حيااكم الله جميعااا

طولت لاني هالاسبوعين الي مرت كنت مرره مشغوووووووووولة
ولسى ترى عندي مشااغلي بس خفت الحمدالله شوي
اذا ربي كتب لنا عمر .. موعدنا الخميس بالليل ان شااء الله

وحياكم جميعا مره ثااانيه

بدووويه عنيدهـ قصتك تجنن وانا متابعتها من منتدى ثاني بس قلت خليني ادور عليها يمكن نزلت بارتات جديده
ولقيتك انتي هنا براسك فسجلت وانا مغمضه

وقصتك تجنن جداااااااااااااااااااااااااااااااااااااااااااااااااااااااااا اااااااااااااا

نوران يا اني بكيت عليها وخفت منها لما عرفت انها بدر ولا بعد تفكيرهـ انه يتزوج صديقته يمه شي يخوف صراحه

فيصل ووهـ بس هذا الرقال ولا بلاش توحفه يختي

مشيعلوهـ البانداا خخخ احسه حبوب <<صدقت الهبلا

ولا حمد حدسي يقولي ان نسيم بتغيرهـ 360 درجه

وبعد حدسي يقول لي ان نسيم بيرجع بصرها<<شينك تخرب الاحداث وتسبقهاا


بوبو قلبي مشكوره على هالروايه اللي تقنن


حبيبتي خذي راحتك

اهم شي ماتضغطين على نفسك بعدين تنزلين بارت قصير لالا خذي كل ابو جدان وعمام راحتك عشان بدنا بااااارت طويل طولي <<خخخخخخ ياقصرهـ اجل

خيتك
كيوت

الفصل السابع والعشرون

استكشاف

وصلوا بيتهم من بعد ليلة شااقه ومتعبه .. طلعوا لغرفة النوم .. ترك نجود تغيير ثياابها .. اصلا حتى ماادخل الغرفة معااهاا.. متوتر .. اكيد متوتر ... الغريب ان في دايم اعتقااد ان الرجال بذا اليوم يكونون هاديين مع انه العكس تماما .. حتى هم يتوترون .. واكبر دليل عريسنا
× مشعل ×

صرت اروح واجي بالصااله .. مو عارف .. وش اسوي .. احس نفسي متوتر .. ومو عارف وش اتكلم ووش اقول لها.. بالطريق سكت .. ماغير انتبهي لعباايتك .. وصلنا .. تفضلي .. اووف والله حاااله .. اصلا مو مني من ذي الكتب الغبيه الي قريتها ... من قلي اقرااها .. احس نفسي ضخمت الموضوع بزيااده
دقيت الباب ودخلت .. لقيتها قاعده على وحده من الكنبات .. فسخت عقاالي وغترتي ... ورحت جلست ع الكنبه الي جنبها .. جالسه اتطالع بالارض .. طيب وبعدين ماابترفع وجها ؟!! .. لازم اكون رومنسي واقول كلاام حلو ..منال تقول انها رومانسية .. طيب من وين اجيب .. اقولها عيونك حلوه وولاا انتي حلوه ؟!! بس لازم اناظر بعيونها عشاان التاثير يكون اقوى ..طيب افتح معاها سالفه انت بالاول

فتحت فمي اخيرا : مبروك
ردت : الله يبارك فيك
سالتها بغباء : افتح الميكف ؟!
رفعت راسها ونااظرتني : المكيف مفتوح
رديت : اهاا .. طيب .. سكت شوي .. وتدرون لاقالو صمت دهرا ونطق كفرا .. عاد انا نطقت هبلاا .. يقولون ان الملك بيقدم دعم للسلع الاسااسية ... تعرفين غلا الاسعار شي خياااالي حتى مع زيادة الرواتب النسبية الناس اليين اللحين تشتكي من الاسعار .. مااعرف التجار ليه مايفكرون بذوي الدخول المحدوده .. تصوري لما يكون الموظف راتبه الفين او ثلاثه ووراه بيت وعيال شلون بيصرف عليهم ؟! تدريين .. سكت وانا انتبه لوجها.... ليه وجهها محمر ؟!!!

انفجرت ضحك : هههههههههههههههههههه
هذي ليه تضحك ؟!! ليه تضحك؟!! الملك بيقدم دعم .. اكيد بتضحك ... ضحكته حلوه .. غصب عني تاملتها .. شقيه مره .. كانها ضحكة طفلة باول سنيين الطفولة
تمالكت نفسها : اسفه ماكنت اقصد
رديت : اضحكي مالومك كلامي غبي ولا له لزمه
ابتسمت بنعومه بوجهي .. الظاهر عجبها التهزيء الذاتي




ابتسمت بنعومه وهي تشوفه مرتبك .. ويحاول يفتح معاها مواضيع للحوار .. استغربت كثير ان في رجال يستحون ويرتبكون .. مو قادره حتى الان تستوعب خجلة

× نجود ×

ابتسمت بوجهه وهو يتمصخر على نفسه .. يالله كيف مرتبك .. بالله اذا هو رجال كذا انا كيف لازم اكون ؟! خجولة مره مو ؟!! الغريبة انه صحيح احس بخجل منه بس مو ذاك الخجل الي يطرمني ولا يسبحني بعرقي

قالي : عاجبك اني اهزىء نفسي ؟!!
رديت : شوف كلامك من ناحية ماله لزمه فهو كذاالك عمري ماسمعت عن عريس اول موضوع يتكلم فيه مع زوجته غلا الاسعاار ... لايكون ياامشعل بخيل ؟!!

عضيت شفتي ... لسااااااااانك يااانجود تونا نقول ياااهااادي .. لا تهججينه من اول ليله
رد علي بسؤال : انتي وش سمعتي عني ؟!!
رديت : كل خير
رد : دبلوماسية
رديت : الصدق ولا ماكان شفتني ببيتك اليوم
رد وكأنه يصحح كلامي : بيتناا مو بيتي الحالي





اول مااوصلت من العرس .. طلعت على طول لغرفة امها .. تشوفها .. تدري ان امهاا متعوده تقوم الليل .. دقت الباب وماجاها رد .. توقعت ان امها يااتصلي ياانايمه .. فتحت البااب بشويش .. الا وامها طااايحه على سجااادتهاا

× لطيفة ×

دخلت وانا مسااكة صندلي الكعب بيدي .. وفتحت بااب غرفة امي بشويش .. لقيت امي طايحه ع السجادة جريت عليهاا زي المجنونه .. قلبتهاا على ظهرهاا .. وانا اصرخ واناديهاا : امي .. امي .. ردي علياا
ماكانت ترد .. حطيت اذني على صدرها ابغى اسمع صوت قلبها .. كنت اسمعواا .. ضعيييف مرره .. بصعوبة قدرت اسمعواا .. قمت جري واخذت عطر قوي من ع التسريحه .. بخيت كمية كبيره منو على ايدي .. حطيتهاا بقرب انفها ... بس مااصحيت .. ولا اعطت أي ردت فعل .. حطيت رااسهاا بشوويش ع الارض .. ونزلت جري دست على طرف عباايتي .. وطحت على وجهي ع الدرج .. مااكرف كم درجة تشقلبت عليهاا .. ولا حسيت باي الم .. كل الي كان هاااممني .. اني اوصل غرفة عبدالعزيز .. وانااديه يلحق امي .. وصلت اللين باااب غرفتواا
دقيت الباااب باقوى ماااعندي .. وكنت اصرخ باعلى صووتي عشاان يسمعني ويقوووم

صرخت : عبدالعزيز .. قوووم عبد العزييييييييز
فتحت لي رهف البااب : انتي اشبك اتجننتي .. في احد يدق ع الناس بهذا الوقت
دفيتها من قدام وجهي : وخري .. عبدالعزيز ..
صرخت : اشبك انتي اتجننتي
وصلت للسرير .. وهزيت عبدالعزيز .. الي يااادوبك بس فتح عيونواا .. عبدالعزيز قوووم .. الحقني قوووم
عبدا العزيز تحرك ولا كان شي قاعد يصير : اممم .. رهف شووياا
رهف : خليه ينام وانقلعي برى

صرخت عليه : عبدالعزيز قوووووووووم امي بتموووووت قوووووووووووووم
وهزيتوو بااقوى ماااعندي .. ودموعي على خدي ..قوووم الله يخلييك قوووووووم
عبدالعزيز بدا يفوق ويستوعبني : اشبك تصرخي ؟!!
رديت : امي .. امي
دف اللحااف .. وقام يجري سبقني وانا وراااهــ .. دخل وحط امي بحضنوا .. يضرب وجها بخفييف ويناادي عليها بصوت كلووو خوف : امي .. امي قووومي .. امي انا عبدالعزيز ردي علياا
صرخت عليه : لا تكلمها شيلها المستشفى
رد : جيبي العبااايه
اخذنا امي ع المستشفى عبدالعزيز كان نازل فيها الدرج وهو يجري .. وانا ورااه
دخلوا امي الطواري .. وكنا انا وعبدالعزيز ..نستنى برى .. جلست ع الكرسي .. وانا ابكي واشهق من كثر الخووف عليها .. ياااربي مااابغااهاا تسيبني انا لو صاار فيها شي بمووت
حسيت بيد عبدالعزيز حولياا .. دفيت ايدوا غصباا عني .. وانا مقهورة منوو .. وانفجرت فيه وقلبي المحروق هو الي خلااني مااستنى اليين مااطمن عليها

قلت لو : لا تلمسني .. بالله وين كنت لما امي طاحت
قالي: انا ماااكن ادري انا تعباانه
رديت : وانت تدري عن شي ؟!! امي معاك ببيت واااحد مااتدرين عن احواالها ؟!!! بالله انت ايش ؟!! كيف يطاوعك قلبك تناام من غير لا تطمن عليها ؟!! قلبك ايش ؟! حجر؟!!!!!!
قطعنا .. صوت الباب وهو ينفتح ويخرج منو الدكتور جريت عليه : كيفها ياادكتور ؟!!!
رد : الحمدالله انكم لحقتوهاا .. السكر عندها مرتفع مره .. وممكن كان يسبب لهاا غيبووبه .... لكن ربنا قدر ولطف ... والحمدالله جات بس على اغماء .. طبعا احنا سويناا لها اللازم وهيا نايمه بس رح نخليها عندنا كم يووم الين مااايتسقر وضع السكر .. ونطمن عليها اكثر .. بس يااريت انتم تجنبونها أي انفعااالاات .. تعرفون المريض بالسكر لاازم له رااحه نفسية والوالده مو بس مريضة سكر ضغط كمان
هزيت رااسي : ان شااء الله

مشي الدكتور .. واناا لحقت امي الي طلعواا على غرفة خااصه .. كنت اشوف الناس تطالع فيني .. مااعرف أيش عندهم ولا هو هذا وقتهم .. دخلوا امي وحطوها بسريرهاا .. كااانت ناااايمه جلست على الكرسي الي جنبها .. واول مااجلست حسيت بجسمي يووجعني .. والارض تحت رجلس باااااااارده .. طليت بالارض وانتبهت لاول مره اني حفيااانه

دخل عبدالعزيز : لطيفة امشي معايا البيت امي نايمه مارح تحس فيكي
جاوبتو : تبغى تروح الله يحفظك .. انا ماارح اترك امي لحاالهاا ..
عبدالعزيز : تبغي شي من البيت طيب ؟!
رديت : ماابغى شي .. مع السلامه

كنت محتاجه اشياء كثيره من البيت .. بس مااقدرت اطلبها من عبدالعزيز .. ماابغى احس نفسي اني انحوجت لوو " احتجت له " في يوم من الايااام .. بكرة اكلم الشغااله ترسلي اغرااضي مع السوواق

طلع عبدالعزيز من بعد طردتي المحترمه لوو ... اتحدى اذا جااناا بكرة .. ماادري ايش الي مقسي قلبك يااخويا هياا الفلووووس ولا مرتك .. ولا ايش .. طالع كذا من عند امي ولا كانو شي صااار .. وتسألني كمان اذا محتاجه شي ؟! طيب ياااخي اقرب من السرير .. بوس رااسها ويدهاا .. اسهر جنبها .. الست الي شاالتك في بطنك تسع شهور .. وراعتك اكثر من عشريين سنه .. ماتستاااهل منك تسهر جنبها شوويا ؟! تضحي برااحتك عشااانها ؟! مو هياا الي ضيعت احلى سنيين عمرها علييك ؟!! ايش الي غيرك ياااعبدالعزيز ؟!!

قمت وصوت الأذان مالي الغرفة ومع كل حركة حااسه بووجع مااينوصف .. غطيت امي وبست رااسهاا .. وفصخت عباايتي .. وانتبهت للكدمات الي باانت على ذرااعي .. يؤيؤيؤ .. الظاهر من الطيحه .. ماادري كيف مااحسيت بوجع وقتها .. مشيت الين الحمام " اكرمكم الله " وبديت اغسل وجهي من المكياااج .. ماكنت اقدر احرك ايدي زي النااس كانت كل حركة تووجعني .. انهيت الوضوء بصعوبة كبييره .. واضطريت اصلي وانا جاالسه لاني خلاص مو قادره حتى اوقف ... حاولت اقتدي بالسنه واجلس متربعه ع الارض لكنها كانت بالنسبه لي مهمه شبة مستحيله





صحيت على قرب الظهر .. قامت تتسحب عشان لا تصحييه .. دخلت تسبحت .. وتوضت .. لبست تنورة طويلة مع بلوزه ناعمه .. رفعت شعرها كله ذيل حصان .. طلعت سجادتها تبي تصلي .. فرشتهاا باتجاه القبله ... مثل مااورااها مشعل ..وصلت .. اول مااسلمت لمحته قاعد على طرف السرير ويناظر فيها

× نجود ×

وانا اسلم التسليمه الثانية للصلاة .. لمحته ع السرير كان صاااحي ..ومبتسم لي .. مااعرفت وش اسوي التفت باتجاه القبلة وحاولت اتناسى وجوده .. لاني خلاص احس خدودي ناار موله ... جلست استغفر باانتظاار انه يقووم من ع السرير ويدخل الحمام " الله يكرمكم " بس الظاهر مطوول .. اووف استغفر الله ... اييييييييي
راااسي ... رفعت ايدي بحركة تلقاائية .. اتحسس رااسي ... باااسني !!!!!!!! ودار وقاابلني

ابتسم بوجهي : صبااح الفل على احلى عروس بجدة
رجعت على ورى بحركة تلقاائية : ص..صــ ـ ـ باح الخير
سالني : وش فيك كشيتي ؟!!
رديت وانا احاول اكون طبيعيه : ماكشيت
ابتسم بخبث : طيب
قام وهو يتجه للحمام " الله يكرمكم " .. سحب منشفته الي ع الشماعه .. وانا بسرعه قمت وطبقت السجاده .. جريت على تسريحتي .. حطيت عطر صباحي خفيف ..امم وش اسوي ؟! فطوووور ... نزلت للمطبخ الي وراني ايااه مشعل الباارحه .. وقفت مثل الهبلة وسط مطبخي .. وش اسويله ؟!! وش يفطر الصبح
وش يعني بيفطر يااانجود وش ذا السؤال الغبي .. اكيد مو كبسة.. طيب اعمله بيض ؟!! ولا فول !! قتحت الثلاجه .. وكانت ماشاء الله مليانه .. بيض وجبن وحلاوة .. لقيت حتى مورتديلا والسموك تيركي .. خضروات وفواكه .. قفلت الثلاجه .. خليني احط المويا اول .. حطيت الموياا ع النار تغلي .. طيب شاهي ولا نسكافية ؟!!

وش تسووين ؟!!
نقزت على صوت مشعل الي مستند على حرف الباب :بسم الله
ضحك بشقاوة : ههههه ماادريت ان قلبك رهيف
اللحين هذا قااعد يهزئني مو ؟!! رديت : والله انا بنت اكيد بخاف
رفع حاجبه : بنت ؟!!
قليييل الحياااا ... تجااهلت نظراااته ... وخدودي الحمراا ..: شاي او نسكاافية ؟! ولفيت احط السكر بالاكواب
جا من ورااي .. ووخر الاكواب من قدااامي .. واناا جاامده بمكاااني مو قادره اتحرك ولاا حركه ... هذا توه امس مستحي .. اليوم جريء مرررره ...والله انفااسه على رقبتي .. شيل رااسك ووجع ..كلمات على طرف لسااني لكني سكت





يـــــــــــــــــتــــــــــــــــــبع

قاالي : ماله دااعي .. بنطلع على البحر . نتغذا هناااك .. ونطلع على بيت امك وعمك .. ونرجع هنا تبدلين ونروج لااهلي

رديت : طيب
كرر الكلمه : طيب

طيب ؟! وبعديين ماابيتحرك ؟!! لو لفيت بصدم فيه اكيد ... ليه مااايووخر عني ؟!! اهييييييييي .. قشعر جسمي كله لما لاامست ايده خصري وبسرعه كبييره لفني وصار وجهي بووجهه

قالي: قالت لي منال انك حلوه وقاالت انك مشااغبة .. ملسوونه .. بس ولا مره قاالت لي انك خجوولة

ملسووونه؟!!! اراويك يااامنااالوووه .. تفضحيني عند اخووك ؟!! الله يستر وش قلتي له بعد .. الظاهر غسيلي كله انشر .. علقت عيووني بالارض ولا رفعتهاا فيه

رفع وجهي باصاابعه العريضه الي لامست ذقني : اطلعي اجهزي قبل لااا اغير رااي وماتشوفين البااب الا بعد شهر وحتى السفره بكنسلهاا

رديت وانا احس نفسي ببكي من كثر احراجي من تلميحاااته : طيب وخر شوووي
وخر ..اخيراا فتح لي الطريق .. وحرك ايده بطريق مسرحيه بمعنى امشي .. انا مو مشيت الا شبرت .. والتنورة الماسكه طلعت صوووت مزعج بسبب الخطوات .. زين انها ماتشقت ... اول ماوصلت الدرج .. رفعت التنورة اليين سااقي وماتشوفوون الاغباااري





مع ان البارحه كانت بعرس الا انهاا قامت بدري .. اصلا ماناامت كثيير هي بطبيعتها ماتنام كثيير .. تحسست ساعتها .. وعرفت ان وقت صلاة الظهر دخل ... قامت وتوضت وغيرت بيجامتها من بعدها .. نزلت للدور الارضي .. قابلت الشغاله بالطريق وقالت لها ان اهلها مجتمعين بالصاله

× نسيم ×

كنت اسمع صوت بدر المبحوح قبل مااوصل الصاله صوته كان مليان حيووية .. الظاهر مروق .. حطيت ايدي على حاافة مدخل الصاالة : صبااح الخييييير
الكل : صبااح النور
ابوي : احلى صبااااح على احلى عرووس
عروس ؟!! حسيت الكلمه مره غريبة ومره اربكتني .. ماعرفت وش ارد .. دخلت من بعد ماعديت او عشر خطوات وجلست على كنبتي المتعوده عليهاا

سالت : مااتصل مشعل ؟!! مابيجي
رد علي بدر : الرجال عريس وش يبي فينا يتصل
رديت : واذا عريس مايتصل على اهله .. ارااويه الباانداا لحق ينسااانااا
ضحكت امي : هههه وش فيك قلبتي على اخووك .. بتغارين من مرته من اللحين
رديت عليها : وليش اغار ؟! مااخذه اخوي مب زوجي
بدر : اقول ترى زووجك جايك اليوم
سألت بغباء : أي زوج ؟!!
ابوي رد علي : والله ياابنتي الي اذكره اني زوجتك رجلن واحد والشرع ماايحل للمره التعدد
جاوبت : اقصد وش عنده بيجي ؟!!
امي : شف البنت ؟! الرجال بيجيك ليه ؟!! اكيد بيشووفك ويقعد معااك
رديت وانا احس قلبي طبول حرب : ماله داعي .. مابقي شي ع الزواج .. قولوله ماابي اشووفه ماعندنا زيااراات .. المهم لا تخلونه يجي

ابوي : بلا دلع بنات .. الرجال بيجي وانا سمحت بزياارته ... وهذاا حقه .. المهم لا جا الله الله بالعقل والرزاانه ولا تنسون الضيافة الي تبيض الوجه يام مشعل


امي ردت عليه : ابشر ياابو مشعل ببيااض الوجه بس انتبه ماتلزم عليه للعشى .. تراني عاازمه اهله اليووم

اووهوو الظاهر اهلي بيطووولوونها .. عشى وضياافه .. اوووف بالله انا مو مكفيني عماااتي وبناتهم يجيني هذاا .. استغفر الله العظييم .. الله يصبرني بس

ابوي : عزمته هو وبوه من غير لا تقووليين .. بدر عمااتك مابقي شي ويوصلن .. اتصل ع الطباخ وش صار ع الاكل ... اذا جهز ارسل السوااقيين .. واكد ع العشااء

بدر : ان شااء الله .. تامر امر
امي : طيب ومشعل وحرمته وين بيااكلوون ؟!!
بدر رد يمازحها : لا توصيين مشعل على بطنه ... اكيد بيروحون مطعم
قلت : طيب ليه ماايجون يتغدون ؟!!
ردت امي : مو معقول يجوون يتغدون وبعدين البنت ترووح تلبس وترجع ثاني مره هنا .. بتتعب بالليل افضل بكثيير ... والناس بيكوونون مليااان عشان يشووفوونهاا .. خليها تكون مرتاااحه


امي : نسيم قوومي غيري ثياابك .. الناس مابااقي عليها شي وتوصل
وقفت : ان شااء الله .. بس ثيابي جهزتوها ؟!!
ردت علي : كل شي جاهز مكان ماانتي متعووده

استاذنت وطلعت ابدل ثياابي





تفقدت شكلها للمره الاخيره قدام المراياا .. تتاكد من شكلهاا .. اليوم بتلتقي بعمااتها .. ماشاافتهم من فتره طويلة .. العلاقة بينهم شبه منقطعه ... حتى بعزا نوران مااكانوا موجوديين ... بعد ماتطمنت لشكلهاا .. راحت لكيسها الورقي ... تاكدت من ان كل اغراضها موجوده .. للعشاء بالليل .. وفرحت اكثر انها تركت بدلتها ببيت اهلهاا ولا كانت متكرمشة اللحين ...دخلت غرفة الملابس .. طلعت ثوب باللون السكري .. وغتره خطوطها ذهبيه ... ورجعت لغرفة نومهااا

× منال ×

مسكت ثووب فيصل وكنت راافعه يدي عالي .. اخاف يطبق من تحت ... ناولته فيصل الي طلع من الحمام "الله يكرمكم "..تركته يلبس ثوبة.. ورجعت الغرفه .. اطلع كباكاااتيه الذهبيه.. وازارير ثووبة . وطم الاقلام مع الساعه البنيه .. والشرقي "اكرمكم الله " الي يليق عليه ... جلس على كرسي التسريحه وحط الطااقية على رااسه ... جلست على ركبتي وقومة ظهري ... وبديت اركب ازارير ثوبة

قالي : منال كذا بتتعبي
رديت : يفداك التعب
ابتسم لي بحنااان ... عطيته الكبكات مع الساعه ... ورحت البس عبااتي ... طلعت لقيته خلاص يضبط شماغه رحت له ومديت ايدي له يستند عليها ويوقف بدال عكازة ابو قبضة نحاسية ... اعرف ان فيصل مايحب ابد يقبل مساعده من أي احد .. ولا يعتمد على احد ... بس انا مو أي شخص .. انا زوجته .. ومن الطبيعي اكون دووم جنبه ... وسند له ... عانقت كفوووفي كفووفه .. ووقف وبان طووله

سالني : ها جاهزة ؟
رديت : ايه ... يؤيؤيؤيؤيؤيؤ .. هدية نجود
رجعت بسرعه للغرفة وطلعت من الدولاب ... كيسة صغيره فيها علبة مخمليية .. طلعت من الغرفه وتعلقت عيوني بفيصل ... اول نظرة انسطت من انااقته وشيااكته وساامته ورجولته الطاغيه ... بس بعديين بديت احس بالناار تحرق قلبي حرق

قلت له : فيصل وش راايك تشيل الغتره او تلبس بنطلون وتيشرت .. يعني عملي اكثر واريح لك خصوصا وانك بتقعد اليين المساء ولا بتطلع من عند اهلي وبترجع بعديين ؟!!







الغيره تنهش قلبها .. شلون ماتنهشه .. وهو واقف قدامها بكل وساامته وجاذبيته .. وغصبا عنهاا تذكرت كلام البنات عنه الباارحه ...خصوصا وان نجود عرضت بالدفتر تهانيهاا صور لهاا وصور مع ابوهاا وعمهاا .. سمعت كلمات غزل وامنيااات كلها متعلقه بزوجهاا .. والييوم راايحين لاهلهااا وياكثر بناات عمومتهاا .. فغارت اكثر واكثر ... فيصل بكشخته كان شيخ فعلا... مالي الثووب .. اقترحت عليه الجينز والتيشرت لكنهاا بداخلهاا كرهت اقترااحهاا وتمنت انها مانطقت باقترااحهاا .. خصوصا وصورة فيصل بالبجينزات هاجمت مخيلتهاا .. تذكرت كيف ان يبان اصغر بكثيير .. واشيك ... اما هوو مستمتع جداا بغيرتهاا الظاهرة

× فيصل ×

كتمت ضحكة تتصااارع تطلع من بين شفااتي ... تغاار ... مااتوقعت ان الغيره رح تفرحني .. كثير من الرجال يتضايقون منها .. بس انا مبسوط فيهاا .. تدرون وش يعني تغار ؟!! يعني مهتمه فيني .. يعني اني قدرت احرك فيها شي ولو بسييط ... قدرت اخترق حصوونهاا ... واحتل مكان ولو بسيط من قلبهااا

قلت لهاا : اللحين انا ادااوم بشغلي بثوب وشماغ .. واللحين ماصاارت تنااسب غدا وعشا عائلي ؟!!والجيز مناسب اكثر ؟!

ردت : كنت ادور رااحتك
رفعت حاجبي: رااحتي ؟!! مو انتي الي مطلعه الثوب بنفسك ؟!لايكون غيرااانه ياامنال ؟!!
ردت : انا مااغاار
سالتهاا : ماااستااهل تغاارين ؟!! ولا مافيني شي يحبب البنات فيني ؟!! مع اني طول عمري ماعااكست بناات طول عمرهن عااكسوووني ... حتى امس وحده مرقمتني

منال : نعممم ؟!!!!!!!!!! ووووووينه ؟!!!!
سالتها بعبط متعمد : وش هوو
منال فتحت فمها بترد .. الاان تلفونا الداخلي رن .. حسيتها انقهرت اكثر ممااا هي مقهوورة .. ابتسمت بفرح وانا اشوفهاا شوي وتدخن

رفعت السماعه مااتكلمت غير الالوو ...وبعدهاا قفلت السماااعه ... وقاالت لي بفرح : بسرعه نجود ومشعل تحت بالصااااله ... يالله امشي

سحبتني من أيدي ... ونزلناا نشوف العرساان الي ماتوقعناا يجووناا .. خصوصا وان الوقت متاخر على زياارتهم وصرنا بوقت الغدااء








فطور بهدوء على شاطىء البحر ...ومن بعدهاا طلعواا على بيت امهاا يزورونهاا ... ماااطولوو كثيير خصوصا ومعاملة امهاا كان جاااافه جداا ضااايقة مشعل .. الا انه مااابين ابدا لنجود ... واتجهوا بعد كذا على بيت عمهاا يسلمون عليه .. ومن بعدهاا يبوون يطلعووون يتغدون

× مشعل ×
الي يشوف الضحكه على وجها ماايقول هو نفسه الوجه الي كان يتغصب الابتسااامه عند امهاا .. اعرف من الاول ان العلاقه بينهم مو ذاك الزود بس مااتوقعت ان لهاا برود الثلج .. اول مادخلناا سلمت على الشغاله واعطتها العباايه .. اول مره ادخل للصاله الداخليه وغاالباا اكون بالمجلس .. وقفت وانا اشوفهاا تروح للتلفون وتتصل وبصوت كله حمااااس :منوووول اناا تحت انزلوووو بسرعه ...وقفلت السمااعه

تنحنحت اذكرها باني معهاا .. نجود لفت علي : مشعل اجلس ليه وواقف ؟!!
جيت وجلست ع الكنبه جنبهاا .. ولاني عريض والكنبه بعد مو ذاك الكبر .. صرت لااصق فيهاا وانا ماقصرت لصقت اكثر واكثر .. حسيتها انحرجت مني مره .. وحمرت خدوودهاااا

نجود : مشعل وخر عني .. ليش لااصق
رديت : مو لااصق يتهيأ لك ... وحطيت ايدي على كتفهاا
وخرت ايدي عن كتفها : وبعديييييين ؟!!! وش يقوولون عنا ؟!!
رديت : وش بيقوولون؟!! زوووجك مب خويك
كشرت لي بوجها وقاامت جلست على كنبه مفرده لحاالهاا .. ابتسمت لهاا اعااندهاا .. ههه والله انهاا تحفه امس كاانت تتمصخر علي .. بس بعدين صاارت كتله حيااء متحركه .. وانا صرت جريء معها ... سبحان من يولف بين القلووب







يــــــــــــتــــــــــــــــــــبع

انفتح المصعد وطلع فيصل ومن ورااه منال : ياااحياا الله من جااناا ... هلا بالعرسااان
قامت نجوود جري وحضنت عمهااا بقوووة ... حتى ان عصاااته طاااحت على الارض .. وكاانت تبكي على صدره وتشهق

فيصل: هي وش فييك تبكيييين وش مسوي ببنتناا ؟!
منال جاتني وحظنتني وتمسكت فيني : هييي كله ولا اخوووي ... الف مبروك حبيبي
بست رااسها : الله يباارك فيييك

فيصل : نجود وبعديين معااك
نجود بعدت عنه : وحشتني مررررره .. ماابي اتركك
ضحك فيصل بصوت عاالي : احلفي بس ؟!! مشعل البنت ماااتبيك تقوول يمرض
نجود بتلقاائية: لا وقسم بالله ماقلت كذا
منال وهي تروح لهاا عشان تسلم : طيب ولا تزعلين مااقلتي .. بس مااسلمتي علي ولا ماوحشتك
نجود : الاا والله .. وسلمواا على بعض

جلسنا كلنا بالصااله ..ونجود سالت: ويين كااشخيين ؟!
رد عليها فيصل: حلوو خلصت بكى وبدت تحقيق
منال: فيصل حرام عليك : راايحين عن اهليي الغذا عندهم اليوم عشان عماااتي
سالتها : مااسااافروا ؟!!
ردت : لا ابوي عزم عليهم .. لا تنسى تجيب مرتك بدري من عند الكوفيره
سالت : أي كوفيره ؟!!
جاوبتوه منال : الكوفيرا الي بتوديها لها العصر ..مااقلتيله ؟!
ردت نجود : لاا ماااقلت نسيت
فيصل همسلي : استلم اللحيين المشاااوير
رديت بنفس مستوى الصوت : الله يعيني .. كل من مرتك .. ولا نجود كانت نااسيه

جلسنا معهم ربع ساااعه .. اخذت نجود بعدها وطلعناا نتغذا برى .. وطبعاا اتصلت على اهلي قبلهاا وسلمت عليهم ..ووعدتهم نكون بعد المغرب باذن الله عندهم




اليوم عندهم ضيوف صحيح عماته يعرفهم من كان بنت.. لكن الرجاال ؟! يعرف اسماء واشكاال .. ومو كلهم بعد العلاقة بينهم شبه مقطووعه ... حتى كل عماااته ... مو جاين مع عياالهم بس البناات .. اما الرجال فما رح يتركون اشغالهم لعرس ابن العم الغير الشقيق

× بدر ×

حييت ضيوفناا ورحبت فييهم ... اخذت وقت الي مااقدرت اني اتقبلهم .. ماادري ليه مااحبهم كثير لاهم ولا عمااتي .. يمكن بسبب البعد بينا ... ويمكن لاني اشوف الحسد بعيوونهم ... مع ان الوالد مو مقصر معهم لكن ماقدر يوصل لقلووبهم .. مع ان الي يشوفه اللحيين ييقدر يشوف الفرحه بعيوونه بكل بسااطه
استئذنت ارووح اشوف الغذا .. طلعت من المقلط الخاارجي واتجهت للباب الخلفي للمطبخ .. فتحت البااب وعلى طوول دخلت حتى من غير لا اتنحنح ... لقيت وحده جاالسه ع الطاولة ومعطيتني ظهرهاا .. رجعت بسرعه على ورى واتحنحت اعلن عن وجوودي

نسيم : بدر تعال مافي احد
دخلت : اووق هاذي انتي مااعرفتك ... وش تسوين هناا ؟!! ومسحت على راسها
ردت وهي ماطه شفتها بطفش : ياااخي طفشاااااااااااانه اوووف مااحب اجلس مع نااس مااعرفهم ..وفوق كذا اعرف انهم مو هااضمييني .. ومشفقييين عليا

قلت : نسووم لا تصيرين حسااسه وين الثقه بالذات ...؟!!
ردت : أي ثقه الله يعاافيك .. والله ان التلميحااات تفتت الصخر ... ياخي يعلقون برااحتهم يشفقوون بس مو ضروري اسمعهم ... ترى اناا عمياا مب صماا .. وتصدق بنات العمات المحترمات يبون يشوفوون راكان بن حثلييين الي تنازل وخذاااله وحده عمياااا

ضحكت : ههههههههههه قووولي كذاا .. انتي ماتبينهم يشووفوون حمد ويتغزلوون فيه
عصبت : شف انا بايش وهو باايش .. بدير لا تقهرني اكثر مما انا مقهووورة

قلت لهاا : نسيم اذا هم تفكيرهم محدوود وضيق لا تصيرين مثلهم ... لا تسمحيين لهم يحطمون ثقتك بنفسك ابد ترى بعد الزواج بتسمعيين اكثر من مجرد تعليقات سخيفه اذاا بتمليين من اللحين وتخلين عن مثاابرتك ماله دااعي تتزوووجيين وتدمريين زواجك بييدك ... الي تمرين به اللحين بس كله توتر لان حمد جاي اليوم .. ورح تجلسين معاه لاول مره لحاالكم .. انتي خاايفه بس من لحظة اللقااء .. لا تفكرين ابد بزياارته .. وحاولي تستمتعي بيوومك .. واذا صار بن فاضل قدام عتبت بيتناا ساعتهاا بس فكري فيه

زفرت بملل : الكلام سهل
رديت : ادري ... عشان كذا اقوله .. اللحيين وين الشغاالاات خليهم يجهزوون السلسطات والسفر ولا ينسوون العصيراات .. الغذا بالطريق جااي .. وقولي لاامي ان الصحون حقتهم بيحطها السواقين هناا .. اما حقت فبندخلها على طووول للمقلط

هزت رااسها معنى طييب ...وسالتني : ماابتدخل تسلم ترى يبون يشووفون ولد الثانيه على قولة عمتك مووضي ..ادخل وسلم وتنقى عرووس مره وحده

درت اطلع من المطبخ : اقول لاا تكثرين هرج ورووحي لامي يااللاااا





جلس من بعد الغذا لحاله بجناحه الخاص .. مانبالغ اذا قلنا انه يعد الدقاايق والثواني للعشاء اليوم .. يبي يشوفها ويتحدااها وجه لوجه .. البارحه قدرت تستفزة بكلاامها .. واعلنت له التحدي وهو من النوع الي مستحيل يقبل بالانسحاب او الخسارة باي تحدي.. هالكلمتين ماالها أي اعتبار بقااموسه

× حمد ×

ابتسمت وانا احاول اجمع صورتها بخياالي .. بصرااحه مااذكر تفاصيل شكلها .. الي اذكره الرااحه النفسية الي حسيتها فيها اول مااشفتها .. والي مشوقني لشوفتها اليوم .. التحدي الواضح بكلامهاا .. كنت اعتقدها انا بتكون خاتم بااصبعي بس الظاهر اني توقعي ماارح يكون بمحله .. وانهاا انساانه معتزة بنفسها بشكل كبيير .. امم رفعت من نسبة المخاطره بالزواج .. بس مايخالف ... راسها ماابيكسره الا اناا ..قال مالك كلمه بنشوف ياابنت خالد .. بنشوف ياانا ياانتي

دق الباب : تفضل
دخلت نوير .. وبيدها كوب الكابتشينو .. ابتسمت لي .. : الكابتشينو وصل
قلت : اخيراا ... نسيته
مدت بوزها : احمد الله مسويته لك
رديت : كان قلتي للشغاله تسوية
ردت علي : لاا عشان امن عليك
ابتسمت: الله لا يحوجني لك .. اجلسي
جلست ع الكنبه الي مقابلتني .. وتربعت .. : هي ياشاايب وش صار على شغلي ؟!!
فتحت عيني : شاااايب ؟!! في وحده تعاير مديرهاا المرتقب ؟!!
ردت : ايه انه .. المهم قراار التعيين متى رح توقعه ؟!!
اخيرا بدأت احس انهاا رجعت مثل ماكانت زمان .. نوير الي كلها حيوية ونشاط .. نوير الي شخصيتها قوية . وطموحها عااالي وان شبح سالم بدأ يختفي من قدام عيونها

رديت : ماارح اوقع أي شي .. الوالد راافض تماما شغلك بالشركة وانا طبعا معاااه بذا القراار
فتحت عينها : من متى تتفقون ؟
جاوبتها : الي يسمعك يقول اعداء ؟!! اذا كنت اختلف معاه باشياء فهذا مو معناااته اني بعاارضه على طول الخط .. الا مانلتقي عند نقطة من النقاط

مدت بوزها : وهذي النقطه اناااا
ابتسمت بشيطنه : اييه نعم
قالت : وومكن اعرف السبب ؟!!!
رديت عليها : اولا لانك بنت عبدالله بن فاضل .. ولو بتشتغلين بالشركه معناته تحتاجيين منصب عاالي .. ونحن مااعندناا وظائف شااغله تتوافق مع تخصصك العلمي .. وحتى لو عندنا ماارح نوظفك لانه وبكل بسااطه مانقبل ان بنتناا تشتغل بين الرجال .. لا تنسيين مهما كان وضعنا الاجتماعي وبيئتنا الناس بتااكل وجيهنا

ردت بضيقه : من متى حمد بن فاضل يفكر بالناس وكلام الناس .. انت طول عمرك الناس اخر همك .. وبعدين يالمتعلم بمدارس اوروباا .. شلون تفكر بالرجعيه هااذي .. انا ان اشتغلت محد بيقدر يفتح فمه علي بكلمه .. واعرف شلون اوقف الي قدامي عند حدوووده

رديت : وهذا نحن واثقين منه ومايقبل راي ثااني ... بس حتى انا الي تعلمت برى اعرف وش يعني مره تششتغل وسط الرجال .. والهمز واللمز الي يطاالها .. وسمعه المره عندنا مااتتحمل كلمه عليهاا فشلون لو كانت المره عندهاا الي يكفيها واكثر ؟!!

ردت : بس انا ابي اشتغل مو عشان الفلوس وانت ادرى بذا الشي
رديت : ادري .. بس في شي انتي غافله عنه ؟!!
سالتني : وش تقصد ؟!!
جاوبتها : سالم
قست ملامح وجها : وش يخصه ؟!! ساالم صفحه وانطوت
ابتسمت بجواتي .. لكن حرصت ماتوصل لشفاتي : سالم الى الان زوجك .. وحق وواجب تشااورينه ..مهما كانت العلاقة بينكم متازمه ومهما كان بغضي له .. لكن هو زووجك عجبني ولا ماعجبني

ردت علي : سااالم ماعاد زووجي .. شف كم لي هنا .. ماكلف نفسه يتصل ويسال عني .. ولا حتى فكر يرجعني .. خله فرحان بالعروس الي تزوجهاا .. نفسي عاافته يااااحمد .. وابيك تطلب منه يطلقني خلااص ماعدت اقدر اتحمل وجوده بحيااتي

رديت عليها : يطلق ؟!! متأكده انك تبين ذا الشي ؟!! الطلاق مو لعبه يااانوير .. وانتي تحبينه .. و
ردت مقاطعتني : انت الي كنت تقول مااارح ترجعني له اشوفك غيرت رااايك
رديت عليها : ادري .. وانا عند كلمتي لو ماتغير .. لكن لو تغير واعتدل ماابترجعين له ؟!! قراارك هذاا نهاائي مو نتيجه قلب مجرووح ؟!! نوير احسبي حسااابتاااك زيين لا تستعجليين

ردت : انا تاخرت .. تااخرت كثير يااحمد .. ومابي اتاخر اكثر .. يكفييني عشر سنيين ضااعت من عمري .. ماابي اضيع اكثر من الي راااح في انتظار شي يمكن يصيير وبالغااالب انه مااارح يصيير .. انا خلص عطيت ساالم العذر الي ييبيه .. ومااعاده ملزوم يخليني .. صدقني لوما الناس وكلااامهم كان مطلقني من يوم ماطلقت اخته .. لكن وش يقولوون الناس عنه مطلق بنتهم لان ولدهم طلق ؟!! يطلق بنت البن فاضل الي اهلها واصليين ؟!! بنت الحسب والنسب ؟! ولا تهقى ليه الرجاال يبقى على مره ماتجيب له عيااال؟!

رديت عليهاا : طيب ليه صبرتي ؟!
ردت علي : لاني احبه
سالتها : واللحين كرهتييه ؟!!
ردت علي : مااكرهته .. وصعب علي اكرهه ماانكر .. لكن الي مايقدرني ماااقدره .. خلني احاافظ على بقايا كرااامتي ياااحمد .. حمد نسيم لا تسوي فيها سواه ساالم .. لا تظلم بنت النااس وتذوقها المر

رديت عليها اقطع أي حوار ممكن : مااارح اظلمهاا واللحين ممكن تهويييني ابي ابدل
ردت علي : طيب .. بتودينا بالليل ولا الساايق ؟!!
رديت : بودييكم .




كانواا يتغدون بالمطعم ... الجو بينهم حلوو .. والسواالف مااخذه طريقهاا .. الحاجز الي بينهم بدأ يتلاشى خصوصاا وان نجود بطبيعتهااا اجتماعيه ونشيطة ... وهو مستمع ممتاااز

× نجود×

مااكنت اعرف ان القعده معااهـ حلووه ... كنت من قبل زواجنا اعتبره لغز خصوصا واني مااعرفه ولا قد شفته بحياااتي ... احس برااحه معااه .. مع اني اتكلم اكثر منه .. هو بس يسألني اسئلة
قالي : ادارة موارد بشرية .. حلو التخصص وله وظايف بمجالات كثيره
رديت : ايه له كثيير
سالني : طيب ليه ماااشتغلتي بعد التخرج ؟!!
رديت : عمي مارضي مع اني ابي اشتغل .. بتخليني اشتغل ؟!!
ناظرني بتفكيير... واناا بداخلي ادعي انه يووافق ومايطلع معقد زي عمي .. مسك كاسة عصييره وشرب منها شووي واخذ لقمة من الفوتشيني الي قدامه ... واناا بس منتظره يرد علي وهو ماارد .. اللئيم عاارف اني انتظر رده لكنه يحرق اعصابي

فجأه ضحك بخفه : ههه ... شوووي لا تنطييين بحلقي
انحجرت وانا اشوف شلوون لاصقه بالطاااوله وماده رااسي لاني ابي اسمع الجواب ... رجعت على ورى وواسندت ظهري ع الكرسي .. وطبعا بما اني تفشلت برطمت بس على خفيف

علق : اللحين انا ماااقلت لك راي وبرطمتي .. يعني لا قلت رااي بتزدااد البرطمه ؟!!
رديت : اناا ماابرطمت ..وخلاص ماله داعي تقول عرفت راايك بالشغل
رد : طيب ابتسمي وكملي اكل
رديت : الحمدالله شبعت
علقت : بس انتي ماااكلتي شي
رديت عليه : يعني لااازم امسح الطبق ؟!! ولا لاازم اكل ليين اصير برميل زييك ؟!
عضيت شفاااتي ... وش ذا الرد الغبي اكيد اللحين بيزعل .. بس ملامحه مثل مااهي ماتغيرت .. كمل اكله وسفهني .. حتى طول ماجلسنا وشربناا القهوه بعد الاكل ... ماااتكلم .. الا لماا قمنا وطلعناا .. صلينا العصر بواحد من المسااجد الي بالحمرا

سالني : بترجعين البيت تبدليين ولا بتروحين الصالون
رديت واناا احس نفسي مخنوقة من اسلوبه الجاف : لا برووح الصاالووون
سالني : تعرفيييين مكااانه ؟!!!
رديت : ايه ... وعطيته العنوااااان
وقف قدام الصاالون ... وساالني قبل لانزل : كم رقم جوالك ؟!!
اعطيته رقمي ..ونقلني رقمه بكل بروود وقااالي : متى مااخلصتي اتصلي علي
قلت له : مشعل انا ماا
قاااطعني : انزلي ورااي مشوووار
قهرررني .. نزلت وصفقت باااب السيااارة بااقوى ماااااعندي ... وييييييي عاالي الصوووت .. تصدقوون مشيت بخطووات مره سريعه لاني كنت خاايفه ينط علي ويخنقني




البااارحه مانمت زييين ... الكنبه مب مريحه .. وماقدرت ترتااح من الكوابيس الي تشووفها .. قلقهااا على امهاا فوق الوصف .. تخااف تفقد اغلى شخص عندهاا .. راافقتهاا طوول الييوم ... هي الي ساعدتها بالوضوء هي الي اكلتها بيدها ... وهي الي جلست جنبهاا ترتل على مسمعها اياات من القرااءن

× لطيفة ×

كنت اقراء لامي اياااات من القران من سورة الاسراء.. وقفت القرايه وانا اسمع صووت بكا امي .. حطيت المصحف ع الطااولة وجريت عليهاا ...مسحت دموعهااا وحاولت تصرفني : اشبك ؟!!
سالتها : اشبي ؟!! امي اشبك انتي ؟!! في حاااجه توجعك ؟!! انااادي الدكتوور ؟!!!
امي : لا يابنتي ماالو دااعي .. مافيا حااجه
سالتها : طيب ليش تبكيين ؟!!
ردت : يااابنتي خشعت مع القراءة
ماادخل كلاامهاا مخي ... انا ليا سااعه اقرا ... دوبوا قلبها خشع ؟!! تذكرت الايات الاخيره الي قريتها

(وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَآ أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيمًا وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا )

ايات البر .. عبدالعزيز !! تذكرتواا ... لا حول ولا قوة الا بالله

سالتها : زعلاانه من عبد العزيز ياامي ؟!!
تنهدت : الله يهديه لنفسوا ... ماقلتي لي كيف الفرح امس ؟!! كيف طلعت صحبتك ؟!
رديت : تصريفه محترمه.. طلعت مااشااء الله تجنن
امي : الله يبارك لهم ويهنيهم ... ويرزقك يابنتي باللي يستتك ويهنيكي

امنت بقلبي ... مو عشاني لاا .. عشااانها .. ابغى اتزوج واخودها معاااياا بعييد عن عقوق عبدالعزيز وبلاااوي مرتوو .. مع اني عاارفه ان جوز المستقبل مو مكلف يهتم فيها .. بس اترُكها لميين ؟!! امس طااحت تعباانه محد سأل عنهاا .. وصرناا قريب المغربيه وهو مااجااا كل الي سواه انو اتصل يشوف اذا صحيت او لاا .. والله لو الي بالمستفشى مرتو ولا صااحبوو كان جاا جري

استغفرت بصوت مسموع وانا اسمع جوالي يرن .. قمت ارد علييه . شفت الشااشه .. جوودي يتصل بك
ابتسمت : هلاا بااحلى عرووسة

نجود : السلام عليكم
رديت : وعليكم السلام .. كيفك يااعروسة .. اخباارك ايه؟!
ردت : الحمدالله
سالتها : ليش متصله هاا ؟!! لحقتي طفشتي الرجاال ؟!
ردت : انا اصلا بالصاالون .. عند اهله عشا فلااازم اسوي شعري واتضبط
سالتها: واشبك تقولينها وانتي قرفاانه من عمرك ؟!!
ردت : صار مع مشعل تتش قبل شووي
فتحت عيني : انتي لحقتي ؟!!
نجود : لطيييفه انا مو متصله تزيديني شووفي لي حل
امي ساالتني : اشبها ؟!
وخرت السماعه : زعلت زوجهااا
امي افتحتي السماعه خليني اسمع ايش سووت
نجود : لاااا ماله داعي تفضحيني عند امك كماان
قلت لها : يااشيخه اتلهي
فتحت السمااعه الخارجية : كيفك ياانجود .. مبروك ياابنتي
ردت : الله يباارك في عمرك ياااخالة ويخلييك .. عقبال لطيفة
ردت امي : بحيااتك ... نجود أي مسويه ومزعله الراااجل ؟!!
نجود : ماسويت شي هو زعل لحااله .. كل ألي قلتوو .. تبغاني اكل ليين اصير برميل زييك ؟!!
شهقت : ايش ؟!! انتي هبله ؟!! في وحده تقول لجوزها كذا ؟!!
نجود : ماااااكنت اقصد .. بس هو قاااهرني لما ماارضي اشتغل .. وانتي تعرفيين اتكلم من غير لاافكر ايش اسووي الكلمات كاانت طلعت من فمي .. مااقدر ارجعهاا ثااني مره

امي ردت عليها : طيب يابنتي مدام جوزك مستريح "دوبا " كان رااعيتي مشااعروو ... وبعديين بدري تتريقيين علييييي بوجهوو .. اصبري شهر . شهرييين .. الين مااتتعودوون على بعض .. ياابنتي في بداايه أي جوواز الرااجل والست .. يدووروون على اغلااط بعضهم وعيوووبهم .. بس العااقلييين .. هما الي يتحملوا هذي العيوب ويحالوو يصلحوهاا واذا ماقدروا يصلحوها يشوفوو حسنااات الي قداامهم ... ويركزوا عليها وانتي وجوزك الزعل الي بينك حتضحكواا بعدين عليه .. بس لما يجي رااضيي يااابنتي لااايناام وهو زعلااان وشاايل علييك بقلبواا .. واصحك تدخلي مشااكلك غرفة النووم ..ولا تفتحي معااه أي مشكله ع الغذا ولا وهو جاي من شغلوو .. وبعديين ياابنت اتدلعي عليه .. يعنيرح تغلبوا ياابنات اليومين هاادي ... انتواا مو شاطرين في حاجه قد مو شااطرين بالدلع

قفلت المكبر : اميي .. كفايه .. نجود فهمتي ياااستي
نجود بصوت مرتااح : فهمت ... سلمي على امك .. الله يجزاها خيير ... يالله اخلييك اللحين بصلي المغربية ترى يأذن
قفلت السماعه منهاا ... ومسكت قربة الجيلكوز .. وساادعدت امي ترووح لحمام " وانتم بكراامه " وتتو ضأ من بعد مااتوضت جبتها وجلستها على واحد من الكرااسي .. كنت احاول معاها تصلي وهياا جالسه لكنها رفضت واصرت تصلي واقفه واذا تعبت او حست بدوخه بتجلس على الكنبه .. صلت اول ركعه وااقف بس مااقدرت تنحني وتركع.. فجلست وصاارت تومئ بالركوع والسجود ... بعد مانتهت من صلااتهاا رجعتهاا للسرير وغطيتها .. ورحت انا اصلي فرضي






دخل من الباب الخارجي للمطبخ .. وخلا الشغاله تشوف له اذا الصاله فااضيه ... بعد مااكدت له ان الطريق سااالك قدااامه .. طلع وغير ثووبة ..ولبس بنطلوون جييينز كحلي وقميص ابيض مخطط بشكل طوولي باللون السمااوي .. زاد من طوول جذعه ... جاا بينزل بيطلع من البيييت .. الا انه سمع اصووات بناات بالصااله الخارجيه

× بدر ×

اووووف هذيل مو بالمجالس ... وش مطلعهم الصاااله .. استغفر الله العظيييم .. وطلعت جووالي .. واتصلت على مناال .. تشووف لهم تصرييييفه

سمعت صوت رن موباايل منال بالممر .. طلعت من غرفتي ..واناا اغلي .. لاني تاخرت على موعدي .. وفوق كذاا انا الي لااازم امر ع الطباااخ واحاااسبه

صرخت : مناال خذيهم من ... جمدت عيووني ع الي وااقفه قبااالي ... هاذي مو مناااال
ردت علي البنت : منال رجعت غرفتة نسيم تبي اغراضها منهاا
ذي لسى وااقفه ليه مااذلفت ؟!! .. ارخيت بصري.. : مممكن تذلفييين من قدااام وجهي وتستريين نفسك ؟! وش قلة الادب هااذي ؟!!

ردت علي بقوارة : توك من شوي تبحلق

صااارخت : منااااااااااااااااااااااااااال







نلتقي باذن الله الخميس القادم