الفصل الثالث

" اماني ...و...حطام "

× منال ×
الوقت كان صلااة الفجر ..قمت وتوضيت ..صليت السنه ومن عقبها الفريضه ..جلست اسبح واستغفر واذكر أورادي ..رفعت عيني للسااعه كااانت تقريبا ست الا ربع ...ست الاربع والزوج المحترم حتى الان مااشرف من سهرته الحمرا .. قمت لفيت سجادتي وشرشفي ونزلت للصااله ...توني بنص الدرج الا واشوف زوج الهناا دااخل .. شماغه على كتفة وشعره اشعث ..دخل بخطوات مترنحه .. كنه يمشي على ارض ماايله او انهاا تهتز من تحته .. وفووق كذاا يغني بصووت عالي : هلي لاتحرموني منه ..هلي لاتبعدوني عنه..مثل ماهو قطعه مني ..انا تراني قطعه منه
نزلت : بس قصر صووتك لايصحى الولد
مروان صرخ فيني : اوووه هذي انتي بلااا "مصيبة " وكمل مشيه لكنه صدم بالتحفة الي ع الارض فطاحت وتكسرت
قلت له وانا امسكه اقوده بعيد عن هشيم التحفه :
بالله ماتستحي كل يوم رااجع عقب الفجر ..بالله لو شااافك احد من الجيراان وانت بذي الحاله ..ولا ولدك لا شاافك كذاا
مروان يدفني : وخرررررري الله يخرب مزاجك زي ماتخربين مزاجي انتي ايش ..تمموتييين ع النكد
كمل وطلع لغرفتنااا ..كنت اشوفه يركب الدرج ...رجل تجي ع الدرجة ورجل تشقح درجتين .ومره يرجع على ورى...ومره يعقد بنص الدرج ...اخيراا وصل لغرفتناا .. ارتمى ع السرير وناااام...... ولاا كان في شي صاااار .... كنت ابي ابكي ..لكن مااعاد عندي دموع ابكيهاا .. كل يووم يجني كذا مسطووول ..اليوم مااضرب الظاهر انها ابسطته كثيييير...ياارب ارحمني




×لطيفة ×
صيحت بدري لاني متعودة ع نظام الجامعه غير كذاا مااحب ان امي تقعد لحالهاا ..خصوصا وان عزوز مسافر اسبوعيين عسل ..نزلت الصاله وشفت امي جاالسه قدام قناة بداية وتشوف محاضرة مداهمات لعبد المحسن الاحمد ..يالله كان يعرض صور مقززة ومخيفه .. الصور كان لنااس تعرضو لحرووق بعض الحرووق اصحاابهاا ماقضو بالناار او الزيت الحار اقل من ثوااااني الا ان الحروق وصلت للعظم وبعضهم للدرجة الثاااالثه ..كان يقول ان بعضهم يهزوون المستشفى بسبب صريخهم من شدة وجع الالم الي مايقدرون يتحملوونه .. يالله انا نفسي كنت احس بالم فضييع وانا اشووفهاا .. الله يعيين اصحاابهاا
امي وهي تنتبه لي : صحيتي
سلمت على رااسها : ايواا
امي : ماصليتي الفجر بوقتها صح
قلت له : والله العظيم صليتها بوقتهااا ..شفتي لما طلعتي وانتي تصرخين قمت بسرعه وتوضيت
امي وهي ترجع تطالع المحاضره : شفتيها ؟!
قلت لهاا : ايو شفتهاا امس ..
امي : شفتي يااابنتي هذي نار الدنياا تخيلي نار الاخره ..الله يعتقنا من نااره
امنت: اميييييييين ..فطرتي ؟!
امي :اكلت شابورة وشاهي
قلت بعتب : شابورة وشاهي ياامي .. بالله تسمين هذا اكل ؟! ليه ماقلتي للشغاله تسويلك فطور عدل
امي : تركتها نااايمه ..حرااام اصحيها الادميه تشتغل طول اللسل والنهار من حقها ترتاا شوي
قلت لها : نايمه لين10 يامي والله رح تخربينهاااا وبعدين رح تشتكيين
امي : اقولك لا تصحيها وشغلها رح تلحق عليه
قلت لها : ماعلينا وش راايك تقومي ونطلع
امي : ووين نرووح ؟!
قلت لها : اناا عااازمتك ع الفطوور
امي : يابنت بلا بعزقت "صرف " فلوس قومي عبي جبنة وحلاوة وسويلنا كاستين شااهي
قلت لها : امي الله يخليك والله بوديك مكان مافيه بعزقه غير كذا نغير جو البيت
امي : يااابنت والله مافيني حيل لدوراان الشوارع وازعاجها من صبح رب العبااد
قلت لها : امييييييييييييييييي الله يخليك
امي : طيب اطلعي جيبي عباايتي ..
طلعت اجيب عبااايتي .. وعباااية امي .. اخذت شنطتي مره وحده والجووال وطبعا مانسيت حبوب الضغط حقت امي .. ركبنا مع سواقنا ..انا ركبت قبل امي وقلت للسواق : محمد ابو زيد
ركبت امي وطبعاا طول الطريق مااتكلمنا .. انا وامي مانحب نتكلم بالسيارة الا للضرورياات .. وسواقنا محمد متعود من نركب يايحط اناشيد او قران وطبعا لاننا طالعين الصبااح فحط لناا قران بصوت العجمي ..
وصلنا قدام ابو زيد .قلت لامي : يالله ياست الكل
امي : وين انزل
قلت لها : هناااا
امي : ياابنت هذا محل فول
قلت لها : وي اعرف ..يالله ..انزلي
امي : ياابنت بلاا هبااال وين انزل بتقعدينااا وسط الرجااال
قلت لها : انزلي وانتي تشووفي
امي مااكااانت تدري ان محلات الفوول هالاياام صار فيهاا اماكن مخصصه للعاايلااات ..يعني الواحد زمان لما كان يقوول بروح اتعشى ولا افطر بواحد من المطاعم او الكافيهات الكبيره دحين " اللحين " صار يروحو الاماكن الشعبيه
دخلنا واخترنا طاوله ..قلت لها: هاا ياامي ايش تبغي تفطري
امي : والله اخر زمن محلات الفوول صااار فيها قسم عوايل
ضحكت بخفة : هههه خليهم يلقطو رزقهم ..بكرة رح نشوف دلفري فوول .. ها تبغي مطبق ولا معصووب ؟! مع الفول
امي : ابغى فته تمر من زمان عنهاا
قلت لهاا : ايوو فته وبعدين قوولي نفسي تلعب " تلوع " من الحلا
امي : ان شاء الله مارح تلعب اطلبي فوول مع تميز والفته وابغى شااهي نعنااع لا خلصناا
قلت : علم وينفذ




× مشعل ×
قهرني الصوت الي كان ينااديني ..تمنيت اطلع من تحت السيااره واعطيه بالمفك الي بيدي
الصوت " هييييييي رفيقك اطرش انت مااتسمع "
سحبت نفسي من تحت السيااره : ممكن توطي صوووتك وتتكلم مثل الخلق
الرجل باستنكار : سعودي ؟!!!
قلت له : وش شاااايف
الرجال تكلم بطريقة مستعلية وكاني شي مقرف : اقول تعال شف السياارة
بلعت ريقي ورحت ورااه ..يالله هذي لقمت عيشي ولازم اتحمل الاشكاال هااذي ..فتحت كبوت السيااارة وجلست اشوف البطاارية والمكينه ...سالني الرجال : انت سعودي سعودي
جاوبت من غير نفس: ايه
سالني: ليه تشتغل مكا****ي ؟! كنت فاشل بالدراسه ؟! ولااا محتاج
التفت عليه : ممكن اعرف ليه السؤال ؟!!
الرجال : سمه فضوول يعني الشغله هااذي مب للسعوديين يعني مب من مقااامنااا
سالته : وش هي الشغلاات الي من مقاامناا
قالي : أي شي الا هااذي اذا السعودي يشتغل ميك****ي ولا سبااك ولا نجار وش خليتو للاجااانب
اخذت نفس عميق وانا احااول اتحمل لهجة التنقيص : ومن قال ان لااازم نعتمد ع الاجاااانب ؟! ترى حنا نقدر نكفي ونوفي
الرجال : الي انتم فيه فترة موضه فرحانييين بالكم اعلاان الي يسونهاا لكم بس بعديين رح تشووف ان محد رح يعبركم ..لان اشغاالكم مااعليهاا القيمه
قلت له : ودام ان اشغالنااا ماعليها القيمه حضرت ليه جايناا ؟!
الرجال ..ارتبك ..ابتسمت بشمااته ..:خذ سياارتك وعطني مقفاااك
الرجال : مارح تصلحها
قلت له : انت محتاج احد يصلح عقلك بعدين صلح سياارتك
الرجال : انت مااتدري مع من تكلم
قلت له : اقوول وطي صووتك .. ماني بنقاالي صوتك العالي بيخليه يرجف افتح عينك عدل وطالع من تكلم ...والان برى ورشتي بالطيب
طلع الرجال من الورشة هو وسياارته ..
قرب مني علي صااحبي وشغال معي بالورشه : يعني لو سيارته لكززس ومنسف الشمااغ بحديده كان قلناا ولد نعمه وشايف نفسه لكن شكله عادي وفوق كذاا كامري وشكلها اقساط ويتكلم من طرف خشمه
قلت له : والله مااذبحنا ومرجعناا ورى الاذي الاشكاال ..ماارجعو الشبااب ؟
قالي : لسى ...انت تعرف صياانه سيارات شركة الفيصل تااخذ وقت مااشااء الله العدد كبييير ..وهم كلهم ثلاثه ..وش رايك نجيب عمال جدد
قلت له : مو اللحين .. لا فتحنا الفرع الثاااني نجيب




× فيصل ×
قمت متسند على حديد الممشى ..من بعد مارفضت مساعدت اخصائي العلااج الطبيعي ..وقفت زيين
الاخصائي : فيصل ارتااح شووي ..لاتجهد نفسك ترى الي تسويه بيعطيك ردت فعل عكسيه
قلت له : ابي امشي ..ابي امشي من غير هالعكااز
قالي : شووف المشي السليييم مستحيل
قلت له : مفروض ترفع من معنويات مريضك
قالي: فيصل الدكتور لازم يكوون صريح مع مرضه وانت مو أي مريض ... اناااعرفك من يوم كنت مراهق انت اللحين رجال مالي ثووبك ..وسبق وقلتها لكانت مستحيل تمشي سلييم 100%
ممكن تتخلى عن العكاز ايه مع اني مانصحك بكذاا .. لكن رجل اليساار بتفضل تسحبهاا لكن بشكل افضل من الان .. بالاول ماكنت تحس برووجولك ..واللحين تقدر تمشي ..صح اليمين افضل بكثير ..لكن العكاز .....لاتبدني قصور من رماال ...واللان روح بيتك وارتاااح واشووفك ان شااء الله الاسبووع الجااي
طلعت من المستشفى وانا منقهر ..الي قااهرني اكثر الوااقع الي كل مره اكون نااسيه ..يرجع دكتوري ويفتح عيني عليه ...اخ منه يقول لاتبني قصور من رماال ... مايدري ان هالقصور الي معطيتني الامل بالحياه ..والدافع للانجاز ...تنهدت ..الحمدالله على كل حال



× نسيم ×
قهرتني الدوبااا مااهي رااضيه تصحى .. حشى دب بسباات شتوي مو بني ااادمه ..هزيتها .. قوووووووووووومي
كان صوتها كله نووم وحسيت باللحااف ينسحب من ايدي : نسيم انقلعي ابي اناام
قلت لهاا : ماني منقلعه ..وقفت وبديت اعد عشريين خطوه تاكدت اني وصلت وجهتي ..مديت ايدي وفتحت الستاااااير ..وفتحت الشباااك
نوران : وووووووجع نسسسسسسيم اقفليييه ...
قلت لها : قووومي بلااا كسل السااعه الان 1 الظهر صلي يالله وانزلي تحت طفشت من القعده لحااالي
نوران قاامت ويه تحرطم ودخلت الحمام " وانتم بكراامه " وانا سبقتهاا ع الدور الارضي
اخذت تقريبا نص ساعه لين مانزلت ..نوران :اووف منك قلق " ازعااج " والله فيني نوووم
قلت لهاا : ارحمي نفسك اللحين وقت غذاا ..وانتي لسى تبين تناامي
قالت لي : اجاااااااااااااااااااااازة
قلت لها : الاجازة عشان مو للنوم
قالت لي : ترى هم اعطونا اياها عشان نرتاااح والنوووم هو الراحه الوحيده بالنسبه لي
قلت : ياابنت الاجازة مو بس رااحه ترى بعد تجدييد نشاااط و
قاطعتني : نسيم الله يخليك مو وقت فلسفه
جا صووت امي : بنااات جهزو اغرااضكم ترى بنروح المزرعه بكره
صارخت نوران : احلللللللللللللللللللللللللللللللى
معد سمعت صوت امي ..سالت نوران : وين امي ؟!!
قالت : راحت المطبخ ..ليه ؟!
قلت : مدري صوتهاا مو تمااام ..احس بها شي
نوران : طيب خلك هنا بروووح اشووفهاا




× نوران ×
دخلت الطبخ ..شفت امي تقلب الي بالقدر وشكلهاا مهموم ..غنيت وانا اقرب منها واضمهاا: هيله ياارماانه ..هيله ياارمااانه ..الحلوه زعلاانه ..منهو يرااضيهاا ... انا ارااضيها...صوصو زعلانه ليه يااجميل
امي تفك نفسها مني : صوصو بعينك
سالتها : يمه شفيك ؟!!
مشت امي وجلست ع طاولة الاكل ألي بالمطبخ : عطيني مويا
اعطيتها موياا وجلست بالكرسي المقاابل : خير يمه ؟!
امي : نسيم اتصلت وحده تخطبها
انبسطت الا طرت فرح : والله ..متى بيجوون ..بقول لنسيم ..وناديت نسيييم
امي : بس
التفت عليها : شفيه ؟!
امي : ماعادهم جاايين ...المره كان تفكر ان عمى نسيم اشااعه اويمكن ضعف والناس تبالغ فيه لكن لما اكدت لهاا اعتذرت مني بانحرااج وقفلت السماعه
عصبت : بالطقااق الي يطقهااا هي ولدها .... تحمد ربها وتبوس ايدها وجه وقفى لا فكرت نسيم مجرد تفكير تاخذ ولدهاا .. شفيه ولده زياده عن كل الرجال ..و شفيهاا نسيم يعني عشااان تعتذر هااا ... الف من يتمناااهاا ...نسيم مب نااقصهاا شي عن أي بنت بالدنياا متخلفيييييييييييييين
جاني صوتها من عند البااب : ناقصني الشووف يااانوران
التفت عليها : نسيم
دخلت للمطبخ وجات باتجاه الطاولة ..لو شافها أي احد وهي تمشي مستحيل يفكر او حتى يكون عنده ذرت شك ان نسيم مااتشووف ..بالعكس تبان طبيعيه جداا
سحبت كرسي وجلست : يمه ليه تضاايقين ..شي عاادي ..الزواج قسمه ونصيب .. وانتي مو اول وحده يرفضون بنتهاا .. غيري بنات ياااماا بكامل صحتهم وحلووات وكل شي ..وينرفضوون..بعدين يمه لاتفكرين بالموضوع كامي بس لاا حطي نفسك بمكانهاا لو مشعل بيتزوج كاان اخترتي له وحده مثلي ؟!!
امي ماردت
قالت لها نسيم : شفتي ..يمه ترى الزواج مو كل شي ..عادي وش فيها لا ماتزوجت اناا ابي اتخرج من الجامعه واشتغل واعلم البنات الي مثلي شلوون يعيشوون حياااتهم ..وبعدين انتي عندك مشعل ان شاء الله تزوجينه وتفرحين فيه وبعيااله .. وطبعاا نوراان بعد
مشعل : سمعت اسمي
نسيم وهي توقف بتطلع : بسم الله ياااخي تنحنح
مشعل : اسفيين عمتي نسيم ..يمه جيعاان
امي : الاكل مابقي عليه اطلع بدل
طلعت نسيم من المطبخ ... مشعل : شفيهاا ؟!!
حكيت له كل شي .. صاارخ علي : انتي ماتعرفين تحطين لساانك بحلقك .. صووتك الي يوصل لاخر الحااره ووجع ان شاااء الله ...وطلع





× مشعل ×
طلعت جري على غرفة نسييم ...طقيت الباااب طقتين متتاليه سريعه واعقبتها طقتين براحة ايدي ..كانت هاذي طريقتي بالاستئذان للدخول عليها .. وكل واحد منا له طقة خااصه تمكن نوران من معرفة الشخص الداخل عليهاا
دخلت ولقيتها واقفه عند الدولااب ...: مشعل تبي شي
قلت وانا ادخل واقفل البااب ورااي : يعني مااينفع اجي الا اذا ابغى شي
دارت : مشعل ...رحت وسحبتها من ايدها وجلستها ع السرير ... كان سؤيؤها ع الاستايل الامريكي .يعني منخفظ مره . جلست ع الارض وحطيت ايدي ع ركبتهاا : نسيم ..اعرف ان اسوء شعور يحسه الانسان هو الرفض ...خصوصاا بمواضيع حساسه مثل الزواج ...لا تزعليين وانا اخووك ..فكري ان بمكان بهالدنياا في انساان يتمنااك ...وبيوم من الاام بتلتقون وتتزوجوون ويصير عندكم عالم خاص بكم لحالكم
قالت بمراره : مشعل لا تكذب الكذبه وتصدقهاا ...مافي رجال يااخذ وحده مثلي ...عمياا مااتشووووف ..تحتاج دووم احد معها يراعيهاا ...شلون براعيه ؟ شلوون بقوم باحتياجااته ....بدير بيته ؟ اربي عيااله ؟؟ مشعل انا والله مب زعلانه لان بيوم مارح يكون لي مملكتي الخااصه على قوولتك .لااا .. ولا لان الرفض جرحني بانوثتي .. اكثر شي مزعلني انه مارح اعيش اجمل احسااس تعيشه المره بحيااتهاا ..ماارح احس يعني ايش تكون المره ام .. مارح احس بسعادة الحامل وهي تشوف بطنهاا تكبر قدامها ...مارح اعرف يعني ايه تعب حمل وولاادة ..ماارح احس بروعة الضمه الاولى له لصدري ..صح مارح اشوفه وقتها بس بحس فيه احس بلمسته النااعمه بشم رييحته ...اسمع مناغااته ..اسمعه لاكبر يقول ماماا ..."وطاحت دموعها ع خدها " هذاا الي اتحسف عليه ياااخوي ...قمت وقعدت جنبها ومسحت دموعها : نسيم لا تصيرين قنوطه ..ربنا كريم ..من يدري يمكن هااذاا كله يصيير ..تدرين انتي وش مقدر لك ؟!!
ماردت علي حضنتني ...بقووة وصاارت تبكي بصدري ...
دخلت نوران من غير استئذان : يااعيني انا لي التهزيء وغيري له الاحضاان
قلت لها : كلن له حسب محبته
لوت بوزها : همم ..انزلو الاكل ع السفره
نسيم : مشعل زعلتهاا
قالي : تكفييين الي يسمع يقول اختك تحس
نسيم بزعل : مشعل ..حرام عليك وربي نوران مره حساااسه
قلت : يااشيخه مااعرفها اناا
قالت لي : مشعل ترااهاا لحم ودم ...لعلمك نوراان صح عليها لساان ...وعصبيه وتصاارخ بس الي بدااخلهاا غييير ..اختك أي شي يخدشهاا ....بس ماتتكلم كل شي يدخل نفسهاا يندفن فيهاا
وقفت : يصير خير..بروح ابدل وننزل ناكل ترى جيعاااان





× منال ×
جهزت الاكل ع الطاااوله ..هذا الي قال زين بينزل ...شفت بدر يااكل : حبيبي انتظر بااباا
بدر يااكل بسرعه : ماماا جيعان وبااباا مانزل
حنيت عليه : طيب حبيبي اكل
طلعت الغرفه اصحي الزوج المصون للمره الثانيه لكن هالمره قفلت المكيف وفتحت النور : مرووان قووم
رحت وهزيته : قوووووووووووووم
مروان دف ايدي بقوة : انقلعي وخليني اناام
قلت له : ووين تنام العصر خلاص بيأذن وانت مااباااقي على دوامك الا كمن سااعه قم ياارجاال
قام وجلس : وجع يوجعك قرفتيني ..انقلعي جيبي بندوول
قلت له : اكي مصدع ..من السم الي تشربه
رماني بالمخده : انقلللللللللللللعي من قدامي
نزلت واعدت تسخين الاكل ..بعد عشر دقاايق كان نزل .. اول مااشاافه بدر قام بسرعه ..
ناظره مروان : ليه قمت
بدر بخوف : خلصت
مسكه مروان من قميصه بقووة : انت ليه كل ماتشووفني تهرب هااا ؟!!!
بدر بخوف : انا .. انااا
قمت وفكيته من ايده بصعوووبة : مروان الولد
رمااه مرواان : مالت عليه ماايقدر يقوول كلمتيني على بعضهاا ..وصرخ اذلللللللف
طلع بدر بسرعه من المطبخ على غرفته
صرخت فيه : حراام عليك والله حرام هاذا ولدك مب عدووك
قالي : انكتمي ولا ترفعيين صوووتك ..لو انك مربيته زي النااس ماكاان ذاا حاله
سالته : حاله وش فيه حاااله
قالي : ماتشوفينه شلون يعااملني ..ماشفتي شلون يتهرب مني ؟!!
قلت بغيض : لايكون تبيه يركض عليك ويبوس رااسك ..بالله ماتشوف تعاملك معااه ؟! صووت صرااخك الي يهز البييت هز ...الفااظك ...عشان يحترمك لاازم تكون بالاول
ماخلاني انطقهاا عطاني هذااك الكف الي شل الاحسااس بخذي الايمن ..وجرني"شدني من" شعري بقووة لدرجة حسيت شعري انتتف من منابته : مابقي الا انتي تعلميني شلوون اكون محترم واعامل ولدي
دفن رااسي بصحن الرز ومرغه بااقوى مااعنده ..حسيت بالرز الحااار يحرقني ..ويدخل بانفي ..وعلى رقبتي رجع رفعني ورماني ع الارض ..وبحركة سريعه منه كل شي كان ع السفرة صاار بالارض ...اختلط الاكل بالزجاااج ..بالمعدن ...
امرني : لميييييييييييييييييييييه
زحفت الم قطع الزجاج واول مالامست ايدي الزجااجه كانت رجله فووق ايدي ضغط بكل قوووته ..حسيت بااصاابعي تتفتت تحت الضغط ..وان جلدي تقطع نتيجة الفركة لهاا بالزجااج ..ومع كل هذا مااقدرت اصرخ باااه ماقدرت اتاوه شلون اتاوه ..وكلمة اهــ بقاامسووه يعني زيييد ..اهــاتي هي سنفونيه تطرب لها اذنه ..بعد ماتعب من الضغط رفسني بقووة فصطدمت بالدولااب السفلي للمطبخ ..وطلع تارك من ورااه حطام مطبخ ومن قبل حطام انساانه ..تفكرون جلست ابكي ..ابد ..قمت انظف اثاار هوااايته ..رفعت الزجااج وكنست الارض ووقفت قدام المغسله ..اغسل الملااعق ...سمعت صوت البااب وهو ينصفق ..طلع ..طلع اخيراا ..هنا بس سمحت لعيووني تبكي ..وانهرت على الارض ..بكيييت .. بكيت مب حرقاا لاا الحرقه كلمه بسيطة ماااتوصف الشعور الي داااااخلي ولا تعتبر عنه حتى لو ب 1%





× نجود ×
من صحيت وهي ماتتكلم معاااي .. تغدينا وخلصنا غداا وحطيت الشااي وهي مااتتكلم
قلت : يمه وبعدين بتقعدين كذاا زعلانه لين متى
امي : الي يمسع يقول مره الاهتمام مقطعك
قلت : اكيد مهتمه انتي امي
امي : لو انا امك كان حططيتي لي قدر وقيمه وماكسرتي كلاني وطلعتي مع الكسييح
قلت لها : يمه لا تقولين عليه كسيييح اسمه فييصل ..فييييييييصل
امي : فصلوو قلبه عن جسمه ..فرحاانه فيه
قلت لها : ايد بفرح فيه ..عمي سندي بالدنياا
لوت فمهاا بقرف: سند مااااايل
قلت لها : ع الاقل احس بكثيير من غيره
سألتني : شو تقصديين ؟!
قلت لها :يمه انتي فااهمه زيين وش اقصد
امي : تعااايريني يااانجوودوووه ..
قلت لهاا : انا مااعااير الا اذكر يمه
قالت لي : مثل ابوووك جااحده وحقووده
قلت لها : ابووي ..الله يرحمه ...ترى يقولون اقلب القدر على فمها تطلع البنت لامهاا
ماحسيت الا بالشااي مكبووب ع وجهي ..ابتسمت وانا اسحب منديل وانشف به وجهي ..: اوجعتك الكلمة
اعذريني الصرااحه دووم تجرح
امي وقفت : ليتك متي يووم ولدتك
راحت لغرفتهاا ..وانا انفجرت بكى ..استااهل .. والله استااهل .. محد قالي اتوااقح ..جزاااتي




× نوران ×
غدانا كان هادي جداا ... كل الكلام كان عام ومافي موضوع معيين ..انا كنت سااكته مااشااركتهم باي نقاش او جداال
ابوي نادانيي : نوران
رفعت عين يمن صحني : سم يباا
ابوي : فيك شي ياابنتي يوجعك شي ؟!
قلت له وانا ابتسم : لاا مافيني الا العاافيه
ابوي : اجل ليه سااكته وهااديه مو عواايدك ...لايكون مسوياالك مصيبه ولا شي
عاتبته: مصيبه يباا مره وحده .. افاا ماكانت الهقووه
نسيم : يبااا تلاقيها تفكر بحبيب القلب رعد
علق مشعل : خلي يكون عندها قلب اول شي بعدني قولي تحب
قلت بتهكم وانا مجروحه من داخلي: كلامهاا مستحيل موو
الحمدالله ..وقفت وتركت السفره


انتهى...ملتقانا الخميس باذن الله

يا مرحبا وسهلا ببدويه عنيده انا الصراحه كنت شاكه من اول ماقريت اسمج انج نفسك الكاتيه المبدعه شموخ بدوري الي كنت اقره روايتها لاتشتكي من جور الايام لناس انا الصراحه كنت من المتابعين لج وانتي تنزلينها ب ماكنت اقدر اعلق علشان ماكنت مشتركه بالمنتددى بس كنت استمتع بردودج وردو بقية اعضاء المنتدى وتاكدت من انك نفسك لم شفت انك منزله قصه ففرحت ان ياتني فرصه ابين لج اعجابي بلاتشتكي من جور الايام وانشاء الله اكون من المتابعين لك في منتدى ليلاس الغالي

ولي تعليق بعد قراءة البارت باذن الله

يسلم راسك يابدوية

وضعتي يدك على قضايا اجتماعية ولامستيها باسلوب سلس وبسيط يصل للقاريء بسهولة

ماشاء الله تبارك الله


نوران

هذي بحد ذاتها قضية عميقه لها وجهان

وجه ينتمي للقدر والمرض ولخبطة الهرمونات والتشوهات الخلقية ..

ووجه والعياذ بالله لاينتمي الا للفساد والشذوذ القذر


بصراحه يابدوية

وللأسف ظاهرة منتشرة في المجتمعات ، المدارس الجامعات كما تنتشر النار في الهشيم

شخصية نوران قريبة جداً من شخصية وحده دايماً اشوفها في رابيس ..

ياويلك لو كانت هي اللي تكتبين عنها ... كان اتخلف الله فيك خاصة ان البنت دايما اشوفها في النادي وجسمها رياضي وعليها عضلات


اتذكر زمان كان فيه زواج لبنات من السكن الجامعي سووه في الدرة ..

وسمعت ان صار فيه من المجون مايشيب له قلب المؤمن قبل شعره ..

اللهم لاتؤاخذنا بما يفعل السفهاء منا ..!!!

شي مؤسف الله لايبلانا ويستر علينا وعلى بنات المسلمين

بجد على كثر ماشفتهم عمري ماتخيلت اني اعرف عالمهم الخاص وأسرارهم بس شكلك بتطلعينا على حقائق ومصايب


انا بصراحه اتمنى تكون شاذة ولاتكون عندها مشاكل بالهرمونات
لأن الشذوذ قضية ولابد من علاجها
اما المريضة او اللي عندها عيوب خلقية فهذا مو قضية هذا ابتلاء ونادراً مايحدث ومالها تأثير في المجتمع ..



نسيم ..

ياقلبي عليها والله كسرت خاطري

والأعمى اعمى البصيرة مو اعمى البصر

ذكرتني بوحده في الجامعه ماتشوف بالمرة ..

تفاجأت فيها وهي جاية من بوابة غربية 2 لمبنى الجوهرة .. تخيلي تمشي لوحدها وكأنها عارفه كل الأماكن والدرجات والممرات ماشاء الله عليها .. وعسى ربي يعوضها بالجنه ..


منال

تصوير واقع مؤسف وكأنها تقول نار الزوج ولاجنة الاهل ..

وفيه نماذج كثيرة لمنال داخل بيوتهم ..

لاحول ولاقوة الا بالله والله لايبلانا مثل ماابتلاها ..



فيصل
الكسيح احسن من المعاق
والكسيح احسن من المشلول
والكسيح عيبه الوحيد العرج والعكاز
والله لويدور بنات ليلاقي لأن البنات مالين البيوت ومايبون الا الستر وفيصل مقتدر مادياً وشخصيته جداً مرغوبة ..
واللي بعقلها ماترفضه ..!
بس هو يفكها شوي ويهون اموره وتتسهل
ويتفاءل ويكون اسرة ويعيش حياته سعيد ..!



مشعل
من قال الشغل عيب ..؟؟

فعلاً هالجملة صادقه ..

مشعل مثله مثل شبابنا المكافحين اللي ينجزون لوطنهم بأيديهم وعقولهم مو اتكالي ويدور على وظيفه مرموقة وراتب مغري ومخدة كبيرة الأهم



ماشاء الله عليك يابدوية
فعلاً احييك على هالانتقاء للأحداث
والله لولا اني ماابغى امللك مني كان اعلق على سالفة نوران اللي بصراحة شبيهاتها شوهوا معنى الأنوثه خاصة البنات عندنا في الجامعه البنت معطيها ربي شكل وجمال ونعومه وتشوهها بحركات الرجوله ولبسهم وكلامهم وطريقة مشيتهم وتجردها من الأنوثه


الله يهدي الجميع ولا يبتلينا



عساك سالمة وموفقه يالغاليه