الفصل الثامن
" احاديث ومكائد "
حست باااحراج من جدهاا .. وهي ماشااء الله ماقصرت بحماس تصاارخ باااسمه .. مو كأنها بالشااارع ولا كان معه رجال ... وقفت بالحوش تنتظره الين يدخل وهو ماطول بسرعه دخل

×نجود×

قالي : ماتعرفين تقصرين صووتك .. فشلتينا قدام الرجال
بست رااسه : جدي الي يسمعك يقول بيفهم راح ولا نزل باكستاني ولا هندي
قالي : هندي بعينك الولد سعودي وبن حمااايل
استغربت : سعودي ؟!! والله ماايعطي شكله
قالي : يااقليله الحيا كنتي تخزين الرجال ؟!
توهقناا : جدي والله صدفه شفته .. تفضل ادخل
قالي : انا منتظر من الصبح متى تقلطيييني
قلت : جدي هااذا بيتك ماله دااعي حد يقلطك
قالي : مب بيتي ... بيتي بديرتي
امي اول ماشاافت خالها والي اناديه انا جدي احتراما ..وقفت على طول وكان شكلها متغير مدري عنها وش فيها كل مااشاافت احد من اهلهاا يتغير شكلهاا
امي : هـ ..هلا يااخالي
جدي : هلا ياااساااره
راحت تسلم عليه وتبوس راااسه..وقلطته
حطيت عباااتي بغرفتي مع كتبي .. ونزلت
لقيت جدي يشرب ما وامي مب موجوده معه
قلت : حياالله من جاااناا .. اسفرت وانورت
جدي : الله يحيك ياابنتي ..شلون دراااستك ؟!!
جاوبته : الحمدالله
سالني : وعمك وش اخبااره عسااه بخييير
رديت : الحمدالله عمي بخيير
سألني : يمركم ؟!!!
حسيته سؤال خبييث ..ولمحت امي وهي تمد السفره ع الارض ...تناظرني بعيوون محذره : ايه يمرناا ..طيرت امي عيوونهاا فيني .. استمتعت وانا اشوف الخووف بعيوونها .. اول مره اشووفهاا خايفه ومتوتره
كملت اجابتي على جدي الي وجه تكفهر : اكيد يمرناا يااجدي .. كل يوم تقريباا .. يجينا العصر ويقعد بالمقلط الخارجي معااي
حسيت ملامحه بدت ترتخي .. كملت : جدي لا يكون مفكره يدخل هني ويجلس بالصاله
قالي : وليه ماايدخل لا تنسيين ان البيت بيته
رديت عليه : والبيوت لها حرمه ياااجدي .. هو بيت عمي بالاسم بس .. لكن هو بيتي وبيت امي ..وعمي مايجيناا الا مثل الضييف
امي : خالي تفضل الغذاا
تغدينا وبعد الغذا .. جلس جدي يشرب القهوة .. اعرف الناس تشرب شاي الا جدي يشرب قهوة بعد الغذا
جدي سال امي : هاايااسااره بعدك تبين تعيشين هناا
امي : خاالي تكلمناا بالمووضع هذاا من قبل
جدي : يعني انتي عاااجبك جلستك هني ورجال متفضل علييك .. ترى منا بعجزانيين عنك
قلت له : جدي وين تبي امي ترووح وتخليني
جدي : انتي مره كبرتي وعمك عندك .. لكن امك مكانهاا هني غلط بغلط
امي : بس يااخالي انا مالي استعدااد اترك بنتي لحالها
بنتك ؟! تصدقوون كان ودي اضحك .. اعرف ان كلاامهاا ابد مو من قلبها وانها تقوول كذاا بس لتقنع جدي يقفل المووضووع ومايفتحه معهاا .. تخااف ترجع للديره وحياة الفقر
جدي : بنتك مثل ماقلت بتتزوج وتتركك ..
امي: بس بنتي مب مخطوبه ومابنزوجها الا بعد درااستها
جدي : أي درااسه ... البنت طلعت ولا نزلت مكانها البيت ... اتركي عنك الكلاام الي مامن ورااه فااايده وزوجو البيت لاجاها رجلن طيب .... وتشكون بعد يااهل المدن ان بناتكم مايعرسن




كانت بغرفتهاا .. من رجعت من الجامعه استقرت بهااا ....ورفضت تتغذا بحجة انهاا شبعاانه .. والصحيح انهاا حتى اللحين بطنهااا تغصهاا وحااسه بقرف ... حتى اللحيين ... ماافااقت من الصدمه .

× نوران ×

يالله معقول الي صاار ؟!! معقول تكون بالوقااحه هااذي ؟!! بالله ياانوير تستهبليين يعني اخذتك ولا كلمتك ليه عشان تقطعو بصل ؟!! انا استاااهل ..وربي استاهل محدن قااالي ارووح معااهاا ...وووجع مسحت شفاااتي بكم بلووزتي بقووووة .. ..اكثر من مره ...مقررفه ... منحرفه .. حقيييييييييره
ثاارت بدااخلي اسئلة واستفهاامااااات
سمعت صوت يرد علي ...طيب انتي ليش زعلانه ؟!!
انتي الي رحتي لها برجلك
وانتي الي جلستي معهاا
وانتي الي اعطيتيهاا الفرصه للتماادي
ليه منقرفه ؟!!
نوران صاارحي نفسك ...ليه ماتقوولين انك كنتي مبسووطه
مبسووطه ؟!! مستحيل انبسط هذاا حراام الله العظيم حراااااااام
رد الصوت علي بحده : بلاا حراام بلاا بطيييخ
قوولي انك خاايفه . قولي انك جباااااانه
صرخت وانا اكلم نفسي : مب جبااانه ... مب خاااايفه
رد الصوت علي : خخخ لا صدقتك .. انتي خاايفه لطيفه تكتشف المووضوع .. خاايفه تنقرف منك وتبعد عنك
وماعندك غير كلمه حرااام تتحججين فيهاا
قال حراام قاال . الي يسمعك يقوول الزاهده العاااابده وانتي من جنبهاا
نوراان انتي انبسطتي ... لا تنكري احااسيسك
انبسطتي وانتي تشووفين اسومه شلون متزينه لك
لا يكون نسيتي تغنجهاا ودلعهاا
ولا نسيتي رنت صوتها المبحووح ..
بالله مااثر عليك ؟؟
ولا نسيتي ال...هههه ماله دااعي اقوول مفعولهاا لسى ماارااح رجعت بسرعه امسح فمي ..بقووووة اكثر . كنت احس شفااتي بتتشقق تحت تاثير المسح
رجع الصووت : ههههه لا تتعبي نفسك الي صااار صاااار
نورااان لاا تهربي ترى ماالك مهرب .. انتي طحتي وخلااااص
الجرعه الي اخذتيها كفيلة ترجعك مره ثاااانيه
ورح تجي بنفسك تدورين ع اللذه حطيت ايدي على اذوني امنع الصوووت يووصل لهاا . بس الصووت كااان مستمر

الصوت كان من داخلي
كان عاالي
متشمت
كلامه يوجع
معقول برجع
لاا مستحيل
انا مو كذااا
اناا مب قذره
اناا مو مثلهاا
ايه مو مثلهااا
اناا نظيفة
ايه نظيفه

ضحك الصووت بقووة :ههههههههههههه نظيفه ..؟!! انتي نظيفة ياانوراان ؟!!
اذا النظافة انتي اجل القذاااره ميين ؟!! لا يكون نسيم ولاا نجود او يمكن لطييفه
بس ..بس ماابي اسمع..بس
ليه مااتبين تسمعيين ؟!! تخاافين تكتشفين وااقعك ؟؟!
تشووفين نفسك مجرده من كل اعذاارك
تشووفين نفسك على حقيقتك
على فكرة تدرين وش حقيقتك ؟!!
انتي كتلة من البشااعه
زِينَتَها مشاعر قذره
قذره بقذارة النجاساات
قذرة بقذارة جيف "جثث" الحيوانااات
قذاارة بنات الليل
لاااا ..بنات الليل لااا
تدرين بنااات الليل الي يسونه فطري
ايه نوعا ما فطري
لكن مشااعرك ..هههههههه

بس ..بس ..يكفي والله يكفي
تكوورت ع السرير وضميت جسمي بديييني..
بكيييت ...بكييت كثيييير
الصووت رجع . ابكي نوراان ابكي
يمكن ترتااحي شووي
بس هاا اعرفي .شي مهم
الدمووع عمرها ماتغسل القذااره

شفت جووالي يهتز قاادي ..وصوت النغمه مالي المكاااان
النغمه كانت مميزه خااصه بلطيفه لحااالهااا
مااتجرأت ارد عليهاا .. ماابي ارد عليهااا
رجع الصوت لي من جديد : ليه ماااترديين ؟!!
تعرفي احسن شي تسووينه انك مااتردين
اتركي البنت لحالها... اتركيها مثل مااهي
نظيفه
طااهره
سووية
لاا تدنسيهاا بقذااارتك
يااالقذره





وصل البيت متاخر عن وقت الغذا ... كله من ذاااك الشااايب .. طبعا اهله كانو تغذو وخلصووو ... ماعجبه الاكل المطبووخ فقرر يطلب بيتزاا ولان نوران بعد ماتغدت ..حب انه يااكل معها ويبسطها شووي

× مشعل ×

فرصه حلو وجات من الله .. بطني تعبت من اكل البيت المطبووخ وياااحب امي للبهااارااات ...تقوولون هنوود
طلبت بيتزا اكستراا شيز .طبعا نوراان تموت بالجبن
اخذت كرتون البيتزا الحااار وطلعت لغرفتهااا اول مااوصلت عند بااب غرفتها الي كانت بنهاية الممر
سمعت صووت صرااخ ...فتحت البااب بسرعه ورميت البيتزاا ع الارض
كانت نورااان ع السرير ولااصقه بالجداااار وضاامه رجولها لصدرهاا ...وتهتز بقوووة
قربت منهاا وانا اشووف وجههااا الدموع اختلطت فيه بالعرق ..
مديت ايدي احااول امسح عليها الا انهاا دفت ايدي بقوووة
نوران : ووووخر عني .. وخر ..لا تقرب
احاااول اتمااسك وماابين خووفي من حالتها الغريبه : نوراان هذاا انا مشعل
زاادت التصااق للجدر : وووخر عني ..
مااهتميت لهااا ..سحبتها بقووة وسط ضرباااتهاا القوووية .. وضميتهاا لصدري بقوة
اخذت وقت الييين مااهدت ..ولين ماااوقف جسمها عن الارتجااف
حسيت بدموعها تبلل صدري
وماكان على لساانها الا جملة وحده
رددتهاا اكثر من مره وكل مره تكون بحرقه اكثر
كانت تقول " ابي اموت "
كانت منال وااقفه عند البااب والهلع بااين على ملاامح وجها
منال : وش فيهاا
هزيت رااسي : مااعرف
قربت منال منهاا واخذتها بحضنهاا ..وسط استسلاام نورااان
وبدت تقرأ عليها ايات الرقية الشرعيه
بذا الوقت فكرت ان نوران يمكن تكون ممسووسه
لان وضعها مو طبيعه .. تقريباا كانت غايبه عن الووعي
عيوونها صح مفتووحه لكن ادرااكهاا منعدم
كانت اشبه بلعبه حركنااهاا انا ومنال مثل ماابغيناا
اخيراا نااامت قااالتهاا منال وهي تاشر لي ابتعد عشان تمددها
ممدناها بسريرهاا وغطينااااهااا
حطيت لها البيتزا ع المكتب وطلعنااا
منال : وش الي صااار ؟!
جاوبتها : ماااادري دخلت الغرفه وكانت ترتجف
منال : اكيد كاانت تحلم
قلت لها : مااعتقد هذاا مو تاثير حلم
منال : وانت وش دراك ؟
قلت لها : منااال بالله عليك في احد يكون مفزووع ومرتجف بهالطريقه منال اخاف تكون ممسووسه
منال رفعت حاجبا : ممسووسه ؟
جاوبتها : ايه ممسووسه وشفيك تناظريني بنص عين
جاوبتني: لو ممسوسه ياذكي كاان هاجت واناا اقرا عليهاا الرقية
هزيت راسي : اهااا
منال : ويين غدااك . ؟
رديت : مالي نفس له ..انا بروح انام يقول الله اكبر العصر صحيني
منال : ان شااء الله





جلس بوحده من الطاولات الخارجيه للمقهى .. حب يستمتع بالجو الحلو لايطالياا ..كان شكله غير عن المعتااد استبدل الثوب الفخم والشماغ بملابس شباابيه اكثر اظهرت اصغر من سنه بكثيير ... مظهره مااكاان يختلف كثير عن مظهر اهل البلد .. فالرجل الايطالي معروف باناااقته الكبييره ووسامته الطااغيه الا ان فيصل بسحره العربي وملامح وجهه الخشنه اضافت له الكثيير واجبرت حسنااوات ايطااليااا يبحلقون فيه

× فيصل ×

وصلت روما تقريبا 4.30العصر .. رسلت شنطتي للفندق .. ورحت اتمشى بساااحات روما.. استقريت بساحه نافونا.. وهي ارووع السااحااات بالنسبة لي.. جلست بمطعم ..ع الطاولات الخارجيه ..حبيت استمتع بالجو الحلوو ..صحيح يميل للبروده لاننا على مشارف الشتاا .. شربت الكابتشينو على مهلي واناا انتظر صديقي حمد وهو رجل اعمال تعرفت عليه بمؤتمر بدبي .. حمد سعودي واختار ايطالياا مكان لشغله لانه وعلى قوولته مكااان متطور وعقلياات الناس منفتحه ..طبعا أي احد مكانه صعب يعيش بايطالياا الغااليه جداا حتى على الاثرياا وعيال العز تعتبر غااليه عدا عن شعبها الحمدالله والشكر يمووت ع المظااااهر والفشخره
رفعت عيني اشووف الطريق ..يمكن الاخ يكون شرف .. الا ان عيني جات بعين ايطاليه جالسه قدااامي
زين والله اني لاابس نظاااره شمسيه ولا كان عيوونهاا عمتي .. لاحول ولا قوة الا بالله الحيا منزووع نزع منهااا ..كانت عيونها تتاملني بكل وقااحه ..وابتساامتهاا تحمل ايحاء قذر ..لفيت راسي الجهه الثاانيه متجااهلهااا ...سلام الله على بناااتنااا ...ع الاقل الوحده منهن تستحي تبحلق بذا الشكل الوقح .. بناتنا ؟! ياافيصل لا تغالط نفسك بناتناا سااارن على نفس الدرب .. زماان ماكنا نسمع صوت البنت بالاماكن العامه اليووم صرناا نسمع صووت الضحكاااات يرج المكان رج .. البنت كانت ترتجف يوم يمشي وراها واحد يعاكسها اليوووم الارقاام انكتبت ع العبااياات والبنت صارت هي الي ترقم مو تترقم .. مر ببالي موقف صااار من اسبووعين تقريباا كنت مع نجود بواحد من المولات ..حبيت انها تغير جوو وتنبسط ولاني اعرف الحريم يموتون ع السوق اخذتها تقضي ملابس لجامعتها .. كنت وااقف برى واحد من المحلاات واستحيت ادخل لان المحل كله حرييم .. هذا الي باقي ادخل بين الحريم ...لفت نظري بنتيين كانو وااقفيين عند البااب ..وكان واضح انهم موااعيد لانهم يلتفتون كل شووي حوولهم ..ويهزون رجوولهم سمعت وحده فيهم ترد ع الجوال وتكلم خويها : حبيبي مااقدر اتااخر ماما بعدين تشك فيني
خويتها تلقنها الكلام : قوليله حنا قدام .......... خليه يجي ويخلصناا
حسيت باشمئزاز منهم ... وربي تمنيت امسكهم وادوس بطن كل وحده منهم ..لكن بالنهايه اناا مالي حق .. شفت فجاءة شاااب يجي والبنت بكل بساطه تركت خويتهاا وشبكت ايدها بيد الشااب ومشت ..الثانيه كانت واقفه وتبحلق فيني .. مالت عليها اكيد فكرتني اطالعها ومعجب بهاا
تقربت مني بكل وقاااحه : ممكن نتعرف ؟!
طالعتهاا بقرف : مابقي الا الحثاله .. ومشيت باتجاه المحل
قالت لي: على ايش شاايف نفسك احمد ربك عطيتك وجه ماكذب من قال اعور ومنقور
بوونا سيرا.. التفت ع مصدر الصوت وكان حمد واقف ورااي بالضبط
لف وجلس قلت له : يمكن اخذت كل شي من الاجانب الا دقت موااعيدهم عربي ميه بالميه فيها
ضحك : معليه ياارجال راحت علي نومه
قلت له : أي نوومه ياارجال ...ابي افهم انت شغلك من يديره لك وانت ياابرحلاتك ياابحفلااتك يااانايم
رد : انطوان افكورس
قلت له : مدري شلوون ترتااح له اناا ابد ماابلعه
جاوبني : مو ضروري ترتااح له .. كم بتقعد هني
جااوبته : يعني ثلاث ايااام اسبووع ان كثرت ابي انهي صفقت دون بيكاديلي وابي اشتري كم فرس اصيلة للمزرعه
قالي : صفقت دون بيكاديلي صدقني رح تاخذهاا بالرااحه .. انت سمعتك ساابقتك ويليام يمووت ويدخل السوق السعووديه .. لكن طبعا ماايبي أي شركة يبي شركة معرووفه وانت بعد مشرووع الجوهره اثبت للكل انك مصمم محترف ..وهم يبوون شخص بوزنك يجمل واجهتهم
تنهدت : الله كرييم
رجع كمل : على فكره ليه بتشتري خيولك من هناا ؟! اشترها من السعوديه او الاماارات ارخص لك
جااوبته: ابي احسن سلااسة الخيول الي عندي .. في سلاالاات مب موجوده بالسعوديه ولا الاماااراات
قالي : لو انا مكاانك كااان اشتريت من مزااارع الاصاله ..خيولهم من اجود السلالاات ...وعندهم فحل دفعت فيهم اربع اضعااف قيمته لكن عيو يبيعوونه .. هذااك بس لو اخذه بكسب من وراه ذهب
جاوبته : اعرف المزرعه .. سمعت بهاا وبجودة خيولها ..لكني مااقد تعاملت معهم .. اغريتني اتعامل معهم مع اني مااعتقد ان عندهم سلالات اوروبية
حمد : خيوولهم كلها سلالات عربيه اصيله وعندهم كم سلاله مؤصله تعرف الفحل الي قلت لك عليه سلاله اكحل تيكي
جاوبته : اكحل ..نادرا مااتلقى سلاالة ايرانيه بالجزيره
حمد : وانا ليش ابيه .. المهم لاتنسى حفلة الليله
رديت عليه : مانسيت سنيوور
حمد : اجل قم ياللا
سألته : على ويين ؟!!
جاوبني : ماااتبي تاكل ؟!
قلت له : الاا بس ليه نقووم ؟! خلنا ناكل هنا
رد : لاااا ؟! قم بناكل ببيتي وفرصة تتعرف على سنيورا فاضل
رديت : سنيورا فاضل !! لا تقولو تزوجت من جديد ؟!
ضحك : هههه ايووااااا
هزيت رااسي: حمد ارحم نفسك كل يوم والثااني متزووج اناا من اخر مره جيتك تزوجت ثلاث
حمد : اتزوج او اروح بالحرام ؟!
قلت له : لا هااذي ولا ذي ..يااخي لو تبي تتزوج خذ وحده بنت ناااس وكمل حيااتك معاهاا مو تبدلهن مثل مااتبدل قمصاااانك
ضحك : هههه حلوووه ..اسمع فيصل انا واحد امل .ماحب الروتييين .. واحب اغير الوجيه اوحده من ذولي الحريم لا قعدت معي سنه تعتبر انتيك وانت تعرفيني اموت ع المودرن ولاتنسى الوحده منهم ماتخرج فااضيه من الزواج بنات الحمر يضمنون نفسهم زيييين
قلت له : اموت واعرف وش يعجبك فيهن
رد : وش يعجبني ؟! يااصحابي يكفي اني معاهم احس نفسي ببستان .. ابي شقراا أبي صهبا "شعرها احمر " ابيها سمراا . . تبي العيون برمادية السحاب بالليل او بزرقة ما البحر او خضرة بساااتين ...ولا تبيها بلون الشهد ..بالعربي اشكاال وانوااع والواحد يختار الي على مزااجه .. مب مثل الي عندكم شكل واااحد والوحده منهم تطلع روووحك ولا تشوف شي منهااا .. الي يشوفهم يقول ملكات جمال وهن ياربي لك الحمد
ماعجبني ابد طريقة كلامه : اللحين ياااحمد بناتنا ماصاارو يعجبوون ؟! وبناتهم ملكات ؟! منطقك غريب وتبي راايي اعتبره سخييف .. مب احنا الي نترك بناتناا مثل لوحات المعاااارض .. كل من حب ..جا ومتع نظره مثل ماابغى .ووقت ماايشبع وتتعود عينه .. يتركهاا مثل ماااهي ..وينتقل للوحه ثاانيه .. وثالثه وعااشره ..البنت يااااحمد .. رووعة بحجاابهاا الي تستر نفسها به ... ويزيد جمالها جمال ... وااذااا انت ماايعجبووك الا الشقر والحمر . الف غيرك يتمنى نظرة من لابساات السوااد ...
رد :فيصل قفل المووضوع والي يعاافيك مب ناقص فلسفه
قلت : سكوزا سنيور ."اسف "....



ضحكت هي تحكي لصديقتهاا على مووقف نووران .معهاا .. والحياا الي كان مغلفها ... كانت تستمتع وهي تذكر كل كلامها ومعها حتى صفعة الخد كان لها لذه جميله

× اسومه ×

ضحكت : ههههههه....لو شفتيها كيف كانت مرتبكة تجنننننننن
ردت علي ريما: مااتوقعت انها خاام
جاوبتها : يااريت بس خاام الا جاااابنه كمان
ريما: اسومه لسى تبغيها
رديت : اكيد ابغااها . يااقلبي مو بس ابغاها اناا احبهاا
صحبتها : توك تقوولين خاااام وجباانه
رديت عليها وصورة نوران قدام عيني : كلنا كنا يووم خااام .. وصرناا خبره... ونورااان مو رح اخليهاا خبره لااخليهاا بروفيسووره وقوولي اسوومه قالت
قالت لي: اسوومه تعرفي ان محمود ميت عليك
جاوبتها : اووف يااربي اذكري حاجه عدله .. مااادري كيف جميلة متحملتهاا ... انا بس اشوفه بالسكشن انقرف اوووف ...مره ماتحرك مشااعر فيني عدا القرف
ردت علي : لا تتدلعي.. صدقيني نوران مااارح تجيك مره ثاانيه .. البنت اعطتك كف
قلت لها وانا اتحسس موضع الكف : حبيبتي هذاا كف الرغبه ..وحبيت اغير الوضووع .. كيف موعدك مع فاطمه ؟
صفرت بطرب : صوووو روووووووعه يااااااسوومه .. انبسطت الين قلت امييييين ... احلى شي امهاا .. سلمت علي وطلعتني بيدهاا لغرفتهاا ولاعااد شفنااهااااا
ضحت : ههه اكيد ماتبغى تشغلكم عن المذاكرة يالفالحين
ضحكت بخشونه : هههههه اكيد ختمناا المنهج كااامل ...اقول اسومه بقفل فطووم تتصل
رديت : من حقك ... بااااي
قفلت من ريما ... مسكت لاب توبي وفتحت موقعي المفضل .. موقع واااااو ماااقدر اووصفه ... فيه كل شي
صووت وصووره ... الموقع هذاا بس عشان ادخله تعلمت كسر البلووكااات ..ونزلت اقوى البرااامج ..بس عشان او لهاا ..على طوول فتحت ..قائمة التنزيلات الجديده .....واااخ من الي شفته...جد متعه حقيييقيه ...ليت نوران كانت معاي ....اااخ بس لو هي موجووده كااانت احلوووت الجلسه ...اكثر و اكثر ...سمعت طرق ع البااب بسرعه .. قفلت نوافذ اللاب تووب وسكرت الشااشة ..
عدلت جلستي وفتحت الكتاب الي قدامي : ادخل
كانت امي واقفه عند الباااب وعبايتها عليهاا : اسومه تذاكري
رديت: يس.. خارجه ؟
امي : ايه معزومه ببيت ام بسام ..تجي معاي
قلت لهاا : لااااا
امي وهي ترمي بوسه من بعيد : لاتسهري كثير ..انا بتاخر





استغربت من نوم اختها كل هالفتره .. اتوقعت انهاا ممكن تكون تعباانه من تمرينات الناادي .. الدوري خلااص مابقي عليه شي ... البيت مره هاااادي ... العاده يكوون مليان حركة ونشاااط ...والمفروض ان صوت صرااخهاا وحماسها مع اللعبه وااصلهم .. مخترق كل الجدرااان ..

× نسيم ×
سالني ابوي : نوران ويين ؟!
جاوبته : ناايمه
ابوي : نايمه اللين اللحييين ؟!! صرنا العشا
منال ردت : يبا تعبااانه
ابوي : واذا تعباانه مااتصلي
قلت له: بقووم اصحيهااا
طلعت لغرفتهاا ..ووطقيت البااب ماردت علي ..فتحته ...وعديت عشرين خطوة وصلتني لسريرهاا الي لاصق بركن الغرفه ...جلست على طرف السرير ..وناديتها اصحيهاا :نوران ..نوران .واول مالامست ايدي كتفهاا .. حسيت بهزة قوية بالسرير ...شكلها مفزووعه ....حاولت امد ايدي اتجاها والمس كتفها ..اهديهاا ...صوت تنفسها كان عااالي مره
همست بسمها : نوران انتي بخير؟!!
ماجاوبتني : حسيت بها تطوقني من خصري وترمي راسها بحضني ..كانت متمسكه فيني بقووة ...شكلهاا شافت كابوس ...هالحركة تسويها داايم لما كنا صغاار... كانت غرفتنا مشتركة.. وكانت كثير ماتصحى بالليل مفزووعه وتجي تنام بسريري .. او تصااارخ واقوم لها وتدفن نفسها بحضني ...ماااتغيرت ...كبرت سنين عمرهاا...لكنهاا على نفس الحاال الطفل الصغيره
بعد ماحسيتها هدت : مااااتبين تصليين ؟!
جاوبتني : ليه اذن العصر؟!
قلت لها : نوران العشا مااذن من زمان قوومي صلي
قامت بسرعه : ليه مااحد صحااني .. حرام عليكم نمت عن صلااتي
قلت بصوت عالي : حبيبتي كلنا صحيناك منال وامي وحتى بدر يااعيني طلع وصحاك لكن لا حياة لمن تناادي
سالتني : وووين بدر
قلت لها: تحت جالس ..مسكين مو لاقي من يلعب معاه ...مشعل برى وانا على قولته وقلدت صووته..خاله انتي ماتشوفين كيف بتلعبيين
نوران : اما قليل الحياا .. اربيه ولد مروان
قلت : صلي يكون احسن
اول ماسمعت تكبيرتها ... مشيت عشرين خطوة وصلتني لباااب





اخذت صينيه الشااي .. وحطتها بالطاولة في الصاله ..ورجعت للمطبخ تجيب المواالح ..يوم رجعت لقت رهف ماسكة فنجان الشااي .... وامهاا ماقدامها شي

×لطيفة ×

مره تنرفزت منها ..لو ماكانت امي هيا الي طالبه الشاهي .كان قلت ماتبغى ... حطيت صحن المعجناات قدامي
صبيت لامي الشاهي : ها ياامي ...وحطيت لامي معجنات بصحنها
رهف شمقت فيني وفهمت اني تعمدت مااعطيها ..قامت ومدت ايدها تبغى تااخُد اول ماقربت ايدها من الصحن خبطتها بقوة
رهف: ووجع
رديت عليها بابتساامه : يووجع قلبك يااابعيده
امي : لطيفة
رهف : شايفه يااعمتي بنتك
هزيت رجلي الي حاطتها فوق بعض : اشبها بنتها "شفيها بنتها " ماهي ممليه عينك ؟؟
امي : لطيفه مالو داعي الكلام هداا
رهف : شايفه ياعمتي بنت كيف تجُر شَكل ..وبعدين تقولوون عليا مشكلنجيه
فتحت عيني فيها :اناا الي اجُر شكل ؟!! من جد عينك قووية
ردت علي بصوت عالي : انا عيني قوياا ولا انتي الي تبغي أي شي عشااان تكرهي اخوكي فياا وتخلي عمتي ماتحُبني ...انتي وحده غيووره وحقووده
قهرتني : هي لا تصرخي ...اخويا اشبعيبوو ....وامي الي تبيها تُحُبك احترميها اول شي ..
حطت ايدها على خصرها : ايش قصدك ؟!! انا مااحترم عمتي .. يعين اهلي ماااربووني هادا قصدك !
جاوبتهاا : انتي لو تعلميت الاحتراام مااكااان جلستي واديتي امي ظهرك .. ولا كان شربتي شااي من غير لا تمدي اول فنجااان لهاا ..ولو اهلك علمووكي الاحتراام ..ماكان وقفتي تشردحي زي شراااديح الحوااري





استغلت دخلت زوجها عليهم وقلبت المعركة كلهاا لصااالحهاا . ماافي شي اسهل من لعب دوور الضحيه والي يسااعد اكثر دموع التماااسيح الي جااهزة لدعم المووقف

× رهف ×

اول مااسمعت صوت الباب ..قررت انتقم من لطيفه
تعمدت اصطنع الصدمه والتاثر: انا شردوحه ؟!! انا اهلي ماااربووني ؟! شايفه يااعمتي شاايفه
عبدالعزيز : اشبكم صووتكم واصل الين اخر الشاارع
جريت عليه : تعال يااعبدالعزيز شووف اختك تُسبني وتسب اهلي
عبدالعزيز : لطييفه
ماردت عليه كان وااقفه وتهز رجلها بعصبيه وضامه يداتها على صدرها
ام عبدالعزيز : عبدالعزيز ماصاار شي مرتك تباالغ
مالت عليها العجوز الكركووبه : انا اباالغ ياااعمتي الله يسااامحك
والتفت على عبد العزيز : اسألهاا ياااعبدالعزيز اسألهاا مااقاالت علياا شردووحه واني مااعرف الاحتراام ولا واصطنعت البكاا ..انا مايهمني الكلام الي تقولو عليا لكن اهلي لاا ماااحد يجيب سيرة اهلي
عبدالعزيز : لطيفه ليش طولة اللساان ؟!
جاوبتو : انا مااطولت لسااني الا لان مرتك طولت لسانهاا وصاااحب الدقة يستلقى
رديت بانفعال : انااا طولت لساني ولا انتي الي سويتي مشكله بس لاني كنت ابغى اكل من معجناااتك
عبدالعزيز : دحيين المشكله هاذي كلها عشاان اكل من جدكم انتو
قلت له : ايووااا اختك اول مااحطيت ايدي ع الصحن ضربتني وعمتي شااهده
التفت على امه : امي
قلت له : وي ياااعبدالعزيز تسألها انت كمان مو مصدقني
وجريت على غرفتي : انا مالي جلسه بالبيت هااداا
دخلت غرفتي وطلعت شنطتي ورميت حوايجي فيهاا
عبدالعزيز : ايش تسوووي
رديت : الووم حوايجي انا ماني جالسه اكتر بالبيت هااذا
عبدالعزيز : بطلي شغل البزووره
صرخت : شغل بزوره اختك تهزئني وتشتم اهلي وانت تكدبني وتبغااني اجلس ؟! حبيبي انا ارجع بيت ابويا احسن لي ع الاقل اقعد معززه مكرمه موهناا زي الشغااله اكنس وامسح ويااريتو يتمر
سالني : ليه مايسااعدووكي
جات فرصتي .جلست ع السرير ودخلت بنوبة بكاا : يسااعدووني . .. انت لو تشووفهم لما تكون برى كاان ماسألت هدا السؤال .. لطيفة وشفتها بعينك .. اما امك .. الله يسااامحهاا بس .. انا اتحمل واقول مااعليه اصبري ياابنت هياا مهما يكون بمقام امك .. بس يااريتوو ناافع ..بس تصرخ علياا..وتهزئني ولماا تشووفك تسوي نفسها طيبه .. الله يسااامحها بس
كان بااين عليه انو مصدووم : مو معقووله
رديت : من حقك ماتصدقني هما اهلك وانا يادوبك مرتك
عبدالعزيز : رهف حبيبتي صدقيني اهلي مو كدا بس انتي تفهمينهم غلط وامي تبغى مصلحتك اكيد وبعدين انتي ماتحُبيني مااتتحملي اهلي عشااني ؟!
قهرني الغبي: اسمع ياااعبدالعزيز امك على عيني ورااسي وزي ماقلت لك في مقام امي لكن لطيفه وطولت لساانها اناا مااتحملهااا ..عشان كدا يابن الناس كل واحد مننا يرووح لحاالو
جاوبني : لطيفة يااستي رح تعتذر لك ايش راايك ؟!
انبسطت : طيب تعتذر ودحييين
طلع للصااااله وفجأة سمعت الصوت يعلى وقفت اتنصت
عبدالعزيز : تعتذري لها غصبا عنك
لطيفة : هيااا خذلك .. اعتذر مااني معتذره ساامعني واذا تبغى تروح بيت ابوها ..رفعت صوتها زيااده الباااب يووسع جمل
عبدالعزيز : يووسع جمل بعينك يااقليلة الادب ..وجا صوت الصرخه عااالي
فتحت البااب : لاايااعبدالعزيز ايش سوويت
لطيفة كانت عيونها محمره .. وخدها احمر .. وعمتي مصدووومه : تضربني عشاانها ؟!
قالها : واكسر عظامك كمان
ماردت لطيفة طلعت على غرفتها جري


تركزت انظار الاغلبيه على الداخل من البوابه .. خصوصا اعين النساء .. اجبرهن بعيونه الحاده وخشمه الطويل .. مع عواارضه الخفيفه ...اعطته وقاار ... شعره..كان طويل شوي يوصل لشحمة الاذن ..لكن ابد ماتحس بطوله تميع ..بالعكس كان مرتب ومقصوص بعنايه... كان لابس بدلة سودا من تصميم فيرسااتشي .. خطا اول خطواته باتجاه الشايب ..خطوات رزينه .. تساعده فيهاا عصاااة سودا .. الزخارف القضية الدقيقه قسمتها لثلاثة اثلات ..تقدم باتجاهه رجل باواخر الخمسيين ومتعلقة بذراعه حسناء عشرينيه مااترددت لحظة تكبح جماح نظراااتهاا العطشى..وتباادره بالتحية " قراسيا كارولينا دي اورلاندو "

7
7
7
انتهى

ملتقانا باذن الله .. بعد الامتحاااناااات << سوووري انا مضغوووطة جداااااااااا

يعطيك العافية بدوية

بجد حالة نوران تحزن

يارب تريحينا من الالم اللي نعيشه مها بفرحتها

البارت
عجيــــــــــــب
روعـــــــــــــــــــــــة
جنــــــــــــــــــــــــــــــــــــــــــنان
يهــــــــــــــــــــــــــــــــــــــــــبــــــــــل
رهــــــــــــــــــــيـــــــــــــــــــــــــــــــــــــ ــــب
عبدالعزيز:الله ياخذه ويفكنا منه يطق لطوفتي عشان الحية بس شنقول رياييل مالهم امان الحين طراق بعدين بيرمي امه بدار العجزة ولا بخليها خدامة لمرته اما لطوف بزوجها حق اي احد او بيرميها بالشارع او خدامة لل............... مرته
وهذا اذا ما كتب البيت باسمها
رهف: الله ياخذها اهي الثانية هال.............. وال.............. وال................. هذي كل المسبات ما تعطيها حقها ربي ينتقم منها وتيلها مرت اخو تسوي فيها جذي
والحيوانة تعرف تمثل بعد ابي افهم هالدموع من وين تيبها؟!؟!
لطوفتي: مسكينة كسرت خاطري لا اخو ومرته مثل الناس وام على نياتها ويتيمة ومادري وين عمامها وعماتها
ولانها بدافع على امها وعلى روحها تنطق من كلب يعتبر اخوها عشان منو الزفتة مرته هذا مو اخو هذا عدو يبيها تعتذر من مرته فوق مو اهي غلطانة
واااااااااااااي حدي منقهرة منه ودي اذبحه واذبح الحية مرته
الحمار خلاني ابجي ومو اي شي يبجيني
حبيبتي نوران: مســــــــــــــــــكينة
كسرت خاطري وانا اجوفها تبجي
اما
انينها وبجيها فقطع قلبي
كل من اسماء ال........ ال............ ال............ ومن ابوها ال......... ال.......... ال..........
الله ياخذهم اثنينهم
مادري بس حسيت لما قامت بسرعة لصلاتها انها بدت تحسن بس اتوقع انج بتخربين عليها وبتخلينها تنحرف عشان تقطعين قلبي
اهئ اهئ اهئ اهئ اهئ اهئ اهئ
مشعل:زين ان فكر باخته شوي
الزفت ابو مشعل: اول شي فرحت لما سأل عن نوران
بس
لما قال: واذا تعباانه مااتصلي
اختربت فرحتي يعني ماسأل شفيها لأ الي همه صلاتها
آباء آخر زمن
اسومة: والله ثم والله ثم والله ان انحرفت نوران ماني مسامحتج ابدا وبكون موتج على ايدي يكفي ان خليتيها تبجي الله ياخذج يال............ ال............... ال............. وترتاح نوران وانا ارتاح بعد
ام عبد العزيز: يعني الحين بتدافع عن بنتها
عبد العزيز ماصار شي مرتك تبالغ
هذا الي طلع معاها قلنا طيبة بس مو للدرجة هاذي
واخيرا:بدوية تكفى ومثل ما تقولون تكفى تهز رجال فرحي نوران ولطوفتي شوي وموتي ابو نوران وام جود واسومة ورهف وعبد العزيز
شوفي اذا وايد وما تقدرين
بس مرت عبد العزيز وام جود
شفتي شلون انا كريمة؟؟؟
تقبلي مروري