السلام عليكم ورحمة الله وبركاته


حيا الله جارتنا وينك ما عاد زرتينا هذا وانا اقول كل يوم تعالي
>> بتدهن سير من البداية تغطي على نفسها


ما شاءالله لاقوة الا بالله

ومازالت مسيرة ابداعك وتميزك مستمرة بفضل من الله


الله يسعدك بدووو
احس قصتك من البداية صابتني ببعض الرعب على بعض الفضول على .... حاجات كثيرة


يحببني فيك اكثر ان كتاباتك ما شاءالله لها هدف وهدف سامي

ابدعتي بدمج الوعظ الديني بداخل الاحداث بشكل متناسق ورائع

ابدعتي بطرح مشاكل بالمجتمع لها اهميتها الكبيرة ويمكن يكون تغافل عنها الكثير
وممكن انهم ما اظهروها بالشكل الصحيح عشان يتقبل المجتمع نقاشها وايجاد الحلول لها



اولاً

نسأل الله السلامة والعافية والمعافاة الدائمة في الدنيا والاخرة
نسأل اله ان يكفيني بحلاله ع حرامه وبفضله عمن سواه.. آمين
والحمدلله الذي عافانا مما ابتلاهم به وفضلنا على كثير ممن خلق تفضيلاً


ثانياً



عندنا نوران ماني بصدد تحليل شخصيتها واسباب ماهي فيه فالاسباب كثيرة
لكن اعجبني صدها المستمر لمحاولات اللشلة ومجاهداتها لنفسها للابتعاد عن الرذيلة ولعل من اهم اسبابه قوة الوازع الديني لديها و من ثم عمق اصول تربيتها
قال تعالى:
[ اتْلُ مَا أُوحِيَ إِلَيْكَ مِنَ الْكِتَابِ وَأَقِمِ الصَّلَاةَ إِنَّ الصَّلَاةَ تَنْهَى عَنِ الْفَحْشَاء وَالْمُنكَرِ وَلَذِكْرُ اللَّهِ أَكْبَرُ وَاللَّهُ يَعْلَمُ مَا تَصْنَعُونَ (45) ]


والله كريم لا يخذل عباده فمن جاهد فيه هداه لسواء السبيل ولله في كل شئ حكمة
قال تعالى:
[ وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ (69) ]

وحلوة مجاهدتها بعد لنفسها بالرياضة لاني قد درست انها تساعد الجسم بالتخلص من هالانفعالات اللي فيه
عندي احساس انها مع تطور الاحداث ممكن بقدرة الله اولاً تتحول الى ولد خاصة لما بينتي ان تفاصيل جسمها ليست انثوية والله اعلم >> وخاصة ايضاً لما ثارت على نجود لما حاولت تخطب لطيفة لعمها احس غيرتها غيرة اولاد



منال
مااقدر الومها وفي نفس الوقت الومها
المفروض لما اخوها مد لها يد العون بعد الله انها تعاونت معه وباين ابوها طيب فأحسه لو انها شدت عليه مع اصرارها واصرار اخوها خاصة وانه ما ينطاق الله يكفينا ويعافينا

وفيه كل هالبلاوي نسأل الله السلامة والعافية

بس اللي مجلسها هو حبها له ليس اعذارها والا ممكن تتركه ومن ترك شيئاً لله عوضه الله خيراً منه انسان ما يصلي ويشرب ويزني الله يجيرنا فيه كل هالكبائر اصلاً حرام تعيش معه
لانه ما يصلي

اش هالمنطق عند ابوها تعيش باللي هي فيه ولا تتطلق عشان ما يتكلمون عليها قدام ولدها ليش اتطلقت طيب منطق نوران صح ما فكروا لو سال الولد او كبر ليش تنضرب بيقولون له اكيد امك فيها شئ موهذا اكبر واشد



لطيفة اعجبتني خطوتها لما ابتعدت عن المشاكل عشان امها


فيصل

الله يسعده هاللي ايل بنت اخوه على كفوف الراحة
احس له بإذن الله مستقبل مع نوران ان ظلت بنت
او مع نسيم وهنا احس اكثر ان نسيم بتتزوجه


نسيم الله يسعدها حلو اصرارها على الحياة وتوكلها على الله مرررة عاجبتني شخصيتها ومعاونتها للبنات اللي بحالتها
الحمدلله على نعمه وعافيته


امممم من بعد

نجود مرررة حلوة شخصيتها بعد ورهيبة يوم تبي تزوج عمها

احس ان شاءالله لها مع مشعل مستقبل


امها ما عجبتني الحمد لله
شين وقوة عين يا اختي تبينه ياخذك لا تسبينه تكلمي معه باحترام


مشعل مررة عاجبتني بعد شخصيته وكفاحه وين اللي مثله هالايام الله المستعان
وحلووو تعامله مع اخواته وطيبته وحنانه عليهم






بدوية الله يسعدك وسلمتِ يا غالية



وانتظرك ان شاءالله على خير وبشوووق

اختك

اصالة-نادرة

الفصل الحادي عشر
صــــادم ... و...مــصـــدوم

رغم ان محاضراتها متأخرة اليوم الا انها طلعت بدري من بيتهاا وامرت اسواق يااخذها لبيت عمهاا .. تعرف انه لسى ماا رح يكون بالعمل .. وصلت قدام البوابه الي كانت عباارة عن مجموعة من الاعمدة الرفيعه بالون البني الغامق يربط بينهاا تفريعات لاغصاان شجرية رفيييعه جداا باللون الاخضر العشبي المطعم بالذهبي ..انفتحت البوابه لسياارتهاا .. وبان قدامها القصر الفخم .. بلونه البيج المايل للبني .. تقدمت السيارة باتجاه القصر وكان الطريق مغطى من الجهتين بالحشااايش والاشجار المختلفة .. بالاضاافة طبعا للنخيل .. التفت السياارة اجبااري بسبب الناافورة الجبسية ... ووقفت قدام القصر .. نزلت من سياارتهاا.. وطلعت سلسلة مفااتيح .. واختارة مفتاح مميز بلونه الاصفر .. وفتح الباب الحديدي المدعم بالزجاج العاكس .. دخلت الصاالة ورقت على طول للجناح الغربي الرئيسي

× نجود ×
فتحت بااب الجناح ..شوي شووي .. خلعت صندلي لاجل ماايطلع صوت على الرخام .. شفت باب غرفة النوم مفتووح .. معقول يكون طلع ؟!!.. غباء ليه ما سئلت الحاارس عنه .. لا يمكن يكون ينام وباب الغرفة مفتوحه من عنده بالبيت ومن ممكن يدخل جناحه دون اذنه .. كملت طريقي لغرفة النوم .. دخلت رااسي من فتحت البااب ..شفته جالس على كرسي التسريحه ويعدل غترته ..صفرت اول ماالاحظته انتبه لي
قلت : اموووت انا ع الحلوووين ممكن الرقم ياااحلوو
عمي : نجود ؟!!
كملت دخولي : ايواا نجود .. مكن نتعرف ياحلو
عمي : بنت تادبي
جلست ع التسريحه : بالله ماقد سويتها وغمزت له بعيني
عمي : لا مانتي صااحيه
غمضت عيني وطلعت صوت شخير مصطنع : ااااخ تسووو .. اخ ستتو
عمي : نجوووووود بلاا استهبااال
مثلت اني مفزووعة من نومي : ها وش في
ناظرني بنص عيين خلى كل عظاامي ترقص رقييييص ..يااشينه وهوو جاد ...نزلت عيني بالارض اتهرب من نظرته الحادة : عمي بخصوص البااارحه
وووقف واخذ عكازة الطبي المصنوع من الالمونيوم الخفيف بونه الفضي ورفع كم ثووبة ودخل الحلقة بسااعدة وارخى كم الثووب "كم من غير كبك " وطوق المسكة المبطنه باصاابعة واستند عليها بقوة ووقف : نجود انا مب فاضي وراي مواعيد .. انزلي خلي سواقك يوصلك جامعتك .. عطاااني ظهره ومشي بعرجته الواااضحه الين الطاولة الزجاجية بعمودها الرخامي واخذ المحفظة والجوال وحطها بجيبة
نزلت من ع التسريحه قلت له : عمي شوووف اناا ماتعنيت من بيتناا ولا ضربت " صكيت " مشوار لين بيتك عشان تطنشني
التفت علي ورفع حاجبه علامة استنكار للطريقة الي اتكلم فيهاا .. كملت وانا احااول استجمع قوتي واكمل كلاامي خصوصا ان ماعندي اسلوب حواري جيد : عمي اعرف انك ممكن تفكر اني جااحده ومااقدر الي تسويه لي .. هدااياااك اكثر من روعة .. واناا فرحت بهاا .. لما قلت لك انها كثيره علي .. مو لاني اعتبر نفسي ولاا شي زي مااافهمت .. انا قلت مااستهااال لاني مب عاارفه وين اودي وجهي منك .. انت تصرف علي وعلى امي وانت مب ملزوم بها .. اعرف بتقول اننا منك وفيك .. بس محد يحب يكون عاله على غيره ..يحسه متفضل عليه .. عمي ..انت تعطي وتعطي مااافكرت اناا مشااعري وش يصير فيهاا واناا اشووف كل هالخيير الي اناا فيه وانا عاجزة عن اني اجازيك .. حسستني اني انسااانه وصووليه خصوصا وانا اشوف امي تغزل خيوطها حوولك .. حسيت بغصه .. اعرف ان نيتك طيبة .. وانك تبي تفرحني .. تعرف عمي اناا وش كان بيفرحني اكثر من كل هالهداايه .. كلمة بسيطة انك اشتقت لي .


حس نفسه صغير ... كان مفكر بس بمشاعره ..وفكر بس بنفسه يوم استكثرت الهدايا .. حس بالاهانه وقتها ..بعدم التقدير منها .. ماكان يعرف وش يدور داخل فكرها .. مشى بعرجته الظاهره الين ماوصل عندهاا

× فيصل×
فعلا حسيت بصغر عقلي وضيق تفكيري قدامهاا .. وقفت قدامها .. فكرت بس بنفسي وبتأثير اعتذارها علي اهملتهاا كلياا ..رغم ظاهرياا كنت مهتم فيهاا .. مشيت الين ماوصلت عندهاا .. بداخلي ضحت وانا اشووفها بقامتها القصيره شلون واقفه متصنعه الشجاعة الين ماااصرت فوقها تمااماا غمضت عيوونهاا بقوه ..مادري يمكن كانت متوقعة اضربها او اوبخهاا ... احنيت رااسي وبستها على رااسهااا
قلت لها : حقك علي عمتي نجووود
فتحت عينهاا في : عمي ..وصارت تتنفس بصوت مسموع تمنع نفسها من البكي لكن ويين على طول انفجرت بكا وحضنتي بقووة. لا تعتذر انا اصلاا غبيه ماااعرف اتكلم ... عمي والله العظيم انا احبك انت من ريحة ابوي عمي الله يخليك ودخلت بنوبة بكاا
وخرتها وانا منحرج : بس بس .. ولا الي يشحذون ...طليت بثووبي ولقيته منعدم كحل وروج
قلت امازحها : عجبك كذاا الثووب راح فيها .. وش ذي الالوان الي حاطتها حشى لوحه مو وجه ...روحي غسلي ووجهك ..وانا ببدل ثوووبي ..وبنطلع نفطر
هزت راسها بمعنى المووفقه ومشيت باتجاه الحمام "وانتم بكرمه " وانا رحت لغرفة الملابس من بعدما حطيت غترتي ع الكنبه ...وسحبت ثوب شتوي كحلي ..غيرت الجزمه البيضا" وانتم بكرامه " واخترت وحده كحلي .. حطيت قلم فضي بالجيب العلوي وخذيت الجوال والمحفظة
طلعت لقيت نجود بالصاله من بعد مالبست نقابهاا وارفعته عن وجها ..: ياللا مشيناا
اخذت شنتها الكبيره ومشت وراي وصوت كعبها يخرم طبلة اذني خصوصا وان النقر مع الرخام عالي : نجود بالله ترووحين الجامعة كذا ؟!! عرس هوو ؟!
نجود : عمي عادي
قلت لها : عادي بالله شفتي الكعب شلون .. والله يالحرمي مادري شلون عقوولكم تفكر
نجود بخبث وهي تشب ذراعها بذراعي : بتعرف لا تزوجت
قلت لها : ياازينك سااااكته
اخذت البنتلي المعدله ... ورحنا للهيلتون .. اخترت افطر فيه لعدت اسبااب .. يطل ع البحر ... ومافيه زحمة الصبح ... طلعنا للدور الثاني .. اخذت طاوله بالكوفي شوب منزوويه بركن بحيث ان نجود تكشف براحتها ..وطبعا الطاولة جنب النوافذ الزجااجيه فالبحر قااادمنا ونحن نفطر
سألت نجود وانا احط كوب الاكسبرسو ع الطاولة : امك ماعندها خبر صحيح ؟!
نجود وهي تشتت نظرها : ماقلت لها ..تعرفها بتسويها حكاايه
قلت : الله يهديهاا ..وكملت بخبث ..مااعرف امك ليه حاطه نقرها من نقري لو اني زوجها وماخذ عليها وحده ماحاربتي كذا .. قلت جملتي وانا متاكد ان نجود مانتبهت لزلة لسانها لما كنا بالبيت
نجود بصراحه: لاني امي حاطه عينها عليك
تصنعت الصدمه : وش تقولين ؟!!
ردت علي : عمي انت اذكى من انك تتصنع الصدمه .. انا متأكده انك عرفت غايتها من اول مره شفتها فيها بعد مارحت اعيش معها ..لاتكفر ياعمي ان الكلام الي اقوله سهل .. مو سهل علي اشوف امي تراهق قدام عيني وتحاول تجذب انظارك لها .. عشان كذا يااعمي ابيك تتزوج .. ابيها تفقد الامل تمااماا فيك وتفوق لنفسها
قلت اعتبها : نجود هذيك امك مايصير تكلمين عنها بقلة احترام
ردت علي : اعرف والله اعرف .. عمي انا احترمها واحبها هااذي امي لكني اكره تصرفااتها .. اكره خيانتها لابوي شلوون تفكر في رجال ثاني الي هو انت اخووه وابوي ماامر عليه سنه
قلت لها : نجود ابوك طلقها من قبل لايموت وامك حتى العده ماوجبت عليها
قالت لي: واذاا ؟!! مافي شي اسمه وفاااء للعشره ..مافي شي اسمه حياا ؟!! اهي مااتبيك يااعمي لانك فيصل ال... الرجل الطيب الاخلاق العاليه المهندس... لاا هي تبي الغني راعي الملااييين هذا الي تبيه امي .. لو هي فعلاا كانت تستاااهلك والله كاان قلت تزوجها لكن لاا . لان الوقت الي بتطيح فيه ماارح تلقااهاا واقفه جنبك .. عمي تزوج ..تزوووج الله يخليك تزوج
ابتسمت : طيب وش يضمنك ان الي بتزوجيني مااارح تتركني لا طحت مثل ماتقولين ؟!!
قالت : عمي مافي شي بالحياه مضمون لكن المؤمن ماينلدغ من نفس الجحر مرتين
قلت لها : طيب بتدورين لي عروس؟!!
فتحت عينها مندهشه : قول والله بتتزوج ؟!!
قلت لها : ايه بتزوج
سألتني : تبي لطيفة ولا نوران ..شوف لطيفه حلوه وكيووت وطبعا متعلمه وحضريه ...نوران ملامحها مره حاده بس جريئة وعنيده .. احس لطيفه تناسب اكثر عمي ..ولا وش راايك خطبلك هنوف بنت ال...
قاطعتها : هي شووي شووي ...مااصدقتي .. نجود اتركي الرجه الي انتي فيها وركزي معي .. انا عندي مواصفات محدده
نجود تاشرلي باصبعها وهي رافعه السباابه : لحظة ... وفتحت شنطتها الكبيره وصات تنبش فيهاا
طلعت نووت صغيره من الشنطة .. عمي هات القلم
هزيت رااسي : مااشااءالله راايحه الجامعه وماامعها قلم
ردت : عندي بس مدري وينه .. هاااته
عطيتها قلمي : خذي
اخذته: قوول
سألتها : وش اقوول
ردت : الشروط يعني ايش ..وكتبت باعلى صفحة النووت الشرووووط



صعب جداا انك تحس انك مستغفل .. مخدووع ..هذا احسااس لطيفة كاان ..لكن نوران .. حست نفسها متعريه وسط شااارع مكتظ بالنااس .. والعيوون كلهاا تطالعها .. بس تعرفون وش اصعب من تعرية الجسد ؟!! تعرية الرووح .. صعب جدا تحس روحك مجرده .. ظااهره بكل مافيها من عيووب .. لو حسناتها بس هي الي تظهر عادي...لكن القبح ؟!!

× نوران×
كفهاا صعقني .. ماتوقعت انهاا تمد ايدهاا علي .. مااعرف ليش سوت كذا وماني عاارفه ليه حتى الان حاسه بشلل بكل اطراافي
لطيفه صاارخ فيني : ليش يااانوراان ليش ؟!!
رديت : انتي الي ليش ؟!! انا وش سوويت ياالطيفة
لطيفة بقهر وااضح وبعيوون محمره من تجمع الدمووع : ليه ياانوران اناا الي كنت مفكرتك طيبه ومحترمه تطلعي ...ليه يااانوران ؟!! مو حرام عليك ؟!! مو حرااام ؟!
قلت : وش الي حرااام .. ومسكتها من ايدها بقوووة .. تكلمي عدل
نفظت ايدي بقرف : لا تمسكييني .. انتي قذره . قذره .. مثلك مثل الاستااذ .. مثل ال.. . مااني عاارفه بيش اوصفهم .. غير انكم حشرااات ... لاا الحشرات احسن واكرم منكم يالملعووونااات ملعوووونااااات
مااقدرت اتحمل اهانتها لي مااقدرت اتحمل انهاا تجردني من قنااعي الخارجي .. ماقدرت اتحمل انها جالسه تكتشف السواد الحالك بداخل رووحي .. صرخت : انكتمي.... خسااارة يااالطيفة .. خساااره ياصديقتي .. معقول يااالطيفة انا تفكريين فيني كذاا ؟!! شلوون تصدقين عني هالكلام
صرخت علي : لا يااشيخه ..تلعبيين على نفسك او علي .. واسومه مااهي الجو حقك ؟!
انصدمت اسوومه ؟!! هي كمان لها دخل بالموضووع : اسومه ؟!!!
ابتسمت بقرف بوجهي : ايوا اسوومه ...اكيد تعرفينهاا الجو الي يبسطك ويفرحك القذره الي زيك ... الملعونه الثااانيه ..الي مفهمتهاا اني عشيقتك .. وبتتنقلي بيناا .. اناا الي اليوووم جااو يتحرشوون فيني لانهم فااهمين بفضلك اني على شااكلتكم .. طيب يااستي انتي نفسك وااطيه اناا اشلي ؟
ماكنت اعرف وش اقوول . كنت منصدمه من شلة الخراب بس صدمتي بصديقتي او الي كنت مفكرتها صديقتي اكبر واكبر ..ماتوقعت ان لطيفه تصدق كلااامهم عني .. بكل بسااطة .. يمكن جزء منه صحيح ..لا مو صحيح لاااني مب مثلهم وعمري ماارح اكوون مثلهم
حسيت ا لطيفة بدت تهدأ : نوران قولي الي قااالوه كذب ..قولي انك مو زيهم .. نوران انتي مو lesbian ليش ساكته جااوبيني ؟!
حسيت نفسي منقهره منهاا ودمي كلو محرووق بسبب شديد مسكتي على حمالة الشنطة : وش يفرق معاك ؟! انتي حاسبتي وحكمتي .. انتي مديتي يدك عليا واللحين جاية تسألين عن الجواب ؟!! انتي تستهبلي ؟!! لطيفة بيوم من الايااام كااانت لك معزة بقلبي ...لكن اليووم اني دمرتي كل صدااقتنااا ... تعرفي لو كنت lesbian شي مايخصك لانها ميوولي اناا ..اناا حره احب واااحد احب وووحده ماااااايخصك
فتحت عيونهاا فيي بصدمه : نوران حراام اناا خايفه عليك من عذاااب ربناا
ابتسمت بسخريه : مشكوورة nun "راهبة " لطيفة
ومشيت وتركتهاا ... تركتها وانا بركان بدااخلي .. حسيت اني انطعنت بظهري .. انطعت من صديقتي الي شكت فيني .. وانطعت غدر من اسمووه وشلتهاا ... اناا استاااهل .. اناا استااااهل ...بس اسوومه دواها عندي .. اتجهت للمكااان الي يتجمعووون فيه .. مكاان مستحيل احد يتخيل انه بالجامعه ..ومستحيل يجي ع الباال ..دخلت ولقيت الشله المعتبره بووضع ..ماايتصدق ..وووقفت اسوومه اول مااشافتي : نورااان حبيبتي


كانو بجو اقل مايقاال عنه انه جو خماااراات ومواخير ..ينقصهم بس المسكر .لتكتمل الحفله .. نااس بركن مو فااضيه تشبع رغباتها المريضه ..لدرجة انك ممكن تتخيل ان الي بالركن رجل وامرأة مو اثنيين مننفس الجنس وبنص مبسطه مجمووعه السجاااير بفم كذا وحده منهن

× اسومه ×
اول مااشفت نوران داخله ومعصبه عرفت ان الخطة نجحت اسرع مما توقعت .. طفيت سجارة الحشيش الي كنت اشربهاا بالطفاية الي جااايبتها من بيتي ... ووقفت وان متعمده افتح ازرااار بلووزتي العلووي ..واتغنج بمشيتي ...: هلا حبيبي ... ما توقعت تزورينا اليوم
ماادري وش الي صاار بس بلمح البصر كنت مثبته ع الجدر ..ونوران خانقتني ..وعيونها كلها شرر بشرر
حاولت خلود تفكني منها الا انها دفتها بقوووة .وحاولو البناات يتدخلوو الا نهاا شدت اصاابعهاا حولييين رقبتي بقوووة كبييره ... حسيت انفااسي رح تنقطع بين ثااانيه والثااانيه
قالت بغضب وحده : والله ان تقرب وووحده قتلتها سااااااامعيت ياابناات الكلااب
كلهم وقفوو يتفرجوو ..لان فعلاا لهجتها كانت كلهاا وعيد .. ومع طوولهااا وبنيت جسمهاا القوية رغم النحف اعطتها هيبةمخيفه كملت وهي تناظرني بحقد : انا يااسوم يااالحقيره تسوي فيني كذاا ؟!! اجل انتي عشيقتي وانا مادري ..؟! ليه قالولك زييك !! انتي ياامااماا شي وااحد ترااب ادوسة برجلي ..حتى الدووس كثير عليه .. مفكره بالي سويته ..بجي ركض عليك ..اصحي ياامااماا انا مستحيل اجيك لان الفرق بيني وبينكم يالحيوانااات كبييير ... انااا مو زيييكم فااااااااااااااااااااهمه موزييييكم ...ورجعت شدت زياااااده واناا احاااول افك نفسي بس موقاادره .... ولطيفة ان قربتوو منهم ..والله اذبحكم سااااااامعييييييين بذبحكم
وتركتني ومشيت طالعه .. اول مافكتني جريو البنات علي وبديت اكح احاول اخذ نفس ...كنت اتنفس بسرعه .. لكن مستحيل اتركها ترووح : نورااان ..انتي مثلناا مثلناااااااا طلعتي ولاا زلتي زيييناااا ... وبكرة رح تجيناا .. انتي جربتي شي واحد بس وشفناا ردت فعلك عليه ... وابتسمت بخبث وانا اتذكر شكلهاا بلقائنا الاول ..والبااااقي ماارح تصبرين عنه .. لو صبرتي ..اسبوع ... اثنيين ..رح تجيييني وساااعتها رح ارسك برجلي
التفت علي بعيون غضبانه مااتكلمت لكن الووعيد الاحتقار ..كان كاافي بكل صرراحه انه يزرع الخووف فيني ..عمري مااشفت الغضب بعييوون انساان مثل مااشفته بعيونها ..حتى التوعد الي قلته اعرف اني ماارح اقدر انفذه لسببين اولهاا اني مااعتقد انها بترجع .. نوران عندها مقاومه فضيعه ..رغم رغبتها الي تقفز من عيونها .وطبعاا ان جات مااقدر ارفضهاا لان عمري مااتنيت احد مثل مااتمنيت نورااان والي يحليها بعيووني مقاومتها والغرور الي يغلف شخصيتها



يتبع

وصل دوامه متأخر .. والي زاد الطين بله زي مايقوولون ان المدير كان طاالبه ..ماايعرف ليه المدير متقصده ..ودايماا ينزل عليه خصومات ويكلفه بعمل اكثر مما هو مطلوب منه

× مروان ×
مدري متى هالملفات بتخلص . وقت الدوام خلص وهي لسى ...شفت زميلي طارق يلم اغرااضه
قالي : مروان مطول ؟!
قلت له : مثل ماانت شاايف الشغل على رااسي
قالي : وانت ليه سااكت له ..يااخي قوله انك مب ملزووم بشغل غيرك
رديت : وان قلت له انت نااسي انه المدير وان كلاامه بيمشي ع الكل ..نااسي الخصوومااات الي على ظهري ..الرجال متقصدني كأني ماكل حلاال ابووه
طارق وهو يوقف عند البااب : الله يعينك عليه ..بتمرنا اليوم ؟!
سألته : في شي جديداليووم ؟!!
ابتسم بخبث : الي اليووم جاايبينهم طااازة بقرااطيسهم وغمزلي
ضحكت : اجل جاايكم اكيد ... وودعني وطلع
بعد ماخلصت من الملفات حطيتها على مكتب العله مديري ..طلعت متجه لبيتي ..الحين الله يعيني على مقاااابله وجه منالوه ... اوووف لو اني متزوجه وحده ثاانيه ..وحده من هذييل الي نشووفهم بالليل او الي يطلعون لنا ع الفضاائيااات كاان ياااسلااااااااااام
دخلت البيت واناا كاره لنفسي ..اووف الرجووع لذا البيت مثل الدخول قبر ..كئيب ماله حيااة ..بالضبط مثل الحماره الجالسه ع الكنبه
سلمت من غير نفس : سلام
ابتسمت وبينت ضروسها : وعليكم السلام ورحمة الله وبركاته
رميت الشماغ بوجهاا : انقلعي جهزي الغذا
وطلعت ابدل ثيااابي ...بعد ماغيرت ملاابسي ...لقيت بدر نازل ع الدرج ..جمد مكانه اول مااشااافني ..اووف منه يغث مثل امه ..سالته : وين رااايح ؟!
بلع ريقه بصعوبة : ال ..المسجد
اشرت له بيدي : رح ..رح ..وكملت بمصخره يالامااام
نزل جري ...وقفل البااب ورااه ... دخلت المطبخ لقيت مدام الهناا مجهزة السفرة اعدل شي بمنالووه انها طبااخه ممتازه هذا الشي الوحيد الي يشفعلهااا عندي ..لكن الاشيااء الثاانيه صفر .مثلهاا مثل الجداار .. تشوفه مزين ومرتب لكن كل هذاا ماايخفي ابد انه حجر بحجر ..مرصووفه فوق بعضهاا ..ومنال جدار بس جدار من البروود والجموود
جلست ع السفره وكالعاده غرفت لي الاكل ..اكلت من صحني وانا غير مهتم ابد لوجودها معااي ..مالي مزاج اتكلم معااهاا ولا انااظر بوجهها ... مع ان الكدمه الي بوجها تغريني اني ابحلق فيها ..يعجبني مظهرهاا وهي متعوره ..شي يعطيها حيااة ياكد لي انها بشر تحس هههههههه
سألتني : شفيك ؟!
اووف شكلي ضكت بصوت عاالي ولا حسيت بنفسي : وش فيني ؟!!
قالت لي: تضحك بصوت عالي و ؟!
رديت عليهاا : مجنون عندك اعترااض ؟!!
سكتت وماردت علي ..رميت المعلقه بصحن ..وقمت ..قلت : الحقيني بالشااي
تعمدت اني ماكمل اكلي .. بصراحه ماني جيعان ..ماكل قبل لاا اجي ...بس لاني شفتها تاكل معاي وشكلها جيعااانه حبيت انغص عليها واخليها تقوم وهي لسى مااشبعت
جلست بالصااله وفتحت تلفزيوون البلاازما ..وتنقلت بين القنوات ..لين مااالقيت قناة من الي يحبها قلبي .. تعرض لي الشقر والسمر ..امهات العيون الزرق والخضر ..حتى الي من جماعتناا يجبوونهم بس الله صدق حكااية ..لا قلت حريم صدق حرييييييييييييم
جات منال وحطت الشااي ..وكالعاده مدت بووزهاا يوم شاافت القناه ..اللحين بتبدأ محاضرتها الدينيه ..حرام ..مايجووز .. غض البصر ..الين ماتحدني امدايدي عليهاا



كانت منقهره وهي تشوف زوجها يطالع بالحريم ..كانت تشوف عيونه شلوون تلمع بالرغبه ..والاستمتاع .. نظرات عمره ماتوجهت لها ...عمرها مااشاافت بعيونه لا شوق ولا لهفه .. ماتشوفها الا للهابطات بنات الاعلااام القذر

× منال ×
حسيت بدمي يغلي بدااخلي : حرام ياامروان مايصير تطالع لهن .. هذوول محرماات عليك
رد من طرف خشمه : مااايخصك يازفت ...لا طلبت راايك ساعتهاا افتي لي
حاولت اتودد له : حبيبي انا ابي مصلحتك ..ومسك ايده انا مااابيك تتحمل ذنووب
سحب ايده منقرف مني : ودفني بعيد عنه : اشوف انقلعي ..بالله لو ماااطالعت بذيل بطالع بميين ؟!! لا يكوون فيك انتي بس ؟!! لايكون مفكره نفسك حرمه من الحريم ..تبين تعرفين من الحريم .. طالعيهن ..هذوولي الحريم .. طالعي شلون يتكلمن ..يلبسن ... طالعي الاهم اشكااالهن كييييف دلعههههن واااه من دلعهن .. اما انتي .. ماتفرقين عن الجدار الي وراااك..وطلع يناام
كان كلاامه جاااارح .. مؤلم .. اكثر ايلاام من ضربه ورفسه لي ..الكلام له وقع اكبر بالنفس ..كل كلمه يقوولهاا تنزل فيني طعوون .. لانهاا مو أي كلمه ...لااا .. كل كلمه احسهاا تنقاال بقرف باااحتقاار ..كل كلمه تأكد لي اني ولاا شي .. ولاااشي بعينه .. انا مجرد ممسحه يمسح بي الارض وقت ماابغى .. اناا اللوحه الي وقت مابغى شخبط عليهاا بالاحمر والازرق والبنفسجي ... على شكل دوااير او اثاار اصاابع ...اواناا ببنت الليل الي بلااش
بس انا استااهل .. خلي قلبي الي حبه يتأدب .. بس وش ذنبه قلبي بوقت الملكه هو كان غير ..مره غييره ..واللحين غييييييييييييييييييييير ..يااارب اهديه يااارب ..ياارب اصلحه لي



رجعت بيتهم وهي ترسم الضحكة على وجها .. جلست مع اهلها وتغدت معهم .. تبادلت النكت مع ابوها ونسيم .. تناقرت مع مشعل ..صارخت عليها امها لطولة لسانهاا وصوتها العاالي .. بس خلاص طاقة الاحتمال وصلت حدها .. دخلت غرفتهاا ... وبالظلام فرغت كل الي بداخها .. انفجرت بكى .. بكت وبكت ..

× نسيم ×
كنت طالعه غرفتي انام ..لكن صوت الانيين العالي .. جذنبني .يمكن هو مو عالي بالنسبه لشخص سليم ..لكن للاعمى كل حواسه الثانيه تصبح اقوى عشر مراات .. اتجه لمصدر الانيين الي كان غرفة نوران فتحت البااب .. وحاولت احدد مكاانهاا ...مشيت ومشيت وصلت لمكاانهاا جلست ع السرير وضميتهاا لي ...تعلقت فيني ..بالبداية كنت افكرها حلمانه : سألتها : نوران شفتي كبووس ؟!
زت راسها الي ع صدري ..بمعنى لاا
سالتها: طيب ليش تبكين ؟!!
ماردت علي ...بكيت شووي..بعدها قالت لي : نسيم انا تعبااانه .. تعبااانه
سالتها : طيب وش أي متعبك ؟! قوليلي ؟
ردت : مااقدر ..ماقدر
رديت عليها : شلون ماتقدرين ؟! انا مو نسيم ؟!! تؤامتك .. ومحد يقدر يفهمك غيري مثل ماتفهميني انتي
قالت بصوت تعبان : بس هالي فيني مااينفهم ..محد رح يفهم
قلت : جربي
سكتت ..يكن كانت تدور ع الكلمات ..ويمكن تردد .. ماادري .. احيان كثيره احس نفسي ماافهمها .. تكون شخصيتها غامضه .. محد يقدر يحدد الحاله أي هي فيهاا
قالت : انا احب البنات
رديت : طيب عادي ليه زعلانه
قالت بصوت محنوق :مو عادي ياانسيم مو عااادي
معقول ؟!! مستحيل يكون قصدها ؟!!...لا مستحيل

كان رايح ينام .. الشغل بالورشه ارهقه اليوم ومع الاستعداد لافتتاح ورشة جديده يحس انه شووي ماارح يقدر يتحرك من التعب ...يمكن لو حط راسه ع المخده يمكن ينام اساابيع ... لفته بااب الغرفه المفتووح والهمس الصادر منها

× مشعل ×
كنت اسمع همس ..والغرفه مظلمه . استغربت وش الي مجلسهن بالظلام ..قربت انا امشي على اطراف اصاابعي ..وقفت عند الباب وانا اسمع نوران تقول : مو عادي يانسيم مو عادي
نسيم : نوران وش تقصدين ؟!انتي
قاطعتها : انا شااذه
نسيم مالحقت ترد .. لاني انا الي تكلم : انتي وش ؟!!!
التفت علي ..وقدرت اشووف لمعت الخوف بعيوونهاا ... واهتزاز جسمهاا .. تقدمت لسريرها بقوة ومسكتها من شعرهاا : عيدي انتي ايش؟!!!
نسيم الي حاولت تمسني من كتفي ..وكانت بيناا ضاايعه : مشعل ..ماتقصد ...
دفيتها بعيد عني وشديت مسكتي ع نوران : عيديهاا يالوسخه ولا مو قاادره
اول مره نوران تكوون مستسلمه .. اول مره ماتقاااوم .. عيونها منكسره .. العيون الي بالعاده تنطق من التحدي اليوم انكسرت قداامي .. انهلت عليها ضرب .. كنت اسمع اهاااتهاا .. اسمع صيااحها .لكني مااتوقفت ولا قدرت اتوقف .. قدام عيووني مااشوف غير نوران بوضع مخجل ... ماحسيت الا ابووووي وهو يشدني بقووة من الخلف وصرخ علي : وخر عن اختك
امي جرت ع نوران المرميه ع الارض ..والدم يقطر من فمهاا : انخبلت انت ؟!!وش سوت ؟!
قلت وانا ازفر بغيض : اسئلووهاا .. اسئلوو المحترمه بنتكم .. اسئلووهاا
ابوي التفت ع نوران : نوران وش أي صاار ؟!!
ماردت عليه ..سال نسيم الي واقفه بعيد وتشهق بدموعها : نسيم وش صاار .. احد فيكم يتكلم ؟!
نوران صرخت : انااا شااااااااااااااااااااااذه .. ارتحتوو شااااااااااااااااااااااااااذه ... وصارت تخبط مؤخره رااسهاا بالجدار
ابوي كان واقف مصدووم ... وامي جمدت بجنب نوران ..كانوا مصدوومين .. وعيونهم عليها وهي تخبط راسها بالجدار اليين ماااطااااحت عالارض في نوبة من التشنجات
جريت عليها انا وابوي ...وحاولت امسكهاا .. الا انها تشنجاتها كانت قوية .. وبدأ الزبد يطلع من فمهااا ... ابوي الي قدر يحط راسهاا بحضنه لاجل مااتتاذى اكثر ...وحط عضمة سااعة بني اسناانها لانه خاف تض لسااانهاا او شفتهاا ..صرخ علي : اتصل بالاسعااف

/
/
/
انتهى
نلتقي باذن الله يوم الخميس القادم
واكرر الاعتذار عن تاخري

هلا بددوووو كيفك قلبي
اكيد عرفتي تيمااا صديقتك الصدوووقه ههههه
البارت روووعه والابداع فيه شي صراحه الظاهره اللي تتكلمين عنها اللي هي الشذوذ
ما شفت احد تكلم عنها باسهاب وتوضيح وشرح مثللك واثقه انا من هدفك التربويالعظيم وبنفس الوقت الهدف ممزوج بقصه مشوقه واجداث واكشناااات رهيبه
انا لسه عند كلامي منااال لازم تنفصل عن زوجها الاعمى المريض نفسيا والشاذ خلقيا
صج شذوذ اللي يخليه ينقرف من السحر الحلال وينجذب بشكل مرضي للحرام والقرف

انا صج تعجبني لطيفه مرررره بس موقفها الاخير ما عجبني طيب يا بنت الناس استفهمي اول تااالي استنكري وحقري فيها ع كيفك صج ان البعد عن الاشكال دي غنيمه وعشان لا تصيبها منهم لو الريحه بس ما عجبني هجومها ع طول ما جا في بالها ان اسووم الحماره حقيره وماكره وممكن تكذب عليها او ما جا ببالها انهم يحاولون ياثرووون بنووران وان نوران راحت معاها فضووول بس لو اعترفت لها نوران وقالت انها تبي هالشي ومو قادره تقاوم ذيك الساعه لها عذرها انها تهاوشها وتحتقرها وتقاطعها
اللي صار لنوران شي كبير اليوووم انها تفقد احب ما عندها

نوران لمن اعترفت وبهالصوت وبهالطريقه التشنجيه انا اعتبرها انها ابتدت تطلق صيخاات الاستغاثه وبشده يعني يا هلي حسوووا فيني عالجوني ترى انا اضيع وانتوا مو حاسيين
هي لسه فيها الفطره السليمه وجالسه تقاوووم وان شالله بتنجح
نووران خاطرت بنظرة واحترام وثقة اهلها في سبيل انه يحسسوون بها
حررررام هي من اول وهي تعاني من معاملتهم لهاا فكيف الحين

يا ترى اهل نوران بيتصرفون بعقل والا بهمجيه يا ترى بيتفهمون وضع بنتهم ويحاولون يساعدوها والا بيعتبروها عار يبوون يقضووون عليه والفكه منه

شوقتينا للبارت الياي ويعطيكي الف الف عافيه
ودمتي بالف خير