الفصل الرابع والعشرون
وضربت العاصفة

دخل عليها مثل الثور الهاايج .. مااستغربت لما شاافته .. اصلاا كاانت متووقعه .. لكنها قررت تكون هااديه وتوقفه عند حدوود .. خلااص الاستسلاام الي كاانت فيه ولى ورااح

× لطيفة ×
دخل علياا وهو معصب .. وللللل عليهاا مالو سااعه من يوم ماجاا لحقت تقلبوو .. ايش دحين يخلصي منوو ومن لساانو الزفر

عبد العزيز : انتي وبعدين معاكي مو ناوية تجيبيها لبر
رديت : وعليكم السلام .. الحمدالله انت كيف حالك
عصب : اهرجي زي النااس .. وبطليكي لكااعه
وقفت : نعم ايش تبغى هات من الاخر
عبد العزيز : انتي كيف تقلي ادبك على مرتي ؟!! متى رح تتركيها بحاالها ؟!! ماتتعبي من المشاااكل ؟!
رديت عليه : لما مرتك تحترم نفسها وتلزم حدودهاا .. وقتها بس رح ابطل المشاااكل
عبدالعزيز : هداا كولوو عشان ايش عشاان اشتهت اكله وقالت للشغاله تسويها

فتحت عيني : عبدالعزيز انت عاارف ان مو هدا السبب ومتاكد ان مرتك كذااابه .. لكن حضرتك ماعندك وقت حتى تسال ايش الي صاار .. متى رح تبطل تمشي زي الطلي ورااهاا

صرخ علياا : اتادبي يالطيفة واوزني كلاامك عدل
رديت عليه : كلامي موزوون.. انت الي اعدل حاالك .. وفهم مرتك ان بدا البيت الكلمه الاولى والاخيره لامي هياا هناا حيالله ضيفة .. يعني بالعربي يااغريب خليك اديب

رد : البيت انا لياا نصيب فيه .. بتااكلي حقي
رديت : لاا ياخويا مو انا الي اكل الحقووق .. بس لا تنسى انا انا وامي لنا النصيب الاكبر ... ولو تبغى اشتري نصيبك بس وتشوف لك بييت

قالي : والله وطلع لك لساان
رديت عليه : حتى البسس " القطط " تخربش الي يقرب منها




ماطلت قد ماقدرت بسهرتهاا مع نجود .. وفكرت بجنون انهاا تناام معاااها .. بس بالنهاية حكمت عقلها وترااجعت عن جنوونهاا .. وقررت تطلع لجناحهاا

× منال ×
كانت الساعه وحده ونص تقريبا .. طلعت لغرفتي وانا اجر رجوولي جر .. اعترف ان تصرفي ماكان ابدا نااضج ... وسخيف .. بس ماادري .. ماابي اطلع .. بالنهايه صار مثل مااقاال .. هذاني طالعه برجلي .. والله ياامنال تضحكيين .. الي يشوف التردد هذا يقول بنت بنووت .. مو ارمله .. فتحت باااب الجناح بهدوء .. شفت باب غرفة النوم مفتوح واللنبه مطفية ..دخلت على اطراف اصابعي .. شفته نايم .. رحت لغرفتة الملابس غيرت ملاابسي واخذت بيجامة من بجاماتي الحريرية .. وطلعت اناام لاني خلااص معد اقدر افتح عيني من النعاس .. رفعت اللحاف بهدوء .. اخاف والله يحس فيني ويصحى .. تمددت ع الفراش بمكااني وكان هو عاطيني ظهره .. اول مااحطيت راسي ع المخدة .. وخلاص استسلمت للنوووم .. وغمضت عيوني .. طبعا من بعد ماعطيت فيصل ظهري لان من طبعي انام على جنبي اليمين ولاني انام بالجهة اليسرى من السرير .. فيميني يكون للجدر ويساري لفيصل .. وطبعا هذاا الي مفرحني اكثر شي ... مايصير اقاابله بصحوتي وحتى بنومي .. شوي مااحسيت الا براس فيصل يشاركني مخدتي وايده لاافه على خصري

همس باذني : اخيرا رجعت الهربااانه

تعرفون حسيت بكل شعر جسمي وواقف .. واني مشلووله تماما .. ابي ابعده عني .. ابيه يرووح يرجع يناام مكااانه .. بس لو يوخر شووي .. لسااني والله ماني قاادره احركه

قالي : منال والله ماارح اكلك .. ناامي

انام ؟!! وش يخرف ذاا ؟! انا مو قااادره اتنفس وهو كذا لااصق .. ليه ماايوخر ..حاولت اجمع قووتي وافتح فمي وتكلمت وانا اسمع رجفة صوتي : فيصل وخر عني

رد علي بنبرة امر .. بس بنفس مستوى صوته المنخفض: ماارح اوخر .. وبتنامين كذا كل ليلة .. واللحين غمضي عيوونك وماابي اسمع صووتك




صحي بدري شوي .. كان متعمد يبكر بصحياانه .. يبي يلحق نسيم .. ويوصلها لدوامها .. يعرف ان الفرصه السااامحه الوحيده له للكلاام معها بحرية اكثر ومن غير أي تدخل من احد .. سحب جينز مع تيشرت .. ولبسهم ونزل ولقيها خلاص تلبس عباتها

× نسيم ×
كنت خلاص طالعه لدووامي .. من بعد ماافطرت .. سمعت مشعل الي كان نازل ع الدرج وشكلة مستعجل لان صوت خطواته ايقااعها سريع : جاهزة نسووم ؟!

سالته : ايه خلاص طالعه اللحييين
قالي : اجل خلاص انا بوصلك معاااي
سالته : ليش ؟! السواق خلاص بيوصلني .. وانت افطر ورح شغلك
قاالي : ماابي فطور وشغلي بدري عليه .. خليني اوصلك
امي : من متى الكرم بالمواصلاات ؟!!
رد : حرام عليكم .. اللحين انا مااوصلهاا ؟!! افاا بس .. يالله نسووم انتظرك بسياارتي .. بتلقينها قدام المدخل
رديت : حاضر
طلعت من بعد ماسمعت البوري " الهرن " .. ركبت بالسياارة .. ولاحظت ان ريحتها متغيره .. الظاهر مغير ريحة المعطر .. احسن الريحة القديمة ماكانت تعجبني .. هذا احلا .. حلوه ريحة الحمضياات

سالني : نسووم كيف الشغل ؟!
رديت : الحمدالله .. على فكرة كيف شفت منال الباارحه ؟!

رد علي : ماعرف حسيتها مرتاحه .. ماصار عندي وقت اقعد معها واشوف اخبارها ..
ليه اشتكت من شي ؟!
الخوف الي بصوته حبيته ... مشعل يحسسني دايم اني وقت ماارح احتاااجه بلقااه جنبي .. حنيته .. وخوفه عليناا فوق الووصف : مااقالت شي .. وبعدين لو في شي مارح يبااان بيوم ولا اثنيين ... بعدين انتم مو تمحدون رجلها يعني اكيد بيعاملها زيين .. هي امس قالت انه كاان طيب معهاا وعاملها زيين

رد علي : صاادقه ماارح يباان اللحين بس الرجال تنعرف وفيصل ماعليه كلمه ... امم نسيم بخصوص الخطوبة
حسيت باحراج كبيير هذا ليه يبي يفتح الموضوع معااي .. والله احس خدي نااار ..: شفيها

تردد : هااا .. ولا شي .. ولا شي ... المهم متى بتعطيني فلووسي ترى مانسيتها اللين اللحين
ليه غير الموضووع فجأه ؟! : مابعطيك شي .. انسى المووضوع
ماعلق .. وصلني الشغل عاادي ..وطبعا الشغل كان بانتظااري




كان يبي يفااتحها بموضوع حمد .. لكنه تراااجع باااخر لحظة .. توترهاا.. اصاابعها الي حسها كسرتها من كثر ماااطقطقتهاا .. خاف يكوون مستعجل بحكمه .. خاف يكون في شي بالموضووع هو غاافله .. قرر عدم الاستعجاال والانتظار

× مشعل ×
مسكت لسااني باخر لحظة .. ماابي اكسر خااطرها .. اعرف انهاا فرحانه بدااخلها .. الي بمثل وضعها الزواج اشبه بالحلم المستحيل .. يمكن بحمد شي انا مو شاايفه .. شي مخلي ابووي يوقف بصفة وويوافق عليه .. اعترف الرجال انا يعجبني بس هل ارضااه زوج لاختي ؟!! يمكن البعض يقول انا مب مكان التشرط اختي عمياا يعني زين منه فكر فيها .. بس ليه هي ؟! وش عندها ؟! .. وصلتها لشغلها .. ورحت على ورشتي
عندي شغل كثيير ولي فتره .. مااقاابل الورشة .. خصوصا وان رحلت البحث عن بيت الزوجه .. ماخذه جزء من وقتي .. كل يوم مكتب عقار داق علي .. وماتعجبني البيوت ... اقترح علي ابوي اخذ فلة من الفلل بالمجمع السكني الي نملكه ... بس انا مااستسغت الفكره ... اولا المجمع بعيد .. ثانياا .. ماابي احس اني مستغل فلووس ابوي لمصلحتي .. اعرف ان هالشي عادي .. بس انا حتى مساعدة ابوي بشغله مااسااعده اجي اخذ منه بقواره عيين .. ماااحسها حلوه ابدا .. بصراحه انا مقصر معاه كثيير .. واحسه عتباان علي .. رغم انه مايتكلم الا ان هذا احسااسي .. انا بالنسبة لابوي خيبة امل كبييرة .. كل اب يتمنى ان ابنه البكر يكون سند وعون له .. واناا وهالشي يقهرني الاعتراف فيه اني كنت مصدر احراج لابوي .. التااجر صااحب الاموال .. ابنه ميكاانيكي سيااراات .. ابوي عمره مااعاايرني بوظيفتي .. لانه عمر ماتدخل بااختياارااتنا .. لكن الهمز واللمز الي يجي من الناس .. الا ماايترك اثر بنفسه ... كل اصدقااء ابوي من رجال الاعمال عيالهم بين الطب والهندسه وادارة الاعمال .. بالنسبة ليه مايهمني هالشي انا اشوف شغلتي حلووه .. واستمتع فيهاا.. انا فيها حر .. مايقيدني شي .. ويمكن هذا الي يكرهني بالتجااره .. شغل متوااصل وابتعاد عن البيت والاهل وسفر متوااصل ... بس ساعات اقول بيني وبين نفسي بكره عياالي وامهم هل بيكونون فخورين فيني وبشغلتي البسيطة ؟! لما اشوف حياة محمد صديقي .. احس بخوف .. اخاف الزوجه الي وافقت اللحين .. بعد كم سنه تتغيير .. مرت محمد غيرتها الفلوس .. وانا بنت العز .. اخاف يغيرها البرستيج الاجتماعي




فكر يطلع يروح دوامه .. بس حسها مو حلوه .. يعني ماله يومين ونازل الشغل .. وش بيفكه اصلا من لسان نجود .. هي على سفرة لشهر العسل عطته محاضره .. وهو انجبر يسمعها رغم انه مااخذ ولا كلمه منها .. كان صعب عليه يترك بنت اخوه لحاالها بالبلد .. ومستحيل يحطها ببيت زوج امها .. وان فكر ياخذها معاه تعترض عليه .. هذا اذا ماتناسينا شغله .. فاخذها من قصيرها والغى شهر العسل

× فيصل ×
جلست ع الكنبه الموجوده بصالون جناحنااا .. من بعدد مامديت رجولي ع الطااولة ..الله يرحم امي ويسكنها فسيح جناته .. كانت تهاوشني لا شاافتني ماد رجيلي ع الطاولة .. وتقول الطاولة لصواني مو للتمدد .. ااخ الالم زايد هالايام .. لازم اروح للطبيب باقرب وقت

ناديت على منال الي كانت تلبس بغرفة النووم : منال .. منال .
ماردت علي .. الظاهر مااهي ساامعتني

سحبت عكازي .. وكان طبعا عكازي الطبي .. لاني احب استخدمه بالبيت او بمواقع التعمير فهو عملي اكثر مشيت بشويش لين ماوصت غرفة النووم .. لقيت بااب غرفة الملابس مقفل .. الظاهر لسى تلبس .. فتحت درج الكوميدينو وطلعت منها لصقات الموروفين على طلعت منال من غرفة الملابس ... احلى ماافيها الخجل الي يرتسم على وجها .. لما تجي عينها بعيني .. لسى اتذكر شكلها لماا صحينا لصلاة الفجر ... ولما رجعت من الصلاه .. ياحلاة خدودها الحمر .. بحركة غريزية منها ... رفعت ياقة بلوزتها اكثر مما هي رافعتها اكثر .. تغطي نحرهاا عني .. ابتسمت .. هالحركة مفروض تسويها قدام نجود مو قدامي انا .. ماايهم خليها على رااحتهاا : منال تعالي افتحي اللصقة .. ايدي معرقة مو قادر افتحها
جات واضطرت توقف على جنبي اليسار لاني ممد رجولي ..فتحت اللصقة لي وطلعتها .. اخذت اللصقه منها وانحنيت ابي احطها على عقب رجلي اليمنى وكان صعب علي .. لان ثنيها شبة مستحيل .. مدت ايدهاا لي
وقالت : اعطيني انا بحطها لك
قلت: لا شكرا .. انا بحطهاا .. ماادري ليه رفضت ..يمكن لاني ماتعودت اخذ مساعده من احد .. ماااحبيت اعتمد عليهاا بعلاااجااتي

سحبت مني اللصقة : انت ماتقدر تثني رجلك .. وانك تنحني بيأثر عليك اكثر .. جلست على ركبتهاا .. وحطت رجلي على فخذها الايسر.. هناا صح ؟!

رديت : ايه

تعرفون لو كان وضع غيير .. كان قلبي رقص .. لكن انا متاكد انها شفقاانه بس .. ماااتحبني أي حب ياافيصل كيف بتحبك وانتم توكم ببدااياتكم خلها تتعوود عليه بالاول .. بعدين اقعد اضرب اخماس باسدااس

سالتني وهي تاخذ اللصقة الثانيه وتحطهاا بعقب رجلي اليسار: الندب الي على رجيلك وش سببها ؟!

رديت عليها : هذي اثاار المقوم الحديدي الي كنت حاطه وانا صغير .. كان مفروض يساعدني على المشي بالنسبه لي كاان مجرد جهاز تعذيب .. تخيلي مساامير مثمبته على حلقة دايرية .. مغروسه بجلدك مرور بعظاامك ؟!

توجعت وهي تشوف الندب على طول سااقة .. حست ان هالانسان الي قدامها .. ذاق المر بصغره.. وحست كيف ان الندب الي بجسمها من اثر وحشية مروان والي شاافهاا فيصل .. ولاشي قدامهاا

× منال ×
تخيلي لمنظرة وهو طفل .. واسيااخ وحداايد معلقة بجسمه وجعني .. اكيد انه تعب وتعذب وهو طفل .. يالله مااتخيل طفل كل رغبته يمشي على رجوولة .. وماايقدر .. شعور يووجع القلب

عطاني اللصقة الثالثه والرابعه تفتحها: افتحي ذي بعد الله لايهينك


فتحتها له .. حط وحده من اللصقات اعلى ركبته اليمنى .. وحط وحده ثانيه على بطة ساقة اليسرى
سالته بفضول : ليه تحطها ؟!
ردي : مسكنات للالم .. لصق موروفين
رديت عليع وانا توقف : كثر استخدام المورفين يسبب ادمان
رد علي : اطمني و مدمن .. احطها نادرا .. بس بالفتره الاخيره لاني مااروح لجلسات العلااج الطبيعي صارت تالمني فاضطر اسكن الالم

سالته وانا رااحمته .. خصوصا اني الااحظه لما يمشي يتووجع كثيير : ليه ماتروح لجلساتك ؟! مايصير تهمل صحتك .. صح انت حتى ماتستخدم المصعب تركب الدرج دايماا.. وهذا مو بصاالح صحتك ابداا

مادري وش خلااني امطره بالاسئلة .. يمكن شفقاانه علي .. او يمكن لاني مااعرف عنه أي شي .. احسه مهتم فيني كثيير ومافي احد مهتم فيه وبصحته .. والله لو خسر صحته محد بيفيده

جاوبني : ولا يهمك بروح جلساتي وبستخدم المصعد شي ثاني
رديت عليه : انا اقول كلامي هذا عشان مصلحتك .. الصحه نعمه والواحد لازم يحافظ عليهاا
رد علي : عارف والحمدالله على كل حال .. ع العموم مشكوره تعبانك
هزيت راسي بلاا : ماسويت شي كلها لصقتيين .. تبي شي ثاني
رديت : سلاامتك يالغاليه

غاليه ؟! انا غاليه ؟!! يقصدها او زلة لسان ؟!! ليه عيونه تلمع ؟!! عمري ماحسيت نفسي ضاايعه مثل مااني ضاايعه معااه .. كلمه بسيطة منه تقلب كياني

رديت وان احس صوتي مهزوز : الله يسلمك
مشيت بطلع الا اني رجع ناداني اوووف منه: منال وين رايحه ؟!
رديت : بروح لنجود .. اكيد جالسه لحالها
قالي : تعالي اجلسي معاي .. نجود مااعليها شي
رديت : بس هي لحاالها محد عندها

رد علي : من قاال انها لحاالها .. تلااقي عينها اللحين بطلع من كثر ماااتقراا بالقصص .. مااقول غير الله يعين جيب اخووك على فواتير النت

ابتسمت وانا اجلس قباله على كرسي التسريحة : كل البنات زيها .. القصص هوايتهم

رد : لا مو كلهم .. انتي مو تحبين كتب التاريخ ؟! يعني شي مفيد .. اما هي .. طاايحه بفلان حب فلاانه .. وتعذبوولهم شوي .. وبعدين عاشو بسعااده .. ضحك ع العقول

رديت عليه : الناس ميول ياافيصل ..

جاوبني : اعرف .. بس تدرين احيان اخاف تاثر على عقليتها .. القصص كلها خيال بخيال وتصور الوااقع على انه وردي .. خصوصا بالمواضيع الي تتعلق بالزواج والحب

رديت وانا احس بالمراارهـ : من غير القصص .. دايما البناات عندهم احلاام وردية بخصوص الزوااج والحب .. الروماانسية الي بيعيشون فيها طول عمرهم .. بس بعدين تبان الحقيقه مجرده من غير أي تحسينات ولا رتوش مجمله

ايه هذي هي الصورة الي كاانت بعقلي ..قبل لاا اتزوج .. كنت افكر الزواج روماانسياات .. دخلاات وخرجاات .. فستان ابيض وطرحه.. وزوج يسمعني احلى عباارات الغزل .. كنت افكر اني لما اتزوج رح اكون ملكة نفسي محد له أي سلطة علي .. مااكنت اعرف اني رح اكون سجينة اربع جدراان .. انساانه صلتها بالعالم الخارجي انقطعت تماماا بعد الجاامعه الي بطلوع الروح خلااني اكملهاا .... حست بالدمووع تحرق عيني .. لكني حاولت اتمااالك نفسي وماابكي خصوصاا وانا اشوف فيصل وهو يوقف متساند على عكاازة .. ومع كل خطوة كانت ملامحه تبان مشدووده من الالم ..وصل لين عندي .. وجلس جنبي على الكرسي الطويل نسبيا مع اني متاكده انه مو جالس الا ع الطرف


سالني : وهذي كاانت نظرتك ؟! التفت علي مصدومه .. وكمل : لاي درجه اذااك ؟! الي بااين لي جرحك كبيير

وقفت وانا احاول اطرد شبح الماضي من قداامي : لو سمحت مااحب احد ينبش بخصوصياااتي

سحبني من ايدي وجلسني جنبه وهذي المره حسيت نفسي لاصقة فيه : خصوصيااتك ؟! مااعتقد ان في بين الزوجيين خصوصياات .. خصوصاا لو ان ذي الخصوصيااات حاجز صد بينهم .. لف وجهي عشان يقاابل وجهه .. لماا يتزوج اثنيين اهم من التقى اجساامهم .. التقى ارواحهم .. يهمني كثيير .. ان الي هني .. واشر على قلبي باصبعه .. ينفتح لي .. تشااركيني بهمومه قبل افرااحه .. ابي احس ان انا وانتي وااحد

انفجرت فيه ماعرف ليه .. يمكن لانه صعب علي انبش مااضي احاول انسااه ومااقدر .. او يمكن لاني حتى الان مو قااادره اتقبل وجوده ببسااطه بحيااتي .. رغم اني اقدر المس قد ايش هو طيب وحنوون وملتزم بس الجداار بيناا عااالي : تبيني اشااركك بهمومي .. اصلاا مااعندي غيرها .. وقفت بعصبيه وواجهته .. وش راايك بالي شفته الصبح ؟!! وش راايك بالعلاامااات .. ندب جسمي ... تمنيت اموت ولا تشوفهاا .. اكرها .. تعرف ليه ؟! لان كل جرح .. كل اثر .. له قصه .. تبيناا نبداا من ووين ؟! نبدأ من ذي ؟!! ورفعت كفوفي بوجهه .. حلووه مو؟! .. قمه التشووة .. خدوش متداخله .. ورجعت اطالع فيها بطريقة متامله .. وانا اتذكر الالم الي حسيته بوقتهاا .. ابتسمت بمرااره وسط دموعي .. تصدق تصلح موضووع للوحه تشكيلية .. تبي تعرف وش قصة هالخدوش .. هذي الله يسلمك لااني تجرأت وحاولت امنعه يصاارخ على ولدي .. رماني ع الارض وخلاني المم الزجاج المنكسر بس اول ماالمسته .. دااس ايدي برجله .. دااسها وهوو يضغط ومتعمد يطحنهااا طحن الين ماتتساوى باارض ... شووف

مسك كفوفي بين كفوفة الضخمه .. كان ينااظر فيهاا مثل الي يحاول يقراا خطوطها .. احنى رااسه الين ماوصلت شفاايفه لبااطن كفي .. باسها .. وانا احس الدم بعروقي جمد .. واحس بقلبي يرتجف بين ضلووعي عيووني تسمرت عليه وهو يررفعت عينه وشفاته على كفوفي ماشاالهاا .. حسيت بالدموووع تغسل خدي وقفت على حيله من غير ماايستعين بعكازة .. وكفوفي لسى بدينه ماتركها سحبني الين مااصدمت بصدرهـ حاولت اتسحب ايدي منه .. ابي احطها حاجز بيني وبينه.. لكنه ماسمح لي.. كان مااسكها بتحكم ..ومن كفوفي انتقلت ايده لظهري ... ضمني بقوة .. بتملك

قالي : وقسم بالله لو انه حي كان ذبحته بيدي ... وكمل منال انسي كل شي .. انسيه مايستاهل تذكرينه والله ماايستااهل .. لاتخلينه شبح يشوه حيااتنا .. نحن لسى بديناا باول خطواتنا .. مانبي أي حجر عثرة بطريقناا .. خليني اغسل همومك ياامنال.. بس عطيني فرصة .. لااتصديني .. الصد بيبعدنا اكثر

تدورن اول مره احس بالاماان .. والله اول مره .. ريحت رااسي على صدره .. الصدق الي بصووته ريحني كثيير .. معااه حق .. الين متى بيكون مروان حجر عثره .. فيصل يستاااهل الخيير .. وانا خسرت مره نفسي واللحين ماابي اخسر انساان جالس يجمع شتااتهاا




الاجتماع كان بادي له ساعه .. جلس مع ابوه على طاولة النقااش .. مع محامي الشركة .. ومفاوضين الشركة الي تحاول تبرم عقد معهم .. هو الاصغر سن بينهم .. ووجوده مع ناس لها سنيين من الخبرات كان موتر اعصاابه لكنه .. حااول يبيين قدر ماايقدر انه ثابت وهادىء الاعصاب

×بدر ×
اوووف ذا الرجال قااهرني .. يبي يااخذ كل شي .. ويخلي العقد لصاالحه ونحن مالنا الا الفتات .. الود ودي ارمي العقد بوجهه واقوله يفتح الله مانبيك ولا نبي التعاقد معاك .. بس والله مااشاء الله على ابوي مااعرف من وين جايب طولة الباال .. انا شوي واحس نفسي بنفجر منه

ابوي سالني : وش رايك يابدر ؟
اخيرا جات فرصتي .. وجهة كلاامي للمفاوض : اسمحلي عرضكم بشروطه الحاليه مرفوض
الفاوض برفعة حاجب : مرفوض ؟! ليه ؟!!
جاوبته :العرض لصالحكم .. مهملين فيه مصلحتنا بشكل كبير
رد علي : بس الارباح بينا بالنص
رديت عليه : هذا مو كافي .. انتم مستفيدين من ارضنا
رد علي: لاتنسى اننا ندفع تكاليف البنا والرسوم كلها علينا

رديت عليه : واجور العماله عليناا .. الي تخسرونه بالبناا والرسوم تعوضونه بظرف سنتيين .. لكن قيمة الارض لحاالها تكلفنا ملاايين وتعويضهاا صعب .. ولاتنسى ان المشروع فيه درجة عاليه من الخطوره مع اني اعترف ان العاائد كبير ومغري

سالني : والمطلوب ؟!
رديت عليه : 65 % من الارباح لنا والخسارة مشتركة بينا
المفاوض : 65% هذا كثيير .. ابو مشعل قولك كلمه

ابوي : الي سمعته من ولدي ..هذا عرضنا وماارح نغير فيه أي شي .. وافقت عليه المحامي جاهز بالعقود اما اذا لكم راي ثاني ... فاعذروناا الي يبون يتاعملون معنا كثاار .. وانت تعرف اسمنا ووزنناا في السوق

رد على ابوي : اعطينا فرصه ندرس العقد الجديد مع اعضاء مجلس الادارة ونرد لك خبر
ابوي : خذ راحتكم
وصلت الضيوف اليين برى المكتب وودعتهم .. ورجعت لمكتب ابوي الم الاورااق

ابوي : عجبتني اليوم يااابدر
المحامي : مااشاء الله فهم الشغل تمام
رديت : الخير والبركه فيكم .. شيبتووني قبل اواني
المحامي استئذن وطلع ... وانا فضلت مع ابوي : يبا مشروع الدمام .. جانا فاكس منهم في مشاكل مع المقاول

ابوي : ارسلهم واحد من المهندسيين يشووف بالضبط وش المشكله .. انا من الاول ماحب استخدم مقاوليين مو تاابعيين لناا

رديت عليه: يبا لااحظ التكلفة .. اننا نرسل مقاولينا بيكلفنا كثيير .. تكلفة نقل واقاامه والبدلات
ابوي : عاارف .. بدر مااتبي ترجع تكمل دراستك ياولدي ؟!
جاوبته : والله يبا الود ودي اكمل بس انت عارف ... الوضع مو سهل .. ماابي الي مات يرجع ويحيا من جديد

رد علي: اسمع ياولدي انا صاادقت لك كل شهادااتك .. انت بامكاانك تكمل لو انتساب او حتى برى .. الخير الحمدالله كثيير .. انا ابي ولدي يكون عنده شهااده وانت كل الي بااقي لك ترم يااابدر

قلت : يصير خير يباا .. على فكرة سحبت الفلوس الي قلت عليها .. وحجزت القاعات مثل مااقلت
ابوي : انا مدري اخوك وين عقله .. خطبناااله وماكمل يشوف بااقي اشياء عرسه
رديت عليه : معليه يبااا يدور بيت مو فاضي
سالني : وانت مااتبي تلحقة ؟!
قلت له : شفيك يباا تبي تطيرنا كلنا من البيت ويخلاالك الجو مع الوالده ؟! وغمزت له بعيني
ابوي : اقول ضف وجهك على مكتبك .. عياال اخر زمن
رديت : يبا لاايكون تستحي
ابوي : وووولد .. الظاهر مااخذ وجه .. قم على شغلك ..
وقفت : ان شااء الله



كانت جالسه تنتظرهم على الغذا .. مفروض ينزلوون .. الجوع عامل عميااله فيهاا .. وهي ماتحب تنتظر خصوصا والسفره قدامها مليااانه مما لذ وطااب

× نجود ×
اووف هذوولاا وينهم ؟!! انا بمووت جووع .. اطلع ادق عليهم ... لاا موو حلووه .. وبعديين ؟!
مسكت جوالي وارسلت مسج لعمي

" بتنزل انت ومرتك ولا باااكل .. بموت جوووع "

سمعت صوت المسج .. اووف شكلهم وصلووو
عمي من قبل لايدخل لغرفة الاكل : يالله على الشفحه
قلت وانا اشوفه داخل وماسك ايد منال بيده : طيب انااا عارفه انكم شبعانيين من مقاابلت بعضكم بس انا الضعيفة وش يخصني تموتوني جوع

قرص اذني : يااابنت تادبي عمك اناا
قلت له : دريت والله .. اجلسواا الله يخليكم والله جيعااااااانه
ردت علي منال : نجود لا تنتظرينا كلي .. مو محتاجه اذننا عشان تاكليين
قلت لها : ياعمه لا تصدقين مره .. بس لانكم عرساان بعد كذاا ان ماجيتوو بخليكم تصووموون للعشى
ابتسمت وعمي عاتبني : ياالله اعرفي وش بيتزوج اخووك مشفوحه ولله الحمد
ردت عليه : المصيبة اخوي يااكل ويبان عليه اماا هي مادري وين يرووح
حسيت نفسي غاصه بلقمتي .. وشرقت فعلا لما سمعت عمي يقول : وين بيروح يعني .. بلساانها الطويل

كح كح كح .. ناولتني بسرعه منال مووية .. حسبي الله على ابليسهم يحشون فيني عيني عيينك .. بس والله شكلهم متفققيين مع بعض .. الله يهنيهم ويسعدهم

عمي : اعلان معجون اسنان ؟! قفلي ذا الفم الي فاتحته مدري ليه

قفلت فمي .. والله الظاهر اني صرت اوزع ابتساامااات ببلاش .. وصار شكلي غبي .. اعقلي يانجود .. اعقلي مابقي شي ع الزوااج .. اعقلي لا ترووح البنت تقول لاخوها ويبطل فعلا .. بس اكيد الباارحه قالت له كل شي ووي ؟!! لاتكون قاايله له عن التشحيم ؟! والحشره تحت السيااارات .. والله فشااله .. عمي والتفت عليه بيذبحني لو دري اني قلت لهاا ذا الكلاام .. ضربت فمي باصاابعي .. هبلة والله أني هبلة

منال : خير فيك شي ياانجود
ارتبكت : هاا لا ولا شي .. عن اذنكم
عمي : مو انتي جيعانه .. ليه مااكلتي ..؟!!
رديت : احس اني من كثر ماجعت الاكل واقف لي مو قادره ابلعه .. بااكل بعدين .. عن اذنكم ايييه صح عمي بعد المغرب بروح السوق مع لطيفة

عمي : انتي تشاورين او تعطيني خبر
قلت له : اشااورك طبعا يااعمي
عطاني نظرة حسيتها بتموتني من حدتهاا ... بس فاجأني : رووحي .. وخذي منال معك
رديت من غير ماحس : اخذهااا معي ؟!! اخذ عروس معي السوق بالله انت من جدك ؟!! مفرووض تكون
ماتبيهاا تتحررك من حضنك .. وبعدين انت نااسي اني بااخذ اخوهاا بالله كيف اشتري اغرااضي .. بحس كاني اشتري ووهوو وااقف جنبي ... عضيت لساااني انا وش جالسه اخبص .. ليه ماانكتمت

كرمشت وجهي بااحرااج .. رحت فيها .. خلاص رحت فيهاا ... عمي وجهه مكفهر .. ومرته محمره مره
جيت بتكلم الا ان منااال انفجرت ضحك .. وعيووني والله زين ماطلعت من مااحجرهاا البنت مسطحه ضحك من قلبهاا .. ولا ايدهااا على بطنها كماان .. جات عيني على عمي الي وجه ارتخت ملاامحه وكان ينااظر مرته بحاالميه .. يااعيني ع الحب .. وعماايل الحب .. بالله انا وش تفكيري هذي جاالسه تضحك علي وانا سااكته زي الهبله .. بس هي اخااف اتكلم عمي يصقعني بالصحن على وجهي

منال : والله انتي تحفة
رديت عليها : تحفة ؟!!!!.. امم تدرين والله معاك حق بصرااحه البيت من كبره تحسينه متحف .. حتى اثااثه من عصر جدي .. واناا اكيد التحفة الفنيه الي تزينه وتكسر من جموده وبروده

منال رجعت تضحك : ههههههههههههههه بالله انتي من وين تجيبين ذا الكلام
رديت عليها : من قريحتي اللغوية الفذه طبعاا .. واظهرت طقم اضرااسي
عمي : بالله عاجبك هبااالها

ردت عليه : انت مفروض تضحك كمان .. بنت اخووك رووعه .. والله خساارة بتتزوجين وتتركيناا .. بس اني متاكده اخوي بينبسط فييك .. ع الاقل تخففين شووي من جديته

حسيت بخيبة امل : لاتقوولين اخوك عسكري زي نااس الله يستر عليهم .. ترى ماافي دبدووب يجي دمه ثقييل واخوك ماينقصة حجم

عمي فتح عينه .. والله حسيته منحرج مني كثيير ومن عكي .. بس يالله هي خااربه خااربه
منال : هههه قولي مااشاء الله اخاف تحسدينه

رديت عليها : احسن يمكن يخف وزنه شووي ... وبعدين لا تخاافيين انتي تعرفيني لو صار فيه شي بكل سرور بعطيك من اثري ولا يهمك .. غاالي والطلب رخييص
عمي بحدة : لمي لسااانك ياااابنت .. كفااايه
لو قلت اني حسيت قلبي وقف قليله .. صوت عمي كاان صااارم لدرجة كبيير




استغربت من تغير مزاجه .. توه ضحك .. بس ماحبت ييصاارخ عليها .. وخصوصا قداامهاا .. حاولت تدراك الموقف خصوصاا وهي تشوف الرعب بعيوون نجود منه

× منال ×
حاولت اكون هاديه .. مع تغير مزاااجه .. ماادري ليه عصب .. بس نبرة صوته خووفتني بصراااحه .. ماااعتقد انه من النوع المزااجي .

مديت ايدي ولامست كفي كفة المحطوطه ع الطااولة بحركة تلقاائية : فيصل الله يهديك شفيك ؟!!

مارد علي .. عيونه كاانت مركزه على نجود .. قالها بصوت حاد .. يختلف تمااماا عن ذا الصوت الي هدااني والي حسسني بالامان من سااعااات : الظاهر انك خذيتي وجه لين نسيتي حدودك

تجمعت الدموع بعيون نجوود : انا .. اناا .. اسفه
وطلعت جري لغرفتهاا .. وقفت بلحقهاا .. الا انه منعني من اني اتحرك وخصوصا وان ايده مااسكتني من المعصم : اتركيهاا

سالته : لي صاارخت ؟! مااقاالت شي كانت تمزح

رد علي : حتى ولو ياامنال .. المزح له حدود .. وهي تجااوزت حدودهاا .. ماكان لازم تساايرينها .. خصوصا والي تتمصخر عليه اخووك .. كان لازم توقفينها عند حدهاا

جلست على كرسي وانا احاول اتكلم معاه بعقلاانيه : اهو اخوي .. بس طول عمرنا نتمصخر على وزنه عاادي مشعل مو حسااس من ذي الناحيه ابدا

رد علي :واذا انتم اخوانه وهي بتصير زوجته .. وماافي رجال يحب زوجته تاخذه مصخره
رديت عليه : هي مااقصدت .. نجود انت ادرى بطبعها تقول الي تفكر فيه
رد علي وهو يضغط على مقبض عكازة : وهذي المصيبة .. كم مره اقولهاا اوزني كلاامك لكن ماافي فاايده كاني اكلم جدار مو بني ادم

رديت عليه : معليه هي لسى صغيره .. وصدقني بعد الزواج بتعقل .. وبتركز .. لاتصير معاها قاااسي لااتخوفها تفتح فمها قدااامك .. حتى صرااخك عليها قدامي غلط بغلط مو حلوه لابحقها ولابحقي .. فيصل نجود نيااتيه لااخر درجه .. لاا تغيرهاا .. خليها زي مااهي .. بريئة وطيبة .. مااتعرف الخبث .. واللحين قم ورااضيهاا

هز راسه بعند : لا ياامنال .. وان كان الي قلتيه صح .. ماارح ارااضيها .. انا مو معتد برايي .. لاا بس حتى للطيبة حدود .. الناس بكرة ماارح ينتظرون يسمعون شرح غبي منها بسبب عباارة قاالتهاا .. ومارح ارااضيهاا تبي تزعل .. تزعل من هنا لسنة الجايه لو هذا بيعدلهاا تزعل وتبلط البحر كمان

وقف وهو يتسااند على عكاازة .. غريب هالانسان متنااقض تماماا : انت من سااعتين كنت بقمة الحنان معااي واللحين على من لحمك ودمك بتقسى ؟!

زفر بضييق : منال وبعدين لاتصدعين رااسي .. افهمي ياابنت النااس هذاا لمصلحتهاا
قلت وانا متضاية من صراخه : لا تصاارخ ياافيصل ماني صماا اقدر اسمعك زيين

ابيضت ايدهـ على عكاازة : منال اللحين انا معصب .. وماابي اسمع كلمه .. لو سمحتي لا هديت تعالي تكلمي معااي وناقشيني مثل مااتبي .. انا اللحين مو شاايف قدامي

طلع من غرفة السفرة .. ماعرف وين بيرووح مااايهمني .. ينقلع ... اناا وش علي منه .. غبيه لاني صدقت كلاامه .. غبيه وستين غبيه

كان يشوف عيونها كيف تلمع وهي تتابع برنامج وثائقي عن الاطفال .. كانت ململمه جسمها وضامته بدينهاا وعيونها مهتمه بكل مااينعرض .. ماترمش حتى.. انكسر قلبه عليهاا .. مااكان عارف اني في بدااخلهاا رغبه قووية .. فطرية .. اصدر صوت متعمد عشان تنتبه له

× حمد ×
اول ماانتبهت لي .. تعدلت بجلستهاا .. وغيرت القناه .. جيت جلست على كنبه جنبهاا ومااعطيت ايه اهتمام ظاهر للي كاانت تشوفه : وين اهل البيت ؟!

ردت علي : امي رااحت توجب ناس من الجماعه .. وابوي طلع من الصباح والين اللحين مارجع
سالتها : ليه مارحتي مع امي ؟!
ردت : ماله دااعي اروح .. حصه معها تكفي وتوفي
ياجفااف ذي البنت .. تكلمني كااني ذابح لها ولد : طيب مادام مافي احد بالبيت تعالي نتعشى برى انا وياااك ؟
ناظرتني من طرف عينها : مشكور .. بس مالي نفس اطلع
قلت لها : ولا عشان خاطري ؟!!
قالت لي وهي تبتسم بسرخه : انت ادرى الناس ان ماالك خااطر عندي ... لو سمحت حل عني
انحرقت من كلاامهاا : تسلميين ماقصرتي
مشيت واناا اجر رجلي جر .. موجوع من كلمتهاا .. ماهقيت انها لااغيتني من حياااتهااا .. وان ماالي أي اعتباار عندهااا

نادتني بصوت مرتجف : حمد
التفت عليهاا : نعم ؟!
ارتجفت شفاااتهاا .. وضغطت عليهاا ودموعهاا على خدهاا .. : بيتزوج !! بيااخذ الي تجيبلة الولد .. بيتزوج
وصلت عندها بخطوتين وسيعه وضميتهاا وهي تشهق ومتمسكه فيني .. رحمتها .. ورحمت الضعف الي تمر فيه .. الجبااان .. الحقييير

نوير وهي تدفنيي وبحرقة سالتني : انا وش ذنبي ؟!! ليه ياااحمد ؟! انا لو هوو والله كان صبرت عليه .. ليه ماايصبر ؟!! ليه بس تبوون الاات تفرييخ ؟!! من يقول العيال هم الي يشلوون الاسماء ؟!!! ويخلدون الذكرى .. والي ماايرزقة ربي عياال وش يسووي ؟!! ليه ينرمي كنه قذااره ؟!!!!!!
قلت اخفف عنهاا : لاتبكيين عليه .. ماايستااهل دمعه من عيووونك .. والله ماايستاهل النذل

هزت رااسها : انا ماابكي عليه يااخووي .. انا ابكي على نفسي الي ارخصتهاا .. بس عشاان احافظ عليه .. واليوم تدق اخته تبشرني بخطووبته .. تبشرني بمووتي .. تعرف وش يذبح الحرمه يااحمد ؟! ماايذبحها الا انها تشووف وحده غيرهاا تشااركها زوجهاا .. لو الرجاال به كل عيوووب اهل الارض .. مااايهمهاا .. وقتها هو بس زوووووجهااا .. وسالم على كل عيووبه الا انه زووجي .. وزواجه الثااني حاارقني حرق
ليه ما تركتني ارجع معااهـ؟!! ليه ؟!

سالتهاا : يعني لو رجعتي ماكان تزوج ؟!
ردت : انت عطيته حجه يااحمد
رديت عليها : لاا تغالطين نفسك يااانوير .. هو كان بيتزوج بيتزوج .. اذا مو اليوم كان بكره .. ومحد بيتبهدل معااه غيرك !!

ردت علي : لا ماكان بيتزوج .. بيقعد معااي .. كنت بحافظ علي
قلت لها : نوير لا تناقضين نفسك .. تعرفين انه كان باايعك .. بااايعك وكملت من غير ماانتبه لعمق جرحهاا
اصحي ياانوير .. هو ماايحبك .. وهذا انتي لك شهر تقريباا عندا ولا سال وراح وخطب .. سمعتي ماايحبك ولا حتى شااري العشره بينكم .. كل الي كان مخليه متمسك فيك .. البرستيج الاجتماعي .. كونه صهر عبدالله بن فاضل فتح له ابواااب مااعمره يحلم فيهاا .. ولما خلااص .. استفاد وشبع ماصدق انناا حاولنا نحط له حد .. خلاص وظيفتك انتهت وماعاد شي يجبره على الارتبااط فيك .. وانتي ماتقدرين تجيبين له عياال .. ياعيني بدل العذر عذرين .. مره عاصيه وماتقدر تجيب عياال .. ليه يتمسك فيه ؟! ماحد يقدر يلوومه

قالت : يااعيني حمد يطلع اعذاار لسالم .. عجبي .. معليه التمس له العذر .. يمكن هو يلتمس لك العذر لماا تشبع من العمياء وترميهاا رمية الكلاب

صرخت فيها : لا تقاارنييني فيه

ضحكت: ههههههههههههههههه لاا اقاارنك .. حمد انت نسخه منه .. هو رمااني من بعد ماشبع .. وانت بترمي العمياا من بعد ماااتشبع منها .. الفرق انك بتعيشهاا مخدووعه كم يووم وبتكون لها الفارس الهمام الي ماااهمه الشكل ولا الاعاااقه بس بالنهااية بترميهاا .. من بعد ماتكون جاابت لك الولد الي تبيه .. تدري اتمنى من كل قلبي .. يكون اعمى مثل امه .. وينحرق قلبك عليه مثل مااانت حارق قلبي

صدمتني بدعوتها .. بكرهها .. بمقاارنتها .. انا مو مثله .. ابداا .. مو مثله




دخل جناحه .. وصوت عصااته تسبقه .. يحس نفسة اللحين هادي وراايق .. خروجه من البيت سااعده انه يهدي من نفسه .. مو عارف ليه سوى مشكله من الاشي مع منال .. يمكن لانه مااحب حدة اسلووبهاا .. حس فيه نووع من التحدي .. من فرض الرااي .. وهو يكره ذا الشي .. لاانه يستفزه

× فيصل ×
دخلت الجناح .. كانت ريحة العود مالية المكااان ... فتحت بااب غرفة النوم .. شفتها جالسه تقرا بالقران
وكانت راحمتني اخيراا من البجايم الحريره

سلمت : السلام عليكم
ردت علي : وعليكم السلام

حسيت ان سلامها من غير نفس .. رحت لغرفة الملاابس بدلت ثوبي .. ولبست لي بنطلون ريااضي خفيف مع تيشرت كت .. طلع ولقيتها حطت المصحف جنبها .. ابتسمت لها .. ماردت علي الابتساامه .. الظاهر زعلاانه
طنشتها ومشيت اليين ماوصلت الجهة الي انام فيهاا .. عطيتها ظهري ورفعت رجلي اليمنى ع السرير بيدي ومن بعدها اليسرى ...حاولت اسند ظهري بس للاسف كل الي جنبي مخده وحده وماتساعدني اقعد متكي بارتيااح .. الخداديات بعيده عني شووي .. ولازم اميل بجسمي كاامل الين مااجيبهاا .. شاافتني منال من طرف عينها .. قامت من بعد ماخذت الخداادياات وحطتهاا ورى ظهري بترتيب

سالتني : كذا مرتااح ؟!
رديت : لاا
سالتني : أي وحده مضاايقتك ؟
جاوبتها : البنفسجيه
ردت : مافي أي .. سكتت لما انتبهت اني كنت اقصدها هي .. مع قميصها البنفسجي
قالت : تعرف تنكت تصدق
رديت عليها : والزعل مايليق عليك مسكتها
رجعت تجلس بجهتهاا وعملت مثلي ... سندت ظهرها للجدار الي ورااناا .. وكتفت اديها على صدرهاا طفلة يااناس متزوج طفلة .. هي وذي البراطم الي مادتها .. تعمدت اطنشهاا .. مع اني كنت ابي افطس ضحك عليها

التفت علي : انت ليه زعلان ؟!!
رديت عليها : انا مو زعلان من يقول .. ورفعت حاجبي لها
ردت : مااتكلم .. وهذا مو طبعك
رديت عليها : عرفتي اطباعي بثلاث ليالي شي حلو
قالت لي وهي تقعد على ركبها .. واهتز السرير من حركتهاا ..: فيصل لاتحرق دمي .. انا الي اتهاوشت وانت المهااوش لاتنسى

رديت عليها : انا مااهااوشتك لااتتبليين علي
ردت من قهره وهي تقرب وجها من وجهي وتحط عينهاا بعييني بقهر : اتبلى علييك ؟!!!!!!!

لمعت ببالي فكرة شيطاااني .. بس تمالكت نفسي وقررت اثقل : منال ريحتك خنقتني .. مع ان عطرها يجنن والله بس قلت اعاند ... وبديت ازيح الخداديااات .. وخري عني ابي اناام .. ترى تعباان

لمعت الدموع بعينهاا بقهر وهي تبعد : الغريب انها مااكانت خاانقة لك الصبح .. اييه تلااقي تحملتهاا لين خذت الي تبيه .. اعذرني سيد فيصل قرفتك

هذي كيف لفت الموضوع ؟!! شلوون فهمته بذي الطريقة ؟!!
مسكت ايدهاا بسرعه ..قبل لا تقوم من السرير وسحبتها الين ماطااحت على بطنها ..على السرير ... الي هالمره زاادت حركته .. احنيت جذعي .. الين ماوصل انفي لشعرهاا .. واستنشقت ريحتهاااااا ... رحيته خزامى ومختلطة بنعوومه مع عطرها مدري وش ريحته .. مسك على صندل خشبي ..مع ريحه ماعرف وش تكوون .. غريب العطر مثل صاااحبته

قالت لي ووجها ع السرير من غير مااترفعه : انتبه تختنق
قلت : انا اختنقت وخلاص ..

رفعت رااسه وشبح الدمعه بعينهاا .. وخرت عنها ...وهي ترفع جسمها مثل طفل يحبي باول سنه بعمره وهو يحاول يقوم يكمل حبوه من بعد ماضرب رااسه الارض

مسكت ايدها من من سوواعدهاا وسحبتها باتجااهي .. قبل لااترجع تطييح ع السرير ..حاولت تجر نفسها وهي تحاول تعدل من جلستها لانها مو قاادره تسيطر على جسمهاا ... لكن جسمها الصغير مستحيل يتغلب على جسمي العريض والقوي .. صاارت بحضني .. وطيت رااسي .. لاجل تتلاقى عيونااا

قلت لها : مفروض يكون اسمك غضوب .. بركاان ...اي شي الا منال .. ليه مااتعرفين تكونيين هاديه .. وليه تاخذين ظااهر الكلام وانا متاكد انك عاارفه ان القصد مبطن .. مااظنك غبيه ولا سااذجه ...معليه بساايرك .. تعرفين ليه مثلت الزعل .. لاني ابتسمت ومارديتي علي الابتساامه .. خفت تكوني منقلبه علي .. بصراحه كل شوي لك حاال .. وبعدين لماا جبتي سيرة هوشة العصر .. ماحبيت تفتحيها معاي ... لاني وضحت لك طبعي لو انا زعلان لا تجادليني وانتي العصر ماسمعتي كلاامي وعاندتيني وصرتي تحااسبيني .. وانا ابيك تتعلمين شلون تتعاملين معااي الجداال مااحبه .. وهذاني قبل مااجيك مستلم رساله من ام لسان طويل تعتذر فيهاا يعني الفرض من التهزيئ وصلها .. ام ريحتك الخااانقه .. فهي تخنق من روعتها .. ماعرف وش حااطه ..الي اعرفه انهاا تخليني ابي الصق خشمي فييك ولا اشيلة ابد .. وبنفس الوقت احس قلبي اطبوول حرب... اووف تبكيين .. وبعديين يعني ... طيب ليه البكاا ؟!!

ماردت علي .. قربت اكثر منهاا ... وبست دمعتها الي على خدهاا .. حسيت بمرااره الدمووع .. دمووعك مالحه ياامناال !!!



احرقتها دموعها كثيير ... مو معقوله كم مره اليوم بكت .. وكم مره تفاجأت .. ماكانت تعرف ان في نااس بذي الطريقة .. كل ماحاولت تغالط نفسها معااه .. يرجع يجبرهاا تحترمه .. وتقدره .. خصوصاا وهي تقاارنه باسوء نموذج ممكن يمر على مره من الرجال

× منال ×
يقول ليه ابكي ؟!! معقول يسأل .. كنت متزوجه طول سبع سنيين .. عمره ماا قاالي كلماات حلوه الا بالفرااش ووقت ماايبي بس .. عمره ماكلف نفسه ومسح دمعتي .. اما هذاا .. كم لي معاه .. ثلاث لياالي .. ثلااث لياالي قلب فيهاا كيااني .. كل مااكنت اتهمه بالتمثيل .. مااكان يهتم .. بالعكس احسه يبذل جهده عشاان يقرب مني لمسته لي غييير .. والله غير .. المره تقدر تعرف الغرض من اللمسه .. والمغزى ورى كل نظرة .. ليه ابكي ؟! لاني اول مره احس اني مره مرغووبة .. روحياا قبل جسدياا

ابتسمت له وهو عاقد حواجبه .. وحطيت رااسي على صدره .. وانا ادعي ربي بسري .. يقربني منه اكثر ويخليه لي .. ادعيه يسااعدني احتوية .. واكون قريبه منه .. واحاافظ على هالانساان الي احترمني واحترم كيااني كانثى ... طوقني بيده .. ونمت على انغاام نبض قلبة

*
*
*

نلتقي الاثنين ان ربي كتب لنا عمر

*
*
*

وااااااااااو ...رووووعه وربي رووووعه

شوو هالابداااع يا بدويه .. مشاء الله عليييييك xD

تسلمييييييييين والله لا يحرمنا من ابداعاتك ^^

فيصل ومنال

الحمد لله تحسنت علاقاتهم وكل الفضل يرجع لفيصل ..بصراااحة شخصية رااائعة باتم معنى الكلمة

بدرر

حلوو انه يتعلم بسرعة واتوقع يصير رجل اعمال ضخم في المستقبل .. و ان شاء الله يكمل دراسته

مشعل ونجود

ثنائي راائع ومناسبين لبعض ..ننتظر متى يجتمعون تحت سقف واحد ^^

نسييييم

شبه متاكدة انها راح توافق على حمد يا اما تقدر تغيره وتخليه متمسك فيها / او يطلقها فعلا بعد اول ولد وهذا ما لا اتمناه ..

لطييفه

واااو عجبتني قوتها في البداية مع رهف وبعدين مع اخوها .... احسن لان الطيبة ما تنفع مع هالاشكال :)

شكراااا مررة ثاااانية مبدعتنا ..وفي النتظار الاثنين