طبعا احنا ندلع البزورة ..ابو سنة ونص... وسنتين...
ونلعبهم هاللعبة...(( والله مو عارفة اشرحها مزبوط .. بس راح احاول.. واكيد اللي من الحجاز فاهمينها..
))
نمسك يد الطفل الصغير ونفتح كفه ....
ونمسك اصباع اصباع ونسميه ....... ونقفل اصباع اصباع ..على الكف...الى ان تلمس الاصابع
كلها كف اليد....
ونبدأ...
نمسك اصباع البنصر ونقول بطريقة فيها لحن ((
صغير وعاقل )) ونقفل هالاصباع على الكف
وننتقل و نمسك اصباع الخنصر ونقول ((
لباس الخواتم )) ونقفله ..
وننتقل ونمسك الوسطى ونقول ((
كبير ومجنون )) ونقفله..
ونمسك السبّابة .. ونقول ((
لحاس القدور)) ونقفلة ...
ونمسك الابهام ونقول ((
قتال القمول ))ونقفله ..
ولمن تنقل اليد...الاصابع على الكف....
نمرر اطراف اصابعنا على اليد وتتطلع ... وتتطلع... نوصل للكوع...
وكمان نطلع باطراف اصابع السبابة والوسطى...ونقول (((
فين القملة ؟؟ فين القملة؟؟))
ومن يوم مانوصل للابط....
ندغدغه ...وتلاقي هالطفل يضحك ههههههههههههههه
............................................................ ................
واكيد ماننسى شي تاني دايما نلعبه .... قبل ماتنزل المطره ..
او لمن بدنا نوم هالطفل.....
او حتى في اي وقت....
بنقول بلحن طبعاً....
(((
دوها يا دوها ... والكعبة بنوها ... وسيدي سافر مكة
وجبلي طرتة كعكة .... والكعكة في الخزن ....
والمخزن ماله مفتاح.... والمفتاح عند النجار....
والنجار يبغى الفلوس.... والفلوس عند العروس...
والعروس تبغى العريس... والعريس يبغى الولد..
والولد يبغى الحليب... والحليب عند البقر..
والبقر يبغى الحشيش... والحشيش فوق الجبل ...
والجبل يبغى المطر ... والمطر عند الله...
لا اله الا الله....)).
............................................................ ....................................
حلوة صح؟؟....هههههههههههههه
(( بتمنى تكون الفكرة وصلت
))
30-12-07, 03:51 AM
جديد مواضيع قسم الارشيف
العرض العادي
