيم انا
اعرفج عدل وانتي تعرفيني بعد وربي اني اول مره
اكلم فيها بنت غير. غير مرتي ايه انا شخص متزوج
ماراح الف وادور والله اني حبيتج من يوم ماشفتج


رغد:شوف انا مابسالك من انت؟لاني اصلا مو مهتمه اعرفك
ومتزوج ولا غيره اخوي انا بنت غير عن البنات اللي في
بالك فاقولك حرام رصيد ك يروح بدون فايده يله باي
وماراح اهتم بمسجاتك فاهم

الشخص الثاني:لحظه رغد وربي مافهمتيني صح والله اني
الحين حبيتج اكثر وكبرتي بعيني والله اني لو ابي العب
جان شفتيني ماتصلت فيج اتصلت بغيرج لان عارفج
وحده محترمه ماترضى بالغلط

رغد:شنوووووو انت من وين عرفت اسمي ماتقول؟؟؟؟؟؟؟

الشخص الثاني:انا مابجذب لاني ناوي ابدي بدايه صادقه انا فيصل
زوج بنت عمج عبير ومن يوم شفتج وانتي ماتروحين
عن بالي واخذت رقمج من عبير واهي ماتدري

رغد:مستحيييييييييل انت صج شخص وااااطي وماتسحتي تبي
تبني علاقه وي بنت عم مرتك والله لولا احترامي لمشاعر
عبير جان شفتني تصرفت تصرف مايعجبك

فيصل:اولا عن الغلط ثانيا انا لو ادور علاقات عابره ماكنت
اكلم بنت عم مرتي مثل ماقلتي انا اللي خلاني اتجرا واطرش
لج كل هالكلام انا لو ابي العب ماجان شفتيني اكلمج

رغد:لا ياللي ماتستحي شوف انا من اول ماشفتك ماحبيتك
والحين زاد كرهي لك

فيصل:شوفي رغد انا واقعي فوق ماتتصورين وصريح اكثر
وموتي الجذب انتي تحبني وانعجبتي فيني كافي نظراتج لي
كل مانتقابل والحين انا اللي بخليج وقت ثاني ليما تهدين
بكلمج وعلى فكره انا حتى عبير مستعد اقولها اني احبج
وقفل قبل لا يسمع من رغد اي جواب

رغد تمت مذهوله اهي صح كانت تطالع له بس عادي مثل اي بنت تشوف شاب حلو بس نهائي مافكرت
فيه مثل هالتفكير لانها تشوف عبير اخت لها بس شتسوي معقوله بيقدر فيصل يمتلكها وبتسمح
لنفسها تخرب حياة بنت عمها؟؟؟؟؟؟؟؟؟؟؟
........................................

جراح:عاليه ليه هالغيبه ماتصلتي فيني
والا تتغلين

عاليه:اولا انا ماحب اتغلى وثانيا انا تو يبت خطي
وكاني اكلمك وانا كلمتك عشان ماتقول نسيتينا

جراح:نسيتينا؟لا انا مابي اقول نسيتينا بقول
نسيتيني مالي شغل بالغير

عاليه:جراح تكفى لا تبتدي انا داقه اسلم
واسال بليز لا تغير مجرى الكلام

جراح:يعني انا اول واحد تكلمينه؟

عاليه:الصراحه لا كلمت صديقاتي
وبنات عمي واحمد ولد عمي
وعمتي ام خالد وعمي بو فهد

جراح:وبعد الشعب الكويتي ماكلمتيه وياج
قبلي

عاليه:ههههههههههههههههههههه

جراح:اشتقت لج ..عاليه:تسلم ماتشتاق لغالي

جراح:ليه في اغلى منج؟ اقولج اشتقت لج
انتي مافقدتيني ماوحشتج

عاليه:تبي الصج الكويت كلها بلي فيها
واهلي وانت اشتقت لكم وماعندي غير هاكلام

جراح:بخيله انتي قولي اشتقت لك بروحك جذبي
شبيصير

عاليه:ماعرف.انت طمني عنك شخبارك

جراح:سلمج الله بديت دوامي بالعياده

عاليه:يييه مبروك يعني الحين اقدر اقول
عندي ولد عمي دكتور فاللي يحب يموت
ييي عيادته

جراح:لا والللللللله زين ياعاليه تمسخري

عاليه:غشمره مو مسخره من يقدر يتمسخر
عالدكتور

جراح:وحده اسمها عاليه تمون بكل شي عندي

عاليه حسته بيخورها:اوكي جراح شكله الوالده
تناديني تبي شي؟

جراح:سلامتج بس لا تقطعين

عاليه:الرقم عندك امتى ماتبيني دق وسلم عالكل
.................................

بو فهد هذي الساعه المباركه والله زين فكرتوا تزورون
عمكم

احمد:ساعتك ابرك ياعمي انا عن نفسي ياي لك بس غيري
ماعتقد

غدير:شقصدك ما عليك منه عمي انا يايتك بعد انت

بو فهد يضحك:يابنتي ماعليج منه انا ادري فيج

منال:احمد شلونك وها شنو تخطيطاتك للسنه اليديده ؟

احمد:منال تكفين لا تيبين طاري الدراسه جدامي ترى
جبدي لايعه منها

وصل فهد البيت وراح صوب الصاله
فهد:السلام عليكم

الكل:وعليكم السلام

فهد:ها عندنا شلونك احمد؟

احمد: الله يسلمك بخير

قعد فهد عند اخته منال
فهد:غدير شلونج؟

غدير:الحمدلله انت شخبارك؟

فهد:تسلمين بخير

هالحزه دق تلفون منال شافت الرقم والا خط خارجي

فهد:ماتردين؟

منال:ها برد بس الرقم خارجي شكلها علوي
عن اذنكم

احمد: بدايته*****************

منال:ايه.....احمد عيل اهي

فهد وبكل غيره:وانت شدراك؟

احمد ليش انها كلمتني اليوم

بو فهد :وانا بعد ياحليلها كلمتني الله يخليها
والله اشتقت لها يله ياعيالي انا عن اذنكم
بروح ارتاح شوي اخليكم وي بعض

الكل:اذنك معاك

غدير:فهد شفيك شكلك تعبان اذا انت تعبان لاتهتم
روح نام واحنا عادي اصلا بنروح

فهد:شنو بقتروحون من قالج اني تعبان لا يبا
مافيني الا الخير وانتو بتعشون ويانا

بعدها وصلت منال
منال: علويه تسلم عليكم وسلام خاص لاحمد

احمد:فديتج والله يالغاليه الله يسلمها

غدير:الله يسلمها

فهد تم ساعه واهو يخز احمد والغيره
تاكله وده يقوم يذبح منال واحمد

استاذنو البنات يجهزون العشا

احمد:اقول يابو النسب امتى ناويين انت واحلوه
تتزوجون

فهد ولحقد مالي قلبه:ليه لايكون معطلينك عن شي
خاف تبي تتزوج واحنا مسكرين عليك

احمد:هههههه وانا من صجك راد عليكم انا
انطر حبيبتي تزهب حالها

فهد هذا اللي بقوم اجرم فيه:ومنو هذي عرفنا
عليها

احمد:انشاء الله حزة الحزه بتتعرف عليها ولو انها
مابتكون غريبه عنك

فهد هنيه استخف وفقد اعصابه الا عاليه .....الا عاليه...هذي ملكه....ملكه وحده.......اهو الوحيد
اللي من حقه يسميها حبيبتي......الا عاليه....

فهد واهو معصب:شكلك انت ماتستحي

احمد:فهد شفيك انت؟انا غلطت في شي

فهد:اكثر من هالغلط شنو انا ماسمح لك تتكلم
عن عاليه جذي سامع

احمد ارتبك ومو عارف شيقول هذا شدراه:شفيك انت
اي عاليه من ياب طاريها

فهد:شوف يابابا انت توك صغير وركز
على دروسك

احمد:انا محترمك لي الحين لانك مثل اخوي
الكبير وانا اللي ماسمح لك تتكلم على عاليه
جذي فاهم

فهد:والله حلو انت ماتسمح لي لا وعاليه بعد
شوف شيل يدك عن عاليه فاهم واياني
واياك تكلمها مره ثانيه

احمد :خير انشالله ماكلمها هذي بنت عمي ومحد
يقدر بالدنيا يمنعني عنها

وصلو منال وغدير بعد ماجهزو العشا

منال:شفيكم؟

فهد غمز لاحمد:سلامتج جهزتوا العشا

منال:يله تفضلو
..........................................

عاليه:بس هذي كله يبين انها تحبك يارامي

رامي:مابعرف ياعاليه عن جد مابعرف روعه
عم تئسى(تقسى) علي كتير هالفتره وعم
تجاكرني بابن عمه كله مناسبه

عاليه:صدقني اهي تسوي جذي عشان تغيضك
بس وتخليك تغار

رامي:ومين ئالك(قالك)انو انا مابغار؟

عاليه:هذي اطباع البنات يحبون يغيضون الشباب

رامي:والله مابعرف يابنت عمتي انا بحبا بحبا كتير
وهي يوم بداياني وعشره تتجاهلني

عاليه:صدقني مو تجاهل الا تغلي

رامي:يييييييييييه مابتشمي ريحة الشوي وصلت
لراسي بدي روح ساعدن تعي معي
الجو هلا بالمزرعه كتييييير بيجنن

عاليه:انت روح وانا ايي وراك

بعدها طلع رامي وعاليه راحت صوب جناحها اهي وامها ورمت نفسها عالسرير واهي تفكر بالحبيب
اللي بعده عنها معذب روحها وانقهرت زياده ليما درت من منال ان غدير عندهم عشان جذي لزمت على منال انها توصل السلام لاحمد عاليه بينها وبين نفسها :والله هذي ماتستحي تيي بيتهم مادري شلون
يكفي انه مالج عليج شتبين منه بعد لاحقته لي البيت .......
كان ودها تتصل فيه بس تسمع صوته واهو يقول ال(الو)الو بروحها منه واحشتها بس .............
.................................

منال:وغدير تدري؟

فهد:ليه لازم تدري يعني لا وانا حبيت اقولج
الحين قبل لاتنامين عشان اودعج
لان طيارتي بتكون الساعه 5 الفير

منال:وابوي؟.فهد:تو قبلج مريته ودعته

منال:ووين هالمره؟..فهد:مو لازم تعرفين يالفضوليه

منال:لا شلون احدد هديتي لازم اعرف الدوله عشان
اختار الهديه

فهد:واثقه يعني ان في هديه........

منال:هههههه اتغشمر معاك

فهد:افا عليج انا بختارلج هديه بنفسي

منال:الله يردك سالم لي ياخوي
ودعت اخوها وبعدها راح صوب جناحه الخاص ودق على غدير

غدير:هلا حبيبي

فهد:هلا غدير سوري ازعجتج

غدير:حبيبي انت اي ازعاج عادي

فهد:بس بغيت اقولج اني بسافر اليوم الفير
ودقيت اودعج

غدير:من صجك شنو بتسافر وليه توك تقولي

فهد:والله اسف عمتي ماستاذنت منج

غدير:نو حبيبي مو هذي قصدي بس

فهد:لا بس ولا غيره انا موداق استاذنج
يله باي

غدير:اسفه وغلاتك اسفه تروح وتييني بالسلامه
وين بتروح؟

فهد:مو شغلج يله تبين شي

غدير:نو مابي غير سلامتك يله باي
وكان صوتها شكله حزين

فهد حس بالذنب:سوري غدير مو قصدي
لا تزعلين يله ارضي انا مابطول

غدير:حبيبي انت انا مستحيل ازعل منك انا
احبك احبك واحنا لازم نتحمل بعض

فهد:يله تامريني بشي

غدير:نو دير بالك على روحك

بعدها سكر فهد التلفون وراح اخذ شاور....وبعد الشاور قرر ينام شوي عشان يقعد على موعد الطياره
فهد:ااااااااااااااه ياربي مادري شسوي اللي اسويه صح ولا غلط؟؟؟؟؟؟
بس والله ماقدر اعيش بدونها احساسي بوجودها بنفس المكان اللي انا فيه يكفيني من سافرت وانا حاس اني تعباااااااااااااان.......اه يا حبيبتي مشتاق لعيونج مووووووووووت ولصوتج ولكلمة
احبك فهد منج منج انتي انا مابي اسمعها الا منج ياحياة قلبي بس يله مابقى شي واكون عندج
.................................

رغد معقوله بتطيح في حب فيصل
وتنسى بنت عمها؟
خالد ليه قرر ينهي خطوبته مع منى؟


فهد واللقاء بينه وبين عاليه
شلون بيكون؟
وشبيصير؟

.....................................
غرام السنين

منال:صدقيني يا شيخه تعبت موعارفه شسوي؟
واهو لي الحين موحاس فيني..

شيخه:منال ياعمري انتي مو قاعده تبينين له واهو
مايدري بلي تحملينه له من مشاعر شلون تبينه يحس
فيج؟ انتي حاولي تخلينه يحس فيج او شرايج تكلمين اخته؟

منال:من صجج انتي لا يبا انا صج احبه بس مو معنى هذي
اني افقد كرامتي او على حساب نفسي

شيخه:انا ماقصد تقولين لها اشكره جذي انج تحبين اخوها
مثلا تساليها عنه عن حياته او ليش ماتزوج لي الحين
او هل اهو مفكر بالزواج الحين واذا كان حاط في باله
وحده معينه؟

منال:لا رغد ذكيه وراح تفهمها على طول والبنات يفهمون
لبعض..بعدين كل هلي قلتيه مايهمني اعرفه انا بعرف شي
واحد اذا كان يحب غيري او لا؟

شيخه:عندي فكره..شرايج تقولين لعاليه تساله ان كان يحب
او لا ..عاليه بنت عمج مو تقولين انها قريبه منه وانه ياخذ
ويعطي وياها مثل اخته الصغيره انتي لا تبينين لها انج تحبينه
بعدين حتى لو خليها تعرف انتي مو تقولين انها طيوبه
واقرب وحده لج

منال:مادري شقولج بس عاليه الحين مو موجوده مسافره
بس فكرتج حلوه بس انا مابقول لعاليه ساليه لا بما انها
تقعد وياه واااااايد باخذ عنها معلومات عنه

شيخه:مثل ماتبين..والحين قولي لي امتى انشا الله ناويين
تحددون العرس

منال:اي عرس قصدج فهد وغدير؟

شيخه:ايه ليه فيه غيرهم؟

منال:لا بس والله لي الحين مادري فهد ماقال شي بس
سكتي ياشيخه ياكثر ماني شايله هم فهد احسه مو سعيد مع
غدير مع انها البنت واااايد تغيرت وصارت احسن بس
فهد ماحسه سعيد وياها

شيخه:ليه مو اهو اختارها بنفسه ليه هالهم اللي اهو فيه

منال:مادري شقولج بس انااعرف شنو اللي بال اخوي بس
للاسف فهد السعاده بين ادينه واهو مضيعها...

شيخه:شقصدج فهد يحب وحده ثانيه طيب ليه مااخذها؟

منال:موشغلج...شيخه:افا علي انا شيخه كاتمة اسرارج

منال:والله هذي اسرار ناس مو لازم تعرفينها مايخصج
لا من قريب ولا بعيد

شيخه:اووووووه خلاص بس شوفي اذا اخوج المزيون
هون عن غدير تراني بالشوفه وجاهزه مابي حتى مهر

منال:هههههههه مينونه انتي شفيج بايعه روحج تراج مو
جيكر لي هالدرجه

شيخه:سلامة قلبج حبيبتي ادري اني حلوه واحلى منج
بس لاخوج انا مو بس بايعه نفسي..صج منول انتي مو
حاسه لانج اخته عادي بس البنات عندهم غيييييييير
فهد امل كل وحده فيهم حلو مو بس حلو الا عذاااااب
ماشا الله جسم وطول وشعر وااااه ياحلاة شعره
يهبل وابيض وعيونه ذباحه.وغني.ومثقف.و

قاطعتها منال:هيييييه انتي مو صاحيه وربي اشك انج تحبينه؟

شيخه:ومن قالج اني ماحبه اناامووووت فيه بس اخوج هذي
حجر مايحس

منال:اقول احترمي نفسج وماشالله على اخوي لاتصيبه عينج
بروحه اللي فيه كافيه ويله انا بروح الحين شكلج مو كفو
الواحد يتذكرج ويزورج

شيخه:افااااااااا جذي ها كيفج مصير الايام تردج لي

منال:ههههههههههههوربي انتي فصله

شيخه:ميرسي حبيبتي ماعليج زود عيونج الفصله

منال:هههههههههههههههه
...............................

رغد:ها شنو كان يبي منك عمي بوفهد

جراح:مايبي شي بس يقولي اني مو مجبور
اشتغل في مستشفى حكومي حالي حال اي دكتور
وانه من باجر مستعد يفتح لي عياده خاصه باسمي
ويقولي لا تحس اني امن عليك هذي حلالك
وسو فيه اللي تبي

رغد:الله يخليه لنا ويمد في عمره ....احنا لولاه
نضيع

جراح:ليه يارغد هذي صج حلالنا والا نيستي


رغد:ادري بس في وايد ياجراح عوايل
وابناء بس يموت ابوهم يضيع حقهم
بين العايله الا احنا عايشين وحقنا
الحمد لله محفوظ وعمي بوفهد اهو وعمي
بو احمد موقصرين علينا بشي

جراح:صح بهذي صدقتي

رغد:المهم وشقتله انت؟

جراح:شكرته وقتله اني لازم امارس
العمل واتعود عليه واني لي الحين بحاجه للخبره
وبس احصل الخبره الكافيه اكيد بستقل من نفسي

جراح:يله عن اذنج....بروح انام برتاح

رغد:اذنك معاك صج ترى كلمتني علوي اليوم
وتسلم عليك

جراح اللي كان تبان وماله خلق بفرح:صج؟؟

رغد:ايه .شفيك مواهي كلمتك امس

جراح بارتباك:ايه بس حسبتها زعلانه
مني

رغد بفضول:ليه شصار بينكم امس

جراح:موشغلج يالحشريه يله بروح انام

رغد:صج ترى بروح لبيت عمي
بو احمد متواعدين انا ومنال بنروح عند
غدير

جراح الله وياج
...........................

عبير:واهي تبجي وهذي كل شي
موعارفه شسوي وياه..

غدير:هدي عبوره وهذي الخبل شفيه
لايكون بيراهق بعد هالعمر اهو نسى نفسه
شلون مات عليج وبالويل يله رضيتي فيه
يكفي انه اكبر منج ب9 سنوات وفوق هذي
يشوف روحه عليج ناسي انتي بنت من

عبير:لا غدير لا تتكلمين على فيصل جذي اهو
ماغلط لي الحين وانا ماقولج شايف روحه بس
احسه دايم مهموم وسرحان وقليل مايقعد بالبيت
وحتى خالتي حاسه بتغيره ومره اسالتني اذا كان بيني
وبينه زعل..وين قبل وين الحين.قبل ياحلاته الكلام
الحلو والرومانسيه ماتفارقه الحين كله تعبان وكل
ماساله عن حبه لي شكثر يسكت مايجاوب...
بغت تكمل بس بجت بعدها

غدير:الخايس هذا مايستحق دموعج ناسي انه مابقى
على ولادتج ويزعلج يكفي انه اسر حريتج وماحطج
بيت بروج

عبير:بالعكس عادي انا مو مضايقني هالشي اهله عسل
وعمرهم ماتدخلو فينا وتدرين مافيه ويانا حد خالتي وعمي
كافين خيرهم شرهم واحسهم مثل امي وابوي ومنى ما
تتصورين شكثر حبوبه ومشاري قليل مايقعد
بالبيت كله مسافر ولا بالشاليه
بس انا احبه يا غدير احبه ومابي احس اني ممكن
افقده لا

غدير:ياحلوج وانتي تتكلمين عالحب عمري ماحسبتج
رومانسيه لانج حتى بفترة الخطوبه ليما كنت اسالج
عن مشاعرج تجاهه كنتي تقولين عادي

عبير:انا حبيته بعد الزواج ما تتصورين شكثر اموت فيه
فيصل انسان رومانسي لابعد الحدود ولا مره مر علينا
يوم بدون ما يعبر لي عن حبه ومشاعره ويقعد يغازلني
بس هالفتره..عشان جذي تشوفيني مهمومه

غدير:ماعليج منه يمكن كلها حركات عشان يتغلى انتي
بس خلي بالج على روحج وانا اشور عليج تقعدين
عندنا هالفتره لي حد ولادتج مابيج تتضايقين ها شرايج
ومنها فرصه تخلينه يحس بغيابج يمكن يتغير وتلقينه
يرد احسن من اول...

عبير:فكره خلاص انا بروح اكلم منى واقولها توصي
الخادمات يزهبون اغراضي واطرش سواقنا

غدير:بس بدون ماتخلينها تحس بلي بينج وبين زوجج

عبير:اكيد بقولها اني تعبانه وان ابوي لزم علي اقعد
عنده

الخادمه:ماما غدير في مطعم يجي يقول يبي فلوس

عبير:طالبه مطعم...غدير:طالبه حلو بنات عمي بيونا
روحي زهبي حالج ولا تبيني لحد ضيقتج
...........................

خالد:وبعدين وياج حنان قتلج فهد مسافر
ومادري وين اعتقد الريال اكثر من مره
فهمج انه بينزوج ومايبي علاقه بحد وعمره ماعشمج
بشي شتبين منه

حنان:شوف خالد انت مالي شغل فيك وادري انك
بتتزوج بس مالي شغل فيك بعد عن طريجي احسن لك
ولا اخلي زوجة المستقبل تعرف عنك كل شي وفهد
ابيه يعرف اني مو لعبه بيده

خالد:لا حياتو تدرين خرعتيني اقول موخالد اللي يتهدد
وخطيبتي اياني واياج تقربين لها وعلى فكره ياحلوه
تدري عن كل شي ادري انج انتي اللي خليتي شوق
تدق علي وتطلبني ضروري وبعدها طرشتي منى
بنفس المطعم

حنان بارتباك:شنو.انا شكو فيك ومن وين اعرف خطيبتك

خالد:انتي حنان ومافيه شي صعب عليج

حنان:ههههه دامك معترف بقدراتي ليه ماتتعاون
وياي وتكلم فهد عني

خالد يضحك باستهزاء:وشقوله عنج ياحلوه؟

حنان:قوله اني احبه ومستعده اسامحه على
اللي قاله عني واني مستعده اتزوجه

خالد:روحي زين اللي مثلكم مو للحب اللي مثلكم
للوناسه وبس وانا وفهد واي ريال غيرنا بس
يفكر بالزواج والاستقرار مستحيل
يفكر بوحده منكم

حنان:اوكي بتندم ياخالد على هالكلام

خالد:ولي زين تهددين انا اللي بخليج علج بحلوج
الناس اذا ماحترمتي حالج ولا صح اللي مثلج ماتخاف
حتى من الفضيحه لان ما عندها اهل

وبعدها سكر خالد التلفون بوحهها ...خالد هالفتره هذي كان وااااااااااايد تعبان ووايد يحس انه
ماله خلق شي..وجسمه ذبلان......وكان واااااااااايد امتضايق لان ظنه بمحله عن شريكهم بو
حسام لانه اخذ مبلغ كبير من الشركه وسافر واهوتعبان لانه يحس ان فهد واااااااااايد مو مهتم
بالشغل ولا فيه حتى يحس علاقته وي فهد صارت عاديه واهو يضايقه هاشي لان فهد بالنسبه
له اكثر من اخ
...............................

عاليه مو مصدقه ومذهوله:يمه من صجج انتي
فهد هنيه بليز يمه لا تتغشمرين وياي بالامور هذي

ام عاليه تضحك عليها:شو بيكي لك عم ئلك انو فهد
هون بالمزرعه وخالك سامر...شافه نازل بالاوتيل
وعزمه لهون عنا

طبعا فهد راح نزل بالفندق اللي اهو ملك لخوال عاليه كل هذي عشان يشوفونه ويعزمونه ويقدر
يشوف عاليه

عاليه اختلط الصريخ بالفرح بالذهول:يمه فهد ماقال انه
بيي لبنان ياااااااااااااااااااي.وقامت تقامز فوق السرير

ام عاليه:لك شو جنيتي يله تعي سلمي عليه وبعدين مااله داعي
كل هالفرحه لانو خلاص خلصنا من الموضوع الئديم

عاليه:يمه شفيج قبيتي علي خلاص انا فرحانه لا تخربين علي
ويله خليني البس واجهز

بعدها طلعت ام عاليه واهي تنافخ على بنتها لانها ماتبي خوالها يحسون فيها.....وبعدها دخلت عليها
خالتها مايا اصغر وحده من خوات ام عاليه .ام عاليه عندها ثلاث خوات(نسرين و نادين ومايا)وثلاث
اخوه(عماد.سمير.وسامر)مايا عمرها 22 واهي قريبه حييييييييييييييييل من عاليه وتدري بكل شي
عنها وعن فهد واحيانا اهي تشجعها لمغامرتها المجنونه معاه

مايا:شوفي لازم تفكري هلئ بعئلك
وتئلي حالك عليه ومابدي هالفرحه تبان بعيونك
وئت (وقت)ماتروحي تشوفيه

عاليه:مايا شتقولين اقولج فهد هنيه ياي هنيه
تدرين ليه؟عشاني لانه ماقدر يحتمل فراقي انا ادري
وكل الاعذار الثانيه حجه لانه عمره ماتكلم
انه له اشغال هنيه

مايا:بعرف وانا شفتوا وبعرف انو جاي مشانك
وصدئيني اسمعي كلامي ومابضيعي ابدا

عاليه:وكلي اذان صاغيه بسمعج وبنفذ بس لاتقولين
لي لا تطلعين له ماقدر احس قلبي يرقص من الفرح

مايا:ماتخافي انتي بدك تشوفيه وتسلمي عليه بس اسمعي
بدك تروحي بجامتك هاي ومابدك تحطي اي ميك اب
مابدنياه يحس انو جيته لهون اثرت عليكي وبدك تئعدي
جنب رامي ابن خالك وتضحكي معه وتبيني انو انتي
ورامي كانو حبيبين و.........شو كمان

عاليه:مايا من صجج؟تتكلمين ماقدر لا..........

مايا تقلدها:ايه من صجج..شو بيكي يامجنونه
خلاص روحي لعنده وئليله(قولي له)بحبك
ماصدئت ايمتين(متى)شوفك وبيني ضعفك اله
ئدام(جدام)الكل وخليه يشوف انو لساتوا يمتلكك
وماثر عليك ويرجع مستريح لبلده وباسرع وئت
يعمل عرس وهو مطمن

عاليه تفكر بكلام خالتها لانها دايم تمشي ورا قلبها
وتخيب :اوكي مايا يله خلينا نمشي

مايا:و.................عاليه:واللي تبينه يصير

مايا:وحياتك كل يلي ئلته مشانك انتي وشوفي النتيجه
بس تئلي حالك ئد(قد)مابتئدري(بتقدري)وطنشيه
وما تخليه يحس بلهفتك وشوئك

عاليه:ماقدر الا هذي ان طالعت بعيونه اهو بيشوفهم
بدون ماتكلم

مايا:يخرب بيتك ماطلعي بعيونه وخلصنا

راحت عاليه وكانت لابسه بيجامتها لونها ازرق بحري وشعرها مسويته (ظفيره)مرتخيه و حاطتها
على صوب وكان شكلها بسيطه جدا بس حلو اكثر طلعت تمشي وقلبها يغوص باعماقها وروحها
موناويه طاوعها على تجاهل فهد وعيونها تجمعو فيها الدموع من هاللحظه................

كان فهد لابس جينز اسود وقميص ابيض وحزام حلو على الجينز وكان شكله جنان وطالع في
ذقنه شوية شعر خفيف منتشر على ذقنه وشعره من كثره كان يطيره الهو كان يتكلم وي عماد
ابورامي وسمير ابواسامه وسامرعلى الشغل وقال انه جاي هنيه في شغل وكان يسالهم عن العقارات
والاراضي وكانت ام عاليه قاعده وياهم اهي وزوجات اخوها

عاليه تقدمت :السلام عليكم

الكل:وعليكم السلام

عاليه تحاول قد ماتقدر ماتطالع لحبيب روحها ولا تحط عينها بعينه كانت تتكلم وعيونها تحت بالارض
تقدمت صوب فهد اكثر........وراحت تسلم عليه تحالول تنفذ كلام خالتها

عاليه مدت يدها:قوه فهد..

فهد وعيونه فيها خليط من مشاعر حب ولهفه وشوق وغرام ماكان وده يصافحها بس كان يبي اكثر
كان يبي شي يطفي لهيب الشوق اللي بقلبه....كان يبي شي يخمد البراكين اللي بصدره كان وده يلمها
على صدره ويشم ريحتها ويتنفس مع انفاسها بس..............
مع هذي حاول مايبن شي ومد يده عادي
فهد:هلا عاليه

عاليه:حمدلله على سلامتك

فهد بعد مانزل يده من يدها:الله يسلمج

بعدها راحت عاليه قعدت عند خالها سامر كانت قاعده مواجهه لفهد .....مايا قعدت جنب فهد واهي تخز
عاليه وماتبيها تطالع لفهد
فهد:شلونج يابنت عمي

عاليه وجنها بدت بتنفيذ كلام خالتها واهي ترسم
ابتسامه:بخير الله يسلمك والا شرايك اللي يكون
بالجنه هذي والطبيعه الخلابه شلون تبي اعصابه
ونفسيته تكون؟؟؟

فهد واهو يبتسم:عسى دوم

عاليه واللي سحرتها ابتسامته:طيب شخبار الاهل؟

فهد بخبث:ليش ماتكلمينهم انتي؟ماشالله عليج مانسيتي
حد ماظل حد ماكلمتيه الكل بخير

عاليه ارتبكت:طيب زيارة عمل ولا ترفيه

فهد يبتسم لها:لا هذي ولا هذي زيارة استكشاف

مايا:يادلي ....بس مايكون استكشاف شي مو منيح

فهد يبتسم لمايا اللي كان فيها ملامح كثيره متشابهه فيها
مع اختها رشا ام عاليه وعاليه بس مو كثير:لا تقدرين
تقولين زيارة عمل خلطتها وي زيارة اشوف فيها
اذا كنت اقدر اقضي شهر العسل هنيه او لا تدرين مليت
من الاجانب وهالطبيعه مثل ماقالت علوي وطالع لها
حلوه وتهدي النفس وهذي مكان حلو الواحد
يقضي فيه احلى ايام حياته

عاليه وتحس ان الغيره بتموتها من كلامه قامت تطالع الصوب الثاني تحاول تخفي ارتباكها ورجفتها
اللي لي الحين مالقت لها سبب هل اهي من البرد؟؟؟ولا وجود فهد؟؟

ام عاليه واهي حاسه باحساس بنتها ومتالمه
كثير ترسم على وجهها ابتسامه:شو حددتو موعد
العرس؟

فهد:يعني ان طول بيكون بعد شهرين

الكل:الله يوفئك

بعدها وصل رامي وسلم عالكل واولهم فهد ........وقعد عند عاليه.....عاليه العبتها صح وتمت تسولف
وتضحك وي رامي.........وفهد وي سامر وقلبه مولع ناااااااااااااااار من وين طلع لي هذا؟؟يكفيني
اللي عندي .....طيب ياعاليه انا اعلمج شلون تتجاهلين وجودي..
حاول فهد يستاذن ويروح بس ماسمحو له قالو له لازم تتعشا واليوم بتنام هنيه .........فهد رضى بالعشا
بس مارضى ينام هنيه وقال بتعشى وبس وماقصرتو ........بعدهااستاذنو رامي وعاليه وابو رامي وابواسامه وام عاليه وام رامي وام اسامه راحو يشرفون عالعشا ويساعدون ازواجهم بالشوي
تمت مايا وي فهد وسامر بعدها رجعو رامي وعاليه وقعدو وياهم سامر جاه تلفون من خطيبته واستاذن
ومايا حبت تخلي فهد وعاليه بروحهم واخذت رامي وياها وراحو
تمت عاليه بروحها وي فهد اللي كان يخزها ومركز على عيونها واهي تطالع بعيد عنه كانت ترجف
بطريقه مو طبيعيه مع ان الجو كان حلو والهوء دافي بس كان قلبها يدق بسرعه وانفاسها مو منتظمه

فهد قام من مكانه وقرب منها واهي قاعده عالكرسي حوطها بيدينه ولف عليها قميصه
عاليه انتفضت وصارت ترتجف اكثر...............

فهد واهو واقف وراها واهي قاعده عاكرسي
حط وجهه على شعرها وقال:شفتج ترجفين وقلت
ادفيج.....بعدين لف وجهها بيدينه واهو يسالها
ها لي الحين تحسين بالبرد؟؟

هه.....شلون ماتحس فيه عاليه زاد ارتجافها من قرب فهد طالعت له هالمره واهي ودها تقوله
انا ماحس الا بشوقي لك تبي تدفيني؟؟؟؟؟؟؟؟؟لمني.....ضمني بقوه على صدرك وادفن وجهي بصدرك
وحوطني بيدينك ولا تخليني .........

فهد واهو يقرب وجهه اكثر:ها بردانه؟

عاليه وانفاسه تحرقها وقربه يذوبها ماقدرت
تحتمل اكثر......بس بعدت عنه واهي تقوله:
ايه لي الحين انا مو بس بردانه انا احس بالجليد
في صدري وقربت منه واهي تقوله:ها تقدر تدفيني؟؟؟؟

فهد.....ياربي هذي شفيها اليوم بتحرجني عند خوالها...شنو اللي اقدر ادفيها ......الا اقدر...ليش
اهي ممكن تحس بالجليد وانا موجود انا كلي براكين ثايره ونيران حب هايجه مايطفيها شي....
انا بردج ياعاليه وانا دفاج .....وتساليني ان كنت اقدر,,,,,ايه اقدر اضمج في اعماق روحي وانسيج
كل اللي عشتيه .......

عاليه واهي توقف بعيد عنه وتعطيه ظهرها:ادري انك ماتقدر
ونزعت قميصه وقربت منه وعطته خذه يافهد مستحيل هالقطعه
تدفيني

فهد ويرد يقعد مكانه:هه قبل اي شي من فهد له تاثير عليج

عاليه واهي تبتسم لنفسها..وتطالع له لاتخاف ياقلبي ماتغير شي اسمك بروحه يدفيني

فهد بعصبيه واضحه:ليه تبتسمين؟؟؟

عاليه:ولا شي بس انت قلتها قبل وكل شي
يتغير مافيه شي ياولد العم يتم على حاله

بعد ماحرقته بالكلام وصل خالها سامر واظطر فهد انه يقفل الموضوع
............................

رغد:وبعدين وياك انت ماتفهم انا موقتلك
لا تدق انت ماتفهم

فيصل:انتي قلتي وانا ماوافقت اقول حبيبتي

رغد:حبك البرص انت ماتستحي شنو حبيبتك
اللي يسمعك يقول اني بين وبينك شي
انا تو كنت وي عبير والله لولا خوفي على شعورها
كنت قتلها على كل شي...

فيصل:قلتها لج قولي لها واذا تبين اقولها انا بقولها
احبج واحبج شنو ذنبي؟الحب مو بيدي والله لو بيدي
جان ماسويتها

رغد:وبعدين وياك اغير خطي يعني....

فيصل:لا غيري قلبج هالعنيد اللي مو راضي
يعترف بحبه لي

رغد:انت هيييييييييييييييييييييه مينون موصاحي

فيصل:وربي عمري ماتقبلت اهانه من شخص بس
منج حلوه

رغد:اكلمك جد اخ فيصل شتبي؟؟؟؟؟؟؟؟؟؟

فيصل:وانا اقسم لج بالله العظيم اني ابيج على
سنة الله ورسوله وبالحلال قولي اي وباجر
تلقيني مرتز عندكم

رغد اللي اربكها كلامه وحست ان في شي داخلها فرحان بالكلام هذا ...........بس قفلت الجهاز وماعرفت شتقول بس اهي لو ماتبيه جد وخايفه على شعور عبير ماترد من الاساس؟؟؟

لقاء عاليه وفهد مانتهى وله بقيه
شنو التطورات اللي بتصير
بينهم؟؟؟؟؟؟؟؟؟؟

...............غرام السنين