جاها تلفون من زوج امها .. امها ولدت بعمليه قيصريه .. طلعت جري تصحي مشعل ياخذها لها .. تبي تروح تشوفها وتطمن عليها .. خصوصا وان زوج امها قالها انها تعبت شوي بعد العمليه

× نجود ×

طلعت جري اصحي مشعل ياخذني عند امي .. امي ولدت امس .. صار عندي اخ .. ياااهـ اخ .. نبرة زوج امي ماكانت مريحة ابدا .. حسيت ان امي تعبانه اكثر من الي قاله .. طبعا السيد مشعل .. ماله ساعه راجع من برى

هزيته : مشعل قووم .. مشعل
مارد علي .. كل الي سواه عطاني ظهره وبس
قلت له : لو سمحت قووم ابي اروح عند امي

طبعا مارد .. ولا حتى التفت علي .. قهرني مره .. : مشعل قوووم امي تعبانه في المستشفى ابي اشوفها
لف علي .. وناظرني .. حسيته يبي يصارخ علي .. يعاندي وماياخذني لها .. لكن لما شاف دموعي .. رمى اللحاف وقام وهو ساكت .. وقام يبدل ثياابه

السؤال الوحيد الي سألني ايها مشعل بالسياره .. أي مستشفى .. عطيته اسم المسشفى .. واول ماوصلنا .. نزل معاي .. مرينا من جنب محل الهدايه ... ناديته اكثر من مره مارد علي .. طنشته ودخلت محل الهدايا .. اشتريت شوكلت وباقة ورد كبيره لامي

جبت اوصالي لما حسيت برجال واقف وراي .. ويسأل بصوت كله غضب : كم الحساب ؟!
لفيت عليه من بعد ماعرفت صوته : معاي فلوسي .. وجيت افتح الشنطة بطلعها
رد علي بصوت واطي اقرب للهمس : قفلي الشنطه بالطيب واذلفي هناك

بعدت عن الكاشير .. وانا اغلي من اسلوب مشعل معاي بالكلام .. حاسب وهو ياخذ الاغراض .. وبنظره من طرف عينه ناداني .. مشيت وراهـ ..توقعته بيهاوشني اول مانترك محل الهداياا .. لكنه ماتكلم .. طبعا لازم يحافظ ع الذوق العام .. ومايهاوش حرمته قدام الله وخلقه .. ركبنا الاصنصير والحمدالله ان في عايلة ثانيه معناا .. ولا مشعل مو بعيد كان طقني على حركتي بمحل الهداياا

وصلنا غرفة امي طقيت الباب ودخلت انا اول شي : السلام عليكم
حسيت امي اتفاجأت لما شافتني : وعليكم السلام
حطيت الورد والشوكلا ع الطاوله .. ورحت بست راس امي : الحمدالله ع السلامه يمه .. مبروك ماجاك
امي : الله يبارك فيك
والتفت على زوج امي ورحت بست راسه : مبروك يااعمي .. يتربى بعزك
عمي : الله يبارك فيك يابنتي .. تفرحين بعيالك ان شاء الله
امي : جايه لحالك ؟!
رديت : لا مشعل برى .. ويبي يسلم عليك
عمي : الله يهديك كان دخلتيه معك
قام بنفسه زوج امي .. ورااح يقلط مشعل .. وهو يرحبه ويهلي .. جلست انا جنب سرير امي على كرسي .. ومشعل من بعد ماسلم عليها وهو راسم ابتسامة البقرة الضاحكه جلس ع الطقم الملكي مع زوجها

سألت امي : شلونك اللحين عساك بخير ؟!
امي : الحمدالله .. وكملت بعتب .. توك متذكره ان لك ام ؟!
رديت : ادري اني قصرت معك يمه .. بس كنت مشغوله
امي : بمن مشغوله .. بدرزن العيال الي وراك ؟! مااشوفك انشغلي عن بيت .. حسيتها بتسب بس مسكت لسانها .. عمك فيصل

سكت ماعرفت وش ارد عليها ... مشعل : ولا يهمك ياعمه .. امسحيها بوجهي ومالك الا لي يرضيك
امي : سامعه رجلك .. تعلمي منه
عمي : هي وياه واحد ياسااره .. صح ياابنتي
هزيت راسي بمعنى ايه .. وانا احبس دموعي عشان لا ابكي
جابوا اخوي عشان نشوفه .. كان يجنن صغيييير مره .. وجسمه احمرررر .. وفيه قشور شوي على جبهته واصابع ايده غيييره ..وتحسون جلده مكرمش شوي

سألت استأذن : اقدر اشيله
عمي : اكيد ياابنتي هذا اخوك
اخذته وحطيته بحظني وانا منتبه زين على رااسه رفعته وبسته .. ياالله .. يجننننن .. روعه : وش اسمه ؟!
رد زوج امي : سعد
ماعجبني الاسم .. بس كيفهم ولدهم وهم احرار فيه .. بست سعودي بخده : عاشت الاسامي يااسعوودي
ضحكم ع الدلع .. امي : تكفين لا تدلعين احد ..
رديت : مو احسن من سوسو ؟!
مشعل : لاذا ولا ذاا .. الاولاد مايتدلعون
زوج امي : صدقت .. سعودي هههههه

كرمشت وجهي .. مايهم . انا بدلعه .. عجبهم او لاااا .. جلست شايله سعودي بحضني وعطيته اصبعي يلعب فيه وكان كبير مره على ايد

سمعت امي تسأل مشعل : ها مشعل ماتبون عيال ؟!

رفعت عيني بمشعل وانا انتظر اسمع جوابه .. مادري ليه حسيت بقلبي ينقبض .. : بدري يااعمه ع العيال مالنا الا اربع شهور .. خليهم يتأخرون سنه او اثنيين

ردت امي : ايه صادق

انا ماعلقت .. سنه او اثنيين ؟!! ناظرت عيون مشعل .. ماتبي عيال ياامشعل مني .. ليه ماقلت لها بصراحه؟!! عيونك قالت .. عيونك افضحتك .. حسيت نفسي مخنووقه .. ودي ابكي .. ودي اصرخ بعالي صوتي .. وكأن هالاحساس انتقل لاخوي .. وقام يبكي .. عطيته امي تسكته



كانت طول اليوم متضايقه .. كلام حمد كان جارح لها كثير .. وكلامه لها جرحه اكثر .. الا ان نسيم بداخلها كبرياء للاسف زايف .. رافضه تماما تعتذر له .. حتى انه من يوم مارجع ماتبادلت معاه كلمة

× نسيم ×

اللحيين متى بيعتذر ؟! ساكت حضرته ولا كأنه مسوي شي .. وفوق كذا .. يسولف ولا هو معبرني
نوير : نسيم وش راايك ؟!
سألت :راي بوش ؟! ماانتبهت
نوير : المصيبه اخوي لاصق فيك ولا لصقة عنزروت .. يعني اكيد ماتفكرين فيه
عمتي : نوير .. بقصه لسانك .. اذكري الله عليهم
نوير : ما شاء الله تبارك الله .. عيني بارده مابيصير لهم شي .. ولا خل يصير .. خليها تتنفس شووي .. حرام عليه ولدك كاتم على نفسها من كثر ماهو لاصق فيهاا

حمد : انتي وش يخصك
لصق في اكثر .. وحط ايده على كتفي .. انحرجت كثير من عمتي ونوير .. مايكفي كلام اخته .. يجي يكملها ويلصق بزياااده

نوير :اووهوو ماصدق .. شووفي .. شووفي وجها محمر كيف .. مو قادره تتنفس .. وخر عنها.. كتمتهاا حرام عليك !!!

حمد رد عليها باستفزاز : هي رااضيه .. انتي شدخلك .. بطلي اللقاافه .. يمه بنتك ملقووفة على مين
امي : والله ماادري .. وسمعت صوت خبطه بسيطه .. استحي شووي
نوير : ااخ .. كله عشان حميدااان
حمد : حميدان بعييينك
نوير صرخت .. : اااااخ .. ههه ماجاات . جرب الي ورى ظهر نسيم
عرفت انها قصدت الخدااديه .. الظاهر ضربها فيهاا .. سألتني : يرضيك الي يسويه زوجك ؟!
رديت عليها : مالي دخل اخوان واختلصوا
حمد : لقطي وجهك
نوير : افاااااااااا .. هذاا واناا اداافع عنك .. خليه .. حتى يااخذ عنك الاوكسجين كله .. تساهلين
رديت : هني وعافيه على قلبه
ردت علي: حشى مفطح مو اوكسجين
حمد : وبعدييين ؟! مارح نخلص من ذا اللسان
نوير : شغلني وانت بتخلص من لساني

حمد زفر .. وكان صوت زفيره عالي .. يمكن لانه قريبببب مره مني : اللحين اللف والدوران كله عشان الشغل ليه ماجبتيها من قصيرهاا

نوير : لا والله مااقصدت .. بس جات معاي كذاا
حمد وخر عني : نوير .. تكلمنا عشرين الف مره .. شغل معنا بالشركه لااا .. انسي مااافيه .. لا تصدعين رااسي .. مو ناقصك

حسيت نوير تضايقت من اسلوب حمد .. مره كان جاف .. حاولت اني اصرف الموضوع : تبي بندول ؟!
رد : ماله داعي .. اللحين بقوم انام وان شااء الله ع الصبح يكون راح .. تامروني على شي ؟!

ردت عمتي ونوير : سلامتك ..

سمعت خطواته وهو يمشي .. استأذنت من عمتي .. وسط تعليقات نوير علي .. وقمت وراهـ .. اصلا لو ماقمت عمتي بتقومني وراااهـ فاخذتها من قصيرهاا ولحقته

دخل جناحه .. وهو يدور السرير .. من طلع الصبح .. حتى اللحين .. وهو مارجع للبيت .. قضى اشغااله وعلى وقت الغذا .. جلس بواحد من مطاعم الشباب .. تغدا .. اما المسى .. قضاه مع فيصل .. الي اتفق معاه يكون معه الصبح بالمستشفى

× حمد ×

تعمدت اني ماارجع البيت .. كنت محتاج اهدأ .. وافرغ الطاقه السلبيه الي بداخلي .. يمكن لو رجعت كان تهاوشت مع نسيم .. خطر على بالي انزل المزرعه .. لكن موعد فيصل .. منعني .. الله يستر .. ويكون عن الدكتور اخبار طيبه

خلعت قميصي .. وانا اسمع باب غرفة النوم ينفتح .. الظاهر المدام لحقتني .. غيرت ثيابي .. وطلعت من غرفة الملابس .. لقيت نسيم جالسه ع السرير

نسيم من بعد ماحست فيني : ليش اليوم تاخرت ؟!
رديت عليها وعيني عليها : يعني انتي لاحقتني عشان تسأليني ليه متاخر ؟!
ردت : يعني بيكون ليه ؟! عمتي سألتني وش عنده رجلك ماجا اليوم البيت ماعرفت وش ارد عليها
رديت : ولايهمك بتصل فيها المره الجايه .. واعطيها خبر .. شي ثاني ؟!
سألتني بعتاب : واناا ليش ماتعطيني خبر ؟! انت حتى كنت ببيت اختي ولا قلت لي انك بتروح لهم

رديت بعصبيه : وان شاء الله اختك جاسوس علي .. تنقل تحركاتي لك .. ماقالت لك وش كان عندي انا وفيصل وش الي سولفنا فيه .. متى دخلت متى خرجت .. وش اكلت ؟!

ردت بنبره حاده : انت ليش معصب ؟! وبعدين شي طبيعي انها تقولي .. انت كنت ببيتها .. وانا مو معك .. من بااب الذوق اتصل تسألني ليش ماكنت معااك .. انا ماطلبت انها تنقلي تحركاات .. ومو اناا الي اسوي هالشي

رديت بمصخره : نسيت انك ملكة العقل
زفرت وهي متضايقه وايدهاا تضغط على شرشف السرير : حمد لو سمحت ماله داعي المصخره

رديت : ومن قال اني اتمصخر .. انا عندي زوجه الكل يحسدني عليها .. عليها عقل .. يوزن بلد .. وفوق كذا ثقتها فيني عمياا .. الكل يحسدني عليهاا

وقفت بعصبيه : انت تدور مشااكل .. نام ابرك لك ولي

مسكت ايدها بقوة من الساعد : انا ادور مشااكل ؟!! ليش ناقصنا عشان ندورها ؟! تونا الصبح كنا عايشين وحده .. واللحين وحده ثانيه .. وش احلى من كذا ؟!

نسيم : حمد اوجعتني .. اترك ايدي
ارخيت من قبضتي عنها : نسيم وش الي تغير؟! وش صابنا
نسيم ارخت راسها .. واسندت جبهتا على صدري : مااعرف .. ليتني بس اعرف
طوقتها بذراعي وضميتها لصدري ..طوقتني هي بعد : طاح الحطب ؟!
رديت : طااااااااااااح



جلس مقاابلهاا في جناحهم .. من بعد مااحلفت عليهم امه يبيتون عندها بالبيت ... رجعوا الفندق .. قفل الحساب .. وجمعوا اغراضهم .. بداخله اسئلة كثيره .. محتاج يسمع اجاباتهاا .. بس بايها يبدأ ؟!! وهل الاجابات بتكون شافيه فعلا ؟!

× بدر ×

ماحسيت فيها فضول عروس تتعرف على عش زوجيتها ... بالعكس ملامحها باارده .. وعيونهاا حزينه متأكد انها تعتبر ذا الجناح زنزانه

كسرت الصمت : ان شاء الله عجبك الجناح ؟!
ردت : حلو
قلت لها : شكراا .. ناظرتني باستفهاام .. شكرا لانك جملتي صورتي .. شكرا لانك ماقلتي لهم عن مصدر الخبر شكرا لانك عطيتيناا فرصه نبدأ صح

مااهتمت بكلامي .. ماردت علي ولا حتى باشااره .. قامت بهدوء وهي تعطيني ظهرهاا .. وراحت للدولااب تطلع غيار لهاا .. غاضتني الحركة

قمت ومشيت لين ماصرت واقف وراها .. قفلت الدولاب وجات تلف لقتني بوجها .. المفاجأة بانت على وجها بشكل واضح .. الظاهر انهاا بعالم ثااني ... جسمها يتحرك صحيح ومعاي بنفس المكان .. لكن فكرهاا بعييييد بعيييييد كثيييير... يمكن بزمان غير الزمان .. مو بس مكان غير

لصقت بالدولاب : ايش تبغى ؟!

ارتفعت بنفس الحظة ايدها اليمين لمستوى رقبتها .. طوقتها بشكل جزئي بكفها.. من بعد ماجمعت باصابعها اطراف ياقة القميص ببعضهاا بدفاعيه ... كأنهاا متوقعه اني رح اهجم عليهاا .. حركتها هذي كانت تلقائية بدرجة كبيره .. تلقائية بسبب خوفها مني ورعبهاا

مديت ايدي بهدوء .. حسيتها تبي تصرخ .. تستغيث .. بس ماقدرت .. تعرف انا مب لحالناا .. وزاد التصاقها بالدولاب .. حسيتها ممكن تكسر بابه لو انها استمرت بدفعه بجسمهاا .. لامست ايدي ايدها .. امتدت يدها اليساربتمنعني .. مسكت الثانيه بيدي الحره

لطيفه كانت تطلع الحروف غصب : الـ ـ ــلـ ــ ـه يـ ـ خـ ــلـ ـيـ ـك سـ ــيـ ــبـ ـ ـنـ ـ ـ ـي
رديت عليها بهدوء : وش فيك اهدي .. ماارح اسوي شي .. انا مافكرت باللي انتي خاايفه منه
عيونهاا كانت مكذبتني .. وايدهاا اليين اللحين تحاول تفلت من قبضتي .. تركت يداتهاا .. بس ماتحركت من مكاني وقفت مقاابلها بشكل ثاابت
قلت لها وانا احاول ماافقد اعصاابي .. خصوصاا وان عيونها مليانه دموع ومابقي شي وتنزل : ايدك وتركتها وقلت لك مارح اسوي شي .. ليش كل ذي الدموع ؟!

اسغفر الله .. اعرف اني تصرفت بهمجيه البارحه .. بس هذا مو معناته اني رح اكررهاا مره ثاانيه .. اقصد .. انتي فاهمتني

لفيت ظهري وانتجهت للسرير جلست على طرفه .." تعالي اجلسي لو سمحتي .. ماتحركت من مكاانهاا .. قمت من ع السرير .. وكملت بعصبيه شوي .. بلاااااش السرير ... ممكن نقعد ع الصوفاا ونتكلم مثل اي اثنين من البشر بينهم شي مشترك ؟!!

هزت رااسهاا ... مشيت قبلهاا وجلست على الصوفاا .. كانت بتجلس بعيد .. قلت لها : لااا هناا واشرت على كنبة مفرده جنبي

جلست عليهاا كانت متوتره لسى .. عدلت جلستي .. تقريبا جلست مايل باتجاه الزاويه عشان اقابلهاا بشكل مباشر واكون وجه لوجه معاهاا : شوفي ياابنت النااس .. قلتي بتكملين معاي .. واذا بنكمل .. لازم اللحين نحدد مسار حياتنا .. واول شي .. نوران تمسحيهاا تمامااا من تفكيرك بشكل تاام .. ميته وخليها ميته .. و اياك بيوم تخلطين بيني وبينها ... اناا غير .. شي بسيط منها صحيح بااقي منها .. لكن ابد مو هي

انااا الـــــبـــدر .. زوجـــــــــــــك

لازم ماتنسين هذاا ابداا ... وان شااء الله مع الايام بتتعرفين زين .. انتي زوجتي حقوقك ان شاء الله كلها بتكون كاامله .. وان قصرت نبهيني .. انا مب كامل .. ومثل مااناا بقوم بحقوقك ... انتي بعد لازم تقومين بكل حقوقي وكملت بتوضيح .. وانا مااتكلم عن الفراش بس يالطيفه .. لا... اكثر شي يهمني بعلاقتناالاحترام .. وماا اعتقد ان من الاحترام اكلمك ماتردين علي .. وفوق كذا تعطيني ظهرك وتمشين حتى من قبل مااخلص كلامي .. انا عاذرك ان الوضع جديد لسى عليك .. بس ماابي هالشي يتكررر .. كلماتك .. تصرفاتك من اليوم انتي محاسبه عليها .. بالضبط مثل ماهو من حقك تحاسبيني على كلماتي وتصرفااتي .. بزواجنا نحن متساوين .. لنا نفس الحقوق وعلينا نفس الواجبااات ... الشي الوحيد الي مااقدر اطالبك فيه الحب .. اعرف ان الحب مااينطلب .. بالضبط مثل مااينشرى .. يمكن بيوم ينزرع بقلبك ... مسكت ايدها ال بحظنهاا .. قومي اللحين بدلي ونامي .. انتي تعبانه

وقفت وهي ساكته .. اخذت الغيار وراحت الحمااام ... مسحت وجهي بضيق .. احس نفسي دااخل حرب .. الله يقدرني انتصر فيهاا .. واحتل قلبهاا




انتهى
كل عام وانتم بخير .. وعساكم من عواده
البارت القادم رح يتاخر شوي .. حدود الاسبوعين

يعطييييييييييييييييييج الف مليون عافيه
وانشالله بدر ولطيفه يتفاهمون

مشعل وايد عجبني بالحركه الي سواها بنجود


ناطرينج حبيبتي وعساج عالقوه

وانتي بخير يالغلا ويعود علينا وعليك بالصحه والعافيه يارب
البارت روووعه وفيه أحاث مهمه و مصيريه زي ما يقولون<<متعوب عليها
فيصل
الله يشفيك ويصبرك أهـ والله أن حالته تجيب الهم
منال
لازم تكون قويه ولو تمثيل بس عشان يرتاح فيصل

لطيفه
زيييييييييين أنك كبرتي عقلك وسمعتي كلام أمك وموقفك حلووووووووو ولو كنتي بتحمين صديقتك وهي ما تستاهل و بصراحه كبرت في عيني
بدر
يله ورنا شطارتك وخل البنت تحبك وتموت فيك ونسها نوران

نسيم
مدري وش أقول في نسيم بس أن شاء الله تفكر بعقلها وتخلي الحساسيه عنها وحمد يحبها ولا كان ماسو اللي يسويه عشانها
ولا تضيعه علشان شوية هبال في راسها وشكوك مالها داعي
حمد
شوي شوي على نسيم البنت رقيقه وحساسه أصبر عليها وانت ل ماضي أسود بالنسبه للبنات وهذا زرع أنت زرعته شوف نتيجته

نجود
هذي حكايتها حكايه بس فعلا لازمها أحد يعلمها وشلون تمسك لسانها وتعدل سلوكها أشوي مهما كانت أنسانه رائعه بس فيها كم صفه تكره الناس فيها والمفروض تحمد ربها اللي رزقها مشعل لو كان وحد غيره طلقها كانه يخاف ربه ولا قعده عنده مثل الخدامه وطايح فيه طق على كل خطاء تسويه
مشعل
الله يعينك على نجود وان شاء الله تقدر تغيرها للأحسن

عبدالعزيز&رهيف
ننتظر مصيبه تاخذ ذا الأثنين وتريحنا منهم ومن بلاويهم

مشكوووووووووووووووووووره بدويه عنيده على البارت الرائع وانك تفرغتي لنا يوم العيد ونزلتيه وحنا عارفين أن يوم العيد محد يفضى
وكل عام وانتي بخير والله يعوده علينا وعليك وعلى المسلمين يارب
تقبلي ودي واحترامي
ميسان

كل عام وانتي بخير بدو

لي عوده لي الرد بس حبيت اخذ مكان
>>>احلفي خخخخخخخخخخخخخخخخ


مذهلة







الحمد الله فراشه كانت شاطره ولا احذفة ردي>>>ياعمري والله


اول شي بدووو وش ذا الابداع صحيح الشوق ذبحنا لي القصة بس صراحه بردة قلبنا بي هذا الجزء الروعه
صحيح ابداع

ام عبد العزيز>اوالاصح لطيفه لان ولده مايستاهل نندي امه بي اسمه >>صحيح ام حكيمه وتهمها مصلحة بنتها فوق كل شي وهي اكثر وحده عارفه ان ماعدها سند غير بدر ولمفروض تتمسك بيه بيده ورجولها وليه ناخذا بكلم الغرب صحيح اي حرمه محتاج لي رجل يوقف معها حتى في ابسط الاشياء
عشان كذا يالطوف خليج زوجه سنعها وحمدي ربج على النعمه صحيح حاجه صعبها بس بالعقل راح تشوفين انج تقدرين تتقلبين على الصعوبه وبعدين ((ظل راجل ولا ظل حيطها))على قولة المصرين خخخخ
وضن هنا عبد العزيز هو الحيطه الله يجيرنا من اخون بهذا الشكل

بدر ::الله يعينه على لطيفه في الايام الجايه وكيف راح تكون تقلبتها والله كاسر خاطري قدامه امور راح يصادفه من زوجته المحبه >>خخخخ لانه راح تصرع امور نفسيه بس من الاساس بدور كيف راح يتصرف معها وكيف راح يخليها تتقبلها؟؟راح نشوف شطارتها وان متاكده ان رجااال يقدار على هذا الشي....ننطرك ياشيخ>>>

نجود ومشعل >>>والله مت ضحك يوم قالت ام لطيفه مت تعقل >>ههههه بس الحمد الله اني الى الان عايشه >>احلفي خخخخخخ
شوفي صحيح هي وحده خبل ولا تمسك لسانها بس يمكن ترى اي وحده بي مكانه تصب بي لحظة
غباء من هول الصدمه بس بعدين تقدار تتحكم بي مشعرها وهي في موقفها اوصيبات بي غباء بس >>حرام خل نقول هي فيه خطاء بس هم فيها صح
مشعل رهيب عقابه والله صعب تعيش مثل الكرسي في البيت خخخخ >>بعد الكرسي يحركون اما عقابه لي نجود انها ابد يعني مثل شي مالا قيمه في البيت ...ويالله نبغي نشوف العقاب هذي المره بيفيد

حمد ونسوم الله يديم السعاده يارب
فصول والله الامر صعب بس صح الله اذا احب عبد ابتلها اسكتي بدو امس سمعتلك معلومها لي مرض السلطان بس مدري من صحتها خل التاكد قبل اخف التفشل والمعلومه خطاء بس اساسا مافي شي في الناقه الى مفيد ويالله ان شاءالله تنجح العمليه ويطيب ويربي اولده يارب

ومشكوررررررررره مذهلة