مشكور اخوي سعود على ردك

ونشاء الله بكملها بأقرب وقت

تشرفت بمرورك

واااااااااااااااااااااااااااااااااااااااو مرة روعة
والله انقهرت على نورة وليد يقهر والله لو زوجي أذبحه
لاتطولين راح ننتظر بشوق

مشكوره حبيبتي سكون اليل على ردك الجميل

وهاذا الجزء الرابع>>>>>>




حا ولت افتح اعيوني احس راسي ثقيل وعيوني احاول افتحهم بصعوبة

جيت اتكلم بس حسيت لساني ثقيل
لفيت راسي احاول استوعب المكان الي انا فية شفت امي جا لسة عند راسي
اول ما شافتني صحيت فزت وجت عندي
:حبيبتي نورة صحيتي الحمد للة باستني وهي تداري دموعها
وشلونك هالحين انشا اللة احسن

نا ضرتها وانا مستغربة وش جا بني هنا وبدت ذا كرتي تستعيد الاحداث الي صارتلي
كنت رايحة لبيتي وتذكرت المنضر الي شفت ا ه ه غمضت عيوني
وحسيت بشي يضغط على صدري ويعتصر قلبي بقوة

تذكرت شي كان غايب عن بالي شهقت وانا امسك بطني يمة ولدي وشصار علية
قالت امي اهدي حبيبتي ما صار علية الا العافية انشاء اللة
يقول الطبيب ان وضع الجنين مستقراهم شي صحتك انتي

تنهدت برتياح الحمد للة
التفت على امي وقلت يمة من جا بني هنا
قالت جابك وليد وقالي اجي اقعد عندك لا نة يبي يرجع منى لاهلها
امس جاني مثل المجنون من العصبية يقول منب مرتاح لين اطلقها

ضحكت بستهزاءلا حرام ليش يطلقها توه ما تهنا فيها
قالت امي نوره لا تحكمين علية قبل تسمعين عذره يمكن هي باليتة بنفسها

قلت يمة تكفين قفلي هلموضوع ما لي خلق اتكلم فية

قالت طيب على راحتك اية تذكرت ما قلت لناصر ومها انك صحيتي
اتصلت امي على تلفون البيت وردت عليها مها قالت لها اني صحيت

بعد شوي سمعنا دق على الباب ودخلت مها ونا صر
سلمو علي وهم فرحنين بقومتي كانو جايبين معهم باقة ورد جوري
وسلة حلاو ومها مسوية شاهي وقهوة
وقعدنا نتقهوا ونسولف "بعد شوي التفتلي ناصر وقال اسمحيلي يا نوره انا السبب
بكل هلي يحصلك صدقيني يوم وافقت على كلام وليد ما كنت متوقع الا مور
توصل الي وصلت لة

قلت لناصر وانا احاول اخفي الحزن بصوتي
خلاص يا ناصر لا تحمل نفسك ذنب الي حصلي المسؤل
عنة وليد وانا لا يمكن اسامحة بسهولة مهما حاول يبرر موقفة
المهم قفلو هلموضوع ما ودي اتكلم فية

قام ناصر وهو يقول طيب انا ابروح اكلم الدكتوراشوف وش يقول عنك ومتى بيطلعونك
بعد ما طلع ناصر سندت راسي بتعب وانا افكر بك الاحداث الي صارتلي
وشلون وصلت هل حال


"""""

بعد يومين طلعت من المستشفى بعد توصيات من الدكتور اني ما اتعرض
للزعل والانفعال لانة خطر على صحتي وعلى الجنين

كنت منسدحة على الكنبة في بيت اهلي اتفرج على التلفزيون وبيدي الريموت
اقلب في القنوات بملل من اول ما جيت بيت اهلي وانا مقفلة جوالي ورافضة اكلم وليد
وحتى بعد مارجع وهو مطلق منى وجا عند اهلى وطلب يقابلني
رفضت اكلمة خلة يتعذب شوي يعني لازم يغمى علي واطيح واترقد في المستشفى
علشان يتحرك ويطلقها
زفرت بضيق زين يا وليد توك ما شفت شي

نبهني من افكاري صوت تلفون الصالة يرن نا ضرتة بكسل مالي خلق اقوم ارد
سمعت صوت امي من المطبخ تقول نوره ردي على التلفون انا مشغولة ما اقدر ارد
قالت بنفسي شكلة ما في فايدة لازم اقوم ارد
قمت بتثاقل ورفعت السماعة الوو
سمعت صوتة الرخيم الحنون يقول بلهفة نوره
زاد ت دقات قلبي ونحجرت انفاسي اه بس من هلقلب الخاين من يوم اسمع صوتة
انسى حتى نفسي سكت وانا اسمع صوتة يردداسمي
نوره حبيبتي ليش ماتردين نوره وينك

بس تذكرت الي سوافيني وقسيت قلبي
قلت بصوت قوي واثق
خير وشتبي فية شي ثاني ما جرحتني فية وجاي تقولة
قال نوره ارجوك سمعيني انا ادري لو تسمعين السبب بتعذريني
وبتدرين اني مالي أي ذ نب بلي صار
قلت ماا بي اسمع شي ولو سمحت لا تحا ول تكلمني مره ثانية
سكرت السما عة ورجعت انسدح وانا امسح دموعي الي كل ما امسحها
ترجع تنزل اكثر بس سمعت صوتة حسيت اني مشتا قتلة موت
لش سويت فيني كذ ليش تحب تعذبني يا وليد ليش
قمت ورحت لغرفتي يمكن انام شوي وارتاح من هلهموم

"""""""

استمر وليد طول اليومين كل شوي يتصل على البيت
وانا ارفض اني اكلمة كنت بغرفتي توي طالعة من الحمام متروشة
ولا بسة وقاعدة قدام المراية اسرح شعري
سمعت دق على الباب عرفتة اكيد هاذا ناصر من طريقة دقة على الباب
قلت تفضل ناصر"دخل ناصر وهو يقول وشدراك انة انا
قلت اعرفك انت اخوي حبيبي حتى دقك على الباب مميز
ابتسم لي وقال اللة يخليك لي يا احسن اخت في الدنيا
جلس على الكرسي الي جمب السرير وقال تعالي بكلمك بموضوع
جيت وجلست على طرف السرير وانا عارفة وشبيقولي بس سكت انتضرة يبدا
قال نوره متى بتحنين على وليد وتكلمينة هو قالي كل شي وانا احس انة معذور
بس هو حلفني ما اقولك لانة ودة يقولك بنفسة
قلت ناصر تكفى مابي اتك
قا طعني نا صر بعصبية انتي الي تكفين يانوره الا متى وانتي ما تبين احد يكلمك في
الموضوع لازم تكلمينة وتفهمين منة كل شي
علشان خا طري كلمية تدرين اني اتعذب كل يوم وانا احس اني سبب كل
هلحزن والا لم الي انتي فية
كنت مالة طول هاليومين وهم يزنون على راسي يبوني اكلمة امي ومها وناصر
قلت بنفسي خل اكلمة اشوف وش عندة وارتاح

التفت على ناصر وقلت خلاص خلة يكلمني اليلة وانا برد علية واشوف وش اخرتها معة
قام ناصر وهو مستا نس وكنة هم وانزاح عن راسة
وطلع وهو يقول بروح ابشر وليد

بعد ما طلع ناصر من عندي كنت افكر وشلون وافقت اكلمة بعد كل الي شفت منة
بس في شي باعماقي يقولي ان وليد بريء من كل الي صار
قمت وانا اقول خلاص اليوم بعرف كل شي رحت للمراية لميت شعري
وحطيت على وجهي كريم مرطب ونزلت

لقيت مها جالسة لحالها جيت وجلست جمبها
ابتسمت لي بحنان وقالت ها بشريني عنك اليوم اشوف النفسية حلوة
وخدودك موردة وش السبب
اه منك يا مها ما يغيب عنك شي لهدرجة مبين علي
هاه يعني فية شي مفرحك كنت حاسة
قلت بصراحة قررت اني ارد على وليد اليوم
قالت خير ما سوتي يمكن يكون معذور وانتي ما تدرين
قلت علشان كذا قررت اكلمة واشوف وش مبرراتة
جت امي وقعدنا نسولف
وبعد شوي جا ناصروقال يلة حطو العشى بروح ابدل واجي تراي ميت جوع


قمنا وجهزنا السفرة نزل نا صروقعدنا نتعشى
التفتلي ناصر وقال نوره تراي قلت لوليد انك بتردين علية وقال بيتصل
الساع 11 يعني بعد ساعة
غصيت باكلي اخذت كاس ماء وشربت قلت زين
بعد ما خلصنا قمنا نشيل صحون العشى للمطبخ
سا عدت مها على تغسيل الموا عين وترتيب المطبخ
ورحت لغرفتي وانا متوتره وخايفة بنفس الوقت
خايفة ان عذر وليد ما يكون كافي اني اسامحة
دخلت الغرفة سكرت الباب ولانوار رحت انسدحت على السرير وشغلت
الابجورة الي عند راسي
وقعدت انتضر وليد يتصل وكل شوي اناضر الساعة
اخيرا صارت الساعة 11وسمعت جوالي يرن
بلعت ريقي بصعوبه واخذت الجوال وانا احس برعشةبيديني قعدت اناضرة
شوي وهويرن لين قرب ينقطع

قويت قلبي وتوكلت على اللة ورديت
هلا وليد
هلا واللة بهصوت اخيراحنيتي علي ورضيتي تردين
قلت وليد
يا حيات وليد انتي ولهت عليك واللة
طيب ناصريقول انك تبيني ارد عليك علشان تقولي وش الي جاب منى عندك
تنهد وقال طيب بقولك بس بدون ماتقاطعيني لين اخلص كلامي اوكي حبيبتي
قلت زين ماني مقاطعتك

قال طيب انتي تدرين انك يوم كنتي عند اهلك اكلمك كل يوم اتطمن عليك
بس في اليومين الاخيرات انشغلت كان الشغل واصل راسي
حتى ما لقيت وقت اني اتصل عليك
في اليوم االسابع جيت للبيت بعد صلاة العشاء وكنت هلكان بس شغلي
قرب يخلص وكنت ناوي اتصل عليك واقولك تجهزين واجي اخذك لاني خلاص
ما عدت اتحمل بعدك
سويت الي كوب نسكفيه ورحت اكمل شغلي بلمكتب
ما كملت نص ساعة الا سمعت جرس الباب يرن استغربت من بيكون جاي هلوقت
قمت فتحت الباب ودخلت مره متغطيه ومعها شنطتها
استغربت وقعدت اناضرها ونا ما سكرت الباب
قالت بدلع مايليق عليها يعني بنطول عند الباب ما بتقولي تفضلي
توي استوعب انها منى بعد ما سمعت صوتها
سكرت الباب وقربت منها وانا الشياطين تتناقز قدامي وما اشوف من العصبية
مسكتها مع بلوزتها من عندرقبتها لين صار وجهها احمر وشوي ولا ختنقت
قلت وانا اصر على سناني من الغيض قوليلي هلحين من جابك عندي
قالت وهي شكلها خايفة من شكلي : جابني عمي راشد كان عندة شغل
خلصة ونزلني اورجع
قلت وانا اشدد قبضتي عليها طلعي جوالك وتصلي علية بسرعة مامداة يمسك الطرييق
اطلقتها علشان تتصل طلعت جوالها وتصلت ناضرتني بخوف
وقالت مايرد جوالة مقفل
ناضرتها بقهر وانا قول مقفول ولا متفقين انتي وياه يقفلة
تحسبيني غبي ولا اعرف مخططاتك السخيفة
واللة ثم واللة لولا خوفي من ربي وقدر عمتي عندي كان رميتك في الشارع بهلوقت
وبعدها تشوفين مخططاتك هي تنفعك ولا لا
سحبتها من ايدها ورميتها في المجلس ورميت عليها شنطتها
قلت واناا اناضرها بتهديداقعدي هنا ويا ويلك اذا شفتك داخل البيت
سكرت الباب ودخلت وانا اغلي من الغضب
رحت للمكتب وحاولت اكمل شغلي بس مافي فايدة وشلون اكمل شغلي
وهزفت خربت مزاجي

قمت ورحت لغرفة الجلوس فتحت التلفزيون
وقعدت اقلب في القنوات لين لقيت برنا مج اعجبني
احس اني محتاج ترفية من زمان وانا ضاغط على نفسي في الشغل
انسجمت في البرنا مج الي قاعد اتفرج علية
ونسيت اني خليت الباب مفتوح ما حسيت الا بشي يتحرك جمبي
التفت ولا منى قاعد جمبي ولابسة قميص ناعم وقصير وعاري وتبتسم لي
على بالها تغريني ما درت ان عندي الي تغطي عليها وعلى عشر من امثالها
بجمالها ونعومتها
توي بلتفت عليها وانا ناوي اادبها هلمره وشلون تجي وانا قايل لها ما تتعدى المجلس
بس بذيك الحضة جيتي انتي وفهمتي الي شفتي غلط وصار الي صار

تنهدت وانااسمع وليد يتكلم احس انة صادق بكل كلمة يقولها
قلت اسمحلي وليد اني شكيت بحبك لي وما عطيتك فرصة تشرح لي موقفك

اه بس يا حياتي لو تشوفين وش حصلي يوم شفتك طايحة قدامي بغيت انجن وارتكب في منى جريمة ومارتاح بالي لين وديتها لهلها وطلقتها
هي تشوف نصيبها وحنا نرتاح بحياتنا
المهم ما علينا منها قولي لي حياتي انك سا محتيني على كل الاالم الي سببتة لك

خلاص وليد سامحتك انت مالك ذنب هي الي جت لك
يا حبي لهلقلب الطيب عساني ما انحرم منة نشا اللة طيب متى اجي اخذك تراى خلا ص
ماقدر اصبر اكثر من كذا
قلت وانا ناوية اتغلى علية شوي وليد ودي اقعد زود يومين توي احس اني تعبانة
قال خلاص اذا صرتي تعبانة تعالي عندي وانا اخدمك واحطك بعيوني
تسلملي عيونك واللة

قعدنا نسولف ما حسينا بلوقت لين اذن الفجرسكرت من وليد ورحت اصلي
بعد ما قال وليد انة بيجي يا خذني بكرى
بعد مارجعت لبيتي بيومين كنا جالسين نتفرج على فلم جايبه وليد
كنت حاطه راسي على كتف وليد وفاكه شعري الي طايح على ضهري بنعومه
ولافه ايدي على خصر وليد وهو حاط ايده على شعري ويالعب فيه
كنا منسجمين مع الفلم ما خرب علينا الا صوت جوال وليد
ارفعه وكان بيقفله بس صارت امه متصله


ردعليها هلا والله بلغاليه
الحمد لله كلنا بخير
نورة هاالحين احسن الحمدلله
..........................
والله مادري متى نجي يمكن هل اسبوع اذا ما كان عندي شغل
...............
حتى حنا والله اشتقنا لكم
البنات وش اخبارهم
..............
ايه عارف وشلون متى هلكلام
.............
بس موكنها قريبه وندى موافقه
.............
زين زين اهم شي انها راضيه
وبوي قلتوله يقدر يجي
الله يستر ان ما هّّون وندى اكيد بتتضايق
..................
الله يسلمك يبلغ انشا اللة
سلميلي عالبنات مع السلامه

سكر السماعه وقال ترى امي تسلم عليك

: الله يسلمها من كل شر

:انا قلتلك ان ندى مخطوبه من زمان لولد عمي حمد
بس ما حددو موعد الزواج
وامس جاهم عمي وقال نبي نسوي الملكه عا ئليه
الخميس الجاي والزواج يكون يكون بعطلة العيد لان الاجازه
ما بقى عليها غير اسبوعين وتخلص
ومايمديهم يحجزون ويستعدون

: الله يوفقهم انشا الله
بس وليد ما عندي فستان للملكه واخاف ما يمديني اتجهز

: بيمديك انشاالله بوديك السوق وخذيلك فستان جاهز

:زين بس متى توديني

:وش رايك اليله علشان بكرى يمديك تجهزين باقي اغراضك
ويوم الاربعا الفجر نمشي

: خلاص بس بعد ما اخلص من السوق تعزمني على مطعم وانا بختاره

: اسف حبيبتي ما اقدر عندي شغل بخلصه اول مانرجع اخاف نتأخر
ولا يمديني عليه

: اف بس كل ما قلت ابي شي قال عندي شغل
صديت بقهر وقلت خلاص مابي منك فستان ولا ابي شي علشان ما اعطلك عن شغلك

:قرب مني ومسك وجهي وداره لين صارمقابل وجهه
المشكله انك تعرفين نقطة ضعفي الوحيده ما اتحمل زعلك
مع انك اذا زعلتي تصيرين روعه تجننين

: ضربته على كتفه يعني تستمتع بزعلي خلاص ابعد عني مالي خلقك بقوم
حاولت اقوم بس كان ماسكني بقوه و مستحيل اقدر اتحرك
قعدت بيأس ونزلت اعيوني وانا مبوزه

:يا حلو الزعلانين والله خلاص حياتي الي تامرين فيه يصير

: ابتسمتله بدلع وانا عارفه تأثير بتسامتي عليه وقلت مشكور حبيبي وبوسته على خده
ارتخت مسكته لي وانا ستغليت الفرصه ورحت اركض للغرفه انتبه لي وقام وراي
وهويقول وين بتروحين عني اوريك
وصلت الغرفه وكنت بفتح الباب بس هو كان اسرع مني ومسكني
:قلت وانا الهث من الركض واضحك بنفس الوقت خلاص هزمتني



:رحنا لسوق ودرت اكثر المحلات ولا عجبني شي لين شفت وليد بدا يعصب علي
اخيرا لقيتلي فستان اسود شكله حلو وناعم واخذت معه نعال وكسسوار
بعد ما خلصت من السوق رحنا تعشينا بمطعم ماريز
رجعناللبيت متأخرين كنت ما اشوف طريقي من التعب
شلت عباتي ونمت مثل الميته وانا ما احس بلي حولي

اليوم الثاني جهزت اشناطنا والاشياء الي احتاجها
وبعد ما خلصت رحت اسلم على اهلي بس امي لزمت علي اتعشى
وقالت اتصلي على وليد يجي يتعشى معنا بس وليد اعتذر يقول مايقدر عنده شغل
بيخلصه قبل ما نسافر


مشينا يوم الاربعا بعد صلاه الفجر
وصلنا اهل وليد السعه عشر ونص تقريبا
دخلنا و لقينا ام وليد والبنات جالسين ينتضرون وصولنا
سلمنا عليهم وجلسنا نسولف معهم
:التفتت علي ام وليد وقالت بشريني يبنيتي هلحين وشلون صحتك
اوشلون وليدي
: رد وليد بلقافه انا الحمد لله بخير :
:ناضرته بغيض مشكله القافه هي تقصد ولدي انا مهب انت
: قال اخ بس يعني هنتفه من هلحين بيشاركني غلااي عند امي
: ردت عليه امه وهي تناضره بحب وفخر انت راس المال محد يلصل غلاك
ندى: ياسلام يعني كل الحب والغلا لوليد وحنا عيال الناس
وليد : اسمعو تكلمت العروس انتي المفروض تستحين زواجك بكرى بتكونين
اغلا وحده عند حمد
ضحكنا على ندى الي حمرت من الفشله
بعد شوي جابو الفطور وافطرنا
قعدنا نكمل سواليفنا لين اذن الضهرقام وليد يصلي
وانا قمت بروح لقسمنا
احس اني تعبانه من الطريق وقلتلهم لا تنادوني للغدا بصلي وانام
دخلت قسمنا ورحت لغرفتي
اول ما شفت السرير حسيت اني بس ودي انام
جرجرت نفسي للحمام بكسل توضيت وصلت ورميت نفسي على السري
حتى ما بدلت ملابسي ورحت بسابع نومه من التعب

يوم الخميس الي هو يوم الملكه قمت من النوم متأخره صليت الضهر ونزلت
بعد ما تغدينا حاولت اساعدهم بس عمتي والبنات
ما خلوني اسوي شي بس انا اصريت اني اساعدهم بلي اقدر عليه مع ان كلشي جاهز
ما بقي الا لمسات بسيطه وكل شي يكتمل
كان عندهم صالتين مفتوحات على بعض وحده صغيره الي دايم يجلسون فيها
والثانيه كبيره مخلينها للمناسبات
لا حضت عليهم البساطه رغم غناهم كانو حاطين في الصاله
الكبيره كوشه بسيطه ومرتبه
خلصنا من كل الترتيبات واخر شي بخرنا البيت

دخلت غرفتي وانا احس بلارهاق والتعب بجسمي مع اني ما سويت الا اشيا بسيطة
رحت للحمام وعبيت البانيو ماء دافي وحطيت فيه زيوت عطريه واسترخيت
فيه نص ساعه لين حسيت كل التعب راح عن حسمي وحسيت اني نشيطه
قمت وغسلت شعري بشامبو طلعت من الحمام بعد ما لفيت جسمي بفوطه ولفيت على شعري فوطه ثانيه
رحت فكيت الفوطه عن شعري وستشورته
كان شعري كثيف وطويل يتعدى اخر ضهري ومقصصته مدرجات اول وحده توصل كتفي ومشقرته خصل ثلجي
لبست فستاني الاسود كان فيه حمالات ماسكه وفيها كرستال ملون صغار وكبار
وعلى اليدين حبل ملفوف يبدا من عند الكتف على شكل x وفيه حزام نازل تحت الخصر
فيه حلقات فضيه
حطيت مكياج وضل مخملي ورسمت عيوني بالكحل السايل وحطيت على رموشي مسكره
اخر شي حطيت روج كرزي وحطيت عليه لمعه شفافه
رشيت عطري المضل وانا جايه بطلع اشوف ندى وش صار عليها خلصت اولا
انفتح الباب ودخل وليد
قعد ينا ضرني وهو مبهت كنه ما صدق ان هاذي انا
كان واقف بلباب بعد ما سكره وماسكه
ابتسمت له وقلت لوسمحت ممكن تبعد عن الباب شوي >>>>>>






ابتسمت له وقلت ممكن تبعد عن الباب شوي

مسكني وقال تعالي وين رايحه
:ضحكت بدلع وقلت وين بروح يعني بروح عند ندى بنزل معها

:لف ايدينه على خصري وقربني له لما قربني شميت ريحه عطره الرجالي القويه
مختلط مع ريحة البخور كان كاشخ ب الثوب والغتره البيضا والعقال
مع ملامحه الوسيمه وبشرته القمحيه صاير روعه
حسيت اني قصيره عنده مع ان نعالي
كعبها رفيع
كان يناضرني نضرات اعجاب وعشق
نزلت راسي وطاح شعري على وجهي بنعومه
رفع شعري بيده بس رجع ينزل ثانيه
نسيت نفسي وندى وكل شي بهدنيا غير قربي من وليد
كنا عايشين بعالمنا ونا سين كل شي
ما صحانا الاصوت الباب يندق بقوه نقزت من حضن وليد وانا خايفه
:ابتسم وليد وقال وش فيك خفتي اكيد تأخرنا عليهم
وسوو هلازعاج لاني تارك الضيوف وجاي اقابلك
تصدقين نسيت وش كنت جاي علشانه
:قلت طيب وليد افتحلهم تأخرنا عليهم
راح وليد يفتح وانا لحقته اشوف وش صارعلى ندى




دخلت على ندى ولقيتها مخلصه وتنتضرني
كانت قمر مشاء الله
فستانها جزري مع ليموني مخصر على جسمها لين نص الفخذ وبعدين
مكسر وفيه طبقات على شكل مربعات وله ذيل يسحب
وحاطه مكياج ذهبي على بني
جيت وباركت اها ومسكت ايدها لقيتها بارده وشكلها خايفه
التفت وماشفت احد من البنات قلت وين البنات ليش مخلينك لحالك

: انا قلتلهم اطلعو غثوني بتعليقاتهم البايخه واناخايفه و متوتره ومالي خلقهم
شديت على ايدها وانا اطمنها لا تخافين حبيبتي
توكلي على الله ونشا لله مايصير الا الخير


نزلنا و كانت الصاله مليانه حريم كل اقارب وليد جايين
كا نت ندى تمشي بثقه وهي رافعه راسها
لين وصلت مكانها وجلست
جوالحريم وسلمو عليها وباركولها

سلمت على الحريم كلهم بس ما شفت منى
كنت خايفه من مواجهتها اخاف تجرحني بكلمه وانا مااحب المشاكل والهواشه
صراحه استغربت عدم حضورها وصار فيني فضول ودي ادري وش السبب
بس تذكرت المثل الي يقول ابعد عن الشر وغنيلوه

بعد ما قامو الحريم للبوفيه يتعشون
اتصل علي وليد وقال خلي ندى تجي للمجلس
بيشوفها زوجها
رحت لندى وانا عارفه انها بتكون خايفه الله يعين عليها
رحت عندها وقلت ندى حبيبتي وليد يقول تعلي للمجلس حمد بيشوفك
نا ضرتني بخوف وقالت تكفين نوره قولي لوليد ما قدر هلحين مره ثانيه
تنهدت واناعارفه ان هاذا بيكون ردها
وش هلكلام ياندى الرجال جالس ينتضرك وهوهلحين صار زوجك
يعني قوي قلبك وروحي علشان تتعودي عليه بعدين هو ولد عمك موغريب
وانا قاعده اقنع فيها اتصل وليد مره ثانيه
يقول ليش تاخرت خافت ندى يعصب عليها وليد وهي تهابه وتحترمه بنفس الوقت
قامت وهي ماسكه ايدي ورحت معها
لقينا وليد ينتضرنا
بعد ماراحت ندى مع وليد

رقيت لقسمنا ودخلت غرفتي وانا تعبانه بعد هاليوم المرهق
جلست على الكنبه وسندت راسي وانا اقاوم النوم بنتضر وليد
لانه يوم جبت له ندى همس بأذني انتضريني يا ويلك اذا جيت ولقيتك نايمه
حاولت اقاوم النوم بس عجزت حسيت جفوني يثقلن
واخر شي غلبني النعاس ورحت بنوم عميق

فزيت من النوم وانا احس اني متضايقه
ناضرت وشفت نفسي في فستاني ما بدلته تذكرت اني نمت على الكنبه
وش جابني لسرير
اكيد وليد شهقت وانا اتذكر ان وليد قالي انتضره تخيلت شكله وهو معصب يوم
شافني نايمه ابتسمت والتفت عليه شفته نايم بعمق
قمت بهدؤ ونزلت من السرير ورحت ابدل ملابسي وارجع اكمل نومي


مشينا من عند اهل وليد يوم الجمعه الصبح بعد ماودعناهم
وصلنا بيتنا مع اذان العصر
نزل وليداغراضنا وشناطنا وراح يصلي وانا رحت اشيل عباتي
واخذلي دش يريحني

""""""""

بعد سبوعين من رجوعنا بدت المدارس والجامعات
دوماتهم وكنت مسجله في الجامعه لان نسبتي
حلوه وتأهلني لدخول القسم واتخصص الي ابي
كان وليد معارض اول شي
ورافض اني ادخل الجامعه
لكن بعد المحا ولات وبطريقتي الخاصه رضي

قمت يوم السبت وانامتحمسه للجامعه ونشيطه
لبستلي تنوره سودا قصات وبلوزه بيضا قصيره وفكيت شعري
كنت مطويه اطرافه ب الفير وبعدين رفعت نصه بشباصه
قعدت احط مكياج وانا ادندن ومستانسه
حسيت وليد فتح عيونه وقاعد ينا ضرني

قلتله وانا ابتسم صباح الخير يا اغلى شي عندي بهدنيا
قال صباح النور يا سلام لو الواحد كل يوم يتصبح بها الجما ل والرقه
قلت وانا قاعده اكحل عيوني يله حبيبي قوم علشان ما نتأخر
:خليني مستانس ليش تحبين تخربين علي
خلصت وجيت عنده مسكت ايده وانا احاول اقومه بس هو جرني لين طحت جنبه
: وقال وشرايك نكمل نومنا وناخذ اجازه اليوم
قمت وانا اقول وليد حياتي قوم الله يخليك ما ودي اتأخر اول يوم
اخيرا قام بعد محاولات وراح يغسل ويلبس وانا رحت اجهزلنا كوبين
نسكفيه لان وليد ما يحب يفطر اول ما يقوم وانا ماحس اني مشتهيه فطور

بعد اول يوم لي بلجامعه حسيت اني الحمد لله مرتاحه
وتعرفت على بنت حبوب اسمها شهد وهي اسم على مسمى
كنا نحضر المحا ضرات جميع ونفطر جميع
وحست بكم هليوم الي عرفتها فيهم كأني اعرفها من زمان
وما نفترق لين كل وحده تروح لبيتها

في الاسبوع الثاني يوم الاربعاء كنت انتضر وليد يجي ياخذني
بس تأخر علي وكل ما اتصل فيه القى جواله مغلق
حاولت كم مره بس ما في فايده اكيد عنده تحقيق هو اذاكان عنده تحقيق يقفل جواله
اتصلت على ناصر بس مايرد
تأخر الوقت واكثر البنات راحو
وشهد جا اخوها وكل شوي يتصل عليها يبيها تطلع وهي خايفه تطلع وتخليني
قالت شهد نوره وشرايك تجين معنا وحنا نوديك بيتك
ناضرتها بتردد اخاف اروح معها يعصب علي وليد وهو محذرني مااروح مع احد
غريب مهما كان غير هو ولا ناصر
بس حسي اني خلاص بديت اتعب والدوار بدا يرجعلي من كثر ما وقفت انضره
قلت اصبري بحاول هلمره يمكن يرد علي اتصلت بس نفس النتيجه
توكلت على الله ورحت معها وانا خايفه من النتيجه الله يستر بس


وصلوني بيتنا وقفنا بنفس الوقت الي وقفت فيه سيارة وليد
نزلت وانا خايفه وهم يوم نزلت مشو
رحت ولقيت وليد واقف عند الباب يفتحه وهوشكله معصب وصل حده
مسكني من ذراعي بقوه حتى حسيت يدي توجعني من قوت مسكته
وجرني لداخل ابيت شلت غطاي وقفت اناضر وليد الي يناضرني
بنضرات يتطاير منها الشرر
قال وهو يصر علىاسنانه قولي لي ليش تجين مع رجال غريب وانا قايلك ومحذرك
ما تجين مع احد غريب
حاولت ارد عليه بس حسيت لساني مربوط من الخوف

:قوليلي ليش ماتردين
ما حسيت الا بكف على وجهي احس ان وجهي طار من قوته
نا ضرت وليد بذهول وصدمه وعيوني امتلت دموع حطيت ايدي على وجهي وحسيت بحرارة الكف على خدي
كان وليد ينا ضرني وكأنه مو مو مستوعب الي سواه
تركته ورحت اركض لغرفتي و انا ما اشوف طريقي من الدموع
دخلت الغرفه وقفلتها كم قفله وكأني خايفه يلحقني
رميت نفسي على السريروانا اشهق ودموعي ما وقفت
ليش وليد سوى كذا ليش يمد ايده علي ليش يهين كرامتي ويضربني على وجهي
ليش قمت من السرير وانا احس اني اغلي من القهر والغضب
والله لا اخليك تندم يا وليد في اليوم الف مره انك فكرت تمد ايدك علي
يعني انت الي تخطي علي وبعدين تعاقبني
وانا الي عطيتك حبي ومشاعري وسامحتك يوم دريت انك متزوج قبلي من غير ماتقولي
لاكن انت ما تستاهل احد يسامحك اصبر علي توك ماعرفتني زين
بتشوف نوره زين نوره الي مستحيل تسمح لحد يهين كرامتها وتسامحه
قمت وانا امسح دموعي ورحت للحما م
وقفت تحت الماء الدافي يمكن يخفف عني الارهاق والتعب
وانا متأكده ان التعب والجرح بقلبي مو بجسمي
خلصت ولبست روب الحمام وحطيت فوطه على شعري
نا ضرت وجهي في مراية الحمام كان احمر ومورم شهقت يوم شفت شكلي
حسبي الله عليك يا وليد من اليوم ورايح خلاص مالك مكان بقلبي ومشاعري
تنهدت وانا اتذكر ولده الي شايلته في بطني والله لولا وجوده ما قعدت ولا لحضه عنده
لبستلي بجامه قطن مريحه ورفعت شعري
رحت صليت وسكرت الا نوار ونسدحت وانا احس راسي
بينفجر من الصداع بس ما اقدر اخذ حبوب مسكنه
اخاف تأ ثر على حملي


>>>>>>>>>>>> وليد >>>>>>>>>>>


كنت واقف اناضرفي الفراغ بعد ما اختفت نوره من قدامي وانا احس اني ماني مستوعب الي سويت وشلون مديت ايدي عليها من غير ما اسالها وش السبب الي خلاها تجي معهم
تذكرت اني كنت مقفل جوالي يعني اكيد كانت تتصل علي وما رديت عليها
زفرت بضيق اه ه يانوره يعني اخطيت عليك مرتين
بس وش اسوي كنت معصب من الشغل واصل حدي وجيت وشفتها جايه مع رجل غيري
حتى لو كانت معه اخته حسيت ذيك الحضه الدم يغلي بعروقي والغضب اعمى عيوني وخلاني ما اشوف الي قدامي

رميت شماغي وعقالي وفكيت ازارير ثوبي احس اني مختنق
انسدحت على كنب الصاله وانا افكر اروح لها بس اعرفها مستحيل تفتحلي وتكلمني

سندت راسي بتعب وشكلي نمت من دون ما احس بروحي

"""""


صحيت من النوم حول اذان المغرب نزلت من السرير
وشغلت الانوار
رحت غسلت وجهي وناضرته بمراية المغسله الحمد لله الاثر خف كثير
حسيت اني جوعانه رحت فتحت باب الغرفه وانا اتلفت غريبه وليد ماله حس
يمكن طلع
دخلت الصاله وشفته منسدح على الكنب ونايم
وقفت اناضره شكله نايم وهو متضايق يمكن يكون تحسف على الي سوى
كانت ملامحه مسترخيه وهو نايم رموشه الطويله السودا وملا محه الحاده وشعره الكثيف
الناعم نازل شوي على وجهه
جريت رجليني للمطبخ وانا الوم نفسي ليش اقعد اناضره
اف بس هاذا وانا ناويه اعاقبه بعد شكلي بعاقب نفسي قبل من هلحين
لازم اسيطر على مشاعري وما اخليها تضعفني
فتحت الثلاجه وصبيتلي كوب عصير
ورحت سويتلي توست جبن ومربى
حطيتهم في صنيه ورحت لغرفة الجلوس حطيتهم وشغلت التلفزيون يمكن القى
شي يخفف عني
قعدت اكل وبعد شوي خلصت وشلت الصينيه وديتها المطبخ
وانا قاعده اغسلهم
دخل وليد المطبخ طنشته وما لتفت عليه
حسيت انه جا وراي قريب مني حتى اني حسيت بانفاسه الحاره على رقبتي
مسك ايدي وهمسلي بصوت مليان مشاعر نوره
انتفضت من لمسته وانا اتذكر الكف الي جاني منه اليوم
جريت ايدي من ايده بقوه وانا اناضره بحتقار واصرخ فيه بكل الي في قلبي
من القهرلا تلمسني ولا تقرب مني مره ثانيه سمعت
خلاص ما عاد لك في قلبي مكان
وهلحين صرت اكرهك من كل قلبي يل****
رحت اركض من عنده علشان ما يشوف دموعي الي نزلت غصب عني
لحقني وهو يقول نوره وقفي ارجوك بكلمك شوي بس
دخلت للغرفه بس هو دخل قبل اسكر الباب وقرب عندي بيكلمني
قعدت اصارخ فيه ودموعي على خدودي
لا تكلمني مابي اسمع صوتك اطلع من عندي مابي اشوفك
اطلاااااااع
لما شاف انفعالي قام وقال خلاص خلاص بطلع بس انتي اهدي
طلع من الغرفه وبعد شوي سمعت باب الشارع يتسكر


""""

اليوم الثاني
قمت الساع 11 على صوت تلفون الصاله يرن
قمت من سريري ورحت اركض اشيله قبل ينقطع
رفعت السما عه وكانت امي متصله
كلمتها وقالتلي انهم بيطلعون
لستراحة خالتي حنان بعد الصلاة
قلت خلاص وانتم رايحين مرو علي وليد مشغول اليوم
قالت امي خلاص تجهزي الساع وحده حنا عندك
سكرت السماعه من امي
وانا رايحه بتجهز شفت وليد شكله كان واقف وانا اكلم امي وانا ما نتبهت له
تجاهلت وجوده وكملت طريقي

قال نوره لحضه بكلمك شوي
التفت عليه من غير نفس خير بعد وش عندك
ولا بعد ما تبيني اروح مع اخوي
يمكن اذا رحت مع اخوي يكون فيها شبهه عندك

نا ضرني وعيونه فيها رجا والتعب باين على وجهه شكله مانام امس زين
نوره تكفين لا تزيدين علي تدرين ان الي سويت امس كنت معصب
ومن غير شعوري
وانا كنت بعتذر لك بس انتي ما عطيتيني فرصه

ضحكت بستهزاء يا سلام وتتوقع اني بسامحك على الي سويت
بمجرد ما تعتذر
مستحيل اسامحك بهسهوله لو تعتذر من اليوم لين بكرى
مشيت من عنده ورحت لغرفتي اتجهز قبل يمرون علي
لبست بلوزه شتويه رمادي مع اسود لان الجو بدا يبرد وخصوصا في الاستراحه
اذا غابت الشمس ولبست تنوره سودا ثقيله
ما حطيت مكياج بس حطيت واقي عن الشمس
رفعت شعري على شكل ذيل بربطه سود كبيره جهزتلي شنطه
وانا ناويه انام عند اهلي اليله
خلصت من تجهيز شنطتي وانا رايحه باخذ عبايتي سمعت صوت جوالي
لبست عبايتي ورديت عليهم وانا طالعه
لقيتهم واقفين ينتضروني في لسياره
ركبت وسلمت عليهم ومشينا


"""""

وصلنا استراحة خالتي حنان بعد نص ساعه تقريبا
دخلنا وستقبلتنا خالتي حنا ن بشاشتها وبتسامتها الي ما تفارقها

: هلا والله حيا الله من جانا تو ما نور المكان بجيتكم
سلمنا عليها وحنا نقول المكان منور بهله
دخلتنا لغرفة جلوس كبيره فيها جلسات ارضيه روعه ومفتحات شبابيكها
والهوا البارد يدخلها من كل جهه
شلنا عبا ياتنا وجلسنا نسولف
جو بنات خالتي ساره وسمر وسلمو وجلسو معنا
بعد شوي قامو خا لتي وبناتها يحطون الغد
وقمنا انا ومها نساعدهم جهزنا غدى الرجال وارسلناه
وحطينا غدانا حنا بغرفة الجلوس
بعد ما تغدينا وصلينا العصر فرشنا لنا فرشه با المزروع الي برا
كان الجو روعه مغيم وبرودته معتدله
حطينا القهوه والشاهي وجلسنا نتقهوا



"""""

رجعنا من عند خالتي بعد ما قضينا وقت ممتع
وستا نسنا
حسيت اني بها اليوم روحت عن نفسي الهم والقهر الي كاتم على قلبي
وحنا راجعين بسياره التفت علي ناصر وقال ها نوره بتروحين معنا بيتنا
ولا تبين بيتك
قلت لا بروح انام عندكم
لفت علي امي مستغربه وشلون بتنامين يعني وليد مسافر
: تنهدت بضيق لا ما سافر بس انا ودي انام عندكم
ولا ما تبوني
قالت امي وهي تنا ضرني من ورا نقابها نوره انتي فيك شي اليوم
ملاحضه عليك انك كل شوي تسرحين
: ما فيني الا العافيه بس تتوهمين
كملنا طريقنا وحنا ساكتين


دخلنا بيت اهلي وعلا طول رحت لغرفتي
شلت عباتي وبدلت ملا بسي
ونسدحت على سريري اخذت جوالي وفكرت ارسل لوليد رساله
علشان يدري اني بنام عند اهلي اخاف يتصل على تلفون البيت يقول وينها
وتجي امي تقولي اكلمه وانا مالي خلق
ارسلت رساله كلمتين بس < بنام عند اهلي>
ما مداني ارسلها بشوي الا وصلتني رساله من وليد وش يبي بعد
فتحتها وكان كاتب < نوم العوافي يا حياتي>
قفلت جوالي وحطيته عند راسي
ونمت من غير ما احس بنفسي من الا رهاق



الجمعه رجعت لبيتي وطول الاسبوع وانا اتجنب وليد وما اكلمه
اخذتلي مخده ولحاف وبديت انام في الغرفه الثانيه
الصبح يوديني للجامعه بدون ما نتكلم وحتى لوحاول يكلمني ما ارد عليه
بعد يومين من رجوعي من اهلي كنت احس الام في بطني واسفل ضهري
وبعض الاحيان لما اقوم من سريري بسرعه ولا اطول واقفه احس بدوخه
واتمسك بأي شي حولي علشان اتوازن
بس ما هتميت لها
ما لي خلق اقول لوليد يوديني للمستشفى مابي اطلب منه شي


يوم الخميس كنت البس واتجهز بروح لهلي
مع الحركه وانا رايحه وجايه حسيت بدوخه بس قلت اكيد مثل العاده
بتخف بعد شوي
بس كنت احسبها كل شوي تزيد وانا اكابر واتحامل على نفسي
خلصت واخذت شنطتي ورحت بنزل كان وليد ينتضرني عند اخر الدرج
نزلت درجتين بس حسيت الدنيا تدوربي وتضلم بعيوني
وانا اطيح على وجهي ما حسيت الا بيدين وليد القويه تتلقاني قبل ما اغيب عن الوعي


صحيت وانا احس با اصوات وحركه غريبه حولي
لفيت اناضر جنبي كان وليد جالس على الكرسي الي جنب السرير
وماسك ايدي والخوف والهفه مبينه بعيونه
لفيت وجهي وانا اغمض عيوني حس وليد اني صحيت باس ايدي بنعومه وقال
الحمد لله علا سلامتك حبيبتي
حاولت اسحب ايدي بس هو كان ماسكها
قالي بهمس وصوته يترجاني
نوره حبيبتي الا متى وانتي تعذبيني بزعلك وصدودك عني
اذا كنتي بتعاقبيني تراك اخذتي حقك مني وزياده
صراحه ما قدرت اتحمل اكثر حتى انا كنت مشتا قه له موت
بس حاولت اني اثقل شوي
لفيت وجهي عليه وفتحت عيوني
وتلاقت بعيونه
قال وليد وهويبتسم الله يخليلي هلعيون الحلوه ولايحرمني منهم
بتسمتله وهو ما قدر يصبر اكثر ضمني له بقوه وشوق
وهو عرف اني خلاص رضيت عليه



طلعت من المستشفى بعد ما قال الدكتور اني معي فقر دم مع الحمل
وعطاني حبوب لفقر الدم وفتا مينات وقال لازم اهتم باكلي وارتاح
علشان ما يتطور فقر الدم لمرحلة نه لازم ينقلي دم
ويمكن ويمكن يأثر على الجنين واسقط الله يستر بس
صراحه خوفني كلامهم


استمريت اروح للجامعه كل يوم بس اذا حسيت بتعب
ما اروح بعد كم يوم كان عندي بحث لازم اسلمه بكرى
كنت فاتحه جهازي المحمول وقاعده اكتب في البحث
وكتب المراجع والاوراق منتشره حولي بشكل عشوائي
سمعت التفون يرن قمت ارد وانا مالي خلق اترك شغلي بس قلت يمكن شي مهم
رفعت السماعه وكان ناصر
قال بصوت مرتبك ومتردد
نوره تجهزي بجي اخذك بعد شوي
حسيت بشي يضغط على قلبي وقلت وانا خايفه ناصر وش فيه صوتك
قال لا مافي شي بس وليد سوى حادث
وهو هاالح
شهقت وانا احط ايدي على صدري من الخوف ورميت السماعه قبل ما يكمل ناصر كلامه
وانا اصارخ عليه لا تقول ما بي اسمع شي مابي مابي
رميت نفسي على الكنب الي وراي وانا احس رجليني ماتشيلني وجسمي ينتفض من الخوف
>>>>
نهاية الجزء
انتضر ريكم فيه وتوقعاتكم

مرة روعة البارت يجنن وأسلوبك أحلى
لا تطولين ياقمر ننتظر جديدك

يعطيك العافيه (بنت أهلي) القصه مرررره حلووه اسلوبك في السرد رائع ننتظر جديدك ان شاء الله ما تتاخري علينا