كاتب الموضوع :
بدوية عنيدة
المنتدى :
الارشيف
الجزء الثامن والثلاثين
طلعت على الدرج تجري ... من بعد ماسلمت على عمهاا وعمتهاا ... تبي تشوف صديقة عمرها الي لها كم يوم مقاااطعتهااا .. الي يشووفها وهي تجري ماايفكر ان هذي زوجه مهوسه بالامومه .. على العكس رح يفكر انها مجرد طفله .. بجسد نااضج
× نجود ×
طقيت الباب اكثر من مره بس مااسمعت رد .. ولاني عااارفه ان زوجها مساافر دخلت .. لقيت الحلووه نااايمه على السرير بالعرض
قفزت جنبهااا وصرخت بصوووت عالي اصحيهاا : لطووووووووووووووف انا جيييييييييت
المسكينه قااامت مفزووعه ... وعيووونهاا مفتوحه على وسعهاا .. وتناااظرني نظره ضاايعه
ماااقدرت امسك نفسي وضحكت عليهاا .. خصوصا مع كشتها المنكوووووشه : هههههههههههههه
عصبت : بللااااا في شكلك .. في احد يصحي احد كدااا
رديت بلهجه حجااازيه : ايوااااااااااااا انااااااااااا بدااااات "بالذات " اداا " اذا "كان دب قطبي
جات بترد ... بس فجأة قامت جري للحمام .. كنت اسمعها ترجع .. معقوله مريضه ؟!! ليه ماحد قالي ؟!!! وشلوون رجلها تااركهاا من غير لايكون جنبها .. صدق رجال بلا مشاااعر لو هم التعابنيين كان جلسنا جنبهم وشبيناا العشر شمع
طلعت من بعد ماغسلت ..وعلى طول استلمتها : من متى ؟!!
ردت : هذا الرااابع
انفجعت : اربع ايام مريضه ولا احد يقوولي ؟َ!! ليش ؟!!
ردت وهي تهز راسها : مو مريضه .. انا حامل
انبسطت : حاااااااااااااااااااامل وااااااااااااااااااااااااااااااااو ... بصير عمه ... بصير عمه ياااااااااااااااااااااااسلام مبروووك ياااقلبي يااالطيفه ... حضنتها باقوى مااعندي ... الف مبروووووك .. الف مبرووووك
حظنتني : الله يباارك فيكي .. عقبااالك ان شااء الله
رفعت يدي : امييييييييييييييييييييييييييييييين .. تعااالي ليه مااقلتي من بدري .. مستينه لين ماكرشك يبااان بعدين تقولين لي ؟!! لطفووووه ليكووون مفكره اني بغااار ولا بحسدك على حملك
ردت : طبعا لااا .. بس انا مااقلت لاحد ولا حتى لبدر الا لما تاكدت من حملي .. بيني وبينك انا نفسي متفاجأة منو .. مره ماتوقعتوو
رديت : ماقلت لك لو ربي كاتب لك الحمل بتحملين مهما تسوييين
ردت : صدقتي والله
تمددت على سريرهاا : زوووجك متى بيرجع ؟!!
ردت من غير نفس وهيا تجلس ع السرير : مااادري
سألتها : أجل مين يدري ؟!
ردت وحسيت الضيقه بتخنقها : من يوم ماساافر ولا رفع السماعه علياا .. تخيلي صووتوو ماسمعتواا من اسبوووع .. يتصل ويسأل على اهلوو بس اناا .. ولااا شي .. حتى لما دقيت عليه امس بالغلط هزئني .. ماادري ايش الي جرى للرجاال ... انقلب 180 درجه
منظر لطيفه وهي تحكي عن بدر .. وتصرفااته العجيبه معااها خلاني غصب عني انفجر ضحك من غير مااراعي مشاااعرها ... وهذا قهرها وخلاها تعصب زيااده
لطيفه صرخت : نجووود وووجع انا محرووق دمي وانتي تضحكي
رديت : ههه ااصلاا تعابيرك وانتي تتكلمي تفطس ضحك .. ولا وجهك احمر كأنه طماطمه
لطيفه : انا غلطانه اني افضفض لك
رديت : ماعندك غيري تفضفضين له .. صدق مااقااالك ؟!
ردت : قلت لك حتى ماقلي وين مسااافر ... اصلا هوا خرج بحال ورجع بحاال .. الصبح قااام لم حوايجوا ومشي حتى مع السلامه ماقالها لياا .. حتى لو بالكذب قدام امو وابو .. ماطللي .. كاني جدار واقف مو بني ادم
سالتها : يعني انتي زعلاانه لانه مااخذك معااك ولا لأنه ما سلم عليك قبل لايروح
مااعتقد انها سمعت كلامي لان اجاابتها كااانت شي ثاني : لو لين اليوم تمنيه "ثمانية " ايام بلياليها لا اتصل علياا ولا سأل عني بس يكلم ااهلوو وانا معطيني اشكل " الطناش"العاده لو يتاخر يتصل ويقول انو رح يتأخر برى .. لكنو ساافر وقال عدوولي .. والي قااهرني اكتر اني لما اتصلت عليه هزئني .. الي يسمعوو يحسبني دااقه عليه ميته على صوووتوو مو عاارف اني غلطاانه ... تصدقي قاال لعمتي انو ساافر للمزرعه .. بس ماادري .. قلبي يقوولي انو مو في المزرعه .. لانو لو في المزرعه كان مدى رجع .. ايش الشغل الي عندو فيها ؟!! .. ايواا اكيد انو مو في المزرعه .. راااح مكان تاااني ايوا اكيد
كتمت ضحكتي وانا اسمع تحليل لطيفه .. حاولت ابين اهتماامي : يعني هو مايغيب كذا ؟!
ردت : اقوولك عمروو ماعملها
رجعت اسألها : وتصرفااته تغيرت بشكل مفاجىء ؟!
رجعت تعصب : انا من اول ايش ارطن
قمت من ع السرير .. ودرت شوي بالغرفه وانا اتظاهر اني افكر ...اممم ..اممم .. حسيت لطيفه منتظره تسمع رأيي في المووضووع فعشان اضبط الدور فكرت بصوت عالي : امم يتغير فجاءه ... ساافر ولا سأل .. ومااقاال وين مسااافر ... وفوق كذا لما كلمتيه بالغلط طبعاا ... هااوشك
مع كل عبااره كانت لطيفه تهز رااسها موااافقه .. وعيوونها متركزه على حركة شااافيفي .. كملت .. لاا مستحيل يكون ... لااا مايسويها
لطيفه نطت بحلقي : ايش هوا الي مستحيل
هزيت رااسي : هااا .. ولا شي ... انسي .. تدري الغاايب عذره معه
طارت فيني : هييي نجووود انطقي .. ايش الي جااا في بااالك وماتبغي تقوليلي
حركت يدي بلا قدامها : قلت لك ولا شي
مااشفتها الا وااقفه وحاطه وجها بوجهي .. : انطقي يااانجووووود احسن لك .. اكيد انتي عاارفه مخبيه علياا
رجعت على ورى لا يصدم راسها برااسي .. : شووفي الله اعلم .. بس كلاامك ماله الا تفسير وااحد
لطيفه : الي هواا ؟!!!
رديت بسرعه : بدر يخووونك
سكتت وكانها مااستوعبت الي قلته كملت : التفسير المنطقي هو هذا ... مستحيل يكون شي ثااني
رجعت تجلس على كرسيهاا والصدمه واضحه عليها: انتي ايش تخرفي
رديت بثقه : احسبيها بعقلك ... ورح توصلين للي وصلت له
لطيفه : بلا احسبها بلابطيخ .. قال يخوني .. يااشيخه اهرجي زي الناس
والله ولعبت بعقلك ياالطوووف .. : شوفي انا مااقول انو خياانه يعني علاقه حرام .. اعوذ بالله .. بدر رجال يخاف ربنا وانتي عارفه هدا الشي كوويس
لطيفه : اجل ؟!
رديت : ممكن يكون تزوج مره ثانيه
ردت علي بعصبيه : مين الي رح ترضى فيلوو وهوا كان بنت زماان
رديت بهدوء : كاااان ... فعل مااضي .. المهم الحاضر ... والحاضر وااضح وضووح الشمس
لطيفه تكلم نفسها: مستحيل .. مستحيل
رديت : ليه مستحيل يااقلبي ... زوجك لا ناااقصه فلوووس ولااا ناقصه حلى ... انا نفسي اول ماشفته لفت نظري هذا وانا مرت اخووه مااقدر انكر زينه بسم الله عليه ... وتذكرت وصف قريته مره لبطل بوحده من القصص الي كنت اقراها زمان .. طوويل ومعضل .. سمارو حلوو .. ووجهو احلى .. تكفيك عيونه الي كلها شموخ .. ولا حواجبه .. ماكملت كلامي لان الخداديه جات بوجهي
لطيفه : اقسم بالله قليه ادب ... استحي على وجهك .. انا مرتو مااوصفو بالتفصيل زيك ... هدا وانتي متزوجه والي تتكلمي عنو اخو زوووجك
مسكتها من يدها وقعدتها قبل ماتمشي .. والله البنت شويا وتستخف : اجلسي بس ..
ردت بعصبيه : اجلس ليش ؟! ايش لسى بقصيدة الغزل ابيات ماانقالت ؟!!
جاوبتها : انتي مطرطعه وهذا وانا سلفتك .. وماقصدت شي من وصفي ... لكن الي يطالعون بزوجك برى نظرته وكلامهم نفس الي قلته بس بنيه غير ... حبيبتي الرجال اذا ماارتااح ببيته .. يدور رااحته برى ولاتنسي اللحين البنات على قفى من يشيل ... ويدورون الرجال بنكااشه
ردت : يااخدوه ولهم الاجر
ابتسمت بسخريه ورفعت حاجبي : اجل ليه دمك محرووق ؟!
ردت : دمي محد حرقوو الا انتي ... تدري ... امشي ننزل عيب عمتي لحاالهاا
وقفت ورااهاا : طيب .. ومن غير لا تشوفني ابتسمت باانتصااار
نزلت دمعه حاره على خدها ... وهي تقفل باب غرفتها ... مسحت الدمعه بسرعه وبعصبيه ... نزلت وهي متمسكه على دربزين الدرج .. ووراها شغالتهاا بشنطتها
× نسيم ×
قررت احط حد للمهزله الي انا عايشتها ... وانهيها بحل جذري ... الكذب الي كذبته على نفسي .. صار لازم اواجهه ... واسمع صوت عقلي لمره وحده .. اسمعه منجد .. مو تمثيل ... حتى لو كان سمااعي له يعني اني لازم ادوس على قلبي ... اذبحه والحياه لسى تنبض فيه .. مااايهم ... المهم اني اعيش الواقع الفعلي واغادر عاالم الاوهام
فاطمه : نسيم اعقلي يابنتي
رديت بعصبيه : ماالي شغل ياافااطمه ... خذي الاغراض ع السيااره ولا تكلمي احد
فاطمه : حااضر
سمعت صوت نوير : نسيم خير وووين راايحه
رديت : بيت اهلي
نوير قربت مني : بيت اهلك ؟!! خير فيهم شي ؟!
رديت : لا الحمدالله بس بغير جو عندهم كم يوم
ردت : وحمد يدري
مااارديت عليهاا فكملت : الي تسوينه مو صحيح ... فااطمه رجعي الشنطه الغرفه
وجهت كلاامي لفاطمه بسرعه : لاااااا ... نوير انتي بمقاام منال ... لكن اسمحيلي انااا رجعه ماارح ارجع ..
لو سمحتي لااتضغطين علي
ردت علي بهدوء : انا ماقلت شي لسى ... عموما اذا كل مره تهاوشت مع زوجها راحت بيت اهلها .. مااتعمر بيت بالدنيا ... نسيم انتي ذقتي حلو الزواج .. الحين ذوقي ملحه ... كبري عقلك وارجعي .. ترى ان رحتي بيت اهلك بتكبر بينكم السالفه .. وماله داعي تضاايقون الكباار بشي ممكن يكون تافه بس عنادكم هو الي مكبره
رديت : يمكن بالوضع الطبيعي .. بسمع كلامك .. لكن بوضعي انا وحمد .. المقااييس مختلفه
مافهمتني : وش تقصدين ؟!!! أي وضع
اشرت على عيوني : هذا الوضع ... عن اذنك .. وسلمي على عمتي
نادتني اكثر من مره .. بس ماارديت مااصدقت متى اخرج من باب البيت .. ركبت السيااره .. متجه لبيت اهلي رايحه اواجه اول نتيجه من نتايج قراري
كان قاعد يتاملها وهي تأكله بيدها .. شااف الحزن متخبي بعيوونها .. وحس بضحكتهاا ذبلاااانه .. حز بنفسه انه سبب الحزن .. وهو الي وعدهاا انه مايبكيهاا بيوووم .. مد ايده ورجع خصله الشعر المتمرده
× فيصل ×
رجعت خصلتها ورى اذنها وابتسمت لي : ضاايقتني .. عملت طيب
رديت عليها : ام فهد كفاايه ترى شبعت
هزت رااسها : لااا لسى الصحن ملياان
جاوبتها : الله يهديك انتي مليااه .. اكل عشره مو واحد
ردت : كل الي تقووله مايمشي عندي .. انت لاازم تتغذا .. جسمك محتااج الاكل عشان يتحمل الكيماوي
سألتها : وانت لين متى بتتحملين ؟!
ردت علي بسؤال : تهقى لين متى ؟!!
ابتسمت : لين ماايااخذ الموت واحد منا
ردت : ودامك تعرف الجواب ليه سألت ؟!!
رديت : لاني تعبت .. ومليت
ردت علي : والله مو بكيفك .. انت لازم تقاوم .. اذا مو عشاانك .. عشاني .. وعشاان عياالك ... عشان نجود .. عشان كل شخص يحبك .. لازم تقااوم ياافيصل
رديت : منال انا كنت مترردد لكن اللحين صرت مصر
سألتني : على ؟!!!
رديت : بسوي العمليه
ردت : لااا .. كم مره لازم نعيد الموضوع لاا ياافيصل لااا .. اذا تبي تنتحر انا مارح اسمح لك
رديت : انا اتخذت قرااري
صرخت : مو بكيفك
اتمسكت بهدوئي : اهدي عشان نتفااهم
ردت : نتفاهم في ايش ؟!! مافي شي للتفااهم .. لاا ياافيصل لااااا والف لاااا
جاوبتها : عاارف انك خايفه علي .. وعاارف انها عمليه خطيره .. احتمال اني اكون عاجز فيها 60 % هذا ان نجيت منها .. بس خلاص الكيماوي ماعاد ينفع .. والجراحه هي الحل الوحيد قدامي .. وبعيد عن كل الكلاام والارقاام ... في رب اسمه المقتدر .. هو الي بيده اعيش وبيده امووت .. بنفس اللحظه بنفس السااعه بنفس اليووم .. خووفك مااله لزوووم .. كلها اقداار مقدره لا تعترضي على قدر الله
ردت : يعني ياااسكت ياااكفر ؟!!! (المقصود ان نوال لو اعترضت معناها اعترااض على القضاء والقدر والاعتراض عليه طبعا كفر )
ابتسمت : والله شي راااجع لك
مدت الملعقه لفمي : كل .. كل
قلب ام مشعل انقبض اول ماشاافت بنتها داخله عليها .. ووراااهاا شغاالتهاا بشنطتهاا .. كانت كانها تشوف اكبر مخااوفها تتحقق لكنها سيطره على انفعاالها قد ماااتقدر وماحبت تستبق الاموور
× نسيم ×
صحيح اني مااشوف بس احس ... حسيت بصدمتهم من دخلتي عليهم ومع شنطتي .. حسيت بخوف امي وهي تسالني عن احوااالي ... وعن زياارتي المفاجأة لهم ... وحسيت بتوتر حريم اخوااني وهم ينسحبوون من الصااله
سالتني امي : وش الي صاار ؟!
رديت : يمه تكفيين مااابي اتكلم اللحين .. ابي اطلع غرفتي وارتااح
امي : وقلبي من بيريحه ؟!!
رديت : الي بقوله لك ماابيريحك ... بيضااايقك .. تبين تسمعينه
ماانتبهت لنبرة صوتي الي عليت من غير لااااحس الا لما سمعت ابوي يصرخ فيني : لا تعلييين صوووتك
التفت لمصدر الصوووت : ماقصدت يباا
مشيت باتجاه صوته ابي اسلم عليه : شلونك يبا
ماااعطااني يده وسالني : طردك من بيته ؟!! ولا طلعتي بكيفك ؟!!
رديت : انا الي تركته
سألني : غلط عليك ؟!! ضربك ؟!!
رديت : لاااااا
امرني بحزم : اجل ارجعي بيتك مالك مكان هني
مشعل الي ماكنت ادري بوجوده : يباا الله يهداك خلنا نفهم الساالفه .. نسيم وش الي صاار وانا اخووك ؟!!
رديت : مااصاار شي ... انا خلاااص ماعدت ابيه ابي اتطلق
امي : طلااق ؟!! انهبلتي ؟!!
رديت : الا عقلت ... انا ابي اتطلق
ابوووي : وليه الطلاق يااطويله العمر ؟!!
ماعطتني امي مجال ارد : خلها ياااابو مشعل .. نسيم اللحين متضاايقه ولا هدت وارتااحت بنتكلم
مااعلق ابوووي ... سحبتني امي من يدي على غرفتي
امي : سمعي يااابنت بطني .. سيرة الطلااق ماابي اسمعها ... ولا تفتحينهاا مره ثااانيه لا معي ولا مع حريم اخوووانك .... اللحين نااامي وارتاااحي .. وبكره يصير خير
جيت اتكلم : يمه انا
نهرتني : قلت بكره يصييير خير ...
عرفت انها خرجت من صوووت الباب ... اخيرا رجعت لمكااني ... عااالمي الحقيقي ... جلست على سرير .. رجعت لك ...ادري انت باارد .. بس خلاص مارح تحس بالبرد .. جيت بدفيك ... وبتضمني .. ببكي عليك مثل قبل ... وبتمسح دمعتي .. انت لي وانا لك .. ومالثاالث بينا مكان
اجهد نفسه بالشغل متعمد ... كان يحاول ينسى الي صار بينه وبين نسيم الصبح .. كان يفكر انه ممكن يهدأ وينسى بس اكتشف انه لاهو قادر ينسى ... ولا قاادر حتى يهدأ مو عارف وش الي يدور بدااخله .. غضب مستعر ... ولا هو قهر ... ولا ولا .. مشاعر مختلطه .. تعريفها صعب
× حمد ×
تعمدت اتاخر بالشغل .. وحتى بعد ماانتهى الدوااام .. فرفرت بالشوااارع والمقااهي ... ماكنت ابي ارجع البيت ماالي خلق هوشه جديده مع نسيم .. نسيم اتغيرت .. صاايره نكديه .. وتدور للمشااكل ... الكلمه ماتخرج من فمي الاا بعد ماادورها يمين وشماال بمخي .. عشان لا تاخذها علي .. ويااليته نفع .. دورت رضااها وبداال مااتفرح تلوومني .. ماعدت اعرف شلون اتصرف معاها .. البنت هذي لغز وقسم بالله لغز
وقفت سياارتي ونزلت ... سلمت على اهلي .. وجلست معهم
سألني ابوي : وش مسوي بمرتك خلاهاا تهج وتترك البيت
استغربت ...تركت البيت ؟!! .. معقوله كسرت كلاامي وطلعت ؟!! تتحديني ياانسيم ؟!! .. ترمين كلامي كله ورى ظهرك .. لهالدرجه مالي اعتباار .. مالي قيمه .!!
ابوي : رد وش الي صاار ؟!!
وقفت : صاار الي صااار ... رجااء هذي حيااتي وماابي احد يدخل فيها
ابوي : حياااتك !!! انت عايش معانا بذا البيت .. وشلون ماتبينا نتدخل ؟!! انت ناااسي ان ابوها صديقي ؟!! تبي تسود وجهي قداامه ؟!! وش مسوي ببنته
رديت عليه : يباا انا مااغلطت عليهاا ... ولا عاش من يسود وجهك .. بس المره الي تطلع عن شووري ماالها مكااان ببتي ..
امي : وش تقصد ماارح تردهاا
رديت على امي : لااا .. تبي ترجع لحالها .. اهلاا وسهلا .. ماتبي بالطقااق .. ورجاء يمه لا تتصلي عليها وترااضينها .. لان اصلاا مافي شي يستاهل انها تزعل وتلم عفشهاا ... عن اذنكم
قمت وانا اغلي .. طلعت لجناحي .. شفت اغلب اغراض نسيم ماهي فيه .. اخر شي اتوقعته انها تكسر كلاامي كنت متامل ارجع البيت القااها بانتظااري .. لكن ظني خااب .. تهقين ياانسيم ان بطلعتك بتخليني اركض وارااضيك ؟!! الظااهر ماعرفتي من حمد بن فااضل ... حمد عمره مااركض ورى حرمه ولا ترضااها .. خلك ببيت ابوووك .. وخلينا نشووف من بيركض ورى من ؟!!
كان يسمعها وحي تحكيله التمثيليه الي مثلتها على صديقها ... كان يشوف الحماس بعيونها .. ويشوف وش كثر زوجته تحاول تساعد صديقتهاا .. واستغرب من توارد خواطره وخواطرها .. وحمد ربه انه ماسألته عن نسيم وعن تركها لبيتهاا
× مشعل ×
كنت اسمع نجود وهي تحكي ع اللي سوته بلطيفه : والله انها كانت شوي وتنفجر خفت تسوي فيني شي
رديت : نجود ترى اللي سويته ممكن يخرب بيتهم
ردت علي بثقه وهي تمدد جنبي ع السرير : مااعتقد
ردت : شووف انا من عرفت ان بدر سافر وماسأل عنها عرفت انها فكرتك .. زي ماانت عارف سبق وسويتها فيني .. اقصد التطنيش
ابتسم : اهااا وبعدين
ردت : ابدا .. انا قررت اسااعدكم .. قلت العب بعقلها شووي .. بيني وبينك هي ما كانت محتاجه من يلعب بعقلها المسكينه كانت شوي وتطق
سالتها : طيب ياام العريف المشكله مازالت قائمه
ردت باسلوب مسرحي : الا وهي ؟!
كملت : ماذا لو لطيفه اقتنعت ان بدر فعلا يخونها؟!
ردت : وهذا الي انا ابيه
فتحت عيوني : نعم ؟! انا كنت اقول عقلت .. لكن انتي عمرك مارح تعقلين ابد .. هي يالله انها متحملته اللحين
نجود : هييييييييي شوي شوي .. كلتني بقشوووري .. ليه ماتخليني اكمل كلاامي بعدين احكم
رديت وانا مستغرب من برود اعصاابهاا واخذها للموضوع ببساطه ولا كأنها مسويه شي : اسمع لطيفه صديقتي قبل لا تكون مرت اخوك .. واخوك بيوم من الايام كان صديقتناا .. لا تناظرني كذا .. انا قلت كان هذا شي مستحيل ينمحى من عقل وذاكرة لطيفه ... حتى وهي اللحين حامل عجزت تتقبله .. او بالاصح ماهي قارده تعبر عن مشاعرها .. هي لقت نفسها متزوجه صديقتها .. تهقى الموضوع سهل ويمر ببسااطه .. حتى بالنسبه لشخص متعلم .. ومنفتح ذهنيا .. الموضوع صعب .. خصوصا وانه ماكان لها الخيار فيه ... انت نصحته يبتعد لانك تتوقع ان بغيابه بتحس فيه .. غياابه مو كاافي .. لان مره ورى مره بتتعود عليه .. المره حتى لو مااحبت زوجها ومكمله حيااتها معااه لمجرد انه نصيبها .. ماتحب انه يكون لمره غيرها .. تشااركها فيه حتى لو كانت المره تكره زوجها .. يزين بعينها لاشاافت عيونه على غيرها .. وتحاول ترجعه لها باي وسيله .. وانا لو مااعرف ان لطيفه تميل لبدر .. ماكاان سويت الي سويته
سألتها : وشلون عرفتي انها تميل له ؟!
ردت : احساسي
طيرت عيوني فيها : اللحين الفلم ذا كله بنيتيه على احسااسك
سحبت خدوي : يااااقلبي علي مطير عيونو .. ياادااالبو
نزلت يديهاا : وخري يدينك
ضحكت بصوت عالي : هههههههه يااااحلوووك وانت معصب .. حبيبي احسااس المرأة لا يكذب ابدا
مارديت عليها .. عطيتها ظهري وغطيت وجهي باللحااف
فتحت اللحاف : يااللطيف نااار .. تطمن موبس احسااسي .. لطيفه عمرها مااشتكت من بدر ولا من تصرفااته معاها .. تعرف انها مسميته فارس العصور الوسطى .. ورجل ماانشوفه الا بالرواايات
لفيت عليها وانا اجلس : صدق ؟!
ردت : ايه صدق .. بتسال ليه تجاافيه .. هي نفسها مااتعرف .. ماعندها عذر غير نوران .. يمكن صحيح نوران بالنص .. ويمكن لاا ... مااعرف .. الي اعرفه انها تميل له ... رجعت قرصت خدودي ... ارتحت يااقلبووو
صرخت : وبعدييين ... اااااي .. يعور ياابني ادمه .. ااااي
اول ماطلع الصبح وبعد الفطور استئذنت تروح بيت اهلها .. ماحبت تكون متواجده بين افراد عاايله وحد وتحد من حريتهم .. لانهاا عارفه ومتاكده من ان شي صاار .. التوتر كان مالي الجو .. ومن الوجيه في كلاام لاازم ينقااال .. فما كان لهاا الا الانسحااب ... وصلت بيت اهلهاا ... حاولت تفتح الباب بالمفتاح الي معاها مافتح .. استغربت .. طلعت المفتاح وتكدت منه للمره الثانيه .. هو نفسه دخلته من جديد .. ومافتح .. اضطرت تدق الجرس .. وانتظرت وقت لين ماتكرمت عليها الشغاله وفتحت الباب
× لطيفه ×
استغربت لما مافتح معاي المفتاح .. بالبدايه فكرت انه المفتاح الغلط لكني تاكدت انه هو نفسه .. حتى اني قلبتو على بالي انو مكسور .. لكنو كان صاغ سليم .. معقوله يكون غير المفتاح .؟! من جدو ؟! استغربت انو مافي احد في الصاله .. والهدوء مالي المكان
سالت الشغاله : وين ماما ؟!
ردت : روح بيت ماما
زفرت بضيق :ماما انا مو رهف
ردت : في غرفه
عطيتها عبايتي .. وطلعت لغرفة امي .. دقيت الباب ودخلت .. الغرفه كانت مره باااارده .. وفاضيه .. دورت عليها في الغرفه وانا مفجوعه .. كنت اناديها بس ماترد عليها .. طلعت من الغرفه وانا اصرخ وانادي عليها .. امي .. امي
سمعت صوت امي : اشبك تصرخي
لفيت ورايا وحضنتها : الحمدالله
امي : اشبك
رديت : خفت يكونو سوو فيك حاجه
كشرت امي : وبعدين مارح تبطلي
حطيت يدي على فمي : اهووو
هزت رااسها : الله يهديكي
رديت : امييين
نزلت مع امي للصاله .. وجابت لنا الشغاله الشاهي .. ومن بعد السؤال عن الاحوال حسيت انو صار الوقت الي اقول لامي على حملي
حطيت فنجان الشاهي من يدي : امي ترى انا حامل
امي شرقت بالشاهي : ايش ؟!
مسكت الفنجان لايطيح من يدها : بسم الله .. ايشبك ؟!
سألتني بفرحه وكأنها مو مصدقه : حامل ؟!!!
هزيت راسي : ايوا حامل
امي حظنتني بقوة : الحمدالله .. الف مبروك يااابنتي .. وباستني من قلبهااا " كناية عن الفرحه صاادقه الشديده" على خدودي
تركتني امي بعد فتره .. وهي رافعه يدينها للسما وتدعيلي .. وللي في بطني .. حسيت امي فعلاا فرحاانه بحملي نفس الفرحه الي شفتها بعيون عمتي لما بلغتهاا بحملي
سألت امي : فرحانه ياامي
ردت : وه وهدي يبغالها سؤال ؟! .. اكيد فرحااانه
سكتت شويا .. وتاملتني ... حسيتها قريت قل الي في باالي ... رخيت راسي ماقدرت احط عيني بعينها .. مااعرف ليش حسيت اني مستحيه من نفسي .. ومن احاسيسهاا
سألتني : ليه مو باين عليكي انك فرحانه ؟!
لما مارديت عليها كملت ونبرت اللوم مسيطره على صوتها : معقوله مو فرحانه ؟!! ماااكنتي تبغيه ؟!! ياابنتي حملك هدا نعمه من ربناا .. حريم كتير يتمنوها ولا هما طايلينهاا ... انتي مفروض تفرحي وتحمدي ربناا على نعمتوو .. مو .. سكتت فجأه .. وكملت بنبره حاده .. لطيفه لاتكوني مو فرحانه لانو نوران لين دحين ماطلعت من دماغك
رفعت راسي وطليت في امي .. كنت ابغى اقول شي ادافع عن نفسي بس نظرتها لياا خوفتني .. منعتني افتح فمي لو بحرف
امي ضربت باصباعها جبيني ..: هنا ايش في ؟!! مخ ولا بطيخ ؟!! .. ايش الي موجود هنا ردي علياا ليه سااكته .. ولا ماالك وجه تردي ؟!! لساانك وين ياابنت بطني
رديت : ارد عليكي ايش اقول؟!
امي : قولي أي حااجه ... قولي اني غلطاانه .. وانك فرحاانه .. قولي ان كل الي افكر فيه اوهااام
رديت : يعني تبغيني اكدب !
امي : اكدبي ياشيخه .. ريحي قلبي واكدبي
سألتها : يعني قلبك مارح يعرف اني اكدب عليه
تنهدت امي بضيقه : ليه غاويه الشقا ياابنتي ؟!
رديت : يمكن لاني استكتر الفرح
امي : لطيفه بيني وبينك يابنتي .. ماتميليلو ؟!! " تميلين له "
استغربت : اميللو ؟!!
كملت امي اسألتها : جربتي تُطليلو على انو رجال .. على انو بدر .. مو نوران .. لما تكوني معاه .. وينقفل عليكم باب .. مين تشوفي ؟! بدر ولا نوران ؟!! .. لما تبغي كتف تسندي راسك عليها .. لما تبغي ظهر يحميكي مين الي تلقينو قدااامك ؟! بدر ولا نوران ؟! .. يابنتي لاتصيري بطرانه وماتحسي بنعمتك الا لما تزول
رديت عليها : ليش يكون هو النعمه .. ليش مااكون انا النعمه .. ليش تحسسيني انو متفضل عليا ؟!! ناسيه ايش هو ؟!! ايش كان وايش صاار ؟!! مين الي رح تقبلو لو عرفت حقيقتوو.. انا النعمه مو هو
ردت امي : ادا انتي النعمه ايش محوجك تبقي معاه ؟! ليش مااطلقتي لين دحين .. ليش شابطه فيه ؟!
رديت بدفاعيه : انا مو شابطه فيه .. مع السلامه والقلب داعيلوو
امي : خلاص جيبي حوايجك .. ولاترجعيلو
رديت بشكل تلقائي : اجيب حوايجي ؟!! ليش ؟!! بس ماسوالي حاجه ؟! ليش اسيب بيتي ؟!!! والي في بطني ايش دنبو ؟ !!
سكت لما شفت ابتسامه امي المنتصره .. وهي ترفع فنجان الشاهي وتشرب بهدوء : ماتميلولو ها !!
حاولت اداافع عن نفسي : انا مااقصد الي فهمتيه ... لا تفسري كلامي على كيفك
ردت عليا : والله كلامك مالو الاتفسير واحد
سألتها : الي هووااا ؟!
ردت : والله انتي عارفتو من غير لاقولوو
سمعت صوت عبدالعزيز فجأه : اوووهوووو انتي هنا
استغفر الله هداا ايش جاااابوو دحييين؟!! انا جايه بدري عشان لاااشووفوو .. يجي يسود نفسي بطلتو.. اوووف
طلع من دوامه على بيته .. يسوقه الشوق لرذيله .. مستغل غياب زوجته .. فرصه وجات له على طبق من ذهب .. ولازم يستغلها .. ماهمه عظم ذنبه .. المهم عنده اشباع رغبته ... بالحلال بالحرام ماتفرق .. الاشباع هو غايته ومقصده
× عبد العزيز ×
ماكنت مصدق متى اوصل البيت ... رهف اليوم منطقه في اهلها .. والجو خالي لي تماما .. بس يااافرحه ماتمت .. جيت لقيت الي ماتتسمى قااااعده .. سدت نفسي الله يسد نفسهاا
قلت من غير نفس : اوووهوو انتي هناا
ردت عليا بجفاصه : لا هناك ..
تلقفت امي : مافي سلام ؟! حتى الي يدخل مقبره يسلم
طنشتها وكملت كلاامي للطيفه : اوووف .. انتي تشوفين دحين وقت زياارات الناس ترجع من دواماتها ترتااح وانتي ماسكه عباايتك وتدورين من بيت لبيت مالك رجال يشكمك
نطت في حلقي : ليش قالولك كل الرجال زيك ؟!!
نرفزتني : لطيييييييييييييييييفه
ردت : ارخي صوتك .. لا تتعب حنجرتك .. ترى ست الحسن ماهي في عشان تستعرض عضلاااتك
رديت : انتي وحده قليله ادب
ردت : مو انت اخذت الادب كلوو
امي : بس يابنت
ردت عليها : ماتشوفي ولدك الي يسمعوو يقول جايا بيتوو .. ترى لسى جايا بيت ابوياا يااعبدالرحمن .. والمفتاح الي غيرتو .. ابغى نسخه منوو
رديت : والله هدا الي بااقي اعطيكي نسخه من مفتاح بيتي
ردت وهيَ تحط رجل على رجل : بيت ابويا .. وبيت امي وبيتي من بعدو .. انت مالك قشه في ذا البيت يعني احترم نفسك قبل لااكرشك
جريتها من شعرها : نعم ؟! تكرشي مين ؟! لاتكوني تحسبي نفسك تزوجتي قلتي اتفرعن .. ترى لسى اقدر اكسر عظامك
حاولت تفك نفسها : شيل يدك
وقفت امي وحاولت تفك يدي : سيبها ياعبدالرحمن حرام عليك
شديت شعرها بقوه اكتر : اسيبها ليه ... خليني اشوووف نهاية فرعنتهاا
ضربت على صدري لطيفه : اقووولك سيبني .. تعنتر على مرتك مو علياا
شديت اكتر .وضغطت على فكها باصاابعي : انتي ايش ؟!! ماااتحسي ؟!!
فاجأتني بابتسامه : لاااااا
ماقدرت اتمالك اعصابي .. جريت من يدهاا .. وسحبت العباية بطريقي .. جات امي تبغى تفكها دفيتها الين ماطاحت على الارض
لطيفه صرخت : امييي ... سيبني .. الله يكسر يدك .. اميييي
مااعرف كيف قدرت تفك نفسهاا .. جريت على امي ..: امي .. انتي بخير
ردت عليها : بخير رووحي ياابنتي رووحي
صرخت لطيفه عليَ:انت ايش ؟!! ماتخاف ربنا ؟!! هذي امك ... حراااااااااااااام عليك والله حرااام
رميت العباااية بوجهااا : اطلعي برى
رمت العبااية : ماااارح اطلع ... اللي يطلع انت مو اناا
صرخت امي : اطلعي يااالطيفه ... لاتصيري انت وهوعليااا
ردت عليها : واسيبك معااه .. ماارح اطلع
جريتها من يدها : قووومي ... لملمت عباايتها .. سحبتهاا لين برى البااب كانت طول مااانا اسحبها وهياا تحاول تلبس عباايتها ...فتحت الباب .. ورميتها برى
لنا لقاء باذن الله يوم الخميس " بعد اسبوعين "
|
07-11-09, 05:10 AM
جديد مواضيع قسم الارشيف
العرض العادي
