كاتب الموضوع :
بدوية عنيدة
المنتدى :
الارشيف
الجزء التاسع والثلاثون
كانت تراقبه وهو يجر اخته ويرميها برى البيت ... انشلت بمكانها ماقدرت تتحرك قبضت على صدرها بيدها .. تحس بقلبها ينطحن ..والي طاحنه مو مهتم
× عبدالرحمن ×
انا شفت ناس رزلين لكن زي لطيفه عمري ماشفت في حياتي .. ماسكتلي بيت ابويا وبيت ابوياا .. ان شاء الله دحين فهمت انوا خلااص بح ماااصاار بيت ابوهاا هداا بيتي انااا ... اوووف ايشبها هااادي تطللي كداا !!! عيونهاا تاااكلني ... يوووو لايكون زعلاانه على بنتهاا ... من جدهاا !! اوريكي انا الزعل
اشرت باصبااعي لهاا بتوعد : اسمعي بنتك حسها عينهاا تقرب من عتبت باابي ... ان جات هناا مارح اطردها حكسر ضلووعها كمااان .. وانتي ادا مره ميته عليهاا روحيلهاا وادا تجلسي عندهاا يكون احس منو تِحِلي شوياا عنناا وناخد نفسناا منك .. خلاااص خنقتينااا
جات ترفع يدها تضربني ... مسكت يدهاا بقوة وضغطت عليهاا قد مااقدر : اشبك اتجننتي ؟!! هادا الي بااقي تضربيني ؟!! الظااهر مخك ضرب وتحسبيني بزره قدااامك ... افتحي عينك قد الرياال وشووفيني زي النااس
رميت يدهاا بقوووه حتى اني سمعت صوتها وهياا تنضرب بجسمهاا .. امي تفلت في وجهي ... مسحت التفلااانه بكم تووبي .. ومسكتها من رقبتهاا كنت نااوي اخنقهااا : تتفلي علياا ؟!!! وكلوو على شاااان مييين وحده زباااله ... اكيد رح تزعلي عليهاا .. مو انتي زيهاا .. نفس الطينه
رميتهاا بعيد عني : حسبي الله فيك ... حسبي الله فيك .. انت مستحيل تكون ولدي الي ربيتوو والي تعبت عليه خساااره عمري الي رااح عليك ... انا لو مسويه الخير في حيوووان رح يحفظ لي جميلتي وانت !! حسبي الله فيك .. حسبي الله
صرخت : انكتمي ... انكتمي ... صدعتي رااسي .. انتي مااسويتي الا وااجبك ... امااال ام ليش .. ماتفضلتي عليااا في حاااجه ... تدري من اليوم ورااايح ماابغى اشوف وجهك ... تنطقي في غرفتك .. وماتخرجي منهاا واكلك يجيك لعندك ... شووفي نفسك عجوزه مخلخله الي زيك تمسك سجااادتهاا ومسبحتهاا مو تحشر عصهاا بشي ماايخصهااا
ناديت الشغاله : انتي يااازفت
جاتني جري : نئم باابا
اشرتلها تلحقني : امشي معاايااا
الشغاله فتحت عينها وهياا تطل في امي : اخسريكي منهاا ... امشي قداامي بالطيب
امي : اتقي الله ... اتقي الله في نفسك ... حرااام ياابنتي لا تطااوعيه
قااطعتها : خليكي في حاااالك .. سحبت الشغااله من يدهاا ... جااات امي تبغى تمسكها اتعنقلت وطااحت .. ماهتميت لهاا .. ولا لونتها ... اهم شي اعدل مزاااجي
كرهت لطيفه من كل قلبها لانها تركتها لحالها .. كانت تحس ان بوجودها هي بمأمن من غضب ابوهاا .. خلصت فطورها بسرعه .. وطلعت على غرفتها
× نسيم ×
مااصدقت طلعت غرفتي .. حسيت لو بقيت ثاانيه وحده ممكن ابوي يذبحني .. واللي قاهرني اكثر لطووف الي رااايحه بيت اخوهاا .. يعني ماجا ببالها تزورهم الا اليوم .. الله يساامحها بس .. طلعت غرفتي وقفلت بابي علي .. مالي خلق ادااوم اليووم .. ماااحس اني اقدر اتعامل مع الناس ... حااسه نفسي بركان في حاله من الفوران ... وبين أي لحظة والثانيه ممكن انفجر .. اااهـ من امس وانا اقلب الموضوع في عقلي .. وبالنهايه اوصل لنفس القرار .. اخذت جوالي .. واتصلت على حمد
مر وقت حتى رد علي .. الظاهر ماكان يبي يرد : السلام عليكم
رد بجفاف : وعليكم السلام .. سمي ؟!
مدري ليه ترددت وحسيت لساني انربط : حمد .. انا .. انا
رد : انت وش ؟!! اخلصي مب فاضي لك
رديت : ابيك تطلقني
رد : نعم ؟!! مااسمعت
عدت كلامي وانا متاكده انه سمعني : ابيك تطلقني ياااحمد
سألني : انتي صااحيه ؟!! شااربه شي ؟!!
رديت : لو سمحت مالها داعي المصخره
رد : والله اسمعي كلاامك .. في مره عااقله تتصل على زوجها تقوله طلقني ؟!!
رديت : نصيبك عااد ... عمياا ومجنونه
رد: تدرين انا استااهل ..الغلط مني اني رديت عليك ... ولا الي مثلك ماينرد عليه ... وقفل السمااعه
عصبت منه .. ماااعطااني مجال ارد عليه ... على طول قفل .. مااينرد علي ياااحمد ؟!! رجعت اتصلت عليه لكنه ماارد ... الحقييير ... هييين يااااحمد
فتحت الرسايل ... واخترت خاصيه رساله جديده .. ولان جوالي مخصص للعميان فانا اسمع كل حرف .. قبل لااكتبه ... كتبت الرساااله .. وارسلتهاا
زفر بضيقه .. من بعد مكالمته معااها ... وغير اتجااه طريقه .. لشركة عمه ... هو من النوع الي مايحب كثر الكلام واللف والدوران .. قرر بشكل رسمي ينهي الموضوع ويحط النقط على الحروف
× حمد ×
اقسم بالله على دمي من الهبله المتصله ... اجل الطلااق ياانسووم .؟!! .. كذا بكل بساااطه ؟! انتي صااحيه ؟! لاا اكيد مب صاااحيه ... اكيد عندهاا شي يدور براااسهاا معقووله من البااب للطاقه تبي تتطلق .. انا مااخطيت بحقهاا ... مااتذكر .. سمعت رنت الرسااله فتحتهاا
" اذا انت رجاال طلقني ... خل عندك كرااامه وطلقني "
المرسل : نسيم قلبي
هزيت رااسي .. لاحول ولا قوة الا بالله لو اني قليل عقل كان الحين رميت عليها يمين الطلااق .. اجل اكون رجاال ... هييين يااانسوووم بوريك من الرجاال لو اخليك معلقه طوول عمرك .. ماارح اطلقك خليك مخلله عند ابووك .. غيرت طريقي للمره الثانيه .. واتجهت لشركتي
وصلت شركتي ونزلت .. اول ماوصلت لطابقي استقبلني السكرتير
السكرتير : صبااح الخير الشيخ
رديت : صبااح النور .. وش المواعيد اليوم
رد : الساعه 11 عندك اجتماع مجلس الاداره في الغرفه التجاريه والساعه 1 غدا عمل مع الشيخ ناصر .. الساعه 3 اجتماعك التلفوني مع فرع شركه R&R رح تكون 12 الظهر بتوقيتهم
طليت بساعتي ..: اووكي .. عمم على روؤساء الاقساام .. الاجتماع بمكتبي بعد سااعه .. عندك شي ثااني ؟!
رد : وهو يفتح الباب لمكتبه : الاستاذ مشعل بن خالد .. بانتظارك بمكتبك
رديت : زيين ... انتظر القهوه
السكرتير : تامر ياطويل العمر
تذكرت : ايه مواعيد الوالد بلغ سكرتيره يلغيها وان في أي شي يحتاج توقيع .. يحوله لي
السكرتير : ان شااء الله
فتحت مكتبي وابتسمت : حيالله النسيب
مشعل : الله يحيك ... عاد سامحنا .. سكرتيرك اصر يدخلني المكتب
رديت : افااا ياابو خالد انت صااحبه وانا ضيفك
سلمت عليه .. وجلست قبااله .. وتعمدت اجلس قبااله ... لاني عارف ومتاكد ان سبب زياارته لي نسيم
مشعل : من غير لا اطول عليك يااحمد .. بدخل بالموضووع
رديت : تفضل
مشعل : وش الي صاار بينك وبين نسيم ؟!!
سالته : يعني ماسالتها ؟!!
رد : سالت ومالقيت رد
سكتنا لان القهوجي استاذن .. وقهوانا .. شربنا فناجينا وهزيناها .. فطلع القهوجي على طووول
كملت كلامي مع مشعل : سؤالك ياامشعل محد يقدر يجااوبك عليه الا نسيم ... انا نفسي مااعرف السبب
سالني : اذا انت ماتعرف من يعر ف ..؟!!
رديت : مشعل نسيم بالفتره الاخيره صاارت متغيره .. المشااكل تطلعها من تحت الارض .... تحمل الكلام اكثر مما يتحمل .. صرت اشك بنفسي اني اقصد الي تقوله .. حسااسيتها زاايده .. وفوق كل هذا مزاجيه
سالني : طيب حاولت تفهم منها وش الي مغيرهاا ؟!
رديت : حاولت وصدتني .. مشعل نسيم كل مالها تصدني اكثر من قبل .. صرت احس اني غريب عنها ماعدت اقدر اعرفها ولا افهمها .. مشعل لاتفهمني غلط .. نسيم انا مشتريهاا وبااقي عليها لكن ان ماانعدلت ورجعت مثل قبل .. خلها عندكم .. المره الي ماتقدر زوجهاا ماتلزمني .. واختك مااحترمتني وتحدتني وطلعت من البيت ..
مشعل : بهاذي اختي غلطت .. وانت ادري ياحمد بنسيم وحسااسيتها مفروض تطول بالك عليها
رديت عليها : انا لو ماطولت باالي كان امداني رميت عليها يمين الطلااق .. من كلامها .. وطلعت جوالي شف رسااله اختك !.. وش راايك؟! هذا اسلوووب
هز رااسه : لا حول ولاقوة الا بالله .. استخفت
حمد سالني : مشعل نسيم تزوجتني عن اقتناع .!!
رد: اكيد ..
رديت : اذا كذا شف وش يدور برااسهاا .. وعقلها .. وان فكرت اني بجي ارااضيهاا فذا مابيصير .. مثل ماطلعت لحالها .. ترد لحالها
مشعل : والله ماعرف وش اقول ..انت عداك العيب .. واختي بنتفاهم معها
وقف ووقفت على وقفته : مشعل اوعدني مااتجبروها على الرده .. وان قالت اني غلطت عليها تطلب الرضوه الي تبيها وانا حااضر
مشعل ابتسم : وانت كفوو .. اللحين استاذن .. وسامحني على العطله
وصلته لين باب الاصنصير .. ورجعت لشغلي
تقريبا وصل جده .. كان حاط جواله ع المكبر ويسمع مشعل .. وهو يتكلم عن مقابلته مع حمد كان مستغرب من تصرفات نسيم الي مالها أي مبرر منطقي
× بدر ×
كنت اسمع مشعل ومو مصدق ... وش فيها نسووم !! ... انهبلت على غفله ؟!! نسيم تحب حمد وكانت مبسوطه معاه وش تغير عليهم ؟!!
سألت : اختك انهبلت ؟!!
رد مشعل : الظاهر ... بدر انت اقرب شخص لها برايك وش مغيرها ؟!!
رديت :ماادري ... يمكن .. تتوقع ان اهتمام حمد فيها يضااايق ويحسسها بالنفص
رد علي : بس ياابدر هذا وضع نسيم من يوم ماعرفناها .. عماهاا مو شي جديد ... وطول عمرنا نهتم فيها ورااعيها .. ماتغير شي ؟!!
رديت : صحيح كلامك .. بس حمد غير ... اعتقد ان نسيم تحس نفسها ثقيله عليه ... وانهاا ماعادت مثل قبل .. تعرف ببيتنا كان نوعا ما حره .. لكن ببيتهها مربوطه باهله وجماعته .. غير كذا ممكن تكون سمعت كلام جرحها وضااايقهاا
رد علي : حتى ولووو ماتوصل ياابدر للطلاق
رديت : عاد حريم ماعندهم الا طلقني ... ابوي وش قال ؟!!
رد : ابوي يبيها ترجع لبيتها .... بس امي قالت له يخليها لين ماتهدأ وتفكر بالموضوع مره ثانيه .. الا انت وين وصلت ؟!!
رديت وانا اوقف سيارتي : البيت توني وقفت سيارتي بالجراج .. اشوفك ع العشا
رد : ان شااء الله .. مع السلامه
نزلت من سياارتي ... وفتحت الباب .. : ياااااولد
جاني صوت امي : ادخل مافي احد غريب
دخلت : السلام عليكم ... بست رااس امي ويدها
امي : وعليكم السلام ... الحمدالله ع السلامه
رديت : الله يسلمك .. شلونك ياااااست الحلووين
امي : الحمدالله .. اخير تذكرت ان لك اهل
جلست جنبها : افااااا بااافطووومه وانا متى نسيت .. ماهقيتها منك
ضربتني بخفه : فطوم بعينك . . لوماا زعلت اختك ماكانت جيت .. ولا كان عندك اهل .. ومره حاامل ترااعيها ... ماهقيتها منك ياابدر
مره حاامل !! .. يعني بلغتهم ... اكيد بتقولهم ياابدر .. بطنهااا مابقي عليها شي وتبااان .. بس وينها مااشوفها
سالت امي : ليه لحالك ؟! وين البنات
امي : الي تدور عيونك عنها عند اهلها
ابتسم باحراج : عيون ماتدور عن احد وانتي قدااامي
امي : كذاااااب
ابتسمت وانا اوقف : عن اذنك بطلع اخذ دوش
امي : اطلع .. ولا تمر على نسيم
سالتها : ليه ؟!!
امي : انا شااكه بشي .. وابي اتاكد منه
سألتها : الي هو ؟!!
امي : يخص الحريم مالك حاجه فيه
رديت : دامه حريمي .. رفعنا يدنا ... عن اذنك
اخذت شنطتي وطلعت لجنااحي ... لما فتحت الباب كنت اتمنى القى لطيفه بانتظاري .. عيووني مشتااقه لهاا وقلبي يزداد نبضه كل ماتذكرتها ... بس خسااره ماااهي بانتظاري ... يمكن هذا لمصلحتي .. وعشان تمشي خطتي بشكل صحيح .. فتحت شنطتي .. ونزلت علبة عطر نسائي مشتريها .. فتحتها ورشيتها بملابسي .. ورجعت قفلت الشنطه ورميتها بزاية الغرفه .. اما قاارورة العطر طبعا اخفيتها بمكان مستحيل تعرفه لطيفه
دخلت تحممت .. ولما نزلت تفاجأت فيني لطيفه وتفاجأت فيها
احسااس كبير بالمذله مسيطر عليها ... شلون ماهي مذله والسند العضيد هو من يهينك ؟!! شلون ماينجرح قلبك وانت عاااجزه كل العجز ان تاخذين حقك ؟!! ... شلون تاخذينه والي مفروض يحميه هو ساارقه ؟!
× لطيفه ×
جرح كبير بقلبي .. اخوياااا يضربني ويرميني برى البيت ؟!! برى بيت ابويا ... بيتي !! ... كيف جاالو قلب يعمل فيااا كداا ؟!! اااه بس ايش اتوقع منك يااعبدالرحمن انت ماااقدرت امي ولا احترمتهاا رح تهتم فياا اناا ؟!
حاولت انفض الغبار عن عبايتي قد مااقدر قبل لا ادخل البيت ... دخلت البيت والحمدالله مالقيت أي احد في وجهي .. غير الشغاله
نزلت عبايتي : شبااانه غسلي العباااايه
شباانه طلت فيا وهي مستغربه من شكلي : ماما انتي كويس ؟!!
رديت : مافيا شي .. لا تقولي لماما كبير ... روحي غسلي العباايه
طلعت لغرفتي .. كل خطوه كنت اخطيهاا كانت تعذيب بالنسبه لياا ... احس بالم في كل مكاان من جسمي ... اكيد من جفااصت " جلافه / خشونه " عبدالرحمن الله لا يسااامحوو
اول ماافتحت غرفتي .. كان في ريحه غريبه ...طليت في الغرفه عدل .. ثياااب !! .. وفي صوت من الحمام "الله يكرمكم " ... معقوله جاء !!
طلع من الحمام وانا لسى واقفه بمكااني .. كنت مو مصدقه عيني .. غمضت عيني وفتحتها اتاكد انه لسى موجود قداامي .. ليش ؟!! لاني كنت محتااجتو ... محتااجه احس بوجودوو جنبي ... محتاجه احس بالاماان جريت لو حضنتو .. اول مره اسويهاا من يوم ماتزوجنا .. ايوو حضنتو .. حسيتو جمد مكااانو ... مو مصدق
طلبت منو وانا احاول اسيطر على دمعتي : احضني .. الله يخليك احضني
كنت ابغاه يحضني ... حرك يدو بس مااحضني ... دفني بعدني عنو .. حركتو جمدتني بمكااني .. ليش ؟! ليش ياابدر تتخلى عني وقت ماانى محتاااجتك ليش ؟!!
وخر عني ومشي ولا كاني موجوده : الافلام الهندي مالها لزمه .. ترى مافي في الغرفه غيري انا وانتي
افلااام ؟!! تسمي مشااعري وحاااجتي لك افلاام ؟!! اكيد بتسميها افلاام .... اناا عمري ماعبرت لك عن مشااعري ... اكيد بتسمي الاي سويته افلام ... انت ايش شفت مني غير الكره
اشر لي ع الشنطه : رتبي اغرااضي
تركتو يلبس ورحت لشنطتو ... ماسألني كيف امي ؟! ايش اخباارها ؟!! ... عادتك تسأل ياابدر .. ايش قلبك ؟! القااها منك ولامنو ؟!!
فتحت الشنطه وبديت انزل ملابسو ... لفتتني الريحه .. قربت التي شيرت وشميتوو .. اش هادي الريحه .. عطر جديد ... ركزت في الريحه .. حريمي .. التفت عليه .. كان يلبس كبكات التوب ... معقوله ؟!! مستحيل يسويهاا ... انت من بين النااس كلها مااتسويهاا ... مو انت كمان تجرحني ... لاا مستحيل تخوني .. مستحيل تكون في وحده غيري بحياااتك
سالت : ايش دي الريحه
سألني : أي ريحه ؟!!
رديت : الي في ملابسك
رد : عرق يعني ايش ؟ّ
ر ميت التيشيرت بوجهوو : عطر حريمي موو عرق
بلمحه عين كان عندي وماسك يدي : الظاااهر اني محتااج اربيك
صرخت وانا احس بيدوو تعصر يدي : كمل علياا انت كمااان .. كمل الي بدأو كمل .. اضربني .. ولا تدري ادبحني ... صرت اضرب نفسي ... ادبحني وريحني من الي انا فيه
جاا يمسك يدي ... دفيت يدوو ... وجريت على الحماام .. قفلت الباب عليااا .. وانفجرت ابكي
عيونها مركزه عليهاا .. ماتبي ترمش ... تبي تكحلها بشووفته ... تخااف انها اخر مره تنااظر له .. راقبت الممرضه وهي تسحب الدم للتحاليل .. ولاحظت وجهه شلون تكرمش من الالم .. اعتصر قلبها لالمه لكنها مابينت له .. وابتسمت بوجهه بحب
× منال ×
سحبت له الممرضه الدم عشان التحاليل .. خلاص قرر يسوي العمليه .. بصراحه الخووف يااكل قلبي .. مب قاادره استوعب انه بيسويها .. ليه يسويهاا .. ليه مايكتفي بالعلااج الكيماوي ... ليه ياافيصل تبي تعيشني برعب ... وتتلف اعصاابي
فيصل : لو جلستي بالبيت مو كان افضل
رديت : طبعا لاا ... يكفي انك مارضيت اتصل بمشعل ولا ابوي يكونون معك
رد : معاااي الله
رديت : ونعم بالله
تنهد .. وهو يطالع بالمغذي : ااااه .. بيفحصون الدم .. واذا كانت نتايج الدم زينه بيحددون موعد العمليه .. التحاليل هذي ضروريه ... تعرفين مايبون يتفتاااجئون بشي وقت العمليه
عرفت انه متوتر : ان شااء الله بتكون كلهاا طبيعيه .. فيصل ماااتبي تترااجع ترى لسى فيهاا
رد : لاااا انا عزمت امري .. وتوكلت على الله .. منال انا ماقدامي الا الاسئصال .. العلاج الكيماوي ماااقدر يسيطر على المرض .. لو انتشر .. بيكون فات الفوووت .. سمعتي الدكتور وش قاال .. ياللحين او انساها تماما
سالته : والمضاعفات ؟!!!
رد : مافي عمليه مالها مضاعفات ... نوال البندول الي ناخذه له مضاعفات ... كل شي بيد الله توكلي عليه
رديت : ونعم بالله
قالي : الحين قوومي وروحي البيت .. طلال وفهد لحالهم
رديت : معاه بدل الشغاله ثنتين .. مالك فكه مني
قمت وتحركت من مكااني .. وجلست على طرف سريره ... ومازحته : امم مصلع ... والله وكبرناا ياافيصل
رد : كله منك طيحتي شعري
رديت : معليه بعملك زراعه على حسااابي
قرص خدي : تمصخرين هااا
ضحكت :هههههههههههه ...زاد الضغط ... يعووور بس
رد : احسن عشان تحرمين تمصخرين علي
كان مستغرب من الكلام الي قالته .. قلبه بمخه اكثر من مره .. معقول الي جا بباله .. استبعد الفكره .. بس رجعت ثااني مره .. لف باتجاه الباب الي انفتح وتركزت عينه على الي واقفه قدامه ترجف ودمعها على خدها
× بدر ×
وش قصدت اكمل عليها ؟!! معقول اخوها اذااها ؟!! ضربهاا ؟!! لاااا مستحيل يمد يده ... يمكن جرحها لكن يضربهاا وهي متزوجه !! ليش لااا كان يضربها من قبل مو شي جديد
انفتح بااب الحمام لفيت باتجاه الباب كانت لطيفه واقفه ودموعها على خدهاا وترتجف .. شفايفها همست بسمي .. جريت لهاا .. هزيتها : وش فيك ؟!! وش فيك ؟!!
ردت : انا انزف .. وحنت راسها
ناظرت الارض وشفت الدم .. مكان وقوفها ..... ماعرفت وش اسوي حسيت تفكيري انشل ... طلعت من الجناح ركض .. وانا انادي باعلى صوتي على امي
جاتني امي : وش فيك
رديت : يمه لطيفه .. تنزف
امي : وش ؟!! شلووون ؟!! ... ماانتظرت ردي .. طلعت جري
دخلنا الجنااح .. ولطيفه لسى واقفه مكانهاا .. جرت عليها امي .. وضمتها : اهدي ياابنتي ..... اهدي .. عطني غياار لهاا ... وش فيك وااقف تحرك
فتحت الدولااب ... وماعرفت وش اخذ : يمه وش تبين ؟!!
ردت : أي شي .. أي شي
سحبت الي طاحت عليه يدي ... وعطيتها اياااه ... سحبت لطيفه للحماااام ... وقفلت البااب
سمعت المويا اشتغلت ... وجات عيني على المكااان الي كان واقفه فيه ... دم .. دم ... استر يااارب
طلعت امي من الحماام ... وهي مااسكه لطيفه ... جلستها ع السرير
سالتها امي : وين عباااتك !!!
ماتكلمت اشرت على الدولاب .. امي مشت تطلع العبااية .. وشاافتني لسى واقف بمكاااني مو عااارف وين ارووح ولا عارف وش اعمل
امي : انت لسى واااقف ؟!! تحرك جيب سيااااارتك
نزلت ... طلعت سياارتي من الجراااج .. ووقفتها قدااام الباااب .. .. نزلت اشوف امي ولطيفه
كان امي مع الشغااله مااسكين لطيفه عشان تنزل على الدرج .. صعدت وشلتهاا ... الين ماوصلتها السيااره
لما وصلنا المستشفى ... كنت اسوق بسرعه جونينه .. .. مااعرف كم اشاره قطعت ولا كم سيارة كنت رح اصطدم فيه ... الغريب اني وصلت للمستفى ساالم
نزلت من السيااره .. ومااانتظرت يجيبون لي نقااله ... شلتها بين ذراعي مثل الطفل ... لين ماادخلنا الطواري
ولاني قلت لهم انها حااامل ... وتنزف استدعوا لهاا طبيبه نساا ولااده
امي كانت معاااهاا ... اما انا كنت واقف بمكاااني ... اطالع الباب الي انقفل بوجهي .... ماعرف وش وراه يصير حسيت بقلبي يعتصر .... ليه تعورني ؟!! يااارب ... يااارب الطف بعبدك يااارب
طلعت لي ممرضه : لو سمحتي خودي ورقه لمكتب التسجيل ... لاازم يوقع على عمليه
سالتها : عملية ايش ؟!!
ردت : مستر .. بيبي يروووح .. لازم تنظيف
اخذت الورقه منهاا ...... تنظيف ... .. خلااص راااح !! ولدي رااح !!!! ضغطت على شفتي بقهر ... حتى اني حسيت بمرااارة الدم بفمي
وقعت الورقه .. وجلست انتظر لين مااتخلص العمليه ... امي كااانت معي ... بس ماااكنت حاااس فيهاا ... ولا ادري وش قااعده تقووولي .... فكري ... وكياااني كله ... مع المووجوووده بغرفه العملياااات
نلتقي مع البارت الاخير ... متى ماكتب الله لناا
|
23-11-09, 06:28 PM
جديد مواضيع قسم الارشيف
العرض العادي
