حقيقى اول مرة افكر اوصف نفسى لاى حد..

لقيت الموضوع صعب شوية انى افكر ايه اهم الصفات اللى فيا..

واليكم النتيجة:
1- بصنف نفسى انى رومانتيكية واقعية (افهموها براحتكم بقى )
2- انسانة اجتماعية احب اتعرف على ناس جديدة دايما من كل الاعمار مش من سنى بس
3-مش فضولية طبعا بيبقى فيه حاجات عايزه اعرفها بس مش بسأل وبسيب اللى قدامى يقوللى اللى هو عايزه
4-مستمعة اكثر منى متحدثة
5-بحب الاطفال جدا ودايما مكانى فى وسطهم (ده شئ مشهورة جدا بيه فى العيلة)
6-بحب الليل والصمت ومش بتضايق من الوحدة
7-القراءة والنت اعز اصدقائى وماتخيلش حياتى من غيرهم
8-مش بحب المذاكرة بمعنى انى ماحبش انها تكون كل مهمتى فى الحياة زى ما ماما بتقول. عايزه اعمل اى حاجة تانية احس نفسى فيها
9-يقال عنى انى ذكية لكن حقيقى انا بشك فى النقطة دى
10-اعصابى باردة الى حد ما مش بنفعل بسهولة وده بيكون ميزه فى بعض الاحيان وبيغيظ اصحابى معظم الاوقات.


الحمد لله
كانت مهمة شاقة
بس مقدرتش ازعلك يا همس
وحقيقى انا استمتعت جدااااااااااا

تسلمي يا عيوني هموسة و ربنا يسعدك و يوفقك انتي كمان يا قلبي

خخخخخخخخخخخ اوعي تزعلي لو دلعتك مع انه اسمك صعب يدلع شوية بس لعيون تكرم مدينة

بالتوفيق