كاتب الموضوع :
بدوية عنيدة
المنتدى :
الارشيف
اقتباس :-
المشاركة الأصلية كتبت بواسطة بدوية عنيدة  |
لم السوال
تسلمين يااقلبي كلك ذووق
وش النعومه هااذي يااابنت خليك زيي دفشه دفااشه بعدين ماادري ليه شاامه ريحة اعجاب ببديراان لايكون حاطة عينك عليه ؟!!!!
لا تصييري وااثقه كثير من توقعك
[/COLOR]
|
بدوووووو الله يسلمك والذوق منك وفيك
أما شهادتك بالنعومة ذي لازم أراويها للكل عشان يتأكدوا إني ناعمة
وإلا هم يقولون لو لملومة ناعمة ما في بنت دفشة
وفوق كذا علي حركات ما تجي من أخواني .. لكن المشكلة تكمن في إحراجي الشديد على قولتهم يعني إذا مدحوني أو طارت منهم كلمة حلوة من هنا وإلا هنا خلاص تلاقي الخدود ولللللللعت وهذا اللي يخليني بنت على قولهم
بدو سالفة أمك يوم تقول نقلبك أنا جاني نفس العرض بس من عمتي تقول علي حساب العملية على شرط أزوجك بنتي<<عرض مغري
وأرد عليها ولا يهمك آخذ بنتك الأولى وبعدها بنت خالي عشان لا يزعل أحد من أهل أبوي أو أهل أمي وآخذ وحدة من برا عشان نتعرف على عيلة جديدة<<هذا وأنا بعدني بنت أفكر أعدد لو صرت رجال عشان كذا دعوا علي البنات وبقيت بنت مثلهم
بديرااااااااااااان مالك ما أبيه خليه لبنت الكويت ، ما يعجبني بديران كخخخخ <<لا ينطوا المعجبات واحمدوا ربكم خليت الطريق سالك لكم وما اعترضتوا>> أنا تعجبني نوران في قوتها وشخصيتها الرائعة ويوم صارت بدير تخلصنا من هذا الاعجاب بس بقى شخصيته رائعة وتلفت الأنظار لها أما هو No No ما احبه ولا معجبة به..
بدو أدري إني طولت .. لكن هذي النقطة الأخيرة
بعد ما قريت البارت كنت أحكيه لبنات العيلة وبعدين سألتهن: وش رايكن لو جا واحد مثل بدير وخطبكن .. توافقن؟
تصدقين بدو من عدد 9تقريبًا ما في إلا وحدة قالت إيه.
وسبب موافقتها قالت: لأنو بيكون حاسس بمعاناة الحريم وما بيظلمها.
سألتها: لو غرته الدنيا وتكبر ونسى هالمعاناة اللي تحكي عنها؟
قالت: لا مستحيل ينسى خصوصًا لو اشتغل بالبيت زي البنات بيفتكر ولو تكبر مصيره يعرف غلطه وينعدل.
بعد نقاااااااااااااااش طوييييييييل وعقييييييييييييم سألت أمي وعمتي: لو تقدم لبناتكم رجال طيب صاحب دين وخلق بس قبل يتم أي شي قال لكم أنا ترا كنت كذا وكذا وهذاني الحمد لله رجل كامل اللحين وأنا ما قلت الصراحة إلا عشان ما تعرفوا بعدين وتتهموني بالكذب عليكم أو ما شابه؟
أمي تقول لا ما بوافق إلا إذا كنت ما أعرف انو كذا ، وعمتي كمان قالت نفس الجواب قالت ما برضى على بنتي.
سألتهن: لو جاكن وما تكلم ولا حكى بتوافقن؟
ويجاوبن: أيوه مدامو رجال طيب وولد حلال بنوافق.
وسألت: لو عرفتن بعد الموافقة عن ماضيه،وش رايكن،أو بالأصح وش بتقولن؟
قالن: بنقول كذب علينا وخدعنا وووووو بس بنخلي البنت تكمل حياتها معاه لأنها تدبست فيه.
قلت: ويومه جا وقال الصدق رفضتوه مو أكيد بيسوي كذا؟
يقولن: لا هو المفروض ما يسوي كذا يعترف بالحقيقة.
قلت: لو قال الحقيقة ما تزوج دام هذا تفكيركن.
عمتي: لا في ناس ممكن يوافقوا.
أنا: ممكن مو أكيد، بعدين أنا قلت صاحب دين وخلق والرسول صلى الله عليه وسلم قال:(إذا جاءكم من ترضون دينه وخلقه فزوجوه إلا تفعلوا تكن فتنة في الأرض وفساد كبير)وفي رواية(وفساد عظيم)، ليه رفضتوه؟ عشان شي مو بيده؟ هو لو أنشأ نفسه بنفسه بيختار لنفسه هذي الحياة؟
أمي وعمتي: لا ما بيختار كذا لكن خلاص يبعد عنا ويسلم
أنا: طيب انتو قلتو يبعد ويسلم وغيركم قال نفس الشي، وش صار فيه هو المسكين تحطمت آماله وانكسرت مجاديفه، كل ما جا عند ناس ردوه، وممكن ينقلب حاله ويروح للحرام ترا الحرام سهل، ليش ما تساعدونه وتكونو عون له مو كفاية هو بيتخلص من كل ماضيه يعني بيبدأ من صفر وهو كبير تخيلي نفسك مكانه يقولون لك الماضي أنسيه ولا عاد تطريه انت حياتك بدت من الحين وكل اللي صار بالأول ارميه بالبحر أو ترا كل اللي صار صفر على الشمال صعب عليك هالشي وإلا مو كفاية الصعوبة اللي واجهها كمان نصعبها زيادة عليه؟
أمي وعمتي ما زال راسهن يابس وما رضن يوافقن رغم انهن اقتنعن انو لازم نساعد هالفئة لكن يقولن مو على حساب بناتنا، وبنهاية النقاش تدخل أختي اللي وافقت ويوم درت برأي أمي قالت: والله يا أمي لو جا وعجبني وارتحت له بوافق وباخذه.
أنا: كيف تاخذيه وأمك مو موافقة؟
قالت: أصلاً هو جا يخطبني وإلا يخطب أمي، أنا اللي أوافق وأرفض مو أمي...وانقلب الموضوع لثاني لو جا خاطب ورفضوه الأهل والبنت موافقة<<شفتي الحريم كيف رغيهن ما ينتهي
المهم بدو حبيت أخبرك عن تفكير حِتّة صُغَيّرة من المجتمع في موضوعك
ومعليييييييييييش طولت عليك بالثرثرة سامحيني
وعلى فكرة واثق الخطى يمشي ملكـًا لازم أكون واثقة!!
مع السلامة <<سبحانك اللهم وبحمدك أشهد أن لا إله إلا أنت أستغفرك وأتوب إليك>>
التعديل الأخير تم بواسطة لِمَ السؤال؟ ; 10-03-08 الساعة 07:48 AM
|
09-03-08, 11:35 PM
جديد مواضيع قسم الارشيف
العرض العادي
