شتات نفس وهلوستها

الفصل الاول

قامت ببسرعه من بعد مارمت اللحااف ع الارض .. وجري ع الحمام " وانتم بكرامه " ..فتحت الموياا وغسلت وجهاا بسرعه ... فرشت أسنانها بسرعه قصوى .... طلعت بسرعه ... واخذت ثياابها الي ع الشماعه .. لبست بنطلون ديرتي ازرق .. مع تيشرت اصفر طويل شووي ... ولبست اللاب كوت.. لبست شراب اصفر مع جزمه سبور برضو صفرا .. اخذت عبااتها وقفلتها بحركة سريعه ولفت شيلتها وهي ناازلة الدرج ..وتصاارخ
بالله ليه ماتصحووني ؟! يعني مو عارفين ان وراي تدريب
امها : وجع يااا نوران وطي صووتك
نوران : بالله ليه مااصحيتووني ؟! اللحين مااتدرون ان وراي جامعه .. محي الدين ووووين
امها : محي الدين رااح يودي نسيم .. محد قاالك تناامي لذا الوقت خذي على رااسك
نوران اووف ..
صرخت امها : لا تاففين وخبطتها على كتفها
نوران : يمه ماقصدتك انتي بتاففي .. اووووووووه وضربت رااسها بيدهاا .. نسيت الجوال .. طلعت غرفتهاا واخذت جوالها من ع التسريحه الملياانه عطور ومشط بس تذكرت انها مو لابسه سااعه اخذت ساعتها الي من ستزن وكان طبعا سبوور وعريضه .. شافت بندامه مرميه بسلة البكل الي ماتستعملها اخذتهاا وطبقتهاا الين مااصاارت عصبه ربطتهاا على جبينهاا .. ونزلت كمن خصله من خصل شعرهااا القصييير .. وعدلت سوالفهااا ...نزلت لقيت امها زي ماكانت جالسه بالصاله
ام نوران : وش ذي الي على راااسك
نوران : يمه ربطه يعني وش
ام نوران : عميه ماااشوف ادري انها ربطه ليه رابطتها كذا
نوران: موضه .. رفعت جوالها وقت ع السواق : محي ويينك ؟! .. انزن انا اللحين طالعه
يمه توصين شي
ام نوران : سلامتك

" نوران .. 21 سنه تدرس بالجامعه.. Ibm…......ملامحها حاده ..بعيون سودا وخشم مدبب وجهاا ضييف مما ابرز عضمة الخد .. شعرهاا قصييير جداا ... دايم تحط عصبه على جبينها .. العريض "

رمت نوران الطرحه على وجهاا ....ومشيت للباااب ركبت مع السوواق ووصلت للجامعه
ابرزت بطاقتهاا للسكيورتي ودخلت .. وعلى اول كرسي قاابلهاا نزعت عبااتهاا ولفتهاا بالشنطه .. شمرت اكمام اللاب كووت .. ولبست نظارتهاا الشمسه ..واخذت شنطتهاا الي كانت اشبه بشنطة طالبة ثانويه ..وبخطوات سريعه جداا مشت باتجاه الخيمه الريااضيه .. رفعت يدها وسلمت ع السكيورتي الجالساات ع مكتبهم وحتى ماابرزت عضويتها لانهم عارفينهاا
جاا صوت من وسط ملعب البااسكت ... : جوووردن ليه متاخر " جوردن نسبة لمايكل جوردن لاعب الباسكت المشهور "
نوران وهي تري شنطتها ومن فوقها اللاب كووت : رااحت علي نووومه
لطيفه : لا تستععرضين طولك كثيير امشي ع الملعب بسرعه
نوران : صبر بحمي ... قامت بتمارين الاحمى ...دخلت مع البنات وصاارت تلعب
نوراان وهي تسد رميه ثلااثيه : يسسسسسسسسسسسسس
خديجه : ووول مالك ثلاثا دقاايق وثلاثيه مره وحده
نوران : يماما اناا جووردن
لطيفه وهي تمرر لها كورة منخفظة : اقول العبي وانتي منطمه ترى مابقي شي وراي كلااس
نوران : شبااب وين الكوتش ؟!
وحده من البنات : الكووتش يااقلبووو عندها اجتماع مااجااات
لعبو البنات لمدة نص ساعه واخذولهم بريك .. طبعا كل وحده بسطت ع الارض .. لطيفة ترمي قارورة الموياا لنوران : نونوو بتجين الفرح "العرس بلهجة الجداويه " بكره
نوران : نونو بعينك قولي امييين ..
خديجه : هههههههههه حلوووووووه
لطيفه تلكزها : بس وجع .. الزبده انتي بتجين؟!
نوران : بجي مع نسيم ان شااء الله
وحده من البنات : لطيفة بالله خذيلها صوورة نبغى نشوف شكلها كيييف بتكوون وهي لابسه الفستاان ومبينه الموااهب
وحده ثاانيه تعلق: أي مواهب والي يعاافيك .. قدامك مسطرررره
نوران انقهرت ووقفت : مالت عليك انتي وياااهاا وقامت اخذت اللاب كووت وشنطتها وطلعت تروح لمحاضرااتهاا ...
لطيفة الي لحقتهاا : جوردن اشبك زعلتي
نوران : ماسمعتي مصخرتهم بالله ؟!
لطيفة : وهم صاادقين .. انتي والله مافيك شي يدل على انوثتك لا شكلا ولا تصرفاات
نوران : لطووووف
لطيفة وهي تشبك ايدهاا بيد نوران : اقول امشي خلينا نلحق المحااضره
نوران تبعد ايدها بسرعه : ميت مره اقولك لا تلمسيني كذاا .. ماتفهمين
لطيفة : وفرتي

" لطيفة 21 تدرس HR... البنت ناعمه وكلها انوثه "
كان كلااس الاستثمار مقرف لكل من البنتين ... : يعني ماايكفي الكلاس يطفش كمان المبنى حار
نوران : كله من ذي الاب كوتااات مالت عليهم قال ماتمشون بالجامعه ببنطلوون اووووووف
لطيفة : اقول حليتي الواجب للانجليزي
نوران : سحبت عليه ياامااما .. تنقلع قال اكتبلها مقاله وش لون ابي عرسي .. مره طييبه
لطيفة تصااصرها : هههههههه مسكينه ماترين انك لو تبي تقرير عن كوره معرض سيااراات بتلاقي عندك
نوران وهي تلتفت على لطيفة بجسمهاا وبحماااس : اسكتيييييييييي امس مااشفتي
مباارااات ال..
الدكتوره : نووووووورااااان ولطيفة برى
نوران بهمس : اووف سمعتناا
لطيفة : .دكتورة اناا
الدكتورة : من غير اعذاار خذو شنطكم ويلا برى .. من يوم مابديت وانتم بتتكلمون ولا سكتوو
نوران ولطيفة المنحرجه طلعو برى
لطيفة : عجبك انطردناا
نوران وهي تقعد ع الارض ...بوسط الاسترااحه وتسند رجل وتمد الثاانيه ..: اقول اقعدي من زين شرحها بس
لطيفة : نورااان انتي متعوده بس اناا
نوران : ادري انك مو متعوده .. وانك تبين تتخرجين .. وماتحبين المشاكل ولا التهزيء .. ارحميني لطيفة كل ماانطردنا سمعتيني هالكلاام
لطيفة وهي تجلس متربعه : وياليتوو جاايب نتيجه معااك
نوراان وهي تطلع الجيم بوي من الشنطه : الاحسااس صفر وش تقولين
لطيفة وهي ترجع خصله من شعرها النااعم : ااخ والله الكلام معاك مايجيب نتيجه .. خبطتها على فخذها .. اجلسي زيين مالت كإنك ولد .. حتى عزووز اخويا مايقعد زيك
نوراان اصلاا ماكانت منتبه وعقلها كله باللعبة: ايووو .. احلى ... ياااغبي من هناا .... ايوااااااااااااا جووول .. ها وش كنتي تقولين
لطيفة وقفت : تبغي تطفحي
نوران : لا ماابغى اطفح .. بس جيبي معاك واحد باايسوون
لطيفة : حاضر عمتي ..
مشت لطيفة بتروح للكفتيريا تجيب فطوور ... نوران كانت تتاملها يوم مشت .. لطيفة حلوه وناعمه ..حتى لماا تلبس ثيااب الريااضه مع الاب كوت .. ماتقدر تخفي جمالهاا ...وجمال جسدها ..هزت رااسهاا وهي منقرفه من المشاعر الي تخالجهاا
نوران بهمس : حراام ياااانوران ...حرااااام
مرت وحده بنت كانت ترااقب نوران .. كانت كشيخه درجه اولى .. ولبسها ماكان يصلح لجامعه .. بالعكس لخرجات خصوصا من بلوزتها المحزقة ..والمفتوحه .. اغمزت لنوران بعينهاا ..
وابتسمت بدلع .
نوران وهي تلعب : الحمدالله والشكر مابقي الا ذي الاشكاال
رن جوال نوران ..: حيالله ابو الشباااب ... اسكت يالدب ... لااا ولك وجه تكلم بعد ...ياااشيخ ..والله مطروده .. عادي فلها وربك يحلهاا ... يلعن ابو اللقاافه .. اقول وانت مااشي تعال ومرني .. سي يوو
رجعت لطيفة وهي ترمي البايسن على نوران : امسكي
نوران : اووف اشبك ملخبطة وجهك .
لطيفة : شلت الاستاذ المقرفه
نوران : أي استاذ
لطيفة : البنات الي ورى البويااا الي شفناهم ذاك اليوووم
نوران بلعت ريقها : اش فيهم ؟!
لطيفة : لو شفتيهم وانا راايحه الكافترياا وجع كيف ماخذين ركن ولا حركاااتهم .. والله الاولاد مااايسون كذاا بامااكن عامه .. الله يقرفهم
نوران : انتي اشلك فيهم
لطيفة : نوراان لااتقهريني ..والله مقرفيييييين .. وبعدين اذا بليتم فستتروا مو جاهروو
نوران تدافع : لطيفة هم مااختارو الي هم عليه
لطيفة فرصعه عينها فيها : اسكتي بالله لا تخليني اغلط عليك
نوران ووقفت على طووول واخذت شنطتهاا
لطيفة : وووووين
نوران : رااايحه المنفى عندي كلااس .. اشووفك بالتمرين
لطيفة : مااني جااايه .. عندي كلااس وقتها
نوران : اووكي .. مع السلامه
اخذت شنطتها بسرعه وطلعت من المبنى الي كانت فيه .... ويالله ع المنفى .. صحيح ان وقت محاضرااتها لسى بدري عليه وهي مو من زود الدفااره تروح بدري .. اهي كانت تبي تهرب من نظرات لطيفه والنقااش الي كل ماايتناقشونهم .. نوران تكره نفسها .. خصوصا واهي تشوف نظراات لطيفة المنقرفه .. وطريقتها بالازدرااء .. طيب .. والي مو ذنبه ؟! الي يحاول يقضي على هالمشاعر وماايقدر ؟!! . الي انولد كذا وش يسوي .
مر اليوم الدرااسي بطريقة ممله .. مثل كل اياام الدرااسه ..
نوران وهي تركب السياارة : اااوف انت لازم تلطع الواحد
مشعل : احمدي ربك اني جاي اخذك
نوران : لا يااشيخ جايب الذيب من ذيلة
مشعل وهو يطلع من بوابه الجامعه : كيف المحاضرات اليوم
نوران وهي تطلع الجيم بوي وتلعب : مثل كل مره .. اقول متى بتوديني اشتري الاشرطة الجديده
مشعل : ماله داعي ترووحي .: انا رحت مع الشبااب وشريت لك اخر الاصدراات
نوران : امووووووووت عليك
مشعل : كذاابه تومتي ع المصلحه
مرت سياارة من جنبهم مسرررررعه ..نوران وهي تصفق بقوة صفقة عيال : اخسسسسسسس يالبووورش
مشعل : الله يخسه .. وخبطها بقوة بيده ...بطلي هالحركات بالسياارة
نوران : معقد
مشعل : مسترجله
نوران وهي تاشر له على محل البيتزاء : بالله وقف خل ناخذ لنا بيتزاا
مشعل : ماني موقف اللحين بنرووح نتغداا
نوران : اقول وقف بس .. ومسكت الدركسوون ولفته .. ممااضطر مشعل يلف اجبااري
مشعل بنقمه : وبعدددددددددددين مابترتااحين الا لادخلنا بسياارة بيووم
نوران : اقول انزل وخلصني .. ابيهاا ماارجريتاا مع عيش بالثووم .. وببسي
مشعل : هاااتي فلووس
نوران فتحت عينهاا من تحت البرقع : فلووس ؟!!! تطلب فلوس من مره ياااخوي ؟!! عيب عيب
مشعل : نورااانووه والله ان مااجبتي فلوس مانزلت تقليب كل مره ماصار يمشي
ننوران تطلع فلووس : مردووووده يااامشعلوووه ه مردووده
ناظرها بنص عيين ونزل

" مشعل 27 سنه موظف .. عرريض الجسم .. وجهه طوويل مع بروز بالذقن الي معطي ملااامحه العاديه حده الذقن الكثيفه الكااسيه وجهه "

رجع وبيده البيتزا .. دخل وجا بيفتح البيتزا بياخذ قطعه قبل مايحرك ..الا نوران سااحبه منه كرتون البيتزااا : ايييييييييييييييدك
مشعل : يالمفجوعه هاتي قطعه
نوران : ولا نص .. بفلوووووسي ... حرك يالله
مشعل : مردوود ..وحط ايد على ذقنه ..احلقيها ان اخذتك معاااي المزرعه
نوران : حبيبي كان غيرك اشطر .. ابوي قال كلنا بننزل ..حرك ياننوس عين مااماا
مشعل بقهر من لهجتها السااخره : طيب ..يجبك الموز يااقرد
نوران : قرد بعيننننك يالغوريلاا
مشعل ماارد عليهااا ... وصلو بيتهم ... نزلت نوران وسبقت مشعل لداخل البيت ...
نوران بصوت عالي : يااهل الداااار صلو ع النبي المختار
الكل : وعليه الصلاة والسلام
ابو مشعل : نوير وش قلنا ع الصووت
نوران : يالله ان تحي ابو الشبااب .. وجلست جنبه ورفعت رجولها ع الكنب .. الحبيب متى واصل
ابو مشعل : ياابنت انعدلي ابوك اناا
نوران : وحنا قلنا شي
مشعل داخل وبيده البيتزا : عمتي وين احطها
نوران : طلعها غرفتي
مشعل : اقول قومي فزي اخذيها مصدقه نفسك .. اخر زمن الرجل يخدم الحرمه
نوران : لا تقوول حرمه
ام نوران وهي تدخل : لا تكونييين رجال واناا ماادري
نوران " ليتني " : يممممممممممممممممه
ام نوران : قومو تغدوو يالله
نوران وهي تاخذ البيتزا : عليكم بالعافيه .. انا معاي غدااي
ام مشعل : والله ماااتاكليناا .. هاااتي اشووف
نوران : بس انا شاريتها ونفسي فيهاا
ام مشعل : وانا طابخه لميين ؟ هاتي الكرتووون اشووف
نوران : اميييي عندك ابوي ومشعلووووه ياكل عن عشره و نسيم
ام مشعل : لا يكثر جدالك .. اطلعي غيري ونادي اختك
نوران كانت تطالع ابوها تنستنجد فيه : مالي دخل دام الحكومه قررت محد يقدر يعترض
نوران اخضعت واعطت امهاا البيتزا وطلعت غرفتهاا .. بدلت ملابسهاا .. البست برموداا فضفااض مع تيشرت ابيض ... وشب شب بيت.. وراحت لغرفة نسيم .. طقت الباب بتناغم ..
نوران : نسووم ياانسووووم .. افتحي لناا البااابووو.... نسوووم يانسوووم
نسيم فتحت البااب : ازعااااااااج
نوران سحبت خشمهاا : طويلة لسان
نسيم حركة ايدا ودفت ايد نوران : مو اطول من لسانك .. ايش تبغي
نوران : شحته من وجهك .. اقول يالله غداا وسحبتها من ايدهاا ووصارت ماسكتهاا
ونزلتها من ع الدرج
نسيم : جوردن متى الدوري ؟
نوران : بعد الاجازة ان شاء الله .. والله احسه حماااسي رح يكون .. دخلو بنااات الترم هاا لعيباات .. لا وازيدك من الشعر بيت .. بنلاعب الكلياات الثانيه وبنات السكن
نسيييم : اكششششششخ
نوران : وانتي ايش سويت اليوم بالمعهد
نسيم : الحمد الله اليوم كان حلوو .. وعندنا رحله يوم الجمعه للجمعية الخيريه ..وانا بتكلم بسم المعهد
نوران : الله .. متى؟
نسيم : بعد بكرةان شاء الله
نوران : تاخذيني معااك
نسيم ضحكت : ههههه لااااااااااا ماارح اعطيك فرصه تتمصخرين علي
نوران : مارح اتمصخر بس خذيني .. ابغى اشووفك وانتي تتفلسفين ع البنات
نسيم سحبت ايدهاا وجات تبي تضرب نوران الا ان نوران بسرعه تحركة .. فضربت نسيم بالدرابزييين : اااخ
نوران بخوف : نسيم تعورتي ؟
نسيم : ااااااااي
ابو مشعل جا بسرعه وشااف نوران وهي تساعدها ع الوقووف : نسيم فيك شي .. نوران وووجع متى بتبطلين الهبااال
نسيم وجذبها صوت ابوها: : يباا نوران ماسوت شي انا زلقت
ابو مشعل ما تكلم ولكن اكتفى بفرصعه لنوران احرقتهاا
نسيم من بعد مااوترهاا الهدوء .الي قدرت تلمسه من صوت حركة قدم نوران : يباا لاا يكون مفرصع عينك بنوران .. حرام عليك احرقتهاا
ابو مشعل ابتسم : يالله الغدا ... ومشي
نسيم : يالله نورانوووه ...ومدت يدهاا للهواا .. نوران مسكت ايدهاا .ومشت معاهااا

" نسيم 21 سنه اخت نوران التوأم لكن ماابينهم أي تشاابه .. نسيم عندها ملاامح طفولية نااعمه .. "

جلس الكل على الطاوله يتغدوا ..
مشعل : يياقلبي على اللي يلبسون الورردي .. قال ناس الحمدالله والشكر
نوران : احم وش تقصد
مشعل لعب حواجبه : والله الي على راسه بطحى
نسيييم : وانا اقول التراب هذا من وييين
مشعل : حلوووووووووه
نوران : شف الثاانيه
مشعل : يو ماسمعتي نسووم ان في ناس دفعو فلووس بالاكل وما اكلووه
نسيم : والله مادري ليه مايتربون مو اول مره
ام مشعل : الشرهه مو عليها الشرهه علي مطااوعهاا
نوران : احلى واحد صفر
مشعل : اقول انكتمي
نوران : مو قبل ماتحط لسانك بحلقك
مشعل : لا تطولين لسانك لا اقصه
نوران : لا بالله خوفتني ان كان فيك
ابو مشعل قاطعهاا : بسسسسسسس... احترمو وجود انا وامكم ... لا والله يالبكر رجاااال .. ماابقي الا تمد ايدك عليها قداامي .. وانتي متى ذا اللسان بيقصر . مافي بنت رجال صوتها يعلى ولا لسانهاا يطوول ..استحي وتاادبي ... وقف
نسيم الي سمعت صرير الكرسي ..ومدت ايدها بسرعه ومسكت ايد ابوها بسرعه ومن حسن حظها انها مااكبت كاسة المويا : يبااا يعني ماتعرفهم بدلع.. افاا يااخلوووود ماترد علي وانا نسووم حبيبت قلبك
ابو مشعل لانت ملامح وجهه .. : خلوود .. اصغر عيالك هااا ..والله شكل الاخلاق خربانه عندالكل
نسيم خبطت صدرها بخفه : حتى اناا . .. افاا ماهقيتها منك وانا بنتك
نوران : مصيبة الي يدلعون والدلع مو لايق عليهم
مشعل : ايه بالله صاادقه
نسيم : عجبك يباا يتمهزئون فيني ..قالتهاا بتحسر مصطنع
ابو مشعل وهو يبووس رااسهاا ويضمهاا : ماعاش من يتمهزء فيك وراسي يشم الهوااء
نورااان : لااااااااااااااااا ترى زاادت السالفه .. ام مشعل الرجال مو معبرك
ام مشعل : دام نسيم انا مو زعلاانه
نسيم: لقطييييييييي وجهك
نوران : والله وجهي لوح ماياثر بشي
مشعل : رحم الله امرىء عرف قدر نفسه ..يمه منال جايه بكره ؟!
ام نوران : لااا
مشعل باستغراب : ليش لاا ؟! لها اسبوعين ماجاتنااا
نوران : تلاقي زوج الهناا معيي
ابو مشعل : نوران الرجال عذره معه اكيد مشغول
مشعل : ايه مشغوول ...بااين من كثر نجاحاته
ابو مشعل : بس كلو وانتم ساكتين

" منال 26 متزوجه ..وعندها بدر عمره 7 "

/
/
/

" النذل ... بخيييل ..قليل الاصل ..ماعنده مرووه .. جعل ربي يحرمه من حلاااله ويحرق قلبه .. ويتكسح فووق ماهو متكسح ..جعله ما "

نجود اقطعتهاا : يمه لا تدعين عليه حراام عليك
ام نجود : جعل ربي ياااخذه ..لا تدافعين عنه
نجود : يمه هذا مهما كان عمي ...
ام نجود : عمى الدبب الي يعمي عيووونك .. ماانتي شاايفه المزبلة الي جابنا فيهاا
نجود : يمه تحمدي .. لوما هوبعد ربي كان مدانا بالشاارع .. جزاته انه فتح لنا بيت
ام نجود : بييت ؟!! هالعش تسمينه بيت .. انتي ماشفتي بيته الا قصره .. حار ونار فيه النااااقص
نجود : بس ... حرام عليك .. يمه ارحمي عمي .. ارحميه شووي .. طلعت نجود لغرفتهاا
البيت ابد ماكان سيء مثل ماوصته ام نجود .. البيت كان عباارة عن فلة دور واحد .. من خمس غرف مع حمامين " تكرمون " ومقلط خارجي وحووش ..الفله بحي زيين .. صحيح مو من الاحياء الراقيه لكنه ابد مو سيء لكن ام نجود تقارنه بالعز الي كانت عايشته .. مع زوجهااا

" نجود ..21... ibm ... عادية الملامح ..الا ان طيبتهاا تخليها تكتسح قلوب الناااس "

/
/
/

لطيفة :امي وووين ثووبك ؟!
ام لطيفة : عندك بالدولاب .. أي تسوي
لطيفة : ارتب الاغرااض عشان لا رحنا بكرة القااعه . مانكون ناسيين شي .. وين العريس
ام لطيفة : رااح يحلق
لطيفة : والله شااد حيله الاخ
ام لطيفة : الله يسعده .. ويوفقه ويرزقه الذريه الصالحه .. واشووفك ببيت زوجك
لطيفه : اميييييييييييييييييييييييييييييييين
ام لطيفة : الي اختشووو مااااتو
لطيفة : يعني اخليها بقلبي ماايصييير

انتهى

الفصل الثاني

الخميس
نوران ..
وقفت اطالع الفستان الي لابسته كان ناااعم وقصيييير... سشورت شعري.. وحطيت غلووس ورردي وكحلت عيني .. اخذت صندلي بيدي .. ورحت لغرفة نسيم ..
دخلت من غير استاذاان : نسوووووم ماخلصتي
صفرت واناا اشووف نسيم : اخسسسسس وش ذا الزين كله
امي : قولي ماشاء الله
رددت : ماشاء الله تبارك الله
نسيم : حلووو ؟
قلت وانا اقرب .. : تجننننني .. امي وشذا المكياج الحلوو حركاات خلي ابوي يفتح لك صاالوون
امي : تعالي احط لك
هويت راسي : لااااااااا .. انا كذا واحس نفسي مهرج
امي : ماادري متى بتحسسيني انك بنت
مشعل من عند البااب : ومن قال انها بنت .. يااقلبي ع الاحمر والي لابسيين الاحمر ... ياحلوو اعطيناا نظرة ... ولاا حتى بسمه
نسيم : هههه بس ياااا مشعل
مشعل : امووووت علي يستحووووووون . وكمل يكلمني .. شووفي البنات كيييف
قلت له : محد طلب رايك .. نسووم يالله تاخرناا
مشعل : يالله بنتظركم تحتت
امي: تحصنوو يابنااات . وماابغى تاخير
نسيم وهي تلبس عباتهاا ..وانا لبست عباتي وصندلي المرفووع اااه الله يعيني عليه ..
وصلنا القااعه

× نسيم ×
ساعدتني نوران في فسخ العبايه .. حسيت بمغص ببطني اول ماشلتها .. انا ماادري وش الي خلااني اوافق اجي معاهاا .. نوران كانت تتكلم بجوالهاا
وشوي والااسمع وصوت وحده : ياااااسبحااااااااان الله مو معقووله هذي نسيم ؟!
وقربت مني لدرجة اخنقتني بريح عطرها القووي ومسكت ايدي وشدتني نحوها : كيفك حبيبتي شرفتيناا
جاوبتها الحمد الله ..مبرووك وعسا دياركم عامره بالمسراات
مسكت ايدي الي كانت مصافحتها بيدها الثاانيه : تسلمين ياااقلبي .. والعقبى عندكم
نوران الي حسيت فيها توقف جنبي : ها لطووف اشراايك باختي
جاوبتها : والله لما قلتي انها توامتك قلت بشووف عربجيه ثاانيه لكن الي قداامي بنووته نعووومه .. تزززززززنن
قلت لهاا : تسلمين عيونك الحلووة
لطيفه : ادخلو اشفيكم واقفيين .. مشينا وراها وطول الطريق طبعاا ايدي بيد نوران وصلنا عند بااب القاااعه : في ثلاث درجاات .. قالتهاا بهمس من غير محد يلاحظ ..دخلنا وسلمناا على ام لطيفة ...وجلسنا انا ونوران على طاوله للبناات وكانو صحبااتها من الجامعه
نوران : بناات اقدم لكم اختي نسيييييييم
البنات وهم يسلمون علي واسمع اصواتهم مختلطه : لاا يااانوران قولي غير كذاا .... اختك ........ تجننننننن .... اقول تزوجونهااا .... بنات مو قالت لكم هند مسطره محد صدق
سمعت نوران ولهجة غضب بصوتها : مسطره بعين يالدايره
جلست على الكرسي الي تحسسته بيدي ..وكانت نوران تتجادل مع صديقااتهاا .. اشكالهم كاانت ضبااابيه .. مااقدر احدد أي شي ..مجموعه من الاشكال المظلمه .. من خلفها انورار قووية .. النظر عندي مب معدوم تماما انما ضعيييف جداا ... اذا ابي اطالع السااعه مثلااا ارفع ايدي اليييييين قرب عيني بمساافة 2 سم حتى اقدر اشوفها وطبعا لازم اميلهاا لان الرؤيا عندي بزاوية العيين .
نوران بهمس : فنجان القهوة قدامك ارفعي ايدك رح تلمسينه
ابتسمت ومديت ايدي واخذته .. هذي هي نوران ... عمرها ماتتغير .. ماتحب تحرجني قدام النااس .. انا صرت ماانحرج عادي ربي مثل ماابتلاني بفقدان نظري انعم علي بنعم ثاانيه ... كمان اعرف ان نوران ماتخجل مني لكنها ماتتحمل تشوف نظرة شفقه بعيون الناس علي ..



× نوران ×
صحباتي كانن على اعلى مستوى من الكشخه والله فرق بين اشكالهم هنا والمناظر الي اشوفهاا بالجامعه .. لطوف اول مااشفتهاا بهرتني .... صح متعوده عليها تلبس وتتكشخ ..لكن اليووم غييير ..فستانها الحلوو والي بين كل معالم الانوثه فيهاا ... مااني قاادره اشيل عيووني من عليهاا ..تدرون نفسي اقوم و ..استغفر الله ..وش فيني انهبلت ..اكيد انهبلت ..
مالت باتجاهي نسيم : نوران ليه ماترقصي مع صحبااتك
جاوبتها : ارقص ؟! والله لا يااخذوني مصخره
نسيم قالت : مشعل يقول رقصك حلوو
قلت لها: لاني ارقص مثله ..اكيد بيكون حلوو
نسيم : صح وين نجود ماااجاات ؟!
جاوبتها : نجود اعتذرت تقول عمها ماارضي يخليها تجي

× نجود ×
كنت منقهر من عمي الي ماسمحلي اروح العرس ..وفوق كذا مخليني اجلس واقااابله ورااسم على وجهه ابتسااامه شمااته
عمي فيصل : بتقعدين مكشره كذا كثير؟!
جاوبته : عمي انا مو مكشره
قالي: اجل البراطم هاذي وش يقولون لهاا
قلت له : انا ماعندي براااطم ...عمي بالله وش خسرت لو كنت رحت العرس صحباتي كلهن راحن حتى جوردن راحت
عمي فيصل : ميين ؟! جوردن ؟! عندكم بنت اسمها جوردن
نجود : لا مو اسمهاا جوردن .. اسمها نوران بس حنا ناديها جوردن
عمي باستنكار : لا يكون
هزيت رااسي : لاااااااااا لا يروح بالك بعيد .. احنا نسميهاا جوردن لان عليهاا لعب بالبااسكت خطييييييييييييييييير
سالني : وانتي تعرفي تلعبين ؟!
حاوبته : لاا انا توني مسجله هالترم بالمبتدئات بس احتراافي تنس ريشه وبلياردو
ضحك : ياااعيني ع النعوومه
مسكت ياقة بلوزتي : وش تحسب .. انا ملكة النعومه
قالي بلهجة مسرحيه : وهل تسمح ملكة النعومه بمرافقتناا لتناول العشاء في احد المطاعم الراقيه
فتحت عيوني : نعم ؟!
قالي : بترووحين قووومي يالله
وقفت : هوااااااااااا .. بجيب عبايتي وجاايه
طلعت من المجلس رايحه لغرفتي بسرعه اخذت عبااتي قلت لامي الي جالسه بالصاله : يمه اناا بطلع مع عمي
امي : ماافي طلعه
قلت برجاء : يمه الله يخليك برووح معه
امي بصراخ عشان عمي يسمعها لانه جالس بالمجلس الداخلي : قلت لك ماافي مرااح
عمي من ورى البااب : نجووووووووود ياللا تاخرنااا
امي : بنتي ماااهي طالعه معك يااافيصل
عمي بحده : وانا ماااشاااورتك ...نجود ياللا
جيت بمشي الا امي مسكت ايدي : اوقفي هناا لا احش رجوولك حش
قلت بغصه : عمي خلااص روح انت اناا بقعد مع امي
فيصل : لما يكون لاامك شور وحكم ساعتها تكلم
امي : لو انا مالي رااي اجل منو انت يالكسييييح


× فيصل×
سمعت صووت نجود وهي تشهق من كلمة امهاا .. كسيييح !!
شديت على عكاازي بقوووة لدرجة حسيت مقبضه ممكن يتفتت تحت الضغط .. الكلمه اوجعتني .. رغم كونهاا حقيقه .. ويمكن لو ام نجود قدامي كااان كسرت رااسهاا قلت : موووضي تراني عمهاا ووليهاا وانتي مالك كلمه عليهاا .. لاتنسيين انك مطلقه وان جلستي بذا البيت ترااه كرم مني ولخااطر نجود عندي ..نجووود وانا عمك مشيناا
طلعت نجود وكانت الدموع مسببه احمراار بعيونها ماااتكلمت ركبنا سيارتي البنتلي ..وصلنا المطعم ...ونزلت انا وياهاا اخذت طاوله مطله ع البحر وطبعا الجهه الثاانيه مغطيه بالبارتشن عشان تاخذ نجود رااحتها
نجود عيونها كانت مركزه ع البحر ناديتها : جودي
ابتسمت : من مات ابوي الله يرحمه محد ناداني جودي ..
قلت : الله يرحمه .. شوفي وانا عمك ..ماابيك تزعلين من الكلام الي قلته لامك .. امك تجاوزة حدهاا واناا كان لاازم اعرفها حدودهاا
قالت لي : عمي لا تنسى انها امي
تنهدت : وانا ماانسيت ..وانتي تشوفين فتحت لها بيت وحطيتها معك ...ولا اناا مب ملزم فيهاا .. ابوك الله يرحمه مااات وهو مطلقهاا وهي كانت مخلصه عدتها بعد ..انا كل الي كنت ابيه انك ماتحسين بالحرمان من امك وهي حيه ... ولكذا ماسكنتك ببيتي رغم كونه كبييير ومافيه احد غيري من بعد موت جدتك .. سكت شووي .. الي لاازم تعرفه امك ان محد له كلمه عليك الا اناا .. وهي لاازم تحترم وجودي بحيااتك وكوني المسئول عنكم ..انا ماااقولك جافي امك وخالفيها لااا ربك ماامر بالعقووق ..ولا اتمنى اني اكون سبب فيه ..بس لكل شي حدوود ... واللحين وش تبين تعشيين ترى جيعان !
نجود : مارح اقولك اختاري لسى مانسيت الكلمااري ..ووع الله يعز النعمه
ضحكت : ههههه ...طيب اختاري ياااستي ولا تزعلي


× لطيفة ×
كنت مبسوطه ان كل صحبااتي جوو الزواج ..ويشاركونا فرحتنا في اخوياا عزوز ..نوران مره كان شكلهاا مره غير ..اما اختها يااقلبي عليها تجنن .. انقهرت انهم روحو بدري ومااشافو الزفة ولا تعشوا .. الموهم زفيناا عبدالعزيز وزوجته ..الي كانت توزع ابتسامات ع الحضور ..بعكس عبدالعزيز الي وجهه كله عرق من الاحراج بعد ما طلعوا ع الكوشه وشربها العصير رحت وسلمت عليه وعليهاا وطبعا ماوقفت رقص ..انا ماعندي غير هالاخ وامي ...فاكيد لاازم انبسط لما اشوفه مبسوط وسعيد
ولما اشوف دموع الفرح بعيوون امي .. والله دعيت من كل قلبي ان مرته تكون عسووله وحبووبه وتراعي امي صحيح اني موجوده بس انا بنت ومصيري اتزوج ماافي غير هاا رح تقابل امي ..وتبغون الصراحه اهل البنت مو عااجبيني بس ياللا لاجل عين تكرم مدينه
امي : لطيفة وين هديت امها
اعطيت امي الطقم : اهوو ...كنت بعلق على امها لكن احترمت نفسي لااخذ كلمتين من امي
قدمت امي لها الطقم وهذيك حتى شكرا ماقالتها لامي ...سلمت العروسه على امهاا واخوي على امي وامها ..كنت انتظر اشوفها اذا بتسلم على امي قبل لا تروح الفندق بس ماسلمت
ركبو سيارتهم ومشيو ا ..قلت لامي بغيض: مااسلمت عليك
امي : يابنتي تلقينها مع الربكة نست
قلت لهاا : اشوفها مانسيت تسلم على امهاا
امي : لطيفة
قلت واناا اسوي نفسي مشغوله بلفلت الاغرااض : الله يستر الطناش بدايتها


× نوران ×
ماصدقت وصلت غرفتي .. فتحت المكيف ..حااسه بحرااره تسري بكل جسمي .. رميت فستااني ع السرير و دخلت الحماام اتسبح .. فتحت المويا الباارده ووقفت تحتهاا .. المويا ثلج .. تلسع الجلد لسع ..لكن مع كل اللساعات الي بالالاف تصيب جسمي .. الا ان الصوره لسى ببالي مارااحت .. هي مو صوورة الا صووور .. البنات وهم يرقصوون بفسااتينهن المفتحه .. المبرزه لكل جمال انثوي ... كانت عيوني مسمره عليهن وعلى تمااايلهن ..كل وحده من البنااات كانت تسحر.. ام الفستان الاحمر الكاشفه عن فخذهاا .. ولاا الازرق الي مبينه كل ظهرهاا ... ولا التركواز الشفاااف
ولا لطيفه ... اااخ صورتهاا بفستانها الفووشي .. عمري مااشفت بنت بجمالها ولا بسحرهاا ..حسيت بحراار بجسمي اول مااشفتهاا ...وحتى اللحين شعور حلووو يتولد بدااخلي يووم اتذكرهاا ..ااخ لطيفة .. وهي لطيفة مثل نسمه ربيع تفرح القلب ...قفلت الموياا وطلعت من غرفتي واناا لاابسه شوورت وبدي ماااسك .. وقفت قدام مرااايتي وتاملت جسمي ...اناا ليه غييير ؟!! ماافيني أي شي يدل على انووثتي .. ليه ماني مثل نسيم .. اهي توامتي ليه مااني مثلهاا ... ليه ماني مثل روان ... او لطيفه ..لطيفة نزلت دمعه حااره من عيووني .. ليه اناا غييير ... ليه كل مااشفتهاا احس بشووق اني اضمها .. امسح على شعرها .. ليه احس نظراتي لها نظرات حقييره ..شهواانيه ... اناا .انا قذاااااااااااااااااره وضربت المرااياا بقبضة ايدي ... شفت الدم وهو ينزل من ايدي ماهتميت ..جلست ع الارض واتكيت ع حرف السرير ..وتاملت قطراات دمي وهي تشوه السجاد الابيض ..وابتسمت وانا اتخيل ان هالقطرات المتسااقطه .. تحمل قذاارت تفكيري ..قذاارت .مشااعري .... تصورااتي ..وانهاا رح تخفف منهاا .. ويمكن تزول قذاارتي نهائيا واتطهر ...ماابي اكون غير .. ابي اكون مثل الكل ... مثل كل البناااات ... اناا ليش مو بنت ...ابي اكون بنت .. ابي اطاالع بالشباااب ويعجبووني ... ابي اقول فلاان فاارس احلاامي ..ضربت رااسي بحافة سريري بقوة .. ابي اكوون بنت
ابي اكوون بنت ... صرت اسحب قطع الزجااج بقووة ... كاني اتعمد ازيد من قوة الوجع والنزيف ... نظفت جرحي ولفيته بشااش ... تمددت على سريري .. وغمضت عيووني بصعوووبة واستسلمت للنوم


الجمعه


× نسيم ×
استعديت من بدري للرحله ..حتى النووم ماطولت فيه 10 وانا صااحيه ..صحيت نوران عشان ترووح معااي ..وتكون مرافقتي .. الرحله موعدها بعد صلاة الجمعه ... طلعنا مع محي الدين للمعهد ومن المعهد اخذناا بااص للجمعيه .. الزيارة مره كانت حلووه وخفيفه .. خصوصا ان زيارتناا لجمعية البر .. فيها بناات ايتااام .. بنات تخلو عنهم اهلهم بسبب فقر او ان اهلهم رفضو يستلمونهم من بعد مالقيتهم الهيئة بخلوه غير شرعيه .. جا وقت كلمتي .. استخدمت عصاايتي البيضا الطويلة ..بصراحه انا نادرا مااستخدمها لان المعهد حافظته شبر شبر .. وبيتنا نفس الشي .. والاسواق ماطلعها امي ونوران يقمون بالواجب .. بصراحه انا احب اعتمد على نفسي .. مااحب الجا لغيري الا في الاشيااء النادره جدا والي غصب عني .. قررت انتسب للجامعه بس عشان مااداوم كل يووم واتحمل تعليقات البنات المتعاطفة او نبرات الشفقه ...فما كان عندي الا الانتسااب للجامعه ..مع دراستي بمعهد متخصص لذوي الاحتياجات الخاصه .. خخخ احتيااجات خااصه كلمه تقرفني ..يمكن وطاءتها اخف بكثير من كلمه معااق .. الا اني اكرها .. كلمه تحسسني كاني مواطن من الدرجة الثاانيه ... مدري ليه مايفهموون اننا مثل غيرناا وش يعني مااشوووف ؟! وش يعني غيري اصم ؟! ابكم ؟! احنا ماخرتناا اوضاعنا الصحيه .. حنا قادرين ننتج .. قاادرين نشتغل ...عندنا قدرااتنا .. نقدر ناقلمها حسب طبيعه اشغالنا .. مثلنا مثل الصحيحيين
وقفت على المنصه واخذت نفس عميق ..وزفرت :
يااااربي الحمدالله اني مااشوفكم ولا كان اغمى علي اناا كذا مو قادره اتنفس ..ضحكو البنات على تعليقي ... ياعيني طلع دمي خفيف ..كملوو البنات ضحك ..احم احم خلونا نبدا بالجد ..مثل ماتلاحظون اناا ماامعي ولا ورقة .. بتقولون وش حاجتهاا للورق وهي ماتشووف ..بقولكم ترى حتى حنا عندناا كتب ونقدر نقرا بس بدال عيوناا .. رفعت كفوفي ووحركت اصاابعي .. باصاابعنا ..بس مولاني عمياا رغم اني تقنياا مب عمياا..لكني اؤمن ان الي يطلع من القلب يوصل للقلب .. بحكيلكم قصتي ..انا ماانولدت عميااء ..انا ولدت طبيعيه مثلي مثلكم ..وعندي اخت توام .. كبرنا انا وياها ..هي بسم الله عليها مافيها شي بس انا كنت افقد نظري مع الاياام .. جزء .. ورى جزء .. الين تقريباا ماصاار عندي من النظر الا القليل ... والي مااقدر اشووف فيه الا بزاوية عيني ..والشي الي يكوون قريب مررره .. تخيلوو يووم يكون عندك كل شي .. وتنحرم منه فجأة ... يمكن لو اني فقدت النظر مره وحده كان هالشي اخف كثيير .. لكن عذااب مره ..ورى مرره .. ورى مره ..مؤلم ..يمكن ما يألمني اناا كثر مايألم اهلي ..الي يتمنون يعطوني نظر عيوونهم ..بس مايقدرون ..مع كذا تعلمت اني لاازم اشكر ربي ..على النعم الثانيه الي اعطاني ايااهاا .. ربي خلقني صحيح الشكل .. مكتملة الاعضاء .. عطاني اهل..وانا متأكده ان في منكم يتمنى لو ان كان عنده اب او ام .. او الاثنيين مع بعض ..حبايبااتي ..الاماني حلووه .. وانا نفسي عندي امنيااتي ...بس العيش بوسط الاماني ..مااينفع .. الانساان لازم يتقبل حيااته ... انتم هني لقيتم من الموظفات من تمسح على شعوركم .. لقيتو هالسقف الي يلمكم ..ترى غيركم ماعنده غير الارض يفترشها .. وماعنده غير السماا يتلحف بها انتم مميزات حبيباااتي ..لا تقولون هااذي تفلسف .. بالله عليكم تنامون جيعانيين مب لاقين اكل ؟! تمنوون الثوب الي يستركم ؟! ..سكت شوي .. تمنون تعرفون شكل اهلكم كيييف ؟! شكلكم انتم كييف ؟! او تمنوون تتكلموون ؟! تطالعون المصحف تتاملونه ودكم بس لو تنطقون بحرف من حرووفه الشريفه ؟!ولا تشوفوون الناس وهي طالعه للمساجد ما تتسألون يااترى الاذان وش وقع رنينه باذانكم او الي قدامك يسولف وش يقوول ؟! يسب ولا يمدح ..ولا هالرجيل الي شايله جسمكم ..تخيلو بس للحظة لو انها انبترت وصرتوا رهينين كرسي ... بالله ماانتم محظوظيين ..ربي اعطاكم نعم كثييره .. لا تصيرون طماعين وتقولون ربي ليه ماعندنا اهل مثل غيرناا ..ياابنات والله في اهل مووتهم ارحم بكثييير من حيااتهم ..ويمكن بعضكم هني عارف وش اقوول ..لازم تعرفون ان كل شي يصير بدنيتاا .. ربنا قدره قبل لا يخلقك ويخلقني ..وقبل مايخلق هالدنيا كلهااا بخمسين الف سنه ..ربنا كتب كل شي باللوح المحفوظ يعني لا اعتراضي ولا اعترااضك رح يسووي أي شي .. طيب ليه نعترض ...ليه نضيع حياتناا بشي مارح نقدر نغيره .. ليه مانتعلم كيف نتقبل حياتنا مثل ماهي ونرضى بقسمتنا .. نبطل شكايه .. ليه نشتكي ؟ النااس ماارح تسوي لنا شي .. الشكوى ماتكون الا لرب الناس .. تدرون هم جابوناا هنا لكم ليه ؟! مو عشان تشفوق عليناا .. جابونااعشان تتعلمون مناا .. مو لاننا احسن منكم .. لاا .. حنا نفرق عنكم باننا قدرنا نتصالح مع انفسنا .. قدرنا نحبهاا .. نتقبلها بعيوبها .. رغم اننا مانشوفها عيوب .. نشوفها امتحاان .. نعرف اننا لاصبرنا لااحتسبناا ..بنلقى اجرنا عند الي ماايعرف الظلم ..ولا بخس الحق .. تعلمو تتقبلون انفسكم بخطاءكم ..بعيووبكم .. بالوضع الي انتم عليه ..بس هاا مو معناته نكون على خطا ونقول هذا جزء من تقبلنا لنفسنا لاااااااااااااا الخطا نصححه عشان نكون افضل ..فهمتم يااحلوات ..امم ليه احس نفسي كثرت كلام .. معليه الكبر شين ضحكوو كل البنااات .. اخذت عصااتي ونزلت عن المسرح وسط تصفيق البنات
كملنا الزيااره ومارجعنا بيتنا الا المغرب



× مشعل ×
ماصدقت اول مافتحت لي البااب ..فكرت ان عيووني تخدعني ...وجهاا محمر بشكل كبيييير ..وتحت جفن عينها الايمن كدمه مزرقه ..مزرقه ! لااا الا صار لونهاا بنفسجي من كثر احتقان الدم تحتهااا ..قلطتني واناا سااكت ...اخااف انفجر .. منال : حيا الله الي جانا
سالتها : وش ذاا ..واشرت ع وجها
جاوبتني : زلقت
رفعت حاجبي بشك وهي دنقت : زلقتي ؟! اكيد على ايد مروان
منال بصوت تعبان : مشعل
سالتها بعصبيه : منال وش يقعدك معااه ؟! وش يصبرك عليه ؟! طيعيني وانا اخوك .. تعالي معي ..ترانا مب عجزانيين عنك ولا عن ولدك
منال : اجي ويين يااامشعل ؟! بيت ابوي ؟! ابوي الي قالي المره ان طلعت من بيت ابوهاا ماترجع له ابد ..مالها الا بيت رجلها ... وان طلعت من بيت رجلهاا فما بيكون الا لقبرها ... وين اجي يااامشعل
قلت لها : منال لو قلتي ماتبينه بوقف بصفك .. مارح اخلي ابوي يرجعك له ..بس انتي قولي مااابيه .. والله لو اخذلك بيت لحالك عشان ماترجعيله ماني متاخر عليك ..بس انتي اتركيه
منال : انا لا بترك بيتي ولا رجلي
وقفت معصب : اجل تستااهلين مااجاااك



× نوران ×
كنت جالسه العب بلاي ستيشن بالمجلس ومنسجمه ع الاخيييير ..يااحبني لرزدنت ايييفل ..نسييم ماسكه كتاب مشتريته من برى وتقرا فيه بطريقة برايل ...دخل مشعل ورمى شماغه جنبه
نسيم : ياربي حتى السلام عليكم مااافي يااامشعل
التفت عليها : نفسي اعرف كييف تعرفينه وهو حتى مانطق
نسيم : ريحته اجل كيييف ...مشعل رد مالت
مشعل : اسمعي انتي ويااها انا مادخلت البيت وجيت هنا على طول لان مالي خلق اكلم احد ..فلو سمحتي انتي خلك بكتااابك .. وانتي واشر علي ..خذي قشك وعلى غرفتك ياللاا
قلت اعترض : هييي ليش تطردني اناا ونسيم لاا
قال : ببسااطه لانك مزعجه .. ويااريت تلمين هالزبااله معااك "كان يقصد الشبس وعلب الببسي الفاضيه " وانتبه على ايدي ..نوران شفيها ايدك
جاوبته بكذب طبعاا : مراية الدولاب انكسرت وانا اقفله وطاح القزاز على ايدي وجرحني
سالني : عميق الجرح يبيله خياطه ..؟!
قلت له : لاا تشغل باالك ..حتى شوووف وحركة اصاابعي قدامه
مشعل : طيب ياللا قوومي وخلصيني
سالته : انت كنت عند منااال
زفر : ايييه
نسيم سالته : مشعل ليه تروح لها دامك ماترجع من عندها الا معصب وحالتك حاله
جاوبها من بعد مازفر : نسيم لا تنسين انها اختنا ولازم نزورها ونراعيها
قلت وانا اتذكر شكلها بااخر مره زارتناا وشفتها المقطووعه والكدمه المزرقه على ايدهاا : اختك هذي لو تنسونهاا يكون احسن اعتبروها ميته
شهقت نسيم : نووران وش هالكلاموالله ان سمعتك امي لاا تزعل ولا منال
قلت بغضب وعيوني مسمره ع اللعبه : يعني ماتدرين عن حالتهاا ؟! بالله عليكم وش يخليها تعيش مع واحد يهينها ويذلهاا ؟!! لو هو رجال مثل الرجاجيل ومايقصر عليها ..كان قلت معليه ..لكنه بوادي والمراجل بوادي ..وش تبي فيه وهي حتى كسوتهاا ابوي متكفل بهاا ..
نسيم قالت لي : لاتنسين البدر يااانوران
قلت لها : البدر ؟! ليه هو يدري ان عنده ولد ؟! محدن اهتم فيه يوم ولد ولا فرح فيه كثر ابوي و حتى العقيقه تعذر عنهاا ان مااعنده ..ذبحناهاا عنه .. تذكر ياامشعل يووم انكسرت ايد البدر من الي راااكض من مستشفى لغرفة اشعة ..لمراافقه ..محد غيرك وووين كان ابووه ؟! وفوق كذا تبيه ..وتحبه .. حبها عقرب ان شااء الله .. اكيد طبعا ماهي جاايه معناا للمزرعه ..يبي الشغاله تقعد تطبخ وتنفخ وتبسط ..حسبي الله عليه ... وقمت من بعد مارميت ايد
البلاي ستيشن ع الارض .. وطلعت على غرفتي

× فيصل ×
قفلت الملف الي قداامي ..وتسندت ع الكرسي .. والله حااله اليوم جمعه .. يعني اجاازة ..رااحه .. وانا ماعندي الا ذا الشغل ...قمت متسند على عكازي ..وقفت قدام جدار زجااجي مطلع على الحديقه الخلفيه وبها مسبح الي يشوف بيتي او قصري ..يقول اكيد ساااكنيينه عايلة كبيير.. مايدرون اني مسميه منزل الاشبااح ..خخخ ..مافيه غيري والطباخ والحاارس ...ثلاث اربااع الغرف مقفله .. مافي غرف مفتوحه غير مكتبي وغرفة نومي ... ااهـ الله يرحم ياابوي .. الله يرحمك يمه ...شكثر كانو يتمنو يمتلي هالبيت عياال ..لكن ربي مارزقهم غيري .. وحتى يوم انولدت ماكنت سلييم ..كنت باحيان كثييره اشووف الحسره بعيين ابووي . اكيد بيتحسر ... وهو يشووف ولده الوحيد ...مو قادر يمشي على رجيله ... مو قادر يجري مثل الي بسنه اخذني ولف فيني بلاد الدنياا وسويت اكثر من عشرين عمليه ..تركت ندبهااعلى رجلي واسفل ظهري ..والحمدالله قدرت امشي صح ع عكاز ...وعكاز مستحيل اتخلى عنه ..اجتهدت بدرااستي الين ماا تخرجت من الثانوي ولاني معااق ..سافرت برى وتخصصت بالهندسه المعماريه . ورجت ومسكت شركة ابووي ودرتها من بعد موته الله يرحمه ..امي ماابطت كثير عقبه ...لي من امي اخ وحيد ..طلال ..ماكانت بيني وبينه أي علاقه . بستثناء المنااسباات ..عرفت انه خسر باعمااله وحاولت اسااعده لكنه رفض وبالنهايه البنك حجز على امووواله واخذ البيت الي كان سااكن فيه .. استضفته ببيتي هو ونجوود .. تقربت منهاا ومنه ..لكن اخوي المريض بالقلب مااتحمل كثير خسارته وتووفي .. بقيت معي نجود ..وكنت مبسوط فيهاا وكونها انست وحشة هالبيت ..لكن حنينها لامهاا خلااني اشتري لها بيت واسكنها مع امهاا فيه ... ومالت عليها من ام ..مااقدر انسى انها تخلت عن اخوي بازمته الماليه وفضلت الطلااق ....اخذت مفاتيحي وقررت اخرج اتمشى بالسيااره

انتهى
نلتقي باذن من جلت قدرته ..الخميس مع الجزء الثالث

حياك الله يابدوية

انضمامك ككاتبة الى ليلاس شرف ينال القسم وجميع الأعضاء .

وصدقيني ماراح تخسرين بوجودك في ليلاس اقل شي راح تشعرين بالارتياح النفسي هنا

<< احساسها تجاه ليلاس ..

ماقريت الجزء كله للحين ..

حبيت ارحب فيك وبإذن الله لي عودة بعد القراءة

المقدمه جريئة ويبدو لي ان الرواية ستلامس بعض النقاط الحساسة في المجتمع وتظهر المكنون على السطح بغرض معالجتها ..

اهنئكِ بصراحة واشد على يدك بأن نكتب عن واقع مجتمعنا حتى وان كانت بعض الصور سيئة

المهم نظهرها ثم نعالجها بالطرق السلمية والسليمة .!




الا صحيح ..

ليه ماتطلبين من الادارة يعدلون لك اسمك

ياشيخه صرت اقراه يدويه من زود التناحه



موفقه يالغلا واعانك الله على اخراج رواية تليق باسمك ومجتمعك وقراؤك ..!

أهلين بدوية حياك الله في ليلاس يالغالية

من فترة شفت اسمك ومشاركاتك هنا وسألت نفسي ليه ماتنزل رواياتها هنا أعتقد ليلاس صار يضم أقلام مبدعة وأهل للتنافس الشريف والاهم مساحة الحرية هنا اكبر...
ومثل ماقالت أقدار ليه ماتطلبين من الإدارة يعدلون اسمك حرام الإسم كذا مو شي هههه ...

بالتوفيق يالغالية وننتظرك بكره ان شالله...