السلام عليكم ورحمة الله وبركاته

هي مشكلة متعدده الجوانب فعلا ومعقدة وهنستعين بالله في حلها ^_^

المحور الاول انا شايفه انها بعيدة عن طاعة ربنا شوية لانها لو شغلت نفسها بالطاعه وبالقرب من ربنا ان شاء الله هتجد بغيتها ومش هتحس انها وحيدة خالص ومش هتحتاج انها تستعين بأي شاب ليكون ليها صديق .

المحور التاني انها غلطت لما هي وافقت تكمل معاه رغم ابداؤه اعجابه بيها وهنا المفروض نتعلم اننا منصدقش اي حد يقولنا مشاعر حب كدة وخلاص لو بيحبها كان طلب انه يخطبها ليه هي وافقت انها تستمر معاه في علاقة من غير متطلب انه يخطبها ؟ نخلي بالنا ان دي نهاية مشاعر الحب من اتخاذ اي خطوط عملية .

المحور التالت بقي هو انها عايزة الحل في انها تتخلص من هذه المشكلة هيا بما انها عارفه ان اللي بتعمله ده غلط فان شاء الله الامر هيكون سهل وهو انه زي ما قلت


في الاول انها تستعين بالله



وثانيا لا تغفل عن الدعاء خاصه اوقات الاستجابة ( وقت الثلث الاخير من الليل وهي ساجدة وبين الآذان والاقامة و ...)



ثالثا انها تبدأ تقرب من ربنا تكثر من الطاعات اكتر وووو ....



رابعا تشغل وقت فراغها بغير معصية الله مثلا القراءة او دخول المواقع المفيدة تتعلم منها شيء ،او انها تتعلم علوم شرعيه تدرس اشياء مهمة هتحتاجها كتير في الآخرة قبل الدنيا مثل العقيده والفقه وتعلم علم الحديث وووو...



خامسا تبعد عن الشباب خالص بقدر المستطاع سواء زمايلها في دراستها او الشغل (هي مذكرتش ) او عن طريق النت او عن اي طريق تاني وان شاء الله ده هيحصل لو هي استعانت بالله .

يبقي بالاستعانة بالله والدعاء وكثرة الطاعات والبعد عن المعاصي والاستتابة منها ان فعلت وشغل وقت الفراغ والبعد عن الشباب ان شاء الله هتشفي من هذا الداء .

ويارب اكون قدرت أوفق في عرض حل عملي في حل المشكلة دي .

وعلي فكرة كل الاسباب اللي ذكرتها في الحلول هي لحل جميع المشاكل كلهااا بلا استثناء طبعا ما عدا آخر سبب وهو متغير بحسب المشكلة يعني ان شاء الله ده حل لمشاكل القراء بصفه عامة ( مفيش حد معندوش مشاكل ^_* )

وان شاء الله ربنا يصلح لنا مشاكلنا ويرزقنا احل الصحيح فيها .

في حفظ الله