مراحب بدويه

وربي انك قمر بكل ما تؤتيه الكلمه من معنى >>> متعوب ع الكلمه


فيصل ومنال / ياقلبي عليهم والله الله يتمم حملها ويرزقها الذريه الصالحه


البانداوالملسوونه / يهبلوون ماشاء الله عليهم يا فديتهم بس

بدر / اه والله اني رحمته يمشي بضغووط مره قاسيه

لطيفه / شيلي عنك القسوه فأحيانا الملاك احسن من البشر

اممممممممممممم مين بعد


حمد ونسيم / لو تشيل نسيم العناد من بالها صارو بالف خير

عبدالعزيز ورهف / جعلهم للمووت ان شاء الله



تسلمين يالغااليه

ننتظرك على احر من شمس الرياض

خخخخخخ

بدويه عنيده
ازيك ؟؟عامله ايه ؟؟؟؟؟
بارت رائع كالمعتاد ولكنكى توقفتى عند جزء صعببببببببببببببببببببببب قوى علينا ............
بدر
صعب ما مر به فى لحظه مواجهتته مع امه وابيه وانتهى به تفكيره بلتساؤل هل لازال يحمل ليونه نوران ؟؟؟؟؟؟؟؟؟؟مع ان نوران لم تكن لينه على الاطلاق ..............بدو وووووو الفكره صعبه هل بدر فعلا هيقدر يتعامل مع لطيفه بوضعه الجديد اشعر بها ثقيله بجانب انه عليه ان ينسى نوران تماما ...اذا كان قد قرر انه لن يقول لها شيئا.............

مشعل ونجود
الصراحه بين الازواج والقدره على المواجههه بينهم اعتقد انها من اهم اسباب نجاح اى زواج فعندما صارح مشعل ونجود بما يراه فى الاخر استطاعا معا ان يتوصلا لحل لمشكلاتهما حتى ان لم يكن بالحل الفعال الا ان المحاوله فى حد ذاتها نجاح................
حمد ونسيم
احساسه بالندم لاختيار المكان لقضاء شهر العسل واحساسه كم هو انانى وكم ستكون نسيم مختنقه فى هذا المكان يدل على اهتمامه وعنايته بها ولكن الاهتمام والعنايه ناتجين عن حب ام شفقه ؟؟؟؟؟؟؟؟؟؟؟؟؟؟؟
منال وفيصل
عصافير الحب اتمنى ان لا يحدث بينهم ما يكدر عليهم ................
لطيفه
انسانه طيبه جدا قلبها نقى ولكن ما يحدث معها وحولها جعلت بعض الشوائب تتعلق بقلبها فتبدلت نوعا ما وااصبحت اكثر حده وانفعاليه ..........كنت متاكده ان والدتها هى من ضربتها وهنا ياتى دور امها التى تحاول ان لا تتركها تتغير للاسوء تحاول تعيد لطيفه لما كانت عليها تحاول ان تزيل الشوائب من على هذا القلب واظن ان لبدر دور كبير مع لطيفه فى ذللك..............
تسلم ايديكى يابدويه واتمنى نزول بارت جديد قريب...........

ميسان
وعليكم السلام ..
مابيضرني شي .. بس صدقيني .. مو لمصلحتكم اكمل
نشووف اذا توقعك بيصيب او يخيب
الله يعافيك ويسلمك


مايكبرني لقب
الاروع مرورك يالغاليه .. تسلمين لي
لاا تشتمتي .. يقولون لا تشمت في اخيك فيعافيه الله ويبتليك


ســـــــــــــــــــــــــــــوزي
الاحلى توااجدك ياااقلبي
خخخخخخخخخخ يعني لو فتحتوو كان رح تستفيدوو ؟!!!!

زهور
الله يسلمك ياااقلبي
نسيم شوفي لازم تتحس .. بس يغالها وقت اليين ماتنعدل معاه



سراب الامل
تسلمي كله من ذوقك
لاازم اسوي فيهاا اخرااج .. اح احم



احلاام رمادية
مرحبتيين ياعسل
لا وقسم بالله ماني قمر < مسوية خفيفة دم
لازم يضغطون عليه شلون بيصير رجاال
الله يعينكم على شمسكم


waxengirl
تسلمي يااقلبي كلك ذوق
مادري اذا بيقدر .. ننتظر ونشووف
حب ام شفقه ؟!! سؤال وجيه .. ومحد يقدر يجاول عليه الا حمد

الفصل الثاني والثلاثون
نقطة تحول

كان اهله كلهم معاه .. يخطبون له .. يحققون رغبته .. هو كان طاااير .. لاا الطيران كلمه ماتوصف شعووره لا واللحيين منتظرهاا تدخل عليه ويشوفهاا النظرة الشرعيه .. هو عاارفهاا وحاافظها وصاامهاا .. لكن معقوول يفوت على نفسه فرصة انه يشووفهاا .. ومن غير لا يكسب ذنب ؟!!

× بدر ×
ماكان بالغرفه غيري .. واخوها عبدالعزيز .. يااارب الهمني الصبر .. متى بس اشوفهاا .. ناظرت البااب وانا بداخلي اقول .. انفتح ... انفتح .. انفتح .. لاحظت الوكره تتحرك .. اخيراا .. اخيراا رح ينفتح

انفتح البااب !!!!!
ليه مو شاايف شي ؟!!
هي دخلت ؟!
بس اناا مو شااايف شي ؟!
سمعت عبدالعزيز : تفضل معايا ياابدر
اتفضل معاه ويين ؟!! انا مااشفت شي وين اتفضل .. والله العظييم ماااشفت
رمشت بعيووني .. شفت العصير الي ع الطاولة .. دخلت ؟!
مقول دخلت ومااشفتها ؟!! الشوق اعماااني ؟!! لاا يكذبون علي .. يكذبوون ؟!!
صااحي يااابدر ؟!!
طيب اقولهم يدخلونها ؟!! لاا مااقدر اقولهم دخلوها مره ثاانيه بيعه هي ؟!!

قمت معااه واناا قلبي يغلي غلي .. يااناس ذي مو شووفه .. ماشفت شي .. والله ماشفت شي جلست جنب ابوي وكنت اسمعهم وهم يتفقون على ان الرد بيكون الاسبوع الجاي ان شااء الله .. ومن بعدها يحددون كل شي يعني تعذيب لمدة اسبوع ... ياارب الهمني الصبر



حطت اصابعها على فمهاا تكتم ضحكتهاا .. مفروض العراايس بعد الشوفه يكونون متورترين اماا هي من دخلت عليه اليين ماطلعت وهي تصاارع ضحكتهاا .. طلعت لغرفتها وقفلت البااب عليهاا .. واول شي سوته انها ضحكت من كل قلبهاا

× لطيفة ×
كل مااتذكر شكله وهو يناظرني .. اضحك من غير مااحس ... هههههههه ... تحفه .. بصرااحه كنت متوتره وانا دااخله وبيدي صينية العصييير .. حتى مااقدرت اقدموو له .. حطيتو على الطاوله .. وجلست مكان مااشر عبدالعزيز ليا .. ياااربي ههههههه .... شكلوو يضحك .. عيونو كانت تبحلق .. وانا متاكده انو مو شاايف شي لانو حتى مااارمش .. هههههه

دخلت نجود : هااا بشري ؟؟
ابتسمت لها وانا اشرلها تدخل : تعاالي .. تعالي
نجود متحمسة : وش صاار ؟!! كبيتي عليه العصير ؟! عجبك ؟!حسيتيه معجب فيك !
ضحكت : ههههههههههههههههه
نجود : وجع ليه تضحكي ؟!
رديت : والله ياانجود لو شفتي ... مبحللللللللللللللللللق حتى عيونو ماارمشت
نجود فتحت عينها : هيء ماايستحي
رديت عليها وانا اضحك : ايش رااايك لو قلت لك انو مااشااف حاجة
ردت علي بلهجة حجازية : ايش دراااك يااستي انو مااشاف حاجة ؟!!
جاوبتها : من بحلقتوا يااستي ... تعرفي لما الواحد يبحلق ومو شاايف حاجة .. بس كذاا عيوونوو مفتوحه بالفراغ .. هو زي كداا

نجود : والله وصرناا نفهم في نظرات العيوون .. الموووهم عجبك ؟!
ابتسمت لها وهزيت رااسي ... نجود : لطيفة فكري واستخيري لا تستعجلي يعني عشان عبدالعزيز ووضعك مع رهف هذا زواج مو لعبه

جاوبتهاا : نجود انا مو ممكن اغلط هذي الغلطه .. ماارح اخرج من جحيم عبدالعزيز لجحيم زوج بدل مايهنيني ويستتني يبهدلني .. صحيح ابغى اخلص من وضعي اليوم قبل بكره .. بس ماابغى اطلع من حفرة لدحديره ..انا استخرت .. وحستخير مره ثانية ان شااء الله .. عندي قبول مبدأي صحيح ... بس ماارح استعجل انا كلمت امي تكلم عم اميين الي يلم الاجاارات من اياام ابويا .. يسأل عنو .. بصرااحه انا مااقدر اعتمد على عبدالعزيز هو طاير من غير شي لانو عندو فلوس .. انتي ايش رايك فيه ؟! مو سلفك .

نجود بصراحتها : شوفي انتي خلي عم امين يسأل عنه .. وانا بكلم عمي فيصل عنه واطمني بالسر منال ماارح تدري ولا يهمك .. انا مااعرفه كثير .. يعني كلها كم مره الي شفته فيها وماااتنذكر .. بس هو ومشعل قريبين مره من بعض ودايماا مع بعض .. لاحظتي شبهه بنوران

رديت : ايواا يشبها بس مو مره
ردت علياا : بالعكس مره يشبهاا كثييير

ابتسمت وانا احااول اعصر ذااكرتي .. ابغى اتذكر شكل نوراان .. مااقدرت .. صورتها مره ضباابية بعيوني ماابقي شي الا ذكريات احداث بس : تصدقي لو اقولك ان شكل نوران تقريبا نسيتواا .. سنه مرت على موتها ويمكن اكثر .. بس ولا شي بذااكرتي عنها الا ذكريات وكمان مو وااضحه كثيير

نجود : يمكن انتي اخترتي تنسي لانكم كنتم قراب مره من بعض ... وبقايا الذكريات تالم الانساان كثيير
تنهدت : تصدقيين احن كثيير لاياام الجامعة والناادي .. وكل ذكريااتنا مع بعض
نجود : والله حتى انا .. اووف .. خليني انزل لا ينط مشعل عندناا .. اسمعي ابغى اكون اول وحده تعرف بردك اووكي .. الله يقدملك الي فيه الخير .. بساتني على خدي ونزلت

قومت ورحت للشبااك .. استغليت انو شبااكي عاكس فقمت اشوفه من الشبااك .. كان نفسي اشوفوو بحريتي بالمجلس لمحته اول مادخلت .. ولمحت بحلقتو .. لكن تفاصيل شكلو ماانتبهت لهاا كثيير .. شفت ثلاث حريم يطلعون من بيتناا .. ومعاهم ثلااث رجال .. شفت زوج نجود وهو يركب سياارتو ..ونجود معاه .. السياارة الثانيه تقدم لها رجاالين .. تقريبا بنفس الطول .. بس الفرق ان واحد اعرض شوي من الثاني .. وبااين انو شبااب ..فعرفت على طول انه بدر .. ياارب يرفع .. ياااااارب ابغى اشوف وجهو .. لف بدر ..لجه الساايق . . خسااارة مااابان وجهو لانو اصلا ماارفع رااسو






بدااخله قهر كبيييير انه ماااقدر يشوفها ... كان يعزي نفسه ان امله كبيير انها بتوافق .. وبتصير له خصوصااا وان بحنكته قدر يعرف ان اخوهاا موافق والود وده يعطيه ايااهاا وهو خاارج

× بدر ×

زفرت بضييقه واناا الف بسياارتي باااتجاه بيت منال ... والله اسبوع كثيير وفوق كذاا مااشفت شي
منال : يااخي بس ذبحتناا اووف اووف ... اصبر الدنيا مو طاااااايره
رديت : الله يصبرناا
امي : حشى اللي يشوفك يقول مسويتلك سحر ماانت قادر على فرقااهاا
رديت : امي لايكون تغاارين ؟!
مادريت الا بيدها تخبط كتفي : اغاار يااقليل الحياا .. اغار منها ليش ؟!! بتاخذ ولدي ولا رجلي ؟!!
رديت عليها : لو انه شاايفها كان اخذهاا
امي : ياااللي مااتستحي .

امي حسيتها شوي وتنط تخنقني .. خصوصا وان اناا ومنال فاطسييين ضحك عليهاا .. لا وزاد عليهاا ضحك ابووي معناااا .. خصوصا وهو يسمع امي تسب وتشتم فيني بصوت واطي

قلت لابوي اغيضها : يبا وش رايك نشوف لك عروس ؟! ونتزوج انا ويااك بيوم احد
امي : بتزوج ابوك ياااقليل الخير ؟!!
رديت ليها : مو قلتي انك تعبانه من رجيلك .. خليه يتزوج وحده شباااب وحلوه تدلعه وتهتم فيه والاهم ماتشكي من رجيلهاا

والله مادريت الا وشنطة امي تضرب راااسي .. وتخرب كل التشخيصه .. رجعت رااسي على قداام ابعد شوي .
خفت والله تخنقني

ابوي : ذكري الله ياامره
امي : لاااباارك الله فيك من ولد .. لاااباارك الله فيييك
منال : يمه حراام تدعين عليه يمزح معاااك
امي: وهذاا كلاام ينمزح فيه ؟!! بكره تدخل الفكره بعقل ابووك ويتزوج
ضحكت من قلبي : ههههههههههه ماعندك ثقه ها ؟! اعترفي يمه .. طلعي المستخبي ؟!
ابوي : افاا ياام مشعل بعد 30 سنه ماعندك ثقة فيني
امي : والله انتم ماالكم اماان
ابوي : عجبك جبت لنا الكلام
رديت على ابوي :يبا الظااهر انت مسوي شي زمان .. عشان كذا امي خاايفه منك
ابوي : قفل فمك لااتوطى بطنك .. ماااتستحي
منال ضحكت : هههههههههههههههه لو انا منك ماارجع البيت .. الوضع خطر يااخوي
رديت : اجل جاااي بنزل معاااك وبتركهم لحاالهم
ابوي : بترجع البيت وانت ماتشوف قداامك .. انت ياااللاا توكلي على بيتك وسلمي على فيصل
ردت : يوصل ان شااء الله ..في امان الله
نزلت منال ودخلت بيتهاا .. حركت سيارتي بااتجاااه البيييت





وقف من وراها وهو يمسك ايدها الي تمررهاا على القاائم الحجري وهي تتحسس دقة نقووشة .. كانت مبسوطه مره .. اول ماقلها حمد انه بياخذها للهند ماتشجعت مااحست بشي مميز فيهاا .. لكنهاا قررت تثق باختياااره وتشووف رحلته الي مفروض انها مارح تنساها

× نسيم ×
لما قاالي اني ماارح انسى الرحله فكرته مجرد كلام .. شي يقوله عشان يرضييني .. طاوعته بكلامه .. وصلنا الهند من يومين تقريباا ... اول يومين قضينااها بنيودلهي... ماتمشينا كثير فيها رحنا البوابه او قس النصر مثل مايسمونه .. وقفنا تحتهاا وتلمست الحاايط .. كان كله اسمااء جنود داافعوا عن بلااادهم ضد الاحتلاال البريطاااني .. حسيت هالحجر عظيم مره ... شاهد حي على كرامه الانساان .. فطرته الي ترفض العبووديه ... بس اكثر شي حبيته مو البوابه وقوس النصر لاا .. قطب منار .. روووعه ... اطول مئذنه بالهند .. عجبني ان المعلومات عن المئذنه منقوشة على لووح حجري .. فقدرت اقرأ من غير مسااعدة حمد لي .. تعرفون النقوش سواء ع المئذنه والدهاليس المحيطة بالمسجد .. الى الحجر .. دقييييقه مره .. حرفية بكل ماتتصورونه .. حمد كان يقرألي الايات القرانية المكتووبة ... وكان يحاول قدر الامكان يعطيني مسااحتي الخااصه .. لا واليوم نحنا براجستان .. الولاية نوعا مااحااره بس مو مهم .. يكفي القصور الي فيها

كنت اسمع صوت جلبه وسمعت صوت فيل . متأكد صوت فيل : حمد هذا فيل
رد علي وحسيت شقاوة بصوته : ايه فيل .. يااللا عشان نركب
انكمشت على نفسي : تحللللللللللللم
رد علي : هياا ماايصيير تجين الهند وماتركبين فيل
قلت له : حمد الله يخلييك .. مو تستغلني لاني مااشوف ومااقدر اسوي شي .. والله اخاااف مااابغى

رد : افااا يانسيم .. استغلك ؟!! مااهقيتها منك ياابنت خاالد مقبوووله .. سحبني من يدي .. ياللا بخلي السااايق يوصلناا للقصر

حسيته تضاايق.. ثبت رجلي بالارض وقلت بس عشان ارضيه : طييب بركب لكن وقسم بالله لو طيحني او جرى فيني يااااويلك

ضحك بصوت عااالي وحسيت النااس كلهاا تطاالع فيناا : يااجباااااااااااااانه

اخذها ووقفوا قدام الفيل .. الفيل اصدر صووت خلا نسيم تخاف وترجع تلقائيا على ورى .. صدمت بصدر زوجهاا .. ابتسم وهو يحط ايده على كتوفهاا يطمنهاا .. رقى السلم هو قبلهاا .. واعتدل بالجلسه اثنى نصه وطلب منهاا تطلع .. كانت خايفه مره .. لكنهاا حاولت تهدي نفسها خصوصا وحمد يحااول يطمنهاا ويشجعهاا والساايس بانجليزيه معدومه يطلب منها انها لا تخاف .. حطت ايدها على السلم وطلعت درجين بس .. مسك حمد سااعدهاا وحست بانه طوق نجاتهاا .. طلعت الدرجتيين البااقية وسحبهاا حمد بعناايه اليين مااجلسهاا قداامه فصااارت سانده ظهرهاا عليه .. قفل حديدة المقصور بحذر .. وحط ذرااعااته على جاانب حدايد المقصرة لاانهاا ماااهي مرفوعه فخااف على نسيم من انها تميل فتطيح

× حمد ×

كان نفسي افطس على نسيم الي كانت ترتجف بمعنى الكلمه واحنا على الفيل .. مسكينه مره خااايفه لا وفوق كذا تستشهد .. والله ماتوقعتها كذا جبااانه

قلت اطمنها : يااعمري هدي نفسك ولا تخاافي .. كلها عشر دقاايق ونوصل القصر
نسيم : اهدي نفسي ؟!!! طيب

بدأ الفيل يطلع على الجبل .. المسافة مو عاليه كثير ولا طوويلة .. لكن خووف نسيم كاان كبييير لدرجة فظييعة
نسيم : اشهد ان لا اله الا الله وان محمد رسول الله
قلت لها : حبيبي قلناا اهدي

حسيتها بدت تعصب .. خصوصا وان اظافرها مغروسة بسااعدي واوجعتني من كثر مااضغطت .. كنت بقولها تشيل ايدهاا بس والله حنيت عليها مااتخيل نفسي مكاانهاا .. مااشوف وفوق كذاا فوق حيوان اول مره اقرب منه وحتى شكله يمكن مااعرفه زيين

ردت علي : اهدأأأأأأأ ... تمزح .. احس قلبي بيووقف
قلت لها : سلامة قلبك يااقلبي.. يفداااك قلبي
ردت علي : والله انك فااضي لنفسك
ضحكت : ههههههه لاا روماانسية درجة اولى
لفت علي : وانت شاايف وقتها روماانسيتك ؟!! اقولك قلبي بيووقف افهم
قلت لها : فااهمك لا تعصبي .. التعصيب مضر بالصحه
نسيم : حمد تبي تجلطني ..مايكفي الفيل تجيني ببرودك

رديت عليها وانا متعمد استفزها اكثر : برود ؟! انا مو باارد انتي الي اعصاابك مشدووده .. الظاهر السفر تعبك لاازم ترتاحيين .. وش راايك نرجع الفندق ؟!!

ردت علي : لا تعااملني كااني بزر لو تعباانه بقوولك
رديت عليها : طيب جيعااانه ؟!!
انحرقت اعصابها : مو جيعااانه

قلت لها : ااذا جيعانه قولي لا تستحي .. في مطااعم حلوه هنا فاايف استاار لا تخافين .. جربي الشباتي حلو وخفيف بيعجبك

سفهتني ماااردت .. رجعت استفزها : نسوم وش راايك تبين ساااري والاكسوارات الي معاه ؟! في بيااعة مبسطة ع الارض

ردت علي : يعني لو قلت لك ايه .. بتنط من ع الفيل وتجيبة ؟!!

قلت : لا بناديها وبتجيبه ... بااختار لك على ذووقي .. بيطلع الازرق حلو علييك .. انااديها ؟!
ردت علي : لا تنااديها ماابي شي .. خليه يوصلناا وبس

قلت لها : انط .. ترى عاادي
مسكتني من قميصي :لاا اقعد يااموااكلي .. اقعد بس .. وسألتني بضييقة متى بنوصل .؟

قلت لها : انزلي .. انزلي ترى وصلناا
نسيم : بالله ؟!!!
قلت لها : والله وصلنا .. اصبري خليني انزل وانزلك

نزلت قبلها . وساعدتهاا تنزل ... واول ماالمست الارض .. مشيت كم خطوة بعيد عن الفيل .. والله ضحكت والناس لا تضااحك وكانها تقول هذا على ايش يضحك ؟!!.

قلت بصوت عالي وانا اشوف نسيم تبعد : هيييي يالحبيييبه وين راايحه ؟!! لا يكون مولوده هنا وانا ماادري
وقفت وكانها استوعبت انهاا تمشي من غير ماتحس : حمد ووووينك ؟! حمد ؟!!
وقفت ورااها : هذاا انا
لفت علي بسرعة .. ومدت ايدهااا ... الي مسكتهاا : الحمدالله بعدنا صح ؟! مااسمع اصوات فيل
ابتسمت : ايه بعدنا .. كل ذا خوف .. الله اكبر .. لو انه ثعبان من ذي الي ترقص هناك وش سويتي
انا قلت ثعبان وهي لصقت بجنبي : بالله رجعناا .. حرام عليك جاايبني هناا .. تقول عمري مارح انسااها هاا ؟!
اكيد مارح انسااها .. من فلم الرعب هذاا

حطيت ايدي علي ايدها : تطمني الثعااابين مره بعيده وبعدين معاهاا مدربها .. انا ويااك بندخل القصر وماافيه ثعااابين ولا حتى قروود .. اتركي عنك الخوف بس وانتي بتنبسطيين

نسيم : الكلام سهل .. لكن الي ايده بالناار
مسكت ايدهاا ورفعتها لفمي وبستهاا : لا تقوليين كذاا انا وانتي واااحد ياانسيم .. والي يأذيك يأذيني
هزت راسها : اااخ من لساانك



يالله انه قدريقعد على السرير .. الالم متغلغل بكل خليه من جسمه .. مو قادر يتحرك .. حاول لكن الوجع شد عليه .. انتظر اليين ماقاامت زوجته وطلعت من الغرفه .. ابعد اللحاف عن جسمه وفتح درج الكوميدنو الي جنبه وطلع علبة المورفيين

× فيصل ×

انتظرت الليين مااطلعت منال من الغرفة .. مابينت لهاا أي اثر لوجعي وضيقي .. اول ماقفلت البااب بعدت اللحاف عني .. وفتحت درجت الكومدينو الي جنبي .. سحبت علبة الموروفين .. علبتي السحرية فتحت العلبة واخذت كم لصقة من اللصقات الشفاافه .. خلعت قميص بجامتي ..لصقت حبتين من اللصقات الشفاافه اسفل ظهري على جانب العمود الفقري بالاتجاهيين .. حطيت وحده عند ركبتي اليمين وعند عقب الرجل ونفس الشي باليساار .. انتظر مايقاارب الربع سااعه اليين مابدأ مفعول اللصقاات قمت من على السرير .. دورت العكاز ماكان جنبي .. حاولت امشي الين ماهو موجود ع الشاازلو الي بمؤخرة السرير حاولت امشي .. مشيت خطوة .. والالم كان قووي .. مفروض يكون خف .. بس مااحس ابداا انه بالعكس .. مثل ماهو .. خطيت الثاانيه بصعوبة والثاالث كاانت اصعب .. ماقدرت اكمل .. رميت ثقلي ع السرير .. اخذت نفس بتعب ... مديت ايدي وملت بجذعي شووي .. رجعت بسرعه جلست وانا اصرخ الااااه من الالم .. ضغطت على اسناااني بقوة
الالم فضيييييع .. احسه يشق ظهري شق .. استخدمت ايدي لرفع رجلي .. كل وحده لحالها اليين مااصاارت ع السرير ... صعد صدري ونزل بسرعه وانا احااول اتنفس ..تنفست بسرعه .. انفاس متتالية ..رجعت يداتي الاثنين ورى ظهري .. وصرت ساند ظهري بهاا .. بديت استخدمت يداايني الاثنيين كعكاازات لي .. ملت بجذعي للخلف اعطي جسمي قوة دفع عشان اقدر احرك منطقة الحوض .. بصعوبة قدرت ارجع جسمي الين ماصار حوضي يملاء يملا الفراغ بين يديني .. العملية المتني كثيير .. رجعت ابعدت يديني عن ظهري مساافة اكبر شووي وسحبت جسمي باااتجاها .. ماوصلت الى مخدتي الا وانااا مستنفذ القوى

تمددت على ظهري .. وانا اضغط على اسناااني من شدة الالم .. معقول اليين اللحين ماجابت اللصقات فاايده ؟! مديت ايدي وسحبت مظروف اللصقات الي استخدمتها .. اتاكد من تااريخ .. يمكن يكون انتها!!! 2010 لسى بااقي عليه ..سمعت حركة بصالون الجناح .. رميت الورق بسرعه بالدرج .. وتغطيت

منال : فيصل ماقمت ؟!! الفطور جاهز
رديت عليها : ماالي نفس ابي انام
استغربت : تنااام ؟!! والدوام ؟!!

قلت لها وانا امد ايدي لهاا فجاات وجلست جنبي ع السرير: عطيت نفسي اجاازه .. وبقعد عندك طول اليوم عندك اعتراض ؟!!

ردت : اكيد ماعندي .. اصلا انا صايرة اشوفك بالقطاارة
قلت لها : عشان تشتاقين لي
تمددت جنبي وحطت راسها على صدري: اذا ع الشوق فانا اشتااقلك وانت معاااي
ابتسمت من غير ماارد عليهاا .. احس بتعب من الكلاام .. وراس منال الي على صدري .. احسه ثقييييل مره

قلت لها : طيب ممكن تقومين تصكرين الستاااير لاني من جد ابي اناام
منال قعدت على حيلها : طيب .. والبس قميص البيجاما دام انك بتنام .. ترى بتبرد مع المكيف
رديت :ان شاء الله
قامت وقفلت الستاااير وطلعت من الغرفه .. ابرد ؟! الحرااره بكل جسمي تسري .. وشلوون ببرد ؟!!




طلبت من الشغالات يرفعون الفطور .. هي نفسها مالها نفس تااكل .. الغثيان تاااعبهاا كثييروتحس الشابورة الي تبلع فيها مااتسوي لها أي نتيجة

× منال×

استغفر الله .. هذا وانا ماكله الشابورة قبل لااا اتحرك من السرير .. احس نفسي برجع .. سندت راسي على الكنبه .. حطيت ايدي على بطني .. الوحام لسى مااابدأ وانت كذاا تعااابني ... لماا تتقدم الهور وش بتسوي فيني هاا ؟!! خلك عاااقل وحبوب ولا تتعبني .. ترضى ماماا تتعب ؟!! اخوك مأ .... نزلت دموعي من جانب عيني .. وطيف بدر يطووف حول عيني .. مسحت دموعي .. طلعت لجناحي .. دخلت وانا اتسحب اخاف اصحي فيصل .. دخلت لغرفة الملابس .. فتحت درفتي الخااصه .. ومن تحت كومة ملاابسي سحبت لبس ابيض من القطن الطبيعي .. بيااقه زرقا .. وعصفوريين صغيره تزين الصدر .. اللبس هذاا لمولود عمره شهرين

اااااهـــــــــــــــــــــــــ ياالـــــــــــــــــــبـــــــــــــــــــــــــدر ـــــــــــــــ

ليتني بس اقدر اشووفك

اشــــــتــــــــقــــــت لكــ

اشـــتــقـــت لصــوتــكــ

لــصــدى ضــحــكــتــكــ

اصبعي اشتاق يمسح دمعتك

شميت اللبس .. بقوة وانا اغطي وجهي فيه .. ريحته .. ااه ياااحلااة ريحته

ريحة بدر.. وووينك يااابدر .. ويينك ياااوليدي

اضحك وافرح .. واحسن الفرح مكسور

حاولت اتماالك نفسي .. خفت ان فيصل يصحى على صوت شهقاااتي .. رجعت ثوبه وخبيته بمكااانه .. قفلت دولابي .. مسحت دمووعي .. طلعت من غرفة الملاابس .. والتفت على السرير .. كرمشت حواجبي .. رامي اللحاف ومن غير بلوزة .. اكيد يستهبل .. اخذت طرف اللحااف وغطييت فيصل فيه .. كان جسمه معرررق مره كثييييير .. حطيت ايدي على جبينه مو حااار .. استغربت وبنفس الوقت حسيت بخوف .. من نص سااعة ماافيه شي .. صحيته بشويش .. فيصل وش فيك .!! فيصل تحس بشي ؟!!
مارد علي .. حسيت قلبي بيوقف من الخووف عليه

رجعت انادية وحركته بخفة : فيصل .. فيصل رد علي الله يعافيك
تحرك بشوويش وفتح عيونه وحسيت بجفنه ثقييل : خير وش فيه ؟!!
سألته : فيصل تعبااان ؟!! وش يوجعك كلك عرق
رد علي وهو يرجع يدف اللحااف : ماافيني شي .. بناام اطلعي
رديت عليه : بس انت تعرق .. والمكيف شغال و
صرخ علي : منااال قلت ماافيني شي اطلعي واتركيني انااااام

خفت من صرااخه .. عمره ماصرخ علي بهالطريقة .. طلعت من الغرفه وانا منقهره منه .. وبنفس الوقت بداخلي احسااس يقول انه مو بخيير .. بس انا مااقدر اعمل أي شي .. اذا هو ماتكلم .. لازم احترم هالشي