كاتب الموضوع :
دلوعه بكيفي
المنتدى :
الارشيف
الباااارت الجديد
الجزء الاول
الفصل الثاني
بعد هالصراخ الي صرخته اسيل نزلت هند وهي تقول :
خير خير ايش صاير
هنا : يعني ماتعرفين دلع هالبنت كل ماقلنا لها شي او كلمه ضدها تقول انتو ماتحبوني وتبكي وهذا كله منك ياماجد
ماجد : نعم نعم وليش ياختى كله مني o_O
هنا : لانه انت من هي وصغيرها عودتها على امر يطاع كل الي تبغاه موجود والي موموجد بتوفره لها على طول
هند: تبغى الصراحه ياماجد كلام هنا صحيح والله صايرين مانقدر نقول كلمه وحده لها
ماجد ساكت ويطالع في خواته ويقول (بينه وبين نفسه) كلامهم صح انا دلعتها زياده عن الازم بس ايش اسوي هذي مو اختى وبس احسها مثل بنتي كمان
ماجد : عن اذنكم
هند: وين ماجلست معانا
هنا :شكلك زعلت بس كلمة الحق ماتزعل ياماجد
ماجد : اولا انا مازعلت ثانيا ياهند انا تعباااانوابغى انام
هند : الساعه لسه 8 بالليل
ماجد : عارف بس انا صاحي من طلوع الشمس واكرف بالهشغل ورايح من عماره لعماره في عز الظهر والحين ابغى احط راسي وانام عندك مانع ياانسه هند
هند :o_O حشا اكلتني بقشوري لا ماعندي مانع تفضل
ماجد : يله تصبحون على خير وطلع فوق لغرفته
وهو رايح على غرفته مر على غرفة اسيل مايهون عليه تنام وهي زعلانه ولامكدر خاطرها حتى اذا انا ماسويت شي يحوج انها تبكي وتزعل عشانه
ماجد يدق الباب
دق .. دق ..
اسيل : نعم ماابغى اكلم احد
ماجد يفتح الباب : حتى انا
اسيل وهي تطالع فيه وعيونها كلها دموع : انت الاساس الي ماابغى اكلمه وتطالع في الجهه الثانيه
ماجد ويحاول يكتم ضحكته لانه عارفها وعارف حركاتها : افا افا يااسوله وبهون عليكي انام وانا مزعل اختى الصغنونه وتجيني كوابيس
اسيل : ايوه تهون وتمد لسانها
ماجد : طيب مدام مااهون بكره كلنا طالعين للمزرعه معاد انتي تصبحين على خير ^_*
اسيل يوم سمعت سيرة المزرعه انهبلت روحة المزرعه يعني ركوب الخيل وهي عشقها الخيول
اسيل : لالالا والله ماتهون وتجي تتعلق فيه وتبوس خده وماجد يضحك على حركاتها الي مااتتغير حتى بعد ماصارت في الثانوي
دق جوال ماجد
ماجد: يؤؤؤؤؤؤه من هالغليس الي يتصل دحين
اسيل : شوف مين ؟؟
ماجد وهو يطلع الجوال من جيبه ويشوف مين ويرد
ماجد : هلا والله بالقاطع خويلد
خالد : خويلد بعينك مني اصغر عيالك
ماجد : ههههههههه اسفين ياطويل العمر ... كيفك ؟؟؟
وكيف الاهل ؟؟
خالد : الحمدالله بخير والاهل كلهم بخير ... انت كيفك ؟؟
ماجد : مشي الحال ....هاه بكره متى طالعين ؟؟؟
خالد : والله مدري توه الوالد يقولي شوف ماجد بكره متى راح يحركوا
ماجد : اهاااااااااااااااااااااا يعني انت مو داق على شان تتطمن على ولد عمك عمي هو الي قالك تتصل
خالد : ههههههههههههههه ايوه وليش اتصل من حلاة الصوت الي راح اسمعه
ماجد : هاهاها على الاقل صوتي احلى من صوت مخوف البزوره
هههههههههههههههههههههههههههه
اسيل من اول تسمع الهرجه لان اخوها كان حاطه سبيكر بس وكانت كاتمة ضحكتها بس يوم قال ماجد هالكلمه انفرطت ضحك
وصارت تضحك بصوت عالي ومهي قادره تمسك نفسها وفطست من الضحك
خالد يوم سمع ضجك بنت عرف على طول الضحكه لي اكثر انسانها عشقها
خالد : لحظه لحظه هالغثه جمبك
ماجد : ههههههه ايوه
خالد : ياااااااااسلام اقول يوم تفارق كلمني
اسيل : نعم نعم وليش ماتكلمه قدامي ولا في اسرار لك وماتبغاني اسمعها
خالد ذاااب من صوتها : ايوه في اسرار عندك مانع اخت اسيل وبعدن ايش هالقافه ليش تتدخلي بالهرجه ماتحلي هالعاده السئه
اسيل دمعة عيونها هي ماتحب احد يكلمها بالاسلوب هذا
ماجد : هااااااااااي بس يافالح ياخالد هذاك بكيتها انا ماصدقت انها سكتت
اسيل طنشتهم وراحت على الاب توب حقها وفتحته ةشغلت النت ورجع ماجد يكلم خالد
يوم الخميس الساعه 6 الفجر
دخل البيت بعد ماراح يصلي الفجر غي الحرم دخل ولقى البيت هاااادي واستغرب لساتهم نايمين غريبه مو يبغوا يرحوا المزرعه بدري
جلس في الصاله وشغل التلفزيون وهو يفكر بحياته وبحياة خواته وامه ويتذكر كل شي صار السنين الي راحت كيف عمانه وعماته قامو عليه يبغوا الورث الي تركه له ابوه هو واخواته وكيف عمه ابو خالد وقف معاه وكان هو الوحيد الي سانده يوم حاولوا عمانه قدر مايقدروا ياخذون كل شي لدرجة انو هددوا ياخذون اسيل منهم لو مايتنازل عن الورث الله الله الفلوس تغير النفوس وبسبب الفلوس خسر البنت الي حبها من كله قلبه بس للاسف الفلوس اعمتها وخلتها تاخذ واحد كبر ابوها عشان تتمتع بالفلوس وتخلت عن كل شي ومن ضمنها حب الطفوله آآآآآآآآه بس اش اقدر اقول
وفي غمرة مشاعره وتفكيره نزلت ام ماجد ولاحظت على وجه ولدها الحزن وعرفت اش يفكر فيه
ام ماجد : السلام عليكم
ماجد يوم سمع صوت امه فزع مانتبهلها يوم نزلت ماجد وهو قايم يسلم على امه
ماجد : وعليكم السلام ياهلا بالغاليه كيفك ؟؟؟
ام ماجد : مدام انت وخواتك بخير فانا بالف خير
ماجد : الله يخليكي لنا يالغاليه
ونزلت هنا وهند
امين يارب
ام ماجد : هاه جاهزين
هنا : انا من زمان جاهزه ومجهز الاغراض كمان
ماجد : وانتي ياهند
هند : جاهززززه من زمااااااااان
ماجد : اكيد لانك راح تشوفي الحبايب ^_*
هند وجها صار احمر : بعد اذنكم بروح اشوف الحلى
ام ماجد وماجد وهنا : هههههههههههههههههههه
ماجد : الا وينها اسيل
هنا : اكيد بغرفتها على النت
ماجد : هنا خفى على اسيل اشوي مو كل ماتشوفيها تنتقديها ترا اسيل حساسه وماتتحمل هالشي وهي عندها فكره ان كل الي ينتقدها يكرها ومايحبه فلازم نستحملها لين ماتغير هالفكره
هنا : طيب بحاول بس يوم اشوف الغلط ماقدر اسكت
ماجد : انا ماقلت اسكتي وجهيها مو تصارخين عليها
ام ماجد : اخوكي معاه حق وانا امك
هنا : طيب
اسيل وهي نازله وعبايتها بيددها وباليد الثانيه الاب توب
اسيل : صبااااااح الخيرات ياحلى ناس ماعد ...... هي عارفه نفسها
هنا : شاااااااااائف
ماجد وهو يضحك : هههههههه ياهلا بالغلا كله
ودق جوال ماجد
ماجد : ياهلا خالد
خالد : اهلين فيك كيفك ؟؟؟
ماجد : تمام هاه جاهزين
خالد : ايوه خلاص ... الا اقولك وشغلك تتركه لمين انا وانت مني فيه
ماجد : لاتخاف في الي يسد المكان
خالد : طيب متى راح تمشون ؟؟؟
ماجد : خلاص نحنا جاهزين بس ننتظركم
خالد : اوك ربع ساعه ونحنا عندكم
ماجد : اوك مع السلامه
خالد : مع السلامه
ماجد : يله تجهزوا الحين راح يجون
كلهم : جاهزين
ام ماجد : ماجد روح خذ الاغراض الي عند هند وحطها بسياره
ماجد : ابشري يالغاليه
اسيل : انا بقوم اساعدك
بعد ربع ساعه كانو في الطريق رايحين على المزرعه
بعد ماوصلوا ونزلوا كل شي
اسيل راحت جري على الخيول هي وساره بنت عمها
عند الرجال :
ابو خالد : هاه ماجد كيف الشغل معاك
ماجد : اللحمدالله ياعمي الشغل ماشي
ابو خالد : الحمدالله
فهد : اقول يانسيب ايش رائك نلعب بالوت
ماجد : ههههههههه شكلك ناوي تفشل عمرك قدام الحبايب
فهد : لاياشيخ وايش قالولك مااعرف الا انا الي راح يعلمك
ماجد : تتحداى
فهد : ايوه اتحداك
خالد : هههههههههه الله قامت الحرب
زجلسوا على الارض فهد وماجد وخالد وابو خالد
وهم في غمرة الضحك والفوز والخساره سمعوا صوت واحد يسلم وهذا الصوت ياما كره ماجد
....: السلام عليكم
كل الي في المجلس قامو والفرحه الي كانت موجوده انمحت
وماجد وبكل صوت رجولي يهز المجالس : لابيننا سلام ولاكلام ومن الباب الي دخلته اخرج منه
**********************************************
اتمنى يعجبكم
ولنا لقاء
تحياتي لكم
|
03-01-08, 05:44 PM
جديد مواضيع قسم الارشيف
العرض العادي
