الفصل الخامس والعشرون
اني انثى


بعد مرور اسبوع

كانت هي وصديقتها مشغولات في التنقل من محل لمحل .. خلاص العرس ماعاد باقي عليه الا شهر ونص تقريبا وهي نص اغراضهاا ماااشرتها لسى .. ولو مااسااعدتهاا لطيفة في تجهيز قايمه بااحتيااجااتها ومع نصايح منال لهاا .. مااكاان عرفت تدبر نفسهاا.. خصوصا وان امها راافعه يدهاا تماما من الموضووع ومنشغله بنفسهاا وبحملهاا

×نجود ×
والله ماكنت رح اعرف اسوي شي لحالي .. احس اني ابي اخذ كل شي .. واني احتاج كل شي .. لكن مو ماااسك ايدي زيين الا لطيفة الي معها بطااقة الصرااف وتحااسب .. اما اناا ماعرف ادير فلوس بالمره ..من بعد ماا قضينا مايقاارب الاربع ساعاات بالتسوق .. جلسنا وارتحنا بواحد من المطااعم وقررنا نتعشى مع بعض
وبطريقنا للمطعم .. مرينا من جنب محل .. كااان معروض فيه فستان رووعه .. وقفت مصنمه قدااامه
قلت للطيفة وانا اشر على محل : لطيفة شوفي الفستان مره رووعه

لطيفة وهي تطالع بالنوت الي بيدها : حبيبتي خلصنا من شرى الفسااتين مااتحتااجين أي فستان زياده
قلت استعطفها : لولو والله حلوو
هزت راسها : ع المانيكان احلى .. امشي خلينا ناكل ترى جيعااانه
مديت برااطيمي : الغلطه غلطتي مين قالي اعطيك البطاقه
ردت علي : لو مااعطيتيني ايااها كان مداااكي صاارفة كل مهرك وماااخلصتي نص جهازك
قلت لها : كاني بتهزأ ؟!!!!!!
ردت : بالضبط .. امشي نخش هنااا

جلسنا وع الكراسي الي جنبناا .. حطينا الاكيااس الكثيير .. يمكن عشرين كيس من الحجم الكبيير .. بين مكيااجاات الى عطوراات .. ومستحضرات عنايه بالبشره .. وكيس واحد كان عبارة عن ساعة رولكس .. وزين لطيفة ماغمى عليها لما سمعت سعرها .. اشتريتهاا لمشعل هديه .. لانه اكيد بيجيب هدية يوم الصبحيه .. فانا بجيب وحده له كمان .. غير كذا انا اعلى وحده بعيلتنا مهر .. ماقد سمعت بقراابتنا البعيديين ولا حتى جهة اهل امي بمهر مثل كذا .. حتى امي قالت لي حطي فلوسك بالبنك ولا شغليها بالاسهم .. وجهزي بمية الف كفايتك

سألتني لطيفة : كيف عمك ومرتو ؟! ولساانك معاهم ؟!
مطيت شفاايفي : لساني من يومتهاا مااسكتو.. بس والله احيان نفسي اعلق .. بس اخاف ينقص
ردت علي : جودي اعرفك .. اكيد تعلقي مره مرتيين
رديت : بذي ماكذبتي ههه .. قد ايش باقي بالبطاقة ؟!!
ردت عليا : بااقي الي يجهز عروستين .
رديت : تصدقي انا نفسي تفاجأ بالمبلغ

ردت علي: ليه تتفاجئي اليوم الناس العاديه توصل مهورهم للمية الف .. وانتم مااشااء الله الله اكبر من اكبر العوايييل واغنااها يعني شي عاادي لو مهرك خمس مية الف

سالتها : ماعرف حتى ولو احسه مبلغ مبالغ فيه صحيح مو عمي الي طلبه بس كثير خصوصا وهو يعني شغلته بسيطة ماتدخل ملااييين

ابتسمت : يااعيني خاايفة على جيبو من دحييين .. وغمزت لي
رديت : مو بيصير زوجي اذا انا ماخفت عليه مين بيخاف
ردت : الله يووفقكم مع بض ويسعدكم .. انتي طيبة كتيير وتستااهلي الخير .. وان شااء الله يكون هو زيييك وماايبهدلك معاااه

ابتسمت : ويرزقك ياالولو الي يعزك ويرفع قدرك .. ويخلصك من عبدالعزيز الزفت والعقربه مرته
تغيرت ملامح وجها : جودي مهما كان عبدالعزيز اخوياا
رديت : لاتزعلي والله مقهورة منه
حاارت دمعتها بعيونها : الله يهديه بس
مسكت ايدها الي ع الطاولة : عملك فيك شي ؟!!!!!
ردت علي : لا ماسوى .. من اخر مره لما هددتو بالبييت ... ماسوى شي
سالتها : يعني انتو ضامنيين حقكم اكيييد ؟!!

ردت علي : اكيد ضامنينو .. ياحبيبتي عندنا صك شرعي وانا شاايلتوو من شهر بخزينه بالبنك ... كان قلبي كان حاسس انو ممكن يسووي شي .. وعبدالعزيز موقع وباصم بالصك انو قابل الوصية .. والحمدالله وقتها ماعترض ولا كان لقيتينا انا وامي بالشاااارع

هزيت راسي : نفسي اعرف اخوك ليه اتغير ؟!! انتي وياه نفس التربيه ليه انتي غير وهو غير
ردت علي : انا دايما اسأل نفسي هذا السؤال .. وماالقاالو اجابه .. احيانا اقول يمكن مرتوو .. بس مرتو ماارح تضربوو على يدوو .. وتقولو عق امك وبهدلها .. مرتوو مو هياا الي اكلت حقوقناا .. لطيفة انتبهي تقسي قلب زوجك على امو واخوااتوو .. لااتسوي زيهاا وتحرقي قلووبهم .. زي مااقلوبنا محرووقه .. والله ربنا يمهل ولا يهمل .. وبكيت

قمت من كرسي .. وجلست جنبهاا وحظنتها .. حسيتها مووجووعه كثييير .. موجوعه بدرجة اكبر من انها تعبر بها بالكلام .... صحيح تشتكي لي .. لك احسها تخبي اشيااء كثييره .. اكيد ماارح تقولي كل شي .. مهما كان محد يحب ينشر غسيلة على الملا .. وان كنت اقرب النااس لها .. بصراحه على الرغم من يتمي الا اني ماحسيت فيه .. ابوي صحيح ماله الا سنتين تقريبا .. الا اني نادرا مااحسيت بغياابة وجود عمي حولي ورعايته لي كاانت كفيلة تسد الفراغ الي تركها رحيلة ... اماا هي مالقت احد وابوها الي ماات من عشر سنيين مكانه فااضي .. والفجوة تزداد يوم بعد يوووم

هدت شوي : معلية نكدت عليك ... كنت ابغى ارد عليها الا ان صوت بطنها الجيعااانه خلاانا نضحك ونغير الجو الكئيب الي كناا فيه




اليوم هو يوم الخطوبة المنتظر .. الكل كاشخ ..والكل مهتم .. بالنسبه لها .. حلم ماتوقعت يتحقق .. وبالنسبة لاهلهاا نصيب مجهول .. اما هو .. اخيرا بيحقق تحديه . .. وربح ثاني جولة من جولات صراعه مع ابوه

× نسيم ×
اخذت نفس عميق .. ياللا نسيم ترى مااانتي دااخله حرب .. كلهم مجموعه حريم شي عادي .. انتي كل يوم تختلطيين بالنااس

منال بصوت ماليه الضيقه : ياللا نسيم الناس تنتظر
سالتها : وش راايك فيهم ؟!!
ردت :اخته حصة حبوووبه .. رجعت خصلة من شعري .. كذا احسن عشان يبان وجهك ..ياللا ادخلي
ناديتها : هي لحظة
منال : وش فيه ؟!!
سألتها : كيف جالسيين ؟!!!

ردت علي : اول ماتدخلين على يدك اليمين اول كرسي فاضي .. ومن بعده ع الكنبه الطويلة امه جالسه .. ومن بعدها اخته حصه .. والكرسي الي بعدهم جالسه نووير .. سلمي عليه وروحي اجلسي جنب امي .. هي بتنااديك وهيا تااخرناا

خطيت اول خطوة وبديت اعد خطواتي .. واحد .. اثنييين .. ثلاثه .. اربع ...خمس .. ست خطوات وسيعه وهذاا هو بااب المجلس وصلت له .. كنت اسمع اصوات هرجهم .. كان عاام

اخذت نفس عميق ودخلت ..: السلام عليكم
سمعت رد بمختلف الاصوااات : وعليكم السلام

بديت اتجه للكرااسي اليمين .. اول كرسي على بعض خمس خطوات صغيره .. كنت اعد بحذر .. اخاف اغلط وصلت للكرسي المطلوب .. وسلمت على امه .. كان سلاامها بااارد مره .. ولا فيه أي نبرة من الحمااسه .. او الفرحه .. ميت خطوتين صغاار .. وسلمت على اخته الاولى .. ومن بعد اربع خطواات ... وصلت للثاانيه الي كاانت سلاامهاا جلييييييييييييييد .. تعرفون هذي حسنة العمى .. انك تقدر تعرف النااس من غير لا تشووفهم مو معرفة شكل .. لاااااااا .. معرفة نفسيااتهم .. ارواحهم .. كل هالاشيااء تنعكس بشكل لاا اراادي على الصوت ومهماا حااول الشخص يغير بالنبره ماايقدر .. المشاعر اثرها مستحيل يختفي في الصووت واكبر مثاال اهل العريس .. صح حمد .. عرفة اسمه من يومين بالصدفة .. امه نبرة الخمول ابداا ماانااسبت صوتها ذو الطبقة العااليه ... الخمول اذا مب غلطانه جاي من عدم رضااها عني .. اخته الاولى صوتها مليان ثقة بالنفس والي يدعم هالشي ان هي الي جالسه تدير الجلسة .. اما الثاانيه التوتر .. بااين بكل كلمه تنطقها ..وكل حركه خصوصا وفنجانها يضرب الطاولة كل شووي وصوت كعبها دليل على تحريك رجلها المتكرر .. سهل احدد هالشي انا قريبه لها .. خصوصا واني بعدها بكنبه وحده بس

سالتني ام حمد : كم عمرك ياابنتي ؟!!
رديت : 22 عشرين يااخاله
اخته الواثقه : مخلصة الجامعه صح يانسيم ؟!
ابتسمت : ايه واشتغل بمركز النور
ام حمد : مااشااء الله .. وان شااء الله مرتااحه بشغلك ؟!
رديت : الحمدالله
سالتني اخته المتوتره : مولوده عميا ؟!!

ماعجبتني طريقة طرحها للسؤال .. لكني تمالك اعصابي : لاا .. اما كنت اشوف الين وصلت ثمان سنيين وبدأ نظري يضعف الين ماوصلت العشر .. وصرت تقريبا عميا

سالت ام احمد : يعني مرضت
ردت عليها امي : لاا .. يقولون الدكاتره انه خلل جيني
ام حمد : والله انا ماافهم وش ذا الكلام
ردت عليها حصة بنتها : يعني مرضت وهي لسى ببطن امها يمه .. بس المرض ماباان الا وهي كبيرة
ردت ام حمد تسأل : يصيب عياالها ؟!!
ردت عليها امي : الله العالم .. اختها الي كانت معهاا بنفس البطن مااصاابهاا شي .. والعيال علمهم عندالله ياماا ناس مابهم عله .. وعياالهم امرااض .. نسيم يمه خلاص تقدرين تروحيين غرفتك

قمت وانا اخذت نفس عمييق .. احاول اتماالك نفسي به ... الي ابيه اللحين اطلع غرفتي واحبس نفسي فيهاا ليه كذا ؟! .. ليه ذاا الاسلووب بالتعاااامل ؟! .. معقول امي ومنال مو ملااحظيين طريقة امه بالاسئلة ؟!! المره مااااتبيني .. مااتبي عمياا لولدها الصحيييح .. ايه صحيح ومو معاق .. هذا شي من سمعته ونيران الاسئلة تااكلني .. مااسالت أي احد من اهلي عن راايه بالموضوع .. محد فيه بيقدر يقولي ليش حمد بياخذ عميا الاجابه المقنعه الوحيد رح تكون من عنده هوو .. يالله وش ذا الحيره الي انا فيهاا

سمعت مشعل : تعالي قبل لا تطلعيين
التفت على مصدر: وش فيه ؟!!
قالي : الحقيني لمجلس الرجال الدااخلي .. حمد بيشوفك الشوفة الشرعيه
مغصتني بطني اكثر من قبل : شوفة ؟!! مشعل الله يخليك قولهم مالها دااعي ماابي .. والله بطني تمغصني
رد علي : وش الي ماله داعي .. انتي مااتبين الرجال يبي من حقة يشووفك
ابتسمت بسخرية : نسيت انه يشووف .. طيب خلني اجيب الشيلة
قالي : مالها دااعي .. من حقة يشوفك مثل مااانتي .. ولبسك طويل وساااتر ياللاا قدامي

يااشين مشعل لا صااار جدي .. ماايتفااهم بالمره .. بالله انا كيف بدخل على الرجاال كذا ؟!! مااقدر .. احس نفسي بطيح على وجهي .. والله فشاااااااااله

دخلة مع اخوها للمجلس الداخلي .. شاف مشعل وهو يطلع .. جلس على وااحد من الكراسي .. وهو يهز رجله متوتر جداا.. يكره الانتظاار .

× حمد ×
جلست انتظر مشعل الي رااح ينادي اخته .. تاخر .. وين تاخر يااحمد وشفيك مطيور الرجال مله ثلاث دقاايق
يااترى اهلي وش سوو معااها ؟! عسى امي قالت لها كلمه كذا ولا كذاا .؟!! امي طيبة .. لكن مثل كل ام تحب تااخذ لولدها الي تكون على هواها .. ونسيم ماهي على هوى أي احد من اهلي غيري .. مسيكن ابوها قالي يشووفها بعدين نتكلم بالمهر وهالاشيااء .. ماايدري اني شااايف بنته قبل كذاا ... وبصراحه عجبتني المبااادره منه .. قطع حبل افكاري مشعل الي دخل

مشعل : العذر منك طولت عليك
رديت : ولا يهمك
التفت ع الباب بضيقة : وبعديين .. نسيم ادخلي
دخلت اخته وهي تجر رجولها جر .. وقفت زي الاهبل .. وانا اشوفها تدخل .. على طول مر ببالي .. ذاك اليوم الي دخلت فيه علي بالغلط .. كانت معصبة يومتها .. واليوم مستحيييييية مني .. سحبها مشعل من ايدها وجلسها على كرسي قباالي .. والحمدالله مجلسهم ذا صغير فمالساافه قريبة

مشعل : هذي هي نسيم يااحمد
سلمت عليها : شلونك ؟!! عساك بخييير
رفعت راسها وعرفت انها عرفت صوتي .. شي بداخلي قالي .. الصدمه على وجهها بانت واضحه .. ماردت علي بالبداايه .. لكنها بعد فتره ردت : الحمد الله

حاولت اتلكم معاها : شلون الشغل معاك ؟!
ردت : الحمدالله
سالتها : تحبين تكملين شغلك بعد الزواج ؟!
ردت بطريقة ماتقبل الشك : اكيد طبعا
سالتها : حتى لو كنت معارض ؟!
ردت علي بطريقة اقهرتني ..: اذا واافقت عليك وصرت زوجي .. من حقك تمنعني ولك علي الطااعه

اذا وافقت ؟!! ليه معقول ترفض ؟!! هي مو بمكان يسمح لها الاختياار ؟!! نسيت انها عمياا ؟!! ليه واذا عمياا يااحمد مو بنت مثل كل البنات ؟!! النظر ماايعيبها يااحمد ابوها يقدر يحط لها بدل الشغاله الف ... واذا ع الجمال البنت حلوه .. وعيونها طبيعة الشكل ماافيها شي ينفر

سالتني بتردد : ليش انا ؟! او خلني اكون واضحه اكثر ليش عميا ؟!
رديت وانا احاول اصيغ اجاابه مقنعه .. مادري ابي اقنعها ولا اقنع نفسي : كل انسان له اسباابه باختيار شريك حياته .. وانا الي سمعته عنك يااخت الرجال وعن طيب اهلك يخلي أي رجاال يتمنى نسبك .. واذا العمى بنظري مايعيبك .. لان الاهم من العيون المفتوحه .. العقل المنفتح والواعي

اعرف انها اجابه نموذجية بس هذا الي طلع معااي .. البنت مو سهله .. ولوما مشعل ماطلعني من المقلط يمكن استجوبتني .. معقول تكون شاكه بنيتي ؟! وليه ماتشك ؟! البنت باين عليها ذكيه مره وماينضحك عليها بسهولة .. ينظحك عليها ؟! ليه لايكون ناوي تضحك عليها يااحمد ؟! وش قاعد اخرف انا

رجعت للمقلط .. ودخلت اما مشعل رجع للداخل .. اكيد بيشوف راي اخته .. جلست مكاني جنب ابوي واعطيت ابوي اشااره بالموافقه
وبدأ ابوي يتكلم : ها يابو مشعل وش تقول .. ؟!
رد على ابوي .. والظاهر ان بنته موافقه : نسبكم يشرفناا ياابو حمد
ابتسمت ابوي .. اكيد اول خطوة بطريق الحفيد بدت : تسلم .. طلباتكم ياابو مشعل
رد عليه : رياال وشيمه رجاال
رد عليه ابوي : لها مهر اختها وذهبها كله عليناا ولهاا جناحهااا الخااص ...والعرس عليناا .. ومالكم الا الي يشرف وجيهكم قدام اهلكم وناسكم
رد عليه ابوها : الله يبيض وجهك ماقصرت
رد ابوي : ينااسبكم العرس بهد شهرين ؟!
رد ابوها وانا خايف يعترض : ينااسبناا




اللوم كان يطيح عليها من كل جهه .. تدري ان كلامهم فيه من الصحه الكثيير .. لكن مااعليها منهم .. محد فيهم يقدر يفهم الي بفكرها

× نسيم ×
حاول بدر يقنعني اني اغير رايي بخصوص حمد : نسيم انا مااشوفه الرجال المناسب لك .. ارفضيه ونصيبك بيجيك ان شاء الله

رديت بحده : مو مهم انت تشووفه المهم رايي انا
منال بحده : انتي ليه رااكبه رااسك .؟!! من زينه تمسكه فيه

ابتسمت بمراره : زينه ؟!! هو انا اشوف عشاان احكم على شكله ؟!! الظاهر ياخواني نسيتم حالتي .. بسيطة ارفضه ياابدر .. بس بيجي غيره ؟!! هو اصلاا جاا احد قبلة وانا قلت لاا ؟!! افتحوو عيوونكم وشووفوو فيها زييين .. شوووفوووو اناا وحده عمياااا .. مركونه على الرف محد يبيني .. حتى المعاااقيين الي مثلييي ركنووني .. ودوروو ع السليماااات او الي اعااقتهم اخف ... تبون اللحيين من بعد مااجاااتني النعمه ارفسهاا برجلي ؟!! كذا بكل بسااطه ؟!!

منال : ويعني ذا الحمد الي بيرضى فيك .. اصحي ياامااماا هو ماخذك الا وعنده بلا بستر عليه
قلت لها : عااادي راااضيه .. ع الاقل بحس اني وحده طبيعيه متزوجه وعندي زووج مبهدلني مثل الصااحياات
اعرف اني جرحتها بتلميحي بس هم بعد ماارحمووني

بدر : يعني انتي اللحين مو عايشه ياانسيم ؟!

قلت له : انا عايشه للناس .. بس للنفسي ؟!! اشتغل واخدم مجتمعي .. اسااعد غيري .. افرحهم وانا ؟! مو من حقي افرح ؟! مو من حقي احس اني بنت بكاامل انوثتي ؟!! مو من حقي احس اني مرغووبة ؟! هو جاي يتقدم وعارف طبيعة اعااقتي .. يعني عارف وضعي ومع كذا اختارني .. يمكن عنده اسباابه .. عند بلااوي مثل مااقاالت منال .. ويمكن يبي يكسب بالعمياا اجر وثواب .. ليه السيء دوم متقدم .. بدر انا ابي اعيش .. بس لو لفتره ابي احس اني انسااانه طبيعيه

منال قالت : نسيم لا تبنيين قصوور افهمي انتي نااااااااااااااااقصه ... عاارفه يعني ايش نااقصه ؟! ماارح تقدريين على خدمته حتى

قلت لها : طيب انا ناقصه وانتي ؟! مو اخذتي واحد ناقص ؟!! مقصر معاك ؟!! ماقاام بدورة كزوج ؟!! ولا تحسيييين نفسم متفضلة عليه وقاابلة فيه على علته .. ؟!

سمعت الباااب ينصفخ .. قلت لبدر : ليه ماتصير مثل مشعل وتتركني اتحمل نتيجة قراااري
قالي : مااقدر انتي غااليه .. انتي قطعه مني .. حسيت بيده تمسح على شعري

بكيت وانا اقوله : اعرف والله اني ممكن اندم .. بس بدااخلي امل اني رح اقدر اتعايش معاه وهو يتعايش معي .. اعرف انه كان مزوواج هو قال لبوي مااكذب علييه .. احترمت هالشي .. انتم بلساانكم قلتم مااعليه كلاام رجال طيب .. ليه ارفضه ؟! ارفضة لانه يشوف وانا عميااء ؟!! طيب انا ايش ذنبي بعمااي ؟!! اذا ماكان فيه علااج الا الجراحه .. .. واذا ماافي من يتبرع لي بقرنيته .. وش ذنبي ان المره الوحيده الي لقيناا فيها اهل يتبرعون لنا بعيون ولدهم من بعد مااا ابوي ترجااهم رجى .. وبالنهايه وش استفدت .. جسمي رفض التجااوب قوولي انا وش اسووي ادفن نفسي بالحيااة .. بدر تعرف هناا .. واشرت على صدري ... مو بس يووجعني .. كل نبضة .. احسها شوووكه تنغرس وترجع تطلع .. تنغرس وتطلع .. وماتطلع بشوويش لاا .. تنزع نزع ... هالالم الم النقصااان ياااخوي ...الم النقصاان ... الم الصورة الناااقصه .. الصورة المشووهه بعيون النااس .. تعرف بدر حتى انت بتحس فيهاا .. بس مو اللحين .. لا حسيت فيهاا بتفهم .. وبتكتشف كيف انك كنت مستغفل نفسك .. بتعرف زيين ان بدر الموجود اللحين .. هو انساان نااقص .. ماله مااضي .. بتشوف شبح نوران محااوطتك ومو تااارك لك أي مجال للحركة .. بالله تخيل لو الناس عرفت انك نوران .. تعرف شلون بيعااملووك ؟! بيعااملوونك على انك مخلوق غرييب .. مثلي .. غريبة .. وناس بتشوفك مريض عقلي .. وناس بتعتبرك معقد .. مثل ماانا معقده بسبب غيرتي وحقدي على الاصحااء ... بدر تكفى لو تحبني صدق .. لا توقف بوجه ذا الزواج

حسيت بشفاايفه على جبيني : الله يتمم لك بخير




كانت تحاول تمسك اعصاابها قد مااتقدر .. وكانت منقهره بمعنى الكلمه ... ماتمنت ابداا نسيم توافق على الزواج .. وفوق كذا ردودها لها الاستفزازية ... طلعت مع زوجها بترجع بيتهاا .. خلاص طااقه الاحتمال عندهاا اصبحت صفر

× فيصل ×
كنت احسها مضاايقه كثيير .. حتى ماانتظرت كثيير ببيت اهلها .. توقعتها تبين تقعد عندهم وتسمر لكن الظاهر ان صاار شي مضاايقهاا وموتر اعصاابها

سالتها : وش فيك مو على بعضك

ردت : مضاايقه ياافيصل مضاايقه .. مو مصدقة انها وافقت .. شلون تواافق عليه ؟! اصلا ابوي شلون يقبل واحد لعاااب مثله يكون صهره

ضايقتني كلمتها : منال لا تنسين انه صديقي
ردت علي : واذا ؟!! لو انه خاطبن نجود كان عطيته ايها ؟!!
ماارديت عليهااا .. : شفت مابتعطيه ايااهاا .. وابوي عطاه نسيم بالله شلوون يقدر ياتمنه عليهاا ؟! نسيم مستحيل تتحمله وتتعايش معااه .. واحد كل يووم ببلد .. وكل يوم مع حرمه شكل .. وش يبي بااختي غير ديكوور قداام الناس بس عشان يقدر يلعب بكيفة

رديت :بس يااامنال .. قطعتي الرجال واتهمتيه بالزنا حرام عليك
ردت : اكيد بتداافع عنه مادري كيف نسيت انه صااحبك

رديت عليها وانا مو عاجبني ابدا اسلوبها بالكلام : منال حمد يمكن سفرااته كثيير .. لكنه ماايحب الحراام ولا يروح له
قالت : ايه نسيت انه الزاهد العبااد ... اكيد انه يتعب من كثر مااايدعو النااس للاسلاام .. حراام ظلمنااه

سكت وانا اغلي مارديت عليهاا .. خصوصا ونحن وصلنا بيتناا .. وقفت السيارة وتركت مفتاحها فيها
دخلناا البيت وجلست على اول كنبه ...

كاانت منال تفصخ عباتها .. وعطتها للشغااله .. نزلت جوالي ودقيت على نجود

سالتها : انتي ويين اليين اللحين ؟!!
ردت علي: اوصل لطيفة بيتها
رديت وانا اشوف الساعه 10 ونص : اخلصي بسرعه الوقت متاخر
ردت : حاضر عمي ... وقفلت الخط

منال جلست : اسمع ادري انه صااحبك ...لكن قلي ليه سليم بياخذ عمياا الا لو
قاطعتها : اقفلي السيره لو سمحتي .. مابتفهميين شي .. ولا رح تستوعبين أي كلمه من الي رح اقولها .. تدرين ليه ؟!! لان الى اللحين .. مغاامرات مروان لسى موجوده جواتك وتقيسيين كل الناس عليه
تصدقين حتى انا سفرااتي برى كثييره .. وش راايك انا بعد ارووح للحرام مثل النذل الي كنتي ماخذااه

ردت علي: فيصل الميت مااتجوز عليه الا الرحمه
قلت بغيض : زعلك الكلام عن حبيب القلب .. اسفيين لاناا تجاوزناا خطوطنا الحمرا معااك
صرخت فيني : بس حراام عليك




كانت تعباانه من كثر مادارت بالاسواق .. ماصدقت تدخل بيتهاا ... اذا هي الصديقة متبهدله اجل العروس وش بيكون حاالهاا

× لطيفة ×
اول مافتحت بااب المدخل ودخلت .. لقيت عزوز جاالس بوسط الصاااله وعيونوو مولعه شراار .. يااربي شكلو ناويلي على خنااقة اليوووم
سلمت : السلام عليكم
رد : وعليكم السلام .. اهلا وسهلا .. اخيرا ست الحسن والدلال مشرفه ..وينك لين دحين يااهااانم ؟!
رديت : كنت بسوق وامي تدري
مشيت ابغى اطلع لغرفتي .. الا انوو سحبني من عباايتي ورماااني ع الكنبه : انطقي هنااا
توجعت : ااااااااااااي عبدالعزيز عورتني
قالي : عوورتك ؟!! سلاامتك معليه حقك علياا
عصبني اسلوبو : عبدالعزيز ايش تبغى خلصني انا تعبااانه وبكره عندي دووام
صرخ علي : كنتي فييين ومع مييين
قهرني السؤال .. وقف ورديت بثقة: اعتقد جاااوبتك .. وعيب عليك الي تلمحلوو .. انا اختك وانت عاارف تربيتي كييف

قالي : شاايفتني غبي .. ماعرف حركااات البنااات ؟!! مين هذا الي كل يوم تروحي تقاابليي ؟ زميلك بالعمل ؟! ولا مرقمك عند الاشااره ؟!

صرخت وانا دموعي على خدي : بس كفاايه .. انا اشرف منك ومن مرتك
ضربني كف : مرتي لا تجيبي اسمهاا على لساااانك ياااوسخه .. اورييك من بكرة ماافي طلعه من البييت لا شغل ولا غيرووو

رديت عليه : وميين بيصرف عليا انا وامي انت يازوج الست ؟!! اصرف على مرتك اول وبعدييين تعال اصرف عليينا .. ويااخي مسوي فيها راااجل .. مرتك من الظهريه طالعه وييينها اليين دحييين

ماستنيت اجااابتوو على طووول طلعت غرفتي .. حسبي الله عليه ... حسبي الله عليه ..ياارب خلصني منوو ومن مرتووو

كان كلاامه مثل السكيين يقطع فيهاا ... السسخريه والاستهزاء الي ماليين صوته ذبحتها هو مو قاادر يفهم وش تفكر فيه .. وهي مو قاادره تفهم انه رجاال الغيره ذااابحته وهو يعرف ان طيف رجل لسى يحوم حول مرته .. مو ضروري يكون يحبها او متيم فيها .. الا انه رجل والرجل مايحب احد يقرب من زوجته لو كان يكرها او كان الي يحوم حولها مجرد ذكريااات مااضي

× منال×
قهرني كلاامه .. قهرني تلميحه .. لهجته ... ليه يتكلم كذا ؟!! ليه يحشر مروان بالنص ؟؟ وش دخله بكل هذاا ؟ الرجال ماات وانتهى امره ؟!! خلااص رااح الله يغفر له ويساامحه

قالي : اوف كل هذا حب
رديت : فيصل وش فييك ؟!! وش دخل مروان ؟!
رد علي : له دخل ونص وانتي تقييميين الناس كلهاا على اسااس افعااله .. حمد صاار رااعي حراام لان مروان مايساافر الا للحراام .. وبمى ان حمد صاااحبي فااكيد انا مثله .. صح ولا لااا يااهاانم ؟!

رديت عليه : انا والله ماكان قصدي .. فيصل انت شلون تفكر بذا الكلام
رد : وليه ماايكون قصدك ؟!! مو الصاحب سااحب ؟! ولا لاني اعرج ماارح يكون لي مغاامرات

صكيت على اسنااني : فيصل وش ذا الكلام ؟!!
رد علي : منال انا جالس اترجم الي مااتقدرين تقولينه بشفااتك وعيوونك قااايلته .. عادي ترى مو زعلاان .. مافيها شي .. بس العرج مااهو عايق وانتي ادري الناس

ماكنت اعرف انه بذي الحسااسيه .. وانه اخذ كلامي عن حمد على انه تلميح عنه .. والله انه عمري مافكرت فيه كذاا ..ليه مو قادر يفهم
قمت من مكااني ورحت وجلست على الارض بحيث تكون ايدي على ركبه : وش فيه ؟! ليه تقولني كلام مااقلته ؟!! ليه تجرحني ؟! وانت وعدتني ان بدواي جروحي ؟!

رد علي : مين الي يجرح الثاني ياامنال.. انا مو غبي ولاسااذج .. الشيب ماطلع من قلييل
حطيت راسي على رجله : ليه ماتجيبها من الاخير ؟!
سالني : دامك فاهمه ليه ماتجااوبين
رديت عليه وانا ارفع رااسي وعيوني تقاابل عيونه : امي .. امي هي الي اجبرتني اوفق عليك..
اشتدت ملاامح وجهه .. وبانت الضيقه عليها .. عدل عكازة عشان يوقف .. الا اني ارخيت العصا مكاانها

وقلت له : لاا اسمعني اليين النهااايه
رد : ماتركتي شي ينقاال
رديت باصراار : الاا فيه .. وبتسمعني الييين النهاايه انت الي طلبت .. وانا البي طلبك
ناظرني بحده وقالي : اخلصي

كملت : لما خطبتني .. كنت شاايفة حلم تكرر اكثر من مره .. كنت اشوف ثوب ارفض البسه .. امي تلبسني ايااه غصب .. كنت احسه ضيييق مره ويكتم علي .. وبعدها يوسع .. لما فسرنا الحلم كاان الثوب زوج ماني رااضيه عنه .. وبعدين برضى عنه .. وانت كنت متقدم لي .. وحلفت علي امي اقبلك وفعلا تزوجتك .. واليوم انا اشكرها ... لانها غصبتني عليك .. انا لو ادور الارض على رجيلي ماالقى رجل مثلك .. معك بعشر اياام حركت مشااعري الي مااتت طول سبع سنيين .. انت خليتني احس اني انساانه .. لي قلب ولي مشااعر .. انت احترمتي ..واحترمت رغباااتي .. اذ بتسالني احبك ؟! مااعرف .. اعرف اني ارتااحلك .. واعرف تماما اني احب اكون معااك .. واعرف ازيين اني احترمك واقدرك .. واذا ع العرج ماايعيبك .. وانا متاكده ان الي مثلك كل البنااات يتمنوون اشاااره منك .. الحااجز الحقيقي بينا انك مو قادر تشيل مروان من باالك .. مانت قاادر تنسى اني كنت بيوم متزوجه ... فيصل انا لما منعتك تتكلم عنه بس لان للميت حرمه هو ماعاد يعنيلي أي شي .. غير انه الرجال الي ذبح ولدي

ماقدرت امسك نفسي وغصب عني دمعت... رفعني فيصل وجلسني جنبه مسح دمووعي وضمني وهو يقول : اعترف اني اغاار .. انا باياامناا البسيطة مااقدر اتخلي عنك .. واشتااق لك .. ماعرف شي اسمه الحب .. اعرف ان فيه بيناا شياا ارقى من انه يكون مجرد رغباات واحتيااجات .. شي يخليني افرح لاشفتك مبتسمه ..وهو نفس الشي الي يحرق قلبي كل ماامر طيف ان في رجال قبلي بحياااتك .. سواء كان حي او ميت .. هذا شي انا مااقدر اتحكم فيه .. تقدرين تقولين غريزي .. انا ابيك تكونيين لي .. كللك حتى ذكرياااتك .. ادري اناااني .. بس يمكن لانك الشخص الوحييد الي فعلاا حسيت حيااتي من غيره مستحيله ... اذا هذا هو الحب .. اجل انا احبك

قطع عليناا صوت تجود : احم احم .. ياانااس تبغوون تتغزلون عندك جنااااحكم عيييب بالصااله كم مره نقوول

سحبت نفسي بسرعه من حضنه .. وفيصل يناظرني وهو منقهر ورجع يلتفت على نجود : وبعدين بطولة اللساان مابتتعلميييين

نجود : ردت عليه : انا ماقلت شي .. بس والله شكلكم رهيييب .. عصاافير كنارياا زي ماايقوولوون .. وش سويتي بعمي ياامنال .. والله مااكان كذاا .. وين كنت مخبي ذاا ياااوااد .. وغمزت بعيونها لفيصل
مسك فيصل الخداديه : اذلفيييييييييييييييييييييييي يااقليلة الحياا
حظها حلو قدرت تتجاوز الخداديه .. وطلعت جري لغرفتها .. وهي تدعي : عساااني اشيل عيااااالك عجلوو وجيبوولي ولد عم ازوجه بنتي

التفت علي فيصل بابتساامه خبيثه على وجهه وعرفت وش يفكر فيه ..لكني صرفته : ماشااء الله تبي تضمن مستقبل بنتهاا قبل لاا تجي

فيصل : شوفيلك تصريفة غيرها




كان باين الضيق على وجه اهله .. مب مرتاااحيين للخطوبة .. بالعربي ماايبون العروس هااذي محد يبي زوجه ناقصه لولده او بنته

× حمد×
امي كانت مضايقة خصوصا وهي تسمع ابوي يقولها عن المهر والذهب : وليش ان شاء الله خمس مية الف ؟ البنت عمية .. يحمدون الله اننا خذيناها
رديت عليها : يمه .. البنت بتصيير زوجتي .. ومن اللحين اذا بتعاايرينها باخذ لها بيت لحاالهاا
امي : الي يسمعك يقول بتقدر تقوم بذا البيت الي بتحطه .. وش الي تبيه بها ؟!
رديت عليها : هذا اختيااري .. انا الي بتزووج .. واذا رااضي محدن له شي عندي
ناضرت ابوي الي ايدني : وهو الصاادق .. دامه يبيها كيفة .. الحجر من الارض والدم من رااسه
امي : ياحمد اسمع كلامي .. بنات خوواالك وعماامك يااكثره .. ليه ماتاخذ لك وحده منهم .. واتركك من العميا
رديت عليها : ماااااباااخذ الا نسيم .. نسيم يمه وبس
نوير تكلمت : الين مايطيح الي براسك وتبدلها بغيرهاا ؟!
رديت عليها : انا ماارح اظلمها بخليها على ذمتي
ردت علي: لا والله شهم ماتقصر

طنشت لهجتها السااخره وماهتميت لكلااامها .. مايهمني .. كل الي يهمني اني اخيراا ربحت جولتي .. لمعت عيوني بانتصاار ...وابوي ماافاااتته نظرتي

ابوي : الحقني على مكتبي
وقفت بسرعه وراه .. ورحت المكتب .. جلس على مكتبه .. وجلست بالكرسي الي قبااله .. تكلم بهدوء

ومبااشره : كلمتيين مالها ثااني ..بنت خالد ال... تعزها وتكرمهاا .. وان لعبت فيها ورميتهاا ياااحمييد والله مايوقف لك الا اناا ... انا اب وعندي بناات والي مااارضااه على بنااتي ماارضااه على بنات الناس

رديت عليه : يبا انا مب نذل .. والبنت لو ماابيها ماطلبتها من اهلها .. وماقلت الي قلته من شوي الا لاجل تسكت امي وتقبل فيهاا .

ابوي : حمد ماابي وجهي يتسود قداام الرجال
درت خلف المكتب وبست رااسه : مااعشت ولاكنت ان سودت لك وجه .





بعد مرور .. شهر

دار وسط الفله المكونه من دورين .. وهو مبسوط .. يحس بساعده كبييره .. الفرش كان مضبوط وطلع كل شي مثل ماتخيله .. قمه بالروعه .. قمه بالانااقة

× مشعل ×
مبسوط ببيتي بشكل ماتتصورونه .. اخيراا فرشته وكملته .. ااااه .. مابقي الا تنوره رااعيته .. ان شااء الله بس يعجبها .. منال اليوم الصباح قالت انه حلو .. بس مادري الناس اذواق .. والله نفسي اقعد فيه ولا اطلع بس هانت كلها اسبووع وبستقر فيه .. طلعت من بيتي المستقبلي .. باتجااه بيتناا .. وصلت وجرجت سياارتي طبعا تعمدت ان البيت يكون قريب من بيت اهلي .. دخلت ولقيت نسيم قاااعده بالصااله لحاالهاا .. وماسكه كتااب من الكتب الي جابها لها ابوي اخر مره من المانيا لما كان مسافر

سلمت : الحلوو ليه لحاااله ؟!
ردت علي : لان امي رااحت السوق
جلست ع الكنبه الي جنبها : ليه مارحتي معاها ؟!
ردت علي : ماله دااعي رح اعطلها خليها تتسوق برااحتها وبعدين منال معااها .. انت قولي كيف البيت طلع ؟! اكيد رووعه !!

ابتسمت : الحمدالله طلع حلو
قالت لي وهي تدفني خفيف : والله وكبرنا وصاار لنا بيووت خااصه
ضحكت : هههه حتى اني بيصير لك بيتك قريب
انحرجت مني : مششششششعل
حطيت ايدي على اكتافهاا : يااقلب مشعل والله ماادري كيف بادخل البيت ومالقااك فيه
سالتني : بصراحه ماتحسني مجنونه لاني وافقت ؟!
سالتها : جاايه قبل شهر من زواجك تساليني هالسؤال
ردت علي : مااعرف خايفه.. احس انه رحله بالمجهول

قلت اطمنها : انا نفسي خاايف .. ومتوتر .. لا تفكري ان الموضوع سهل على بقية الناس .. انا كل مااتذكر اني بدخل حياة جديده مع انسانه ماعرف عنها الا اسمها بس .. احس بتوتر .. اخاف من اني افشل اخاف مااتفق معاهاا .. هذي كلها اشياء طبيعيه .. وصدقيني بتجي بعقلك افكار كثييره واسئلة اكثر مابتعرفين الاجابة عليها الا لما تتزوجي

حطت راسها على كتفي: تعرف نجود بتكون مبسووطه معاك ان شبه متاكده من ذا الشي انت طيب وحبوب وغير كذا قلبك طيب .. وتدري حتى هي طيبة وحبووبة .. لسانها فلتان شوي بس زي العسل

سالتها بفضول : حلوه ؟!!
ردت علي : سالت الشخص الخطا مفروض تسال منال او .. بدر
ماادري ليه تضاايقت لماا ذكرت بدر .. يمكن لانهاا اعاادت شي انا كنت احاول اتناااسااه بشده .. مو سهل علي اني اعرف ان زوجتي صديقة اخوي

رديت : نسيم ياريت ماتعيدي ذا الكلام
اعتدلت : تضاايقت
رديت بصراحه : ايه .. انا احاول انسى تمااماا ان بدر كان بيوم من الايام خويها ..ماابيك تذكريني بذا الشي
رد بدر الي كان واقف عند البااب : نوران ياامشعل الي كاانت خويتها مو انااا
التفت عليه وانا متضااايق انه سمعني .. ومتضاايق اكثر من نظرة عيوونه ..: بدر اسمعني انا كنت اقصد
قاطعني : تقصد الي تقصده مااايهمني

طلع ولحقته بسرعه .. الين ماوقفت بوسط الحوش الخارجي




منقهر .. محروق .. كلمات توصف مشاعر بدر .. وهو يسمع اخوه .. يتكلم عن علاقته بزوجته .. انقهر منه ..مو متوقع ان اخوه مو قاادر ينسى شي مات واندفن

× بدر ×
وقفت وانا اغلي : نعم وش فيه
مشعل : بدر اسمعني زيين انا مااكنت اقصد شي من الي فهمته خلني اشر ح لك
سالته : وش تشرح لي ؟!! تشرحلي انك قررت تطلع من البيت لانك خايف على مرتك مني ؟!! خاايف من اخوك الي كاان خويها ؟!! نسيت ان الي كاانت خويتها هي نوران يااامشعل ؟! نوران الي ماتت واندفنت .. نوران الي مااعااد لها وجوود .. لا بحيااتي ولا بحيااة نجود .. زعلاان لاني كنت اعرفهاا ؟!! انا ماكنت الا مسجون بجسم خويتها .. مااكانت علاقة بنت بولد ؟!!

مشعل : بدر انا فاهمك وصدقني انا قلت الي قلته بداافع الغيره
صرخت فيه : غيره ؟!! اناا اخوووك تعرف وش يعني اخوووووك ؟!! يعني لو كنت مو فيه انا الي بدااافع عن عرضك وبخااف على شرفك .. محد بالدنياا بيكوون خاايف على اسمك قدي يااخوي .. خساارتك يااخوي
تعدييته .. ومشيت الين ماوصلت لسيااارتي الي بالجراج .. طلعتها وشخط بها




ماكانت مصدقة انها رااجعة بيتهم .. كاانت مبسوطه .. اهم شي بتطلع من برى المستشفى ... بداخلها كان في خجل من من اهلهاا بس الي صاار صاار .. وهم لازم يحتونها اللحييين

× اسومه×
كنت ارتب اغراضي انا ومااما .. صحيح مااانتكلم .. بس ماادري عيونها كانت تقول انها فرحاانه .. بااباا اليين اللحين ماشفته .. اخر مره شفته اول ماوصلنا البيت ... حتى المستشفى ماااجا يااخذني منها .. وثانيتن الي شفته فيها عطاني بعدهاا ظهره ..
انفتح باااب غرفتي ودخل بابا .. كنت اطاالع له .. واانا مره مشتااااقه له.. جريت عليه وحضنته بكل قوووتي واناا ابكي واعتذر .. لكن ايده ابد ماا امتدت علي .. ولاا ضمتني مثل العااااده ... ماااحسييت الا بشي بخاااصرتي انغرس ... ااااالاااااااااااااامني كثيير .. وصرخت من الالم .. الا ان ايد ابوي كااانت على كتفيي وعيوونه على عيوووني ..وكااان يضغط بقوووة .. ارخيت بصري .. وشفت السكينه بيده

ابوي بصووت غضباااااان وعيون محمره : مووووتي .. مووتي وخذي بلواك لقبرك
امي صووتهاا واستنجادها كاان غير مسمووع بالنسبه لي .. ماافي شي اللحيين غير عيووون ابوي الملياااانه كره .. ماافي شي غير اني خلااص ... احس بالانقباااضااات بصدري .. طحت ع الارض .. مااعندي قدره اووقف والالم فووق اني اوصفة .. تفل علي ابووي ................. ..

تفل على بنته .. والبنت سلمت روحهاا للي خلقهاا .. ضمه جسدها بذي اللحظة من بعد ماسمع صوت شهقاتها المتتاليه .. والا م الي جمدت مكاانها ماكاان على لساانهاا غير ..: قتلت بنتي .. ذبحت بنتي
مسك الجسم المرمي على الارض وضمه لصدره .. ضمه وهوو يبكي بحرقة .. خلااص وحيدته راااحت .. راااحت ومااعااد له احد بذي الدنيااا
رااحت ومحد مضيعها كااان غيرهم .. اهلها .. اب وام .. اثنيين كان مفروض يكونون .. الصدر الحاامي .. القدوات ..اثنيين كان مفروض يصنوون الامااانه .. لكن للاسف لاقدرم يصوونونهاا .. ولا يقيموون اعوجااجها

*
*
*
نلتقي باذن الله يوم السبت القادم *
*
*

يااااااااااااااااااااااااااااااااااااااااااااااااااااااااااا اااااااااااويليييييييييييييييييييييي من البارت الخطيررررر
منوله وفصول ياقلبو عليهم على قولة نجود طيور كناري
بدر آآآآآآآآآآآآآآآآآآآآآآآآآآآآآآآآآآآآآآآه ياقلبي عليك محد حارق قلبي غيرك ان شاء ربي يعوض عنك بكل خير
نسييييم ربي يعطيك على نياتك وان شاء الله ربي يخلي الحمد ما يشوف دربه غير نسيييم

البارت ككل وبشكل عام يغلب عليه طابع الصراع النفسي اثبات الراي

سلمت يمناك

قوووووووووووووو هييييييييييييييييييييييد