ميسان
هلا حبيبتي .. سعيده جداا ان القصه اعجبتك وانك ماحكمتي عليها من المقدمه
وان شااء الله تتابعينا اليين النهايه ..


BENT EL-Q8
هللااا حرم بدر
الله يسلمك يااقلبي ويباارك فيك
نجود محتاجه دروس في طريقة التعامل مع الزوج مره مافي اسلووب

صمت الحب
الله يسلمك ويخلييك




primrose
هلا وغلا .. فعلا النهاااية قربت
وان شااء الله تعجبكم وتحسوونها منطقية .. مع يمكن تصدمكم
يااعيييني .. تبيبي تزوجين بدر ... لاا محد بيزوجه غيري

ahzan
هلاا حياك الله
ان شااء الله ماايكون اخر رد .. وتنسجمين مع القصه لين النهااية
ولو خذي رااحتك زي ماااتبي




لمحة أمل
وعليكم السلام ورحمة الله وبركاااته
سعيده انك قريتي كتااباتي الساابقه .. وان شااء الله ثل ماعجبك الساابق تعجبك هااذي
عموما النهااايه مابقي عليهاكثير اطمنك
تسلمي كلك ذووق




الدلال
هلا ومسهلاا حبيتبي
العفو يالغلاا ... معاك حق مفرووض تصااارحه مو تصعد تصاارخ
بس هذا رااجع لتركيبة نجود .. ان شااء الله تتحسن احوالهم
اجازة سعيده



فراشة الوادي
وعليكم السلام ورحمة الله وبركاااته
هلاا يااعمري ... اخباارك انتي واخبار الوالده عسااهاا بخير
شوفي حياة فيصل ومناال اعترف لك ان في شي بيصييير لهم بس وبيكون امم تابعي احسن
ان شااء الله فعلا الوقت يكون الدواا لهم

الفصل الثلاثون

.. عروس ولكن ! ..

اخيرا اكتملت زينتها .. لبست فستانها الي كان كامله من الداانتيل الذهبي .. من غير علاقات .. ولبست حلق فخمة من الذهب الاصفر المطعم بالالماس .. ونزلت طرحتها الي من التل مع الدانتيل ع الاطراف على راسها بشكل رااااائع .. لدرجة انك تشوفها تفكرها لووحه مرسوومه مو بنت لحم ودم من حلاوتها وبساطتها واذا كانت هي لوحه .. فهو تمثل فيه كل وسامة الرجل العربي ... وقفت وهي تترتجف .. تنتظره يفتح الباب ويدخل وهو بيد يهزها كثر الشوق .. فتح الباااب

× حمد ×

مع اني كنت طول الليل انتظر اللحظة اللي يقولون لي فيهاا ياللا يااحمد الزفة الا انه اول ماجااات حسيت بتوتر كبير .. ماادري هو خوف او هو شووق .. خايف من الي حطيت نفسي فيه بصرااحه .. زواجي من نسيم يعني استقراار بالسعوديه .. يعني اني ماارح اعيش حياة الرحَالة الي تعودت عليها .. وهالشي انا ماابيه ماابي افني عمري هني .. لا تفهموني غلط انا مااكره السعوديه مهما كان هاذي بلدي .. بس اكره قيود المجتمع المفرووضه .. اكره بصرااحه اكون صوره مصغره من ابوي .. رغم انه انسان طيب بس بعد ماابي اكون مثله اكره العقليه التقليديه الي يفكر فيهاا .. وبنفس الوقت خاايف اني جنيت على نسيم بذا الزواج .. اخاف اني اظلمهاا معااي والبنت مو ناااقصه .. يكفي مرضهاا اجي انا ازيدهااا .. بس هي مو ضعيفه .. انا الي متاكد منه انهاا موضعيفه ابداا .. بس بعد حالتها مو سهله !! ..

تفضل ياعريس ... قالهاا لي مشعل وهو ياخذني لقسم الحريم .. مااكمل دخوله معاي .. بس وصلني للبااب الفاصل ورجع لقسم الرجاال .. استقبلتي حصه اختي بزغاريد خرمت طبلت اذني

حصه : كلووووووووووووووووووش الف الصلاة والسلام عليك يااحبيب الله محمد كلووووووووووووووش
ازعجتني والله : بس ياااحصه
حصه حضنتني : الف مبروك ياااحمد الف مبرووك
ابتسمت : الله يباارك فيك
نوير : اااخ قلبي .. ولاا عمر الشريف
علقت : ياااغبااارك
حصه ردت علي : اعذرهاا يااحمد على اياامهاا احلى منه مااافي
نوير : احلفي ياااشيخه ؟!! ترااك انتي الي اكبر
حصه : اووف جينا للفضاايح ... امشي حبيبي اخذك لحرمتك
نوير لحصه : هي لاخلص هو وياهاا تصوير.. ناديني اطلع امي تتصور وانا اتصور معااه
حصه : ان شااء الله .. بس ها جيبي عياالي معااك
قلت لهاا : قروودك وش تبين فيهم

فتحت عينها : قروودي ؟!! استح على وجهك .. قاال قروود ... الا قمااري الله يخليهم لي .. طول انت ومرتك وجيبوو نصهم بس .. وبعديين تفلسفو .. رح وش وجهك بالمرااياا .. مسكيين تلااقي الحلااق تعب وهو ينظف ويصنفر فيييك .. ولاا من وين لك ذي الحلااوة .. بالله كم جلست عنده ؟!

سالتها : خلصتي ؟!!
ردت : لسى شوي
عصبت عليها : اقول امشي قدامي لاهفك بكف يشوه معاالم وجهك حشى محد جاااب عياال غيررك امشي بروح للرجاال مو فااضيلكم

حصه : ول حتى بيوم زوااجك ناااار
نوير : حصـــــــــــــــــه
حصه : طيييييييب ... ورااايااا

مشيت ورى الشيخة حصه الي كل شوي ادوس لها على ذيل فستااانهاا الي مااادري كم متر ورااهاا خصوصاا وانها بطئية بخطواتها واناا على قولتها اشبر

حصىة :حمد الفستان
رديت عليها : ارفعي ذا الذيل الي ورااك حشى ... زولية تسحبين رااك مو ذييل
حصه : وش فهمك بالموضه انت
رديت : افهم ونص .. بس ذا مو موضه ذا غباااء انتي والوااان الطيف ذي
حصه : متخلف ... ورفعت ذيل فستانها بيدهاا

مشيناا بممر طويييل اليين مااوصلنا للدرج ..ومن بعد ماطلعناه .. وصلنا للاجنحه .. جنااح لاهل العروسة وجناح لاهل العريس

وقفت على طرف حصه قدام بااب واحد من الاجنحه بس مااعرفت لميين .. اكيد انه جناااح نسيم .. شي بديهي انهاا بتوقف قداامه : تفضل
مديت ايدي الي ماانتبهت انها ترتجف الا لماا علقت حصه علي : والله وترترجف ايدناا ونحن لسى مااشفناهاا اخاف تشوفهاا ويووقف قلبك

سحبت ايدي من على قبضة البااب : ادخلي انتي من اول .. يمكن احد من اهلها عندهاا
حصه : حاااضر

فتحت حصه البااب من عبد مااوقفت على جنب بحيث مااااكشف علي الي بالغرفة ... وطبعا حصه لازم تعمل اكشن مع كل حركة فمع فتحهااا للبااب كاانت تزعرد : كلووووووش وصل العريس والي ماهي امه ولا اخته ولا زوجته ولا عمته تتغطى

سمعت صوت يجاوب عليها : يااختي قوولي الي ماهو محرمهاا تتغطى ولا تغطو كلكم ماعداا نسيم ليه اللفة الطويله العريضة ذي

ردت المحرجه اختي : اكششششششن ... حمد تعاااااال الطريق سااالك امااامك
خطيت اول خطوة وانا اتوعد حصه بقلبي .. على هبلهاا هذاا






ابتسمت بسعاده من تحت الغطاء وهي تشوف عيون حمد معلقه على نسيم .. حست بحدس الانثى بدااخلها ان حمد مفتون بجمال نسيم .. جمال نسيم الي كان طول عمره مخبى اليوم ظهر بطريقه رااقية .. رجعت على ورى وهي تشوف حمد يقرب من اختهاا .. ويطبع بوسة على جبينها

× منال ×

حمدت الله اني مغطية بشكل كامل ومالبست نقااب .. فرصة اشوف ذا الحمد براحتي من غير مااينتبه لي .. بالشهر والنص الي فاتت نسيم ازعجتني فيه .. بصراحه ظاهرياا مااينعااب .. مااشااء الله عليه وسيم بس زوجي احلاا .. نسيم قالت انه طيب .. ويحب يمزح بالكلاام .. قالت كمان انه جريء .. اكيد بيكون جريء متزوج قبلهاا عدد شعر راسه .. والله يعلم اذا فيه غيرهم بالحرااام ... اوووف هذي ليه واقفه زي المسطره ؟! هذي وشايفته قبل كذاا .. اخاف الدم ينفجر من وجهااا من كثر ماهو محمر .. اوووووووف ضغطت على شفااتي هذا مو صااحي حااط ايده ليه على خصرها ؟! لا بيحط ايده على خصري الظاهر بديت اخرف .. لاحظت ان نسيم تدور يمين ويساار .. ودفت ايد حمد من خصرهاا

ابتسمت وهمست لحصه : اخوك ناسي اننا معاااه بنفس الغرفة ؟!
ردت حصه : ياختي انا وانتي الي وجودنا غلط .. رجال وحرمته وش مخليناا مجلسنا بالغرفه معااهم ؟!!
رديت عليها : احلفي بس .؟! تبيني اترك له اختي وامشي

ردت علي : يااعمري انتي تاركتهاا تااركتها . .. وبعدين قاالولكم اخوي متوحش ؟!! والله مشبعينه لحم لااتخاافين ماابيااكلها

ضربتها بخفه : تمصخرين .. بالله شوفي شلون لااصق .. والمصوره مو مقصره .. يراااعون اختي صاارت طماطم واخوك ماغير يوزع بي الابتسامات

حصه : بسم الله مااشااء الله قمر بين اديه ماااتبينه يتبوسم

حمد فعلا كان يبتسم كثير .. ونسيم بالغصب كانت تفتح شفايفها ببسمة .. فرحت لها من قلبي وانا اشوف اللهفه بعيون حمد .. مادري ليه مرت على بالي ليلة زواجي .. انا ماتصورت مع فيصل ولا حتى فيديو ماعندي أي شي يذكرني بذيك الليله بصراحه احسن على تصرفاتي الباايخه يومتها احسن ان مافي شي باقي منهاا .. مع اني اللحين كل ماتذكر تصرفاتي ببداية الزواج اضحك على نفسي .. بصراحه فيصل نعم من الله احسه تعويض عن الي شفته مع مروان .. لمست بطني .. اتحسس ابني او بنتي الي بدأ ينمو داخلي لو وش ماقلت مارح اوصف جزء بسيط من احسااس السعادة الي عاايشته .. ماارح اقدر اعبر .. اناا جربت الامومه مره جربتهاا باصعب الظروف وحبيتها لاا مو حبيتها عشقتهاا .. واللحين وانا اعيش احلى اياامي ومع انساان انا مو احس لاا .. انا متأكده انه يحبني اكثر من نفسه .. شلون بيكون احساااسي بامومة قطعه منه ؟!! ثمرة حب طاااهر .. نقي .. حب اسمى من مجرد حاجات جسديه .. ؟!

حصه : فيك شي ؟!! تعبانه ؟!
التفت عليها : لا ولا شي
حصه : ايدك على بطنك .. متأكده ماتمغصك ؟!
رديت عليهاا : لا مااتمغصني اطمني .. بس مو كأنهم مطوليين بالصور ؟! لسى بااقي اخواني وانتي وامك وامي ..ونوير واكيد ابوك بيجي صح ؟!

ردت : اكييد .. اسمعي نادي امك وامي بالاول .. وبعديين بنادي نوير .. وبعدهم الرجال
هزيت رااسي .. واتصلت على امي وطلبت منها تجي .. وتركنا نجود تستقبل الضيوف مع نوير وطلعت اناا اشم نفسي لاني اختنقت من الغطى بصرااحه




كاانت متوتره .. وهي تتقلب بين يديين حمد بكل طواايعيه .. مااقدرت تتكلم .. ماقدرت تقول شي ماغير تتحرك كانهاا رووبووت .. مااهي قاادره تفتح فمها بكلمه .. الناس حولهاا تتكلم وتطلب وهي سااكته

× نسيم ×

ياربي متى بخلص .. احس نفسي روبوت يتحرك بالروموت كنترول .. ولا حمد قااهرني ايده مااخذه حريتهاا وقسم بالله شوي واقصهاا له .. مره قااهرني .. والي يقهر المصووره ذبحتني .. نفسي اعرف مناال ماعرفت الا تطلع .. وتتركني لحااالي

وقفت المصوره عشان استريح شوي .. ويجيبوون امي وعمتي عشان الصور ... جلست على الشازلو وحسيت بحمد يجلس جنبي .. اوووف .. لصقة عنزروت هذاا ماابيتحرك من جنبي ؟!! ابي اتنفس شووي خااانقني

سمعت حصه : نسيم خذي اشربي الموياا
مسكت ايدي وحطت بهاا كاسة المويا .. سميت بالله وشربت على ثلاث دفعات اقتداء بالسنه مديت الكاس لحصه الي خذته مني : مشكوره
نط حمد : هني وعاافيه

ماارديت عليه .. مع اني تمنيت ارد واقوله الله لا يسلم فيك عظمه والسبه الاحاسيس الي احس فيهاا والسبه قربه مني .. احسااس مااعرف اوصفه .. احس بحرااره تسري بكل جسمي .. وقلبي احسه يضرب بقوووة وحس النبض من شدته وصل اليين رااسي ... اعرف ان الناس كلها حوولي .. بس مااحس بهم .. مااسمع صووتهم .. مافي غير حمد الي احس بوجوده ... وصوته هو الصوت الوحيد الي اسمعه .. ياااترى منال تحس بنفس المشاعر من قرب فيصل ؟!! ولا نجود بالنسبة لمشعل ؟! ولا انا بس حاله شااذه ؟!!
مااااشااااء الله تبااارك الله ... عين الحسوود فيهاا عوود .. ماااشاااء الله ... منك الماال ومنها العيااال .. وصوت زغرووده ماالي المكاان .. حاولت اركز بالاصوات الي قطعت علي حبل افكااري .. واعرف اصااحبها .. بس ماااني قاادره لاا اركز ولا اجمع افكااري .. مع اني متاكده ان صوت لامي .. وصوت لام حمد .. بس ايهم اقرب ؟! من الي يتكلم؟! ومن الي يزغرد ؟!حست بحمد وهو يوقف لانه سحبني معااه ووقفني .. ضمتني يديين حنوونه الين مااصحكيت صدر داافي .. يمكن ماميزت الصوت .. والاكيد اني مااشفت الشخص لكن مستحيل مااعرف ريحه امي .. حظنتها بقووة .. وانا اشم ريحتهاا وريحت عطرها المميز

امي : مبروك ياابنتي
رفعت ايد امي وبستها من غير لاارد .. استحيت ارد عليهاا ..مادري مااقدرت انطق
حسيت باايد ثاانيه تتلقفني : مااشااء الله تبارك الله .. مبرووك يااابنتي
ضمتي ام حمد لصدرها بحنان .. اخذت ايدها وبستهاا مثل ماعملت مع امي .. حسيتها انساانه طيبه كثيير وحضنهاا دافي بدفىء حضن امي

سمعت حمد وهو يرد مبااركة امي : الله يباارك بعمرك ياعمه
امي : حمد مااوصيك عليهاا هذي اصغر عياالي
رد حمد : بعيووني ياااعمه لا توصيين
عمتي : وانتي ياانسيم .. حطي ولدي بعيوونك
رديت : ان شااء الله
حصه صارخت : يااجمااعه خلصووناا ... بعديين بتقولوون تاخرنا عليكم بالزفة
عمتي : بس ارحمي حنجرتك من الصراااخ شووي

تصورت مع امي وعمتي .. ومن بعد ماانتهيت من الصور معاهم .. ومن بعده تصورت مع حصه وعيااالهاا ونوير .. وجا دور الرجاال .. اول واحد جاا ابو حمد .. الي تصور معااي وكان طيب مره ...ووصى حمد كثير علي .. من بعده جاا ابوي ومعاااه بدر ومن بعد بدر جا دور مشعل



جاهم تلفون من منال يطلعون يتصورون مع نسيم .. اول الي رااحو للتصوير ابو حمد ومن بعده ابو مشعل وبدر.. تركو مشعل مع الضيوف باصراار من منال انه يكون اخر واحد

× مشعل ×

طلع الكل يتصور مع نسيم .. ماااعدا انا !! ماادري لايكون ناسيني ؟!! .. اووف والله تعبت من الوقفه ومقابلت النااس .. ولا ذي الدقلة الي خاانقتني

فيصل : اترك اليااقه ياامشعل
رديت : ياارجاال قرفت منهاا ابي اخلعها والله طفشاان
رد علي : معليه اتحملها ماعاد باقي
رديت عليه : استغفر الله العظيم .. بالله من يحضر عرس اللحييين ؟!! مابقي شي ويخلص وهم توهم واصليين
ابتسم : انت تدري ان منهم من يجيك من المطار على هناا
رديت : بالله وش يحدهم يجون بذا الوقت ؟!! الا المصلحه

رد علي : اعترف ياامشعل جزء كبير من البزنس يصير هناا وبالاحتفاالاات الخاصه .. لانها تعطيك مساحه اكبر وتكسر جدية المكاااتب .. واغلب ألي هناا ناس يربطهم بزنس بعمي او باابو حمد .. غير طبعاا وجهاء جده وغير جده .. اهلكم مو قليل .. بس انت ولد خالد الـ مفروض تكون عارف هالكلام كله

رديت عليه : اعرفه يااافيصل بس عمري مااهتميت فيه .. ولاا اعتقد اني بيوم رح اهتم .. البزنس عمره مااكان طمووحي ... ولا يثير اهتمااامي .. بعكس بدر الي يحب البزنس

علق فيصل : مااشااء الله بدر شاااطر .. ومنافس قوي لناا .. اللي يسمع عنه ماايصدق عينه لما يشوفه
ابتسمت بدااخلي .. مايصدقون صغر سنه اجل لو عرفوو ان الرجال الي يناافسهم عااش نص عمره بنت اكيد بصيبهم سكته قلبيه

قطع حبل افكاري . جووالي .. ااخ منال ماابنخلص اليووم ..استئذنت من فيصل ورحت لقسم الحريم .. قابلت ابوي وبدر عند البااب .. دلوني ع الطريق ..طقيت البااب ودخلت .. بصرااحه انبهرت ولو مو متأكد انه عرس اختي كان فكرة نفسي غلطاان بالغرفه

صفرت بقوة : قلببببببببببببببببببببببببي
ابتسمت نسيم بخجل وهي تلف لجهتي .. وحمد ضحك وهو يسلم علي : هههه بس لو ماانت اخوهاا

بست جبين اختي وضميتهاا لصدري : اخ المصيبة اني اخوها .. ولا كان انا المالك عليها اليوم .. وجهت كلامي لنسيم ..: وش هالحلاوة ؟!! وين كنتي مخبيه هذا كله ؟!! وهمست لها بصوت يقدر يسمعه حمد لانه لاصق فيهاا .. وش راايك تتركيك منه .. ترى شيين واصلع .. بتصيرون مثل الجميلة والوحش

حمد :هيييي ابو الشبااب اعطينااك وجه .. تدري حتى صورة مافي .. اعطينى قفاااك وخلصنااا
نسيم مسكت ايدي : لا خلييك .. مااعليك منه

لعبت حوااجبي بنذاااله لحمد وابتسمت بتشفي له .. خصوصا ونسيم ماااسكه ايدي وقاابضة عليهاا بقوة .. حمد انقهر منها كثيير

حمد : لا والله ؟!! انا اشحذك الكلمه من ساعه .. واخوك من جاك ابتساامات وخلك منه
قلت له وانا العب دور الحامي : هي انت لا تصاارخ على اختي .. ترى بدل ماتروح المطااار تروح المستشفى
حمد بمزح خلع بشته : تعال اشوف من بيروح المستشفى
نسيم : هي لا تهدد اخوي
رد عليها : اخوي .. اخوي .. انا زوجك ترى اذا كنتي ناسية

سفهته نسيم .. وانقهر زيااده منهاا.. وانا والله انبسطت .. خصوصا وان نسيم مستثقله كثيييير على حمد اليين مااطلعت شياطينه .. تصورت معااهم .. وطلعت مع حمد للجناح الثااني لان منال عند نسيم يتتصور معاها وبعدهاا بيزفونهاا ... تركت حمد بالجناح ونزلت برجع للرجال بس منال دقت علي فضطريت ارجع ثاني مره لغرفة نسيم




اتصلت على جوال مرة اخوهاا..وبحجة التصوير قدرت تخليهاا تخرج من قاعة الاحتفالات الى الجناح الخاص منال بفطنتها قدرت تعرف ان في شي بين مشعل وبين نجود .. فحبت تلطف الجو عليهم خصوصا وان نجود بلغتها انها تبي ترجع البيت معاها وماتبي تروح على بيتها

× نجود ×

تركت القاعه .. ولعت الدرج بسرعه لان الزفه ماكان بااقي عليها شي .. خذيت عبااتي بيدي معااي احتيااط سمعت صوت رجال برى رجعت بسرعه على ورى الا ومنال تناديني

منال : نجود تعالي هذا مشعل

كان مااشعل واقف قدام البااب .. ومعه منال .. مااكنت ناوية اطلع .. لكن استحيت بمنال ومو حلوه بحق مشعل اتجااهله قدام اخته

وصلت عندهم ووتعلقت عيني بعين مشعل .. توني اشووفه .. ماشفته من المغرب .. شكله يجنن بالدقله الكحلي المقصبة بالفضي

تجاهلني مشعل : منال وش بغيتي ؟!
جاوبته منال : خذ مرتك وتصورو مع نسيم .. بشوف اغراض الزفه .. جودي جهزيها الله يعاافيك
رديت : ان شااء الله
حسيت مشعل كان يبي يعترض لكنه ترااجع .. فتح لي البااب ودخلت قبله
قلت لنجود وانا ابوسها : مااشاااء الله تجنني نسووومه
نسيم جاوبتني : انا اللي اجنن ولا انتي ياراعيه التركواز كلهم يقولون لي انك طالعه خيال .. ولا الخطاب !!

هي قالت خطااب من هنا وانا قلبي حسيته بيوقف من هناا .. خصوصا وعيون مشعل تقدح شرااار وايده ضغطت على مرفقي الي كاان ماسكني منه

همس باذني بصووت كله غضب .. : أي خطاااب ؟!! مو عارفين انك متزوجه ؟!! ولا فرحاانه حضرتك وجالسه تترززين مثل البناات ؟! ولا مو ملي عينك وتبين تضمنيين واحد بعد الطلااق ؟!!

مااصدقت اذني !! اكيد جاالسه اتوهم !! مستحيل مشعل يقول هالكلاام ... انا اترزز .. ضمااان !!! هذاا اكيد مو صاااحي ؟!! وش فيه قاام يرمي الكلام ؟!

رديت عليه بهمس عشان نسيم لا تسمعني مع ان الود ودي اصرخ من النار الي بجوفي خصوصاا والمصوره الملقوفه عينه عليناا : انت قاعد تسمع نفسك وش تقول ؟!! هذا كلاام زوج يقوله لزوجته ؟!!

بصراحه كنت ناويه اجرحه بالكلام .. بس تراجعت بآخر لحظة وقررت احرق دمه مثل ما حرق دمي .. مررت ايدي على اعلى صدره من جهة اليميين .. قرب الكتف تقريبا .. وكاني امسح وسخ من عليه

وقلت له بااسلوب كله دلع واستفزاار : حبيبي مو ذنبي اني حلووه واجذب .. وانك كنت مرغوبة شي مو بيدي ربي الي خاالقني ومصورني .. وبعدين انت مفروض تفرح ان النااس تبغى الي عندك ومو قادرين ياخذونه .. ولا انت ناوي تعطيهم اياااه بكل بساطة ؟!!

عديت من جنبه وانا ابتسم بانتصاار .. لاني متاكده اللحين اني لو حطيت بيضة على رااسه بتستوي
قربت عند نسيم الي كانت تجهزهاا المصوره لاخر صور وهمست لي : اقص ايدي ان مااكان بينك وبينه شي
رديت عليها بضحكة عاليه وصوت عالي متعمد: لا تحرجيني وقفت بمكااني جنب نسيم .. وهمست باذنها شوفي تبين تقهرين حمد .. تدلعي وهو معصب والله مايقهرهم الا هالشي

نسيم : افاا تقهرين اخووي ؟!
رديت عليها وانا اشووفه مقهور من سرسرتناا : والله ماايهون علي .. بس خليني اخذ حقي منه
وناديت على مشعل وانا ابتسم له بدلع : مشعل ماااتبي تتصور ؟!!
جاا مشعل ووقف مثل الصنم جنب نسيم .. واناا من الجهة الثاانيه .. اخذنا الصورة معااهاا .. باس حمد نسيم بسرعه على راسها : الله يوفقك

طلع من الغرفه بسرعه .. بديت انا وفاطمه اجهز نسيم للزفه .. خلعت عنهاا جاكيت الدانتيل الي حطته لما دخل الرجل .. وعندلنا طرحتها .. لبست عبااتي وتغطيت تزين .. وجات منال وهي متغطية وجاهزه ومعهاا حصه
انا نزلت بسرعه للقاعه لاني ابي الحق ع الزفه واشوفها اما منال ففضلت مع نسيم






مسكت ايده ايدهاا .. ووقفوا البلكونه مع بعض .. صدقوني نسيم مااسمعت شي من الزفه ولا حست بالانوار الي تنفتح وتنقفل ... ولا الورود الي اتنثرت حولهاا .. ولا حتى العصير الي شربها اياااه حمد ولا بالخاتم الي تغير موضعه وانحط معااه خااتم ثاااني ... ولا شي ابد ..احساسها بالزمان والمكان صار صفر تماماا حتى انها ماحست بنفسها الا وهي جالسه على كنبه بالممر

× نسيم ×

كل شي حولي صابته حاله من الجمود .. مااسمع شي .. ماحس بشي .. اعرف ان الي حولي يتكلمون .. ويمكن بعد من زود الضغط يصارخون .. بس انا اللحين مصابه بصمم .. وخرس .. وشلل .. ماني قادره اتكلم .. ماني قاادره اتحرك .. يااربي وش فيني ؟!! وش الي صااابني .. مو قادره على أي شي .. انا فعلا عاجزه بمعنى الكلمة .. فجاة حسيت بحركة مااعرف هي الارض تتحرك من تحتي .. او ان احد يحركني .. او يمكن رجولي لا اراديا صارت تدور عن بر للامااان ؟!!

حسيت بيد تمسك ايدي الي كاانت ممدوده بالهوا تدور على جدار تستند عليه : خير وش فيك ؟!!

منال !!! صوتهاا .. اختي ... ضغطت بااصاابعي على كفهااا ... كانت تمشيني .. اليين مااجلستني على كنبه كنت اسمعها تسمي وتذكر الله وتتعوذ من ابليس

منال : حبيبتي وش فيك بسم الله نسووم توك بخيير
رديت عليها : مو قاادره اووقف .. مو قاادره .. وين امي ؟!!

سمعت صوت امي : نسيم هذا انا وش فيك ؟!! وش تحسين فيه ؟!! تعباانه تبين ترتاحيين شوي بعدين تروحين مع رجلك ؟!!

رجلي ؟!!! أي رجل ؟!! وينه هو ؟!! ماادري وينه .. ولادري متى انزفيت اناا وياااه ... كل الي اعرفه اني ماابي اخطي خطووه برى القاعه

قلت لامي من غير لااهتم باللي حولي : قووليلهم ماعدت ابي ... خلااص برجع بيتنااا
منال بفجعه : ترجعين بيتنا ؟!! تستهبلي انتي ؟!!
امي : منال !!.. نسيم يمه اذكري الله واتركي عنك هالافكار .. حمد رجال فيه خير وبيحطك بعيوونه ونحن ماارح نكون بعيد عنك وقت ماتشتاقين لناا بتلقينا عندم

قلت لها وانا ابي ابكي : والله مو قاادره .. ماابي .. خلاص الزواج غصب ... ابي ارجع بيتناا .. دقي على ابوي .. مشعل .. بدر .. محي الدين أي احد

حصه : وش فيكم ؟!!
جاوبتهاا : قولي لاخوك مافي زوااج خلاص كنسلناا
حصه بصدمة : ووووش ؟!! وش تقول ياامنال ؟!!
منال بعصبيه : نسيييم انجنييتي ؟!! لعب بزران هو ؟!!
مارديت عليهاا كنت ارتجف بمعنى الكلمه .. مااعرف ليه من طول اليوم كنت هادية ليه اللحييين احس كل جسمي يرتجف .. احس بعرق مغرقني .. حراااره تسري بجسمي




لاحظ التوتر الي عند نسيم .. هو كان ساابقها عن الباب .. ترك لهاا وقت تودع امهاا واهلهاا بس مايدري ليه عيونه كاانت كل لحظة تسترق النظر لنسيم

× حمد ×

ماادري وش عندهاا نسيم ..قلبي يقولي ان فيهاا شي ... طول الزفه كانت سااكته ومن جلسناا على الكوشة ماسوت شي .. حتى لما طلوب منا تبتسم .. ابتسمت بجفااف

امي : بس خلااص اللحين بتشيلها معااك اصبر
ابتسمت : ادعيلنا بالتوفيق يمه
جاوبتني : الله يوفقكم ويسعدكم .. متى الطياره ؟!!
رديت : يعني سااعه ونص .. بنصلي ان شااء الله الفجر بالمطار
امي : حمد اتصل فيني يااولدي .. اول ماتوصلون لا تشغلني
رديت : ان شااء الله بتصل فيك .. وكل يوم بكلمك ولا تهتميين

رجعت ناظرت لنسيم .. وانا اشوف عمتي تجي لجهتنا .. رااحت لها امي .. ومادري وش كانو يقوولون بس امي ابتسمت لعمتي

رحت لعمتي وانا احاول ابين الثقل : عمه لبسو نسيم العباية .. بنمشي
عمتي بابتسامه محرجه : بنتي مااتبي تروح معااك .. وتبي ترجع البيت معنا
فتحت عيني : نعم !!
ضحكواا علي : هههههه
امي : شوووي شووي .. لا يوقف قلبك
سالت عمتي بغباء : ليه ؟!!
تباادلت مع امي نظرااات وكأن بينهم شفره .. قالت لي امي : ترفق بالبنت يااحمد ترااهاا خاايفه و
ما عااد كملت كلاامهاا .. المعنى كان وااضح .. وفهمت ليه نسيم كانت جامده وفهمت وفهمت ليه وجه عمتي صار احمرررر .. الظاهر نسيم خجوله على امها

رديت عليهم بثقه وبصدق : لا تخافين يمه .. ماني بمطيور.. والعمر قداامناا طويل
تحركت من عندهن وقربت لنسيم ..اشرت للكل يبعد عنها بعيووني .. اهلهاا طلعوو من ممر الخرووج .. وماابقي غير امي وامها الي برضو طلعوو من بعد اشااره بعيووني .. وماابقي الا فاااطمة شغاالة نسيم حطت العبااية جنب نسيم ومشيت

نسيم حست بخلو المكان : يمه منال وينكم ؟!!
جلست قدامهاا على ركبتي .. ومسكت ايدها الي تدور بالهوااء .. مسكت ايدها وضغطت بخفه .. وحطيت ايدي على كتفها العااري وجلستهاا لانها حاولت تقول : اجلسي انا معك
جاوبتني : مااابيك .. ابي امي وينها ؟!! منال ويين ؟!! حصه ؟!!
جاوبتها : مااافي احد غيري هناا .. كلهن طلعن
ردت علي بجفاف : لو سمحت اتركني لحاالي .

جاوبتها : انا ماااتزوجتك عشان اتركك لحاالك .. المفروض ان الزوج يكون جنب زوجته بكل خطوة يخطونها بحياااتهم ..ولا لك راي ثاني ؟!!!

جاوبتني : ايه لي .. لو سمحت انا مااعدت ابي هالزواج .. ولا ابي اروح معااك .. اللحين الزفه مو خلصت روح بيتكم وانا بورح بيتنا

رفعت حاجبي : لا والله ؟!! من جدك انتي ؟!!
ردت باصراار : ايه
سألتها : ممكن اعرف ليه ؟!!
سألتني : وش هو الي ليه ؟!!
رد علي : ليه ماتبي تتممين الزواج ؟!! لايكون خايفة ؟!!
مااردت علي عرفت انها فعلا خاايفه وقررت العب على هالوتر : خايفه مني ؟!! ترى لسى في وقت طويل لين ماانوصل بيتنا .. وانتي مارح تطولين فيه كله تبديل ملاابس وع المطاار وقدامناا ساعتين طيران اليين دبي ومن هناك بننتظر ثلاث ساعات ثاانيه وبعدها بنركب الطيااره وقدامنا اكثر من ست ساعات طيران ثاانيه

ردت علي : لايكون مصدق نفسك انك تخووفني .. انت تحلم
يعني لاازم الغلط ؟!! لو كنت بوقت ثاني كان راويتها شغلهاا .. لكن معليه عروس ومقدر خوفها وتوتر اعصاابهاا

رديت : اجل ؟!! ليه ماتبي تروحيين معااي ؟!! لايكون انغشيتي فيني واليوم جااك من يعرفك بحقيقتي
ردت : تتمصخر
رديت عليها : مو ماافي غير هالسبب لان السبب المنطقي الوحيد انتي انكرتي صحته
حسيت ان كبرياءها ماارح يسمح لها تستمر اكثر والا ماارح تقووم .. وتمشي معااي .. بس يبغالي اصبر عليهاا شووي

جلست على ذراع الكنبه جنبها : وهذي جلسه
انكمشت على نفسهاا .. وقامت بسرعه : وين فاطمه معها عبااتي
لبستها العباايه .. وغطيتها بنفسي .. وطلعنا من القاعه على سيارتنا .. شفت بطرف عيني عمتي وامي .. والله العجايز كانن يتنسطن عليناا

سااق السيااره فيناا بدر .. :عقباالك ماانخدمك بزواجك يابدر
بدر رد : امييييييييييييييييييين وقريب قوول ان شااء الله
رديت : ان شااء الله قريب ... وغمزت .. طالعه من القلب
ابتسم : من جووااااه .. نسووم مسويه عروسة وماتتكلمين؟!!
رديت عليه : وهي عرووسه وست العراايس
بدر: اكيد .. بس لا تنسوون هداايااناا
رديت عليه : ولا يهمك .. مالك الا الي يرضيييك

نزلت نسيم من السيارة ونزلت .. سلم عليهاا بدر .. ونسيم ضمته بقوة .. كل مااشفتها تضم واحد من اهلهاا اقول انه اكثر واحد تحبه .. لكن كلهم ضمتهم بقووة .. بعااطفة صادقه .. الراابط بينهم قووي مااشااء الله






حااول يكون قدر الامكان هاادي .. ومايطلع شيااطيينه كلهاا عليهاا وقدام النااس .. خصوصا انها ماتشااوره لاا تحطه قدام الامر الواقع .. يعني ارضى او ترضى

× مشعل ×

تبي تروح مع منال وفيصل بيتهم .. ماااتبي ترجع البيت معااي .. بتجنني هالمره .. متى بتعقل مااادري الظاهر ماارح يادبها الا الطلااااق .. ماالهاا دواا الا هوو

نجود : قلت لك ماني رااجعه معاك ابي ارجع مع بيت عمي
زفرت : نجووووووووووود اقصري الشر وامشي معاي البيت
نجود : ماابي ..
عصبت : وقسم بالله ان ماارجعتي معااي البيت .. مالك رجعه عليه مره ثااانيه
منال جات لانها كانت تراقبناا من بعيد : وش فيكم ؟!!!!امي تناظر من اول فيكم .. استخفيتوا تتهاوشواا هناا قدام الله وخلقه ؟!! رووحوو بيتكم وتهااوشو مثل مااتبوون

رديت : الهانم ماااتبي ترجع البيت
ردت نجود : والمحترم يهددني بالطلاااق
منال فتحت عيونهاا : وقسم بالله مو صااحييين ... ارجعواا بيتكم وتفااهموو ازيييين ... وانت الطلاااق مو لعبه قلت لهاا اداافع عن نفسي : اهي الي طلبته
ردت نجود : انا قلت لك مااابيه
منال : وقسم بالله بزراان .. انقلعواا بيتكم
نجود جات بتفتح فمها بترد . .. قاااطعتها منال : نجود روحي معااه ولااتكبرين الموضووع
اعطيتهم ظهري وانا اطلع من القاعه .. : السياارة عند البااب






احتبست الدموع بعيوونهااا .. كانت تبي تبكي وتصاارخ .. مااتبي ترجع البيت معااه .. كانت تبي بيت عمهاا وكانت مخططه تشتكي عليه ويشووفون لها دبره معاه .. اهي مو قاادره تحتمل برووده معاهاا ولا هي لااقيه طريقة تتفاهم فيهاا معااه

× نجود ×

انهقرت كثيير من مناال .. مابي اروح معاه .. ابيه يتادب .. يتربى .. لو رحت معااه البيت ابصم بالعشره اني رح اعتذر له .. وهاشي ماابيه مليت الاعتذاار

قلت لمنااال : ماابي اروح منال افهمييني مااابي
ردت علي : اسمعي انا مااعرف وش في بينكم.. ولا ابي اعرف وش الي صار بينكم .. اللي اعرفه ان أي مشكله لاازم تنحل بينكم وببيتكم .. انا مب صف مشعل ولا بصفك .. بس نصيحه من اخت لاختهاا لا تخربي بيتك بعناادك .. ودام مشعل معصب لا تكلمينه .. ترى لو عصب بيجرحك بالكلام من غير لا يقصد

رديت : يصير خير .
تغطيت وطلعت .. كان مشعل موقف سيارته قرب البواابه .. ركبت السيااره .. والله لاايوريييكم بينا صمت لو رميت ابره بتسمع رنتهاا .. اكثر شي يقهرني بمشعل الصمت .. نفسي يتكلم .. نفسي يعبر .. المشكله لو جا يتكلم .. بيكون عشان يتامر او يتهاوش

قالي : بتطليين كثير بطرف عيينك ؟!!
طليت قدامي : من زيينك .. الظاهر قمت تتخيل زتصدق تخيلااتك
زفر : نفسي يووم تردين علي تردين بادب
رديت : معليه انا قلييله ادب تحملني
رد علي : نجوود وبعدييين ؟!! ليه التفاهم معاك مستحيل ؟!!
رديت عليه : لاني متخلفه عقلييا .. وانت لااازم تنزل لمستواي الفكري
جاوبني : الحمدالله انك عارفه نفسك

سكت وماعاد كمل . يااربي ..غبيه .. وقسم بالله غبيه ... ليه ماانكتمت .. لاازم افتح فمي يعني .. كان طنشته او حتى رديت عليه بادب ... ااخ الظاهر بخرب بيتي بيدي






استقبلتهم نوير .. بالعود .. ساعدت نسيم تطلع لغرفتها وتستبدل فستان عرسهاا بجينز وتيشرت .. دلتهاا على القبله عشان تصلي الفجر

× نسيم ×

جلست من بعد الصلاة استغفر الله .. يالله احس بوحده كبييره .. صعب علي مره اكون بمكااان مااعرف عنه شي .. تخيلو تدخل مكاان ماتعرفه !! وحيد .. وسط الظلام !!! ... هالمكان مفروض اني رح اقضي فيه بقية اياام عمري .. بس بالنسبة ليه .. هالمكان عبارة عن غابة مظلمة .. وانا ضاايعه فيهاا .. حتى حمد تركني لحاالي مع نوير .. ادري انه ماايبي يحرجني ويخفف توتري .. بس ماايدري انه كذا عزز شعووري بالغربة

خلصتي ؟!! .. التفت على اتجاه الصوت
حسيت بيد تاخذني من ايدي وتوقفني : ان شاء الله الجناح اعجبتك ؟!!
تدرون حسيت السؤال غبي جداا ... يعني اكيد اني مااقدر ارد عليه .. اناا عميااا .. هذاا شفيه نااسي ؟!! ولاا يحاوول يفتح حوار بطريقة غبيه

رديت عليه : والله انا عمياا .. فصعب احكم على ديكور الجناح ... وين عصاايتي ؟!
حسيت انحرج وحاول يتجاوز احرااجه بصعوبة : امم العصااية ... هذي هي لحظة
ناولني عصاايتي .. مسكتها وفتحتهاا ... : متى بنطلع المطار ؟!
رد علي : اللحيين .. جهاازه ؟!!
رديت عليه : ايه بس عبايتي اخذتها مني نوير
رد علي : العبااية حطتها بالمدخل تحت .. ننزل تلبسيها تحت
هزيت راسي بطوايعيه .. حاول يمسك ايدي عشان يدلني ع الطريق الا اني رفضت : معليه اناا ابي امشي لحاالي لو سمحت
رد : براحتك
بديت استكشف المكان ببطء .. عصايتي كالعادة تسبق خطوواتي .. وكنت اعتمد على صوت خطوات حمد الي امرته يسبقني .. عشان احدد الاتجاااه .. نزلت معااه للدور الاول

نوير : ووين جهزت لكم فطور
رد عليها حمد : نوير مايمدينا الطيااره
نوير :اذا انت مااتبي .. خلي نسيم حراام تلقااها ماكلت شي من امس
سالني : تبيين اكل ؟!!
رديت : لا شكر مابي
نوير ..: والله ماعندك ساالفه .. خذي اشربي هذا ع الاقل نسيم

اعطتني عصيير برتقاال .. تغصبيته غصب .. لان مااحبه واستحيت ارفض اخذه منهاا .. حرام متعنيه ومسوية فطور وبالنهاية مااكل شي منه .. مو حلووه ... المهم طلعناا ع المطار .. وطبعا بدر هو الي وصلناا للمطار

حمد اول ماوصلنا هو الي رااح يعامل للجوازاات .. وفضلت اناا مع بدر
بدر : والله بتوحشييني نسووم
رديت عليه : وش راايك نسحب عليه ونرجع البيت
رد علي : احلفي يااشيخه والله بيلقنا جري

ردت علي : مره زعلانه لان ابوي ماودعته كثير .. بس لماا تصور معاي .. سلم عليه بدر وبووسه لي مره بشتااق له ولاامي

رد علي : اللحين انا لي سااعه ..اقول بتوحشيني وماذكرتيني .. لنا الله
رديت عليه : ولو بدر انت تؤامي اكيد رح اشتاق لك ولمنال ومشعل ونجود .. على فكرة يااويلك لو خطبت وانا مو موجوده .. اللي صبرك شهرين .. يصبرك اسبووع

رد علي : ااخ ليه مستهوين تعذبووني
ترجيته : بدور حبيي اخوي .. الله يخلييك اجلها
رد علي : حبيبي .. ماتتاجل اصلا لو اجلتها بتكونيين عروس وصعب تروحين زيااراات وانتي عروس
برطمت من تحت الغطا : مااحبك
رد : ادري اللحين ماعدت حبيبك .. الحب كله لحمد مو ؟!!
قهرتني النغزة بكلاامه .. طنشته بتعمد .. سمعت صوت حمد : ياللاا الورق جااهز

سلم على بدر .. وانا حظنت الزرافه بقوة .. ومشيت مع حمد ..كنت ماسكة عصاايتي بيدي من بعد مااطبقتها والايد الثانيه كانت بكف حمد .. بصراحه خفت اني امشي بالعصاية بالمطار .. خفت اضييع ..المطار زحمة مره وحمد خطواته سريعه .. صعب الحقهاا




صحيت على صلاة الفجر .. مانامت طول الليل .. كاانت تسمع صوت ولد اخوها وهو يبكي الغريب انها لااهتمت بالطفل ولا بسبب بكااه .. تجاهلته تماااماا

× لطيفة ×
اووووف ولد عبدالعزيز مااسكت من امس .. بس يبكي ... والله ماااهتميت فيه .. ولا حتى ليش يبكي .. ماادري من وووين قلبي جاايب القسااوة .. حتى لما انولد ماكلفت نفسي ورحت اشوفو بالمستشفى امي الي رااحت وزارتوو بالمستشفى .. الي اعرفو من امي انو مريض بس ايش مرضوو ماادري .. بصراحه لماا عرفت انو مريض فرحت فيهم ... اعرف انهم يتالمون عشاانوو .. واعرف ان قلووبهم توجعهم .. خصوصاا رهف .. فرحاانه فيهاا مره .. ونفسي ان هدا الولد يكبر ويكبر ..ويتزوج الي تقسي قلبوو عليها .. بالضبط زي مااسوت مع عبدالعزيز .. ابغى اشووفو وهوو يقسى عليهاا .. يعقهاا .. ابغى اشوف دمووع على خدوودهاا .. دموع من الدم .. مثل مااابكت امي

نزلت للمطبخ اجهز فطور لياا .. شفت رهف وهي مع ولدها وابتسمت بتشفي بوجهاا
عصبت : شمتاااانه
رديت عليهاا : اكذب ان قلت لاا
ردت علياا : حاااقده .. ان شااء الله ذريتك كلها مريضه
رديت عليهاا : ادعي مثل مااااتبيين .. اناا ماااشمت بالولد .. الولد قطعة لحم ماااتعرف شي .. انا شمتاانه وفرحاانه فيك انتي ... اتمنى من كل قلبي انك تذوووقييين المر انتي وزوجك من ورى ولدكم .. اتمنى من الله يمد بعمممري واشووف الحسره بعيوووونك .. حسره مثل الي في قلب امي ... عسى الوجع مااايفااارقكم ولا يفاارق قلوووبكم ... وعسى دموووعكم ماااااتجف

التفت على مصدر الصوت ... وحسيت بكف يضرب وجهي ويحرقه






نلتقي يوم الخميس القادم اذاا ربي احيااانااا

لسلام عليكم ورحمة الله وبركاتة
هلا بأختي بدوية عنيدة
هذ يأول مرة,,,أريد عليك ,,, وأنشاء الله ماتكون الأخيرة ,,,,أنا متابعة قصتك من الأول وعاجبتني كثير ,,, أسلوب جديد ويشد القراء ,,,,,, قصتك ليست كباقي القصص الأن و التي نرى كثير منها مقلدهااا ,,,,,
في هذي القصة تتطرقت لموضيع كثيرى تدور أحداثهاا في مجتمعنى,,,, بصفة واقعية وهذى الشيء المهم في نظري ,,,
الشخصيات >>> بصورة مختصرة ,,,,

فيصل * منال
فيصل شخصية رائع جدا ,,,, فبرغم بما مر علية من أحداث تخللت حياتة من فقدة لولدية وعيشة وحيدن ,,, وعجزة على المشي بصورة طبيعية ,,,ألى أنة تغلب عليهاااا ,,, تأخذة الأقدار أن يصادف ,,,, فتاة عاشة الأمرين من عيشتهااا مع زوج طائش غير عابئ بمشعرهااا ,,, وفقدهاا لولدهااا,,,,, والدهااا أن يقتلوة وأباهوو أمااام ناظريهااا ............
نجود * مشعل

العنرص الفكاهي في القصة<<<< في نظري هههههههههه

أحببت هذي الشصيتين صراااحة مرة
بس أنشاء الله هاا النجود أتحس على السانة المفلوت وتحسن طريقة هرجهااا مع مشعل ,,,,,,,,,, ومشعل كمان لو أنة يحسن التعمل مع النجود ويعرف سبب تمرده يكون أفضل
خالص المشكلة ذا الأثنين ميعرفون يجوبون كنبة ,,,الله يسلمك ,,, ويجلسو يتفااهمو ,,,ههههههههههههههههههههههههه
مو حل يا ناس
نسيم *حمد

بترك التعليق للبر تاات الجاية ونشوف .........................

[COLOR="royalblue"]بدر * لطيفة [/COLOR]<<<< أنشاء الله تقوم على حيلهاا هااا أم مشعل وتطبلو يهاا,,,هههههههههههههههههه

يمكن الله مصخر هالبدر للطيفة وأمهااا ’’’عشان يخذ حقهم من هاا عبد العزيز
هذي ردي لك بداااوي ,,,,أتمنى لك من الله التوفيق في حيااتك <<<أمين

والسلام مسك الختاااام

أختك,,,,,,,,,,,,بنت القصيد 11

كيفك بدويه مرررررررررررررررره أبدعتي يسلمووووووووووووووو الأنامل الذهبيه
بس والله حرام تعذيب كل مرررررررررررررررره توقفي في جزء صعب تخلينا ننتظر البارت إلي بعده بشوق
عرفت ألحين أش قصد البنات إنك تحبي التعذيب بس مي مشكله إذا كان البارت يستاهل الأنتظار
مررررررررررره ثانيه مشكوررررررررررررررررررره