المنتدى :
المنتدى الاسلامي
أنت مديون ب 360 جنيه
أنت مديون ب 360 جنيه
إيه مش واخد بالك بتوع إيه ؟؟
إيه مش إستعملت رجلك النهارده ...ه
مش لازم تدفع تمنها
ومش إستعملت إيديك
برضه مش لازم تدفع حق إستعمالها
وظهرك يترى إستعملته ولا لأ ؟؟
طب فين ثمنه؟؟
إيه برضه بتقولى مش فاهم
طب صلي على النبى
صلى الله عليه وسلم
بص يا سيدى
فى جسدك 360 مفصل
لازم كل يوم تتصدق عن كل مفصل
مش نعمه عليك
هو فى حاجه ببلاش كده
طب نعمه اليدين تديها كام يترى؟؟!!
لو إيديك دى مش موجوده تدفع كام علشان تعمل واحده صناعيه يدوب تشبه الطبيعيه
شوف بقا إيديك وصوابعك يترى هتتصدق عنهم كل يوم بكام
جنيه كويس؟؟
طب بلاش كتير صح
خليهم ربع جنيه
هتعرف كل يوم تدفع ربع جنيه فى 360 مفصل
يعنى تقريبا
ه 90 جنيه يوميا
طب إيه رأيك أقولك حل اسهل من كده بكتير
بكتير اوى اوى كمان
تعرف إيه هو؟؟؟
مش قولنا مفيش حاجه ببلاش
لازم تدفعلى
سمعنى الصلاه على النبى
(صلى الله عليه وسلم)
الحل ياأخى الحبيب اللى هيعفيك إنك تدفع كل يوم 90 جنيه صدقه عن المفاصل اللى هريها شغل
إنك تصلى صلاة
إسمها صلاه الضحى
بس كده ايوه والله
وهيا بتكون ركعتين او أربعه أو سته أو ثمانيه ركعات
حبيبك النبى ما تصلى عليه
صلى الله عليه وسلم
عن أبي ذر قال يصبح على كل سلامى من أحدكم في كل يوم صدقة فله بكل صلاة صدقة وصيام صدقة وحج صدقة وتسبيح صدقة وتكبير صدقة وتحميد صدقة فعد رسول الله صلى الله عليه وسلم من هذه الأعمال الصالحة ثم قال يجزئ أحدكم من ذلك ركعتا الضحى ( صحيح ) _ وأخرجه مسلم
وصيه من الرسول صلى الله عليه وسلم
هل ستنفذ هذه الوصية أم ستدفع 90 جنيه يوميا؟
طب أقولك حديث كمان
إدفع
سمعنى تانى الصلاه على النبى
(صلى الله عليه وسلم )
عن بريدة قال : سمعت رسول الله صلى الله عليه وسلم يقول في الإنسان ثلاث مائة وستون مفصلا فعليه أن يتصدق عن كل مفصل منه بصدقة قالوا ومن يطيق ذلك يا نبي الله قال النخاعة في المسجد تدفنها والشيء تنحيه عن الطريق فإن لم تجد فركعتا الضحى تجزئك
(صحيح)
المشكاة 1315 ، الارواء 213/2
، التعليق الرغيب 235/1
ركعتين بس صدقه عن كل المفاصل اللى فى جسمك اللى بتستعملها ببلاش
مش جسمك ده أمانه ربنا مديهالك
تحافظ عليها ؟؟
طب إمتى وقتها
وقتها من بعد الشروق بثلت ساعه كده
أو ربع ساعه
أما الشمس تظهر وأشعتها تملى الكون
لغايه قبل صلاة الظهر بربع ساعه
طب عدد ركعتها كام مره
عدد ركعتها تبتدىء من 2أو 4أو 6أو 8
يلا الكل يواظب عليها
واظب على الأتنين الأول بعد كده إدخل فى التقيل
وما تنساش
يالدفع يالحبس
وجزاكم الله كل خير
|
14-01-08, 09:35 PM
جديد مواضيع قسم المنتدى الاسلامي
العرض العادي
