inay
الاروع مروورك يااقلبي
حرام عليكي شكلك تبي تبهدلي لطيفة كثيير

الدلال Q8
وعليكم السلام .. هلا مسهلاا
تسلمين يالغلا .. وان شااء الله تعجبك الين النهااية
عجبني حكاية اعطي نسوم عيون اسوم .. يااواااد ياامصحصح

cute.crazy
الله يعاافيك



فروحه
وعليكم السلام ورحمة الله وبركاته
نسيم انسانه ذكية .. واكيد رح تلتمس العذر لاهل حمد
الله يسلم عمرك ويخليك يالغلاا


سراب الامل
الله يسلمك يالغلاا .. ولا يهمك اهم شي تكوين بيضتي الوجه بالامتحانات
حرام عليك عاد مو خالف تعرف مره وحده


طيف أنثى
الله يسلمك يالغلاا
لاا حبيبتي مو بس غلطت الاهل .. اسوم تتحمل جزء كبير من الغلط .. لانها عاقلة ومتعلمه .. اهمال الاهل مو دافع كاافي للخطأ .. ابوها صح تصرفه مليون باليمه غلط .. لكن كثير من الاباء العار ماله الا الدم


خطوات ورده
انتي عجزانه تردي .. واناا عجزانه اكتب .. متساااوييين خخخخ
نسيم يااحبيبتي بتعجبك اكثر واكثر بالجاي ان شااء الله .. بتشوفين بتنشف ريق ذا الحمد

ميثان
لا تشرهييين .. الكبر شيين

الفصل السادس والعشرون
والتقى قلبين

خلاص .. كلها يوم ويحين موعد الزواج ... بقدر ماهو فرحان .. بقدر ماهو متضاايق بسبب زعل اخوه .. لهم خمس ايام الكلام بينهم .. مجرد سلاام .. وعليكم السلام .. وقدام اهلهم بس .. كل واحد منهم شايل ع الثااني .. مشعل شاايل على بدر الي رفض يسمعه .. ورفع صوته عليه ... وبدر شايل على اخوه انه مشكك فيه وباخلااقه .. اهلهم يدرون باللي قاعد يصير بينهم .. الا انهم حتى الان رافضيين يتدخلون على امل ان عياالهم يتصرفون بنضج .. ويحلون خلاافااتهم بنفسهم .. دون تدخل أي احد

× مشعل ×
ماادري ابوي متى بيرحم نفسه من ذي المزرعه !!! .. له يومين فيها لحااله .. وقايل انه بيرجع اليوم بعد الظهر .. الله يهدية مااعرف متى بيرتااح .. هذا والدكتور موصية ماايجهد نفسه ويريحها

السلام عليكم ..
رفعت راسي وناظرت بدر الي نازل كالعاده متشخص على سنقة عشر وريحة عطرة تسبقة باميااال .. ورديت السلام : وعليكم السلام

بدر لامي : الوالد مااتصل ؟!!
امي : لا ماتصل .. اكيد انه بالطريق .. نازل الشركة ؟!
رد: ايه يمه ... واخذ شريحة توست ودهنا بالجبن
امي : مشعل .. بيتك خلاص جااهز مو نااقص شي؟!
رديت : لا كل شي جااهز الحمدالله ..والمواد الغذائية الباارحه جبناها
نسيم : الانااقصه اهم شي
سالتها : وش ؟!!
ردت : نجوووووووود

ارتفعت عيني لا ارادياا ببدر .. الي ملاامحه كاانت جاامده تمااما .. حط قهوته ووقف وبان طوولة الفاارع ووجهة كلاامه لامي : يمه لو سمحتي ابيك بموضوع

امي : خير ياولدي تكلم محدن غريب
رد : معليه يمه السالفة خااصة
علقت نسيم : والله وصار عندنا اسراار ياابدووور
قرص خدها : خلك بحاالك يااالملقووفة .. ترى الرجال ماايحبون الملااقييف
استحت : مالت على وجهك
قامت امي معااه ..ودخلو لمجلس ابوي
نسيم : اخوك للحيين زعلان ؟!
رديت عليها : اعتذرت له ومااقبل اعتذاري .. وفق كذا صاارخ بوجهي
نسيم بصراحه : اجل تبيه يصفق لك ؟! لا تنسى انت جرحته

قلت لها : نسيم افهميني .. ليه احس انكم مو قادرين تفهمون وجهة نظري ؟!! انا لما اقول اني اغار منه او احاول انسى انه بيوم كان نوران .. مو لاني اشك بااخلااقه لاا .. نسيم افهميني .. انا مااعرف شي عنها.. هي بالنسبة لي لغز كبيير .. بحيث انها له كتاب مفتووح .. تخيلي انها بيوم من الاياام بتتكلم عن ذكريااتها مع اختي الي مفروض تكون ميته .. الا ماابتمر قدااام عيني صورة بدر .. الا ماارح اشووف بدر معهاا .. قد مااقول ان نوران ميته .. نوران ياانسيم ماامااتت .. نوران بدر قبلت ولا رفضت

ردت علي بهدوء : طيب !! وبعدين وش بتسوي ؟! زواجك مابقي عليه الا يوميين .. اذا نوران حاجز بداخلك ليه ربطت بنت الناس فيك ؟!! ليه ما رفضت ترتبط فيهاا وريحت نفسك وريحتنا من كل هذا؟!! مشعل انت لك رغبة بالبنت او لا ؟!!

رديت عليها بصراحه : ابيها .. انا ابيها يانسيم .. كلامكم عنها مخليني اتمسك فيها
قالت : اجل انفض هالافكار الغبيه من عقلك .. كلها وسااوس .. ولا تخلي الشيطان يخرب الي بينك وبين اخووك ..صدقني بدر مستحيل يفكر باي شي غلط اتجاه نجود .. لان بدااخل بدر .. نوران وذكريااتها مااتوا وانتهى امرهم .. لاا تقعد تنبش الرماد لانه بيعور عيوونك .. ولا تجرح بدر اكثر

وقفت : يصير خير ان شااء الله




كان جالس ومبين نفسه انه هاادي .. رغم انه بدااخله برااكيين ...من سمع اسم نجود.. التقت عينه بعيين اخووه .. وثارت احااسيسه من اول وجدييد .. صحيح ان مشعل جا واعتذر لكنه مو قادر يساامحه .. حس اخوه يشكك باخلاقه .. رغم ان مشعل عمره مافكر بشي سيء

× بدر×
قمت انا وامي ودخلنا للمجلس الداخلي . : خير يابدر وش فيه ؟! وش الي ماينقال قدام اخوانك؟!!
رديت : كل الخير يمه .. يمه انا ابي اتزوج
هديت ملامحها . واترسمت ابتساامه على شفااتهاا : من جدك ؟!!
رديت : ايه يمه ترى الموضوع ماايقبل المزح .. ابيك تخطبين لي
ردت علي : اخطب ؟!! عينك على وحده معيينه من جماعتنا
رديت وانا احس نفسي محبط : أي جماعه يمه .. والله بناتهم مااعرفهم .. اخر مره شفتهم من سنتيين وفوق كذا بالعييد ... يمه بصرااحه ابيك تخطبين لي لطيفة

سالتني : من لطيفة
رديت : يمه صديقتي من اياام الجاامعه .. الحضرية الحلووه .. ام شعر بني ومخصل باشقر وعيونهاا عسلية فاااتحه .. بيضاا .. بطول منال .. بس اتخن شوي و

امي : بس بس .. مابقي الا ترسمها لي
استحيت مااحسيت بنفسي وانا اتكلم

امي : بدر وش تبي فيها ؟ ليه ماتاخذ وحده مانعرفها ولا تعرفك ؟ يااولدي مارح تقبل تاخذك وانت كنت صديقتهاا ؟!! ليه تفشل نفسك وتفشلنا

رديت : يمه ومن قال اني بقولها عن نوران ؟!! يمه انا مستحيل اقول لاي احد عن مااضي .. مستحيل اقولام ترى انا عشت ثلاث ارباع عمري بنت .. من يقبل يزوج بنته يوم لرجال لبس ثياب البنات وعاش عيشتهن ؟! يمه انا انا اعرف لطيفة زيين .. اعرف اخلاقها وشلون تفكر .. يمه انا احبهاا ورغبااان فيها .. وماااتمنيت زوجه لي غيرها ... يمه انا لما كنت افكر فيهاا وانا نوران .. كرهت نفسي لاني كنت اميل لها .. والحيين بعد ماصرت رجال يومه تبيني اشوف غيرها والله ماقدر يمه .. ماقدر

ردت : والله يااولدي داامك رغبان فيها .. مااارح اعاارضك .. بس خلناا نخلص من عرس مشعل وعرس نسيم وبعدها نخطبها لك

حسيت بخيبة : يمه وش بعد عرس نسيم ... لسى بااقي عليه شهر .. اخاف البنت تطيير .. يمه اكيد بيخطبونها واكيد كره بتحضر وهي متكشخه .. وبتطير عيون الحريم فيهاا

امي ضحكت : هههههههههه يااولدي اركد ... لو لك نصيب بالبنت بتاخذهاا .
قلت : ان شااء الله .. طيب يمه اخطبيها ع الاقل لي
رد : طيب بنخطبهاا .. ولا يهمك ... ولا وصرنا نبي نتزوج
استحيت منها .. مادري .. هل هو بقاايا انوثه .. مامااتت : عن اذنك يمه .. بروح شغلي
امي:لحظة ياابدر
جست مكاني : امري يالغاليه
امي : وش بينك انت واخوك
رديت : ماافي شي يمه
امي : يااولدي .. أيا كان الي بينك وبين اخوك .. فهو مايستااهل .. انك تقعد خمس اياام ماااتكلمه .. يااولدي انت ويااه مالكم الا بعضكم .... واخوااتكم مالهن الا انتم من بعض الله .. لا تخلوا أي شي مهما كااان كبيير يفرق بينكم .. لا توجعون قلبي يااولدي

وقفت وبس راسهاا : ولا تزعلين نفسك يالغاليه .. مااابيكون بينا الا كل خير .. عن اذنك

نزلت من الصاله الدااخليه .. وقابلت مشعل اخوي .. كل واحد منا يبي يعدي .. انا كل مارحت يمين .. لف يميين .. واذاا جا ع اليساار ... جيت انا ع اليساار .. اليين ماصرنا متقاابليين .. ابتسمناا بوجه بعض .. ومد ايده يصافحني .. ماقدرت اترك ايده ممدووده .. مديت ايدي وصاافحته .. الا انه سحبني لصدرة وضمينا بعضناا

مشعل : حقك علي
رديت : انت الي حقك علي .. ادري اني مصختهاا ... وانت كل الي قلته صحيح .. بس انا الي مااقدرت افهم .. ويمكن عمري ماارح افهم زيين الا اذا كنت في مكااانك ... وبست رااسه ... لا تزعل يااامشعل

مشعل بابتساامه : عمري مااازعل منك يابدر انت اخوي الوحيد .. انت سندي وعزوتي
رديت ابتساامته : تعيش يااابو خالد .. رح اللحين يااعريس كمل اشغالك وبرووح اناا ورى اشغاالي





تمددت من بعد مااحطت قناع على وجهاا .. وشريحتين خياار على عيونها المغمضة .. تمددت بالصاله والهدفون باذنها تسمع محاضرة عن الزواج ... وطبعا لطيفة جايبتها لهاا .. لتاهلها نفسياا للزواج

× نجود×
حسيت بشي يهز رجلي .. وش ذاا اووف .. ليه الدينا فيها نور .. حسيت بالهدفون ينسحب : هيييييييييي انتي
فتحت عيني : خياااااااااااري
عمي فيصل : بالله وش ذااا .. سالني وهو مااسك الخياار بيده
قلت : عمي قناااع ..اهتم ببشرتي
رد : ومالقيتي الا تبسطين بالصااله .. ماعندك غرفة ؟!
رديت عليه : عمي ريحة القناع مو حلوه .. ماابغى يعفن غرفتي
رد علي : يااسلاام وتتعفن الصااله ؟! ووخر عن وجهي .. الله يقطع الشيطان وش ذا الريحه وشلون متحملته وين منال ؟!!

رديت : مرتك رااحت تشوف الطبااخه اذا خلصت
سكت وماقلت له ان حتى منال مسوية مثلي .. مسكين والله بيقرف .. خلييييه .. عمي انااديها
مشي ..: لاا خلك مكاانك .. ولا غسلي ذا القرف وربي ريحتك بيض ني
رديت : بيض ونشاا .. وعسل وحليب
عمي : بس بس .. مشي باتجاه المطااابخ .. مو قادر يصبر على فرااقها .. صاار يرجع كل يوم بدري .. اعتقد انه اول واحد يطلع من الشركه .. حركااات يااعمي

مشيت وانا متسحبه ورااه عشان ماينتبه لي .. الا انه التفت : وش تبين ؟!!
رديت : مويااااا
قالي : ارجعي انثبري مكااانك
رجعت لمكااني وانا مضاااايقه ... اوووف فوووت علي الاكشن .. يااللا بنعرف بعدييين




كانت واقفه مع الطباخه تتاكد اذا كل شي منتهي .. وحاطة نفس قناع نجود وقرفاانه مره من نفسها .. جات بتطلع من المطبخ .. تتسبح وتتجهز قبل جية فيصل الي بااقي عليها تقريبا ساااعه ... وماتدري الا بفيصل قدامهاا

× منال ×
طلعت من بعد ماتاكدت من الطبااخه كل شي جاهز ومابقي الا ينحط على السفره .. ياللا بقي اتسبح واتنظف وربي اني قرفااانه من ذي الريحه .. ماعرف نجود كيف متحملتها .. باقي على فيصل ساعه ويجي يااحلااته لو جااا وشااافني كذا .. بيقرف مني الرجاال ولا عااد يفكر يقرب مني .. فتحت عيوني على وسعها فيصل !! وش جااااااابه الييحيين ؟!!

فيصل : حتى انتي ؟!!
تعرفون الدموع حرقتني : ليش جيييت ؟!

عديت من عنده جري خصوصا وانا اسمع صووت ضحكته مااالي المكاااان ... يضحك علي .. اكيد وانا شكلي يجييب المرض ولا الريحه ...كله من نجود .. ان شااء الله تتفشل قدام مشعل مثل ماافشلتني قداااام فيصل .. طلعت لجناااحي .. ومن البااب ع الحمام " وانتم بكراامه " وبسرعه قياااسية تسبحت .. وماقصرت بالشور جل بريحة الخزامي ... يشيل الريحه المعفنه الي حسيتها ماسكه بجسمي كله مو بس وجهي .. وطبعا غسلت وجهي وحطيت عليه منظف باللوز والمشمش .. بش عشان تروح ريحه القناع .. لفيت شعري بالمنشفة ولبست روب الحمام .. وطلعت على تسريحتي على طول .. سحبت تولة العود وحطيت بمعصمي وورى اذوني كاان فيصل قااعد ع السرير وعينه علي وكاااتم ضحكته

التفت عليه : ان ضحكت ياااويلك
انفجر ضحك : ههههههههههههههههههه

حقدت عليه من قلبي .. رحت لغرفة الملابس .. وغيرت ثياابي .. لبست تنورة برمودا جينز .. مع توب موف غامق .. واخذت صندل "وانتم بكرامه " فلات ... طلعت من غرفتي وكان فيصل لسى ع السرير .. بس ذي المره متمدد .. طنشته .. ورحت لتسريحه .. مشطت شعري .. ودهنته بشوي كريم .. وبعثرته بيدي .. رفعته من قدام بوف .. وتركت البااقي مفتوح .. تكحلت وحطيت جلوس فاااتح .. التفت على فيصل الي مااتكلم ولا كلمه من طلعت من غرفة الملابس .. مادري شفيه ؟! قلبي معورني عليه .. رحت للسرير وجلست ع الطرف سحبت ايده الي تغطي عيوونه

حطيت ايدي على خده اتحسسه اذا مسخن : فيصل تحس بشي ؟ في شي يوجعك ؟!
سالني بابتسامه ذبلانه : ليه شكلي مريض
رديت عليه :ماادري شكلك يوقل في شي بس مادري هو مرض ولا هم !ماعرف !!!
اعتدل بجلسته : مافيني شي .. لا توسوسين
رديت : انا ما اوسوس .. اعرفك مثل نفسي .. وش فيك
قالي : متضااايق .. ماعرف كيف بتحمل غيااابها عني

ابتسمت : هذي سنة لحياة .. وكل بنت الا ماتترك بيت اهلهااا ... وان شااء الله ربي بيوفقها هي ومشعل .. لا تضاايق نفسك .. بالعكس انت مفروض تفرح لانهاا رح تستقر بحيااتها ... وتستقل .. وبعدين انت اخذتني من بيت اهلي .. حس فيهم شوي .. ولا حلاالك عليك وحرام ع النااس

ابتسم : تقدرين تقولين كذا
نزل رجلة اليمنى .. ومن بعدها اليسرى .. انتصب بقامته من بعد مااتكى على عصااته ... وصار ماسك عصاه بيد .. ومد الثانيه لي ... مابتقومين تغديني ؟!




نزلوا يتغدون .. كالعاده نجود كانت اول وحده قاعده ع السفره وتنتظرهم .. ابتسم لها فيصل بحنان وهو بداخله حزن كبير .. اليوم بس استوعب ان نجود خلاص مارح يبقى لها بذا البيت الا ساعات معدووده

× فيصل ×
مو مصدق ان هذي اخر مره بشوف نجود منتظرتني ع الغذا .. اخر مره بتبات بذ البيت .. البنت الصغيره كبرت وبتترك اصاابعها اصاابعي

نجود صفرت : اموت انا بالي لاابسين موف
ابتسمت منال بخجل .. واناا ضميت كتوفهاا بذراعي : لو سمحتي لا تعاكسين حرمتي
نجود : احلااا وطلعنا نغاار
ابتسمت وجلست بمكاني بصدر السفرة ... منال عن يساري ونجود عن يميني .. قربت من نجود وملت راسي كاني اشم ريحتهاا

قلت بقرف مصطنع : اوووف لسى ريحت بيض
نجود وهي تاكل ورق عنب : لا تبالغ ولا يمكن من كثر ما ... وعضت شتها السفلية
سالتهااا: وش كنتي بتقوليين ؟!!
نجود كانت منحجرة مره .. والظاهر انا كانت بتعكس بالكلام ...: مشفر ماينقال صح ؟!!
نجود صارت تاكل من السلطة بسرعه وتحشي فمها حشي عشان لا ترد .. ناظرنا اناا ومنال ببعضناا ومنال ابتسمت لي بخجل لانها عاااارفه نجود كانت ناوية تحرجناا بتعليق جريء بس زين استحت

مر الغذا هاادي... جلسنا نشرب الشااي... اشرت لنجود تجي وتجلس جنبي .. لكن ام لسان طويل مايفوتها ابد التعلييق : عمي سلاامة النظر ترى انا نجود مو الكحيلة

رديت : اتركي الكحيلة بحاالها.. تتعالي
جات وجلست جنبي .. قلت : نجود ابيك تسمعيني زيين وتفهمين الي اقولة لك و
شفت منال توقف وتبي تطلع : ووين ؟!
ردت : بجيب البسكوت
قلت : في بدال الشغاله ثنتين وفوقهن طباخه .. اذا تبين شي دقي الجرس بيجيبونه لك .. منال خلك قاعده مافي شي يتخبى عنك .. انتي قبل لا تكونيين اخت زوجها .. انتي زوجتي قطعه مني

منال ابتسمت وهي منحرجه .. ورجعت جلست على كرسيها وحركة شفاتها بصوت ووواطي : الله يخليك لي
نجود : ارفعي يااختي صووتك ... لا تسااسرين نفسك .. بعدين يقول انتي قطعه مني ماطلع معاك الا الله يخليك لي .. قولي سلمت يالغاالي .. انا كلي انت

سحبت اذنها : بس ارحمي لساانك شووي .. تركت اذنها وتكلمت بجدية .. نجود اسمعني وانا عمك من بكرة بتكونيين ضيف بذا البييت .. بتطلعين منه وبتروحيين بيتك .. انكمشت على نفسها ... الي كان مقبول هنا .. عند زوجك وحمولتي ماارح يقبلونه .. اللسان اذا ماانصااان .. اهان صاااحبه .. والكلمه ان ماانوزلت انحسبت على رااعيها ... محد يانجود بيفتح قلبك ويشوف كلماتك ان قالت عن حسن نية او قصد .. الناس مالها الا الظاهر ...مسحت على راسها .. الرجل قبل حب زوجته يطلب احترامها .. والمره مافيها خير ولا بعشرتها ان مااحافظت على قدر زوجهاا... وانتي لازم تحترميين مشعل وتقدرينه .. وماتحدينه ابد .. كلامة هو الي يمشي مو كلامك .. وان ماعجبك كلاامه .. ناقشيه بعقل بس تخيري الووقت ... تبين تكسبينه .. حبي اهله واحترميهم لا تقسين قلبه عليهم .. لان الي ماله خير باهله مابيكون له خير فيك

طول مااكلمها كااانت موطية رااسها ... رفعت راسها باصاابعي .. ووجها كان محمر بخجل وعيون مو قادره ترفعهاا فيني .. عكس تمام العيون الشقية الي تعودت عليها .. ابتسمت : مو شكلها حلو وهي مستحية !




جلس يتامل اخوه الي توه اليوم افتكر يشتري بشت .. كان سعيد وفرحان .. وهو يتمنى يكون بمكاانه .. وصار يتسائل اذا فعلا بيفرح مثل ماهو فرحان

× بدر ×
هذا يمكن رابع بشت يجربة .. وكل مره البشت يكون به عيب : مشعل اخلص ماصاار بشت يارجال
مشعل : مو عاجبني التقصيب .. وش رايك ذا .. ولا ذاا

طالعت بالنقشتين والله الثنتين تقريبا متشاابه .. بس هذا لان مشعل متوتر .. خلاص تفصله عن لحظة الصفر ساعات ..: امم هذا حلو
مشعل : مابتاخذ لك واحد ؟!
رديت : انت ناسي انا ماخذ دقلة
علق : ايه عشان تبين الطوول والعضل
ضحكت : هههه وانت الصاادق عشاانها شباابيه اكثر ... الموهم وش رايك كباكات عقيق او فيروز ؟!!
قطب حاجبه : فيروز .. طبعا لاا .. يبا عقيق .. لون رجاالي وحلو .. وماشي مع الخاتم .. ووراني خنصره الي يزينه خااتم من الفضه بفص من العقيق الحر

اخذنا اغراضه العريس .. ومرينا بااخر لحظة واخذنا له عطور ... وملابس جديده .. اخذنا اغراضه لبيته
فتح لي البااب : تفضل يااا بدر اسفرت وانورت
دخلت وراه : مااشااء الله تباارك الله .. مسكن مبروووك
ابتسم : الله يبارك فيك ... حلو ؟!!
رديت : والله عندك ذووق بصرااحه .. كلااسيك صحيح بس حلوو .. الرسبشن مره حلوو .. دخلت معاه للصااله واعجبتني الالوان التراابيه الغالبه ع المكااان ... جلست على اول كنبه .. الله يعيطك خير ذا البيت ويكفيك شره وعقباال مااتمليه عياال وبناات

ابتسم : بحياااتك
قلت له : اجل اطلع رتب اغرااضك بسرعه .. وخلصنا .. والله ان درت امي انك جااي بيتك يااويلك منهاا
قالي : لا تخاف .. مارح اخرب شي من الي رتبوه

طلع مشعل يرتب اغراضه .. وطبعا ماطلعت ويااه .. لانه مالي أي حق ادخل غرفة نومه .. خصوصا وانها اللحين ماعادت تخصه لحااله .. وانما في انساانه ثاانيه تشاااركه فيهاا ... مر علي تقريبا ساعه الا قضيتها اشوف التلفزيووون .. الين ماانزل وهو شاايل اكياس فاضية

سالته : انتبه تكون غيرت شي ولا خربت الترتيب
رد : تطمن ولا كاني سويت شي .. مع اني متاكد انهم بكرة بيمرون وبيكتشفون
رديت : الين بكرة يحلها الرحمن .. امشي قدامي .. ابوك متصل يسال وين العريس الصاايع
مشعل : والله العريس حاس نفسه كنه دااخل معركة
ضحكت وانا ادخل المفتاح بسياارتي : هههه معركة مره وحده
مشعل وهو يركب ويقعد بكرسي المعاون : اضحك مو انت الي داخل حياة جديده .. ومسئوليات جديده وربي كل مااتذكر اني خلااص بصير مسئول عن زوجه وبيت وان شااء الله عيال .. بطني تمغصني كاني داخل امتحان التوجيهي .. لا وانا تعرفني عملي مره .. فاهمني

حركة بسياارتي : فااهمك .. بس انت ان شاء الله قدها وقدود .. المسئولية انت شاايلها طول عمرك .. شلت مسئولية البدر ومنال .. ومسئولية نوران ونسيم .. حتى لما كانت نوران تبان مستقلة .. انت كنت بعد جنبها حتى بمحنتها .. صحيح انك عملي ياامشعل لكنك حنون .. والحنيه هي الشي الي بتدور عنه ..كنت بقول نجود لكني ترااجعت وانا اعرف غيرته .. حرمتك .. افهمها وقدرها .. بتحبك وتعطيك عيونها اسئلني انت ناسي اني عايش ثلاث ارباع عمري بنت .. واعرف البنات كيف يفكرن .. صحيح الرومانسية عندهن مهمه بس صدقني الاحترام اهم بكثييير .. والرومانسية مو مهم تعطيها هدايا وتجيب لها ورود .. لاا الكلمه الحلوه .. صدقني لو تقول للوحده منهن انتي حلووه بتعطيك عيونها ولا شلون تطيح البنات بشبااك الانذال .. الا لانه طول يومه يسمعها انتي حلووه وتهبليين

ابتسم : والله وصرنا نقول نصااايح
جاوبته : معلوووم لااحقينك ع الطريق
سالني بفرح : ناوي تتزوج ؟!!
رديت : ان شااء الله بعد زواجك بااخطب
رد علي بفرح : الله يتمم لك بخير
قلت وانا ادور الطاره والف .. : ترى السايق بيااخذ اللكزس .. الغسلة ومن بعدها وبيوديها تتشرع .. وع العشاا تكون جاهزة .. لاتنسى تمر الصاالون .. حجزت لك ياعريس .. الموهم اللحين رح تعشى ونام

سالني : العشى اكدتم عليهم ؟!
رديت : اكدنا عليهم تطمن .. والتذاكر نفس الشي اكدت الحجز .. ارتاح وتطمن ياعريس
قالي : سويت كل ذا وانت زعلان
رديت عليه : ابوي وصااني وماقدرت اكسر كلمته .. وصدقني زعلي عتب محب مو اكثر
ابتسم : والي قلته صدقني زلة لسان ماهي نية خبيثة ابدا
رديت : ادري من غير لا تقول




تمددت على فراشها وهي تطالع بيدها الي زينتها الحنا .. كانت نقوش ناعمه وانعكس حمارهاا بشكل حلو على بشرتها المياله للبياض .. قلبت عينها بالغرفة الي فضت تقريبا .. وماعاد فيها شي من اغرااضها الا فستان معلقته قداامهاا .. وبجنبه شرعتهاا

× نجود ×
حسيت بدموعي تحرقني .. ماني مصدقة خلاص اني بودع بيتنا .. صحيح ماعشت هنا كثير .. بس الراحه الي عرفتها هنا ماعرفتها بمكان ثاني من مات ابوي الله يرحمه ....ابوي .. والله اشتقت له .. ليه مثل هاذي البنت تتمنى تباات بحظن امها وابوها .. ابوي الله يرحمه .. وامي مااسألت عني .. تتعذر بحملها وانها تعبانه حتى جهازي مااراحت معااه .. منال هي الي رتبته وساعدتها لطيفة .... طيب وانا مو بنتها مالي حق .. ليلة زي كذا الام تمسك بنتها وتسمعها مليون نصيحه ونصيحه .. وامي .. ضغطت على شفتي وحبست دمعتي .. ضميت المخده بالم .. سمعت طق على باابي

قلت بصوتي التعبان : ادخل
دخلت منال وابتسامتها مزينه وجها الحلو : مانامت العروسة
رديت : يعني انتي نمتي ليلة زواجك ؟!
هزت راسها : لا والله
جلست جنبي ع السرير .. وحسيتها تبي تفتح معاي كلام بس مو عارفه : امم نجود .. هو
سالتها : خير في شي ؟!! احد صاير عليه شي

ابتسمت : محد فيه شي .. نجود والله ماعرف كيف ابدا معاك .. شوفي اعرف ان كل بنت تحتاج ليلة زواجها لامها تكون جنبها .. واعرف ظروف امك .. عشان كذا .. اعتبريني اختك الكبيره الي تحاول تفهمك وتوعيك

عرفت منال وين تبي توصل .. سكت وصرت اسمعها وهي تكلم ... ياقلبي تقوم بمهمه ام .. مو دارية عن بنتها والله انها دره ..


يوم العرس

وقفت قدام امها من بعد مانتهت من لبس فستانها .. كان طالع شكلها حلو .. خصوصا وانها بالاصل ناعمة الملاامح لحد انك تحسها طفلة .. خصوصا مع بنيتها الجسديه الضئيلة .. بعكس بدر الي من يومه تميز بطولة الي يوازي طول ابوه .. وجسمه زاد عرضة مع العضلاات

×منال×
ماصدقت عيوني وانا اشوف نسيم .. لو قلت انها قمر قليلة .. يمكن لانه نادراا اشوفها حاطة مكيااج وبتزبطه
فستانها الي كله شغل وشك من احلى اليين اسفل من الدنتيل الذهبي وبطنته بالشيفون الطوبي .. وكان بالفستان فتحه من الامام تبدا من بروش تحت تحت الصدر معلق فيها طبقات طولية من الشيفون وتمدت الين نهاية الفستان من الامام .. وكل مامشت تحرك الشفون معاهاا ...شعرها كله مموج وملفوف بمشبك ذهبي فخم .. ماعدا خصل توزعت على وجها بعشوائية.. ومكياجها كان ناعم مره .. بعكس مكيااجي الي كان قووي خصوصا واني لابسة فستان احمر صاارخ كوكتيل

بست نسيم على خدها : ياااعيني وش ذي الحلاوة
سالتني : صدق حلوه ؟!!
رديت عليها: الا تهبليين .. الله يعين حمد
ردت : الله يخليك لا تذكريني .. والله احس نفسي شوي واطق كل مااذكر حركتهم فيني
رديت عليها : يااستي عادي ولا يهمك ماانتي اول وحده ينحط الدفتر قدامها فجاة ويقولون لها وقعي
ردت : بس حتى ولو .. تخيلي نروح عشان نملك لمشعل .. يقوم الاخ يستغل الفرصه ويملك .. والله احسه طابخها من وراناا مع زوجك

قلت ادافع عن فيصل : هي حبيبتي .. زوجي مايخصه .. لا تدخلينه بالسالفه
نسيم ردت : دافعي عنه داافعي .. من يشهد للعروس
قلت لها : اقول امشي وانزل معي .. امي ترى واقفة لحالها مع ام نجود .. والضيوف بدو يجون
نسيم شبكت اصابعها باصاابعي : مشيناا

قرر هو الي يوصل اهله .. لبس وتكشخ .. والي يشوفه يقول هو العريس .. مو ناقصه الا مشلح .. مع انه فعليا عريس ... قبل يوميين ملك على نسيم .. بملكة ماكانت على البال وعلى ع الخاطر

× حمد ×
ابتسمت وانا اشوف .. الطقم الي شريته .. بيطلع عليها حلو .. اعرف انها ماتقدر تشوفة . .. بس هذا ماايمنع اني اقدم لهاا اروع الهدايا .. طلعت من غرفتي .. وبيدي علبتين مخمليتيين .. مريت ع الوالده بجناحها

دخلت من بعد ماستئذنت : ها الغاليه جااهزة
امي كانت بصالون غرفتها : جاهزة .. ابوك يلبس شماغه وجاي
جلست جنب امي ومديت لها العلبة ..: يمه شبكة نسيم
امي : انا وديت لهم الشبكة الباارحه .. والله اني متفشلة فيهم .. هذي سواة يااحمد .. يروحون يملكون لولدهم تحرجهم وتملك على بنتهم

رديت : ماسمعتي بدق الحديد وهو حامي

امي : الله يهديك .. والله انتي تفشلت بالحرمه .. الناس تبي تفرح ببنتهم ويسون لها ملكه كبيره وان خربت عليهم .. وليتك استفدت .. هذا انت ماشفتها ولا حتى كلمتهاا

رديت : بشوفها ان شااء الله اليوم
امي : مابيخلونك .. اثقل يااوليدي .. ترى ماابها زود عن الي خذتها من قبلهاا الا انها
قاطعتها : يمه تكفيين
امي : كيفك
ابوي خرج ومشلحه بيده : ماابتمشون




وقف جنب ابوه واخوه .. ومن قبلهم فيصل .. كان ماالي ثوبة مثل مايقولون .. بالسكسوكه المحدده والشنب المحفووف زيين .. كان يوزع ابتسامات ع الناس .. ويسلم على ضيوفه .. ناس كثيير ماايعرفهم .. وناس يعرف الوجيه من غير الاسماء

× مشعل ×
ياكثر معاارف ابوي وفيصل .. واحد ورى الثاني يسلمون علي .. الاغلبيه رجال اعمال وشيوخ قباايل ... كان دوري بس اهلي وارحب .. وطبعا اصدقاائي والشغالين عندي .. ماقصروا كلهم احضروا .. ابوي عن يمني وقباله وقف فيصل ومعااه ناس يقربون لابو نجود يعني عيال عمومه

بدر همس باذني : بالله رجيلك مااوجعتك ؟!! احس رجيلي تنملت
رديت عليه : تدرب ليوم عرسك
وصل صهرنا العزيز .. مع ابوه وولد عمه .. ابتسمت وانا اتذكر شلون نط من بعد مااملكت على نجود
المملك .. : مباارك .. بارك الله لهما وبارك عليهما وجمع بينهما بخير
فيصل: جزاك الله خير
حمد وجه كلامه لبوي : عمي طاالبك
ابوي : تم
حمد : تملك لي دام الشيخ موجود .. والاهل داخل ...والتحاليل جاهزة
ابوي طبعا ماكان يقدر يرفض : افتح ياشيخ دفترك واملك له

رجعت للوااقع على صوت حمد : مبروك يابوخالد منك المال ومنها العياال
مشعل : والله ماادري اباارك لك ولا تباارك لي
ضحك : هههه انت لسى فااكر ؟!
رديت : ابد طالع عمرك شلون انسى واحد شااركني بيوم ملكتي
رد : وبيشاركك بيوم عرسك .. وش راايك بدخل اشوف زوجتي معاك
رديت عليه : اقول ترى عطيناك وجه بزياده .. تيسر خلنا نسلم ع الناس





وقفت تستقبل الضيوف مع امها واختها .. الي يشوفها .. مستحيل يتوقع ان البنت هاذي فاقده للنظره بالعكس الانظار كانت تتوجه عليها وتتسلط

× نسيم ×
اووف .. طفشت كل شوي منال تدقني اسلم ع النااس .. والله تعبت .. وفوق كذا ذي الطقاااقه جابت لي الصدااع
منال همست باذن : نسيم اهل حمد
سمعت امي ترحب وتهلي .. وتعرف ام نجود على اهل حمد .. اول وحده سلمت علي هي ام حمد وكان سلامها غير عن يوم الخطبة .. يمكن لان خلاص التوتر الي سببه اللقاء الاول راح

ام حمد : شلونك ياابنتي الف مبروك
سلمت على ايدها ورااسها : الله يباارك فيك يااعمه
ام حمد : مااشااء الله تباارك الله قمر ياامشعل قمر
انحرجت منها .. وسلمت علي نوير : شلونك نسيم
رديت : الحمد الله انتي كيفك ؟!! نورتوناا
نوير : النور نورك ياااعسل
صوت نوير ذي المره غير .. فيه نوع من الثقه اكثر .. النبره الجافة منه اختفت
حصه حضنتني بقوة ..: يااعيني وش الحلاوة هاذي وش خبيتي ليوم العرس ؟!
انحجرت وماعرفت ارد .. ردت بدالي منال : شفتي شلون بنتنا حلوه !
حصه : والله ياابخت حمد
ام حمد اعطتني كيس وحطته بيدي : هذي لك يابنتي
رديت : عمتي مااله داعي كفيتم ووفيتم
نوير : مو من امي .. هذي من زوجك
رديت : تسلموون
اخذت الهديه . .. ومشيت معي حصه .. جات الشغاله تبي تسااعدني الا اني رفضت متعمده .. ومشيت لحاالي الين الغرف الخاصه بنا .. سوالفي مع حصه كانت مره عااديه .. طلعنا لغرفتنا الي حاطين بها اغرااضناا

وقلت لحصه : عاد معليه اكيد الدنيا فوق تحت .. تعرفين كيف العرس
ردت : ولا يهمك .. عادي
مشيت الين ماوصلت للدولاب .. فتحته وكان فيه شنطة اسفلة .. دخلت الطقم فيه .. وقفلت الدولاب
قلت لحصه : معليه عندك مانع لو جلسنا وتكلمنا شوي قبل لاننزل ؟!
حصه : اكيد مااعندي ماانع .
جلسنا ع الكنب الي بالغرفه : حصه بسألك ليه حمد اخوك قرر يتزوج عميا
ردت بارتباك : انتي مو سألتيه ؟! ليه تسأليني مره ثانيه
رديت عليها : لان اخوك جاوب اجابة نموذجيه مثل الي تتجاوب بالامتحاناات .. اجابة مااشفت غليلي ابد ولا اعطتني عقاد نافع .. بصراحه يبي ياخذ اجر فيني ؟!

ردت علي : من يقول اكيد لا
رديت عليها : اصدقيني يااحصه .. لا يغرك الوضع الي انا فيه .. يمكن عميا .. لكني عزيزة نفس .. وكرامتي هي اغلى ماعندي .. وانا الحمدالله بين اهلي مااينقصني شي

ردت علي : اعرف ان ماينقصك شي .. وصدقيني حمد هو الي اختارك .. يقول انه شافك مره بالغلط واعجبتيه كثيير .. وعشان كذا تقدم لك

رن جوالهاا بذي اللحظة .. وقالت : الطيب عند ذكره ... هلااحمد .. ايه هذي هي قدامي .. تجنن مااشااء الله تباارك الله .. قمر

سالتني : تكلمينه ؟!!
شعوري غريب بذي اللحظة .. بطني تمغصني .. واحس بببرد .. مررررره بردااانه .. هزيت رااسي بمعنى لاا ورديت عليها : لاسمحوا رجاالي كلمته

رد عليه : تقولك شااور اهلهاا وان سمحوا لك كلمتك .. فجأ سمعت صوت رجاالي بالغرفة .. عرفت انه صوت حمد .. وانها حاااطته ع المكبر .. لو اقولكم اني حسيته فعلا موجود ... وانه يناظر فيني .. مارح تصدقوني والله صووته خلا الدم بعروقي يجمد

حمد : بنت خاالد .. تراك حلاالي .. واللحين الكلمه كلمتي .. وراي راايي
رديت عليه وماادري من وين جاتني الجرئة : الراي راايك والكلمه كلمتك .. لا صرت ببيتك .. وحتى لاصرت ببيتك ماابتمشي كلمتك علي كأني جاارية من غير لا اقتنع

قالي بلهجة ممازحه .. مع اني متاكده انه مايقصد المزح ابد : اوهووو بااديتها تحدي ياابنت خالد
رديت : ماتشوفني ند يا... وترددت الين مانطقت اسمه .. ياحمد
ضحك : هههههههههههه تحديين والاسم تلعثمتي لين ماانطقتيه
رديت بعصبيه : ماتلعثمت لا تتبلى علي
رد : اتبلى ؟!! طيب حصه تلعثمت ولا لا ؟!

حصه حاولت تنهي الموقف : هي اشوف اخذت وجه .. بس استحي كلها شهرين وهي عندك مع السلامه وقفلت من غير لا تسمع الرد

حصه قالت لي وهي توقفني : والله ولقي حمد من تنشف ريقة .. وترااده
سالتها : تضايقتي ؟!
ردت : بالعكس .. مبسووووطه ..بيني وبينك اخوي متاثر شوي بافكار الغرب .. خليه يشووف ان على قولته السعوديات المستكيناات .. يقدرون يفرضون اراءهم ويجاادلونه .. بس هاا انتبهي تعيشين الدور مره .. اخاف تخربين بيتك

سالتها : اخوك متحرر يعني ؟!!
ردت : يقول عن نفسه متحرر فكريا .. لكن صدقيني .. اخوي شرقي مليون بالميه .. بس يبيله اعادت تضبيط كم فكره بعقله يبيلها فورماات ... ووالله مالومه .. نص عمره قضااه بمدارس اوروبا وجامعااتها .. واللحين ياللا ابي انزل ارقص

والله الظاهر ذا الحمد .. مو سهل .. متحرر .. ياخوفي يكون واحد من ذيلاا الي ماعندهم ساالفه وتكون افكااره كلها خرطي .. وابتلش فيه .... ابتلش ؟! انا ابتلشت وخلااص .. نسيم اذكري الله .. قالت متحرر شوي .. ماقاالت كاافر .. تفااولي بالخير .. صراحه ماانكر ان حمد عاجبني .. صحيح ماعرف شكله .. مااتكلمت معاه الا مرتين وهذي الثاالثه ... بس نبرة صوته .. تقول اشيااء كثير عنه .. الثقه مااليته .. ممكن تحسهاا احسان كثيره مفرطه ... غير كذا نفس الخامه .. رجولية .. خشنه .. بنفس الوقت فيها مسحت حناان ..اختياره للكلمااات ... يدل على انه انساان ذكي .. يختار كلمات بسيطة .. توصل المعنى .. مع انه ممكن يلعب بالتعبيير مثل ماايبي .. وهذا يخلي الساامع يطيح بفخ الحيره ... والله يااحمد انك حكاايه ..





كانت ترتجف .. بمعنى الكلمه .. توها واصله من عند الكوفيرا ... ساعدتها لطيفة بلبس فستانها .. لطيفة مافااقتها بمعنى الكلمه .. كانت معاها من الصبح عند الكوفيرا .. واستمرت معاها الين نص الليل تقريبا

× نجود ×
قفلت لي لطيفة سحاب الفستان .. ورتبت لي طرحتي .. جابت صندلي .. وساعدتني بربط حباااله الكثييره
قلت وانا اشوفها تضبط الحبال : والله مااادري وش كنت افكر فيه لما خذيت ذا الصندل
لطيفة : جودي ربطو سهل .. بس انتي متوتره .. اهدي الله يخليكي
رديت : اهدا ؟! حسي بالله حسي .. لمست كفوفي .. شوفي كيف باارده .. بالله كلها شوي ويجي وش بسوي احس نفسي بيغمى علي

ردت : مابيصير فيكي شي .. اهدي .. امسكي البسي
اخذت الحلق منها ولبسته .. على دخلت نسيم ومنال : كيف عروستنا ؟!!
تنهدت : ارتجففففففففف
منال : والله وجا اليوم الي نشوفك فيه مرتبكه .. وينك ياافيصل تشوف
نسيم خبطتها : حرام عليك.. تتشمتين .. جودي جاهزة ترى المصورة جاهزة بالغرفه الي جنبك
قلت لها : ومشعل بدخلونه صح ؟!
منال : عليك نور
قلت وانا اهز رجلي بتوتر ... ومابان هالشي من نفخت الفستان : تدرون مو ضوروري التصوير خلوه بعديين
منال جات ومدت ايدها توقفني : اقول قوومي وخلي الدلع اخوي مايااكل بشر لا يغرك تخنه
قلت لمنال : ليه احسك تنتقميين مني ؟!!
ضحكت : هههههههههه انتي ماشفتي شي .. برجع كل الي لحظة احرجتيني فيها انا وفيصل
رديت : حرام علييك

بديت اتصور .. كذاا صوره لحاالي .. وكم صورة مع نسيم ومنال من بعدها طلعت امي مع عمتي
سلموا علي

امي نااظرت لطيفة بطريقة باايخه وقالت لها : ليه ماتنزلين الصاله مع الضيوف
ردت عليها : دحين نازلة

ناظرت لها اعتذر عن اسلوب امي وطردتها المبطنه .. الا انها ابتسمت لي كانها تقولي ماايهمك ... اتصلت منال على على عمي عشان يدخل مشعل ... طلعت نسيم مع لطيفة .. وامي اتصورت صورتين وحده معاي ووحده مع عمتي .. ونزلت من غير ماتشوف مشعل حتى وتتصور معااه

سحب نسيبه .. واتجهو للمدخل المخصص للعريس .. استقبلتهم منال وهي لافة شالها حولهاا .. ابتسم لها فيصل اول ماشاافها وهمس باذنها بعبااارات غزل سريعه .. خلت خدودها تحمر .. وصلوا الغرفه المخصصه للتصوير .. دخلت منال .. وومن بعدها فيصل .. واخر واحد كان مشعل

× مشعل ×
دخلت الغرفه من بعد ماتحنحت .. كان فيصل مغطي نجود بظهره وطوله .. ومن جنبه منال .. بصرااحه عيوني كاانت مشتااقه لها .. الفضول ذاابحني .. نفسي اعرف شلون شكلها .. اسمع صوتها

التفت علي فيصل : مشعل تعال وش فيك واقف عند الباب
تقدمت وبعدت منال من قدامي .. وبانت نجود .. وش اقول وش اوصف .. حسيت لسااني بمعنى الكلمه اتربط .. اول مره بحيااتي اشوف وحده بذا الجمال .. مانااظرت لي .. عيونها تسمرت ع الارض .. مشيت وانا تقريبا مو حاس بالارض من تحتي .. وقفت قدامها وانا مو عارف وش اسوي ..اشرت لي منال بس مافهمت ولا شي

منال : وش فيك واقف مثل الصنم .. تلح لح
احرجتني : وش
منال ردت : يااخي بوس راسها وقولها مبروك
ابوسها ؟!! قدااامهم ؟!! تحلممممممممممم ... قلت لها : مبروك
نجود ماردت علي .. ومنال ذبحتني بنظراتها وتلميحاااتهااا




حط ايده على خصرها .. وسحبها برى الغرفه .. بكل هدوء ... كان مفتون فيها بمعنى الكلمه .. يعشقها .. ويعشق حتى حروف اسمها

× فيصل ×
خرجتهاا معااي برى الغرفه .. وهي ماااتبي تطلع منهاا ... مسكين مشعل احرجته كثير .. واحرجت نجود معااه مو قاادرين يااخذون رااحتهم حتى

منال : ليه طلعتني ؟!
جاوبتها : ليه ؟!! منال ارحميهم .. اخوك محرج مني ومن نجود عمره ماشافها .. وانتي مو مقصره بلساانك ولا بنظرااتك

قالت وهي تمط شفاايفها بدلع : ماشفته ماتحرك ولا حتى نطق لو ماتكلمت
ضميتهاا من خصرها : حبيبي اتركيهم ياخذون على بعض ... لا تنسين هذي اول مره يقابلون فيها بعضهم التوتر طبيعي .

لفت علي .. وصارت تلعب بازارير ثوبي الذهبيه البارزة : حبيبي انا قصدي الطف الجو بينهم
رددت الكلمه : حبيبي !! اول مره تقولينها لي
ابتسمت لي بدلع : انت حبيبي وروحي وعمري .. وبعديت مو لااازم تسمعها .. مفروض تكون عارف ان كل شي بعمري .. الكلمات مو ضرورية
قلت لها : وش راايك نرجع بيناا
بعدت عني : فيصل اعقل
رديت : ليه انتي مخليه فيني عقل ؟!




اخذ التصوير وقت .. كانوا فقط مجرد دمى متحركة للمصورة .. حاولوا ينفذون الي تطلبه منهم وبنفس الوقت يتغلبون ع التوتر والاحراج

× نجود×
مادري من صرنا مع بعض ماتكلم .. عدا المبروك ماسمعت منه شي .. يااربي قالولوي عنه عملي ..بس مو ابكم .. مفروض اني انا البنت يعيني انا الي مااتكلم ... بس حتى هو مايتكلم .. حركات رجال ويسحتي ..ابتسمت بغبااء .. انتبهت انه يناااظرني .. درت وجهي بسرعه .. فشااله انتبه لي .. اكيد بيقول هبله توزع ابتسااماات
دخلت منال .. تعلن وقت الزفة ..

سالتها : عمي ويين ؟!!
ردت : نزل
رديت : ليش هو بينزف معااي
طلعت تنادية .. ونزل معااهاا مشعل .. لانه بيدخل من مكان غير مكااني ... خذيت نفس .. وشديت مسكتي على بااقة الورد .. دخل عمي ومعاه منال

سالته : ليه رحت ؟!
قالي وهو يقرب مني : مو قلت لك مااله داعي انزل معاك
رديت : ليه ؟! ابيك تكون معاي ماابي اكون لحالي
رد : باخرك واشر لي بعصااته
قلت له : ماابتاخرني .. قول منال ماتبيك تنزل تخاف عليك من عيون البنات
منال ردت : ايه ماابيه .. كملت .. نجود تدرين رجله تتعبه
ماحبيت احرج عمي .. رغم ان كنت اتمنى يكون جنبي .. بس كله ولا صحته .. اعرف اني لو اصريت بينزل بس ماابيه يكون مضاايق
باس راسي : الف مبرووك




جلست هي وصديقاااتها .. كانوا ينتظرون الزفة الي اعلن عنها ... الاضواء انطفت وحلت محلها اضواء الشموع .. والبروجكت انتصبت ... عدلت برقعها .. عشان تقدر تشوف زيين

× لطيفة ×
يالله اخيرا نجود بتنزف .. مسكينه اكيد ديحن خايفه .. بدأت الزفة .. وكانت عرض بروجكت .. شفنا العريس وهو يقرب من البوابه الداخليه للقاعه .. وكان دبوب شوياا .. بس ملامحه فيها ليين وطيبه ...بعكس اخوه الي عن يسااره الي ملاامحه كانت حااده كثيير

عقلت وحده من البنات : اخوه يشبه نوران مره كثيير صح ؟!
ردت عليها وحده ثانيه : ايوا مره يشبها .. سبحان الله انا العريس لاا يشبه منال كثير مو
رديت : ايوا مره يشبه منال

دخل مشعل على صوت امواج بحر تتكسر على الصخور اليين ماصاار بنص القاعه .. وعليّ صوت الريمكس لاصالة

متى اشوفك نظر عيني ... تنور عمري وسنييني انا مالي سواك
تعبني الشوق واضناني وخلاني مع احزاني .. تعب قلبي معاك .. تعب قلبي معاااك
يااسيد كل يااغالي .. ياعمري وكل اماالي ... انا قصدي رضااك
تدلل ياامل عمري ... هواي وحبي العذري انا قصدي رضااك .. رضأأأأأأأأأأأأأأك
متى اشوفك نظر عيني

هنا كان السبوت لايت على اعلى الدرج الي قريب من مشعل .. ووقفت نجود باعلااه
نزلت نجود على زفة البدر

حد منكم شاف في الدنيا بدر *** مقبلٍ يمشي و من حوله بشر

من حلاه يزف للناظر ضياه *** ان ظهر للناس و لا ما ظهر

هذا ما هو بدر ليل يختفي *** مع طلوع الصبح و بزوغ الفجر

او بدر يصبح بعد مده هلال *** هذا بدر مكتمل طول الشهر


هي عروس النور في هذا الزمان *** هي ملاكٍ بس في صورة بشر

من غلاها انقول صلوا على الرسول *** يا اللي شفتوها بقلبٍ او نظر


الله يا نور في ها الدنيا نراه *** مستحيل ان نشوفه في بشر

و التقت شمس الظهيره بالقمر

شبكت ايدها بيد مشعل .. كملواا مع بعض اليين مااوصلوو للكوشة

و في محياها بدى الصبح بضياه *** مشرقً و خدودها واحة زهر

و العيون الي كما عين المهاه *** تمتزج فيها البراءة بالسحر


الليله .. الليله محلاها الليله *** الليله .. الليله حلوة و جميلة


شعرها ليل كسا الدنيا دجاه *** حالك متحدر كانه نهر

يحسبه قطعة حرير من رآه *** و الحقيقة هو حريرٍ من شعر

و الحسام الي صفا الوجنه كساه *** يبعث اشواق الحواجب للثغر

و الثنايا كالبرد بين الشفاه *** او كحبات الندى و لا المطر


عذبةٍ لو تلمس اطراف الحياه *** كل غصن فتح بوردٍ حمر

و العفاف بروحها يسقي بوفاه *** و الوفا في عينها النجلاء سهر


شاعر الوجدان واحلامه سماه *** مبدع و احساسه المرهف شعر

ماخذ من وصفه مبتغاه *** يا عسى الله يوهبه طولة عمر

الله يحفظها و يسعدها معاه *** شيخ بطيبة فواده يشتهر

والله يجعل كل دنياهم هناه *** يكتسي بالسعد كله و البشر

جلسوا .. شوي .. كان بين عليهم الارتبااك مره كثيير .. احلى حاجه ان مشعل ماطول ياادوبك شربوا العصير وقطعوا الكيكه .. وسلم عليه اهلو .. وحظن نسيم مره كثييير.. وطلع .. وهو طلع من هنا وانا على طول رميت عباايتي .. وع الكوشة عدل ... رقصنا معااها .. وشااركنااها فرحتها ودعيناالها من كل قلبنا ان ربي يوفقها مع زوجهااا
وطلعت من القاعه .. وكلنا شفناها وهي تطلع ووتلبس عباايتهاا اليين مااوصلت السياارة على صوت رااشد

خذها أمانة يا حفيظ الأمانات
أغلى الغوالي في يمينك أمانة
اتصونها صون الكرام العفيفات
واله بقلبك قبل بيتك مكانه
الجوهرة بلسم السما بلسم الذات
إن قلت ريميه وإن قلت دانة
من نورها تستر بلاد ومجرات
فيها تحير لي بديع بيانه
لي شافها شاف الهنا والمسرات
وطابت ليالي فرحته في زمانه
فيها الوفا ما يغره مر الأوقات
على وفاها الوفا زاد شانه
امسوية في القلب مني علامات
وروحي لها إذا تريد الضمانة




وصلوا بيتهم من بعد ليلة شااقه ومتعبه .. طلعوا لغرفة النوم .. ترك نجود تغيير ثياابها .. اصلا حتى ماادخل الغرفة معااهاا.. متوتر .. اكيد متوتر ... الغريب ان في دايم اعتقااد ان الرجال بذا اليوم يكونون هاديين مع انه العكس تماما .. حتى هم يتوترون .. واكبر دليل عريسنا

× مشعل × صرت اروح واجي بالصااله .. مو عارف .. وش اسوي .. احس نفسي متوتر .. ومو عارف وش اتكلم ووش اقول لها.. بالطريق سكت .. ماغير انتبهي لعباايتك .. وصلنا .. تفضلي .. اووف والله حاااله .. اصلا مو مني من ذي الكتب الغبيه الي قريتها ... من قلي اقرااها .. احس نفسي ضخمت الموضوع بزيااده
دقيت الباب ودخلت .. لقيتها قاعده على وحده من الكنبات .. فسخت عقاالي وغترتي ... ورحت جلست ع الكنبه الي جنبها .. جالسه اتطالع بالارض .. طيب وبعدين ماابترفع وجها ؟!! .. لازم اكون رومنسي واقول كلاام حلو ..منال تقول انها رومانسية .. طيب من وين اجيب .. اقولها عيونك حلوه ؟!! وولاا انتي حلوه ؟!! بس لازم اناظر بعيونها عشاان التاثير يكون اقوى ..طيب افتح معاها سالفه انت بالاول
فتحت فمي اخيرا : مبروك
ردت : الله يبارك فيك
سالتها بغباء : افتح الميكف ؟!
رفعت راسها ونااظرتني : المكيف مفتوح
رديت : اهاا .. طيب .. سكت شوي .. وتدرون لاقالو صمت دهرا ونطق كفرا .. عاد انا نطقت هبلاا .. يقولون ان .........





اول مااوصلت من العرس .. طلعت على طول لغرفة امها .. تشوفها .. تدري ان امهاا متعوده تقوم الليل .. دقت الباب وماجاها رد .. توقعت ان امها يااتصلي ياانايمه .. فتحت البااب بشويش .. الا وامها طااايحه على سجااادتهاا

*
*
*

نلتقي متى ماكتب الله لنا لقاء .. مارح احدد موعد

*
*
*