كاتب الموضوع :
ziasor
المنتدى :
الارشيف
ضيف من هي الشخصية اليوم, هو شخص مرموق جدا, عرف بأخلاقه الراقية و
حبه للمساعدة, مشرف متميز على أكثر أقسام المنتدى احتياجا للخبرة و الإلمام .
ربنا يكرمك يا بنتي دا من ذوقكم و كرم اخلاقكم
ضيفنا هو الأخ: Honey1900 ( هاني ).
هاني الازمات الصعبة
مشرف منتدى البحوث الاكاديمية
مشرف المنتدى الرياضي
مشرف منتدى الحاسوب والبرامج
أهلا و سهلا بالأخ العزيز: هاني ... و نبدأ مع الأسئلة :
- كالعادة, نبدأ مع بطاقتك الشخصية ؟
اسمي هاني و حبايبي بيسموني هنّو (بتشديد النون و كسر الهاء)
سني 27 سنة و شوية حلوين كدة
مهندس حاسبات و نظم تحكم آلي
مصري بشتغل ف الكويت
- نعلم أنك تعمل في مجال البرمجة , لم اخترت هذا المجال ؟
اخترته لانه فيه تشغيل دماغ و انا بحب التحديات ف البرمجة و اي حاجة فيها تشغيل مخ و تفكير و ابداع و تنظيم ف نفس الوقت
- كيف كانت بداية تعرفك على منتدى ليلاس, و ما الذي تبحث عنه في المنتدى ؟
اتعرفت علي ليلاس بالصدفة البحثة من رواية كان مكتوب عليها علامة مائية بأسم رياحين ( الله يمسيها بالخير ) و اسم المنتدي و كانت الوراية من منتدي الديفيدي العربي
- أنت مشرف لثلاث أقسام ؟ كيف توفق بينهم جميعا ؟
هو انا كسلان اليومين دول بس عادي بدخل كل يوم كل قسم و اللي فيه حاجة جديدة او ردود بشوفها
و لو عندي موضوع بنزله و لو لو حد عنده استفسار بعطي له الاولوية و لو عايز برنامج بجيبه له و بردو ببص علي منتدي المشرفين و الاستفسارات و الشكاوي و احيانا بشوف المشاركات الجديدة بس مش بدخل قسم معين
- ما هو أكثر قسم تتابع جديده ؟
اكثر قسم حاليا الرياضة عشان بطولة افريقيا
و ان شاء الله قريب هيكون الاكاديمي عشان المسابقة و طبعا مش بنسي البرامج حبيبي
- ( هاني الأزمات الصعبة )... نشعر بأن لهذا اللقب سببا؟ هل هذا صحيح ؟
هو اعتقد انه عشان لما حد بيسألني عن اي مشكلة تقنية بحاول احلهاله حتي لو هو صرف نظر بفضل وراه لحد اما تتحل غلاسه بقي ههههههههههههههههههه
- أنت تقيم في الكويت بعيدا عن الوطن , كيف تتعامل مع الغربة ؟ و العزوبية ؟
بدأنا الأسئلة الجامدة بقي
ههههههههههههههه
ما بلاش الاسئلة العميقة دي الزهايمر هينكشف و تفضحيني ههههههههه
عموما عادي انا قبل ما اجي الكويت كنت بردو متغرب ف مصر كنت بشتغل ف القاهرة و انا من المنصورة و شايف ان الغربة تحدي ف الاعتماد علي النفس
العزوبية بقي معندكيش عروسة ههههههههههه
- ( احذر غضب الحليم ) .. ما أكثر الأشياء التي تثير استفزازك ؟
اكتر حاجة لما حد يتهمني بشئ مش غلطتي او مش انا اللي قمت بكدة و كمان ان حد يفهمني غلط و كمان لو حد قالي انت متنرفز ليه ههههههههههههههههههههههههههه
و كمان حاجة مهمة لما يكون حد غبي مش عايز يفهم هههههههههههه
- هناك أشياء في خاطئة في الحياة , و لكننا قد نضطر مرغمين على القبول بها ... ما هي هذه الأشياء بالنسبة لك ؟
الكذب ههههههههههههههه
و كمان المجاملة
- نريد منك نصيحة لأي شخص مقبل على العمل ؟
ابذل اقصي جهدك و اثبت نفسك لنفسك مش للي حواليك فقط مش مهم هما هيقولوا علي شغلي ايه المهم تكون عارف انك بتشتغل صح ـ
- هل لديك أي أصدقاء من المنتدى ؟
الحمد لله كتير جدا
- كيف تتعامل مع تساؤلات الأعضاء بخصوص البرامج , و خصوصا أن البعض يحتاج إلى شرح أكثر ؟
بحاول اكون صبور مع اللي مش بيعرف خالص و بحاول افهمه بطريقة سهلة
بس المهم يفتح مخه مش بيقي مصر و مش عايز يسمع الكلام
يعني بيسأل و مش عارف و كمان مش عايز ينفذ
- بخصوص ( مسابقة ليلاس الثقافية ), نرى أنك تحرص على انتقاء المعلومة مع المصدر, رغم صعوبة الامر إلا أن المسابقة نجحت ..
هل كنت تتوقع هذا النجاح ؟
بصراحة المسابقة كانت رائعة بالمشتركين بيها
بس متتخيليش كمية الدعاية اللي عملتها اد ايه ؟؟؟ منتي كنتي شايفة ههههه
بالنسبة للمصدر انا رأييي ف المسابقة اننا نبحث عن المعلومة مش مجرد اجاوب و اخد درجات و خلاص
و اكبر دليل علي كدة ف اسئلة قعدنا ندور علي الاجابة 4 او 3 ايام
- ( كابتن المنتدى ) فكرة جميلة, كيف نبعت هذه الفكرة ؟
الفكرة بصراحة اني أعمل المسابقة مش بتاعتي الفكرة فكرة زهرة (Zhraa)
انما التنفيذ و طريقة حساب النقاط انا اللي اقتبسته بردو من مواقع مشهورة بتعمل مسابقة التوقعات بس بتعديل طريقة الحساب شوية
- ماهي توقعاتك أنت بالنسبة لكأس أفريقيا ؟؟
قبل ما اشوف مصر و الكاميرون كنت متوقع الكاميرون دلوقتي ممكن مصر او ممكن غانا
- و إذا أردت تشجيع فريق غير مصر... من سيكون ؟
مفيش بمنتهي الصراحة
- من هو أو هي :
عضو صديق ـ هوب و فيوليف و نيهال
- عضو غائب - مش متذكر فعلا
عضو مبدع - ممكن زهرة
عضو كسول- البنت هوب هههههههههه
عضو مستفز جاكول و مش هقول علي التاني ههههههه
عضو مهم 2 البنت نبع الحب و البنت لحظة زمن
- أخيرا : كلمة لكل الأعضاء في منتدى ليلاس ؟
كن كالريح تعطي بلا حدود
اتمني اني اكون ضيف خفيف
و اشكركم مرة تانية
اشكرك يا حسين
اشكرك يا تينا
اشكرا يا الغالية دارلا
و طبعا المحققة الصغنونة خفيفة الظل فيفو
التعديل الأخير تم بواسطة Honey1900 ; 22-01-08 الساعة 10:50 PM
|
22-01-08, 10:15 PM
جديد مواضيع قسم الارشيف
العرض العادي
