الفصل العشرون

ملائكة وشياطين

بعد ماتعشوا اخوواته عندهم .. جلسو كلهم مع بعض .. جلس مع اخته حصه وزوجها الي هو ولد عمهم بالاصل .. وترك امه واخته نوريه لحالهم

× حمد ×

حصه همست باذني : الموهم يااحمد ضربها ولعن خيرهاا واختك زي الحمااره رجعت له
سالتهاا : وابوي وش قاال
ردت : ابوي ماايعرف .. والله لو عرف مااجلسها لحظة على ذمته
سألتها : انتي متاكده يااحصه ؟!
قالت : هي بعظمة لساانهاا قاايله لي .. حمد شووفلك صرفه معه الي يسويه فيها مايرضي احد وقام ولا قعد يقوولها مااورااكي رجاال اصلاا
صريت على اسنااني : اناا برااويه شغله
ابو راكان : انت واختك بتتسااسرون كثير
حصه : ياللقاافه .. انا واخوي وش ذخلك
بحلقت فيها : حصه !!!
ضحك زوجها : احلى شي بخوك مع كل تفكيره الاخرطي الا انه بتعامله مع الحريم شرقي ميه بالميه
قلت له : كونك تختلف معي ماايخلي افكااري اخرطي
ابورااكان : حمد والي يعاافيك يكفيني شغل الوزراه ومناقشاتها
قالت حصه : تعرف ان اخوي بيفحكم
ابور رااكاان : اقولي يااالمحامي البسي عبااتك خلنا نمشي
قلت له: وين تو الناس ؟!
رد : تسلم ياابو عبدالله بس بس وراي دوام
قلت له : اجل تعال وزورناا لا تقطع
رد : ابشر من عيووني
الاسمعنا اصوات بواري .. مزعجه ومتردده
حصه : اووف الله يااصدع رااسك ياااسالم
سالتهاا: هذا هوو ؟!!
ردت : ايه هوو
قلت : حصه ادخلي عند امي وقولي لهاا نووير مااتطلع الين ماايدخل الثور زوجهاا
ابو راكان : قلتي له ؟!! ماتعرفين تسكتيين
قلت بغضب : يرضييك يااعلي ان بنت عمك تنهان وتنذل وعينك تشوف النور
رد : لا والله مايرضيني لكن اختك وسااكته .. حتى ابوك مايدري بطقهاا

قلت : كيييفها ذاا هي حمااره لكنا مب رخووم .. والله غصب عنها مو بكيفها بتنثرب هني لين ماايصيير رجاال ولا حلقهاا ياااعلي ..ومسكت لحيتي بيدي

حصه : وان رجع ابوي من برى وش بتقووله
قلت لها : مااعليك من ابوي
طلعت من عندي حصه .. حط علي ايده على كتفي : بهدااوة
رديت : تطمن

سمعت اصووات عااليه .. جاايه من الصااله الدااخليه .. اعتذرت من ابو رااكان ودخلت .. لقيت نوير تلبس
عباااتهاا .. وحصه تحاول تمنعهاا

حصة : ماارح تطلعي
ردت : مب كيفك
قلت بحده : بس انتي ويااااهااا ... نزلي عبااتك واطلعي انثبري بغرفتك
امي : حمد وش صااير ؟! شفيك على اختك
قلت لها : بنتك رجلهاا لااعن خيرهاا وهي مثل الجداار مااتكلم
امي سالتها : نوير ؟!! صحيح ؟!
نوير تلعثمت : يمه .. يباالغ أي ثنين يتهاوشوون
حصه : يتهااوشوون بكلاامك مو سب وطق
امي خبطت صدرها : يطقك ؟!!
نوير : هي بس مره وكنت انا الغلطانه
حصه : كذااابه
نوير: بس سكتي تبين تخربين بيتي ؟!!

قلت لهاا : تخرب بيتك ؟! أي بيت هذاا الي ينقاام ع المذله ؟!! انتي وش مااتحسين ؟!! ماعندك كراامه ؟!! نفسك مالها قيمه عندك ؟!!

سمعت جوالهاا يرن بالحااح ... قلت لهاا : ردي عليه .. قوليله يدخل ابيه

ردت عليه والظااهر انه كاان يهااوشهاا .. رجعت للمقلط .. الي كان له بااب خاارجي .. انتظر ابن الحسب والنسب .. انتظر صااحب الشهاده العااليه .. والوظيفة المرموقه

جلست جنب علي : اللحين بيجي
دخل ساالم الي كاان نافش ريشه .. تقوولون يصرف علينااا .. شكله يباان ولد محترم ومااعليه غباار لكني متاكد ان بداخله معفن ونتن

رحب بنبره مستهزئة : هلا النسيب

سالم : هلا يااحمد .. ومن غير نفس هلاا يااعلي
قلت : وش فيك واقف .. تفضل اجلس
قالي : ماله داعي ... نادهاا خلهاا تجي بنمشي
رفعت حاجبي : انادي من ؟!
رد : من يعني اختك
رديت : اختي مب رااجعه معااك .. اليين مااتجيب رجاالك .. ساعتهاا ممكن نفكر نرجعها لك اولاا
قالي من طرف خشمه : رجاالي ؟!! ليش ان شااء الله
قلت له : اعتقد ان عارف ليش مااله دااعي نعيد ونزيد لانه مب مصلحتك ابد
اسود وجهه : اللي مااربووها اهلها يربيها

قلت : شب ولا كلمه .. لا تخلني اغلط عليك وانت ببيتي .. ترى حق الضيف مقيد ايدي ولا والله لو شفتك بمكان ثااني كان سااويتك بالارض

ابتسم بسخريه : من بيسااويني ؟انت ؟!! رااعي الحريم ؟!! ولد الهااي والبااي ؟!!

ضغطت قدر مااقدر على اسنااني اخفف من حدة الغضب .. ويدي ابيضت من كثر مااناا قاابضهاا وضااغط بااصاابعي على بااطن كفي ... حسيت بيد علي تمسكني

قالي : لااتوسخ ايدك ماايتسااهل ... تيسر يااساالم .. تيسر ولامن جبت رجاالك حيااك
رد : اجل خلوهااعندكم تراني ماني ميت عليهاا .. غيرهاا كثيير .. بس لاتنسة لاا طااح الي برااسكم ردووهاا مهماا كان العشره ماتهون الا على عيال الحرام

قلت له بتوعد : اتفل بوجهي يااسوويلم ان شميت لهاا ثووب
قال : بنتظر هاليووم ياااحمد .. بس عشان اكسر خشمكم ياعياال ال------

ثبتني علي بمكاااني الا اني قدرت افك نفسي .. وهجمت عليه .. ضربته وضربني .. بصعووبه فكه علي وطلعه برى .. وسااعده طبعا السوااقيين والامن

جلست وانا ارتجف من الغضب على الكنبه .. وامي وحصه حوولي
امي : وش سوويت ؟!! هذا العقل يااحمد
قلت وانا اصر على اسنااني : يحمد الله مااذبحته
علي وهو يرجع وثووبه محيووس : الله يهديك ياااحمد كاان سفهته
قلت له : ماااسمعت كلاامه يااعلي ؟!! يقوول بنجيبها لعنده ؟!! ليه وش فيها ؟!! ماافيها الا النفس الرخيص
حصه : حمد هذي اعصاابك .. ماايستاهل النذل

مسحت الدم الي نزل من انفي وقلت وانا احس كل عضلة بوجهي من كثر ماهي متصلبه بتتمزق : ليه سكتت ؟! ليه ماتكلمت ؟!! ابوي شلوون مخليهاا عنده ؟!! شلوون مخلينها عنده يمه ؟!! لو شفتيه شلوون يتكلم .. الرجال عاايفهاا والله عاايفهاا نوير ماااتسوى عنده شي

امي : حسبي الله عليه .. حسبي الله عليه





صحي بدري قبل صلاة الفجر .. تسبح ولبس ثوب .. ومع قولة الله اكبر .. كان طالع من غرفته ومقاابل ابوه المتوضي للصلااه

× بدر ×

ابتسمت بوجه ابوي .. الي كان جاف معاي .. الظاهر انه زعلان لسى من امس ووالله معه حق .. قربت له وبسته على رااسه

قلت : صبحك الله بالخير يالغاالي
ابوي : صباح النور .. وين اخوك ؟!!
مشعل طالع من غرفته : هذااني يباا
ابوي تقدمنا : يالله مشيناا
مشعل همس بذني : رااضيته .. ؟!
رديت : انا صبحت عليه رد من غير نفس .. خفت اقوله شي يصفقني "يكفخني "
قالي : اجل ماالك الا بعد الصلاة

صلينا الفجر .. ومن بعد الصلاة رجعنا للبيت .. وكل شوي مشعل يزن اكلمه لكني ماكلمته على وقت الدوام كنت جااهز ومتشخص ... وجالس اول وااحد على سفرة الاكل

منال وهي تناظرني : ليه احس تحت رااسك شي ؟!
سالتها : شي زي ايش ؟!!
منال : ماادري بس شكلك ماايطمن
مشعل وهو يجلس جنبي : خلك بحاالك وبطلي اللقاافه
قلت له : حريم يااخوي ماايتركون اللقاافه

منال ركزت عينها فيناا وودهاا تقوم تنتف شعورناا ..طنشناهاا ونحن نسمع صوت خطوات ابوي ونسيم والي اختلطت مع ضحكاااتهم

ابوي : ههه اثرك مب هيينه يالعصلاا
نسيم : طبعاا .. عيااالك يبيلهم الي يشطب على جيووبهم .. تعرف شبااب وطاايشيين
مشعل و فمه محشي : ايه لك وجه تكلمين ابي فلووسي ساامعه ولا لاا .. ابي الالف .. رياال ينطح رياال
نسيم وهي تجلس جنب ابوي على يمينه يعني بيني وبينه بالضبط : مااعندي .. مغير عطرك
ابتسمت : ايه هذا على دهن عود للشركه
نسيم وهي تقرب مني وتشم اكثر : حلووو احلى من ذاااك الي يخنق
ابتسمت : يخنق مره وحده ماكأنك كنتي تحبينه
منال علقت : من حقهاا يااشيخ التسريحه كلها عطور وانت معلق على عطر وااحد
مشعل نط : وش معنى هو تنتبهون لروايح عطورة وانا مااتعبروني ؟!!
ردت منال : لاننا مانشم غير ريحه العرق .. ولا البلااك كود .. مااتتغير الا بالعيد تحط العود
فتحت عينه : قصدك اني معفن .. والتفت لامي

امي : وهي الصاادقه .. يااولدي تعلم النظاافة ..نحن اهلك وبنصبر لكن بنت الناس وش يصبرهاا .. ترجعلهاا ريجه عرقك مفحفح .. كنك سمك نااشف " لخم " ولا كلك شحوووم وزيووت

قالها : الله اكبر لسى مااجات وانتم بالشيني فيهاا
امي بابتسامه : بتجي ان شاء الله قريب .. ترى حددوا موعد الزيااره بعد يومين ان شاء الله
شفت ابتساامه على وجهه : مبرووك يااابو خاالد منك المال ومنها العياال

مشعل بان عليه الخجل وكتمت ضحكتي بقووة .. : الله يباارك فيك عقباالك ياابدر

ابتسمت : الله كريم
منال ونسيم : مبرووك
رد : الله يباارك فيكم جميع

امي : بدر وش راايك اخطب لك مع اخوك ؟! خلنا نفرح فيكم مع بعض .. ولا وش راايك ياابو مشعل ؟!
التفت على ابوي الي عيوونه قاالت كلاام كثيير ..وسبقته بالرد : بعد اذنك يباا .. يمه وين اتزوج ؟!! انا حتى الحين ماكونت حتى نفسي .. وبشغلي توني متدرب .. شلون افتح بيت واشيل مسئوليه ؟! صح الله عااطيناا خير واعرف ان ابوي ماارح يقصر معااي .. لكن وش.. امد ايدي اول كل شهر اخذ مصروف
حرمتي ؟!

امي بخيبه : يعني مااتبي تفرح قلبي
قلت لها : ان شاء الله بتفرحين بمشعل وبمنال وبالنصاابه الي جنبي وانا ان لي نصيب بااخذه

ابوي وقف : الحمدالله .. توصون على شي
رد الكل : سلامتك .. مشي ابوي طاالع
رميت مفتاح الدبااب بسرعه لمشعل : لا تنسى صرفه الله يخليك
مشعل : ولا ييهمك
منال : وش هو ؟!!
ردينا : لقاافه

لحقت ابوي الي كاان يكلم السوواق الخاص .. شفته يفتح الباب الخلفي للروز رايز الكحليه ويجلس .. اشرت للسواق يجيني ... جاني وهو يهز رااسه

طلعت مفتاح اللكزس : خذ سيااارتي ودها الشركه .. باابا بيروح معاي
قلت لكلامي طبعا بلهجة امر حااده .. بحيث مااترك له مجال للرفض
ركبت مكان السواق وقفلت البااب ... ابوي اخير نطق : وين السواق
رديت : هذاا اناا يااطويل العمر
ابوي : بدر مو وقت هبالك وراي مواعيد

رجعت يووس عشان اقدر اطلع السيااره .. : من قال اني استهبل
لفيت الطاااره للنهاايه .. وطلعت من الكرااج للممر الخاارجي .. للشارع الفرعي

ابوي : ترى كل الي تسويه مارح يجيب نتيجه راتبك ماارح يرجع مثل ماكان

رديت : ماايرجع .. وان تبي تخصمه كله .. حلاالك .. يباا ادري ان غلط وقصرت بالفتره الاخيره .. وانت لك حق تزعل .. ولو طقيتني معذوور .. لكنك الكبير والعااقل .. والعيبه ماتطلع منك ... ماظنتي يباا وانا بطولي وعرضي .. اتهزء بالشاارع ؟! لو مر احد وسعنا وش يقوولوون عنا ؟!! مالهم بيوت يتكلمون فيها ؟!

ابوي بكبريااء : بتعلمني شلون اتكلم يااولد ؟!
ابتسمت : محشووم يالغاالي ... الي صاار صاار ومنك السماااح
ابوي : والدبااب !
رديت : مشعل بيبيعه وبثمنه بكمل سدااد الاقسااط والي ماايغطيهاا الثمن بغطيهااا برااتبي
ابوي سكت : وش سوويت بمشرووع ال ***

جلست طول الطريق اشرح له اخر المستجداات معااي .. الين مااوصلناا الشركه الي البوواب جمدت عيوونه وهو يشووفني طالع من بااب السواق وابوي من البااب الخلفي

كان السواق يحط الاواني الفخاريه قدام بااب المعهد .. لتنقلها المستخدمات للدااخل ... هي شالة شنطتهاا ومعها هدفون صغير .. مسجله عليه الملاحظاات .. وشغلها الي لاازم تسوويه

× نسيم ×

مو حلوو ابداا صوتي بالتسجيل اعوذ بالله تقولوون وحده تتكلم وفمهاا محشي اكل .. بس يالله شي يسااعدني عشااان لااانسى شي من اشغاالي .. خصوصا وان الكتابه على نووت مااتفيدني ابد

صباح الخير ابله نسيم .. كان صوت الداده فاطمه وهي عاله بسيطه بالمعهد بس مره طيبه وتحب تسااعدناا كلنا بلا استثناء

رديت : صباح الورد خاله ..بعدين ليه ابله ؟!! كم مره اقولك نسيم ... نسيتي اياام ماكنت لسى طاالبه
الخاله فاطمه : ياابنتي انتي دا حيين موظفة خلاص
رديت : ولوو .. انتي بذاات تقولين نسيم حااف
قالت : ولا يهمك .. اغراضك نوديها المشغل ؟!

رديت : ايوا الله يخليك السواق حطها جنب الباب الداخلي .. خليهم يدخلونها ويودونهاا للمشغل ..وتاكدي ان كل الطالباات جايبين اشغالهم ... لان بنات قسم الصم والبكم رح يجوون يكملوون الشغل

ردت : حاضر .. وقهوتك رح توصلك بعد دقاايق
ابتسمت : تسلمي .. مشيت باتجااه مكتبي

وكنت حااسه ان في احد وراي ... صوت الخطوات وواضح جداا.... ثاابته بايقااع وااحد .. الي وراي يشووف زيين .. مااهي مشية شخص اعمى .. لانناا بمشيتناا عاده مانكون سريعيين الخطاا او بطيئين بسبب العد
كنت ناوية التفت واسأل عن الي يلحقني .. بس بالنهايه ترااجعت ..يمكن مجرد وحده مااره

لو سمحتي .. جاء الصوت من وراي نااعم .. وخجول
التفت : امري
سألتني : انتي ابله نسيم صح
هزيت راسي: ايه اناا .. عفوا بس من انت مااعرفتك
البنت : انا رحاب الطالبه الي كلمتك يوم الاربعاء
تذكرتها : ايوااا .. عرفتك هلا وسهلاا ومديت لها يدي
سلمت علي بيدها الصغييييره الحجم مره : اهلاا
قلت لهاا : معليه بس افتح المكتب .. فتحت المكتب ودخلت ... اتفضلي
قلت لها : خذي رااحتك ...

سمعت صوت شنطتهاا وحدديها يضرب الارض .. علقت عبااتي ورى البااب
وجلست على مكتبي ...رفعت السماعه واتصلت على الكافتريااا

سالتها : وش تشربين ؟!
ردت : لا شكرا ولا شي
رديت عليهاا : مايصيير .. امري ترى عندنا كل شي
ردت : نسكاافيه

كنت اسم صوت ميريااتي وهي تردد الو الو
قلت : مريااتي واحد نسكاافيه وقهوة حقي .. لمكتبي
مريااتي : تييييييييييب


قفلت السماعه : امري رحااب ..وشلون اقدر اخدمك
رحاب : انا زي ماقُلت لك ع التلفون ادرس فنون ..وتخصصي زخارف اسلاميه
رديت : ايه اذكر

ردت : طيب شوفي احنا مجموعه امم كبيره يعني انا وشلتي عشرة طالبات .. وبصرااحه احنا شفناا اعمالكم بمعرض .. ومره عجبتناا .. يعني سبحان الله ربي عااطيكم موهبه مره حلووه في الصنع اليدوي .. وعرفنا انكم متعاونيين مع قسم الصم والبكم عشان الزخاارف والرسم .. ماادري شووفي احنا نبغى نسااعدكم.. بالجامعة دايما نسوي معارض وورش عمل .. وفي بعد كم شهر معرض .. اسمه صنع بيدي .. هذا المعرض نعرض فيه اشيااء احنا مسوينها ونبيعها للنااس .. وهذي السنه الرابعه لياا فيه .. بس حبيت اسوي شي جديد .. وابغااكم تسااعدوني فيه .. فاهمتني ؟!!

بذا الوقت وصلت ميرياتي .. طقت البااب بخفة .. وطبعا زي عادتهااا صوتهااا ساابقهااا بمرااحل : قهوووة ابله نسيييم
قلت لها : حطي لضيفة .. وهاتي كووبي ومية مره اقولك اناا مااشوف مو مااسمع
ميرياتي : تيييييييييييييييب

هزيت رااسي .. مافي فاايدع مرح تتغير .. رجعت بتركيزي لضيفتي الي ماني فاهمه شي منها احسها مشتته بافكاار مره مره وسالتها : كيف ؟!

ردت وهي تحاول تشرح: شوفي انتم الاشكال الفخااريه والمنحوتاات الي تسونها رح تتركونها زي مااهياا بالوانها الاصليه ونحناا رح نلونهاا لكم ونزخرفها .. ونقدر نعلم الاخوات من الصم والبكم مهااراات تلويين وزخرفه جديده على مستوى احترافي .. وكل هدا مجااني ماانبغى منكم ولا حااجه بالعكس احنا رح نفيدكم بشيئين اول حاجه رح نعلمكم اشياء جديده .. وتاني حاجه كل الفلوس الي تطلع من البيع في المعرض رح تاخدوهاا لكم نحناا بس رح نسوق الشغل

ابتسمت وانا اسمع نبرة صوتها الي اختلط الرجاء فيها بالحمااسه : طيب انتم ليه تسون كذا ؟!
قالت وانا اسمع الرقه بصوتها : نحناا نبغى الاجر من عند ربناا .. ونبغى نحس نفسناا سااعدناكم وفرحنا البنات الصغاار

رديت : انا ماعندي ماانع
فرحت : من جد

ابتسمت : من جد ماعندي أي ماانع بس ابغى اعرف متى رح تقدرون تعلمونهم ؟!! ولازم قبل كل هذا اخذ راي الادااره وانسق لكم معااهم

حسيت بخيبت املها : ممكن ماايقبلون ؟!

رديت عليها : اذا مالقيو من يتطوع ويقووم بعمليه الترجمه للبناات ممكن ماايقبلوون .. بس انا ممكن اساعدكم بتوفير متطوعات للغة الاشاارة سواء من طالبات او معلماات ... بس الموهم عندي المواعيد لازم اعرفهاا

ردت : شوفي احنا فاضيين يوميين بالاسبوع لاننا تخرج .. فاليومين هاذي الي هياا احد وتلوت " ثلاثاء " نقدر نجيكم

سالتها : طيب ليش جيتيني انا ؟! ليه ماا ماكلمتي الاداره وعرضتي عليهم فكرتك مباشره
قالت : شوفي انا مااعرف اعرض افكار واقنع .. يادوبك كلمتيين اعبر فيها .. وبعدين انا كنت ابغى احد يساعدني وقريبتي هياا الي شجعتني اكلمك .. قالت لي انك رح تتعاونيين معياا وتسااعدييني وانك طيبه وعسولة مره

ابتسمت : مين قريبتك هذي الي مادحتي كل ذا المدح ؟!
ردت : دعاء احمد .. بالقسم الثانوي

ابتسمت : دعاء .. عرفتهاا .. يااقلبي عليها تعرفي ماشاء الله عليها الكل يمدحها متفوقه ومؤدبه .. واتمنى من قل قلبي تدخل الجامعه وتصقل موهبتها انتم عندكم مشرووع كاااتبه ممتاااااازه

ردت علي : ايوااعارفيين وكلنا مشجعينهاا .. وتقدري تقولي انها معطيتنا الامل والمثاابره .. علمتناا كيف انوا الانسان ماايُقعُد حاطط ايدوا على خدوا ... لاا لاازم يحاول ويحااول .. حتى لو فشل اول مره ... وحتى لو الناس حاولوا يوقفونه عن الي يسوويه .. داموو شي هوَ مقتنع فيه .. وينفعواا مايضروا يحااول لين ماايحققو

ابتسمت .. احب اسمع تجارب سعيده لطالبااتي .. بالضبط مثل مااهتم لماااسمع ماسيهم .. لازم اساعدها



بعد يومين

كان يشوف وجه ابوه محتقن .. عارف انه ممكن يقووم يضربها بااي وقت .. ويفرم لحمها فرم .. مو مصدق ان اخته الي درست بارقى المدارس والي تتكلم اكثر من لغه .. صاحبة الشهادة الجامعية .. تتكلم عن نفسها كانها تاابعه .. قطعة متااع لزوجهاا

× حمد ×

قااهرتني .. وقسم بالله اتمنى اقووم اذبحهاا .. كنها مااتشووف ابوي وهوو معصب عليهاا ووده يكسر عضامهاا .. وهي عادي عندهااا .. تبي ترجع له
ابوي : انتي وش مااتحسيين ؟!!!

ردت : يباا هذي حيااتي وانتم ماايخصكم فيها اسيرهاا مثل مااابي ولدك وش خصه يتهااوش مع رجلي
ابوي وهو يصر على اسنانه : وش خصه يالحمااره وش خصه ؟!! جزااه ان فاازعن لك ؟!! ياللي ماتستااهليين ؟!! انتي بنتي ؟!! انتي بنت عبدالله فااضل ال**** انا الي الرجاال يحسبوون لي مليوون حساااب .. انا الي اهز الناس هز بفرقعة اصبع .. بنتي تقوولي وش خصك ؟!! ولا شفتييني مريض ..قلتي عنه الشاايب مااايقدر على شي ؟!!

حطيت ايدي على كتفه اهديه : محشووم يبااا .. خلك منهاا .. خبل ماتعرف مصلحتها
ردت : اناا مب خبله .. وانت مالك خص ساامع يااحمد ارجع من ويين ماااكنت .. وخلك بعيد عن حياااتتناا ليه تبي تخرب بيتي ولا لان مالك بيت تبي تدمر بيووتناا ؟!!!
زفرت : تادبي ياانوير والله وقسم بالله بيجيك شي ماايسرك
ابوي : انت لسى واااقف .. كسر عظاامهاا لااباارك الله فيهاا
امي : ياابو حمد اهداا صحتك ... ماصدقنا تحسنت
رد : وين تحسن وبنتك هذاا كلاامهاا ؟!! نوووير انطقي انتي مسووية شي ؟!! مسووده وجهناا ؟!!!!
نوير بفزع : لااااااا
امي : اجل ليه تبين تردين له ؟! وهو حتى مااجاب حمولته ولا رفع سماعة التلفون واسال عنك
ردت عليها : واذاا هذاا رجلي .. ولا تبووني اقعدلكم مثل البيت والواقف ولا تبوون تطلقووني ؟!!
قلت لها : الطلاق ارحم لك من الذل معااه
ردت : شب ماايخصك .. انت شلون تفهم ؟!!!
وصلت لهاا بخطوتيين وعطيتهاا كف من كل قلبي .. قلت: الظاهر ان الاحترام ماايمشي معااك
عيونها امتلت غضب بدموع : انت شلون تمد ايدك علي .. وقدام ابوي وامي بعد
امي : خليه يكسر عظاامك .. حسرتك ياااصيته ماعرفتي تربييين
ابوي : اذلفي يااانوووير ..لااذبحك

جلست على الكنبه .. قبال امي وابوي .. ياناس احد يقولي الحريم هذوول وشلوون يفكروون ؟ مررت اصاابعي بشعري .. بتوتر .. احسه راسي بينفجر .. الواحد من وين يلقااهاا ولا ويين .. من الشغل المتراكم هناا .. ولا التصفيه باايطالياا .. ولا الحماره الي ماخذه مليوون ريال عشان توقع على معامله الطلااق .. اووووووف

امي : حمد وش قلت على البنت الي شفناها عيب يااوليدي لازم نرد للناس خبر
رديت : يمه مو وقته اللحين انا مو فااضي لا لزواج ولا لغيييره
ابوي : لايكون ناوي تلغي الموضووع !!!

رديت : لاايباا انا التزمت لك بكلمه .. وبكون عندها بس عطوووني فرصة استقر هناا .. واشوف الشغل المكووم فووق رااسي .. الزواج مو وقته اللحييين ابد

رد علي : لا تحجج .. الشغل بدل المدير عندنا عشره .. والاستقرار وش ماخره ؟!! لايكون بتكون نفسك وتبدأ من الصفر ؟!! حمد المماطلة مب مصلحتك .. انا ابي وريييث .. عارف وش يعني ورييث

وقفت بطلع : يصييير خير ..
ابوي عصب : وش الي يصيير خيير .. حمد ابي الرد اللحين
لمعت ببالي فكرة مجنونه : اوكي بتزوج بس بشرط
ابوي : بتتشرط
رديت : يبا قلت اترك شغلك ووافقت .. تزوج وهذا انا بتزوج ع الاقل من حقي اختار الي ابيهاا
رد : براسك وحده
رديت: ايه برااسي
امي : من هي ومن ووين عرفتهاا
رديت : تطمني شفتها بالصدفه .. والبنت بنت الشيخ خالد ال***
ابوي : والنعم فيه .. ايه هذا النسب الي يشرف
امي : بس بنته ارمله
قلت لها : عنده وحده ثاانيه غيرها العمياا
ضربت صدرها : عميه ؟!! بتااخذ عميااا
ابوي : انت تمصخر ؟!
رديت : مااتمصخر .. تبوني اتزوج وانا بتزوج .. وتبوني اجيب عيال ورثه .. انا ابيهم منها ..وغيرها ماابااخذ
ابوي : وش تبي بعمياا .. قلة حريم ؟!!
رديت عليه : عجبتني وابيهاا .. ولا جااابت لي الولد طلقتها وخذت ولدي .. وجبت له من تربيه ولا خليتها وخذت عليها وحده ثاانيه
ابوي : اياا النذل

رديت : اعذرني يباا .. بس هذا هو شرطي الوحيد .. وانت غرضك من وريث وش يهمك بامه ان كانت تشوف او لاا .. وبعدين فكر زيين من يرفض ينااسب الشيخ خالد ال***
ابوي بعصبيه : اذلف من قدام وجهي

طلعت وتركته .. اعرف ان ابوي عصبي .. واعرف انه متضاايق .. لكن بالنهايه بيوافق على اختيااري .. وكل واحد مناا له غرضه .. هو يبي الحفيد .. واناا بالنسبه لي .. نوع وتحدي جديد





كان واقف قدام المرااياا يعدل بشمااغه ... وحاس بحسااس غريب جداا احسااس مااعرفه من سنيين .. تعرفون الطالب اياام الامتحانات النهائية شلون يحس ؟!! وخصوصا لو كان امتحان الثاانوية العامه ؟! المغص ؟! التوتر ؟! التعرق الزايد !! .. ويحس ان حصيلته اللغوية بدأ بالتنااقص شوي شووي

× مشعل ×

دخلت علي امي : مااشااء الله تبااارك .. الله يمد بعمري واشووفك بالمشلح ياامشعل
التفت وصفرت : لاااا مااااقدر على هذي الحلااوة
خبطتني : بس يااولد
ضحكت : هههه بترووحين تخطبين لي وياااولد !!!
امي : ولد واليين مايشيب رااسك ولد .. خذ

مدت ايدها لي بعلبة ..لونهاا اخضر داااكن من المخمل .. كانت صغيره ومستطيلة الشكل .. اخذتها واناا مو عارف وش فيهاا .. فتحتهاا ولقيت فيهاا تولة دهن عوود

امي : هذي ابوك جابهاا لي من بعد ولاادتك ... وكاانت غااليه .. والباايع قاله انهاا كل مااتعتقت كل ماازادت ريحتها قوة وحلا .. ويومتها حلفت اني ماحطها ولا اعطي احد منها حتى ابووك نفسه...وماتطلع الا باليوم الي اروح فيه اخطبلك .. واعطرك منهاا بيدي .. سحبت امي التولة من العلبه .. وفتحتها .. انحنيت لمستوااهاا تحط لي من العوده عند اذني .. وفركت بخفة شوي منها بكفووفها ومسحت فيهاا على عواارضي .. اخذت كفوفهاا بين يديني وبستهااا .. ورفعت عيني وشفت الدمع حااير بعيونها

قلت : لاااا بتخربين كشختك
بدر من عند البااب : احم احم.. يقوولون ان حتى انا ولدك
امي : اخ من طولة اللسان
بدر قرب : يمه حطيلي .. واشر على العوده
سحبتها بسرعه من عند امي : لاااا حقتي
امي : مشعل تعزهاا على اخووك
قلت لها : شوفي ولدك كااشخ وكنه هو العريس يمه لا ناخذه اخااف يكنسلوني ويخطبون بدر منكم
امي ضحكت : ههههههههههههه تهقى ؟!
لعب الدب حواجبه : الحمدالله انك معترف بشينك
رديت : شينك بعيينك .. يمه انا شيين
ضحك بدر : ههههههههههه القرد بعين امه
رميته بعلبة العوده ...: انقلع

تجنبهاا بسرعه .. وهرب وهو يضحك ..طلعت امي وهي تهز راسها وراحت تشوف ابوي
نزلت لقيت منال جالسه تعدل لنسيم شيلتهاا

بدر : اخيراا خلصت
منال : يااعيني شكلك حلو وانت نظييف ههه
نسيم : حرام عليكم فكووه من لساانكم اليوم عريس
بست رااسها وضميت كتفهاا بساعدي : حبيبت اخوهاا
ابوي : مو نااوين تطلعون ؟! تاخرنا على الناس
ابتسمت : مشيناا

لما يكون في عريس للبنت .. بالعاده تكون امهاا من الصبااح قالبه البيت قلب .. ومجهزة لاستقباال الضيوف.. لكن بحالتهاا.. امهاا مااجات الا قرب موعد زياارة اهل العريس.. هي الي قاابلت الشغاالاات .. واشرفت على كل شي .. سااعدتها لطيفه الي دااومت نص دووام .. وجات بثيااب شغلها لعندها

× نجود ×

ماعرف وش كنت بسوي من غير لطيفة .. من الظهر وهي عندي .. ولا رااحت بيتهم
لطيفة : يالله يااحلوه تعالي تبخري قبل يجي النااس
رفعت شعري .. وحطت لطيفة المبخره تحت شعري
قالت : تخيلي ينحرق
رديت : لا الله يخلييك .. كله ولا شعري
بعد ماتبخرت .. حطت المبخره على التسريحه : شوفي كل شي جااهز .. والشغاالاات خلاص عرفوا كيف رح يقدموا الحاجات .. ومريت قبل لاااطلعلك على مجلس الرجال ... وكان عال العاال

حسيت بالعبره خانقتني : شكرا ياالطيفة والله مااعرف من غيرك وش كنت بسووي
حضنتني : دوبااا .. يعني ماكُنتي بتسوي نفس الشي لو اليوم خطووبتي؟!
شفتها تااخذ عباايتها من على السرير : ووين ؟!!
ردت : ايش اليي ويين .. حبيبتي رااايحه بيتناا
ترجيتها : لاا اقعدي معي
لطيفة : وين اقعُد معااكي ؟!! شكلي مره باايخ بيكون .. وبعدين امك مره مااهي باالعتني تبغيني .. استقبل معاه الضيووف !!!!

رديت : معليه اتحمليها عشااني .. والله احس بطني تمغصني اخاف يغمى علي .. لوولوو

ابتسمت : ماارح يحصلك حاجه ان شااء الله .. وبعدين يااحبيبتي رح اقدم نفسي لهم باي صفه ؟!! صحبتك !! بالله من متى الصحبات يكونوا موجودات يوم الخطبة ؟!!! لو شبكة او ملكة من عيووني .. لكن خطبة عيب والله .. وبعدين يااحلوه انا تاركه امي من الصُبُح لوحدهاا

رديت : ليه ماجبتيها معااكي ؟!
ردت : تعرفي امي ماتُحب تُخرج من البيت .. والسكر لو يوميين مرتفع عليها
رديت عليها : الله يشفيها .. مااعتذرلها ؟!

لمعت الدمعة بعين لطيفة : ماعبرهاا .. ولا كأنو غلط في حقهاا .. والله ياانجود لو تشووفين امي كيف قلبها منحرق منو ... وكيف تخبي دموعها عني .. تحَسبني مااشووفها ولا انتبه وانا منتبهه وسااكته .. ايش اسوي مااعرف .. حاولت اكلموو لكن ماقدرت .. يعطيني ظهروا ويمشي

هزيت راسي باسي : لاحول ولا قوة الا بالله

لطيفة تحاول تبان طبيعيه : سيبينا من سيرتوا .. باستني على خدي .. الله يوفقك ويسعدك
نزلت معاهاا ووصلتها الين عند البااب ... وامي طبعا مو فااضيه حتى تودعها مشغوله مع الزوج المرااهق الي تكلمه بالجوال

لطيفة : دحيين عمك اخد افرااج
ضحكت : هههه .. خليه مارح اتزوج كل يووم
لطيفة : مع السلامه
روحت لطيفة .. ورجعت لامي : اخيرا راحت .. ماادري ليش جاايه
قلت لها : يمه صديقتي وانا الي قاايله لها تجي وتسااعدني
امي: تسااعدك في ايش ؟! الله يخلي المطاعم والشغالاات
قلت لها : والشغاالاات هم برضوا الي بيطب طبون علي ويخفوون توتري ؟!
امي : تراكي مكبره الموضووع وهو مايستاهل
وقفت : يمه تعالي مع غرفتي عمي اللحين رااجع .. وبيمر من هنا لغرفته
وقفت : يالله




اخيرا عطته نجود صك البراءة .. خلص من الحلاق ورجع للبيت ... طلع وغير ثووبه وكشخ .. طبعا كشخ لسببين اولاا خطوبة نجود والثاانيه ان اهل العروس جايين عنده

× فيصل ×

بلغني السكيورتي ان ضيوف وصلوا .. وقفت الرويز رايس ومن وراها اللكزس .. انا طلعت قدام مدخل الرجال وتركت الباب الرئيسي مفتوح للحريم الي معه .. لما شفت ابو مشعل معه عيااله .. تمنيت فعلا لو ان طلال اخوي حي .. او ان عندي اخواان .. يكونون سند عزوة .. طلاال ماعنده الا عيال عمه الي مااايندرى عنهم ووين ولا يسألون عن احد .. وانا وحيد ابن وحيد ... استقبلت الرجال .. وقلطتهم
رحبت : يااحيالله من جاانا اسفرت وانورت
ابو مشعل : الله يحييك

كنت بفطس ضحك على مشعل الي معرق ومرتبك .. خصوصا واخوه عيوونها كلها شماااته
بدر : شلونك ياابو فهد ؟!
رديت : بخير .. شلونك مشعل ؟!
مشعل : الحمدالله
بعد السؤال عن الاحوال والاشغال ... ومن بعد القهوة

ابو مشعل : ابو فهد انت عارف ليش جاينك اليوم ..حنا يشرفنا نطلب ايد كريمتكم لولدنا
رديت : والله ياابو مشعل نسبكم يشرف أي احد وانا لو دورت لها مالقت احسن من مشعل
ابو مشعل: يعني موافقه ؟
رديت : موافقه .. والتفت على مشعل الي شقت وجهة ضحكته .. منك المال ومنها العيال
مشعل :تسلم ..عقبال عياالك
ابتسمت : خلنا نلاقي امهم بالاول
مشعل :ههه معليه نسيت انك عزاابي هههه
رديت الابتساامه : ابو مشعل دام ولدك جاب السيره .. تراني طالب كريمتك

لمحت تغير الوجيه .. المفاجأة .. استدركت بسرعه .: اعرف اني مفروض اجي ليين عندكم واطلبها من بيتكم لكن اعتبر هالكلام مجرد اخذ راي .. وان في قبول جبت حمولتي وخطبتها رسمي

ابوي : من منهم ؟!
رديت : الكبيره
رد علي: انت تدري انها ارمله
رديت عليه :ادري
مشعل: ياابو فهد اسمحلي ترى نحن ماعندنا البدل و لابدين الله تجوز ولا عرفنا يقبله .. و
قاطعته : اعوذ بالله من قال وحده بوحده .. انا ماارضاها لا على هلي ولا عليكم .. انا ابي بنتكم حليله على سنة الله ورسووله .. اخت الرجال طيب معدنها سبقها عندنا... وان مالها رغبه .. قسمه ونصيب وهذا ماله أي علاقة فيك ولا ببنتا ... وان شايفينها ثقيله .. انسوا الي قلته .. والعذر والسموحه منكم

ابو مشعل : انت ماخطيت يااولدي .. وخلنا بنشاور اهلنا







بحنكة سنيين تجاوزت الاربعيين .. قدرت تلمح الغطرسه بعيوون ام نجود .. والجفا بالتعاامل ... نفرها منهاا ونسيم بدورها قدرت تفسر الصووت ونبرته .. العنجهيه كانت وااضحه جداا .. لكن عشان مشعل كل شي عندهم يهوون

× منال ×

اووف منها .. ماني قاادره اتحملها احسها مناافقه .. صحيح انها تحاول عاديه وطبيعيه .. لكن نظراتها الي كلها فووقيه تقهر .. الحمدالله والشكر شاايفه نفسهاا على ايش ؟!! الفلووس وعندنا والحسب والنسب .. المجد مشهود لناا من جدوود جدودناا والكل يتمنى نسبناا .. الحمدالله ان بنتها مو زيها

ام نجود : ومشعل يشتغل مع ابوه
امي : لا مشعل عنده ورشتيين ملكة .. البدر بس يشتغل مع ابوه
ام نجود : ورشة ايش ؟!!
ردت امي : ورشة سيااراات .. مشعل ميكانيكي

امي بس قالت ميكاانيكي الحرمه راااح وجهاا اشااراات مروور .. حسيتها كاتمه غضبها لاتنفجر فيناا

امي : وين العروس

قامت ونادت نجود .. الي نزلت وهياا مستحيه مره .. كانت نااااعمه مره .. وفيهاا كثير من امهااا ..انتبهت انها كانت بتطيح على وجها مو منهاا من ذا التنوره الي اطول منهاا

نجود سلمت على امي وباست رااسهاا .. ومن بعدها سلمت علي وعلى نسيم الي حظنتهاا بحكم المعرفة الساابقه والقوية بيييينهم

جلستها امي جنبهاا : اجلسي هنا ياانجود
جلست نجود وكانت مره مستحيه : شلونك ياانجود
ردت : الحمدالله شلونك انتي خالتي
امي : الحمدالله .. ها ياام نجود ..لكم طلباات معينه .. لكم سلوم بالزواج ماانعرفهاا
ردت عليها : نحن نشتري رجال ياام مشعل ... وهالامور مترووكه للرجال
طلعت امي طقم الشبكة الي اشترته .. ولبسته لنجود

ماطولناا كثيير عندهم ... يادوبك رجعوا الرجال من صلاة العشى ومشيناا حتى ابوي رفض لاايجلس للعشى ومثل ماابروحه بالرجعه ركبت مع بدر ونسيم .. ومشعل ساق سيارة ابوي

نسيم : اعجبتني امها سبحان الله فرق
علق بدر : امها مااديه لابعد درجه
رديت : ماله داعي تقوول لو شفت وجها يوم عرفت ان اخوك ميكاانيكي .. توقعت قلبها ممكن يووقف
ضحك : ههههههههه
سالته : متى عرس اخوك ؟!!
رد : بعد ثلاث اشهور ان شااء الله .. والملكة قبلها بيوميين ...سكت .. ماكان عندهم احد
نسيم بخبث : احد مثل من يعني

استوعب : اهاااااا .. لا مااعندهاا .. قربت شووي من عند رااسه .. بدور تحبها ؟!
ماارد علي .. لكني لمحة الخجل بووجهه .. خصوصا وانا جالسه جنبه وعيني عليه .. كان واااضح مره عليه ماايحتاااج يقوول أي شي .. ياالله .. معقول عنده مشااعر اتجاها ؟!! اليين اللحين ؟!! اكيد يالغبيه بيكون اول كان يمنعهاا لاعتقااده انهاا ميوول مريضه .. اللحين عادي يقدر يحبها برااحته .. وش الماانع ... داامه حب شريف .. عفيف .. مافيه لاامكاالماات .. ولا نظراات ومقاابلاات

عقلت : يااقلبي علي يستحوون .. يااخي داامك رغبان فيهاا كان خليت امي تخطبهاا لك

رد : قلت لك بدري ع الزواج
نسيم : اقعد قوول بدري ...واستقرار وخرابيط لين ماتطير البنت من ايدك
رد عليها : نسيم لو لي نصيب فيها بااخذهاا
سالته : يعني بدر بصرااحه مااكلمتها من يوم ماارجعت ؟! مااشفتهاا ما..

قاطعهاا : شلون اشووفها ؟! شلون اكلمها ؟!! انتي نااسيه ان وضعي اللحيين غيير ؟!! اول كنت نوران واللحين اناا بدر .. تبيني اروح لها واقوولهاا مرحباا اناا بدر .. بس ترى اناا بالاصل نوراان .. او تبيني ارقمهاا ؟! انا والله مااشفتها من اخر مره داومت فيها بالجاامعة

نسيم : ان شااء الله بتجتمعوون ببيت وااحد بالحلال
تنهد : ان شااء الله ..





انتظرت خروج الضيوف عشاان تنفجر .. مو مصدقه انهم بينااسبوون مكياانيكي .. مايهمها انه ولد حسب ونسب ولا شهاادته .. وش تقول لناس رجل بنتي ميكاانيكي ؟!!

× نجود ×

كان وجها محتقن بغضب : ميكاانيكي ؟!!! ليه ماقلتي لي ؟!
رديت عليها : وش تفرق معااك ؟!! هذاا انتي عرفتي ؟!!
امي : لااا ؟!! مهبوله انتي شلون بتااخذينه ؟! قلت رجال
قلت لها : وش يعيبه ؟!! فلوس وعنده وحسب واهله اشهر من نار على علم وش ابي اكثر من كذا ؟!
امي : وش بتقولين للناس لاسألوك وش شغلته ؟! ميكااانيكي ؟!! راعي زيووت وكفراات

رديت : مو احسن ماايكون صاايع ضاايع ؟!! هو لايسرق ولا ينهب .. شغله شريفة ويطلع منهاا فلوس حلال وش ابي اكثر ؟!! يمه الانبيااء عليهم الصلاة والسلام اشتغلو بالرعي والخيااطة والحدااده بيكون هو احسن منهم ؟!! بيكون احسن من الرسول صلى الله عليه وسلم ؟!! بيكون احسن منه ؟!!

امي : لا تبدأين بالخطب

هزيت رااسي : عمرنا مااارح نتفق يمه .. عمرناا كله وحده مناا لها فكرها واولوياات خااصه فيها انتي تحبين الفلووس وانا احب العصااميه .. خلي كل وحده مناا تناام على الجنب الي يريحهاا
امي : كييييفك .. احسن لي ارووح بيتي





راح يزور اخته .. يحبهاا ويحب يقعد معااها ... تفكيرها بالنسبه له يعتبره وااعي ورااكز .. خصوصا مع قربهم بالسن من بعض .. فالي بينهم كلها خمس سنيين بس

× حمد ×
استقبلوني عياال حصه .. بكل فرح .. ابتداء من راكان الشقي .. وليلى بدلعها و عبدالله وحروفه الضايعه
حصه : حبايبي يالله قووموو خلو عمو يعرف يتقهوى
ليلى : بس اناا ابغى اقعد معااه .. ولصقت فيني
حصه انا ماخلصت من دلعك على ابووك تجيني على اخوي بتشااركيني فيه .. قوومي
ليلى : بس ياماما خالو مو دايما يجي .. وحشناا
راكان : خالي تعال العب معاي بلستيشن والله عندي شريط كورة فله
حصه وهي تناولني الفنجان : اطلع ذااكر احسن لك ولي
عبدالله : حاالو .. وين الحلاوة
قلت له : انت احلى حلااوة .. وطلعت له من جيبي .. حلاوة مصاص
حظني وهو متعلق برقبتي : حبيبي حااالوو
حصه سحبته : اتركه يتنفس .. ياللاا قداااامي على غرفة الالعااب
راحو عيالهاا : اخيرااا ... جننووني
رديت : الله يخليهم لك
ردت : امييين ويرزقني وابوهم برهم وطااعتهم .. هاا حموودي مااتبي يكون عندك زيهم
ضحكت : ههه والله يااصوصو زي عياالك حشى ماابي قروود

فتحت عينها : قروود ؟!! طوول ظفر واااحد فيهم .. ولوت بووزها بزعل
ابتسمت : ماترضى عليهم
ردت : اكيد عياالي .. تعباانه فيهم .. وش صار على نوير

قلت بجديه : اختك نااوية على موتها .. مااصدق انها تبيه ومتمسكه فيه رغم كل الي يسويه فيهاا .. وفوق هذا مصره اننا بنهدم بيتهاا .. اللحين لاننا ندور عزهاا وصون كرامتها صرنا بنخرب بيتها

ردت علي : ليش مستغرب ؟!! انها متعلقه فيه ؟!! خاضعه له ؟! انت نااسي شي مهم يااحمد نحن مجتمع شرقي .. ربااناا على التبعيه للرجل .. تبعيه بنظر الكثيير انها من الدين .. وصدقني الدين منها براء .. واختك للاسف من زمان شخصيتها مهزوزه وضعيفه .. والخوف من الناس وكلاامهم مسيطر عليهاا .. يمكن بعيونك انها تطلق شي عاادي .. ويمكن بعد عادي عندك تقعد زعلاانه سنه وثنتين وحتى عشر .. لكن بالنسبه لها ولاي مره صعب .. الا قمة التعذيب .. الطلاق .. وهذاا تقدر تسميه لعنه .. ولا لعنه الفرااعنه .. وصمه العار الي بتعيش طول عمرها موصوومه بها ... مو انت يااحمد الي بتسمع ... لو فيها خير ماطلقها زوجها ... اكيد انه شاايفين عليه شي ولا مااطلقه .. هي قليلة اصل ولا بنت الرجال تصبر .. وش فيها يضربها الشرع عااطيه حق الضرب .. ليه رااميهاا عند اهلهاا ؟! ايه شاايفن عليهاا شي وتاركها معقله يستر عليهاا .. وغيرهااااا كثييير .. مجتمعناا دووم يجرمناا ويرفع عنكم كل العيووب .. انتم الملاايكة وحنا الشياااطيين

قلت لها : هذا انتم تعيشون عشاان النااس

ابتسمت : ترى حتى انت مناا .. الفرق انك تاخذ من عاداتنا الي يمشي على هواك وينااسب تفكييرك .. والباقي ترميه ورى ظهرك .. مع انه بقرااره نفسك في اشيااء لسى موجووده ومو قاادر تمحيهاا .. ولا وش يخليك تلعن خير ساالم ؟! وش يخليك تشرط على حريمك ماايجبن عياال .. وش يخليك يااحمد تحس بالذنب لانك بحلقت بالبنيه العمياا وما غضيت الطرف

رديت : لا تباالغيين
ابتسم : اباالغ ؟!! حمد انت مااعدت المرااهق الي كل هم يتمرد على رغباات ابوي ويكسر قواعد المجتمع ولا انت ذااك الطاالب الخجوول الي التقى بعاالم منفتح وانفتن فيه .. انت صرت اللحين نااضج واااعي فااهم .. تقدر تقولي يااحمد ليه اليين اللحين ماجل موضوع زوواجك ومااتبي امي حتى تشوفلك وحده ؟! ليه ماقلت لبووي عندي زوجتي الفرنسيه وانا متمسك فيهاا ؟! ليه ماقلت ابي عياالي منهاا ؟!

رديت عليها : لاني مااشوفها تصلح تكون ام لعياالي
سألتني : ليش ؟!
رديت : الدين غير واللغه و

كملت عني : متحرره .. ماتقدر تامنها على اسمك وسمعتك .. عرفت قبلك كثيير وتخاف انها معك تعرف احد ثااني .. ماهي النموذج الي تحب ان بنتك تكون عليه .. ليه مانكون صريحين اكثر وتقول انك اخذتهاا تشبع نفسك بها وترميهاا

قلت لها : طيب ياامحللتي النفسيه براايك انا ليه ماجل زواجي من سيدة القيم والمبادىء السعوديه
ردت علي: بعيد عن لهجة تهكمك .. انت يااخوي خاايف
كررت بعجب : خاايف ؟! من؟!

جاوبتني : انت خاايف من الرفض .. تعرف زيين ان ماافي وحده ممكن تقبل تكون محطة من محطاااتك المتغيره .. ترفض الزواج بواحد تعرف انه يتنكر للقيم والمباادىء الي تربينااا عليها ..ترفض انك تستخدمها اداة انجااب وترميهاا .. هني قبل الفلووس والمنااصب .. المراجل .. الاخلاق ..هم المقياس

ابتسمت بمراار : اللحين اناا صرت انساان منحل اخلاقياا ؟!!
ردت علي: انت تصور نفسك بهالصوره .. حمد انااعرف زين واعرف تماام قيمك وقنااعااتك .. لكن ماادري وش الي غيرك .. لماا رحت من هني .. كنت بفكر .. ولماا رجعت هني صرت بفكر ثاني ..او خلني اقول مشوهه.. مبعثر .. احس تدور على نفسك .. تحااول تلملم شـــتااااتها بس مو عارف شلوون

قلت لها : اوكي انا عندي معيااير مزدوجه .. وافكااري مشوهه .. وانتي يااحصه ؟ تنكرين انك تغيرتي ؟! تنكريين انك تخلييني عن نص احلاامك وطمووحك بحجة ان المجتمع ماايتقبلها ؟!! دفنتي نفسك بزوواج ماكانت لك أي رغبه فيه .. تنفيذ بس لعادات سخيفه ؟! وين حصه الي كانت تطمح للهندسه ؟! وين حصه الي درست بارقى جامعااات امريكاا ... وين حصه الي اخذت كورسااات الرسم والنحت بمعاهد ايطاالياا ؟!! وينها ؟!
رجعتي كلك اماال واحلاام .. وبالنهايه وش ؟!! عييب .. ماايصيير .. ماافي مجالاات عمل .. وبالنهايه استسلمتي .. حتى الهوايه دفنتيها

ردت : يمكن بعيونك دفنت نفسي .. لكن بعيني بالعكس اناا انولدت من اول وجديد .. احلامي اعيشها بزوجي وعياالي .. احقق ذااتي من خلالهم .. يمكن صحيح ماقدرت امارس الهندسه بالشكل الملحوظ .. لكن هذا هو بيتي مو تصمييمي ؟! مو انا الي رااسمه مخططاته ؟!! عيبك يااحمد انك مفكر ان اوربا بس متطوره .. وبقيت العالم متخلف .. حمد هني الحريم ماايفرقون شي عنهن اورباا .. متعلماات .. مثقفاات .. في المفكرات .. في العاالماات .. سيدات الاعماال ... مهندسات ... غير الي يديرن اعمال من بيوتهن ... حتى الي ماعندهن شهااداات ... مااتقدر تقلل من دورهن لانهن يماارسن اصعب مهنه تربية جيل كاامل لبكره ... لكن الي يصوره الاعلاام .. والي ينادون بالتسااوي الغبي .. شي ثااني تماما ..اوكي اعترف في اشيااء لسى يبيلها شغل عشان تتحسن ..ترى الغرباان عقوولهن ماهي مغبره ولا ملياانه بشبااك العنكبوت

ابتسمت : اعرف .. كلاامك اعرفه
رفعت حاجبها : داامك عارفهاا ليه مصر تعكس الصورة ؟!!
رديت عليها : يمكن لانكم ترفضون تشووفون الصورة الثانيه لكم
سالت : المقصد ؟!!

جا دوري برد هجومهاا : كل مجتمع فيه الصالح والطالح .. هني .. العين دووم مقفله على الخطأ .. دايم شبح المدينه الفااضله مسيطر عليناااا .. كل الناس زينه .. كل الناس مااعندهاا مشااكل .. كل النااس على اعلى درجات الالتزام .. النفاق الاجتمااعي .. المُثل الكذاابه .. الغريب ان الاقنعة من كثر ماتنلبس تلتحم بالجلد ولو حاولناا نخلعهاا نضطر اننا نستأصل حزء من لحومناا .. تعرفين ع الاقل اناا صريح برايي .. ماايهمني غيري ماايهمني اكون الفاسق بمدينه الزهاد .. ع الاقل ماارح البس ثوب مب ثووبي .. انت بنفسك يااحصه عشتي فتره باورباا .. شفتي شلوون الي هني ينضرب فيهم المثل بالقيم والمباادىء .. وش يسوون بالخمارات ونوادي التعري .. والعادات والاعرااف كلهاا تتكسر على اعتااب الحرية الفكريه .. ويصير الكل منادي بالحرياات وضد الاضطهااداات .. والكل يصير فارس همام يداافع عن الحقوق المهضومه ببلاد ومن يدوس ارض المطار يندد بكل من يطالب لالعداله الاجتمااعيه واعطاء الحقوق .. شفتي الغربان وشلون تتحول لبنات لييل .. تعلمي يااحصه تشووفين الصوره بشكل كاامل .. بالنقاء والشوائب .. ترى كل صورة مهما كانت جميله الا ماتلقيين بهااعيب يبدد هالجمال

*
*
*

حست بشي يخنقهاا .. مااهي قاادره تتنفس .. شي ضغط عليهاا .. هواا .. محتاااجه هوو .. حااولت تبعد الشي الي مغطي وجهاا .. حااولت لكن مااهي قاادره تووصل .. تحس ايدها مهماا حاولت تووصل بعييده .. رغم قرب المساافه .. الا انها بعييييييييده ..

*
*
*

شاافت ثوب مخرم وحالته سيئة جدا .. قرفت منه .. ورمته بعيد عنهاا .. لكنها شاافت امها تقترب منهاا وتلبسهاا ايهاا غصب عنهاا ... كاانت تبكي .. وتصاارخ ترفضه .. لكنها مسلووبه الارااده .. كن رجولها مثبته بالارض وادينها مربووطه .. وخرت عنها امها من بعد مالبستهاا وريحه النته حستها تخنقها .. الغريب ان امهاا تبتسم لها .. وعيونها كلها فرح
*
*
*

انتهى
ماارح احدد موعد .. اتركوها متى مااكتب ربي لناا لقااء نزلت