شكورة اختي على الجزء الروعة

وننتظرك

لولو عامله ايه والله زعلت لما عرفت انك هتغيبى الفتره الجايه بس فرحتللك لما عرفت انك هتجيبى بامبينو يملا حياتك ياقمر مبروك وربنا يقومك بالسلامه وترجعى لينا معاكى نونو موهوب زى مامته .
البارت رائئئئئئئئع بدات تفكى لغز القصه واحده واحده اهم احداث البارت اعتراف تركى لابوه .
اسلوب مشوق انك تقرى لحد ما تكملى للنهايه .
سلمى وسالم وسعود المثلث المترابطه اضلاعه بدون ما يدروا عجبنى ان سالم يشعر بشىء غريب ناحيه سلمى وكل شويه يقول انه لو كان عنده اخت ماكانش سابها ازاى اخواتها سابوها لوحدها .
اما سعود فبجد مضايقنى شايف هدى فى بنته يعنى ما كانش قادر يشوف امه فى هدى ومع ذللك استمر معاها برغم كل اعتراضاته الداخليه الواهيه لازم يرجع بلده ويحتوى بنته ويسيبه من اى تفاهات مسيطره عليه وبعدين ايه حكايته مع سلمى هو اكيد هيحبها بس شبح هدى هيسيطر عليه من جديد ومش من حقه علشان شاف مثال قدامه انه يحكم على غيره لا ده كمان بيعاملها بكل احتقار .
ناصر الشخص المتالم المجروح ياه ياالحان صعب عليا بشكل ولسه لما يعرف انهم ظلموا زينب وسابوها وحرموه من وليده اللى زى الشخصيه التقيه الراضيه ديه اكيد هيعذب نفسه كتير لما يعرف انه ظلم زينب .
اما حنان روضه وناصر على الطفله الجميله ساره فهو شىء جميل بس ما فيش حاجه تعوض عن غياب الاب والام.
تركى اااااه مش عارفه اقول ايه عليه عايزه اكرهه للى عمله بس فرحانه بتوبته بس ظلمه وحقده وغيرته اللى بثتها فيه امه بتقلبنى عليه اللى عمله كان فى منتهى القسوه وانعدام الضمير يارب يكفر عن اخطائه ويحاول يظهر الحقيقه يمكن ربنا يسامحه واهله يقدروا يسامحوه .
طبعا سميه وزوجها محتويين سلمى وبيعاملوها على انها بنتهم وده امر رائع انك تجد فى غربتك اشخاص يهتمون بك ولا يشعرونك بالغربه.
تسلم ايديكى وترجعى لينا بالسلامه امين يارب العالمين .

الحان الشوق حمد الله على السلامه ولو انى زعلانه كتيييييييييييير منك علشان ما طمنتينا عليكى وعلى صحتك لما رجعتى بس ولا يهمك افتقدناكى كتتتتتتتتتتتتتتتتتتتتتتتتتتتييييييييييييير وحمد الله على سلامتك كمان مره