السلام عليكم ورحمة الله وبركاته


هلا والله ببدووووووووووووو اخبارج يا حلوه
شوفي انا مو في الديره اخر العالم ومع هذا ماقدرت ما افتح ليلاس اوو اشوف اذا نزلتي شي ولا


بس ما شاء الله صارروووووووووووخ البارت لووول حلوه صارووخ



مسكينه لطيفه ماتستاهل اللي صار لها

اووو بعد مسكين بدر بس الله كريم



اووو مشعل لا يا شيخ صار في شرخ بعلاقتنا احلف بس هذا اللي قدرت عليه وايد عليك




اووووووو هالحماره على قوله زارا نجود مادري شسمها اللييي ماا تتسمى ليش ماتعرف تقضب السانها شوي والله انها قهرتني مسويه فيها ملاك اووووو حكيمه زمانها لا ياشيخه انقلعي بس


مشكوره بدو على البارت اووو ادري انه ردي وايد مخنصر بس اعذريني



تسلمين يالغلا لا خلا ولا عدم

السلام عليكم ورحمة الله وبركاته


حياااكم الله وبياااكم .. اعتذر لكم عن تاخري بالبارت .. وتقصيري بالردود

البارت شوي ونازل

الفصل الرابع والثلاثون

شـــد .. بــشـد

ماصدقت عيونها وهيا تشوف ولدهاا وزوجته نازلين .. وشايلين ولدهم .. ماهي عارفه وين راايحين .. بنتها وصهرها كلها كم ساعه وبيكونون هناا .. معقول ولدها مو مقدر ولا مراعي هذا الشي وطالع بكل بساطه ؟!

× عبدالعزيز ×

كنت خارج من غرفتي وانا شايل احمد .. وورايا رهف باغراضو ... سمعت امي وهيا تنادي عليا .. استغفر الله ايش عندهاا من صباااح رب العالمين

لفيت عليها : ايش في ؟!!
امي : على وين ياولدي ؟!!

رديت عليها : انتي ايش شايفه ؟!! ولدي ومرتي معايا .. ومعانا شنطة غيار .. وين بنكون رايحين ؟!! مهاجرين مسلا ؟!! "مثلا "

امي : عبدالعزيز رُد زي الناس
تاففت : اوووف .. رايحين نقيل عن اهل رهف
ردت : تقيلوو ؟!
جاوبتها : ايوا نقيل اشبك مفجوعه كدا ؟!

ردت عليااا : اكيد بنفجع .. كيف تروحوا تقيلوا .. واختك وجوزها بعد صلاة الظهرية بيكونو هناا
رديت عليها : مااعتقد يجون .. وازا "اذا " جو اشلي "وش يخصني " .. انتي موجوده

امي : عبدالعزيز ايش الي اشلك ؟! رحيمك اول مره يدخل بيتنا .. تندر وتسيبو "تطلع وتتركه " ؟!! هادي اصول برضو ياولدي ؟! مين يستقبلوا ؟!! انا او انتَ ؟!! مين فينا الراجل

جاوبتها : والله رحيمك مو جاي عشاني .. جاي ورى مرتو .. ومرتو مو جايبها الا انتي .. اقعد انا ليش ؟!! رجل كنبه .. ديكور ؟!! وبعدين اصلا انا ماهضمتو ولا بلعتو ... واقفلي زي العظمة في البلعوم .. ولوما اني ابغى اخلص من بنتك مااكاان رديت عليه حتى سلام رب العالمين .. يالله ياارهف

ندرت للسياة .. وندرت ورايا رهف .. شغلت سيااارتي ورجعت ريوس عشان احركها من الموقف
سألت رهف : ايش رايك في جوزك ؟!!
رهف : عجبتني .. سكتت شويا .. وبعدين كملت وهيا مضايقه .. امك مااعرف ليه دايما ضدك شفت كيف وقفت في صف بنتها وجوزها ؟! قدرو يلعبو عليها .. زغللت عينهاا الفلوس .. بس ردك عليها ورااها كيف انو احنا ماتهمناا الفلوس والمظاهر الكدابه .. ولا ننافق زيهم

رديت عليها : رهف لا تقولي كدا امي ماتعرف تنافق .. طول عمرها على نياتها
ردت وهي منصدمه من كلامي : بالله من جدك ؟!! محد نيااتي غير انتَ .. انتَ لو شاايفها كيف كانت تتكلم هيا وجوز اختك تقول هادي تعرفوا من سنيين .. مو كأنو لسى ياادوبك مالك على بنتها من كم يوم .. امك تُرسم على بعيد .. تِحَسِب ان البدوي رح يسلم اختك تروتو"ثروته ".. وانهم رح يلعبو بالفلوس لعب .. ماتعرف انهم يموتو ع القرش .. شوفهم حتى ماسو لولدهم فرح زي الناس

جاوبتها : احنا إلي قُلنا مانبغى فرح نسيتي

ردت : مانسيت .. بس انت شفتهم كيف ماصدقو؟!! .. غيرهم كانو اصرواا واصروا .. صدقني هاديلاا بخلا .. حتى استغفر الله .. استغفر الله

سألتها : اشبك ؟!
ردت: مااقدر اقولك .. ربنا امرنا بالستر
اصريت : وبعدين رهف أيش عندك ؟!!

قالت : الي سمعتوا يا عبدالعزيز .. استغفر الله .. ربنا لا تبلينا .. ان اختو .. يالطيف "بمعنى الطف بنا يالله " مشيها بطال "بمعنى انها غير شريفه " .. عشان كدا جوزها الاولاني قتل ولدهاا .. استغفرالله يقولوا انو اكتشف انو مايجيب عيال .. وان هيا استغفر الله حملت بالحرام ونسبت البزرا لو .. وان جوزها الي دحين متجوزتو ... هو ابو البزرا الحقيقي .. استغفر الله يارب استر على اعراضنا .

قاطعتها : ايش ؟!!
ردت : مو بس كداا .. سمعت كمان ان اهل بدر .. كُل فلوسهم حرام يالطيف .. وان المباحت "مباحث" تحفر ورااهم

صدمتني : انتي ايش تقولي ؟! من وين جايبه هدا الكلاام ؟!!
ردت عليا : من وين يعني جايبتو .. الناس تهرج
صرخت عليها .. حتى بكي احمد : ودوبك تهرجي ؟!! ليش ماتكلمتي من اول ؟!

مسكينه خافت من صريخي : وي لا تصرخ .. فجعت الولد وفجعتني .. يعني انا لو كنت سامعه الهرجه هاادي قبل الملكه ماكنت قلت لك ؟!! وي يااعبدالعزيز .. هادا ظنك فياا ؟!!شكلك ناسي انك جوزي .. وان سمعتي من سمعتك ؟!! وحتى لطيفة لو هياا تكرهني وماتُحُبني .. برضوا انا ماارضالها الادية ... مهما كان هي اخُتك وانا عندي اخوات والي ماارضاالهم ايااه ماارضااه لاختك .. مهما كان عمة ولدي .. بس الحمدالله .. اهي جات من ربنا ..خلااني اشوف الحقيقه .. انت ياريتك زيهم تكرهني .. الا طالع اسوء منهم .. انت ماعندك سقه "ثقة " فياا .. يااخسااره يااعبدالعزيز . . هدا واناا ام ولدك .. ومتحمله زُل "ذل " اهلك ليااا

صار تبكي .. وقفت السياارة على جنب .. مااني قاادر اركز على الطريق .. : بس ياحبيبتي انا والله ماكُنت اقصد
سحبت يدها الي كنت ماسكها : سيبني .. لو سمحت حرك السيارة .. ابغى بيت اهلي
رجعت اتأسف : رهف .. انا اسف .. لاتزعلي يااحبيبتي .. انا والله مااقصد ازعلك

ردت : عادي حتى لو كان قصدك .. ايوا انا لو بنت مليونير .. ماكان قلت الكلام هداا .. بس عشان اهلي ناس طيبين وعلى قد حالهم .. قلت مايهم .. اهلي يزلو.. وانا اشك .. هو كدا دايما الطيب متبهدل

رديت : رهف ايش هادا الكلام .. انتي قدرك اكبر من مية مليونير .. يعني بعد هادي العشره معقول تقولي هدا الكلام ؟!! ايش دوبك متجوزتني وماتعرفيني ؟!

لفت وشها "وجها " : لا مودوبني .. لو سمحت امشي .. الناس تتفرج عليناا
رديت : مارح امشي .. الا لماا ترضي
ماردت علياا .. كانت لافه وشها ع الجهة التانيه .. سكت وعاندت ومامشيت .. اليين مالفت وشها : خلاص امشي ياعبدالعزيز

سالتها : يعني قبلتي اعتزاري
ردت : ايش اسوي في قلبي الطيب
ابتسمت وانا احرك السياره : الله يخليه لياا ولا يحرمني من طيبتوو




كانت تلبس وتتجهز بتروح دوامها .. اما هو فكان قاعد يناظرها وهي تطلع اغراضها .. مستغرب شلون حافظة مكان كل شي ... حطت ملابسها على السرير .. وراحت لجهت ثيابة وبدأت تطلع له غيار

× نسيم ×

يالله اختيار الملابس مره صعب .. احاول قدر الامكان ماااغلط بمكان الاغراض ..خصوصا بدولاب حمد اخاف اطلع له شي مو حلو .. يمكن حتى لو طلعت له وماعجبه رح يبدله من غير لا اعرف
عديت خطواتي اليين ماوصلت لدولابه .. فتحت الجهة اليسرى .. مكان البناطيل .. واحد .. اثنيين .. ثلاثه .. ايه هذا هو .. بنطلون جنز رمادي باهت .. رحت لقسم البلايز والقمصان .. كان مقسوم قسميين .. جزء معلق فيه القمصاان الرسميه وهو الي ع اليمين .... وع اليسار القمصان الكاجول .. استغفر الله القميص الاسود والرمادي وين محطوط ؟!! كم رقمه ؟ ... استغفر الله هذا مو دولاب حمد احسه متااههه كبيييير ومليان اكثر من دولابي انا المره .. حاولت احفظ كل شي بالدولاب ومكانه بس صعب .. والظاهر بفحط اليين مااحفظ .. كل شي مقسمه .. قسم للاثواب .. وقسم للقمصان وهذا مقسم طبعا بين القمصان الكاجول والرسمية .. وقسم خاص بالبدل الرسميه .. وعلاقة كرافاتات وعلاقة احزمه .. جزء " الله يعزكم " للصنادل الشرقي والجزم وكل هذا غير جزء الرفوف الي فيه ثياب النوم ..والبيت .. الله يسامحك يااحمد .. لو فاتح معرض اصرف

سمعته من وراي : وش تسوين ؟!!
رديت : ادور على قميصك الاسود والرمادي مااتذكر مكاانه
رد علي : سلامة النظر هذا هو قدا...

ماكمل كلمته .. الظاهر حس انه غلط بكلامه .. ماحبيت ادقق .. خليني امشي المووضوع : اعذرني بس كل مادخلت هنا احس نفسي ملخبطة وداخله معرض .. حمد اعرف الحريم يموتون ع الاسواق .. لكن انت حاله استثنائية .. مهوس تسوق ومهوس تنظيم .. لازم تختار واحد منهم .. ترى مااقدر احفظهم كلهم .. بقعد سنيين اليين مااحفظ والمصيبة انك ترجع تشتري

رد علي وهو يتماشي معي : تصدقيين نصهم مالبستهم من سنيين
استغربت : من سننيين ؟!! طيب ليه محتفظ بها
ضمني من وراي : ماادري
حاولت افك نفسي : حمد وبعديين .. بتتاخر وانا بتاخر

رد علي وهو يلفني عشان اواجهه : خذي عاارض اليووم .. وانا بكنسل الجوله الميدانيه .. ونطلع مع بعض ؟! من زمااان ماطلعناا مع بعض

رديت عليه : حمد مو اليوم .. تعباانه ومالي مزاج .. خلها بكره او بعده
رد علي وحسيته زعل : الطلعات معي ماالك مزاج وتعباانه .. دوااامك والموجبااات جاهزه لهاا .. براحتك
سحب البنطلون من ايدي .. وقميص من ورااي : حمد اسمع
رد : ماابي اسمع شي

سمعت بااب الحمام " وانتم بكرامه " ينقفل .. استغفر الله على طوول زعل .. والله معاه حق .. من متى ماطلعنا وحتى لما اكون بالبيت غالبا مع عمتي ونوير ... رحت لجوالي .. ضغطت واحد وخاصية الاتصال السريع .. اتصلت على مديرتي .. واعتذرت عن الحظور .. وياحليها تقدر بصراحه .. غيرت ملابسي .. ورفعت شعري ذيل حصان .. مديت ايدي لعلبة الاكحال الموجوده ع التسريحه .. وكان كل كحل ينتهي طرفة بورقة مطبوع عليه اللون .. تحسست الاول .. تركواز .. الثاني اخضر ... الثالث اسود .. اخذه الاسود وكحلت عيني .. رشت عطر من عطوري الخفيفه .. ولبست عبااتي وجلست ع السرير انتظر حمد .




طلع من بعد مااستحم .. ولبس ثيابه .. جينز رمادي ديرتي .. مع قميص ازرق غامق مرسوم بظهره بازرق باهت تنيين .. الي يشوفه وطريقة لبسه مستحيل يفكر انه تجاوز الثلاثيين .. كان شكله مبين صغير .. خصوصا وانه شباابي جدا بلبسه .. طلع من غرفة الملابس شاف نسيم جالسه ولابسه عباااتها

× حمد ×

لابسه وجاهزه .. ماعندهاا وقت .. اخذت ساعتي الرولكس : جااهزه ؟!
ردت عليه : ايه انتظرك .. الفطور جاهز
رديت : مالي نفس .. خلي السواق يوصلك انا متأخر
قالت لي وهي تمشي لعندي : بس انااا مااابي السواق يوصلني .. ابي زوجي
رديت وانا التفت لهاا : وزوجك مو فاضي لك بالضبط مثل ماانتي موفاضيتلي
ردت علي : خلاص بكلم المدرسه وبقولهم جاايتهم .. اتفضل رووح شغلك
مسكتها من ايدهاا : ليه وين كنتي بتروحين .؟!

ردت : كنت ناوية اطلع معاك .. قلت ماايهم نطنش الشغل اليوم ولا تزعل علينا .. لكن بما ان حضرتك مشغوول ماله أي دااعي اعطلك .. والخبط لك جدول اعمالك المزحووم

ابتسمت : يعني اخذتي اجازه
زفرت : ايه
بغيت ارقص : يعني تبين تطلعين معاي ؟! وبنقضي اليوم كله مع بعض ؟!
ردت وهي تلف بوجها : لاا خلااص مااالي نفس
ضحكت : هههههههههههه تقلديني هاا !!!
نسيم : مااقلد
قلت لها : طيب وش رايك ناخذ لنا غيارات .. ونروح الشااليه ؟!!
استغربت : الشااليه ؟!!!!
رديت : ايه الشاليه .. بكره وبعده اجازه .. وش رايك انا وانتي بس .. لثلاث اياام ومايزعجنا احد
ردت : بودي .. بس
تصنعت الزعل : رجعنا للبس

قاطعتني : حمد لاتعصب من قبل لا تفهم .. اسمع حنا ماعطينا اهلك خبر .. مو حلوه يشوفونا طالعيين وشايليين اغراضنا معنا .. بيقولون ماعملنالهم اعتباار .. مو حلوه بحقهم ولا بحقك .. وبعديين ثلاث ايام بعيد عن البيت والشركه .. صعبه .. اخااف عمي يتضايق .. لا يفكرك مهمل شغلك .. انت عارف هو مايروح الشركه الا نادرا ومسلمك الشغل كله .. وثلا ث ايام يعني فتره طويلة .. وش رايك لو ناجل الطلعه ونطلع كلنا .. منها عمي وعمتي مايحسوناا تجاهلنااهم .. ونوير تنبسط لها .. حرام نفسيتها تعبانه مره

كبرت بعيني بصراحه .. اهتمامها باهلي وتقديرها لهم .. مااذكر من حريمي الي قبل وحده فكره بااهلي الا من بااب الفضول تبي تشوف شيبان العرب شلون .. لكن تفكير نسيم فيهم .. تفكيير احترام وتقدير

سالتها : اهلي مهميين عندك كثير ؟!
ردت : اكيد مهميين .. اهلك اهلي ياااحمد .. وغلاتهم من غلاتك عندي
ابتسمت وانا احط ايدي على كتفها: يعني انا غاالي
حمر خدها :حمد

رديت : وش !!! كملي .. اجبري بخاطري .. من زمان ماقلتي كلمه حلوه .. الا من تزوجناا مااقد قلتي يااحبيبي ولا يااروحي .. غالي ماشي حالها .. ريح ابو علي ولا عدمه مثل مايقولون

نسيم : ياااسلام .. وخرت ايدي ..اللحين انا مااقولك أي كلمه حلوه ؟!! والله صدق من قال انكم يالرجال جاحديين .. تدري ماانت غاالي .. ولا ابي اطلع معااك .. واذا تبي تزعل ازعل

ضحكت : هههههه .. ضميتها .. اموووووت بالمعصبييين
دفتني بقوة شووي ورجعت على ورى وخبطت بالتسريحه : ووخر .. وخر
توجعت بتصنع : اااخ عورتييني

مسكينه صدقت خصوصا واني لما صدمت بالتسريحه طاحت بعض العطور . وانا بيدي طيحت كم حده يعني تاثيرااات صووتيه

سألتي بخووف : ويين ؟!! نزل دم ؟! ..وصارت تنادي شغالتهاا .. فاطمه .. مشيت للباب .. فااطمه
مسكتها وحطيت ايدي على فمها : بسسسس .. بسسس .. مافيني الا العافيه فضحتيناا هههه والله ماينمزح معاك .. على طوول فااطمة

ردت وهي تبعد كفي من على فمها : تمزح !!! ببساطه تمزح !!

حسيتها تضاايقت منجد .. وبان على وجها وحركة بؤبؤ عينها المضطربه .. حطيت ايدي على زنودها ... كنت ابي اخفف : ياعمري انا

فكت نفسها بقوة : انت عدييم احسااس .. اللي انت شفته يضحك .. انا حسيته رعب .. انت ليه ماتقدر ؟!! اناا بالنسبة لي اذووني عيووني .. سهل علييك تمثل الوجع ؟!! .. طيب واناا .. اناا عميياااا يعني بصدق كل الي بتقووله .. بصدق من غير حتى ما اشك لو للحظة انك ممكن تكون تكذب علي .. ماهمك هذاا كله .. المهم تضحك وتنبسط واناا انحرق

زفرت بضييق .. : ليه انتي مصره تاخذين كل شي بحساسية .. نسيم ماصااارت مزحه مزحناها .. ماله داعي الغلط .. مااصاارت ... ابسط شي تفسرينه على انه تبلد مني وعدم مرااعااه .. وبالحقيقه مو انا الي متضاايق من عمااك .. انتي الي متعقده منه ومو قاادره تتعايشين معاااه .. مبينه للكل انك سعيده بوضعك لكن من داخلي تندبينه ... ماتصدقين أي خطأ مني وتولعينها حريقه .. مااقدر اتكلم معاك بحريتي .. احس كل كلمه تتعرض للتدقييق والفحص .. حسااسيتك ياانسيم لازم تسيطرين عليها قبل لاا تهدم حياااتناا .. لاتدمرين لنا زواجناا وهو لسى باوله

ردت علي : وش رايك تاخذها من قصيرها وتقول انك قرفت من العمياء .. وودك تغيرها مثل ماكنت تغير الي قبلها .. مااعتقد ان باقي باوروباا دولة ماجربت حريمها .. وش راايك تدور ع الوطن العربي المره هااذي

جاوبتها : فكره مو بطاله .. الزواج لاهو عيب ولا حراام .. والتجدييد مطلووب .. عن اذنك

طلعت وتركت لها الجناح كله .. وبطلعتي ضربت الباب باقوى ماعندي .. حتى اني مااامريت على اهلي بغرفة السفره .. كنت معصب .. كلام نسيم حرق دمي .. معايرتها لي بزواجاتي المتكرره .. الطريقة الي نطقت بها كلامهاا .. حسيت كل كلمه ملياانه خيبة امل .. قرف .. انعدام ثقه .. معقول كلامها صحيح ؟! انا مليت خلاص ؟! وقمت ادور على حجج ؟!!





الباارحه طقت الباب عليها ثلاث مرات .. كانت خايفه يرجع ينام عندها .. قامت من فراشها وهي تحرك بصعوبة .. جرت خطواتها جر .. اليين ماوصلت للحمام وانتم بكرامه .. نزلت تحت الدش البااارد .. المويا ثلج تلسع جسمها لسع ..غمضت عيونها ..وتكت ع الجدر .. وتركت الموياا مفتوحه

× لطيفة ×

كنت احس بالمويا وهياا تنزل على جسمي .. بااااااااااارده .. وقفت تحتها كتيير .. يمكن اصحى واكتشف ان كل ألي صار حلم .. كاااابوس مو حلم .. اااااااه .. قفلت المويا .. لفيت روب الحمام علياا .. وقفت قدام مراية التسريحه .. الصورة المنعكسه معقوله صورتي .. وَشِي "وجهي " مَصَفِر .. والارهاق باين عليه .. بالله هدا وش عروسه مامر على جوازها اربعه وعشرين سااعة ؟! ... ضغطت على اسناني .. كنت اشوف جسمي وهوَ يهتز بالمراية .. وملامح وجهي بدت تتجعد ندير للبكاء.. حطيت ايدي على حافة ظهر الكرسي ..ضغطت بقوه حسيت باصابعي رح تنفصل وتصير اجزاء من كتر الضغط .... مو بس اصابعي توجعني .. كل خلية بجسمي ترتجف من الوجع ... بس ماارح ابكي .. ماارح انزل ولا دمعه .. كفاية الي بكيتو امس .. واخر شي امي ناقصتو اني ادخل عليهاا وعيوني متورمه من الدموع

اخدت نفس : ابتسمي ياالطيفة .. ماهي اول مره تبتسمي وانتي موجوعة

فتحت الدولاب .. كان في فستان الصباحيه .. الفستان الي مفروض البسو لما اروح لاهلي واهلو .. مستحيل ينلبس .. كيف البسو .. ويدي كلها كدمات ؟! .. دورت بين الاغراض الي جبتها .. كنت حاطة لي ملابس محتشمه .. اكيد ماكنت ناوية البس من ثاني يوم قدام زوجي اتكشف .. اصلا كيف كنت اقدر واناا المفروض مو شايفتو الا يوم الزواج .. اخيرا لقيت التنوره والبلوزه .. لبستها ..مشطت شعري .. كحلت عيني واتعمدت اني انثر بودره ذهبيه على كل وجهي .. ومع البلشر الخمري .. والروج اللحمي .. تحول الوجه الاصفر .. لوجه برونزي .. بعثرت شعري باصاابعي .. حطيت عقد من الاصداف يغطي رقبتي .. شفت نفسي بالمرايا
كويس .. شكلي كذا مضبوط .. برافو يالطيفة .. مستحيل احد يشوف الشكل هذا ويفكر انك من جواتك تنزفين

فتحت باب الغرفه .. شفت بدر ..مغطي عيونو بساعد وجهو .. نايم ؟! .. احسن لي ارجع الغرفه
تبين شي ؟!!

التفت عليه .. صاااحي !! .. اعتدل بجلستوو .. وطالع فيا .. عيونو كانت تبحلق فيني .. شكلو مومصدق اني متشيكة وواقفه قدامو

قلت لو : ممكن تسيبك بحلقه .. مو اول مره تشوفني وانا متشيكه .. او يمكن اتوقعت اني بكون لسى بالبجاما وبتكون عيوني متورمه .. وبعديين يعني ؟!




كان مصدوم .. حرفياا مصدوم .. اتوقع انها بتعتكف بغرفتها .. او انهاا بتكون بحالة مأساوية لما تصحى لكن الي تشوفه عينه شي ثاني .. لطيفه كانت بقمة الاناقه .. الي يشوفها مستحيل يصدق انها كانت منهارة البارحه

× بدر ×

صدمتني .. معقول قدرت تجمع شتات نفسها بهاذي السرعه ؟! .. الي يشوفها مارح يشك لحظة ان الي واقفه قدامه عروس تزينت لزوجها .. مستحيل يظن انها قرفانه منه .. اعرفها .. في شي تحت راسها .. الصلابة الي تمثلها مجرد قناع .. بداخلهاا هي منكسره

قلت لها : اشوفك جاهزة
ردت : مفروض اننا بنروح لاهلي مو ؟!
رديت بحذر : ايه بنروح .. قررتي ؟!

جاوبتني : ليش تسأل ؟! انت اكتر واحد عارف اني ما اقدر اختار اصلا .. خلينا نكون واضحين ياا بدر .. نوران كانت عارفه حياتي كلها .. وضعي في البيت .. مع عبدالعزيز ومرتو .. والوضع ماتغير حتى بعد مااتخرجت وصرت موظفة براتب .. بالعكس اسوء بكثير ... وانه يخلص مني حلم حياتو .. اكيد لاحظتو بالخطوبه انه شويا ويقولكم خدوها وادفع لكم انا المهر

بلعت ريقها بصعوبة .. متأكد انها تحاول ماتبكي .. مو سهل عليها انها تعترف ان قيمتها منعدمه عند اخوها خصوصا وان هي مالها غيره

كملت : غير كدا لا امي اقدر اكسر فرحتها واوجع لها قلبها .. برجعتي مطلقه بعد يوم واحد من زواجي .. الا مارح تسأل عن السبب .. المصيبه ماارح اقدر اعطيها سبب يقنعهاا .. والسكوت مو جواب .. ايش تبغاني اقولها .. والله ياامي زوجي طلع صحبتي ؟!! بس ترى هو رجال بس انا قرفانه منو .. ايش راايك بيمشي عليهاا الكلام ؟!! بتصدقو ؟! واذا صدقتو .. بكرة النهار لما يسألوها بنتك ليش اطلقت بعد كم ساعه .. تقدر تقولهم ؟! ع السبب .. طبعا لااا .. ماااحد رح يصدقهاا .. والناس بتبدأ تتكلم وتدور ع السبب .. ومارح يطلعوا الا بواحد من اتنين .. ياانك مالقيتني بنت او اني مالقيتك رجال .. الاول مو بس يطعن بشرفي .. يطعن بديني يطعن باخلاقي .. تربيتي .. شي الين مايدفنوني ماارح يتنسى ..وهدا الي رح يقنعهم اكتر شي .. لانو دايما البنت هيا الي تغلط .. والتاني ينصبر عليه وينستر .. وفي مستشفيات تعالج .. قُصر الكلام .. انا غصبا عني مو بكيفي لازم اكمل معاك ... عشان امي بس .. وقسم بالله لو مو هياا ماابقيت لحظة على ذمتك .. اماا عبدالعزيز .. مايهمني ولايفرق معايا ..

كنت اسمعها .. ماقاطعتهاا .. الكلام وان كان صعب علي اسمعه .. صعب تحس انسان متفضل عليك .. ايه لطيفه متفضله علي .. لطيفة وان كانت فكرة في امها وسمعتهاا وقررت تستمر معي .. اعتبرها متفضله .. أي وحده بمكانها رجعت بيت اهلها وفضحتني بين الناس ..ايه فضيحه .. لاا اكذب على نفسي .. مافي احد يقبل يزوجني .. بعيونهم انا انثى مسترجله متحوله جنسيا .. مستيحل يقتنعون اني بدر .. رجال

قلت لها وانا احاول اكون حازم .. واضح : لطيفة انتي مستوعبه وش قاعده تقولين ؟!! كونك تبقين على ذمتي مااهي مجرد صورة شكليه .. ولا هي مرحله زمنيه .. ماارح ارضى غير بزواج فعلي .. ان كنتي تفكرين ان تقضين فتره ..شهر اثنيين .. وبعدين تقولين طلاق .. فخذيها من قصيرها واجلسي ببيت اهلك .. اناا مارح اطلق ابدا بعد اليوم

فتحت عينها منصدمه .. اعرف ان كلامي استغلالي .. لكن هذي فرصتي .. مارح تتكرر .. اذا كانت فعلا ناوية تستمر كم شهر وتنهي الزواج .. تقضيهم ببيت اهلها .. انا ماارح اقدر اتحمل اني اكون منظر اجتمااعي .. حاله مؤقته وتنتهي .. وبصراحه اعرف اني بتعلق فيها اكثر واكثر .. ماارح اقدر انهي الزواج بكل بساطه

ردت علي وهي معصبه : هدا ابتزاز .. نوران عمرها مااكانت مبتزه

جاوبتهاا : نوران ماتت .. وانا بدر سامعتني بدر .. نوران انسايهاا .. وانسي كل شي له علاقه فيها .. وش قلتي يالطيفة ؟!

شفت الكره بعيونها .. الاحتقار : حتى لو كنت اكرهك ومااطيقك ؟! ترضاها على نفسك ؟!
رديت : البيوت ماتنبي ع الحب
ردت : انتهااااازي .. وااااطي .. عديم احسااس

كتفت ايدي على صدري : عادي اللحين رح اسمحلك تسبين مثل ماتبي .. لكن بعدين رح احاسبك ع الكلمه واللحين وش قلتي

جاوبتني : نجوم السما اقرب لك مني
رديت بتماسك : غيرتي رايك بسرعه

لطيفه وهي مكسوره : ارحمني .. ماافي وحده تقبل الكلام الي تقوله .. لا تكون انااني

كان نفسي احط ايدي على وجها وامسح الدمعه الي على طرف جفنها .. ضغطت على اصابعي : اعترف اني اناني .. وادور على سعادتي .. مديت ايدي ولمست خدها .. مافي احد بالدنيا ممكن يحبك .. يخاف عليك مثلي ليه ماتعطيني فرصه ؟!! اعتبريني مثلي مثل غيري .. واحد تكتشفينه مع الاياام .. ليه مصره تحكمين علي من البداايه .. اوعدك باذن الله مارح تندمين

رجعت على ورى : ماا ابغاك توعدني بشي .. ماابغى منك شي .. حاول بس تفهم .. انا مااقدر والله العظيم مااقدر .. ليش مو راضي تفهم ؟! تِقَدِر ؟!! ليش تستغل ضعفي وحاجتي ؟! بالله عليك لو كنت انا يوم من الايام ولد وصرت بنت .. بتقدر تتخيل نفسك متزوجني ؟!! تتخيل نفسك تغازل وحده كانت في يوم صاحبك ؟! رجال زيها زيك ؟! بتقدر تشوفني حرمه زي باقي الحريم ؟! ولا صورة الصااحب عمرها مارح تغيب عن عيونك ؟!

ضغطت على اسناني .. ماقدرت اتخيل الكلام الي تقوله .. اشمئزت نفسي منه .. الفكره لحالها اقرفتني .. شلون لو كانت حقيقه ؟!

قالت لي : شفت كيف قرفت ؟!! مااقدرت حتى ترد علياا .. دحين مفروض تكون قادر تفهم مشاعري .. انت مااخترت تكون نوران مااختلفنا .. بس دحين انت ممكن تدمر مو بس حياتي .. سمعت اهلي .. انت عارف انا ماايمديني اقول لاا .. وبنفس الوقت مااقدر اوافق على شرطك .. ليش مصر انك تربطني جنبك ؟! ليش وانت عارف اني مااقدر لا احبك ولا حتى استحملك ؟! الله يخليك خليني ع الاقل احترمك زي ماكنت احترم نوران

كلامها ضاايقني .. مااتقدر تحبني .. مو طايقتني : انا قلت لك كل الي عندي .. والخيار لك واذا خايفه على سمعة اهلك .. يمديك تقعدين عندهم .. واوعدك ورقتك مارح تجيك الا بعد مده .. ترى تقدرين تقولين عين او سحر تفريق .. هو موضة هالايام ... عن اذنك بروح ابدل

قرر انه يكون قوي وصلب .. مارح يسمح لقلبه يتحكم فيه .. كفايه عليه الضعف الي مر به البارحه .. اعترف بينه وبين نفسه انه كان استغلالي .. لكنه بنفس الوقت رفض ان تكون حياته لعبه تحدد لطيفه قوانينها .. من بعد ما تشخص .. اخذ مفتاح سيارته ونزل للصاله

× لطيفة ×

خرج من باب غرفة النوم .. كانت ريحة العِطر سابقتو .. الريحه كانت مألوفة .. نوران كانت تتعطر بنفس العِطر .. رفعت عيني .. نزلت عيني بسرعه لانها جات بعينو ... لا تستغربوا اني انكسفت "استحيت " منو مهما كان هو رجال .. ونظرتوا نظرة رجال

قُمت زي الهبله .. ومشيت لباب الجناح .. عشان نروح لبيت اهلي .. ناداني بنبرة عمري ماانسيتهاا نبرة شقااوة : مدام لطيفه .. يقولون في السعوديه .. يلبسون عبايات

رديت : لااا ؟!! كنت احسبهم يطلعوو فري
كان يطالع وهو راف حاجبو .. وكاتم ضحكتو ا : اشببببببببك ؟!!
ضحك : ههههههههههههههه عباااايتك وين ؟!!!!!!!!!!!
رديت : اهيا .. سكت ..

وييي مو لابسه عباايتي .. شكلي من كتر مااكنت افكر .. نسيت .. حتى البس عباايتي .. رجعت الغرفه .. اخدت عبايتي من الدولاب .. طليت باغراضي .. تنهدت ... خليه يشبع فيها .. اصلا ماابغى شي يدكرني فيه وبليلتي الي فااتت .. انا مستحيل اقبل استمر معاهـ بشروطو خلي الناس تتكلم .. زي ماتبغى .. بكره يلقولهم سيرة جديده يتسلو فيها غيري

نزلنا من جناحنا .. عبرنا الممر الطويل .. الين ماوصلنا للاسنسير .. كان زوج الهنا يشبر مايمشي .. ياربي ماتغير شي .. مجرد اسم .. وملابس .. ولا المشيه .. الوقفه .. النظرة .. هيااا .. كيف تخيل اني ممكن اتقبلوا ببسااطة ؟؟!! كيف ؟!

وقف قدام الاسنسير منتظرينه يوصل للدور الي احنا فيه عشان ننزل .. فجأة بدر بدال ما كان قدامي ومعطيني ظهروا صاار قبال وجهي .. ومغطي كل شي قدامي .. تقريبا انا كنت واصله تقريبا لنص صدرو .. عمري ماحسيت نوران كدا طويله .. اعرف انها طويله .. بس مادري .. ليش احس الطول زايد .. رفعت عيني مستغله انها ماتبان .. كان بدر لاف وجهو كأنه يطالع وراه .. اشبو هدا ؟!!

انفتح الاسنسير .. لف وجهوا عليا .. ودنق راسو .. : ادخلي

دخلت الاسنسير .. وقفت على اليمين عند الزاوية الداخليه تقريبا .. ومن مكاني قدرت اشوف بدخولي وين كان يطالع بدر .. كان في مجموعه من الشباب مراهقين .. شكلهم مو مريح .. دخل بدر .. وقف بنص الاسنسير تقريبا .. وقفتوا هادي كانت متعمده .. قصد يسد المدخل .. شفت واحد منهم .. زي البزرة الصغير .. يحرك رجلو بالارض بحركات عشوائية .. كان ابو مهزئو او يستنى عقاب

انقفل الباب .. تحرك بدر .. ووقف متكي على الجدار .. المسافه الفاصله ماكانت كبيره .. مادري ليه كنت ابحلق فيه .. حركتو غريبه .. ليش سوا كدا ؟! مصدق نفسو مره انو جوزي ويبغى يسوي فيها انو يغار ؟!

اشبي انا ؟!! هو فعلا جوزي .. بس يمدي يغار ؟!! لطيفة لا تكوني غبيه .. اكيد هو مستقصد الحركة .. يبغى يفهمني انو رجال .. وانو يتصرف على هدا الاسااس .. لويت فمي .. اتصرف زي ماتبغى .. التمسيليه "التمثيلية " خلاص مابقي عليها حاجه وتنتهي

وصلنا بيت اهلي على وقت صلاة الظهر .. فتحت الباب ابغى انزل : انا بجي بعد الصلاة
رديت عليه : جيت او ماجيت مااهي فاارقه
رد علي : هذا من طيب اصلك

نزلت وقفلت الباب ورايا بقوة .. .. دقيت الجرس اكثر من مره .. فتحت الشغاله الباب .. دخلت جري .. كانت امي جالسه بالصااله
صرخت :اميييييييييييييييييييي
امي فرحت فياا .. حضنتهاا بقوة.. وبستهاا على رااسهاا وايدهاا : وحشتيني
امي ضحكت : لسى امس تاركتني لحقت اوحشك
حلفت : والله والله وحشتيني.. رجعت حضنتهاا

الله حضنها احلى منو ماافي .. حسيت على طول بالامان .. بالراحه .. زدت تعلقي فيها .. كانها رح تروح وتسيبني .. ماكأنها جالسه معااي

امي : بس ياابنت حتخنقيني .

رديت عليها : ووي ياامي .. من امس ماشميت ريحتك .. ولا سمعت صوتك .. ومستكتره علياا اضمك بقوى امي : دحين تقولي كداا .. بكره تتعودي .. ويصير جوزك الكل فالكل .. الا هو فين مااشوفوا دخل معاكي ؟!!

رديت عليها وانا متضايقه من سيرتو : راح يصلي .. وين عبدالعزيز ؟!! وكملت من غير نفس ومرتو ؟!
امي جاوبتني : راح يقيل عند ارحامو

فتحت عيني : ايش ؟!! راح يقيل ؟!! مو عارف اني جايه ؟! وان جوزي اول مره يدخل بيتنا .. كيف يروح ؟! انا ماافرق معاه .. طيب الراجل يحترمو هوا ع الاقل !!

امي اتنهدت .. : والله ياابنتي هرجتو .. لكن تعرفي .. دخلت الهرجه من ادن وندرت من التانيه

يااحبيبي .. هادي اولها .. اجل لما يعرف انو كان بنت ايش رااح يسوي .. والله مو بعيد يطردوا من عند بااب البيت .. ويفضحوا في الحاره كلها

امي : ها يابنتي .. كيف لقيتي جوزك ؟!! انا والله ارتحتلوو اول ماشفتوا .. باين عليه طيب .. واهلو ناس طيبين مره .. شفتيهم امس .. شايلينك على كفوف الرااحه

مااعرفت ايش ارد عليها .. عيون امي تنطق من كتر الفرحه : اشبك نزلي عباايتك

وقفت ونزلت العبايه .. شافت امي التنوره والبلوزه : لطيفه ليش مو لابسه فستانك ؟! كيف رح تروحي عند اهل جوزك كدا ؟!

رديت وانا مرتبكه : استحيت البسوا قدامو .. مفتوح مره كتير ياامي .. وهناك اكيد ح سلم على عمي .. مايجوز اندر قدامو وانا لابسه عريااان

امي : قايلتلك خُدي شي مستر .. مارضيتي .. اهو لا لبستيه لجوزك .. ولا تهنيتي فيه
رديت : الجايات اكتر ان شااء الله

امي : وي قوومي خلينا نصلي قبل لا يجي الرااجل

قمت معاها .. فرشت السجادات في الصاله عشان نصلي .. نادات امي على الشغاله .. وطلبت منهاا تقول للسواق يجيب الغدااا

قلت لامي : انتي الي طالبه الغدا صح ؟!
ردت : مو مهم مين مسويه .. اهم حاجه جوزك ياخُد واجبوا .. صليي يابنتي

كبرت امي للصلااة .. يااربي .. متاكده انا صاارفه من الفلوس الي اديتها ايااها .. كُل هدا عشان تقوم بواجبوا مهتمه فيه كتير .. يااترى ياامي لو قلت لك اني ابغى اطلق ايش رح تسوي ؟!

بعد الصلاة طلعت لغرفتي .. ندرت جوالي الي كنت ناسيتو بالدرج .. واتصلت على عبدالعزيز .. ماقدرت بصراحه اتحمل حركتو .. واعديها لو .. مارد علياا اول مره .. رجعت اتصلت تاني مره

رد وهو معصب : يعني مو وقت صلااة متصله ليش !
ياالطيف حتى سلام مافي : وينك ياعبدالعزيز ؟! اجي وماالقاك !
رد : عند ارحامي .. يعني امك ماقالت لك ؟!!

رديت : قالت لي ... يعني ارحامك ماقدرت تاجل زيارتهم !! وانا ؟! اختك ياعبدالعزيز اول مره ادخل بيتنا من بعد جوازي .. بلاش انا .. رحيمك مالو قدر عندك ؟

رد بجفاصه : لا مالو قدر .. ولا انتي كمان .. رحيمك ورحيمك .. من عدالتو دا الرحيم .. حسنتوا انو ريحنا من وشك"وجهك " .. وياريتو ياكمل جميلو وياخُد امك معااكي

كلامو جمدني .. ماقدرت ارد عليه .. اصلا مااعطاني مجال ارد .. على طول قفل السماعه .. قليل الادب .. كنا نقول مرتو عقربه وهيا الي قلبتو .. لكن اهو بان على حقيقتو ... جااحد ماعندو أي احترام .. آخُد امي معاياا ! ليش انا لاقيه مكان يلمني ؟!! وبعدين هاادا مو بيتها ؟!! مين الي يندر ؟! هيا ولا هواا ؟!! ااه ياامي .. تعبتي وربيتي .. وولدك يرمي فيكي .. كانك قطعة قماشه قديمه .

سمعت امي تنادي عليا .. رتبت شكلي بالمرايا .. ونزلت اجلس معاها شوياا .. جا بدر بعد صلاة الظهر .. انا الي فتحتلو البااب .. ودخلتو المجلس .. والله ماعرفت ايش اقولوا او حتى ابرر لو .. عارفه انو جواتو متضايق عيونو اصلا قالت الي ماقالو لسانو

قلت ابرر : عبدالعزيز اضطر يخرج .. ارحامو عندهم ظرف و
قاطعني : ماله داعي .. ابتسم

عارف اني اكدب .. باين اصلا من تتأتي اني كدااابه .. وبعدين يعني هوا مو عارف عبدالعزيز .. يااحلاوتي
قلت : اسمع امي شويا وتجي .. انا لسى ماقلت لها عن الطلاق .. فلو سمحت لا تقولها شي انا بقولها على طريقتي بعد ماتروح

مارد علي .. وقف على طول وعلى وشو ابتسامه .. لفيت شفت امي داخله .. عباارات الترحيب نازله زي المطر على الزوج المصون : اهلا وسهلا .. نور بيتناا

مشي بخطوات سريعه لين عندها .. باس راسهاا .. ويدها : النور نورك ياعمه
امي كانت مبتسمه ومحمره شويا : تسلم ياولدي ... كيفك ؟!
رد : الحمدالله انتي كيفك ايش اخباارك ان شااء الله كويسة ؟!
امي : ههه اشبك قلبت

جلست امي جنبي .. وجلس هو بالصدر .. : يعني اشوف الحلاوى هادي وماتبغيني اقلب .. تبغيني اكون معدوم نظر .. الضحكة هاادي كفاياا عشان تنسيني اسمي .. كيف وانا اهرج معااكي وشابك يدي بيدك

امي سحبت ايدها وخبطتو بخفه : سيبك بكش .. وكملت وهيا تطالع لي .. الله يعينك على لساانو .. حيتعبك كتير .. وحيضحك " بمعنى يخدعها " عليكي كتير

رد عليها : عمتي .. احنا لسى نقول يااهادي .. بعدين اوعدك لو ابغى اضحك عليها اقولك اول .. يمكن انتي تدبريني بكدبة احسن من كدبتي

ضحكت امي وضحك معااها : هههههههههههه

فتحت عيوني ع الاثنين .. هدا مااخد وجه مره على امي .. وامي مره مبسووطه .. والاتنيين مطنشيني .. لا وجلسو جنب بعض .. والله الي يشوفهم يقول يعرفوا بعض من سنيين .. الي مستغربتو امي .. كيف ماخده وجه عليه .. والله عبد العزيز مااتقعد معاه كدا .. شكلها حبتوا وخلصت .. وحتطيح الحكاية كلها على راسي

امي : لطيفة اشبك جالسه ؟! قومي جيبي عصير لجوزك ؟!
اجيبلو سم هاري يبلعو : طيب
بدر : مالو داعي لطيفة .. والله ماابي ياعمتي .. لو ابي كان قلت .. ولا تبين تعامليني على اني ضيف مو ولدك
امي : لا والله يااولدي .. انت زي ولدي واعز
قلت : بروح اشوف الغدا

اووووووووووف .. لو جالسه معاهم شوياا وانجلط .. ماااني ضيييف .. مصدق نفسو مره .. وجع .. ان شااء الله بطنوو تمغصو ع الغداء .. لئيم .. كداااب .. غشاااش

جهزت الغدا ع السفره مع الشغاله .. والله أي متوصية من قلبها .. الحرمه قامت بالواجب .. والرجال يسرح ويمرح .. حسبي الله ونعم الوكيل فيك يااعبدالعزيز