رجع بعد صلاة الجمعه .. كان متوقع يجي يلاااقيهن جااهزااات ... لكنه رجع ولقي اصوات الضحك ساابقتهم ... لقي زوجته الي ماااتعطية وجه تدور حول الكنب كانها طفلة .. وبنت اخووه مجننتهاا بطولة لسانها

× فيصل ×
منال جمدت اول مااشاافتني ملامحها تغيرت تماما .. المرح الي كاان كاسيها حل مكانه الضيق .. تجاهلتها وحطيت ايدي على رقبت نجود الي ماانتبهت لدخولي ولا لصوت عكاازي .. بسبب صوتها العاالي وضحكهاا

الي ماالي المكان : من العجوز يام لسان طوويل ؟!!
نجود وهي تنكمش : يؤيؤيؤ .. جاانا حامي الحمى
لفيتها علي : وش مسويه بالمره ؟!! تركتها عاقلت رجعت لقيتها
نجود : مجنونه صح ؟!!
منال نااظرت نجود المتشمته فيها بنظرات توعد وتهديد
قلت لهاا : محشووومه بنت خاالد .. قاللولك نجود ؟!!
نجود : انا قلت بيطيح كرتي

قلت لها وانا امشي عنها واوقف جنب منال لي اول ماقربت منها جات بتمشي .. الا اني مسكت ايدهاا وثبتها مكانها بقوة .. ناظرتني بتهدييد لكن على ميين : بالله ذا القمر ماارح يطييح كرتك ؟!
نجود طالعت بمنال من راسها لرجيلها وحطت اصااابعها السباابة والابهام حول ذقنها : بالله اذا ذي قمر انا وش اطلع ؟!!

رديت عليها : انتي قمر بس بالخسووف
نجود :افاااااااا يااعمي .. طااح وجهي
منال بشماته : تبيين كيس تلمينه فيه
نجود : اوووف قووووووووية .. طلع لسان لانه وااقف جنبك هاا ؟!! من اول تلحقيني وماطلتيني ااااخ لو انه متاخر بس شووي .. كااان رااويتك شغلك

قلت وانا اسند ايدي على كتف منال وهي تبعدها وارجع احطها : وش يعني بتسوين فيها ها ؟!
ردت علي : مااعرف .. بس شي شيين اكيد .. ليش ادفيين ايده ؟!! مستحيه ؟! لا تستحيين عادي .. بس لاتتعودوون اخاف تتمااادون اكثر وانتم عارفين معكم وحده صغيرونه بالبيت و

قاطعتها : وتنكتم احسن لهاا لاني بااقي شووي واقووم اكفخهاا
ابتسمت بعبط : قفلنااااااااااااااه
التفت على منال المنحرجه : ليه مو جااهزة ؟!!
ردت علي : اللحين اصلي والبس

نطت نجود : ترى انا مو رااايحه معكم .. بصراحه ماضمن يمكن تبون تتغدوون على اضواء الشمووع .. امم مع ان محد يسويها !! بس يمكن الله اعلم بالنفووس .. تبيها تاكلك وانت تاكلها .. يمكن تبون تتغازلوون تقولها انتي حلوه .. تقوولك عيونك الحلووين .. تقوم ترد عليها مو احلى من عيونك يااقلبي .. تقوم ترد عليك وتقولك تسلم ياااروحي

منال : انا طااالعه ابدل عن اذنكم .. انا جاي معك
ردت : اكيد ماابتفوت الفرصه
التفت عليها مصعوق من تعليقها : نجوووووووووووووووود
حطت ايدها على فهمهاا بقووة وكرمشت وجههااا باحراااج .. لدرجة انها حمرت
قلت : والله مافي فااايده لسااانك مفلووووت .. الله يعيين مشعل عليك




من بعد مارجعو من الصلاة ... اجتمع ابو مشعل باولادة .. وزوجته .. من غير نسيم الي اعتزلت الناس بغرفتهاا .. تحاول تلملم نفسها من هول الصدمه

× مشعل ×
حمد بن فاضل يبي ياخذ نسيم ؟!! الرجل اعرفه سليم ومافيه الا العاافيه وش يبي بنسيم يااخذهاا ؟!
سالت ابوي : يبا وحمد ليه يبي وحده مثل نسيم ؟!
ابوي : مااعرف الرجل تقدملي وانا وافقت مبدئيا على استقبااله
رد بدر : بس يبا الرجل مو معااق عشان ياخذ عميا
ابوي : ادري بس الزواج قسمة ونصيب

امي : ليه ماتقول انه لو رااح ماخذ وحده صااحيه محدن قبلة الرجل متزوج ومطلق عقب شهرين واخذ اكثر من مره اجنبيه وطلقهن

فاجاتني امي بذي المعلومه : نعم ؟! متزوج ومطلق اكثر من مره ؟!يبا شلون توافق عليه
رد علي : الطلاق ماايعيب الرجاال
بدر : يبا هذا لو كان مره .. مب اكثر من مره
ابوي : الله يعلم وش صاير بينه وبن حرمته
امي باستنكار : حرييييمه
ابوي عطاهاا نظره : انتي مب معترضه عليه انتي ماتبينهاا تطلع من حظنك
امي : هذي بنتي يااخالد تبيني ارميها عند واحد مايخاف الله
ابوي : ياابنت الحلال لا تحملين ذمتك .. الرجل الكل يشهد باخلااقه وطيبة

قلت : مااكذب ان الرجال بالمرتين الي شفته ارتحت له كثيير .. وبعرس فيصل ماقصر معااه .. لكن يتزوج نسيم يبا اخاف نظلمه ونظلمها .. انا مااقدر اتخيل واحد سليم ماخذ معااقه .. حتى وهي اختي يبا نسيم مو مثل أي بنت مهما قلنا ومهما غالطنا نفسنااا

ابوي : والله الولد مااجبرناه وماضربناه على ايده هو الي جانا عاني متعني
بدر : يعني انت بتستقبله؟!
ابوي : اكيد .. وبخير اختكم هذا حقها .. وافقت على بركة الله ماوافقت نصيب وكمل وهو يناظرنا بعيون مهدده .. ماابي احد منكم يأثر عليها خلوها هي تختااار براااحتهااا
ردينا : ان شااء الله




طلعوا مع بعضهم يتغدون ... اخذها للمطعم ع البحر .. طول الطريق كانوا سااكتيين .. اصلا من بعد احراجات نجود لهم من له نفس يتكلم .. اول مانزلو من السيارة انتظرته يمشي قدامها مثل ماكانت متعوده من قبل كان دايم يمشي ويترك مسافة بينهم .. وكانت بخرجاتها القليله معااه تمشي بسرعه كبيرع بس عشاان ماتضيعه

× منال ×
اول من نزل من السيارة هو .. نزلت وراه .. وانتظرته يمشي عشان الحقه .. الا انه لف .. ووقف جنبي وهو يحشر اصاابعه بين اصااابعي .. غصب عني لفيت راسي باتجااهه ورفعته اشوف وجهه بشكل اوضح كان في ابتساامه نااعمه على شفاااته ضم كفة بكفي .. حركته هذي لخبطتني .. خلت دقات قلبي تزيد وتعلى ..مااعرف ليه .. مااعرف ..شي كان بعيوونه مااعرفت اقرااها ... ولا قدرت افهمه .. ليه يسوي كذا

فيصل: مشيناا
مشيت معااه مثل المخدره .. كاانت مشيته رصينه مهيووبة .. حتى مع عرجه .. الا ان هيبته غطت المكان .. عيون كثيره الفضول اجبرها تلف وتشوف هالجااي الي صوت نقر مميز يتبعه .. وعيون الحريم كنت اشوف الاعجاااب وااضح .. مالت .. يااخذوونه حلاال عليهن


فلت ايدي من ايده اول ماوصل لنا الجرسون الي دلنا على طااولتنا الي بزاوية معزولة شوي .. وضبط السواتر
زييين ... احلى شي بالمطعم عنا انه ع البحر .. جز منه مكشوف ع البحر .. وجزء ع الداخل .. جلست وصار البحر عن يميني .. ويساري الستاار

فيصل : تقدرين تفكين غطااك
رديت : اللحين رح يرجع الجرسون
فيصل: طيب وش تحبيين تاكليين ؟!
رديت حتى من غير لا اطالع بال Menu : أي شي
عمل نفسه كان يدور على شي ال Menu .. قالي : امم ماني لااقي أي شي ؟! وين القاه بصنف البحريات او اللحوم والمشاااوي ؟!

تمنيت امسكه وارميه بالبحر .. يستخف دمه معاي الاخ .. جان الجرسون وسالنا عن طلبناا ... هو طلب ستيك مع البطاطا المهروسة .. سالني : وش تاخذين ؟!
رديت من غير نفس : مثلك
ع الغذا ماتكلمنا كثيير .. ماعندي شي اقوله .. ولا ابغى اسمعه وهو يتكلم .. مع اني اتمنى اروح لبيتناا .. اهلي من امس لا شفتهم ولا كلمتهم .. ماانتبهت اني العب بالاكل الي في طبقي الا لماا تكلم وعلق علي

فيصل : اذا مو عاجبك الاكل اطلب لك غير
رديت : لا الاكل حلو
سالني : طيب ليه تلعبين بالاكل ولا كلتيه ؟!
رديت وانا احط الشوكة : الحمد الله شبعت
رد علي : هذا اكل عصاافيير مو
قاطعته : حتى العجاايز اكلهم قليل
ضحك بصوت خفيف : هههه حلووه .. بصرااحه لو كل العجااايز كذاا حلووويين ماتشبب رجال ...وابتسم امم الا هم كلهم مثلك ؟


استغفر الله من هذا الرجال بيجنيين بذي النبره وذا الصوت .. ليه يتعامل معاي بذي الطريقة ؟!! ليه التمثيل ؟!
سالته : انت ليش كذا ؟!
سالني : وش الي ليش كذاا ؟!!

جاوبته : لين متى بتقعد لابس قناع الطيبة .. والروماانسيه .. متى بيطيح قنااعك وبتطلع عقدك ؟!!

تغيرت نظرت عيوونه .. ولمعة بحده وغضب .. النبره بصوته صاارت صاارمه .. حااده .. الا انها مااخلت من الهدوء القااتل : انا ماعرف لا امثل ولااني من لاابسين الاقنعه ... كونك اختلطي بنااس عشقت مسرح الحياة مو ذنبي .. ولا هي غلطتني ان كنتي ظنااانه وتعبرين كل الاشخاص سيئين ويميلون للخدااع .. بس انا غير ياامنال .. ولازم نظرتك لي تكون غيير .. اناا زوجك اولا .. وغصبا عنك بصير حبيبك ونبض قلبك وان شاء الله ابو عيالك

رديت وانا اصر على اسنااني : انت تحلم .. ولا شي من الي قلته بيصيير .. ايدك ان حطيتها علي رح اقصها
ابتسم لي بخبث : الليل ماابقي عليه كثيير ووريني شلوون بتقصيين ايدي
وقفت وانا منقهره : قم وديني بيت اهلي
قااالي بهدوووء وبحزم : اجلسسسي بالطيب ولا تخليين صوتي يعلى
جلست وانا ارتجف من القهر .. قالي : ايااني واياااك تتامريين علي او تفكرين ترفعيين صووتك ساامعه
ابتسمت بسخرية بوجهه : حلو او جزء من القنااع طاااح

رد بهدوء وهو يااخذ شوي من البطاطا المهروسة بطرف شووكته ويقربها من فمه : نجود سمتك عجوز والله غلطااانه انتي بزر بمعنى الكلمه

انا بزر يالشااايب العاايب .. يالممثل .. ااخ بس لو اخذ صحنك واصكه بوووجهك .. ااااخ يااقهري ... حقير




فطست ضحك من كل قلبهااا .. من زمان مااضحكت كذا .. نسيت الضحك ان صح التعبير .. تغصب الابتسامه سهل جدا عليها .. لكن الضحك .. الضحك من القلب .. تحس صوتك يغسل همومك كلها .. ويتردد صداه بذنك كانه الحاان عذبه .. هذا من زماااان عنه

× لطيفة ×
مو معقولة البنت هدي لساانها يبغاالواا قص ..: ياابنت انتي انضربتي بعقلك في وحده تقول كداا لعمها ومرتوا؟ ايش تقول عليكي الادميه

نجود : والله ياالطيفة يااخوفي يكنسلوون الزواجه ويجون يااخذون مهرهم
ضحك :: هههه احسن تستاهلي
عصبت علي : لطووووووووف
رديت عليها : ياابنتي انتي ملقوفة ليش ؟! احرجتي عمك واحرجتي مرتوو معااه .. مره عيييب .. وبعدين ايش مارح تضييع الفرصه .. ههههه كان نفسي اشووف وشك

نجود : تشوفي اايش والله طيب منه ماااذبحني
قلت اخفف عنهاا : معليه عملتيلهم جو يخفف توترهم
ردت : اكييد .. والله يااالطيفة لو شفتي عمي كيف فرحان فيها .. عيونه من ترقص من الفرحه
رديت عليها : سبحان الله هيا صبرت وهو صبر وربنا عوض كل واحد فيهم بالتاني
قالت : ماادري بس احسها زي ماتقولين كاشه منه ؟!

رديت عليها : شي طبيعي هماا لسى عرسان جودااد واكيد هياا اليين ماتتعود عليه رح تحسيها كاشه بس كويس انو انتي معاها كمان باليت وهياا مااخذه عليكي رح يسااعدهاا على التاقلم .. وبعدين لاتنسي الي مرتبو مع جوزها والله مو سهل ابداا .. يعني لو كرهت الرجال والله محد يلوومها .. صح متى رح تبدأي تدبشي ؟! باقي شهرين على فرحك !

ردت علي : ان شااء ببدأ من بكرة .. بس ماعرف بصرااحه ماعندي احد يرووح معاي .. امي طبعا ماهي فاضية .. ومرت عمي استحي اطلب منها تنزل معاي .. هياا لسى عروسة .. امم ماعرف لولو تقدرين تجي معايا .. يوم اجازتك مثلا

ابتسمت بيني وبين نفسي : من عيوووني .. بس شوفي مااقدر اطلع معااكي الا بعد المغربيه اكون رجعت من دواامي وريحت
فرحت : من جد ؟
رديت عليها : ايوا يااستي واطمني امي ماارح تعترض ولا حاجه بس اكتبي الله يخليكي كل حاجه تبغيها بورقة مو تنزلي السووق كذا عمياني والي يعجبك تشترينوو ماينفع بتخلص فلووسك واغرااضك ماخلصت
ردت: ان شااء الله

سمعت صوت صراخ جاي من الاسفل .. قفلت بسرعه من نجود ونزلت اشوف ايش الي يصير تحت .. لقيت رهف مااسكة الشغااله من شعرهاا وتصرخ عليها : انتي ايش حماااره ؟!! تبغي تجلطيييني ؟!! انا ابغى اعرف تعانديني ليش؟!!

صرخت على رهف وانا احاول افك الشغاله من ايدهاا : اتركيهاا حرام عليكي
رهف دفت الشغاله علياا وتخصرت : حرمت عيشتك انتي وهيا .. اصلاا محد مقويها الا انتوو .. انا عاارفتكم تبغوو تطفشووني من البييت

استغرالله .. شكلناا رح نسوي خناقة اليوم : اشبك شيااطينك طاالعه .. ايش سوت الادمية عشان تبهدليهاا
ردت علي : ايش سوت ؟!!انتي ايش دخلك اصلاا انا وشغاالتي نختلص

رديت : لما تكوني جااايبتها من بيت ابووكي وقتها تكون شغااالتك .. هي هنا في بيتنا .. وجايبينها من قبل مااننبلي فيكي .. يعني مااايخصك فيهاا

الشغاله : ماما لتيفة انا والله مايسوي شي هياا واحد كزااب .. انا سوي اكل هيا قول بعدين اسوي اكل ماما كبيير هياا يجي يضرب انااا يقول ليش سووي

رفعت حاجبي: لااا يكون تبغي تدخلي كمان باكلناا
رهف : البيت بيتي .. وانا الي اقول ايش الي ينطبخ وايش الي ينكب بالزباااله

قلت لها : بيتك ؟!! من ويينلك ؟! لايكون ابوكي كاتبو لكي ونحنا مااندري ؟! ماكدبوا لما قالو سكتناالوو دخل بحماارواا.. وكلمت الشغاله .. روحي حطي الغذا لياا ولمااما .. واي شي تقولك عليه هدي واشرت على رهف بسبابتي باحتقاار .. ماتسوينواا لهاا .. خلاااص

رهف : تتحدييني ياالطيفة ؟!!
رديت عليها : انتي اقل بكثيير من اني اضيع وقتي معااكي .. واذا تبغي شغااله خلي زوجك يجبلك وحده




لعب على حبل اعصاابها .. استمتع بتوتيرهاا .. مع انه تضاايق من اتهاماتهاا له لكنه تمالك نفسه .. العمل بالتجااره علمه كيف يكون هادي بعز ثورات غضبة .. استمتع بعد الغذا بالحلا والقهوة .. متعمد يطول بالجلسه ماحاول يفتح معاهاا حووار .. تركها على اعصاابها وهو يشوفها مرتجفه بتوتر... حاسب وطلعوا من المطعم ساق سياارته باتجاه بيت اهلها.. كان يتوقع انها بتعرف الطريق .. لكن عيونها المتجمده ع الفرااغ كااانت اكبر دليل على انها مو معاااه .. هي غااصت بااعمااق مااضيها .. تهديده ووعيده لها .. رفض يمر من غير لا يثيير بدااخلهاا ذكرى زواجها السااابق .. بكل مااافيه من الم .. وليلة الزفاف الي المفروض تكون احلى ليالي العمر كاانت كاااابوس بالنسبة لها

× فيصل ×
وقفت سياارتي قدام البوابه الداخليه لفلتهم .. منال ماانزلت ولا تحركت .. عيونها مركزه بالفرااغ .. والدموع متجمعه فيهاا .. ومابقي شي الا وتنزل .. معقول متضاايقه من كلامي بالمطعم ؟!! انا مااقلت لها شي يستااهل كل ذا الزعل ... اصلا هي الي تماادت بكلاامها .. واتهمتني بااخلااقي
نااديتها : منال ... منــــــــــال
التفت علي : هاااا
رد : وصلنا
التفت وناضرت من شباك السيارة : بيتناا
فتحت الباااب بسرعه .. ونزلت جري من السياارة ... وقفت قداام البااب وبدت ترن الجرس .. حتى ماانتظرتني اليين مااا انزل واكون معهااا .. لحقتهاا وانا احااول اسرع الخطاا .. مع ان رجيلي الالم ذااابحهاا .. ومعوق حتى حركتي .. دخلت مناال وسبقتني .. وانا كاان بنتظااري مشعل الي طلع يستقبلني

مشعل : يااحياا الله من جاانا .. حيا الله النسيب
رديت : الله يحييك .. اختك الظاهر ماصدقت الفكه
مشعل ضحك : هههههههههه وش مسووي فيها اعترف
رديت : اامم نتفت شعرها وكسرت عظاامهاا
بدر : مااتسويهاا يااولد فهد العيبه عمرها ماتطلع منك
سلمت عليه : هلاا هلاا بالعنييد
رد : يؤيؤ .. لا يكون لسى منقهر عشان رعد
قلت فااهمني
مشعل : ادخلوو بنتكلم ع البااب
دخلت ورى مشعل ووبدر .. الي دخلوني للصالة الداخلية .. لقيت مناال بحظن عمي خاالد .. ومتمسكه فيه
كانه بيشرد بعيد عنهااا

سلمت : السلام عليكم
ردو علي السلام : وعليكم السلام
رحت لعمي : وخري خلينا نسلم

منال وخرت وعيونها تطق شرر .. سلمت على رااس عمي الي هلاابي ورحب فيني .. ورحت لعمتي وسلمت عليها.. وكانت تدعيلي .. والله تشبه بنتهاا كثيير .. انا اقول من وين بنتها جايبه الزييين

بدر : هذي هي بنتك جااتك يمه شوفيها يمكن نااقصها أي او رجل
عمتي : تمصخر ياابدير
بدر : اتمصرخ ؟!! من الي قضى ليه بالبكاا .. وبنتي وبنتي
منال قاامت وجلست عند عمتي الي ضمتها بقوة على صدرها الي قااالت : مابتعرفون قيمة الضنا الا لاشفتم عياالكم حوولكم

منال : ماعليك منهم يمه ... عذاااااال
مشعل : اوووف قوووية .. تهزئك بدر لاتسكت لها
بدر : ترى قااالت عذاال يعني جمع قصدها فينا كلنا
امي : والله انكم مااتحشموون عيب عليكم وش يقول عليكم رجل اختكم
التفت علي مشعل : وش بيتقول ؟!! خليه يقول شي ومرته مابيشووفها بعد اليوم

ضحك الكل على مشعل الي انحرج : هااا مشعل وش قلت ؟!
علق عمي : وش تبيه يقول لو تذبحه اللحين مالقيت فيه قطرة دم

مسكين مشعل والله انه يضحك وهو منحرج والعرق من كل جهة نااازل ... انتقلت انا وعمي والعياال للمقلط ومنال بقيت مع امهاا .. واكيد اختها بتنزل .. لازم ياخذون راااحتهم مع بعضهم







يــــــــــتــــــــــــبــــــع

قامت تتوضا وتصلي .. دخل وقت المغرب خلاص .. من صارت تصلي .. بدأ ت نفسيتها بالارتياااح .. صحيح الجلسااات النفسية سااعدتها .. لكنها الاامتها اكثر واكثر ... خصوصا الصور الي تصر الدكتورة تعرضها عليهاا .. الصور الي تثييير فيهاا رغبه قووية .. والالم الي يتبع الصورة .. يهز كياااانهاا هز

× اسومة ×
لفيت السجادة من بعد مااصليت المغرب .. يالله مين يصدق لو قلت اني مااتعلمت الصلااة الا من المدرسة !! تخيلوا .. الصلاة الي مفروض اهلي يعلموني ايااهاا .. تعلمتها من كتب الفقه .. وحتى المحافظة عليهاا مااحفظت ...بحياااتي كلهاا مااتذكر اني صليت الا مرااات قليله .. ماااباالغ لو قلت اني مااصليت طول الواحد والعشرين سنه الا مية مره .. هذا طبعا لو باالغنا بالرقم .. لا ماما ولا بابا فكروا بيووم يقوولون لي ياابنت قوومي صلي .. اوووف الساعه 7 اللحين بتجيني الدكتورة وبترجع تفتح معاي ملفاتي القديمه .. اووف الكلام معااهاا اعترف انه يريح .. مع انه يثيير بدااخلي تنااقضااات وحرب طاحنه بين الصح والخطا .. المشكله الحقيقة مو جلسااتها الكلامية .. لاا جلساات الصور .. جلساات تعملها لي بشكل مفاجأ .. تعرض علي صور مااقدر اقول الا انهاا تخليني اتمنى اكوون وحده من الثنتين الي فيها .. مااعرف كيف المستشفى تسمح لهاا تجيبهاا .. وتخليها تعرضها علي .. بس الي يكرهني بالصور .. الالم الي اخذه .. الصدمات الكهرباائية تخليني اكره عمري .. الم ينفضني نفض

الدكتورة : مرحباا ؟!! كيف اليوم ؟!
رديت : الحمدالله
جلست مثل عادتها على السرير : شكلك يقول غير كدا
رديت عليها: انا طفشت من هنا .. ابغى اطلع اشوف النااس .. وبعدين لا تسوين نفسك طيبة اللحين رح تاخذيني على غرفة الصور .. وتصعقييني

الدكتورة : هدي نفسك يااسماا احنا مو قلنا الانفعاالاات ماهي كويسة
رديت : ماابغى احد يقولي ايش اسوي .. الله يخليكي طلعيني من هنا انا خلااص قرفت
ردت علي : اسما صعب تطلعين من هناا .. ماافي احد يستلمك منناا
سالتها : اهلي لسى راافضيين؟!
ردت : ابوكي بس هو الي راافض .. بس صدقيني بدا يليين معايا وامك تسااعدني
رديت عليها : ماايهم كل شي خلاص رااح وانتهى



تجنبوا الكلام عن خطوبة نسيم .. محد اعطى منال خبر .. انتهت الزيارة بشكل عادي .. وهدوء تاام .. طلعت منال مع زوجهاا لبيتهم

× منال ×
رجعنا بيتنا متاخر تقريبا 11 .. جلسنا بالصالة مع نجود الي كانت تقرا شي ع الاب توب

فيصل: انا كم مره اقول ارحمي نفسك من ذا الجهاز .. عيونك بتطلع من كثر ماتطاالعين فيه
ردت عليه : مااقدر .. ماافي شي غير يسليني .. خليني اشتغل وانا بتركه
رد عليها : رجعنا لطير يلي
نجود : اصلا اعرف الكلام معاك مارح يجيب نتيجة .. الموهم تعيشتو ؟!
رديت عليها : الحمدالله تعشينا عند اهلي
نجود : طيب اقوم انا اتعشى .. جوعتوني ع الفااضي
رديت : ولا يهمك المره الجاايه بنقولك لو بنتاخر
علق فيصل : ماله دااعي نقولها كلها شهرين وهي بتكون عندهم والله يعينهم عليها
نجود باحراج : عن اذنكم
رديت عليه : حرام احرجتها
رد علي : يعني هي ماحرجتك الصبح .. وقف يالله قومي
ارتبكت وانا اتذكر تهديده لي : وين ؟!
سالني : مارح تنااميين ؟!!
رديت : مافيني نووم .. بروح لنجود
ردعلي : بتروحين لنجود ليه ؟!! عشى ومتعشية

قلت وانا اوقف على حيلي .. وحسيت فعلا بقصري وانا اشوفه يقرب مني ويرفع باصااابعه وجهي .. ابتسم ابتساامته الي تقهرني : حبيبي الي تهربين منه مصيرة يصيير .. والغرفه طالعتها طااالعتهاا
دفيت ايده بقوة : وخر ايدك عني
ضحك بصووت : ههههه تجنني وانتي زعلااانه

استفزااازي .. اكره .. اكره .. ووووجع ليه يضحك .. يقهر والله يقهر .. مشي بعرجه وطلع الدرج لغرفة النوم بس ليه يركب الدرج ؟!! ليه مايستخدم المصعد اريح له .. وانا وش يدخلني .. ان شااء الله تتكسر رجيلة ماايخصني

*
*
*
انـــتــهــــى
*
*
*

نلتقي يوم الاثنيين القادم باذن الله