المنتدى :
الاسرة والمجتمع
نصائح للمقبلين على الزواج
عشان اللي بعدهم ماتزوجوا ينتبهوا
السلام عليكم ورحمة وبركاته
أكيد كل وحده منكم انتويالمتزوجيين مريتو ببعض المواقف في سنه أولى زواج
هذي بعض المواقف إللي صارت لاخواتنا في
تقول الاخت زياراتها للمطاعم مع اهلها كانت قليله
المهم اول ايام زواجها دخلت مع زوجها المطعم قال زوجها للجرسون جيبلي مينو(menu) وسألها وش تبين قالت مثلك اطلبلي مينو زوجهاتسدح من الضحك وهي تقول احسبها وجبه او طبق معين
وحده كان الخجل ذابحها تقول زوجها كان كل يوم يجيب الاكل في الفندقوهي البنت مسويه ما تشتهي وما تحب ومن هالكلام وبس تطلع فيه وهو يلهط بهالاكل
وذاك اليوم بالفندق جا الغدا وكالعاده زوجها سالها يلا يا حياتي تعالي نتغدىقالت لا كل انت بالعافيه انا ما اشتهي وهي مييييييته جوع..شبع الرجال ودق الباب ذاك الوقت.. المهم زوجها طلع وغاب اشوي وهي قالت في نفسها اكيد انه بيطول وما قدرت تمسك نفسها ومن كثر ماهي جوعانة ماسكه الدجاجه بكبرها وتأكل فيها !!! وفي هذه الاثناء وش صار >>> طب عليها عريس الهنا وهي متلبسه بالجرم المشهود ومقبضه بيدينها الثنتين في الدجاجه والفم مفتوح عالااااااااااااااااا اااااخر وقال لها ها اشوفك منتي مشتهيه
وهي خلاص دوروها مسكينه ما تلقونها
في وحده شعرها دايم يحتاجله سشوار مهو ناعم المهم السشوار اخترب مادري ويش صار فيه عاد هي ذكاءها قادها لفكره جهنميه وش سوت
راحت على طاولت الكوي وانسدحت وهاتك يا كوي بهالشعر
زوجها دخل واختنا في تكوي منسجمه
الرجال انهبل على بالها تزوج وحده ماهي صاحيه
وحده تقول انامتزوجه ولد عمي
و أول ماتزوجنا رحنا بريطانيا عندهدوره
منها شهر عسل ومنها هوا المهم تقول مره دخلنا المطعم واخذت المينو وقعدت أطالع الكلام كله انجليزيوانا مااعرف ولا حرف بالانجليزي
تقول هو اختار والجرسون واقف عند راسي يحارسني اختار قالي زوجي تبغي اساعدك بالاختيار
قلت طايحه من عينك انا اعرف اختار المهم تقول اخترت طلب محطوط في اطار وحركات
قلت اكيد هذا شي حلو وقلت ابي هذا قال زوجي متاكده قلت ايه اصلا من زمان اطلبه لما كنت اطلع مع أهلي
تقول قالهاطيب ابشري وهو يضحك ويوم جابو الطلب هو مكرونه وحركات لكن طلع.. وجبة أطفال
يقولوا فيهوحده تستحي من زوجها بالمرة تضايق الزوج وكلم خواته يكلمونها وكلم أم زوجته كذلك المهم أزعجوها امزحي مع زوجك أمزحي والعبي واضحكي وياه قالت ما أقدر المهم طولوا عليها بالكلام
وفي مرة من المرات وهي مع زوجها سبقها زوجها بينزل من الدرج قالتفرصه امزح وياه اشوي لأنه مايشوفني المهم دفته مع الدرج الا وهو في أخر الدرجمتشقلب وقاعد يون ويصيح من الألم قالها وش فيك كذا جلست البنية تصيح وتقول كله من أهلك يقولون امزحي معه وهذي أخرتها
هذيوحده تقول اول ماتزوجت كنت ادرس وكان يوديني زوجي للجامعه وياخذني المهم . .
اناجالسه انتظره وكنت واقفه في الشارع واشوفه بعد كم سياره .. المهم جلست استناه
يوم وصل عندي .. وانا امشي بغنج الا واطيح ذيك الطيحه طراااااااااااااااااا اااخ
جلست على ألارض مايشوف الا راسي من عند شباكي جالسه اناظره ولا اتحرك ..
وكان الشارع مليان رجاجيل وبنات
واركب في السياره واهوميت من الضحك واجلس اصيح قلت ماتعرف تسمي علي !!
وحدة تقول اول ماتزوجت طحت عند باب المطبخ وانهبل زوجي وبسم عليك سلامتك حياتي وبعد مرور سنة طاحت بنفس المكان قالها عمى ماتشوفين ...
يالله كل وحده تقرا تحط موقفها اللي مر عليها ايام زواجها الاوليه لأخذ المعرفه والاحتياك....
التعديل الأخير تم بواسطة ام ساري وشموخ ; 06-01-08 الساعة 03:22 PM
|
06-01-08, 03:17 PM
جديد مواضيع قسم الاسرة والمجتمع
العرض العادي
