بعد الغدا .. اصرت امها هيا الي اتجهز الشاهي .. كانت مبسوطه كثير بوجود زوج بنتها .. وحاولت قدر الامكان تغطي على غياب ولدها .. جلس بدر .. وعلى مسافه جلست لطيفة .. كان باين عليها انها متضايقه كثير .. والضحكة الي اجبرت نفسها تتغصبها قدام امهاا .. مجرد ماتلف امها .. تموت

× بدر ×

ام لطيفه انساانه قمه بالطيبة والروعه .. والله اني احسها مثل امي .. يكفيني استقبالها الطيب لي .. قامت بحقي كضيف .. وابنها ماااعبرني .. بصراحه ودي لو اشوفه بس عشان امسح بكرامته الارض قليل الاحترام لو اني عدوه مااقفى عني .

قمت وجلست جنبها : ارفعي رااسك .. وناظريني
رفعت راسها : وخر من جنبي .. امي لو جات وشافتك
فتحت عيني : تجي .. اناا زوجك ... بعدين عمتي تحبني .. وبتنبسط لي
تاففت : اوووف ... طيب ايش جابك ؟!!
رديت عليها : لا تضايقي .. يكفي امك واستقبالها لي

ردت علي بمكابره : ومين قال اني متضايقه عشانك ؟!! ترى ماخد بنفسك مقلب .. انا مو مستحملتك الا عشان امي .. ماابغااهاا تحس بشي .. ماادري ليش طاايره فيك

جاوبتها : يمكن لان امك شايفه الي انتي مو قادره تشوفينه
ردت : قول امي مغشووشه بالظاهر .. وماتدري عن الباطن .. بالعربي معميه
دخلت عمتي .. : مين المعميه ؟!!
اخذت منها لطيفه الصينيه : هاتي عنك

استغليت الفرصه : عمتي .. انا وبنتك من الصباح ونحنا نلت ونعجن في خبر قريناه بمجله .. فتحت لطيفه عيونها بصدمه .. ابغى اعرف راايك فيه

عمتي : خير ياولدي
كملت بلهجتي العاديه : وحده اكتشتفت بعد كم يوم من زواجها ان رجلها .. كان بيوم من الايام بنت
عمتي انصدمت .. ولطيفه وجها اصفر : وييي ؟!!! كيف كدا ؟!

رديت : حسب الي بالمجله انه وقت ماولد مابان هو بنت او ولد .. فتربى على انه بنت .. لين ماصار بالعشرينات ومرض .. وتحاليل وخرابيط مستشفيات .. عرفوا انه رجال .. وعمل عمليه شال بها التشوه
عمتي : اااا قصدو ... زي هداك الي جابو بالتلفزيون .. صح يالطيفه

لطيفه بالغصب طلعت منها الحروف : ايواا .. تزكري .. شفناه دااك اليوم .. حتى كانو مطلعين شيخ يتكلم معااه
امي : ايواا .. والله يومتها قطع قلبي المسكين .. طيب ياولدي اشلكم انتم ؟!

رديت عليها من بعد ماشربت شوي من الشاهي الي مدته لي : البنت بعد ماهي عارفه ايش تسوي .. وكانت تستشير دكتور المجله ايش تسوي تقول لاهلهاا وتفضحواا بين الناس .. ولا تسكت وتصبر .. خصوصا انها يتيمه .. ومالها احد .. واهلها مبدهلينها

قاطعتني لطيفه ..: اكيد تطلق مايبغالها كلام .. كذاب .. وبنت مصيبتين مو وحده
رديت : يعني لو كان قايلها انه بيوم كان بنت كان تزوجته ؟!!
ردت : ماادري .. بس مفروض مايكدب

ردت عمتي : هو صحيح كدب .. بس هو مايتلام .. لو قايلها انو بنت .. محد بيجوزو .. سمعتي الراجل بالبرنامج .. مسكين يهرج وهو يبكي .. من كلام النااس لو .. معايرتهم .. وانا لو عندي بنت ماجوزتها واحد كان بيوم من الايام بنت زيها .. مااكدب واقول عادي .. بس دحين اتجوزتواا .. وانتهى الموضوع .. تبغى تطلق بس عشان الكدبه .. ولا هو انسان بطال كمان ؟! اذا والله بطال ومايتعاشر تطلق وماتفضحوا لانو برضو كان بيوم من الايام جوزها .. وحفظ سروا واجب .. بس لو جا يوم احد يسألها عن سبب الطلاق لانو ممكن يجوزو من اهلو .. لازم ماتكدب .. وتقول الحقيقه

سألتها : طيب وان زوجها كان طيب ؟! او اذا مو متأكده من معدنه لانها ماعاشرته ؟!
جاوبتني بحكمتها : ياولدي هما مو سألو عنو ؟! اكيد عجبتهم سمعتوا عشان كدا زوجوا .. وادا فرضا ماسألوا معادن الناس ماتبان الا بالعشره .. ياما ناس سمعتها دهب .. بس بالعشره .. يطلعوا مو بس فالصو الا حديد مصدي كمان .. والبنت يتيمه ومتبهدله .. يعني لو رجعت لااهلها مطلقه .. يمكن تتبهدل اكتر .. احسلها تعقل وتخلي الطلاق اخر حاجه

ردت لطيفه على امها : بس يامي الكلام هادا سهل .. وتطبيقوا مستحيل .. انا لو مكانها .. مايرضيني غير الطلاق .. حتى لو هو كويس

ردت عليها عمتي : هادي مشكلتكم يااعيال الاياام هادي .. كل مشكله عندكم حلها الطلاق .. مخكم مايعرف غير هادا الحل

ردت لطيفه بدفاعيه : امي هادي مو مشكله بسيطه .. هادا جواز انبنى على كدبه .. كان يمدي يروح لجمعيات التجويز " التزويج " يدورولوعلى عروسه .. ويشرحولها وضعوا .. وهما مايقولو لا اسم ولا شي وان قبلت البنت تممولهم

عمتي : ياابنتي .. لا تقفلي مخك .. عرفنا انها كدبه .. ولو كل كدبه نوقف عليها .. كان محد عاش بالدنيا .. وبعدين انتي بس فكرتي فيها .. فكرتي بالراجل شويا ؟! تحسبي سهله عليه يكدب ؟! سألتي نفسك هو ليش كدب من البدايه ؟! ياابنتي البزره اليوم لو كان يستحي شويا .. قالو عليه خكري " مستأنث " اجل لو نص عمرو بنت ايش رح يقولو .. حتى وشو " وجهو " مارح يطلوو فيه ... والله اعلم يمكن لو حكايتو انتشرت بين الناس .. يجيلو .. هاديلاك الي مايخافو ربهم ويجرونوا للحرام .. وبدال ماكان يدور على حرمه يعف نفسو فيهاا .. يخرب عيال المسلمين ؟!! هو طلب الحلاال .. ودخل البيوت من ابوابها .. غيروا من يوم ماتولدوا رجال لعبوا على اعراض المسلمين .. وماملت عينهم البنات .. كملوا ع العيال !!!!!

كلام عمتي .. مثل المويا البارده نزلت على صدري .. هالانساانه البسيطه .. بتعليمها المحدود .. استوعبت الي ماقدرت تفهمه بنت المدارس والجامعات


قلت للطيفه : جمعيات التزويج صحيح تشتغل بسريه .. وناس تخاف الله .. بس لو ان البنت وافقت مبدأيا وراح وخطبها .. وبعدين ماصاار نصيب !! وش موقفه ؟! وش يضمن ان اهل البنت ماينشرون الخبر ؟! .. ابتسمت لعمتي .. درر يااعمه .. درر .. والله لا دكتور ولا خبير يعرف يقول ذا الكلام

عمتي : ياولدي المدارس ماتعلمك زي ماتعلمك الدنياا
ابتسمت : ايه والله .. يالله ياعمه انا استاذن




استغربت وهي تشوفه يوقف ويستأذن من امهاا .. ماهي عارفه وش في تحت راسه .. اصلا من بعد صدمتها الي من شوي .. تفكيرها صار مشوش .. اما مشاعرها !! عبارة عن اعصار محجوز بداخل قنينه زجاجية

× لطيفة ×

يااربي .. هذا من جدو قلها الحكايه ؟!! ... ماااكنت قادره اصدق ادني وانا اسمعوا .. ودحين قايم وين راايح ؟!
امي سألتو : على وين يااولدي ؟!

رد عليها : اعرف انك تقيلي .. لازم اروح عشان تقيلي .. وبعدين يمكن تبي تقعدين مع بنتك .. اوقف لكم عظم بالبلعوم ليش ؟!

امي ابتسمت لوو .. : اقيل ايوا .. ولو ابغى .. يمديني اطلع .. واسيبك مع مرتك تاخدو راحتكم .. وانت لا عظمة ولا حاجه .. انت جوازها .. وزي ماانا فرحانه فيها .. فرحانه فيك ... وبجيتك معاها

قُلت لامي : امي يمكن عندو مشوار خليه يروح
امي هزئتني : يابنت استحي تطردي جوزك ؟!!
رديت : انا مااقصد اطردو .. هو يمكن
قاطعتني : يمكن ايش ؟!! اقعد ياولدي سيبك منها

قعد وهو يبتسم .. قهرني وهو يبتسم .. فرحان هو وشوو ؟! .. ياريت اروشو بالشااي .. عشان يحرم يبتسم بشماااته .. ابتسمت وانا اتخيل شكلو وهو يصرخ لانو محروق .. روووعه

امي : لطيفة سمعتيني ؟!!
لفيت على امي : ايش ؟!! مانتبهت ؟!
امي هزت راسها : جوزك وقدام وشك .. تفكرين فين ؟!!

فتحت فمي .. احاول ادور على رد مو لااقيه .. حسيت وجهي صاير حبة طمااطم .. امي اشبها علياا؟! شي احراج وشي تهزيئ ؟!

امي : قومي فزي خودي جووزك لغرفتك يرتاح

غرفتي ؟!! من جدهاا ؟!! اطلعوا ايش يسوي فيها ؟!! يرتاح فيهاا ليش اصلا ؟!! ينقلع عنو لا ارتاااح هااادا الي باااكي يطلع غرفتي .. مارديت على امي طاالعت في زوج الهنا بتهديد وانا انتظروا يدور حجه .. بس عيونو ... فرح الدنيا كلو يرقص فيها .. المعفن .. فرحاان اني مو عارفه اخلص منو .. اكيد تفكيروا الوسخ وصلو لحاجات ... معفففن

بدر : عمتي مالو داعي صدقيني .. برجع الفندق

امي باصراار : والله ماترجع .. اطلع يااولدي .. مافي احد غريب .. وكملت بمراار .. عبد العزيز وعيالو مو راجعيين الا في الليل .. ريحلك .. اليين العصريه .. وخد مرتك وروح لاهلك

رااحت روووحوو ان شااء الله ... سيبي ياامي ينقلع وارتاح منو .. طَلَلي "ناظر لي " : مثل ماتحبي ياعمه
امي اعطتني نظره .. قمت وانا ادل بدر على غرفتي .. ايش اسوي حكم القوي ع الضعيف .. كان بدر يتفرج ع البيت .. فضول في نظراتوا .. وصلنا لغرفتي .. كانت غرفتي صغيره .. بناتيه كتير .. عيونو داارت على كل زاوية .. ع المكتب الصغير الي في الركن .. ع التسريحه .. على رف الجوايز

قالي : بناتيه مره الغرفه

قفلت الباب .. وشغلت المكيف عشان اصرخ براحتي عليه : انت ايش ؟!! غبي ؟!! وقح ؟!! كيف تقول لامي الحكايه ؟!! تحسب نفسك كدا تقدر تلوي درااعي ؟! مشيت كم خطوه .. وصرت وجه بوجه معاه .. انا مو قادره اتخيل كيف جاتك الجرءة .. انا ماابغااك .. كلام امي ماايغير حاجه .. ماابغاك . ودحين هيا حتدخل تنام . بعدهاا تخرج من هناا ... وتنقلع .. ومااشوف وجهك .. بكره مو بعد اسبوع .. بكره سامع ترسل ورقة طلاقي سامعني .. رد علياا اكلمك

اعطاني ظهروا وهو يمرر ايدوا على كاس فضي على رف الجوايز : هادا اخدتي في بطوله الجامعه .. احسن لاعب في البطوله .. ولا مخالفه وحده .. تذكري لما ساميه خاشنتك ... طحتي ع الارض انخدشت ركبتك اخذتي رميتين حره .. ماكنتي تعرفي تسددي كتير .. امتزتي بالدفاع .. بس التسديد كنتي كارثه فيه .. كان ماريمان تغيضك وتستفزك .. انك مارح تدخلي أي رميه .. كنت اقولك خليكي هاديه .. ابتسمتي .. سميتي .. ورمية الاولى والثانيه .. وكلها دخلت .. وقتها حضنتيني .. كنتي مره فرحانه .. كانت اول مره فحياتي .. بنت تحضني طول عمرهم البنات يخافون مني .. يتجنبوني .. اغلبهم يصيبهم نفور من ملامحي الرجوليه .. اغلبهم ارتبط اسم نوران بالشذوذ .. الوحده منهم كانت تخاف تقعد معاي لحالها .. يمكن يفكرون اني رح اتحرش فيهم انتي اول وحده مدت لي ايد الصداقه .. واول وحده عاملتني على اني بشر .. لف وجهو عليا .. اول وحده ماقدرت امنع مشااعري اتجاها .. اول وحده ماقدرت امنع نفسي من اني افكر فيها .. اول وحده كانت سبب كرهي لنفسي لقرفي منهاا .. اول وحده خلتني حسستني اني ولا شي .. حشره حقييره .. لازم تندااس

كلامو رجع الذكريات .. ادكر كيف البنات كانو يحدروني .. بس كنت اقول مو دنب نوران ان شكلها خشن شويا مو دنبها ان بنيتها ضخمه .. هادي خلقت ربنا لها .. شي مو بيدهااا

رديت : نوران ماكانت انسانه سيئة .. مااكدب وااقول انِك .. انَك كنت سيء .. او تصرفت بحقاره .. انا كنت احب نوران .. حبيتها صديقه واخت .. مااهتميت بكل الاشياء الي البنات خافو منها لاالشكل ولا البنيه احنا مانختار اجسامناا .. ولا هيئاتنا

رد : ولا جنسنا يالطيفه .. هذا بعد مالنا علاقه فيه .. بالضبط مثل الشكل والهيئة

رديت عليه : طيب وبعدين ؟! افهم لو زوجي ماكان عرف الكاس لايش .. ولا عرف الميداليه من وين .. وكان رح يسأل عن طفولتي واشياء كتيره .. المشكله مو فكرة انك مصحح جنسك .. فاهمه ان هدا الشي كان مو بيدك .. بس مو مسألة ان نوران كانت صحبتي لحالها حاجز بينا .. ولا الكدب .. في شي جواتي انكسرت شي مااعرف كيف اوصفوا او اوصل لك احساسي فيه .. عارف البنت لما تنخطب .. تفرح ان في ناس سمعوا عنها عجبتهم .. ان في انسان شاف انها مميزه .. انسان يبغى يقضي بقية عمرو معاهاا .. حطيت ايدي على صدري انت كسرت فرحت البنت .. تعرف مجرد تفكيري انك كنت نوران .. قفلت ايدي الي على صدري .. تكرمشت بلوزتي واتجمعت بقبضتي .. احس اني بالنسبه لك .. تصحيح وضع .. كفاره يمكن عن افكاار نوران المحرمه
حاجه ممنوعه صااارت مسموحه .. ضغطت على اسنااني .. اشبعت فضولك ياابدر ؟!! أيش كانت النتيجه ؟! طاابق الخيال الواقع ؟! او خاب املك ؟!! او يمكن حتى الان المقارنه ماانتهت .؟! محتاج فتره اكتر للدراسه ؟

مااعرف كيف شكلو .. الدموع منعتني اشوف تعابير وجهو .. الا ان صوتو وهوا يسكتني .. خلاني اعرف انو مو بس معصب الا في حالة فوران : بس ... الين هنا وخلاص .. سكت .. كانو يدور على الكلمات ومو لااقيهاا اخذ نفس .. زفر بصوت عالي .. اذا يهمك الموضوع مره .. انا انسان .. مو حيوان .. الحيوان وحده الغريزه عنده اهم شي .. نوران حبت لطيفه .. بس عمرها .. عمرهاا مافكرت فيها بطريقة قذره .. لان خوف الله كان اكبر بكثيير من حبها لك .. انا كنت ادوور زوجه .. مو عشيقه .. لو مااتصلحين تكونين زوجه .. ائتمنك على بيتي .. شرفي .. عيالي .. ماكان تزوجتك .. انا ما رح اكون اول من حب وحده وتزوج غيرها .. مسح وجهو بيدو ... الموضوع طال وهو قصير .. انا قلت كل الي عندي .. تقدرين تقولين لامك ان صار عندي ظرف طارىء واني سافرت مع امي وابوي لديرتنا .. وعلى نهاية الاسبوع .. اذا كنتي مصره على الطلاق طلقتك وكل حي يروح لحاله

رديت باصراار .. وانا احاول اسيطر على رجفت صوتي : شكرا ع المهله .. بس مالو داعي .. انا ابغى اطلق
ابتسم لي بمراره .. كانو عارف انو ينفخ بقربة مخرومه .. اعطاني ظهروا .. فتح باب الغرفه وتعلقت عينو وعيني على امي الواقفه عند عتبة البااب




اليوم مارح الشغل .. له فتره تقريبا روحته للشغل نادره .. قلبها يقولها ان فيه شي .. نفسها تسألوا لكنها بكل مره تتردد تخاف يصدق احسااسها .. تخاف من فكرت تعرضه للاذى .. او حتى فقدانه

× منال ×

دخلت عليه المكتب .. كان يشتغل على مجموعه من الملفات .. له اكثر من اسبوع .. ماايروح الشركه الشغله يجيله الين عنده .. مالااحظ حتى دخولي .. منهمك تماما

رفع راسه بشكل عرضي : متى دخلتي ؟!
رديت : من شوي .. الشغل كثران ؟!
رد وهو يقلب في الملف : ايه .. طلبت اوراق .. جابلي السكرتير اكوام .. الظاهر مايبون ارتاح ابدا

تبغى ترتاح ليه ؟! وش تحت رااسك يافيصل .!! .. تعبت من كثر ماافكر .. ماابي اسأله .. ابيه هو من نفسه يقولي .. كتمه للي بنفسه يقهرني .. احسه حاط حاجز بيني وبينه .. يمكن انه يخاف علي ومايبي يزعجني مع ان تصرفه هذاا مو بس يضايقني .. يحسسني بغربه .. يحسسني اني مهما قربت .. بيكون هو بعيد .. بعيد مره اهـ يافصيل .. ليتك بس تبرد قلبي وتصارحني

سألني : بتروحين اليوم لاهلك ؟!!
رديت : لا مااعتقد .. اصلا بعد بكره احنا بنكون عندهم
هز راسه : مثل ماتحبي
اخذت نفس : ممكن تترك الملف الي بيدك ؟! ابي اتكلم معاك
قفل الملف بهدوء .. : خير ؟!
رديت : الخير بوجهك .. امم فيصل وش فيه ؟! وش الي عندك مااتقوله لي ؟! ولاا تقول مافي شي .. دايم لحالك .. واذا معاي تفكيرك مو حااضر .. وفوق كذا شغلك ماتروحه .. انت تقريبا ماتطلع من البيت .. وش فيه يافيصل ؟! وش مخبي عني ؟! .. وش حكاية لصقات الموروفين الي عددها تنااقص بشكل كبيير .. العلبه تقريبا فاااضيه .. وش فيه ؟!!

قام بعرجته لف حول المكتب جلس على الصوفا الطويله : تعالي
قمت وجلست جنبه .. مسك ايدي .. وضمها بيده : اناا عندي ورم باسفل الظهر .. الفقره الخامسه والسادسه اليين اللحين الدكتور مايعرف اذا حميد او خبيث ... نتيجة الخزعه مطلعت لسى .. بالحالتين لاازم ينشال .. هو ضاغط على الاعصاب بشكل كبير .. وفي حاله انه كان حميد .. لازم بعد ينشال .. او لازم اتقبل فكرة اني ماارح اقدر احرك رجلي بعد كذا .. والعمليه ابسط خطأ فيه ممكن يخليني مشلوول .. يعني مخاطره على الحالتين .. بس يااستي هذا كل الي عندي

غمضت عيني .. وهلت عيني دمهاا .. هذا الي كنت خايفه منه .. هذا هو


*
*
*

كل عام وانتم بخير

اسأل الله ان يبلغنا رمضان وان نأدي عبادته على اكمل وجه

ونلتقي باذن من جلت قدرته يوم العيد

لا تنسونا من صالح الدعاء

كل عام و إنتي بخير بدويه
وضع لطيفه وبدر صعب لطيقه ماتنلام وبدر كمان ماينلام و معرفة أمها بوضعهم أعتقد راح تساعدهم
فيصل تعب جديد حيمر فيه بس مع وجود منال جنبه راح إن شاء الله راح يعديه
عبدالعزيز أعتقد قريب حنشوف عقابه من رب العالمين

مبدعه دائما...بارت رائع ومشحون ....تأثرت بمواقف بدر ولطيفه ... وكرهت نذاله عبد العزيز.....وعقوقه لوالدته...مشـــــــــكوره على البارت الممـــــــــــتع .