كاتب الموضوع :
دلوعه بكيفي
المنتدى :
الارشيف
الجزء الخامس
الفصل الثاني
اسيل : الووو ... هلا والله
وعد وهي تبكي : اسيل ابغى امووت خسرت وليد خسرته ...
اسيل خافت يوم شافتها تبكي : وعد حبيبتي .. ليش تبكي ؟؟
وعد : خسرته يااسيل .. خسرت حبي الوحيد
خسرت الانسان الوحيد الي قدرني
اسيل : ايش خسرتي .. وعد وقطعه فهميني .. كيف خسرتيه ؟؟
وعد وهي تشهق من كثر البكي : هـ.... نـا ... د ..يــته .. جـــ...اس....م
اسيل وهي تصرخ : اييييييييييييييييييييييييش ... انهبلتي انجنيتي
خالد يوم سمع صرخة اسيل اتوقع انو في مصيبه صايره
خالد : اسيل .. خير ايش صاير ؟؟
اسيل : خالد لحظه بس ....
وعد يوم سمعت صوت خالد تذكرت انو اسيل امس اتزوجت
وعد : يؤيؤ اسيل اسفه وربي نسيت انكم امس تزوجتوا
خلص بعدين نتفاهم ..
اسيل : لا تعالي هنا حكيني كل شي .. ووريني ايش المصيبه الي سوتيها ..
وعد : اسيل خلص مو الان عيب زوجك معك
اسيل عصبت ونسيت ان خالد جالس جنبها وانفلت لسانها : زوج ايش انتي مصدقه انو خويلد هذا يهمني بشي .... ومالحقت تكمل كلامها
لان خالد يوم سمع كلامها ضرب فرامل في ننص الطريق
وجلس يطالعها بعيووون كلها غضب وكره .. اول مره يحس
انو اسيل بقساوه ده ..
اسيل بصراحه خافت يوم وقف السياره بده الطريقه
وصارت تطالع فيه خايفها ييعملها شي .. تتوقع يرميها بره السياره
لحظه لحظه اسيل يالهبله شوفي هالعيون الي تذبح
والوجه الوسيم الي اول مره تشوفه .. اوسم من اخوها ماجد
خالد ابيض وبياضه حلوه وعيونه وساع ورموشه طويله وسوده مشاء الله
وكان عامل سكسوكه .. وشعره يوصل لكتفه بس مرتب وكان لابس ثوب مطرز
وغتره بيضه كان طالع يجنن بعيون اسيل
خالد كان يطالع في اسيل وفي عيون اسيل الي كانت لابسه نقاب وعيونها باينه
اتجنن يوم شاف عيونها مكحله تهبل
نسيوا الدنيا كلها وماكن مافي أي احد الا هم ..
وخالد نسي كل الي قالته ونطق بالكلمه الي كان عاهد نفسه انو مايقولها لها
مسك يدها الي كانت ماسكه الجوال وقفل الجوال وقلها بكل حب
خالد : احبك ياحب طفولتي ومستقبلي ..انا عاهدت نفسي ما اقولك ..
وكنت راح اكتم هذا الحب بقلبي .. وكنت راح اردلك الصاع صاعين
بس قلبي مايطاوعني اعمل فيكي شي ..
بس كلامك جرحني يا اسيل .. انا اتزوجتك عن حب .. وكنت راح افديكي بعمري .. لو ماقلتي هالكلام .. كان ممكن اتحمل واسكت ..
بس انتي الي راح تتحملي كل الي يجيكي من اليوم ورايح .. وترك يدها ..
وشغل سيارته الي الناس بديوا يعملو رجه في الطريق وتحرك ..
وترك اسيل بحاله صدمه ..
---------
وصل شغله وبعد مادخل السكرتير ووقع الاوراق وخرج ..
ومسك جواله جلس يدور على رقم قمر حياتي
ارتسمت بسمه على شفايفه وجاء يضغط على زر الاتصال
الا يرن جواله رقم غريب .. استغرب .. فقرر يرد
ماجد : الو ..
...:........
ماجد : الووووو ..
....: الو
ماجد سمع الصوت الي كره حياته بسببها ..
ماجد : نعم مها خير في شي ...
مها : اول شي سلم وقول كيفك حبي ؟؟
ماجد عصب من اسلوبها وصوتها الي كله غنج ..ودلع
ماجد : اففف نعم .. صاير شي عشان تتذكريني ..
مها : انا طول عمري مذكرتك .. بس انت الي ناسيني .. مجودي انا اتصلت
بس عشان تكذب الي اسمعه
ماجد ابتسم لان عرف ايش تبغى ..
ماجد : وايش تبغيني اكذب ؟؟
مها : انك تزوجت وحدها اسمها قمر ..
ماجد : هههههههههههههههههههههههههه تقصدي قمري ايه تزوجت والحمدالله مبسوط
وسعيد معها .. خلص بس هذا الي تبغيه .. سلام
وقفل الجوال بوجهها وهو منتصر عليها .. وعلى طول اتصل على قمر
قمر سمعت جوالها يرن وراحت تشوف مين
وشافت اسم ماجد
قلبها ماتدري ايش صار فيه ..
بيدق بسرعه .. وخافت لا يفصل جوالها
وردت
قمر : الو
ماجد : ........
قمر : الووووو
ماجد : طلبتك عيدها ...
قمر استحت لان عرفت طلبه : ايش اعيد <<< سايقه الهبل
ماجد : عيدي كلمة الووو .. بليزززززز
قمر : هههههههههههههههه والله ياماجد انت شكلك فاضي ورايق
ماجد عامل نفسه زعلان : اها انا فاضي ورايق .. طيب يامدام
مع السلامه ..
قمر : ماجـ....
ما استنى تقول شي وقفل الجوال بوجهها ...
قمر تطالع بجوالها مستغربه اشبه ده ماقالت شي
خليني اكبر من هالرجال البزر واتصل عليه
اتصلت ولقت جواله مقفل .. ياااربي منك ياماجد
دحين ليش الزعل ده .. وجلست حوالي ساعه تتصل وجواله
برضوا مقفول .. لين ماياست ونامت على خطبة الجمعه
-----
وصلها لبيت اهله وجلس معاهم اشوي وبعد مافرحت امه فيهم
راح هو وابوه واخوه يصلوا لجمعه في الحرم
وجلست اسيل ومي وساره يتكلمو
ساره : ههههه والله يا اسيل ياكان امس يجننننن
ومحد كان شايل الفرح بالرقص الا صاحبتك وعد و خلود
يوم قالت ساره اسم وعد تذكرت انها كانت تكلمها بالسياره
قبل مايقول خالد الكلام الي قاله ...
اسيل : بنات بقوم اتصل على وعد .. بعد اذنكم
مي : اوك ياقلبي ونحنا رايحين نشوف امي ..
بعد مماراحوا .. اتصلت اسيل على وعد ..
رن رن رن
لين ما اخيرا ردت وعد
وعد : الو
اسيل : يله بسرعه احكيلي
وعد : اول شي وين خالد ياطويلت اللسان
اسيل : راح مع عمي يصلو .. بسرعه قولي ايش صار
وعد : ناديته جاسم
اسيل : وليش مو انتي ماتحبي جاسم
وعد : ما احبه ما احبه ... بس مدري ايش خلاني اناديه كذا
اسيل : طيب ايش كانت ردت فعل وليد ..
وعد يوم قالت اسيل اسم وليد صارت تبكي : قال خلص مايبغى يكلمني
جرحته يا اسيل جرحته جرح عمري ماراح انساه ..
اسيل : آآآه يا وعد وانا كمان جرحت خالد اليوم .. ومدري ليش شايله همو
ولا اني ما احبه ..
وعد : هه شكلنا ياصاحبتي حظنا في الحب .. نحس في نحس
انتي حكيني ايش قال خالد
اسيل : اقولك بعدين .. بس انتي قوليلي ايش راح تسوي ...
وعد : اسيل في موضوع خليني اتاكد منه واذا طلع صح ماراح اسوي شي
وبذات كويس الي صار عشان لا يتعذاب .. اما اذا ماطلع صح ..
راح احارب الدنيا كلها عشان يسامحني بس
اسيل : اية موضوع ؟؟
وعد : اقولك بعدين ... مو دحين ..
اسيل : ليش ؟؟؟
وعد : في وقتها يا اسيل .. المهم ياقلبي حاولي تكسبي خالد .. وانسي فادي
خلص الماضي خليه وراء ظهرك .. وخليكي للحاضر وللمستقبل
اسيل : ان شاء الله ياقلبي بذات بعد كلام خالد اليوم
وعد : ههه بعد ماترجعي من شهر العسل راح تحكيني كل شي اوك
اسيل : اوك ..
وعد : طيب ياقلبي تروحي وترجعي بالسلامه .. يله انا بنام
اسيل : الله يسلمك .. ونوم العوافي
وعد: مع السلامه
اسيل : مع السلامه ..
بعد ماقفلت من وعد .. ماطمنها كلام وعد .. بس ماحبت تضغط عليها
لانها تعرفها ماراح تتكلم .. بس جاء في بالها كلامها عن خالد .. ليش ما احاول اكسبه .. خلص فادي ماضي ..
ان شاء الله بحاول اكسبه ههههه بس بطريقة الجنان تبعي .. الله يعينك ياخالد
-------
بعد ماخلصوا من الصلاه وهم خارجين شافوا ماجد .. خالد ناده ماجد
خالد : مااااجد .. ماجد
ماجد سمع احد يناديه والتفت يشوف مين ...
شاف عمه وعياله .. راح جهتهم وسلم على عمه
ماجد: هلا والله بالمعرس كيفك ..
خالد : تمام والله وان تكيفك ؟؟
ماجد : تمام الحمدالله جمعه مباركه عليكم
ابو خالد : وعليك ان شاء الله
خالد شاف من بعيد الدكتور الي كان يعالج هند ... وقال فرصه يتاكد هو وماجد
خالد : اقول ماجد مو هذا الدكتور محمد الي كان يعالج هند
ماجد التفت مكان مما خالد يطالع وشافه : ايه والله .. ايش رايك نتاكد اذا هو ولالا
وشاف من الجه الثاني محمد صاحبهم : هههههه خالد شوفا لصدمه وهذا محمد كمان ناده بسرعه
خالد : ههههههههههههه والله صدفه حلوه محمد يااااهو محمد
محمد انتبهلهم وراح لهم
محمد : ياهلا والله بالمعاريس
ماجد : ههههه هلا فيك وعقبالك ...
محمد : ياشينك ياماجد ههههههه
خالد : هههههه المهم خلونا نجمع شمل الصحوبيه الورطه ده
محمد : افا ياذا العلم وش تقول انت .. اهو ياحليلنا متجمعين
ماجد : هههههههههه قصده محمد الثاني حمود ..
محمد : احلف هذا وينه كمان ماندري عنه من زماااان
خالد : التفت وراك وشوف
محمد التفت وشاف محمد صاحبهم ..
محمد : ياسبحان الله ولا اتغير .. خلونا نروح نسلم عليه
خالد : يعني هو .. طيب الحمد الله يله خلونا نروح
فهد : هههه انتو روحو جمعوا الصحوبيه الورطه يالعجايز .. وانا خلوني اروح اشوف صاحبي هناك واقف عند سيارته
ماجد : هههه قلت عجائزه هاه .. طيب اذلف وشو فمين يساعدك بالي ناوي عليه
فهد : افاااااا يا ابوخالد ماتوقعتك ترميني للنار لوحدي .. خلص همو بس انت ابو الشباب كلهم ...
محمد وخالد وماجد : ههههههههههههههه يعني تضحك عليه بكلمتين اقول اذلف لصاحبك ...
فهد : ههههههههه طيب يله اشوفكم ....
وراح فهد لصاحبه ويوم قرب جنبه كان معطيه ظهره
وفجاءه بووووووه
: يمه بسم الله ...
فهد : ههههههههههههههه طول عمرك راكز .. ياوليد
وليد : ههههههههه هلا والله بفهد ...
فهد : هلا فيك ... كيفك يارجال ؟؟
وليد وبنبرة حزن : عايشين .. انت كيفك ؟؟
فهد حاس انو وليد فيه شي : الحمدالله بخير ... اقول وليد يلا انا عازمك على الغداء من زمان عنك وعن سواليفك ؟؟؟
وليد : هههههه طيب بس انت الي عازمني ..
فهد : هههههه ايه بس انت الي راح توصلني
وليد : صار يله اركب
-----
كل واحد فيهم بطلب من الثاني يتكلم اول في الاخير ماجد اتكلم
ماجد : السلام عليكم اخ محمد
محمد الي كان يتكلم بالجوال وقطع كلامه والتفت فشاف اخو البنت الي حبها
من كلامها عن حزنها
الدكتور محمد : وعليكم السلام ... خلص اكلمك بعدين مع السلامه
ماجد : اسف قطعنا عليك مكالمتك ..
الدكتور محمد : لا عادي .. المهم كيفكم .. وكيف مريضتنا ؟؟
خالد : الحمدالله كلنا بخير
الدكتور محمد : الحمد الله
وجلسوا ساكتين فتره وفي الاخير محمد اتكلم
محمد : اخوي بسالك انت اسمك محمد سعد سعيد الــ ....
الدكتور محمد : ايه انا ... خي اخوي في شي ؟؟
ماجد وخالد ومحمد مصدومين واخيرا لقوه ...
---------
وهم جالسين يتغدوا وليد حكى فهد كل شي
وليد : هاه يافهد ايش رايك ؟؟
فهد جلس يفكر : بصراحه .. مدري .. تصرفها قووويه انها تناديك باسم حبيبها الاول
وليد : مو هذا الي ذابحني .. ماتوقعتها تغلط وتلخط بيننا ..
فهد : على الاقل انت موقفك احسن مني .. انا خنتها ..
وليد : ههههه لي شانت كمان تحب
فهد : هههههه ياليت حب .. بس .. لا ده كمان خطيبتي ومملك عليها
وليد : ابغى اذبحك .. وخنتها ...
فهد : ماضي وربي ماضي ..
وليد : ههههههههه طيب انت يبغالك جلسه .. بس انا لازم اروح تارك امي لوحدها في البيت ...
فهد : ههه طيب وصلني البيت
--------
بعد ماسلمو على بعض وانبسطوا في هالمفاجاه
الدكتور محمد : منجد مني مصدق .. خخخ اصحاب الطفوله ظهروا
محمد : هههه شايف كيف ..
ماجد : هههههه انا كنت شاك فيك من يوم شفتك في المستشفى
خالد : هههه اقول مجود انا الي قلتلك في البدايه صح
ماجد وهو يفتح جواله عشان ياخذ رقم محمد : هههههههههه طيب يافالح وسكت يوم شاف فوق 50 اتصال من قمر و10 اتصالت من هناء و5 اتصالات من هند وقلق عليها لانه نسى انو عمل نفسه زعلان
خالد : اشقيك ياماجد
ماجد : قمر متصله عليه فوق 50 اتصال
محمد : خير ان شاء الله .. طيب اتصل عليها ...
الدكتور محمد : خير ان شاء الله ياماجد .. دق على الاهل واطمن
ماجد بعد عنهم وراح يتصل عليها واتصل كذا مره ماترد واتصل على البيت
وبرضوا مافي رد بعدين اتصل على جوال هناء
وردت عليه على طول : ماجد الحق الحق على قمر قمر تمووووت
ماجد كان احد صفعه كف
-------
ماذا سوف تخبي لكم الحياة يا ابطالي ؟؟
اتمنى لكم قراءه ممتعه
تحياتي
|
29-06-08, 06:03 PM
جديد مواضيع قسم الارشيف
العرض العادي
