كاتب الموضوع :
دلوعه بكيفي
المنتدى :
الارشيف
الجزء السادس
الفصل الثاني
ماجد قام من همسها وجلس يطالع فيها وبعيونها الي اشتقلها كتير
قمر وهي تطالع فيه وعيونها مليانه دموع : قولي ا نالي قالته ام مجد كذب بليز ..
ماجد تأثر من كلامها وترجيها له انو ينفي كل شي ..
بس ايش يقدور ..
قرب منها وجلس جنبها على السرير .. ومسك يدها وباسها ..
ماجد : ادعيله ياقمر ..
قمر دمعت عيونها من الي قاله يعني ابويه مات .. والي قتله اخويه
يعني انا انتهيت ..
قمر بهمس : انا ولاشي من دونك يالغااالي ..
ماجد رفع راسه بعد ماسمع الي قلته
ماجد : ايش قلتي ؟؟
وجلس يطالع فيها .. وشافها مركزه نظرها على مكان معين في الغرفه
كانت تطالع في لاشي ..
مسكها من اكتافها وجلس يهزاها عشان تفوق
بس مافي فايده جلست تردد كلمه نفس الجمله
وكل مره صوتها بيزداد ..
ماجد : قمر حياتي .. فوقي .. الله يخليكِ ..
بس قمر كل مالها وتزيد
وكل مالها وصوتها بيعلى
وماجد مالقلى غير ينادي على الدكتور
وخرج من الغرف زي المجنون
ولقى في وجهوو السستر منى
ماجد : قمر مدري اشبهاا تعااالي شوفيها ..
السستر منى وهي تكلم السستر الي معها : نادي الدكتور وائل بسرعه
وراحت وراء ماجد على طول
دخلو الغرفه ومالقووا قمر
السستر منى : وينها ؟؟
ماجد جلس يطالع بالغرفه .. راح جهت الحمام ودق الباب ومالقى أي رد
فتحته ومالقى احد فيه ..
ماجد : مهي فيه
السستر منى : شكلها خرجت .. روح دور عليها .. وانا راح ابلغ الامن
ماجد مانتظرها تكلم كلامها وخرج بسرعه
وهو خارج جاء بينصدم بالدكتور
الدكتور وائل : اخ ماجد خير ؟؟
ماجد ما اعطه وجه وتركه وراح يدور على قمر حياته
قمره ونوره .. الي خلت قلبه يعرف معنى النبض
الي خلت حياته تعرف معنى الالوان
آآه ياقمري وينك .. وين رحتي وتركتيني
وتركتي قلبي الي يموووت عليكِ
----------
الدكتور وائل : سستر منى ايش صائر ؟؟
السسترمنى : المريضه قمر حسين مش عارفين وين راحت
الدكتور وائل : بلغي الامن بسرعه
السستر منى : اوك
وراحت بلغتهم وقالتلهم اوصافها
---------------
اف اف اف منه ايش يبغى ؟؟
تركت الكتاب الي كانت بتذاكره واراحت تشوف خالد ايش يبغى
اسيل : نعم امر
خالد جلس يطالعها من فوق لتحت
كانت لابسه بمبه تهبل عليها
ورافعه شعرها
خالد : ليش ماصحتيني اوديكِ المدرسه ؟؟
اسيل : لان ماابغى اروح
خالد : وليش ان شاء الله ماتبغي تروحي
اسيل وتبغى تحرقله دمه : كذا مززززاج .. وبعدين انا حره
خالد وهو يقرب منها : شوفي ياقلبي مااافي شي اسموو مزااج .. وغيااب عن المدرسه مره ثانيه مافي
اسيل وهي تبعد كل ماقرب منها: يااسلام مو على كيفك
خالد : لا على كيفي ياعيوني
اسيل : لا
خالد بعد ماشاف انها لصقت بالجدر حط يدينه عند راسها ووجهو قربه من وجهها
وجلس يطالع فيها .. ويتامل ملامحها .. ويشوف قد ايش بشرتها صافيه
وعيونها الكبار .. وشعرها الحرير ... ونفسه انامله تلعب بهشعر
اسيل قلبها جلس يدق بسرعه من اقترابه منها .. كان طولها يوصل لكتفه
بس هو كان راخي نفسه لطولها .. آآآه يااسيل قد ايش هو وسيم
عيونه دايما توديني لعالم ثاني .. وياعيني على انفه الي مثل حدت السيف
ماعمري شفت انف مثل انفه وجلست تتامل عيونه الي مركزه على عيونها
وراحو لعالم الكلام بالعيون
وكل عين بتعاتب الثاني
وماصحاهم الا رنت جوال خالد
بس خالد طنشه وجلس يتامل في الملاك الي قدامه
واسيل خجلت من نظراته اليم هي عارف ايش هدفه منه
اسيل : اممممم جوالك يرن
خالد ابتسم لان عرف انها خجلت منه
اسيل عصبت من ابتسامته : ليش تبتسم انا قلت شي يخليك تبتسم
خالد وهو يبعد عنها ويعدل وقفته: هههههههههه لا ولاشي
اسيل انقهرت منه ومشيت من جنبه .. وهو يوم شافها تبعد عنه
مسكها من يدها وقربها منه لين ماصار راسها لعند صدره ..
قرب انامله من عند دقنها ورافع راسها عشان يشوف عيونها
وقمر راحت بعالم ثاني .. حست قلبها بيخرج من صدرها
ااه ياخالد لوين تبغى توصلني
قول أي شي ياخالد عشان اقدر احبك
عشان اقدر انسى كل شي واعيش معاك
خالد حس انها تبغااه يقول مثل كل مره انو يحبها وانو وانو ..
بس ده بعدك ياااسوله .. لين مااخليكِ تندمي على كل كلمه وكل سبه قلتها ليه
واخليكِ تندمي على الكف الي عطتيني ياه
اسيل : خالد اتركني بروح اذاكر عندي اختبار بكره
خالد ابتسم عشان كذا : هههه عشان كذا غايبه
اسيل ذابت باابتسامته : اممم
خالد : اممم طيب شي كويس
وتركها ..
وهي رايحه سمعته يناديها
اسيل وهي تلتفت له : نعم
خالد : اول شي نفطر وبعدين تروحي تذاكر
وتحرك بيروح الصاله ..
والتفت لها وقالها : اه صح نسيت اقولك مدامك زوجة خالد جاسم
فانتي موحره هههههههههههههههههههه
وتركها وراح ..
وهي مابتسمع الا ضحكاته
دمعت عيونها ... آآه ياخالد ..
بس فجاء مسحت دموعها .. وقالت بنفسها مو انا ياخالد الي ابكي عشانك
ومثل مابتسوي فيه انا راح اسوي فيك
مو اسيل ياخالد الي تنكسر بسببك
وراحت جهت المطبخ وهي الود ودها تحطله سم بالكل
خالد كان جالس بالصاله ويقلب بالقنوات ويتذكر الي صار بينهم ويضحك
وشاف جواله يرن .. ورفعه يشوف مين .. شاف اسم ماجد
خالد : اهلين والله لسه بدري عن الدوام
ماجد : تعالي المستشفى بسرعه
خالد : خير ان شاء الله في شي ؟؟
ماجد : قمر فاقت .. وجلست تقول كلام ومو مفهوم .. وبعد مارحت انادي الدكتور
رجعنا ومالقينها ..
خالد ووقف : وين راحت
ماجد : مدري مدري .. قلبت المستشفى عليها ومالقيتها .. خالد والله لو صارلها شي اموووت
خالد : اهداء ياماجد وانا دحين جايك
اسيل كانت جايه تناديه للفطور .. وشافته واقف وشكله يخوف
وسمعته يهدي ماجد ..
اسيل : خالد ايش فيه ؟؟
خالد سكتها بنظره منه
خالد : خلاص اهداء وانا جايك ..
وقفل من ماجد وراح يلبس ثوبه
وراحت وراه اسيل
اسيل : خالد .. ايش فيه .. قولي
خالد وهو يلبس ثوبه .. : مافي شي .. بس ماجد يبغااني
اسيل : ليش قمر فيها شي
خالد طنشها وجلس يلبس شماغه وخرج من الغرفه
اسيل لحقته وحست انو في شي وقمر فيها شي
والي اكدلها يوم طنش سوالها ..
اسيل وهي تبكي : خالد لحظه
وراحت مسكته من كم ثوبه
اسيل : خالد الله يخليك قولي قمر مافيها شي ..الله يسعدك
خالد رق قلبه عليها يوم شافها تبكي
ومسكها وضمها لصدر وهو يقولها : لاتخافي ياقلبي مافيها الا كل خير
وهي يوم ضمها اتمسكت فيه وحست بالامان
اسيل : اكيد ياخالد
خالد بعدها عنو وجلس يطالع في عيونها: اكيد ياعيون خالد
وباسها من جبهتها ..
خالد : يله ياقلبي روحي كملي مذاكره بس بالاول افطري وانا ان شاء الله راح اطمنك عليهم اوك
اسيل : وعد تطمني
خالد مسح دموعها : وعد .. يله انا بروح .. بدك شي
اسيل : لا سلامتك ..
خالد .. الله يسلمك .. مع السلامه
وخرج وتركها .. قلقانه على اخوها وزوجته ..
بس انتبهت انو خالد ضمها لصدره وباسها من جبهتها .. ومسح دموعها
شافت حنيه فيه .. ماعرفها شافتها ..
هاده اول شي تكتشفه فيه ..
اه يا اسيل لوين راح توصلي مع خالد ..
وراحت تفطر وتكمل مذاكرتها
-----------
خالد كان ماشي بسرعه جونويه عشان يوصل لصااحبه ..
وجلس يتذكر كيف ضمها لصدره .. وكيف هي اتمسكت فيه
وكيف باسها .. وكيف مسح دموعها
آآآه يا اسيل وجلس يصارخ بالسياره : أحـــــــــــبها يانااااااااااااااااس
-------------
قلب المستشفى عليها .. دور حولين الممستشفى مالقهاا ..
يالله ياقمر وين رحتي .. راح اتجنن ..
وين ممكن تروحي ..
سمع احد يناديه من وراء ..
التفت ولقى خالد
ماجد : خالد مالقيتها ..
خالد : طيب دورت عليها ..
ماجد : مالقيت مكان مادورت فيه
خالد : طيب اهداء .. خلينا نروح ونشوف
لفو حولين المستشفى والاماكن القريبه منها ومالقوو شي
ماجد وهو يضرب الدركسون : وينها .. لنا ساعتين بندور ومالقينها .. وين راحت
خالد جلس يفكر ....
خالد : اسمع مو يمكن راحت بيت ابوها ..
ماجد : ممكن
وحوله طريقه بيت ابو راشد
وصل هناك بنص الوقت
ويوم نزل من السياره شاف باب البيت مفتوح
ماجد : خالد خليك هنا ..
خالد : طيب .. بس طمني
ماجد : طيب
ودخل البيت وهو يدور بعيونه على قمر حياته
دور بالصاله ومالقها راح المطبخ ومالقها
شاف غرفة ابو راشد مفتوحه .. وصوت بكي منها
راح يجري يشوفها ..
دخل الغرفه وشافها جالسه في الزاويه وتبكي وتهز نفسها مره وراء ومره قدام
قمر وهي مو منتبه لماجد : ابويه وينك ؟ .. ليش تخليني وتروح
ابويه انا بروح معاااك .. ماقدر اعيش هنا من دونك
ماجد يوم سمع كلامها على طول قرب جنبها ..
جلس جنبها ..
ماجد : قمر
ماحست فيه
ماجد : قمرياعمري شوفيني ..
قمر رفعت راسها : ابويه راح
ماجد : ادعيله ياقمر
قمر : راح وتركتني .. راح وتركت بنته الوحيده .. راح وتركني لوحدي
انا مقدر اعيش من دونه .. ابغى امووووت
ماجد يوم سمعها تبغى تموووت تجنن ومالقى الا نفسه يضربها كف
ومسكها من كتوفها : فوقي ياقمر .. فوقي .. انا موجود ..
انا احبك .. وانتي تحبيني .. ابوكي راح لربه .. راح لخالقه ياقمر
وانتي تبغى تموتي .... تبغي تكوني في نار .. ربك رايدك تعيشي ..
ياحياتي .. الدنيا لسه ما انتهت .. لسه قدامك حياه تعشيها .. عشان ابوكي وعشاني
سكت ماجد وجلس يطالعها
وشافها ساكته وتطالع فيه ودموعها وقفت
قمر : ماجد
ماجد : عيونه.
قمر : راشد مو لازم يعيش في هالدنيا .. لازم تلاقه .. وتدخله السجن
ماجد اتفاجأه من طلبها .. هو اصل مو تارك احد من الي يشتغلو عندوا الا مخليه
يدوروا عليه .. غير الشرط هالي عممت صوره فكل مكان
ماجد : لاتخفي ياقلبي
وضمها لصدره .. وهي جلست تبكي وتتمسكه فيه
قمر وهي تبكي : ماجد .. لاتتركني الله يخليك
ماجد وهو يمسح على شعرها ويبوسها : ماراح يفرقني عنك شي ياقمر حياتي
كفايه الساعتين الي عشتها من دونك .. اوعديني ياقمر انك ماتروحي مكان الا وتخبريني
قمر : اوعدك
---------------
تنمياتي لكم بقراءه ممتعه ^^
وسامحوووني على القصور
بس والله ضروف
وعندي مفاجأه لكم
باذن الله
راح انزل في الاسبوع الواحد
بارتين
يعني انتظروني بعد يومين
ببارت جديد وممتع
تحياتي ..
|
05-09-08, 04:34 PM
جديد مواضيع قسم الارشيف
العرض العادي
