((الجزء التاسع))




:

..×..

..×..×..×..

..×..

:اشرح ظروفك .. انا قلبي كبير

لا [ تخـاف] .. إن كان لغيابك عذر

العتب مرفوع .. لكن في الأخير

حقـي اعرف وش هي اسباب الهجر

يكفي ان الشوق في قلبي سعير

وانت شوقك صاحبي ( تحت الصفر)

حدد انت اليـوم وياي المصير

وانا راضـي ... باللي يهديهـ القدر

ان بغيت القرب من الفرحه اطير

وان بغيت العكـس .. ما حـد ينجبر

لك ظروفك / وانا لي قلبي الكبير

و كلنا يا صـاح ... في الآخر بشـر

المهم تكون يالغالي / بخيــر/

واوعدك ... ما عاد تلقـى لي أثـر













ريم: نجود دخت بالسوق ترى كله فستان اخلصي

لو انك العروس عاد

نجود: انتي ليش معصبه الحين

ريم: ايش رايك من العصر واحنا نفر بسوق ماصارت رجلي اتكسرت

نجود: اولا اليوم اربعاء نروح البيت بدري ليش ايش ورانا

ثانيا هذا احنا نضيع وقت ونرفه على نفسنا

ثالثا يعني مافي شي داخل مزاجي ايش اسوي

ريم: نضيع وقت واحنا بكرة ورانا ملكه وسفر

نجود: ريم شوفي الفستان الليموني يجنن

ريم: وين أي واحد

نجود: تعالي شوفي

******************

*نواف*

ماسك الجوال من يومين وكل مابدق اتردد كثير مابغى اخلف وعدي معاها وبنفس الوقت هي قالقتني كثير ايش صار معاها مادري لا ماسن تدخل ولا ايميل ترد عليه حتى المنتدي مصارت تدخله

ايش اسوى كيف اطمن عنها

تعبت من كثر مافكر وطفشت وانا اخمن ايش ممكن حصل لها

قررت اروح السوق اشتري لي اغراض ناقصتني

غيرت ملابسي ورحت

السوق كان زحمه لدرجه حسيت انو كل اهل الرياض طالعين اليوم السوق

دخلت *جيوردانو*

اخذت لي تيشرتات وبرمودات

طولت وانا اختار لي شوفت مجموعه بنات يطالعوا فيا ويتكلمو حسيت ان الكلام عليا بس ماهتميت لامرهم

وانا عند *الكاشير* احاسب جات وحده منهم جنبي لصقت فيني لدرجه اني صرت ابعد كل شوي ريحه عطرها دخلت بخشمي

استحرقتها وكان ودي اعطيها كف على قله الحيا هذي

قلت لها لو سمحتي ياخت شوي بعدي

ردت عليا: الحلو ليش زعلان





بصراحه وقاحه زي كذا ماشوفت ماعرفت ايش ارد على هالاشكال اعطيتها نظرة وطلعت وانا مستحقرها

تعبت من المشي لقيت

*كوستا كافيه*

دخلت اخذت لي كافي جلست بقسم الشباب

طلعت جوالي دورت بالاسم()

متردد كثير ادق ولالا اتوكلت على الله وجمدت قلبي وضغط على الاسم

جاري الاتصال بكل الحب

((عفوا ان الهاتف المطلوب لايمكن الاتصال به الان))

جوالها مقفل يالله ايش صار فيها بديت اقلق بجد واخاف




ماكملت الكافي اخذت اغراضي وطلعت

مقهور &معصب&قلقان

مني عارف شعوري بالضبط ايش بس باختصار مخنوق اكره اعيش وبحياتي علامات ؟؟؟ كثيره



****************************

نجود: ريم دقي على شاهين خليه يجي ياخذنا

ريم:الحمد لله على السلامه مابغينا نروح البيت خللنا بالسوق

نجود: هههههههههههههههه دقي بس يالله

ريم: اووو مافي شبكه هنا حاسبي انتي على الفستان وانا بطلع برا ادق

نجود: اوكي طيب

************

((طارق ))

حسيت اليوم ان احسن بكثير الحمدلله صرت اقدر اتحرك اخذت العكاز وبديت امشي صحيح امشي واعرج بس الحمدلله بديت امشي وهذا اهم شي

قلت للشغاله تسوي لي كافي وطلعت جلست بالحديقه

اتصلت اطمن على صاحبي مازن الحمدلله ربي سلمنا من الحادث وطلعنا منه باعجوبه يالله كيف كنا متهورين باعمارنا مو خايفين عليها بايعين نفسنا ياكثر ماقالي ابويا اترك السرعه مو زينه وانا ولا هنا كنت اقول لوما اسمع جرس السرعه ماحس اني اسوق وهذا اناا سمعته وبغيت اروح بسبته بمليون داهيه واخسر عمري

طفشت من الجلسه لحالي ريم طالعه مع نجود وامي عند الجيران واخواني الصغار يلعبوا بلايستيشن ضايق خلقي لحالي



فكرت ادق على اصحابي يجوا يسهروا عندي ومنها اتسلي انا



******************

*مشعل*

كنت توني داخل البيت

لقيت ابوي وامي جالسين بالصاله ابوي كان يتفرج على الاخبار وامي تكلم بالتلفون سلمت وكنت طالع اشر لي ابوي اجلس

جلست انتظرت الاخبار خلصت لف على ابوي وقالي بكرة ان شاءالله ملكتك وترى الزواج بعده بشهرين تكون اجازة الصيف دخلت يعني اول ماتعطل عبير الزواج وترى شهر العسل عليا هديه مني لكم حسيت ان الموضوع خلا ص صار واقع لازم اعيشه واتقبله انتبهت على ابويا قام من مكانه وجلس جنبي قالي

مشعل ترى عبير امانه عندك اخذتها من بيت ابوها معززة مكرمه لاتفكر بيوم تهينها او تذلها تراها بنت عمتك قبل لاتكون مرتك صونها وراعيها وداري خاطرها ترى رضاها عليك من رضاي عليك

ادري ان ابوي يحب عبير من صغرها وكانت اقرب البنات له وهذا كان اكثر شي متعبني

رديت على ابويا وطمنه انها بعيوني ولايشيل هم

جلست اسولف شوي معاهم وطلعت غرفتي تعبان وماشوف قدامي

وفوق هذا وراية بكرة سفر للطائف عشان الملكة

********************

*ريم*

وصلتني نجود بيتنا وراحت بيتها

اول مادخلت البيت سمعت اصوات بالملحق عرفت انه في رجال

دخلت البيت لقيت امي جالسه بالصاله تتفرج على التلفزيون سالتها عن ابوي قالت لي معزوم وبيطول برا

طلعت حطيت الاغراض الي شريتهم من السوق وغيرت ملابسي ونزلت اجلس مع امي بالصاله

جلست اسولف مع امي الين الساعه 1 ونص امي قالت انها بتروح تنام جلست انا اقلب في التلفزيون لقيت فلم في (MBC2)

وجلست اتفرج عليه الين جاني النوم ونمت بالصاله

على الساعه 9 الصباح

اسمع صوت عمي فيصل

ريم ريم ايش منومك هنا

فتحت عيني بصعوبه وشعري طاير وصوتي من كثر النوم يالله يطلع رديت على عمي

ها ايش في عمي

عمي فيصل: ايش منومك هنا ليش مو نايمه بغرفتك

*امس كنت اتفرج على فلم ولما خلص كنت نعسانه على الاخر* ومافيا اطلع غرفتي انام فنمت هنا

عمي : كان نمتي بالغرفه الفاضيه احسن لك

ريم: ماكان فيا حيل اتحرك

عمي: الموهم يالله قومي غيري ملابسي ومشطي هالشوشه ترى على بعد الظهر ان شاءالله ماشين الطائف مافي وقت



مارديت على عمي قمت من الكنبه وعظامي مكسره من النومه عليها طلعت غرفتي اخذت شور وغيرت ملابسي وانا طالعه من الحمام سمعت صوت باب غرفتي يندق عرفت انه عمي من دقت الباب كانت دقته مميزه ضحكت وانا اقول حياك عمي

فتح الباب وقال لي

يعني عرفتيني

رديت عليه: وهل يخفي القمر

دخل عمي الغرفه وراح للشباك فتح كل الستاير وجلس علىصوفا طويله كانت بلون ليلكي غامق وسط الغرفه

قالي: خلصتي ترتيب اغراضك

جلست على كرسي التسريحه وبديت امشط شعري

رديت عليه

لا ماخلصت اصلا مايحتاج وقت كلها كم غرض الي باخذه

سكت عمي وانا جلست امشط شعري

فجاءه شوفت عمي قام من مكانه كانت عيني عليه

اتوجه لركن كان كله دباديب وفي رفوف كانت عليها صوركثيره

وقف قدام الرفوف وجلس يطالع بالصور

مسك برواز كانت فيه صورة قديمه كثير شوفته مبتسم عرفت ان الصورة ضحكته

قلت له عمي ايش فيك تبتسم

رد عليا: كم كان عمرك هنا

قمت من مكاني ووقفت جنبه كنت واصله لنص طوله عمي كان طويل بشكل كبير وجسمه رياضي قلت له

هنا يوم نجحت باولى ابتدائي

قالي وهو متعجب: ومين البنات الي معاكي مو نجود ولا اروى ولا وحده من بنات العائله

قلت له ايوة هذولا صحباتي

استغرب ردي قالي: صحباتك مين صحباتك

رديت عليه

منار &سوسن&فاطمه&ندى

فجاءه لقيت عمي منفجر ضحك

استغربت قلت عمي ايش فيك تضحك

قالي بصراحه اشكالكم توحفه

اشر على منار قالي مين هذي جاوبته

هذي منار وشوف الي على اليمين اخر وحده سوسو وطبعا هذي انا وهذي منار على يميني وهذي البيضا فوفو والي على الطرف جنبها ندى

قالي اها بس حلوة الصورة مرة

ماعطاني فرصه ارد عليه



قالي ريم انا نازل تحت جهزي اغراضك ورتبي امورك ترى بعد الظهر نمشي

ضحكت وقلت له : يعني عارف اني بروح معاك

عمي: مايحتاج انتي والهانم نجود قافزين بكل مكان معاي

ضحكت على عمي اتعود على لقافتنا بس بجد ماحب السفر غير معاه

نزل عمي تحت وانا جلست ارتب اغراضي

اتصلت على نجود لقيتها نايمه وساحبه على السفر كله

الوووو

نجود بصوت كله نوم: ها ايش في الازعاج من صباح الله

ريم: ايش فيكي تصارخي

نجود: ريمو ايش تبغي مصحيتني الحين

ريم: قومي يالله الساعه 10 ونص اجهزي ورتبي نفسك ترى عمي فيصل يقول بيصلي الظهر ويمشي

نجود: طيب طيب خلاص الحين بقوم

ريم: قومي مو تسحبي عليا

نجود: خلاص بقوم

ريم: طيب يالله باي

نجود بدون ماترد قفلت السماعه ورجعت نامت

*ريم*

حسيت ان نجود رجعت نامت وسحبت عليا دقيت على سماهر

وقلت لها تروح تصحيها وتجلس وراها الين تقوم

خلصت اغراضي وجهزت كل شي ونزلت الصاله اجلس مع عمي



*********************************

*فيصل*

كنت جالس بالصاله لحالي اتفرج على برنامج وثائقي

ريم فوق ترتب اغراضها طفشت من البرنامج

فتحت جوالي وجلست اقلب فيه خطرت على بالي فكره مجنونه

فكرت اني ارسل لمنار مسج واقولها الي بداخلي والي يكون يكون

اتوكلت على الله وكتبت

السلام عليكم كيفك منار ايش اخبارك ادري ان الحركه هذي غلط وموحلوة بحقك ولا بحقي بس صدقني مضطر انا انسان جاد ومابغى الف وادور وبصراحه انا شاريكي بالحلال حبيت اسمع رايك قبل لا اكلم ابوكي ويصير الموضوع جدي وصدقني راح احترم رايك مهما كان

فيصل

*************************









*شجون*

كنت جالسه بالصاله وصوت كحتي العالي ملازمني

امي: شجون اليوم ترى باخذك المستشفى شوفي كحتك كيف قويه وصوتها عالي

ماحبيت اجادل امي وافقت لان كحتي فعلا صارت تالمني كثير

طلعت غرفتي كنت طفشانه صحيت بدري واليوم خميس وماعندي شي اسويه فتحت البلوكونه كان الجو عادي مو حر ولابرد بس في شويه شمس رجعت دخلت غرفتي فتحت التلفزيون واتمددت على السرير وجلست اتفرج



***********************

*نواف*

صحيت الساعه 9 الصبح واحس نفسي شبعان نوم اخذت شور وغيرت ملابسي لبست برمودا وتي شيرت متين شوي لان الجو برا نوعا ما بارد لبست كوتش واطلعت امشي بالحديقه لي فتره مامشيت

جلست امشي حوالي الساعه تعبت من المشي جلست على الطاوله الي عند المسبح طلعت جوالي دورت بالاسماء اسم ريم

جلست اطالع بالرقم ومتررد اني ادق بس مضطر غير كذا الفضول الي صار مسيطر عليا ابغى اسمع صوتها الفكره عمرها ماجات ببالي اصلا انا واعدها اني ماراح ادق عليها وفعلا وفيت بوعدي بس الحين في ظروف جابرتني ادق

اتوكلت على الله ودقيت

جاري الاتصال *كل الحب*

طوطوطو((لم يتم الرد))

عصبت لما ماردت عليا بس طالعت بالساعه 11 وربع قلت يمكن نايمه كملت مشي وانا حاس اني مبسوط اني بسمع صوت ريم واخيرا

قررت على العصر ادق عليها والي يكون يكون



**********************

*

*ريم*

اذن الظهر راح ابويا وعمي وطارق المسجد يصلوا وانا طلعت غرفتي اصلي واجهز نفسي

دخلت غرفتي اتوضيت وصليت رحت بكلم نجود تجهز عشان بنمر عليها الحين

لقيت مس كول رقم غريب ماهتميت قلت الي يبغاني بيرجع يتصل مرة ثانيه كلمت نجود وقلت لها تجهز شوي وبنمرها

جاء عمي من الصلاه ومشينا

الطريق كان ممتع نوعا ما نجود مسويه جو غير طبيعي وجايبه معاها سي ديهات رقص تدري ان عمي مايسمع أي شي وكل الي يسمعه شي هادي

نجود: عاشوو عاشوو ايوة

ريم: نجود خلاص روسنا عورتنا

نجود: ايش فيكي انتي احمي قبل الليل

ريم: هذا كله تحمي

نجود ماردت عليه وكملت

فيصل: اقول نجود

نجود: امرر

عمي: والله يانجود يوم زواجك لارقص لليل

نجود: فديتك ياعمي محد مقدرني وعارف اهميتي بالحياه غيرك

عمي: تدري ليش برقص مو عشان شي بس فرحا بطستك عنا

نجود: افا عمي تبغى الفكه

عمي: لاوانتي الصادقه ابغى راحه البال

الكل ضحك على نجود



كملوا الطريق ونجود ما جلست ساعه رقص وساعه تكلم جوال



*****************

*منار*

صحيت الساعه 2 الظهر اتوضيت وصليت ونزلت تحت عند امي اجهز الغدا معاها

جاابوي اتغدينا طلع ابويا ينام

وجلست انا اتفرج تلفزيون الين اذن العصر طلعت غرفتي صليت وقررت انام شوي لين المغرب واصحى عشان راحين لخالتي

اخذت الجوال بحط المنبه لقيت مسج فتحت وكانت الصدمه على وجهي

قريت المسج مرة ومرتين وثلاثه هو فيصل عم ريم اكيد

ايش بالحلال ويخطبني

معقوله يكون من جده يتكلم

اترددت كثير ماني عارفه ايش اسوي طار النوم من عيني بس فاتحه المسج واطالع فيه

اخير شي

قررت اطنشه ومارد عليه

************************

*فيصل*

وصلنا الطائف وانا كل شوي اشيك على جوالي ماردت منارعليا

رجعت رسلت لها

((ردي علي وريحني الله يريحك))

بعد ربع ساعه جاني مسج منها

((اهلين فيصل حبيت اقولك الطريقه غلط وانا مو من طبعي هالحركات لو عندك شي ابويا موجود الله يحيك أي وقت))

*فيصل*

كثير فرحت برسالتها بس ماني عارف ايش قصدها هي وافقت ولالا

رجعت رسلت لها رساله

((طيب الحين انتي موافقه ولالا اكلم اهلي ولالا))



انتظرت ربع ساعه ماردت رسلت لها

((افهم من عدم ردك انك رافضه؟))

ردت لي بسرعه

((انا ماقلت كذا ابوي موجود

الله يحيك باي وقت انت واهلك))



فرحت كثير برسالتها اهم شي لقيت منها قبول نفسيتي اتغيرت ارتحت كثير اخيرا بستقر وارتاح باحس بكياني منار بنت حلوة واخلاقها عاليه ويكفي انها صاحبه ريم

قمت اتجهز للملكه وانا مبسوط واحس بفرحه داخلي

********************

*منار*

اتبسطت كثير برسائل فيصل كل رساله اقراها عشر مرات فيصل شخصيه كل بنت تتمناها يكفي انه حنون وطيب وفوق هذا مملوح

ريم دايم تتكلم عنه وعن حنيته معاهم وقربه منهم حتى نجود كثير تتكلم عنها وواضح انهم متعلقين فيه كثير

ماانكر اني فرحانه بالكلام الي قاله بس خايفه من ردت فعل ابوي ماضمنه بصراحه يوافق ولا يحط لي الف عيب وعيب زي الي قبله يارب ارزقني الخير وين ماكان

**********************

*ريم*

اول ماوصلنا رحنا الصالون نتجهز ماثقلنا ميك اب الملكه كانت عائليه جدا

عبير كان شكلها غير الكل حلوة بمعنى الكلمه

الجو كان غير كلنا مبسوطين عبير بتطير من فرحتها والضحكه ماتفارقها

الكل كان يرقص ومبسوط ملكوا خلاص وقالوا مشعل بيدخل يلبس عروسته الشبكه كلنا قمنا نتغطي

نجود: ريم قولي لحقت الدي جي تحط شريط الزفه يالله

كنت رايحه لراعيه الديجي دق جوالي

المتصل (رقم غريب )

ريم: يويو هذا الرقم الي دق عليا بالظهر

ريم: الووووووو

نواف: الووو السلام عليكم

نجود بصوت عالي: ريم بسرعه الشريط

ريم: الوو لحظه شوي

لفيت على راعيه الدي جي وقلت لها تحط شريط الزفه رجعت للجوال

الوووو

نواف: الوو ريم

ريم: مين معايا

انحط شريط الزفه الصوت كان عالي مو قادره اسمع المتصل ايش يقول

دخلت المطبخ كان صوت الاغاني اهدء شوي

ريم: الووو مين معايا

نواف: ريم

ريم: ايوة انا ريم مين

نواف سكت لمده: كيفك

ريم: الحمدلله طيبه مين معايا

نواف: ليش قاطعه كل هالوقت

ريم : عفوا مين انت

نواف بصوت متقطع: انا نواف

*ريم*

حست جسمي حار وارتجف مصدومه نواف نواف يكلمني وقاعده اسمعه نواف مو مصدقه

نواف: الو ريم انا نواف ايش فيكي

ريم: نواف

نواف: ايوة انا نواف انا اسف ياريم دقيت عليكي بس انتي لك تقريبا 3 اسابيع ماتدخلي قلقت عليكي كثير ومرة واحشتني فوق ماتتخيلي

*ريم*

ماني قادره اصدق اني اكلم نواف الحين واسمع صوته طول المكالمه ساكته واسمع

نواف: ريم انتي معايا تسمعيني

ريم: ايوة ايوة انا صارت لي ظروف وو

ماقدرت اكمل كلامي نجود لقيتها فوق راسي

نجود: ريموووو الحين تاركتنا برا حايسين وجالسه تدقي حنك بالجوال اقول يالله قفلي مو وقته تري

اشرت لنجود ان دقيقه بقفل

ريم: اوكي طيب انا ارجع اكلمك بعدين الحين مرة مشغوله

نواف: اوكي ريم انتظرك تكفين ترجعي تكملني ماراح انام الين تدقيني

ريم: اوكي ان شاءالله يالله باي

نواف: باي

قفلت من نواف وانا مو مستوعبه انه كلمني صوت يرن باذني صوته فيه هيبه ورجوله تزلزل مجرد ما اتذكر نبره صوته احس بقلبي يدق

نجود: ريم وين المبخره الي قلت لك تجيبيها

مارديت على نجود اصلا بالي مو معاها

نجود:ريم ريم

ريم: ها ايش في

نجود: سلامتك بس وين المخبره مشعل دخل ونبغى نبخر

ريم: أي مبخره

نجود: لا انتي فيوزك ضاربه اليوم مرة

ماردت على نجود تركتها تتكلم ورحت جلست على كنبه كانت بطرف الصالون الكل يرقص ومشغول بالعروسين وانا بعالم اخر ماسكه الجوال بيدي وسرحانه بعالم اخر



*******************

*شجون*



//

الايادنيتي شوفي جزى طيبي ومعروفي
زرعت الورد بكفوفي..وبكفوفي جنيت اشواكــ





//

عند الدكتور كشف عليا وطلب مني اسوي تحاليل واشعه

سويت التحاليل والاشعه قالي الدكتور انتظري برا بالاستراحه لين تطلع النتايج

جلست انا وامي بالاستراحه ماكنت احس بشي بس كحتي زادت كثيرالفتره الاخيرهـ



نادوا اسمي قمت انا وامي دخلنا للدكتور وجه كان متغير كثير عن المره الاولى قالنا اتفضلوا اجلسوا جالسنا كان الدكتور يقرا بالاوراق الي قدامه وساكت تعابير وجه تبين ان في شي بالاوراق الي قدامه مو عاجبه

رفع عينه من الاوراق الي قدامه وطالع فيا وجه لي سؤال اربكني كثير

*شجون انتي تدخني*

ارتبكت كثير خصوصا ان امي كانت قدامي رديت بشكل سريع انفي الكلام

لاطبعا دكتور مادخن

الكتور: غريبه

امي ردت عليه

*ايش الغريبه يادكتور*

الدكتور

ياريت اخت شجون تسوي اشعه مرة ثانيه وان شاءالله خير

هنا حسيت ان الدكتور شاك بشي عشان كذا يبغاني اعيد التحاليل

رديت عليه وقلت له

*دكتور انت شاك بشي فيا شي قولي الصدق*

الدكتور: بصراحه ماخبي عليكم انا شاك بسرطان بالرئه عشان كذا اتمنى الاشعه تنعاد وان شاءالله انه مجرد شك

*شجون*

جاء الخبر زي الصاعقه بوجهي سرطان يعني خلاص من جد انتهيت يعني انا عايشه بس كم يوم يعني انا خلاص بموت

الدموع واقفه بعيني مو قادره ابكي ولا اقدر ادعي على الي كان السبب ولا قادره اقول اني انظلمت وانقهرت وكان التدخين لي مفر

يارب يارب رحمتك

امي انهارت بكيت بصوتها حضنتني باقوى ماعندها وانا ولا دمعه نزلت من عيني واقفه كاني جدار

الدكتور هد امي شويا وطلب مني اروح غرفه الاشعه عشان اعيدها مرة ثانيه لان الموضوع مو اكيد مجرد شك



وفعلا رحت وانا اجر رجلي جر سويت الاشعه مرة ثانيه وطلعت نفس الاولى السرطان منتشر بشكل كبير بالرئه والسبب الرئيسي هو كثرة التدخين اتلف الرئه خصوصا واني عندي ربو من زمان

كرهت غبائي الي وصلني لهنا انا قتلت نفسي بنفسي انا الي وصلت عمري هالمرحله الصحه كانت عندي وانا الي ضيعتها ماكنت بصيره على نفسي كنت ابغى اهرب من ماضي وذكريات

كنت احسب التدخين راحه طلع دمار دمر صحتي وهلك جسمي

رجعت البيت وانا اجر خطواتي امي طول الطريق حاضنتني وتبكي اكثر شي عور قلبي هو امي ماتستاهل الي سويته فيها

دخلت غرفتي اترميت على السرير جلست ابكى بصوتي كله ابكى عمري وايامي الي انا ضيعتها بطيشي وغبائي

ابكى اني بلحظه ماخفت من ربي اعطاني صحه وعافيه بس انا جحدت النعمه وبدال ماشكرعليها دمرتها

قمت غسلت وجهي واتوضيت وصليت لي ركعتين

دعيت من قلبي وانا ابكى وبكل صوتي



يارب] تهديني قبل لحظه الفوت

..................."وتغفر ذنوبي" ياكريم العطايا

اشكيك همٍ داخل الصدر مكبوت

...................وايامي اللي بالخطايا ملايا

[رحماك] لا منَا صحينا من "الموت"

..................واليَا وقفنا عند بابك عرايا

***********************

*عبير*

كنت في عز فرحتي كلمه فرحانه قليله عليا كل شوي انادي وحده من البنات واسالها عن شكلي ومكياجي كيف حلو ناقصه شي ريم طفشت من كثر ماسال اخر شي قالت لي شكلك يجب المرض وقتها خفت من شدة توتري صدقتها وكل شوي اطالع بالمرايا

انزفيت زفه بسيط وجو حريم خوالي وعماتي سلموا عليا

امي بتطير بالفرحه لاني اخذت مشعل ولد اخوها وعلى قولتها ولد اخوي ماراح يبعدك عني دانه اكثر وحده تعبت تشيل وتحط وتخذم وتضيف بالناس اول ماقالوا العريس بيدخل قلبي صار يدق بقوة لدرجه احس كل الي حولي يسمعوه شوفت مرام اشرت لها اني ابغاها

اول ماجات مرام سالتها كيف شكلي مكياجي

طمني جوابها

دخل مشعل وابويا وسعود وعماني كانت لدخلتهم رهبه كل واحد منهم يقول انا احلى من الثاني

بس مشعل كان غير طويل وعيونه عسلي مو ابيض ولا اسمر اكثر شي حلو فيه ضحكته وجه بشوش مرة

جلس جنبي بالكرسي المخصص له ريحه عطره كانت طالعه

اول مامسك يدي جسمي صار حار ودقات قلبي زادت

وجهي حمر

جات امه وطلبت منه يلبسني الشبكه والدبله

كان قريب جدا مني لدرجه احس انفاسي توصل له عماني سلموا عليا وطلعوا عمي فيصل همس باذني الله يوفقك ويسعدك صوني زوجك يصونك

كلماته كانت عاديه بس هزتني (زوجك))احسها كلمه قويه وتحمل معاني كثيره خرجوا عماني جاتي مرام وعهود وحلفوا الي ارقص معاهم رقصت وانا عيني على مشعل شايفه عيونه مانزلت عليا كانت نظراته تحرجني كثير بس كنت مبسوطه فيه وارقص من قلبي

*********************************

*مشعل*

ماانكر اني كنت فرحان ومبسوط بس سهاد ماغابت عن تفكيري احسها بكل شي قدامي صورتها ماغابت عن بالي حولي بكل مكان

اول مادخلت البس عبير الشبكه

بهرني شكلها فستانها التركواز وشعرها الناعم البنى بخصل افتح منه كانها ملاك على الارض خفت من عيني عليها ابتاسمتها وغمازاتها الي تزيدها حلا وجاذبيه اول ماجلست جنبها ومسكت يدها كانت بارده كثير ضغطت على يدها عشان اهديها بس كانت تتجنب تحط عينها بعني حرجا مني اول ماجيت البسها الشبكه قمت عشان البسها السلسال صرت قرب منها لدرجه اسمع صوت تنفسها علق المشبك حق الساسال بشعرها قربت منها رفعت شعرها وانا احاول افكه من السلسال عبير رقبتها كلها حمرت اول مارفعت شعرها لفتني بياض ظهرها ونعومته كانت ترتجف ضحكت وجهي كان قريب منها حسيت انها ميته احراج من الموقف جات عهود الي انقذتي وقالت لي

*ابعد انا افكه *

*عبير*

جيت عهود ريحتي كثير ياريتك جايه من اول وموفره عليا الاحراج هذا كله

***********************

*ريم*

الكل كان مشغول بعبير وانا مشغوله وسارحه بعالم اخر جوالي بيدي وارتجف مو مصدقه مو مستوعبه اني سمعت صوت نواف

فقت على صوت مسج

فتحته

((مرحبا ريمتي انا اسف اني اتصلت عليكي بس والله واحشتني وحبيت اطمن عليكي فقط لاغير لو موحابه تكملني براحتك مابضغط عليكي بس طمنيني عنك لو بمسج))



اول ماقريت المسج اتاكدت اني ماكنت اتوهم والي صار حقيقه نواف فعلا كملني

قمت بسرعه ورحت المطبخ طلعت من باب المطبخ على الحوش الخلفي فتحت جوالي ((المكالمات المستلمه))

اتوكلت على الله واتصلت

جلست على مرجيه وصار ظهري على الباب

كنت خايفه ويدي ترتجف مني عارفه ليش سويت كذا وايش بقول

اول دقه على طول ررد

ريم بصوت مقطع: الو

نواف: هلا والله ريم وحشتيني مووووت

ريم: هلا فيك كيفك نواف

نواف: بخير الحمدلله انتي شخبارك وليش قاطعه كل هالمده ريم ايش صار لك فيكي شي



*********************

راشد: سعود بسرعه روح المطبخ وجيب دلال القهوة

سعود: على امرك بس مجهزينها هم ولا انتظرهم

راشد:لا جاهزه توهم مكلميني وقايلين تعالوا خذوهم من باب المطبخ الي على الحوش

سعود: طيب يالله بروح اجيبهم



*************************

ريم: وبس هذا كل الي صار

نواف: طيب وطارق الحين كيفه ان شاءالله احسن

ريم: ايوة الحمدلله اتحسنت صحته كثير

نواف: الحمدلله يارب

ريم: نواف انا بقفل الحين اكيد بيفقدوني

نواف: طيب حبيبتي بس الكلام له بقيه

ريم: ان شاءالله يالله مع السلامه

نواف: في امان الله

*******************

قامت ريم وهي داخله المطبخ لقت سعود بوجها

سعود: ريم ايش مجلسك هنا

ريم: لفت وجها بسرعه خصوصا ان فستانها شوي عاري

ولا شي كنت اكلم عشان داخل ازعاج وصجه

وعلى طول دخلت وهي مستحيه من المنظر الي شافها فيه سعود

*********************

*سعود*

اول ماشوفت ريم طيرت عيوني كان شكلها ناعم مرة فستانها احمر والظهر مفتوح لتحت الركبه مكياجها خفيف بس الروج الاحمر مبرز المك اب كله

استغربت من جلستها بالحوش خصوصا ان الجو شوي بارد

اول ماسالتها لفت وجها وجاوبت عليا انقهرت من الحركه ماحب اكلم احد ويعطيني ظهره بس راعيت انها انحرجت عشان لبسها دخلت اخذت القهوة ورجعت للرجال

بس براسي فكره اني اول مارجع لجده راح اكلم ابويا يخطب لي ريم

****************************

*ريم*

اول ما شوفت سعود قدامي خفت وقلبي كان بيطلع من الخوف خفت انه سمع شي من المكالمه ساعتها بروح فيها

اول ماقال ريم طاح قلبي وصرت انتفض

لفيت وجهي مابغى اطالع فيه خصوصا ان فستاني كان عاري نوعا ما

لماسالني ليش جالسه هنا خفت

*رديت بسرعه عليه*

كنت اكلم لان داخل ازعاج

وتركته ورحت وانا خايفه اول ماطلعت من المطبخ شوفت نجود بوجهي خفت يروح بالها بعيد خصوصا ان سعود داخل المطبخ

بسرعه قلت لها

نجود تعالي ابغاكي بشي مهم

نجود: اصبري بجيب الشوكلت من المطبخ اول

ريم: سيتي هاتي الشوكلت بسرعه

تعالي نجود ابغاكي

نجود: ايش فيكي ايش عندك

*ريم*

ماعرفت ايش اقول لنجود وكيف بتصرف لقيت سماهر بوجهي

*سماهر*

ريم انتي هنا اروى تبغاكي روحي شوفيها

*ريم*

يويو اروى جات قبل الملكه بساعه وماجلست معاها مرة التفت على نجود



يالله نجود بروح لاروى الحين وارجع اقولك بعدين السالفه



كنت جالسه مع اروى وحاسه بعيونها اسئله كثيره كانها حاسه بشي

لفت عليا وقالت لي



*ريم ايش عندك جديد*

خفت من سؤالها اعرف ان اروى تحس فيا كثير وانا مكشوفه لها

قلت وانا ابغى اتهرب من اسالتها

*ابد لاجديد غير اني بالطائف *

اروى

تخففي دم انتي عارفه ايش قصدي

رديت عليها

اروى من يوم طارق سوي الحادث ماكلمته ولفيت وجهي

اروى حست ان كلامي مو صحيح

بس سكتت عني

كملنا الحفله الي عبير كانت نجمتها كانت غير عمري ماشوفت عبير بها لحلا دعيت ربي يوفقها ويسعدها



*****************

بعد مرور شهرعلى ملكت عبير

ريم ونواف زادت علاقهم بالتلفون كثير

ريم ضميرها مانها كثير وحاسه ان الي تسويه اكبر غلط بحق نفسها وبحق اهلها قبل كل شي

منار وفيصل العلاقه قوية بينهم بحدود المسجات

فيصل قرر انو باقرب وقت بيكلم اخوانه ويخطب منار

عبير&مشعل

العلاقه بينهم كويسه احيانا تحس عبير مشعل مندف لها ويحبها واحيانا تحس ببرود نحوها هو انسان بالنسبه لها مو مفهوم



سهاد&مشعل

مشعل صارح سهاد بملكته على عبير لكن سهاد مصره تتمسك بمشعل للنهايه ولو كان لغيرها



*************************

روان:

لا مو دائما انا اقتنع بسهوله

رائد: وايش الشي الي مايقنعك بسهوله

روان:مادري كثير اشياء

رائد: طيب روان ممكن اعرف ايش هيا

روان: بعدين اقولك الحين تاخرت كثير يالله اشوفك بكرة ان شاءالله

رائد: بدري

روان: لا معليش اتاخرت يالله باي

رائد: باي



*روان*

طلعت من ستار بكس وانا ميته ضحك رائد اتعلق فيا كثير لدرجه اني اول نادخل يترك شغله ويجلس يتكلم معايا احسه يبغى يعرف عني كثير ومهتم لامري وهذا الي انا ابغاه بس الي ماقدرت للن اعرفه

ليش يشتغل هنا وليش مايتكلم عن اهله

بس مو مشكله زي ماجبت راسه اجيب خبره



***********************

ابو سعيد: منـــــــــــــــــــــــــــــــــــــــار

منااااااااااااااااار وصمخ

ام سعيد: خير يابو سعيد ايش فيك تصارخ

ابو سعيد: وينها منار الهم

ام سعيد: فوق بغرفتها نايمه

ابو سعيد: روحي صحيها بسرعه

ام سعيد: خير عسى ماشر

ابو سعيد: اخوي محمد كلمني اليوم ويبغى يخطبها لولده نايف وانا وافقت و ان شاءالله بكره جاين يخطبوا رسمي ويشوفوا البنت قولي لبنتك تجهز نفسها

************************

















انتهي الجزء التاسع اتركم بحفظ الرحمن

ووووووووواااااااااااااااااااااووووووووووووووووو
البارت رائع وصاحبته أروع
تكفين لافين لا تبطين علينا
والله متشوقه أعرف وش راح يصير لمنار
تقبلي مروري

الله وناسة في بارت
ان شاء الله اقراه واعلق