انا وزوجي

الجزء الثاني >>>>>>>>


وقفت خمس دقايق ونا احس اني بحالة ذهول وعدم استيعاب للكلام الي سمعت ليش وليد ما قالي بس يمكن هلكلام موصحيح وهل بنتين قصدهم يفرقون بيننا بس هم ما شا فوني وانا داخلة يعني اكيد الكلام صحيح حسيت اني بدوامة مثل الغريق الي يحا ول يتعلق بااي شي ينقذة انتبهت من افكا ري على صوت خطوات احد جاي انتبهت على نفسي وعدلت وقفتي :ندى نورة انتي هنا امي تدورك الناس بيروحون تعالي نقعد معهم شوي :
قلت برتباك اية انا كنت اعدل مكياجي خلاص انتي روحي وانا الحقك بعد شوي
ناضرتبي ندى برتياب وقالت نورة انتي فيك شي احس لونك مخطوف
قلت وانا احاول ابتسم لا مافيني شي بس صداع خفيف انتي روحي اجلسي معم وانا جاية وراك راحت ندى من عندي وشكلها ماقتنعت بكلا مي
خذت شنطتي وزودت مكياجي علشان اخفي شحوبي رحت جلست عند عمتي شفت الناس اكثرهم راحوحسيت ان تفكيري مشوش وذهني مشغول حست عمتي بشرودي
قالت سلا مات تقول ندى انك مصدعة :قلت اللة يسملك لا بس صداع بسيط وبيخف
قالت اذا كنتي تعبانة روحي ارتا حي بغرفتك ما صدقت سعمت هلكلام كنت ودي اكون بلحالي قلت طيب تصبحين على خير وبست راسها ورحت قسمنا دخلت غرفتي رميت نفس على السرير ودموعي الي حبستها طول الوقت بدت تنزل ماني مصدقة وليد حبيبي كان متزوج وحدة غيري يعني ماكنت اول حب بحياتة مثل ما كان يقولي كنت احسب انك متميز عن غيرك لاكن للا سف طلعت خاين وكذاب مثلهم قعدت ابكي بحسرة وقهر
واحسساس بضلم والخيانة من اعز الناس
بعد فترة حسيت اني فرغت كل الي بنفسي قمت ورحت للمراية شفت عيوني مورمة وحمرا من الصياح قلت بنفسي خلاص انا لا زم اكون قوية ولا اخلي اي واحد مهما كان يستغفلني لازم اواجة وليد بهلكلام الي سمعت بس مو اليوم احس اني تعبانة وماني مستعدة للمواجة رحت اخذت لي بجامة برمودا سماوية ورحت غسلت وجهي عن اثار الدموع وغيرت ملابسي وانا قاعدة الم شعري سمعت صوت وليد يدخل قسمنا حسيت رعشة بجسمي ودقات قلبي زادت وتجمعت الدموع بعيوني بس حاولت امنعها بقوة المفروض ما اخلية يحس بضعفي دخل وليد الغرفة وجا لعند ي قال والهفة مبينة في صوتة تصدقين حبيبتي اشتقتلك كنت جالسة ومنزلة راسي مابي تلتقي عيون بعيونة اخاف انهار واطلع كل الي عندي صديت بوجهي الجهةالثانية جلس جمبي ودار وجهي استغرب وهو يشوف عيوني مورمة واثار البكا واضحة بوجهي
قال بهتمام :حبيبتي نواري وشفيك قلت وانا احاول اخلي صوتي طبيعي ما فيني شي قرب عندي وهو ينا ضرني بحنان حياتي قوليلي حد زعلك
ماقدرت امسك دموعي اكثر وانا اشوف نضرة الحنان بعيونة الي تعودت عليها قعدت ابكي بصوت مكتوم ودموعي تنزل ضمني وهو يمسح دموعي بيدةويهديني خلاص حبيبتي اهدي وقوليلي وش فيك :تذكرت كل الي سمعت والسبب الي خلاني ابكي ابعدت عنة وانا اقول بقهر مافيني شي رحت لسرير اخذت لي مخدة وغطا وقلت وليد لوسمحت ابي انام لحالي وما ابي ازعاج فتحت باب الغرفة وطلعت وليد يناضرني ومستغرب تصرفاتي

******************

رحت الغرفة الثانية حطيت المخدة على الكنبة انسدحت وتغطيت بلحاف قعدت شوي اتقلب وانا افكر بكل الاحدث الي صارت لي اليوم وافكر بنضارات البنت الي تنا ضرني بحقد غفيت وانوع الافكر تدوربراسي صحيت وانامفزوعة واصرخ واحس ان وجهي وجسمي عرقان

888888

>>وليد <<

كنت مستغرب وشفيها نور طلعت من الغرفة متضايقة وتبكي اكيد سمعت شي عن زواجي الاول
وشاسوي هالحين وشلون افهمها ان زواجي من منى كان اكبر غلطة بحياتي وني ماخليتها على ذمتي الا علشان عمتي امها المريضة كنت ناوي اطلقها بااقرب وقت
بس هالحين وش يضمن لي انها ترضا
تسندت على السريروانا افكر بهال مشكلة الي ما حسبت حدوثها بهالسرعة
نمت وانا افكر صحيت فجاءة على صوت صراخ نورة من الغرفة الثانية
نقزت من السرير ورحت اركض فتحت باب الغرفة لقيتها قاعدةما سكة صدرة بيدها وهي تبكي
رحت لها قعدت جمبها وانا اهديها لما شافتني ضمتني وهي تدفن راسها بصدري
وهي تقول لا تخليني وليد قعدت اسمي عليها واقرا عليها وانا امسح شعرها
حسيت انها هدت ونامت بحضني قعدت اتاء مل فيها وهي نايمة كان وجهها
فية براءة ونعومة والدموع متعلقة بااهدابة وخصل من شعرة الناعم لاصقة علىجبهتها
وشلون طاوعني قلبي اسبب لها هالخوف والالم شلتها بهدؤحطيتها على السرير غطيتها ونمت جمبها وانا اعاهد نفسي اصلح غلطتي بااقرب وقت
>>>>>>>>>>>>>>>>




انتبهت من نومي وانا انا ضر حولي مستغربة وش جا بني هنا كنت نايمة باالغرفة الثانية
فجاءة تذكرت كل شي الكا بوس لي حلمت فية كانو البنتين يلحقوني وانا اركض وخايفة
وهم يضحكون ضحكاة شريرة وفجاءة مسكوني وحاولو يخنقوني وبديت اصرخ بكل قوتي
انتبهت من نومي وانا اصرخ شفت وليد فتح الباب وجا لعندي حسيت بلا امان وانا اتمسك فية
شكلي نمت وهو جابني هنا
التفت مكان وليد ما لقيتة سمعت صوت الماءمن لحمام شكلة قام قبل شوي
شفت الساعة ثمان ما قمت اصلي الفجر اكيد اني نمت بعمق ولا حسيت بشي
بعدت الغطا ونزلت على طرف السريروانا رجع شعري لورا
اكيد بعد الي حصل امس وليد شك اني اعرف شي
خلاص انالا زم اكلمة في الموضوع اليوم وننتهي من هالسالفة
وانا افكر شفت وليد طالع من الحمام لاف على خصرة فوطة وينشف شعرة بفوطة صغيرة
نزلت راسي وانا اناضر بيديني
انتبة لي اني قايمة وجا لعندي شلون حبيبتي اليوم انشا اللة احسن
قلت اللحمدللة رفعت راسي وانا اقول بتردد وليد لاتطلع ودي اكلمك في موضوع
قال طيب انتي قومي صلي وبدلي وتعالي عندي في الصالة عشان نتكلم
قمت توضيت وصليت الصبح لبست تنورة جنز زرقا وبدي وردي فية كتا بة بلا ازرق
حطيت مكياج وردي كحلت عيوني ورفعت شعري على شكل ذيل بربطة
وردية رشيت شوي عطر هالحين احس اني جا هزة علشان احقق مع وليد
ضحكت يوم قلت احقق معة لان وليد وضيفتة محقق جنائي ودايم يحقق مع المجرمين
وهلحين هو بنضري مجرم وانا احقق معة

رحت الصالة وانا مترددة اخاف يكون الكلام صحيح ما زال عندي امل انة ينكر الكلام الي سمعت
توكلت على اللة ودخلت شفت وليد ينتضر ني ومجهز كوبين نسكافية وجبن وتست
ابتسم لي يوم شافني جيت وجلست جمبة عطاني كوب النسكفي مسكت الكوب بكل ايديني وانا اناضر فية احس اني مرتبكة مادري وشلون ابدا
حس وليد برتباكي وقال يشجعني قولي لي وش الموضوع الي بتكلميني فية

قلت بتردد وليد انت متزوج قبلي توقعت انة بيتفاجاء بس قال بهدؤ مين قالك
قلت انا سمعت وحدة امس تقول انك كنت متزوجها قبلي
قال صحيح كنت متزوج
قمت وانا احس جسمي صار يغلي من القر
يعني تقولها بكل برود ما كنك كذبت علي وخدعتني
قام وليد مسك ايدي وجلسني عندة وقال نورة اهدي احنا قاعدين نبي نتفاهم بهدؤ وبدون انفعال
انتي اسمعيني للااخر وبعدين قولي الي تبين
جلست وانا على اعصابي

قال صحيح انا كنت متزوج بنت عمتي بس هي كرهتني في الزواج وخلت حياتي جحيم
كل يوم مشا كلها وكل يم والثاني رايحة لهلها تشتكي اني ضا لمها واني ما اصرف عليها
مع اني ما قصرت عليها بشي لين كرهتني عيشتي وحياتي
وانا كنت اصبر نفسي علشان عمتي المريضة كان فيها القلب واخاف ان طلقتها اتسبب بتعبها
لاءن منى بنتها الوحيدة
وفي يوم خلاص طفح بي الكيل وما عدت اتحمل
رحت لعمتي وصارحتها اني ابطلق بنتها لاني ماعدت اتحمل
قالت عمتي انا ادري منكدة عليك وراعيةمشاكل وانت صبرت عليها وماقصرت
بس انا عندي طلب واتمنى انك ما تردني
قلت ابشري بلي اقدرعلية
قالت ابيك تخليها عندي كم شهر وماتستعجل بطلاق يمكن اللة يهديكم وترجعون لبعض
قلت خلا ص انا ما عندي مانع وطلعت من عمتي وانا اقول بنفسي اني مستحيل ارجع لبنتها
بس ابخليها هالكم شهر مثل ماطلبت وبعدين اطلقها

وبعد كم يوم سافرت علشان الدوام
وفي يوم من الايا م كنت اتغدا مع نا صر في بيتكم وقمت اغسل يديني وانا راجع كان باب الصالة مفتوح شوي وشفت بنوتة قمر ملاك اول مرة بحياتي اشوف مثلة فيها جمال رباني بشرة عسلية
وشفايف مليانة مثل الوردة المتفتحةوشعر حريرمرفوع وطايح منةخصل تزيدها جمال ونعومة
كنتي تكلمين بلجوال ولا انتبهتي لي وكل ما تبتسمين تبين غما زاتك الحلوة
مانبهني على نفسي الا صوت ناصر ينا ديني يوم حس اني تااخرت علية

كنت اسمع وليد يمدحني وانا مستحية وخدودي مولعةقلت ماتحس انك تبالغ يعني مو لهدرجة
قرب مني وهو يناضرني بحب
وقال بلعكس ما ابالغ تدرين اني بعد ماشفتك عجزت اشيلك من راسي حتى شغلي عجزت اركز فية وحسيت ان الحل الوحيد اني اتقدم لك وارتاح
بس قلت اكيد ايذا درت اني متزوج بتر فض وبياثر على قرارها

بعد ما صارحت ناصربرغبتي اني اتزوجك وهو كان عارف بزواجي والمشا كل الي حصلت لي
واني ناوي اطلق زوجتي : قال بقولها بس ترى ما اضمن انها توافك ايذا درت انك متزوج
حتى لو كنت ناوي تطلق زوجتك
قلت طيب لاتقولها اني متزوج علشان ماتاثر على قرارها>>>>>>>>

>>>>>>

حياك الله اختي بنت اهلك
منورة ليلاس ..

اتمنى لك التوفيق والتألق والمتابعه معنا

وان شاء الله تلاقي روايتك اصداء رائعه من المتابعين وتحققين اللي تطمحين له من خلالها ..

وموفقه يارب

مشكورين على ردكم وتشجيعكم

الجزء الثالث>>>>>>


قلت طيب لا تقولها علشان ما تاءثر على قرارها
قال بس انت تعرف صعب اني اخفي عليها شي مثل كذا مابي لو تدري بعدين تقول اني كذبت عليها وغشيتها
قلت انت اكثر واحد تعرف بمشا كلي مع زوجتي واني مستحيل ارجعلها مهما كان
كان ناصر متردد انة يوافق على كلا مي بس انا حا ولت اقنعة وهو واثق فيني واني ما راح ارجع لزوجتي اخر شي وافق وهو كان خايف انة يقولك اني تقدمت لك بدون مايقول اني كنت متزوج
وانا كنت ناوي اطلق منى بعد زواجي علشان عمتي ايذا شافتني متزوج تدري اني ماراح ارجع لبنتها

قلت ياسلام يعني انا لعبة عندكم تخططون على كيفكم بدون ما تقولن لي
كان وليد بيرد علي بس سمع صوت جوالة يرن في الغرفة وراح يرد علية
بعد ما راح وليد قعدت افكر باالكلام الي قالي وانا اقول بنفسي مستحيل اقعد معة ولا لحضة
قبل مايطلقها
شفت وليد جاي بعد ما خلص مكلم
قال نواري تجهزي ترى بنمشي العصرالدوام اتصلو علي فية قضية مهمة ولازم اداوم بكرا

ناضرتة وانا اتكتف قلت وانشا اللة ناوي تروح قبل ما تطلقها
نا ضرني وهو شكلة بدا صبرة ينفدوقال نورة اعقلي يعني بعد كل الكلام الي قلتة ومنتي مصدقتني
قلت بتحدي خلاص ايذا رجعنا انا بروح بيت اهلي وايذا خلصت شغلك وطلقتها تعا ل خذني
جا وجلس جمبي وحط ايدة علىكتفي ومسك وجهي بيدة الثانية وبدا يلمسة برقة وهو يقول
وشلون تبيني اعيش بدون اكسجين انتي تدرين انك هواي الي اتنفسة وني بدونك اختنق واموت
قلت بسرعة واندفاع بسم اللة عليك من طاري الموت
ابتسم لي وهو يشوف وجهي الي صاراحمر ودقات قلبي الي شوي وتطلع من صدري
قربة مني يربكني ويحسسني بقوتة ورجولتة وبضعفي وحاجتي لة
حاولت ابعد عنة بس هوكان ماسكني قلت وليد ترى تااخرت على صلاةالضهربتفوتك
ناضر ساعتة وهو ماسكني قال يةواللة تااخرت
انا بقوم هالحين وراجعلك مرة ثانية وين بتروحين مني

راح وليد توضى وطلع يصلي وانا قمت وصليت ونزلت عند عمتي والبنات علاشان اجلس معهم شوي قبل ما اروح اجهز اغراضنا
لقيتهم جالسين في الصالة يتقهوون سلمت عليهم وجلست معهم
قالت عمتي وشلونك اليوم انشا اللة احسن من امس
قلت الحمد للة اليوم احسن وانا اقول بنفسي ما تدرين ان المي النفسي اشد من الم جسمي
رجع وليد من الصلاة وجلس معنا قعد يسولف مع امة شوي وبعدين قال يمة ترانا بنمشي العصر

قالت ليش بتروحون تونا ما تهنينا فيكم
قال واللة يمة ودي نجلس بس الدوا م اتصلو فيني ولازم اداوم بكرا
قالت اللة يسا عدكم ويسهل طريقكم ويردكم سالمين
بعد ما قعدنا شوي قمنا نتغدا وبعدين رحت لغرفتي اجهز شنطتي وشنطت وليد علشان خلاص ما بقى شي ويااذن العصر
خلصت تجهيز اغراضنا وحطيتها على جمب
ورحت اصلي بعد ما صليت لبست عبا يتي وقعدت انتضر وليد
رجع وليد من الصلاة وقال حبيبتي جاهزة نمشي
قلت اية جاهزة شال وليد شناطنا وانا اخذت شنطتي الصغيرة
ونزلنا سلمنا على اهلة ودعناهم ومشينا

********

وصلنا بيتنا تقريباالساعة سبع المغرب كنت نايمة ولا حسيت اننا وصلنا
دخل وليد السيارة وجا يقومني نواري يا الة وصلنل قومي
تحركت بضيق وانا التفت الجهة الثانية ابي اكمل نومي
شاف ما فيني فايدة ما حسيت الا وانا ارتفع او وليد شايلني
او داخل البيت انتبهت وفتحت عيوني وليد وين رايح قال اسكتي كملي نومك
غمضت اعيوني ورجعت راسي على كتفة وانا احس النعاس مازال بعيوني
دخل وليدالغرفةونزلني على السرير شال عبايتي ولحفني وسكر الانوار وانا رحت بسابع نومة


********

انتبهت من النوم وانا احس اني شبعانة نوم ومصحصحة التفت شفت وليد نايم
اف انا ليش نمت كنت بقول لوليد يوديني لاهلي بس راحت علي
ناضرت الساعة اربع الفجرقمت غسلت وجهي وسرحت شعري وربطتة حسيت اني جوعانة
تذكرت اني ماكلت شي بعد الغدا الي عند اهل وليد
رحت المطبخ وسويت لي اكل خفيف وصبيت لي عصير
شلت الاكل ورحت الصالة قعدت اكل وانا افكر بحياتنا انا وليد مادري اروح لاهلي لين يطلقها
ولا اصبر واشوف اخرتها معاة
كملت اكلي وقمت وديت الصحن للمطبخ وانا طالعة سمعت اذان الفجر
رحت صليت وصحيت وليد يصلي ورجعت كملت نومي

,,,,,,,,

اليوم الثاني بعد ما رجع وليد من الدوام وتغدينا رجع وليد للمكتب يكمل شغلة وانل رحت للمطبخ
اغسل صحون الغدابعد ماخلصت وانا طالعة سمعت تلفون الصالة يرن
قلت بنفسي اكيد هاذي امي درت اننا جينا
رفعت السما عة وانا ابتسم سمعت صوت بنت غريب اول مرة اسمعة
قلت نعم من معي
قالت بصوت ممطوط وبدلع لو سمحتي وليد موجود
قلت بغيض خير انشااللةوين تبين انتي تسالين عن وليد
قالت بدلع عادي ما فيها شي ليش ما اسال عن زوجي
يوم قالت زوجي كاانها وجهتلي طعنة بصدري قلت وانا اتصنع البرود مع ان داخلي نار من القهر
لا موعادي تسالين عنة لانة خلاص مايبيك عافك وصار ملك وحدة غيرك ولا تتصلين مرة ثانية
ولا بتشوفين شي ما يرضيك وسكرت السماعة قبل ما اسمع ردها وفصلت التلفون
جلست على اقرب كنبة وانا احس رجليني ماتشيلني
واحس جسمي يتنا فض من الغضب مادري وشلون جتني القوة عشان ارد عليا بهالكلام
كنت اول شي مترددة اروح لاهلي ولا اجلس واشوف وش اخرتها
بس هالحين خلاص قررت ولا يمكن اتراجع >>>>>>
>>>>>>>د جلست شوي لين حسيت انة هدت اعصابي
قمت ورحت مكتب وليدوانا مصممة على الي في بالي
فتحت الباب بشويش شفت وليد جالس على المكتب وناشر اوراق القضية الي يحقق فيها
دخلت وقفت عند المكتب وهو ما حس فيني سرحت فية كان منزل راسة على الاوراق الي قدامة
وشعرة الكثيف مطول ونازل على وجهةورقبتة ومركز بملامحة الحادة على شغلة

انتبة لي وليد واني واقفة ورفع راسة:نورة تبين شي
نقزت من مكا ني لاني كنت سرحانة
قلت ااابي متى تقدر توديني لاهلي
قال انتي متى تبين تروحين :قلت ودي ارح ايذا خلصت شغلك
قال طيب انتي روحي تجهزي وايذا خلصتي تعالي اوديك وار جع لشغلي لاني مطول


طلعت من عند وليد ورحت لغرفتي اتجهز اخذت لي شنطة صغيرة وحطيت فيها اغراضي الضرورية والمهمة علشا ن ما يحس وليد اني ناوية اقعد عند اهلي
خلصت تجهيز شنطتي ورحت اخذلي حمام دافي يريح اعصابي المشدودة
طلعت من الحمام ولبستلي جلابية مريحة وناعمة لونها تدرجات الاخضر وفيها شك اسود
سرحت شعري ورفعتة على فوق ونزلت كم خصلة وحطيت مكيا ج خفيف ورشة عطر
خلصت متجهزة ولبست عبايتي اخذت شنطتي ورحت لوليد قلت ياالة وليد انا جاهزة

قام وليد وقال طيب انتضريني بروح ابدل واجيب مفتاح سيارتي
راح وليد وعيوني معلقة فية وشلونبتحمل بعدة كم يوم بس انا لازم اقوي قلبي
ايذا ماسويت كذا مارا ح يطلقها بسرعة وكل يوم طالعلي بشغلة
وانا ماعندي ستعداد اتحمل هالعلة كليوم تتصل علي تثير اعصابي وتغثني
خلص وليد مبدل وجا لعندي قال يا الة مشينا اخذ شنطتي وركبنا السيار ة
وطول الطريق وانا افكر بوليد وردت فعلة ايذا عرف قراري واهلي هل بيوافقون على قراري ولا بيلوموني التفت لي وليد ومسك ايدي حسيت بدفى ايدة على ايدي الباردة
قال ها حبيبتي في مين سرحانة
قلت فية احد غير حبيبي وليدافكر فية
ناضرني وهو يغمزلي ويبتسم اكيد :قلت طبعااكيد عندك شك في كلامي

قعدت اسولف مع وليد ما حسيت بالوقت الا حنا واصلين بيت اهلي
اخذت شنطتي وجيت بنزل مسكني وليدوهويناضربعيوني بحب وقال بفتقدك حبيبتي واللة
نزلت عيوني وانا احس بغصة بحلقي اخاف اتكلم يفضحني صوتي
قال مع السلامة نواري انتبهي علا نفسك وسلميلي على امك قوليلها اني مشغول ولا كان نزلت اسلم عليها:هزيت راسي موافقة علا كلامة ونزلت من السيارة


لقيت باب اهلي مفتوح دخلت وانا احس اني غايبة عنهم سنة مو كنها كم يوم
دخلت الصالة لقيت امي ومها يتفرجون على التلفزيون وحاطين القهوة والشاهي والحلى
شافتني امي وقامت من مكانها وهي تقول هلا واللة بحبيبتي الحمد للة على السلا مة

جيت اركض لها ورميت نفسي بحضنها ونفجرت ابكي من كثر ما كتمت في نفسي من الهم والحزن
شهقت امي وبعدتني عن حضنها وهي تنا ضر وجهي مستغربة
نورة بسم اللة عليك ليش تبكين فيك شي زوجك فية شي
اية يمة زوجي صار متزوج قبلي زوجي الي قلتي انة صديق وليد ولا يمكن يخفي عنا شي او يغشنا بشي طلع متزوج قبلي وزوجتة على ذمتة ما طلقها

نا ضرتني امي بذهول كنها مومصدقة الكلام الي اقولة
قالت طيب ناصر وشلون مايدري عن صديقة انة متزوج
قلت ناصر يدري بس متفقين مايقولون لي علشان ما ارفض وليد
مسكتني امي وجلستني على الكنب وجهة مبين علية الضيق والغضب من ناصر
ولتفتت على مها الي تنا ضرنا والذهول والخوف باين على ملامحا وكانها خايفة تنعاد معاناتها
وقالت روحي جيبي لختك ماء راحت مها وجابت ما شربت وانا احس ريقي ناشف

دخل علينا ناصر ناضرنا وهو مستغرب وشفيكم سلا مات
قالت امي منين تجي السلامة وها ذي سواتك بختك
قال ناصر وهو مستغرب وانا شسويت فيها
قالت امي شسويت وشالي ماسويت انت ليش تخفي عن اختك ان وليد متزوج
تغير وجة ناصر وقال بس هو وعدني انة يطلقاها اول ما يتزوج نورة وانا واضق من وليد انة ما يرجع في كلا مة:نا ضرني وهو معصب انتي هالحين ليش تبكين هو قالك انة مومطلقها
قلت وانا امسح دموعي لا ما قال بس انا ما راح ارجع لة لين يطلقها
قام ناصر وهو معصب وقال نعم وش قلتي
قامت امي وقالت ناصر يكفي الي سويت خل اختك بحالها ما لك دخخل فيها
التفتت علي وقالت نورة حبيبتي روحي ارتاحي بغرفتك ما عليك منة

قمت ورحت لغرفتي وانا افكر بامي من يوم تزوج ابوي وتركنا عندها وحنا صغار وهي
وهي تحاول تكون لنا بمكان الام والاب وتعوضنا بحنانها عن غياب ابوي ولا ترضى علينا وتحاول تحل مشا كلنا وتحتوينا
دخلت غرفتي وانسدحت على سريري ودموعي على خدي كل ما امسحها تنزل زيادة
اااةةيارب تسا عدني وتفرج همي انا وش سويت بدنيتي علشان يحصلي كل هاذا
استغفر اللة يا ليتني ماتزوجت وارتحت من هل هم

سمعت مها تدق علي الباب قلت تفضلي
دخلت مها وسكرت الباب وجت جلست عندي ومسكت ايدي وقالت نورة هلحين قولي لي ليش
هدموع والحزن كل شي بيتصلح انشا اللة
بعدين يا نورة يا حبيبتي على الاقل انتي زوجك يحبك واكيد بيسوي الي تبين
المفروض ما تستعجلين وتتركين البيت
قلت انا كنت ناوية اعطية فرصة واصبر كم يوم بس هي اتصلت على البيت اليوم تقول بكل بجا حة
وين وليد لين خربت مزاجي وقهرتني

قالت مها وانتي هالحين خليتي لها البيت وعطيتيها الفرصة تستفرد فية وتكلمة على كيفها
قلت وانا ناغزني قلبي تكفين يا مها الي فيني كافيني لاتزيدين علي
قالت مها انتي اختي حبيبتي وماودي يحصلك شي تندمين علية انتي فكري بكلامي
وانشا اللة مايصير الا الخير
قا مت مها وطلعت منالغرفة وانا احس راسي بدوامة من ا لتفكير ناضرت ساعتي
وكان وقت صلاة المغرب قمت ابصلي وانا رايحة سمعت جوالي يرن
رجعت وشفت المتصل<اغلى من روحي> يا ويلي هاذا وليد قعت اناضر الجوال شوي لين انقطع
الاتصال قفلت الجوال بسرعة وحطيتة في الدرج علشان ما اضعف واد علية>>>>>>

بعدما حطيت جوالي بدرج التسريحة رحت للحمام وانا قلبي يرقع

خايفة من نتيجة تصرفا تي اخاف يعصب علي وليد انا لين الحين

ما شفتة معصب علي بس على كلام نا صرانة ايذا عصب محد يوقف

قدامة اللة يستر بس

رحت توضيت وصليت بعد ما خلصت تسندت على طرف السرير

وانا احس راسي مصدع من كثر مابكيت بعدوقت

سمعت امي تدق الباب قلت ادخلي يمة

دخلت امي وهي تبتسم

جلست عندي وقالت هاحبيبتي انشا اللة ارتحتي هلحين

قلت الحمد للة ارتحت شوي بس احس راسي مصدع

قالت تبيني اجيب لك بندول قلت لا ما يحتاج يمة بيخف من نفسة بعد شوي

قالت امي نورة انتي ليش قافلة جوالك وماتردين على وليد

تو متصل على البيت يسا ل عنك

قلت طيب ليش ما قلتي لة اني بقعد عندكم كم يوم لين يطلق زوجتة

يعني لا يحا ول اني اتنا زل و ارجع لة هلحين

:قلت لة بس هو ما قتنع بكلا مي ويقول ايذا ما ردت علي بجي لبيتكم

واروح لها بغرفتها اتفا هم معها

انتي ردي علية وتفاهمي معة ما راح ينط عليك من الجوال

صراحة خفت ينفذ وليد تهديدة ويجي تنهدت بضيق وقلت خلاص

هالحين بفتحة
قالت امي زين انا بخليك ترتا حين وبروح اشوف وش صار على العشى

بعد ما طلعت امي فتحت جوالي ماكملت خمس دقايق الاهو يرن

نا ضرتة وبعدين سحبت نفس وانا احاول اهدي نفسي قلت الو

جاني صوت وليد وهو مليان شوق ولهفة

هلاواللة حياتي ليش ماتردين انشغل بالي عليك

رديت برود هلا وليد بغيت شي

قال حبيبتي وش فيك كذا تغيرتي علي فيك شي تعبانة

قلت اية تعبانة شوي ودي اقعد عند اهلي كم يوم

قال سمحيلي حبيبتي ودي اخليك تقعدين عند اهلك كم يوم

بس تعرفين اني ماقدرانا م وارتاح حتى شغلي مااقدر اركز فية
وانتي بعيدة عني

قلت بس انا ما عندي نية ارجع لين تطلق زوجتك ايذا جبتلي ورقة
الطلاق رجعت معك وغير هالكلام ماعندي

قال وهو يحاول يضبط اعصابة
نورة بلا حركات الاطفال هاذي هلحين منى وش جبها لك هي بمدينة
وانتي بمدينة بعدين تدرين اني مشغول ومنيب فاضي لدلعك

قلت وانا منقهرة من كلا مة خلاص خلني عند اهلي علشان ترتاح مني
ومن دلعي

قال بحزم نورة بدون كلام زايد تجهزي بعد نص ساعة اكون عندك

مع السلامة وقطع الخط قبل ارد علية

ناضرت الجوال وانا معصبة هلحين هو الي يخطي علي وبعدين يفرض كلا مة

اف بس بورية من تكون نورة طنشت وقمت طلعت من غرفتي

ونزلت عند امي ومها اشوف وش يسوون

لقيتهم يجهزون السفرة للعشى قلت اساعدكم بشي قالت امي لا ارتاحي خلصنا كنت بنا ديك تتعشين بس جيتي بوقتك

قعدنا نتعشا بس ما شفت ناصر قلت يمة وين ناصر قالت معزوم على زواج يقول لا تنتضروني على العشا

تعشينا وخلصنا رحت اغسل يديني وسمعت جرس الباب قلت بنفسي اكيد هاذا وليد

رحت وجلست في الصالة وانا ما عندي نية اطلع لة

شفت امي راحت تفتح لة وبعد شوي جت عندي

قالت نورة ترى وليد جا دخلتة بلمجلس روحي لة يقول ودة يكلمك شوي

تنهدت بضيق يمة ما ودي اروح لة تكفين خليني على راحتي

جلست امي جمبي وقالت يا نورة ياحبيبتي ترى المشاكل بين الزوجين ما تنحل بلعناد

ولا تحسبيني راضية انهم ما قا لولك انة متزوج بس هاذا الي حصل ولا نقدر نغيرة

وبعدين لازم تتفهمين ضروفة يمكن يكون مشغول يالة حبيبتي تعوذي من الشيطان
وروحي لة

قمت وانا منقهرة يعني لازم يتمم كلامة ناضرت شكلي بمرية الصا لة
الحمد للة ان جمالي طبيعي بدون غرورحتى لوكنت ما حطيت أي مكياج
كنت ب الجلا بية الي جيت فيهاوشعري مرفوع باهمال وطايح على وجهي كم خصلة

رحت ودخلت المجلس شفت وليد كان جالس ومنزل راسةومسندة بايدة

تنحنحت وقلت السلام عليكم

انتبة لي وقام واقف هلا واللة بحياتي الي ماقدر اعيش من دونها

جلست وصديت بوجهي وقلت اية هين العب علي بكم كلمة

جاوجلس جمبي حط ايدة على كتفي وضمني لة وباسني على خدي
وقال واللة ما العب عليك هاذي الحقيقة

قلت بدلع طيب ليش جيت وانا اقولك ابقعد عند اهلي

مسك وجهي وهو يناضر عيوني بحب قال تقعدين عندهم واهون عليك وانا اتعذب
وما اتهنى بحياتي من دونك

قلت المشكلة انك ما تهون علي

ابتسم لي بتسامة انتصار وقال اجل ايذا كنت ما اهون عليك يا الة حياتي
تجهزي وانا بنتضرك لين تخلصين


قمت من عند وليد ورحت شلت اغراضي البسيطة الي جبتهم معاي رتبت شكلي ولبست
عبايتي ورحت سلمت على امي ورحت لوليد وقلت ياالة انا جاهزة

قام وركبنا السيارة ورحنا لبيتنا بعد ما رجعت كنت مصممة اني ما اخلي منى
تخرب حياتي مرة ثانية

بعد كم يوم اتصلت منى كم مرة وكل ما تتصل اسكر السما عة وما اعطيها فرصة تتكلم
وشكلها ايست ان اتصالها يجيب نتيجة وانقطعت اتصالتها


بعد اسبوعين من رجوعي للبيت قمت من النوم وانا احس بدوار براسي وغثيان
حا ولت اقوم وحسيت اني بطيح على وجهي تمسكت بطرف السريروقفت وانا اتسند على
الجدار الي يروح للحمام

وصلت للحمام بعد جهد وانا احس بدوخة بعد ما طلعت من الحما حسيت اني تحسنت شوي
جلست على السرير وسندت راسي اخذت جوالي واتصلت على وليد بعد كم رنة ردعلي
هلا واللة حبيبتي
قلت بصوت مبحوح وتعبان هلا وليد انت مشغول هلحين

استغرب وليد من صوتي قال بخوف نورة وش فية صوتك تعبانة
قلت لا بس يوم قمت حسيت بدوخة وغثيان وهلحين احسن شوي

قال حبيبتي لا تتحركين من مكا نك مسافة الطريق وجايك

بعد ربع ساعة وصل وليد جا لعندي ناضرني وشاف وجهي الي صاير اصفر وذبلان
قال يا الة انا بروح اجيب عبا يتك عشان ا وديك للمستشفى
جاب عبا يتي وسا عدني البسها مسك ايدي وهو يسندني فتح باب السيارة ركبت سكر الباب
وركب هو حرك رحنا لمستشفى خاص دخلت عند الدكتورة فحصتني وسالتني كم سؤال
وبعدين قالت لازم اخذلك تحليل
خذتلي تحليل وبعد شوي طلعت النتيجة
قالت الدكتورة وهي تبتسم مبروك طلعتي حامل مثل ما توقعت
شهقت وانا مستغربة معقولة اكون حامل بهسرعة احس توني على الاطفال ومساوليتهم
نا ضرتني الدكتورة وقالت ليش مستغربة يا حبيبتي شي طبيعي تحملين ايذا كنتي ما تستعملين موانع حمل
قلت برتباك ادري شي طبيعي بس احس توي صغيرة على الحمل
بتسمت الدكتورة بتفهم وقالت لاتشيلين هم انشاء اللة بتقدر ين تعتنين بنفسك وبلبيبي
بس اهم شي انتبهي لاكلك يكون صحي ومغذي عشان ما ترجعلك الدوخة مرة ثانية
وانا كتبتلك هل فتمينات تستعملينهم بنتضام وبكتبلك مراجعة شهرية علشان متابعة الحمل

شكرت الدكتورة وطلعت من عندها وانا احس بوهن ورجليني يالة تشيلني
طلعت لوليد ولقيتة ينتضرني
اول ما شافني طالعة جا عندي :قال هابشري وشقالت لك الدكتورة
قلت بعدين اقولك اذا ركبنا السيارة
بعد ما ركبنا السيارة التفت لي وقال وهلحين ركبنا ما ودك تقولين وش قالت لك الدكتورة
قلت وانا ناوية احرق اعصابة
بصراحة مادري وش اقولك
قال وهوشكلة خلاص بد ينفذ صبرة نورة قولي بسرعة وش قالت لك بدون حركاتك هاذي
قلت الدكتورة تقول اني حامل
مسك بريك قوي شوي ولا صدمنا السيارة الي قدمنا
التفت الي وعدم التصديق والفرح باين على وجهة
قولي واللة :قلت واللة هاذا الي قالت لي لش منت مصدق
قال لا بس احس توك بيبي ما اتخيلك تصيرين ام


وصلنا البيت واول ما دخلنا شالني وليد وبدايدوربي في البيت وهو يقول
ماني مصدق لنك صرتي حامل واني بصير ابو
قلت وانا امسك بطني وليد شوي شوي علي بتموت اولدي

قال اوة سوري حبيبتي نسيت ونزلني على الكنبة برفق
بعد كم يوم بدا الوحم يزيد علي ورحت عند اهلي وما وافق وليد اني اروح الا لما شاف حالتي وخاف يصير لي شي وهو موموجود
جلست عند اهلي سبوع او وليد كل يوم يتصل يتطمن علي
بس في اليومين الاخيرات ما اتصل
حسيت اني احسن شوي واني مشتاقة لوليد جت على بالي فكرة ليش ما اسوي لة مفاجاة

رحت استعد وانا احس بل اثارة وانا افكر بردت فعل وليد
لما ادخل علية بدون ما يدري اني ابجي خلصت لا بسة ومتجهزة
وتصلت على ناصر وقلت لة يجي يوديني لبيتي
قال انزلي انا تحت عند امي
اخذت شنطتي ولبست عبايتي كنت جايبة مفاتيح لبيتي احتياط
اخذت المفاتيح ونزلت سلمت علىاهلي وطلعت مع ناصر وصلني لبيتي او وقف ينتضرني ادخل طلعت مفاتيحي وانا احس برعشة بيديني وقلبي يدق بسرعة سميت بااللة
وفتحت الباب بشويش علشان مايحس بي ودخلت
شلت عبايتي وعلقتها بلمدخل ناضرت شكلي بلمراية قبل ادخل
دخلت الصالة ماشفت وليدسمعت صوت التلفزيون جاي من غرفة الجلوس
قلت اكيد جالس هناك رسمت على شفايفي احلى ابتسامة وفتحت الباب
شهقت وانا فاتحة عيوني ومو مصدقةالمنضر الي قدامي
كان وليد جالس ومنى جالسة بجنبة وهي لاصقة فيةلا بسة قميص ناعم تحت الركبة وحاطة يدها على كتفة وتناضرة وتبتسم
حسيت الدنيا تدوربي وضلام يلفني واني اطيح بهوة عميقة ولا عدت احس بشي
من حولي >>>>>>>
>>>>>>>>>>>