بسم الله الرحمن الرحيم
مراااااااحب عليكي يابدويه عنيده

أكيييييد رح تقولي هادي صحيت من القبر ولا إيش ؟؟؟
والله ما منعني عن المنتدى إلى ظرف صحي طاريء
ودحين أنا قاعده على الكمبيوتر وهي تاني مره أجلس عليه
بعد غياب و ــ معاناة وحام 3 شهور ـــ لكن ولله الحمد الآن أحسن
وقلت يلا يا بنت أطمني على بدويه وشتات شوفي إيش صار فيهم
وعلى ما يبدو انه فاتني نص عمري

بدوووووووري حبيبي ولطوف :
جيت ابغى أفرح له فرحتي أخدها الغراب وطار
وحزنت عليه مره هو الآن بين مطرقة الحب وسندان رفض لطوووف
آآآآآخخخخ بس لو تدري انه بميت رجال
الله في سماه لتبوس أصباع رجله الصغير
وإن جينا للحق هي معذوره وصدمتها متوقعه
لكن انها تقرف وتشمإز منه هدا إلي ما أتوقعته منها
ممكن تكش تبعد لكن توجه له كل القرف دا صراحه ظلمته
والحوار الي دار بينهم في الغرفه وكونها أخطأت وكلمته بصيغة أنثى
أنا حسيت بالإحراج والله حالتهم صعيبه !!!!!

أم لطيفه :
يا شيخه يسلم فمك على الكلام الي قلتيه
بردتي قلبي مش قلب بدر بس

عبد العزيز :
عندي إحساس ان ربي حيجازيه في ولده

السنيور :
خذت حيلي مره كسر خاطري

حمدونسيم :
حساسيتها زايده شويه رغم ان حمد مجبور يتفهمها
أنت ماخد وحده عميا فطبيعي الأمور بينكم وأغلب حواراتكم
رح تتصل بهدا الموضوع
أعتقد ان نسيم محتاجه انها تقتنع أكتر بسبب رغبة حمووود بالزواج
من وحده في مثل حالة نسيم
هادا هو الي حيطمنها أكتر ويعزز ثقتها فيه

وكالعاده ياسعاده إبداعك ومفاجآتك لاتنتهي
تقبلي إعتذاري للغياب
وتجهزي لمتابعتي والإياب
ودمتي بسلامه
وكل سنه وانت بخير وعيدك مبارك
23 ـ 9 يوم الثلاثاء

السلام عليكم ورحمة الله وبركاته
عانقت جدران منتدانا
عطر قدومك ...
وتزيّنت
مساحاته بأعذب عبارات الود والترحيب
ومشاعر الأخوة والإخلاص ... كفوفنا
ممدودة
لكفوفـك لنخضبها جميعاً
بالتكاتف في سبيـل زرع بذور
الأخلاقيـات الراقيـة ولا نلبـث أن نجني
منهـا
إن شاء الله ثمراً
صالحاً.. ونتشـارك
كالأسرة الواحدة لتثقيف بعضنا
البعض في كل المجالات
أتمنى لك قضاء
وقت ممتع
معنا :::
*********
قصتك في منتهى الروعة
تقبلي مروري

الفصل الخامس والثلاثون

اللاعودة

كان يشوف دموعها .. زفر بتعب .. بعجز .. تمنى يضمها .. يخفف عنهاا .. بس شلون ؟!! .. موجوع يخفف عن موجوع ؟!! .. تصير ؟! .. رجع راسه على ورى .. غمض عيونه .. وجع بالقلب .. ووجع بالجسم .. وكل واحد اشد من الثاني

× فيصل ×
غمضت عيني وانا ساند راسي على ظهر الصوفا .. اخ منال تبكي .. تبكي وهي ماعرفت النتيجه لسى .. اجل لو عرفت النتيجه وش بيكون حالها ؟!! وش بيكون حالك يامنال لواني قايل لك الحقيقه ؟!! فتحت عيني وناظرتها .. كانت ماسكة ثوبها وعاصرته بين يدينهاا .. ودموعها جااريه .. اعتدلت ومديت ايدي ورفعت رااسهاا .. مسحت لها دموعها .. وضميتها لصدري .. توقعتها بتسكت شوي .. الا ان البكا تحول لشهقات

وخرتها وانا اعاتبهاا : منال ليش كل هذا ؟! اذكري الله

ناظرتني وماردت .. رجعت ضمتني بقوة .. تمسكت فيني كأني بشرد واتركهاا .. طوقتهاا بايديني .. تركتها تبكي .. تركتهاا تفرغ كل الي بدااخلهااا .. اخ ليتني بس اقدر يامنال ابكي مثلك .. افرغ كل الي بداااخلي

كان صوتها واطي وهي تقولي: ليته فيني ولا فيك ... ليته فيني ولا فيك

نهرتها وانا ابعدها بقسوه عني وضغط على زنودها بيدي .. : لا تقولين كذااا .. اياني واياك اسمعك تدعين على نفسك سامعتني .. لاتدعين

ردت من وسط دموعها : لو وصار شي فيك بمووت .. بموت ياافيصل
قلت لها : حرام عليك الي تقولينه .. وش هالكلام ؟!! وين يامنال ايمانك ؟! وين ثقتك بالله ؟!
منال حسيتها بدت تجمع وتفهم تستوعب وش تقول : فيصل انت كل دنيتي .. انا مااعترض على قدر الله بس

قاطعتها : بس ايش ؟! توك تقولين مااعترض .. واللحين بتعترضين ... بالعكس انتي لو فعلا تحبيني كان فرحتي .. وتركتها وسندت ظهري على الكرسي وكتفت يدي على صدري.. وكملت وانا الومهاا .. خسارة يامنال خسااره .. توقعت ان قلبك علي اكثر

مديت براطمي بتعمد .. كنت بغير الجو.. ابي انسيها مرضي . واقلب الحزن الي ساكنها لنوع من الفرح .. شي يخفف عناا الي نمر فيه

ردت وهي منفجعه .. : انا مااحبك ؟!! ماااحبك يافيصل ؟!! من جدك انت .!! مااحبك
رديت : ايه ماتحبيني

رجعت تبكي : ايه مااحبك .. مااحبك ... ارتحت .. اتشوف دموعي .. فرحااانه فيك .. ابكي من كثر فرحي .. او يمكن زيااده دموع ..مسحت دموعها بعصبيه وقامت وهي مقهوره من عندي

مسكت يدها قبل لا تقوم بشكل كامل : اجلسي ..انتي من يوم ماحملتي وانتي كبريت .. اخاف ماتولدين الا وانتي مولعه فيني

ماردت علي .. اعطتني نظرة كلها غضب .. تضاهرت بالخوف : يمه تخوفييين .. هيا منال لاتزعلين وتبرطمين مايليق عليك

طنشتني ودارت وجها .. مديت ايدي ولفيت وجها باتجاهي .. كانت دموعها رجعت تجمع .. ابتسمت لها باعتذار : منال تعرفين اني ماقصدت .. ادري انك تحبيني .. ولا عندي ذرة شك حتى بالموضوع

منال : طيب ليش قلت كلامك ؟!

جاوبتها : كنت اغيضك بس .. منال انتي عارفه ان المرض للانسان هو ابتلاء من عند رب العالمين .. وعارفه ان العبد لو صبر واحتسب ..الله يأجره .. وان كانت الشوكه ووجعها تكفر ذنوب .. وجعهاا خفيف .. ماينذكر وش حال بقية الاوجاع الي اقوى منها ؟! ... لا تفكري اني مو متاثر او زعلان .. اكون كذاب .. لكن ثقتي بالله كبيره .. وحسن الظن فيه موجود .. وهو مطلوب منا ... هو الي خلقناا وهو الي يدري وين الخير لناا .. ومابيك انتي بالذات تجزعين .. لا منال احتسبي الاجر عند الله .. خصوصا وان به ايام بتمر .. مارح اقدر ابد اتحرك ورح تضطرين تقومين بابسط الاشياء عني .. وانا ماعندي ادنى شك في انك ممكن تتخلين عني بمحنتي .. بالعكس انا وااثق انك بتكونين جنبي وماارح تتركيني ابداا .. والصبر دوم يكون عند اول البلاء ..

سكت شوي وكملت .. منال انا ربي عطاني كل شي والحمدالله مااحرمني شي .. اهل طيبين ..ومال .. وصحه .. صحيح الغير يشوفني عليل .. لكن انا اشوف اني احسن من غيري بكثير .. حواسي سليمه .. ورجلي تشيلني غيري يتمنى يحرك طرف من اطرافه .. و كمل علي بزوجه مثلك

رفعت كفها وبست بااطنه .. انتي بالنسبه ليه والله العظيم نعمه .. عمري ماتخيلت يكون عندي مره تهتم فيني وتخاف علي .. كان الزواج اخر شي ممكن يخطر على باالي .. انا حتى ماكنت اتجرأ افكر فيه بيني وبين نفسي .. لكن الحمدالله شفتك .. واعجبتيني .. اعجبني اكثر شي فيك نظرة عيونك .. حسيتك بتقطعيني بسنانك ان طلتيني .. حسيت فيها كره واحتقار .. مالومتك وقتها .. انا استاهل جلست اطالع وماغضيت بصري .. وقتهاا ماحسيت ابد انك تناظرين لي كمعاق .. يمكن ماانتبهتي لاعاقتي وقتها ..سألت عنك .. وسرني لي سمعته .. دين واخلاق طيبه .. وعن صبرك على مروان .. احترمتك وتشجعت اكثر اخطبك .. والحمدالله اليين اليوم ماندمت ولو للحظة على اني تزوجتك .. واللحين شايله ولدي او بنتي ..

قاطعتني : ولدين

كررت كلمتها : ولدين ؟!!.. فتحت عيني مو مصدق على بالي اتوهم ..ولدييين .. توأم ؟!
ابتسمت بتاكيد .. توأم .. ابتسمت لدرجة حسيت وجهي بيتشقق من وسع ابتسامتي .. ولد ين؟!!

منال حطت ايدهاا على خدي : والله العظيم ولدين ... هذا الي قالته الدكتوره .. كنت شااكه لان بطني كبيره وباخر زياره قالت لي .. كنت ابي اخليها لك مفاجأة لا ولدت .. بس هذاني قلت لك

حسيت بدمعه توقف على طرف عيني .. واحرقتها الين ماطاحت .. جرت على خدي .. بدون أي خجل ولا احراج .. مسكت ايد منال الي امتدت تمسحهاا : فيصل تبكي ؟!
رديت وانا ابتسم : خليها ... من دفنت امي مااهليت دمعه .. بس اليوم .. دمعي مااستأذني ونزل .. ماني بخجلان منه .. ولا هو عيبه بحقي ... لو اقولك اني فرحان .. ماوفت الكلمه .. انا بصير اب .. وبيكون عندي توأم وعيال ... ولدين من صلبي .. يشيلون اسمي .. وش كثر انت كريم ياالله .. وربي ان الوجع كان ذاابحني لكن اللحين مااحس بشي .. كله راااح .. متى تولدين بس

طبطبت على ايدي بيدها : قريب .. كلها ثلاث شهور وانا والده ان شاء الله .. وبتشيل عيالك ياابو فهد بين ايدك
رديت من قلبي : ياااااااااااااااااارب .. ياااااااااااااااارب ... نذر علي ان ربي اكرمني وشلت عيالي وقمتي لي بالسلامه .. لا
حطت ايدها على فمي : تبني مسجد

شلت ايدها : لابني خمس مساجد ..كلها برى السعوديه .. ولاوقف لنا وقف عنا وعن اهلنا وعيالنا ان شاء الله
ردت : ان شااء الله ... وان شاء الله الورم ماهب بخبيث .. والعمليه بتنجح .. وبتكون بخير وبترجع تمشي على رجلك واحسن بعد

ابتسمت وانا اسمع نبرة صوتها الي تغيرت وحل الامل والثقه .. مكان الحزن : ان شااء الله

سألتني : متى الموعد ؟!
رديت : ان شاء الله بكرة الصبح ... بمر الدكتور .. اشوف النتايج ونحدد .. الموعد
قالت باصرار : بروح معك
رديت : تروحين وين ؟!!
ردت : معاك .. مارح اخليك لوحدك
رديت : ماارح اكون لوحدي .. حمد معاي .. وبعدين انتي ارتاحيي شوي .. امس تعبتي

كشرت بوجها : انا مابرتاح الا لو رحت معاك .. وسمعت التفاصيل كلها من الدكتور .. فيصل ليه ماتبيني اروح معك .. مخبي شي عني ؟! في شي ثاني ماقلته ليه وماتبيني اعرفه ؟!

رديت : يابنت الحلال مافي شي
منال باسلوب تقريري : اذا مافيه شي .. ليه مااروح معك
فتحت عيني : تروحين وين معي عند الدكتور ؟! ياحلاتي وانا ماخذك معي .. بزر ماخذ امي معي
منال : لا ياشيخ
رديت : حبيبتي .. لا تتعبين نفسك روحه ماافيه ..وقومي تجهزي .. ولا ماتبين تروحين لاهلك ؟!

ردت : لا كلمت امي اني مب جايه .. بنخليها الجمعه ان شاء الله وبنجتمع كلنا عندها .. خلها تفرح ببدر اليوم برااحتهاا

ابتسمت: والله امك طيبه .. الي يشوف محبتها لبدر مايصدق انه ولد ضرتها

ردت علي وهي متضايقه: مب كل مرت اب سيئة .. والبدر ينحب .. وقفت .. لا تتعب نفسك بالشغل ارتااح شووي .. الدنيا مب طايره

عرفت انها تنهي الكلام بموضوع اخوها .. احترمت رغبتهاا .. مع اني ماشوف لضيقها مبرر .. سالفه عدت وانتهت .. واخوهم يحبونه .. ليه يرفضون يتكلمون عن علاقة امهم فيه ؟! يمكن عندهم سر ؟! وانا وش يخصني .. بنهاية هي خصوصياتهم .. ومايحق لي اتدخل فيهاا

دخلت امها بكل هدوء .. حطت جك مويه باارده ع الطاوله وهي مبتسمه وخرجت .. تعلقت عيونها بعينه والسؤال واحد دااير .. معلق ماله أي اجابه .. ياترى سمعت ؟!! .. سألوه لبعضهم .. ولا واحد منهم كان عنده جواب حااسم .. جلست ع السرير .. وجلس هو على كرسي المكتب .. الصمت هو حاكم المكان .. ماقطعه الا صوت الاذان بعد مايقارب الساعه .. على طول طلع وتركها .. تركها من غير أي اجابه محدده .. تركها وهي مو عارفه يااترى بيرجع او خلاص ... تركها لانه مو قادر يستحمل اكثر .. عيونها تلوومه .. وجسمها يرتعد يخاف انه يلمسه .. اما هي قامت من بعد مامسحت مكياجها الخفيف .. توضت وصلت فرضها

× لطيفه ×

من بعد ماصليت .. رحت لغرفة أمي كانت قاعده ع السجاده تستغفر .. دخلت واستنيتها الين ماتخلص .. نفسي اعرف سمعت ولا لأ .. بس كيف افتح معاها الموضوع ؟!! ياحلاتي وانا اقولها امي سمعتي انا وجوزي ايش كونا نقول ؟!!

امي بعد ماخلصت الاستغفار .. ماقامت على طول .. كانت تطلللي بطريقه غريبه .. عيونهاا في شي مااعرف اوصوفوا .. ولا اقدر اصنفوا .. ساعتها حسيت ان امي سمعت .. انا متأكده انها سمعت كل حاجه

سالتني وهيا توقف وتُلُم سجادتها .. : صليتي يابنتي ؟!!
رديت : الحمدالله .. اجيبلك ادويتك ؟!!
امي : لا شربت الدوا .. جوزك في المسجد لسى صح ؟!
رديت عليها وانا احاول اكون طبيعيه : ايوا في المسجد راح يصلي
جلست امي جنبي : متى بيرجع ياخدك ؟!
رديت بصراحه : ماادري
طلت فيا : كيف يعني ماتدري ؟!
تكلمت بصراحه : امي انتي سمعتي كل حاجه !! صح ؟!!
امي استغربت :والله ماسمعت حاجه .. ؟! ايش الي ماتبغيني اسمعوا ؟!

معقول ماسمعت ؟!! وانا يتهيأ لي ؟! .. لاا امي عارفه حاجه انا متأكده .. احسااسي عمروا ماكدب .. هيا عاارفه .. بس اكيد تبغاني اصارحها ... تبغى تسمع مني انا

امي رجعت سألتني : سمعت ايش يالطيفه ؟! اشبك يابنت اهرجي زي الناس .. لا توجعي قلبي
هزيت راسي : ولا حاجه

امي بخوف : صار بينك وبينك جوزك حاجه ؟!! .. اكيد اضايق واخد على خاطروا من عبدالعزيز .. اكيد .. اخوكي والله فشلناا مع الرجاال .. والله حمدت ربي انوا ماسألني عنو .. الله يساامحوا ويهديه .. ماادري ايش كان خسر لو انتظروا شويا .. وقعد معاه نص ساعه واعتدرلو .. ع الاقل وَجَبُوا .. مو يطنشوا .. والله زوجك اصيل غيروا كان ندر ولا عبرنا

مسحت على شعري .. حافظي عليه ياابنتي ... لا تضيعي من يدك .. ترى بعد رب العباد مالك احد في الدنيا غيروا .. محد رح يخاف عليكي ويحميكي قدو .. ادا بتتأملي بعبدالعزيز رح تتعبي وانتي تستني .. ووقت الجد اخوكي اول واحد راح يبيعك .. تنهدت بحسره .. الي يسلم دقنو لحرمه .. مااينحسب على الرجال .. ولا يتَكِل " يعتمد " عليه .. امكن انتي فيكي رجوله اكتر منو

تنهدت ظاهرياا .. وبداخلي انفجرت ضحك .. ضحكة وجع .. ضحكة تحسرت فيهاا على نفسي .. ضحكة قهر من كلام امي .. اعتمد على مين يامي !! .. ومين بيحميني ؟! صحبتي الي صارت جوزي ؟! او جوزي الي كان صحبتي ؟! فكل الحالتين .. هو نوران .. ونوران هو .. ومافي غيري ضاايع بالنص

رديت : امي انتي عندي .. وانا ولله الحمد عندي شهادتي .. ووظيفتي .. هادي كلها تامن لي الحمايه بعد ربنا انا مو محتاجه راجل عشان احُس بالامان

ابتسمت امي : انا مارح ادملك .. وان طولت .. انا ست زي زيك .. ويااحبيبتي .. لا الوظيفه ولا الشهاده امان للحرمه .. الحرمه محتاجه راجل يكون جنبها .. تتكي عليه لما تتعب .. تسند راسها عليه وتنام مطمنه انو حارسها .. رااجل يمنع ضعاف النفوس يقربوا عليها .. رااجل يكون ابوها واخوها وجوزها .. وابو عيالها
راجل يكملها .. الست من غير رااجل .. زي البيت من غير ابواب .. يصلح نسكن بيت مالو ابواب ؟!! مين يستجري يسكن بيت زي كدا ؟!

رديت على امي : بس احيان ياامي الراجل هو الي يكسر الابواب .. وبدل ماايحمينا يغدر فيناا
ردت امي : مايغدر الا الندل .. والندل ماصاار ندل الا لانو في مين شجعوا .. واعطاه المفاتيح .. يسرح ويمرح زي مايبغى

سألت امي : طيب عبدالعزيز ليش صار ندل ؟! احنا السبب ؟!! ولا مرتو ؟!

تنفست امي بصعوبه .. وزفرت بتعب : اخوكي .. انا ماعرفت اربيه .. لو اني ربيتو زي الناس مااجات وحده في سنتين قلبت كياانو .. اخوكي ابن بطني ندل لاني مااعرفت اوقفوا عند اول غلطه غلطها ... ماعرفت اعلموا الصح من الغلط .. لو اني شديت ادنو مع اول غلطه .. ماكان هادا حالنا .. بس كنت اقول .. هو كبير ..خلي يحس انو راجل .. خليه يتعلم .. الايام حتعلموا .. وعمروا ماارح ينسى تعليمها .. لانها تترك اثر لكل درس تعطي .. بس الظاهر اني كنت غلطانه .. وفوق كدا بليتوا ببلوى .. حرمه بدل ماتكون عون .. طلعت فرعون

قاطعتها : امي انا اتربيت نفسي التربيه .. ليش هو ندل .. واناا .. دورت كلمه مالقيت .. مو زيو ؟!

امي : لان انتي عيونك على طول كانت مفتوحه .. وعقلك واعي .. ماكنتي زيوا .. تغلطي وتنسي .. لا كنتي تحاسبي نفسك .. وتحفظي الغلط وما تكرري .. عمرك ماجريتي ورى قلبك .. عشان كداا ماغلطتي كتير .. الي يجري ورى قلبوا .. ومايشوف الا بي .. يتعب ياابنتي .. لان القلب دايما يكون معمي .. يعميه الحب .. الكره الامومه ... الحقد .. الطمع .. اما العقل .. دايما واعي .. ومستحيل المشاعر تلعبوا زي ماتلعب بالقلب لعب البرجون " لب – تيلة – مصاقيل "

تمددت وحطيت راسي بعُبها " حضنها " : صعب يامي والله صعب .. ندفن قلوبنا بالحياا
امي مسحت على شعري : مين قال ندفنها ؟!! انا الي قُلتو انها ماتتحكم فيناا .. قومي يابنتي دقي على جوزك شوفيه فين ... ومره وحده حطيلك شي فوشك .. مو حلوه يجي يلاقيكي مو حاطه حتى كحل

جاوبتها : مو جاي ياامي .. مو جاي
امي : ليش مارح يجي ؟! ايش في ؟!

سكت .. ايش اقولها دحين ؟! ماعندي جواب .. نزلت دموعي على خدي .. نزلت من وجعي .. نزلت وانا مو قادره ااكتم حاجه جواتي .. انا متأكده ان امي عارفه والله العظيم امي عاارفه

امي : ليش تبكي ؟!! يابنتي لا تهدمي بيتك بيدك.. سيبي الي المدفون مدفون.. لا تنبشيه .. غباره مارح يوجع احد غيرك

اعتدلت : انتي عارفه وفاهمه صح
امي : ايوا عارفه وفاهمه .. وانتي متأكده اني فهمت من اول كلمه قالها جوزك
رديت : طيب يامي مدامك عرفتي .. ليش سكتي ؟!

امي : انتي ماصارحتيني ... لفيتي ودرتي انتي وياه .. وانا اديتكم على قد عقولكم .. يابنتي الهرجه الي قلتها لكم .. قلتها من ام لبنتها .. ياابنتي خلينا نتكلم على بلااطه .. هو راجل .. مو ناقصوا حاجه .. وحكاية الفتسان مشيتها بمزاجي .. ومدامو راجل .. وسمعتو طيبه .. واهلوا ناس طيبين .. ايش تبغي اكتر من كدا ؟!

رديت اذكرها : كان صحبتي ياامي .. مجرد مااشوفوا ادكرها .. نفسي قرفااانه منو .. صحبتي ياامي صحبتي

امي قاطعتني : قلتيها كان .. واللي دحين غير .. شوفي ياالطيفه .. حكايه انو خدعك وكدب عليكي .. لاتسويها مسمار جحا .. خلااص فضيهاا سيره ... صار الي صاار .. افتحي عقلك زي الناس .. الزمن ماايرجع على ورى انتي دحين صرتي مرتووو .. عارفه يعني ايش مرتو ؟!

يعني دحين يقدريجي يجرك من شعرك على بيتو ومانقدر نفتح فمنا بكلمه .. اول مره عقلك ماايشتغل زي الناس .. ياالطيفه .. انا لو عندي ولد .. مااروح اقول للناس ولدي كان بنت .. شوفي نفسك انتي ايش تقولي عنواا .. قرفانه .. قرفاانه من ايش ؟! انو كان صحبتك ؟! طيب هو يعني يعرفك .. ويعرف وضعك .. يعرف بلااوي اخوكي كلهاا .. وفوق كدا جاا واتجوزك ... ماكان يقدر يلعب عليكي ؟! يستغل كل ظروفنا ضدك ؟! يجرك للحرام ؟! ياابنتي .. الرجال معدنوا طيب .. والي سمعناه من الناس لو مو عليه .. انتي دحين مو فوضع تتشرطي فيه .. انتي خلاص مرتوو .. يابنتي ماارح تلااقي زيو مارح تلااقي وواحد يحترمك ويحترمني .. واخوكي راااميكي عليه رمي .. البنت الي اهلها ماايعملولها قدر وقيمه .. جوزها عمروا مايقدرها ولا يحترمها.. وعبدالعزيز بسم الله ماشااء الله من كتر ماهو يقدرك مقيل عند ارحاامو .. بس جوزك عايرك ؟! حسيتي انو متفضل عليكي .. انا ابصم بالعشره .. انك جرحتي بكلامك ومو بعيد انك غلطتي عليه .. اعرفك ادا زعلتي تجرحي وماترحمي .. ايش سوالك ؟! ضربك ؟! عايرك

هزيت راسي بمعنى لااااا
ردت: شفتي

جيت اتكلم اشرت لي اسكت : يااابنت والله الحرمه مالها الا بيتها وجوزهاا .. هاادا البيت مو بيتك .. بيتك معاه لو عشه .. حتشوفيه احلى قصور الدنيا كلها .. الراجل ياابنتي والله شااريكي .. عيونونطقت الي مانطقبو لسانو .. وانا متاكده ان شااء الله ان عمرك مارح تندمي وشي طيب منه انوا قالك في النهايه قالك حتى لو تاخر

رديت : نجود الي قالت لي مو هو
امي : وهيا من وين تعرف
ردت : عرفت بالصدفه وقالت لي امس

امي عصبت : وهادي متى تعقل ؟!!! متى تصير ادميه وتحط لسانها بحلقها ؟!! مفروض ماتقولك .. وتفضح سر الراجل .. نجود والله يبغاالها الي يفرك ادانيهاا الين ماتتوب

رديت : يمكن لانها هي الوحيده الي فكرت فيا وخافت على مصلحتي
امي : مارح تحبك قدي .. ولو فعلا فكرت في مصلحتك كان تركتك على عماكي .. هيا بس لو تقلب الكلام في مخهاا شوياا .. وتشوف وضعناا .. ماكان جاتك وكتت لك الهرجه .. ولا خلتكي ضايعه مو عارفه ايش تسوي كان مداكي مبسوطه مع جوزك ... الله يهديهاا .. زعلتيني منهاا .. .. ودحين قومي فزي دقي عليه خليه يجي

اعترضت : امي حرام عليكي .. مااقدر

امي : يابنتي .. انتي الي حرام عليكي نفسك .. لا تظلميها .. تبغي تكوني مطلقه ؟! عروسه ومطلقه .. اصلا العيشه هنا تجنن زي كدا ماتبغي تفارقيها .. ولايمكن يعلقك طول عمرك .. ماحصلتي متجوزه ولا مطلقه

رديت : هو قال رح يطلقني لو ابغى
امي: يعني مخيرك ومو جابرك والله فيه الخير
رديت : اصلا لو مارضي يطلقني في محاكم
امي : روحي اشتكي . اهو الباب قداامك .. بس يااحبيبتي .. يطلقك اليوم .. ويرجعك بعد سااعه
رديت : ومين قال اني حرضى

امي : وممين قلك اسااسا ان رضااك مطلوب للرجعه ؟!! خليكي عاقله .. واتصلي على جوزك .. جربي اقعدي معاه . كملي سنه ع الاقل .. وشووفي بعدها ايش يصير .. لا تستعجلي .. الطلاق عمرواا مااكان اول الحلوول زيو .. زي البتر .. يترك اثروا.. وان زال وجعواا

سألتها : ليش انتي ضدي ؟! وانا الي فكرت انك ممكن تكوني جنبي بعد ماتعرفي الحقيقه
امي : لاني شاايفه الي انتي مو شاايفتو .. وبكره رح تقولي أمي معاه حق .. قومي ياابنتي .. قومي

قمت ادق على بدر وانا اجُر رجلي جر .. انا مهماا ضحكت على نفسي .. وعملت فيها كرامه .. وخداع .. عارفه ان كلام امي صحيح .. اعرف ان لو صاير لها أي حاجه .. والله يرميني عبدالعزيز رمية الكلااب .. اناا بالنهايه حكون مستفيده ع الاقل راجل يحميني .. حتى لو دست على قلبي ... وعلى مشاعري مو مهم .. اهو ظل راجل ولا ظل حيطة






اصعب شي ممكن يمر على الزوجين .. ركود المشاعر .. خصوصا لو ان زواجهم اصلا هش .. قابل للكسر ويصاب بالركود .. رح يكونون بهالحاله .. بين فكين كماشه .. اما ان ينتهي .. واما ان يثابروا لكسر الركود ويرجعوا الحياة لزواجهم .. بالنسبة لهذيل الاثنين .. للاسف زواجهم ينجرف .. باتجاه الانهيار

× نجود ×

الساعة اربعه .. وينه الين اللحين ؟!! من طلع الصباح مارجع .... العاده بعد صلاة الظهر يكون هناا .. اتصلت عليه وللاسف مارد علي .. متجاهلني تماما .. اصلا حتى الصباح جهزت له الفطور مااكل منه لقمه .. ولا حتى ناظره .. من بعد نقاشنا امس .. والله ماوجه لي كلمه .. الظاهر بنرجع مثل ماكناا

قمت توضيت وصليت العصر .. طبقت سجادتي .. ونزلت اسخن الاكل للمره الرابعه .. يمكن اللحين بيجي بعد الصلاة .. اصلاا .. لازم نروح عند اهله .. بيكون بدر ولطيفه هناك

سمعت صوت باب البيت وهو ينفتح .. قفلت النار ع القدر .. ورحت اشوفه .. : وينك لين اللحين ؟!
تجاهلني .. لا رد .. ولا حتى ناظر .. على طول مشي للدرج بيطلع لغرفة النوم .. : اكلمك مشعل ؟! الغذا!

والله ولا حتى لفته .. كمل طريقه عادي .. ولا كأن في مخلوقه كانت تتكلم .. لحقته اشوف اخرتها معاه .. انا ماصدقت انه انعدل معاي .. ماابي نرجع للي كنا عليه

دخلت الغرفه .. وكان يطلع غيار له .. الظاهر انه بينام : وش فيك يامشعل ؟!
مارد علي كمل تغيير ثيابه .. تقدمت اليين وقفت قدامه : ممكن تتعطف وتتكرم وترد علي

عطاني ظهره .. راح وتمدد ع السرير .. تغطى باللحاف .. وقفت وانا فاتحه عيني وفمي من صدمتي .. هذا طرد صريح .. والاكثر من طرد .. لما قال ان العلاقه بينا انشرخت .. كان قااصدهاا حرفياا .. غمضت عيني لملمت بقايا كرامتي الي تبعثرت .. قفلت النور .. والباب .. ونزلت

جلست بالصاله .. وانا ضاامه نفسي .. ارتحتي يالملقوفه .. هذا انتي خربتي بيتك .. خلي لسانك ينفعك اللحين تنهدت .. امس كنت افكر نفسي غلبته بالكلام .. واني قدرت اوضح له تفكيري .. بس الظاهر اني كنت اقنع نفسي بتهوري .. وفلتان لساني .. احمدي الله انها جات منه على تطنيش بس .. غيره طاح فيك بالعقال




يــــــــتـــــبـــــع

من بعد ماخرج كشف اللحاف عن وجهه .. وجلس على حيله .. علقة عينه بالباب الي
طلعت منه زوجته .. هو اللحين متاكد ان نجود .. قمة الغضب .. ومتأكد انهاا متألمه في نفس الوقت

× مشعل ×

ناظرت الباب .. ومستغرب انه اليين اللحين .. بمكانه .. صفقته بقوة .. بقهر .. نجود ماتقدر تخفي مشاعرها .. يبان عليها على طول .. وانا بمجرد مرور ساعات بديت احصد ثمار عقابي .. البعض يعتقد ان العقاب لازم يكون كف محترم .. يترك اثره على خدها .. او عبارات تليق بالشارع .. مو بيت محترم .. نجود بالنسبه لي غلطت .. وغلطها كبير صحيح .. الا اني .. اعرف ان الضرب مو الطريقه الصحيحه .. اللي يعامل بها الزوج زوجته .. طول عمري كرهت ضرب مروان لمنال .. كنت اتمنى افرمه باسناني .. انسيه اسمه .. وسويتها مره وضربته .. مستحيل اكون مثله .. صورة منمقه عنه .. مستحيل اذل المره الي تعهدت اصونها واحترمها .. مااتخيل نفسي اخفضها من مرتبه الانسان للحيوان .. ايه الحيوان .. لانه وحده الي ماايمشي الا بالضرب غير ولا الفاظ الاهانات .. اذا زوجتي مااحترمتها من بااحترم ؟! كوني رجال ما يعطيني الحق باهانتها .. وتحقيرها الرجال فعلا ماايلجأ للكلمات المحقره .. لانه مايهينها لاا ... هو يهين نفسه .. يهين ذاته .. الزوجه مكمله لزوجها .. مرتبطه فيه .. مرتبطه باسمه .. بسمعته .. بكرامته .. بحترامه .. وفوق كذا احترامي لفيصل وتقديري له .. يمنعني اهينها باي شكل من الاشكال .. مو لانه بيأثر على علاقته باختي لاا .. فيصل عااقل ويعرف شلون يفصل بين كونه عم زوجتي .. وبينه زوج اختي .. يمكن البعض يفكر اني رخمه .. وان هذي كلها اعذار عشان لاا اذيها لاني احبها .. انا احبهاا .. مو عيب ولا هو حرام .. هي بالنهاية زوجتي .. واذا ماحبيتها بحب من ؟!! من غيرها يستاهل مشاعري ؟!!بس حبي لها عمره مااعمى عيني عن اخطاءها ولا كان راادع لي اني ماااعاقبهاا .. غرست اصابعي بشعري ...اهـــــ ... انا متأكد اللحين انها تبكي .. وانهاا موجوعه كثير .. نجود حسااسه .. حسااسه كثيير .. ماتقدرتكذب بعواطفها .. ماتقدر تبين الفرح وهي من جواتها حزينه .. تقدر تقرأ ملامح وجهاا بسهوله .. اليوم قدرت اشوف وش كثر هي متضايقه من الي صار امس .. وقدرت اشوف شلون انكسر خاطرها لما ماكلمتها .. واعرف انه مع الوقت .. رح تتالم اكثر لتجاهلي التام لها .. انا ناوي اني ماتكلم معهاا ابداا .. ولا حتى اقربها .. يعني هجر تااام ... عل وعسى انها تتعدل .. تمسك لسانها شووي .. مع ان الي سوته برأيي خدم بدر كثير .. خلاه يوااجه خووفه من السر .. وكشف القناع عن كذبته الي لو انكشفت بعدين كانت بتكون مجزرة زواجه

رجعت اتمدد ع السرير .. بتروحين لاهلي ياانجود ؟!! بنشوف اذا رحتي .. والله ماكنت من ظهر خالد ان مااربيتك .. وبنشوف يالنجدي




من بعد الصلاة ركب سيارته وجلس فيها .. مو عارف وين يروح .. يرجع الفندق .. اويروح لبيت اهله .. بداخله خيبت امل كبيره .. احلامه .. امله .. كلها صاارت اشلااء .. تمنى لو انه يقدر يرجع بالزمن ورى .. يصارحها بالحقيقه من البدايه .. يمكن كان تغير الوضع .. يمكن تقبل فيه .. واذا ماقبلت .. ع الاقل ماخسر احترامها له

× بدر×

اللحين وين اروح ؟! مو عارف لي وجهه ... اهلي ومليون سؤال عن لطيفه .. ورحلة اللوم تبدأ من جديد ؟! اسئلة ماعندي لها اجوبه ؟! .. او ارجع الفندق .. بقااياا ذكرياتي معها .. ذكرياات !! هههههههههه ضحكت بصوت عاالي .. حتى ان في شاايب كان معدي من جنبي .. ناظرني وهز راسه .. كمَلت .. صرت اللحين مجنون
سمعت جوالي يرن .. طلعته ..

حلم عمري يتصل بك ... لطيفة ؟!! معقوله ؟!! رفعت الجوال .. وضغطت ع الرد .. ماتكلمت .. كنت اسمع صوتها وهي تقول الو .. الو بدر
رديت : هلاا
لطيفة بسرعه كانت تتكلم : بدر تعال البيت خُدني
مافهمت : نعم ؟!
سكتت ... : بدر رح تجي ؟!
رددت بغباء : اجي ؟! ليش ؟!

زفرت بنفاذ صبر : اووف .. بدر يعني ليش بتجي ؟!! مارح نروح بيت اهلك ؟!
سألتها وانا احاول اخمن من نبرة صوتها وش يدور بتفكيرها : ليش تبين تروحين ؟! اعتقد انك قلتي ماتبين تكمليين معاي ؟! زيارتك لهم هم بغنى عنها ... لا نصعب الامور على بعض

ردت وهي تتغصب الكلمات : انا غيرت رااي .. لو سمحت تعال خُدني وخلصني .. مع السلامه

غيرت رايها ؟! وش تقصد ؟! بتكمل معااي ؟!! كلامها ماله الا ذا المعنى .. معقول بالسرعه ذي ؟! ... عمتي اكيد عمتي هي الي غيرت راايها .. انا متاكد انها سمعت كل كلمه ... وانها فهمت تلميحاااتي لهاا .. ايه عمتي ماافي غيرهاا ... لو على لطيفه راسها ياابس ومااتلين بسرعه ..ماحد يقدر عليها الا عمتي

حركت سياارتي باتجاه بيتها ... وكان قريب .. لان المسجد جنب البيت انا مابعدت كثيير .. اول ماوصلت عطيتها رنه .. و نزلت ... فتحت الباب بهدوء .. سلمت .. رديت عليها السلام .. وساد بيناا صمت مرير
الصمت ماقطعه الا اهــ طلعت من لطيفة .. حسيتها طالعه من داخل قلبها .. تبعت الاهـ استغفاار كنت اسمع همس الاستغفاار .. تلاه تسبيح وتكبير .. مثل ماعرفتها ماتغيرت .. وقت الانتظار ماعندها الا ذكر الله .. حتى بقاعة الامتحان .. كانوا المشرفات يفكرونها تغش .. لانهاا تحرك دوم شفااتها.. ومره انلغى اختبارها لان المشرفة ماصدقت انهاا جالسه تستغفر .. وطبعا اختباري معاهاا ... لاني كنت جالس بالكرسي الي جنبها


لطيفة من غير مقدمات : امي عرفت حقيقتك .. ما قلت لها حاجه .. هي فهمت من موضوع المجله .. حتى الي صار بغرفتي مااسمعتواا

سألتها وعيني ع الطريق ماتحركت : وهي الي خلتك تتصلين فيني ؟!
زفرت : ايواا ...
رديت : افهم من كذا بكون تحت التجربه لمدة سنه ؟!! مع ضمان الاسترداد في حال عدم الرضا ؟!

جاوبتني : لو سمحت من غير تريقه .. مافي احد تحت التجربه والاختبار .. انت نصيبي .. وانا راضيه فيك يوم سنه .. اخر العمر .. هدا كله في علم الغيب .. محد فينا يقدر يتحكم فيه .. ماندري ايش مكتوب لنا

مديت ايدي كنت ابي افتح درج السياره.. الا انها رجعت على ورى .. الظاهر فكرتني ابي اقرب منها: ماله داعي الخوف هذا كله .. رجعت ايدي ع الطاره وامرتها .. افتحي الدرج بتلقين علبه طلعيها

فتحت الدرج وطلعت العلبه : هذي لك .. صبااحيتك .. كان مفروض اعطيك اياها الصبح .. بس الي صاار صاار همست : شكرا

اخترت اني اسكت .. السياره مو المكان الملائم عشان نناقش حياتنا ومستقبلناا فيهاا .. لنا بيت نتكلم فيه .. ناخذ رااحتنا فيه .. الحين مااقدر اسوق واتكلم ..ابي تركيزي يكون كله عليها ... ابي اقرأ عيونها .. لغة جسمها السواقه .. الغطا .. كلها عاائق بينا


اكثر من مره شيكت على صواني الحلا والضياافه .. وتاكدت ان جناحه تنضف وتبخر .. تعبت وهي تنتظر جيته هذي ثالث مره تناظر من الشباك وتشوف اذا البوابه انفتحت واعلنت وصوله هو مرته .. اخيرا انفتحت البوابه ودخلت اللكزس السوداء .. راحت ووقفت قدام الباب الداخلي . بحيث اول ماينفتح تكون بوجهه

× لطيفه ×

ماحسيت بنفسي الا وهو يطلب مني النزول .. نزلت وراهــ .. دوبو يطلع سلسلة مفاتيحو يبغى يفتح الباب الا الباب انفتح .. دخل قبلي .. وسط سوط زغاريد ملا المكان .. دخلت وانقفل الباب ورايا ماادري بصرااحه مين الي قفلوو .. بس بدر كان واقف قدامي .. وموطي يسلم على حرمه ويحضنهاا .. من الصوت عرفت انها عمتي
كانت ترحب فيه وتهلي .. بالله لو ولد ضرتها كان سلمت عليه كدا ؟! مسكينه عمتي ماتعرف تمثل

عمتي : تاااخرت كثيير
رد :ماتاخرت انتي الي مستعجله
عمتي وخرتوا :اكيد مستعجله ..بس مو عليك على مرتك .. نورتي بيتك ياابنتي

غصبت نفسي على الابتسامه وتمثيل الفرح : البيت منور فيك يااعمتي .. بست راسهاا
حضنتني بمحبه كبيره .. الحرمه هادي زي امي .. سبحان الله تحس بلمستها حنان ومحبه .. غصبا عنك تدخل قلبك من غير احم ولا دستور

عمتي : اخلعي عبايتك ياابنتي .. خذي رااحتك لا تستحيين ... مرجينااا بطلي بحلقه وخذي العباايه
التفت ع الشغاله الي مانتبهت لها .. ابتسمت لي بعبط .. رديت عليها الابتسامه وناولتها العباايه ..دخلت مع عمتي وبدر .. الي كان يرااقبني .. ويراقب حركااتي .. للصالون .. كان عمي جالس بصدرو... اول مره اشوفوا وجه لوجه .. امس مااشفتواا .. مره لو هيبه .. سلم عليه بدر قبلي .. ورفع نفسوا على اطراف اصابعوا عشان يسلم على راسو .. وانا اقول هو طويل من وين اتااري ابوو طووووويل والشبه بينهم مره كبير
ناداني بدر اسلم على عمي .. وحسيت نفسي بالقوه امشي .. : تعالي لطيفه لا تستحين
قربت منو .. مد لي يدو .. مديت ايدي وسلمت على يدو .. وقلت : معليه ممكن توطي شويا ؟!
سألني : ليش يابنتي

بنتي ؟!! الله حلوه الكلمه هادي .. الله يرحمك يااابوياا .. : عشان ابوس رااسك .. مااشاء الله انت طوويل وانا قصيييييره .. مااقدر اطول

ضحك : هههههه ولا يهمك .. وطى شوياا .. وبست راسوا
عمي مسح على شعري: نورتي بيتك ..
رديت : منور فيكم ياعمي
اشرلي اجلس على كنبه قريبه منه .. جلست وجلس جنبي بدر .. وخرت شويا عنواا .. حسيتو لاصق فياا .. مع ان في مساافه اصلا فاصله بينا

عمي : شلون اهلك ؟! ان شاء الله بخير ؟! الوالده شلونها ؟!
رديت : الحمدالله بخير .. شفناهم قبل لا نجي على هنا
عمي : ان شاء الله بدر مو مقصر معاك ؟!
هزيت راسي : لا يااعمي مو مقصر
عمتي وهي تحط القهوه : اهم شي امك شافتك واطمنت عليك
رديت : ايوا شاافتني
قمت اخذ منها الترمس عشان اضايف " اباشر" بالقهوة : عنك عمه
عمتي وخرت الترمس : لا والله .. لاحقه ياابنتي

رجعت جلست وكملت عمتي : والله امك قطعت قلوبنا امس وهي تبكي .. الي يشوفها مايقول زوجت بنتهاا .. تحبك ومتعلقه فيك كثيير

ابتسمت : عشاني بس وحيدتها .. ماعندها غيري وغير اخوياا .. ودايما مع بعض في كل حاجه
عمتي وهيا تمد الفنجان ليا : حتى هي قالت نفس الكلام .. بس عندها اخوك ومرته مارح يقصرون معاهاا
مارح يقصورن ؟! اكيد .. بس مارح يقصورن في تذويقها المر .. الاهماال .. ابتسمت : اكيد

فجاة بدر : انا الحمدالله بخير .. ونعمه .. ايه مرتااح .. تدرون عريس
عمتي : بسم الله وش فيك تكلم نفسك
بدر : والله انتظر من اول تعبروني بكلمه .. ماعبرتوني .. ساحبين علي ومستلمين مرتي
ابوي : انت توك شفت شي .. اصبر .. وانت بتشوف التطنيش على اصووله لا صاار عندكم عياال
عمتي كملت : يااستاار .. يغاار من حرمته .. متى بتعقل ؟! تراك تزوجت اعقل واركد
بدر : ان شاااء الله على هالخشم .. اشر على خشموو .. بعدها قلب بجديه .. عندي موضوع لازم تعرفونه
عمي : خير ؟!

طالع لي ..ورجع يطالع بعمي .. الي جلست جنبو عمتي : لطيفه تعرف كل شي ..سكت وسط الصدمه المرسومه على وجه عمتي .. وبرود ملامح عمي .. كأنه متوقع هالشي .. كمل برزانه .. تعرف عن نوران ..وعن عمليتي وتعرف زين انك امي مو مرت ابوي

عمتي : شلون عرفت ؟!
سبقت بدر بالاجابه : هو قلي يااعمه

حسيتواا بهت من ردي .. بس انا كملت بهدوء .. ماابغى اخرب بيت نجود .. اكيد مارح يساامحوها لو عرفوا انها هيا الي نقلت لي الكلام : بدر صارحني امس بالحقيقه .. وخيرني اذا كنت ابغى اكمل او لاا .. وانا زي ماانتو شاايفين موجوده هنا .. يعني ابغى اكمل معاه .. هو جوزي .. والي صار زمان هو مالو دخل فيه وعمليتوا زيها زي أي عمليه تانيه .. اتصحح فيها تشوه

عمي : ياابنتي انتي متأكده من كلاامك ؟!! لايكون خايفه من كلام الناس او مارضي يطلقك .. اذا ماتبيغه بخليه يطلقك وهو مايشوف قداامه ومتى ماابغيتي لايهمك احد صاارحيني

كبر في عيني عمي .. حسيت بصدق كلاامواا .. ماحسيتو ابد يجاملني او يطيب خاطري بكلمات ووعود مارح يوفيها .. لاااا .. الصدق تحسوا في كل حرف نطقوا .. خصوصا وان نظراتواا كان فيها تهديد لبدر .. وتطمين ليا .. حسسني ان في احد وراياا .. ظهر انسند عليه

رديت : لا يااعمي .. صدقني هدا اختياري .. وبدر بالعكس مااجبرني على حاجه ابداا .. وكان مستعد يطلقني لوقلت لاا .. بس انا ماابغى ... وابتسمت عشان كدبتي تكمل .. انا اخترت جوزي .. ياعمي انا كنت اعرف نوران .. واعرف اخلاقها مزبوط .. وعمري ماشفت عليها شي بطال .. وبدر رجال سمعتو طيبه وعارف ربنا كويس .. ليش مااكمل معاه ؟!!

عمتي حسيتها منحرجه مني : يابنتي اعذرينا .. حطي نفسك مكانا

ردت : ماالومكم ياعمتي .. أي احد مكانكم كان سوا نفس الشي .. الناس ماترحم .. وصعب يفهموا حالة بدر والي مر فيه .. لسى الناس ماتعرف تفرق بين التصحيح والتغيير .. ان شاء الله مع الوقت تتفتح عقولهم

عمي : خذي راي امك لاتسعجلي

رديت : لا ياعمي .. خلي امي بعيد .. هادي حيااتي .. زواجي انا .. وانا الي اقرر فيه .. وانا اخترت بدر وطوقت دراعو بيدي .. الا لو بدر مايبغاني هدا شي ثاني ؟!

رمية الكوره بملعب بدر .. الي كان يحاول يكون طبيعي زي قد مايقدر .. طبطب على يدي : ابغااكي يااستي ومالي غنى عنك

كملت : اذا تبغوا تقولوا لمنال ونسيم اني عرفت براحتكم ... لكن نجود .. مالو داعي .. بصراحه هيا صحبتي واموت فيهاا .. بس لساانها مفلووت ماانقدر نضمنها .. ولا ايش يابدر ؟!

بدر : تقوليلي عنهاا .. غير كذا .. ماابي اسبب لها او لمشعل مشااكل .. لو عرفت اني كنت نوران .. خليها على مثل ماهي مفكره

عمتي : الله يتمم عليكي يااابنتي .. والله عرفت تختار ياابدر .. الله يوفقكم ويحرسكم من العين

وقف عمي فجأة .. : قومي معاي يابنتي
اترددت مادري .. كنت خايفه منو .. طريقة وقُفو .. نبرة صوتو .. اتغيرت .. طليت لبدر كنت ابغاه يقوم معايا او حتى يعارض ابوه .. المهم مااقوم معاه

بدر رد عليا بابتسامه بارده : لطيفه قومي مع ابوي
قُمت مع عمي زي ماطلب .. دخلنا مكتب مره وسيع ... مره فخم .. جلس عمي على كنب جلدي فخم واشر لي اجلس بالكنبه الي قبالو بالضبط .. جلست زي ماطلب .. وخير وبركه ماااطحت على وشي وكسرت الطاولة الزجاجيه الي قدامي .. لان رجولي مو بس ترتعش .. الا تُضرب في بعضهاا

عمي : ليش خايفه كذا ؟! ..
سكت لما مارديت عليه .. وكمل بنبرة هاديه .. فيها مسحة حنان .. ماقدر الصوت الرخيم يمحيهاا : لطيفه اللحين مافي احد بالغرفه غير انا وياك .. تأكدي كل شي بينقال هنا .. مارح يتجاوز الباب .. اعتبريني ابوك يابنتي .. صاارحيني .. بدر اجبرك ؟! ولدي راسه ياابس اعرفه .. عيا يطلقك ؟! هددك يعلقك يابنتي ؟!

هزيت : لا يعمي .. لاوالله هو خيرني .. وانا اخترتو .. طليت بعمي وكملت بصراحه مادري يمكن لانو ذكرني بابوياا .. عيونو الحنونه .. عمي اناا مارح اكدب عليك .. بالنهايه انتَ شفت وعرِفت .. اقصد ... سكت ماعرفت كيف اصيغ كلامي .. كيف اقولو عن عبد العزيز .. وعن عيشتي ببيتنا من غير مااا اهين نفسي اكتر

عمي فهم انا ايش ابغى اقول : لا تكملي ياابنتي .. فاهم .. ان شاء الله بدر بيصونك ويحافظ عليك ولاتعرفين معاه الضيم

وقف ووقفت معاهاا .. قرب مني ومسح على شعري بحنان .. انا متأكد ان بداخلك شكوك كثيره ومالومك عليها بس تأكدي انها بتكون مجرد شكوك بتضحكين عليها بعدين ان شاء الله .. مو لان بدر ولدي .. لااا .. هذا راي رجل عن رجل .. وهو محظوظ لان الله رزقه مره مثلك تثاقل بالذهب