الجزء الخامس والعشرون
سعود يطق ع مشاعل: ميشو حبيبتي نايمه
مشاعل كانت نايمه,, صحت ع صوت سعود,, وقامت تفتح
مشاعل وكلها نوم: هلا سعود
سعود يطالعها ومبتسم: عندي لك اخبار حلوه
مشاعل : ايش صاير؟؟؟؟
طبعا سعود قال لمشاعل كل شي عن طلال ,, وكيف بين لهم حبه لها
سعود : هاه تبيني اقول له انك موافقه اليوم ؟؟؟ او نتغلى لما بكره؟؟؟
مشاعل وهي تطالع سعود وبكل جديه قالت : سعود انا مو موافقه
سعود ضحك : ايه صح مانتي موافقه لانك راح تطيري من الفرحه
مشاعل بحزن : سعود انا اكلمك جد مقدر اوافق
سعود خاف وحس ان مشاعل جديه,, ايش تبي بالضبط هي تحب طلال وهالشي باين بعيونها,, ليش ما توافق؟؟؟
سعود : مشاعل ماني فاهمك؟؟؟ايش تبي بالضبط؟؟
مشاعل طالعت فهد اخوها والي نايم جنبها
مشاعل : تعال نطلع نتكلم برا
سعود طلع مع مشاعل وكله حيره ,, جلسوا بالصاله الي فوق
سعود : ميشو تكلمي حيرتيني مو قادر افهمك؟؟؟ رفضتي بندر لانك تحبي طلال,, والحين ترفضي طلال ليش؟؟؟؟
مشاعل : انا قطعت وعد لسلطان وفهد وفيصل اني ما اتركهم
سعود : ميشو ايش الي ما تتركيهم ,, عندهم امهم
مشاعل بحزن : امهم؟؟؟ انت ماتعرف امهم؟؟؟ من بعد ماتوفى ابوي,, صارت تضربهم,,, سعود هم صغار وخايفين ووحيدين ومستحيل اتركهم ,, انا خايفه عليهم من امهم
سعود : تخافي على اخواني من امهم ,, ايش هالكلام
مشاعل : انت ماشفت ايش تسوي لهم
سعود : ميشو معقوله تدفني حياتك معاهم ,,, طلال الي تتمنيه جاء لحد عندك ويبي يتزوجك
مشاعل تبكي: ماراح اكون سعيده وانا ادري انهم يتعذبوا,, انا مستعده اضحي بحياتي بس ماشوف دمعه بعيونهم ,,, خلاص ياسعود يكفي,, انا عطيتك رايي وخلاص,, بليز لاتفتحوا هالموضوع معاي مره ثانيه ابد
سعود: بس يامشاعل ايش راح اقول لطلال
مشاعل : قول له الي قلت لك وانشالله راح يتفهم
سعود: بصراحه هو واثق انك راح توافقي والله راح ينصدم
مشاعل: انشالله يلقى الي تعوضه عني
00000000000000000000000000000000000000000000000000 00000
في بيت طلال وبالتحديد في غرفه الاكل
ابو طلال : طلال ليش ماتتغدى
طلال : انتظر مشاعل تجي تغديني
الكل ضحك عليه
لمياء : وانشالله ماراح تاكل لما تجي تاكلك ,, صدقيني وقتها راح تكون من الاموات
طلال : انشالله كلها اسبوع وهي هنا
هيفاء شهقت: وانشالله ماراح تسوي حفله
طلال: اذا الحفله راح تاخذ وقت ماراح اسويها
هيفاء : لاحبيبي لازم نسوي حفله تبي تفشلني عند صاحباتي
ابو طلال: انتم تجهزون العصابه قبل الفلقه,, استنوا يوافقوا الناس
هيفاء: وليش مايوافقوا ماراح يلقوا مثل طلال , ,اصلا تلقاهم طايرين من الفرح
طلال: لا يابابا فال الله ولا فالك,, انشالله اخوانها موافقين
ابو طلال: يمكن البنت ماتوافق
طلال: هههههههههه لا معليش راح توافق
ابو طلال: قول انشالله
طلال: انشالله
هيفاء: اعمل حسابك ان زواجك في الفور سيزون
طلال: انشالله بالبطحاء بس خليني اتزوج
لمياء: لا ياحبيبتي مانبي الفور سيزون نبي نحطه في نياره
هيفاء: ياااااااااااي قديمه انتي مره
لمياء: قديمه والا مو قديمه مالي شغل
طلال: خلاص انا ارح اسوي حفلتين وكل وحده تعزم صاحباتها بمكان
الكل: ههههههههههههههههههه
00000000000000000000000000000000000000000000000000 000000
ام مشعل: والله هالبنت حيرتني معاها ماقدرت افهمها
نجود: خالتي اتركوها ع راحتها ولاتضغطوا عليها
مشعل: طيب ايش راح نقول للرجال
نجود: اتصلوا عليه وقولوا له الي قالته
مشعل: والله الرجال متعشم اننا نوافق,, بصراحه منحرج
نجود: اذا يحبها بيصبر لما تغير رايها
ام مشعل: ع قولتك
00000000000000000000000000000000000000000000000000 00000
في غرفه طلال
دق موبايله كان الرقم غريب
طلال: الو
العنود صاحبه هيفاء : هاي
طلال: نعم مين معاي؟؟؟
العنود : وحده معجبه
طلال: ع فكره اسلوبك قديم,,, وانتي مره بايخه
العنود انقهرت مافيه احد اتجرا يهينها: طيب علمني ايش الاسلوب الجديد
طلال: والله,,, تبي تعرفي الاسلوب الجديد
العنود: ايه
طلال : اوكي اسمعيه بس ركزي ع الصوت كويس
وقفل بوجهها
العنود ماتت قهر ,,, وعزمت اكثر انها تجيب راسه ع قولتهم
كان طلال يتقلب مو قادر ينام ,,, فرحان من قلبه,,, انقلب ع جنبه اليمين ويطالع المخده,,, لمسها
طلال"متى يا مشاعل تكوني هنا ,,, متى ارتاح بحضنك,, ومتى اتصبح بوجهك,, متى انام ع صورتك,, متى تكوني انتي حلمي,, وانتي دنيتي,, متى تكوني زوجتي وشريكه حياتي,,, متى تكوني نصفي الثاني,,, متى ياميشو متى,, متى ياقطوتي العبك ,, واحكي معاك,, متى ازعلك وارجع ارضيك,,, متى اكرهك وارجع احبك,,, متىىىىى ,, الله يصبرني بس"
واخيرا نام طلال بصعووووبه
00000000000000000000000000000000000000000000000000 00000
مشاعل كانت ليلتها صعبه ,,, ماتجرات حتى انها تحاول تنام,,, لانها عارفه ان النوم راح يجافيها,, والارق راح يكون من نصيبها,,, ياما تمنت السعاده مع طلال,, وهذا طلال الحين يعرض عليها الزواج وهي مو راضيه,, مستحيل تتخلى عن اخوانها خاصه بعد الي قالوه لها عن خوفهم من امهم ورعبهم منها,, وانهم يبوها هي الي تكون معاهم ,, معقوله تتزوج وتترك هالاطفال بيد وحده ماتخاف الله مستحيل
تمنت ان بكره مايجي,, كانت حاسه بفرحه طلال والي اكيد متوقع انه اراح توافق,, واكيد يتمنى اليوم الي راح يجمعهم اكثر منها بس مسكين مايدري انها راح ترفضه,,, حزنت عليه وعلى حالها,, وعلى الدنيا الي مو راضيه تخليها سعيده,,كان ممكن تتزوج وتترك كل شي وراها بس مستحيل راح تكون سعيده مع طلال وهي متاكده ان اخوانها يتعذبوا
سمعت صوت اذان الفجر ,, الله اكبر ,, الله اكبر ,, صارت تردد وراه ,, ,تذكرت ان الدعاء بين الاذان والاقامه مجاب باذن الله ,,, دعت ربها انها يفرج عنها كربتها ويبدل حزنها بفرح ويبعد عنها مايهمها ويكدرها,, وتوكلت ع الله
00000000000000000000000000000000000000000000000000 0000
في الصباح
سعود : مشعل تدق ع طلال والا ادق انا؟؟؟
مشعل : انا مستحي دق انت,, بعدين انت تمون عليه اكثر مني
سعود: الله يعين,,, والله اني متفشل بس بدق
مشعل: انت فهمه وجه نظرها وانشالله راح يتفهم
سعود: بصراحه ميشو قاهرتني ,, شلون تضحي ع شان اخواني وهم عندهم ام ترعاهم حتى لو كانت قاسيه عليهم في النهايه هي امهم
مشعل: صادق مع اني مقهور ع طلال لانه فرصه بالنسبه لمشاعل ماتتعوض,, وانا ماتكلم عن حالته الماديه بس,,, الولد باين عليه يحبها,, وهالايام صعب الواحد يلقى الحب الصادق,,, بس رغم كل هذا احترم قرار مشاعل وبصراحه كبرت بعيني ع التضحيه الي تسويها
سعود: اي تضحيه انت الثاني,,, تدري اروح ادق عليه احسن
00000000000000000000000000000000000000000000000000 00000
في سياره طلال
كان طلال يقاوم نفسه اكثر من مره ع شان مايدق على سعود ومشعل ,, ع الاقل مايقولوا ايش هالمرجوج
دق موبايله كان رقم سعود
طلال: الو
سعود : هلا طلال
طلال صارت حفله جوا قلبه من الخوف : هلا وغلا بسعود كيفك؟؟؟
سعود: بخير الحمدلله انت شلونك وشلون الوالد؟؟؟
طلال: الحمدلله
سعود : في المؤسسه انت ؟؟؟
طلال: لا والله في المحل حقي اشيك ع الشغل
سعود : ايه اجل مشغول؟؟؟
طلال: لافاضي والله ,, هاه بشر ايش صار بخصوص الموضوع؟؟؟؟
سعود : والله ياطلال مدري ايش اقول لك؟؟؟
هنا طلال بدى يخاف وقلبه ينغزه,, ليش يقول له هالكلام ,,, اكيد ميشو رفضت بس ليش ؟؟؟؟ شال هالفكره من راسه
طلال:ايش صاير؟؟؟
سعود: والله ياطلال مشاعل رافضه فكره الزواج
طلال ماسمع الا رافضه,, ليش ترفضه,,, مو هي كانت تحبه,, ليش ,,, قدم نفسه لها ,,, وقدم لها كل شي يقدر عليه,, اثبت لها حبه,,, واخر شي تتركه كذا بدون مبرر
طلال بصوت مبحوح: فيه سبب والا...
سعود: والله ياطلال هي ماترفضك انت,, هي ترفض فكره الزواج
طلال بصوت كله حزن : ليش؟؟؟
سعود : تقول ماراح تتزوج وتترك اخواني الصغار لوحدهم
طلال: بس على حسب علمي ان امهم موجوده
سعود : امهم قاسيه معاهم شوي ,,, وهي خايفه عليهم منها
طلال يعاتب : وليش ماخافت عليهم لما كانت تنوي تتزوج من بندر؟؟؟
سعود: والله ياطلال ماادري ,, انا منحرج منك
طلال: لا عادي ياسعود ,, انا مثل مااستنيتها هالشهور راح استناها لو سنين ,, وفي النهايه راح تقتنع
سعود : هي مو راضيه حتى اننا نفتح الموضوع معاها
طلال: سعود ودي اطلب منك طلب واتمنى ماتفهمني غلط ولاتردني
سعود: امر
طلال: سعود اظنك تعرف ان غرضي شريف وتدري اني احب مشاعل وماودي اخسرها
سعود: اكيد عارف هالشي وصدقني كبرت بعيني لما تقدمت لها لان هالشي يثبت لي انك رجال ومو راعي حركات الشباب ,, بس ماقلت لي ايش طلبك؟؟؟
طلال : والله اني منحرج منك ,, بس عارف محد يقدر يساعدني الا انت, واتمنى ياسعود انك تتفهمني
سعود: مع اني ماعرفت الطلب للحين بس ولايهمك مايصير خاطرك الا طيب
طلال: ماتقصر بيض الله وجهك ,,, سعود ابي اكلم مشاعل((وسكت شوي)) ابي اقنعها انا حاس اني اقدر اقنعها,, وماابي تعطيني رقم لها ,, ابي تعطيها موبايلك واكلمها وانت موجود,, ع شان تتاكد ان مو نيتي اني اكلمها من وراكم
سعود: ولا يهمك عموما انا بالشركه الحين,, اذا طلعت ادق عليك واخليك تكلمها
طلال فرح: مشكور ياسعود ,,, راح تسوي لي خدمه عمري ما انساها
سعود: ابشر ولا يهمك
00000000000000000000000000000000000000000000000000 000000
قفل طلال وهو متامل ان مشاعل فيه امل تتغير,, قهرته يسوي كل هذا ع شانها وترفضه,, ع شان عذر بايخ,,,, لاتكون ماتحبه؟؟؟ شال هالفكره من راسه,,, طيب معقوله ترفضه ع شان سبب تافه,,, حرام عليها تهدم احلامهم,,, لما حطموا كل الظروف واجتازوا كل المشاكل,, وصارت السعاده قريبه منهم ترفضه,,,, معقوله ماتحبه مثل مايحبها,,, معقوله لما صار الموضوع فيه زواج تتردد,,, معقوله المشاعر الي تملكها له مو كبيره لدرجه انها تترك كل شي وراها
00000000000000000000000000000000000000000000000000 000000
بوقت الغداء
كانت حال مشاعل ماتسر العدو ولا الصاحب ,, كانت تجلس معاهم ع الغداء تكمله عدد لااكثر,, حمدت ربها انهم خلصوا اكل,, يعني افراج,,, قامت مثل عادتها تروح تعزل نفسها بغرفتها مع اخوانها الصغار
ام مشعل : ايش رايك ياسعود ناخذ استراحه اليوم نطلع فيها نغير جو
سعود : والله فكره حلوه ياماما,, خليني ادق ع واحد يعرف استراحه زينه
ام مشعل : ايه الله يخليك خل مشاعل تغير جو ,, مسكينه حالتها حاله من بعد مارفضت طلال
سعود دق ع صاحبه
سعود: هلا ابو عبدالله
ابو عبدالله: هلا بسعود شلونك؟
سعود: تمام انت شلونك؟
ابو عبدالله: والله نشكر الله
سعود: ايش عنده اللبناني
ابو عبدالله: والله توني راجع من لبنان انا وام عبدالله
سعود: ياهوووووه اجل قالب اشقر,, صاير بروس ويليس
ابو عبدالله: اي اشقر ذبحتنا هالشموس في الرياض قلبنا ويل سميث
سعود: هههههههههههههه,, الله يعين
ابو عبدالله: اي والله ,, حيا الله سعود
سعود: الله يحييك,, اقول ابو عبدالله ماتخبر لي استراحه زينه ودنا نطلع مع الاهل اليوم
ابو عبدالله: انت تامر امر
سعود: مايامر عليك عدو
ابو عبدالله: عندي لك استراحه مره حلوه ,, متى بس تبيها
سعود: بعد المغرب
ابو عبدالله: خلاص انا راح اكلم لك الرجال,, وانشالله بعد المغرب اوصف لك المكان
سعود: الله لايهينك
ابو عبدالله: فمان الله
سعود : فمان الكريم
سعود تذكر انه مواعد طلال ع شان يكلم مشاعل ,, بس حس ان الوقت ابد ماينفع,,, قال خلني اخليها بالليل احسن
00000000000000000000000000000000000000000000000000 00000
بعد المغرب كانوا في الاستراحه ,,, ومشاعل كانت معاهم وماوافقت تروح معاهم الا بعد تعب واقناع من سعود,, وطبعا وافقت بشرط ان اخوانها يكونوا معاهم
سلطان: ايش رايكم نسبح
فيصل: يله
سعود: جبتوا ملابس؟؟؟؟
مشاعل: ايه انا جبت لهم كل شي
سعود: طبعا انتي راح تسبحي معانا
مشاعل: لا سعود مالي خلق,,, بس بليز انتبه لفهد وفيصل ترى مايعرفوا يسبحوا
سعود: اذا خايفه عليهم تعالي انتبهي لهم
مشاعل: سعود وربي مالي خلق
سعود: ع راحتك,, هاه مشيعل تجي
مشعل: لو سمحت انا ابو سامي
مشاعل وسعود ماتوا ضحك تذكروا انه يبي يسمي ولده سامي
نجود تثبت طرحتها خافت تطيح من الصدمه: خير انشالله ايش سامي هذا
مشعل: هاه لالا مو احد ,,, هذا واحد نعرفه يقال له ابو سامي
نجود: ايه اشوا ع بالي بتسمي سامي
مشاعل غصب عنها ضحكت الموقف يموت ضحك,, كان مشعل يخاف من نجود
راح فهد وفيصل وسلطان وسعود ومشعل يسبحوا بالمسبح,, اما نجود ومشاعل وام مشعل ,, جلسوا يتقهوا
ام مشعل: مشاعل عندي لك اقتراح حلو
مشاعل: سمي ياماما
ام مشعل: ليش ماتخلي اخوانك عندي والله لحطهم بعيوني
مشاعل: لا ياماما ,,, الموضوع هذا تقفل خلاص مابي اتذكره
ام مشعل: حرام يابنيتي تضيعي عمرك
نجود: خالتي الله يهديك احنا طالعين نتونس مو نفتح هالمواضيع,, خليها ع راحتها
مشاعل تحاول تقاوم الدموع الي بعينها لاتنزل وتفضحها
مشاعل: عن اذنكم بروح اشوف اخواني
قامت مشاعل وهي تمسح الدموع الي ماصارت تفارقها ابد,, وصلت للمسبح,, وكان الصراخ يملا الاستراحه كلها , ,سلطان سباح ماهر ,,, ومشعل وسعود,, اما فهد وفيصل فكانوا يسبحو في بدايه المسبح وكانت المويه تغطي ركبهم مو اكثر ,, ,كانوا خايفين لانهم مايعرفوا يسبحوا,,, كانت تتاملهم بحب ,, جد يستاهلو التضحيه,, اطفال بريئين,, كتب الله لهم ان امهم تكون خبيثه ومافيها اي رحمه,, ولاعندها اي احساس بالامومه,,, الله انعم عليها بالاطفال وهي مهملتهم وتضربهم,, وفيه ناس يتمنوا طفل واحد ومو قادرين يحصلوا عليه,, سبحان الله الدنيا غريبه,, والناس اغرب
كملت مشوارها للحديقه وكانت مره صغيره,, جلست ع الارض,, غمضت عيونها واستسلمت للدموع
مشاعل: طلال احبك,, احبك,, ادري انك الحين تكرهني ,,, ماتوقعت رفضي لك,,, بس اتمنى انك تقدر رفضي وتعذرني هذولا اخواني,, ومستحيل اتركهم مستحيل
تذكرت تصرفات طلال معاها ,,, من اول علاقتها فيه ,, قدم لها قلبه ,, وكان رومانسي معاها وشهم,, عمره ماطلب يشوفها بمكان خاص ,, تفكيره مو مثل الشباب ,, افكاره راقيه ,, وتعامله معاها محترم,,, طلال شاب تتمناه كل بنت ,, حافظ عليها وحماها من غسان ,, وقف معاها لما كانت تعبانه,,, دافع عن حبهم لما خطبها بندر وهي ايش سوت غير صده,,, واخر شي جاها يقدم لها عمره وحياته وقلبه وهي رفضته ,, ااااه لو تقدر تقبل ,, ااااه لو تغمض عينها وتلقى نفسها بجنب طلال,, جنب طلال؟؟؟؟ تذكرت ملامحه والي اي بنت راح تحبه وتعشه بمجرد ماتشوفه,,, رجل بمعنى الكلمه ,, ياليتها تشوفه لاخر مره,, لا لو شافته اكيد راح تضعف,, نزلت دموعها بغزاره ,, وعاشت في عالم احلامها,, صحت منه ع صوت فيصل,,,
فيصل : ميشو تعالي تعشي
مشاعل تمسح دموعها: يله جايه
00000000000000000000000000000000000000000000000000 00000
في مجلس عبدالله صاحب طلال
عبدالله: طلال ايش فيك جالس لوحدك تعال العب معانا بلوت
طلال بحزن : مالي خلق
عبدالله: اقول شباب مين ياخذ دوري
محمد: انا جاي
ابراهيم : العب زين مو توهقني
عبدالله: لا ماعليك محمد يفت بالبلوت
جلس عبدالله جنب طلال ,, واصوات الشباب مزعجه الي يلعب بلوت والي بلي ستيشن,, والي يسولف
عبدالله : طلال ايش فيك منت ع بعضك اليوم؟؟؟
طلال: للحين مادق علي سعود,,, اخاف مارضت تكلمني
عبدالله: يمكن نسى يقول لها
طلال: لا ماتوقع
عبدالله: طيب اتصل عليه
طلال: اخاف اني احرجته لما طلبت منه هالطلب
عبدالله: طيب ايش تسوي مالك الا سعود,,, تقول ان اخوها ماخذ موبايلها,,, يعني ماراح تقدر تتصل عليها الا عن طريق سعود
طلال: ياخي ماني قادر اتحمل
عبدالله: طيب دق ع سعود وريح عمرك
طلال : راح انتظر ساعه الحين وقت عشاء اخاف انه يتعشى
عبدالله: ع راحتك,, بس لاتترك الموضوع كذا معلق,, شوف اذا تبيك والا شوف حياتك مع غيرها
طلال: ايش جالس تقول ,, انا مع غير مشاعل مقدر اعيش,, لو ماقبلت تتزوجني راح انتظرها لاخر يوم بحياتي
عبدالله : الله الله ع الحب,, وينها تسمع
00000000000000000000000000000000000000000000000000 00000
كانوا جالسين بالاستراحه ع العشاء ,,, الكل كان مشغول بالاكل الا مشاعل كانت توهمهم انها تاكل, وكانت في بحر ثاني من الافكار,, طالعت ام مشعل شلون قدرت تتحمل فقدان ابوها والي كانت تحبه حب كبير,, معقوله بيجي يوم تنسى طلال,,, مشعل ونجود وسعادتهم,, سعود وحلمه بانه يتزوج الهنوف,, كل واحد عنده حلمه ويطمح له,, اما هي حلمها جاء لحد عندها وترفضه,,طالعت سلطان كان حلمه انه يتوظف ويصرف ع اخوانه مسكين حمل الهم بدري كله من امه,,, اما فهد كان نفسه يكون طيار ,, فهد؟؟؟ وينه ليش ماجاء يتعشى
مشاعل: سلطان حبيبي وين فهد ليش ماجاء يتعشى
سلطان: مدري عنه
جواب سلطان سبب الرعب لكل الموجودين,, وين فهد؟؟؟
على طول الكل قام يركض يدور عليه ,, وين راح
ام مشعل بخوف : هاه لقيتوه
مشعل: لا دورت برا الاستراحه مافيه احد الله يستر لايكون بس طلع وانسرق الله يستر هالمكان منعزل ويخوف
مشاعل تبكي ومتجه عن ام مشعل ومشعل : مشعل مالقيته بكل الغرف,, وين فهد؟؟؟
صرخه قويه دوت بكل الاستراحه,, كانت صرخه سلطان
الكل ركض باتجاه سلطان,,, كان واقف عند المسبح,,,,و شايل فهد وكان بين يديه مايتحرك
مشاعل صرخت : فــــــــــــهــــــــــــــــد
00000000000000000000000000000000000000000000000000 00000
عبدالله: طلال ياخي دق وريحني تراك ازعجتنا
طلال قام : بروح ادق برا هنا مره ازعاج
عبدالله: وبلغني ايش يصير
طلال: انشالله
طلال طلع من المجلس,, ودق ع سعود وهو ميت خوف
سعود بحزن : هلا طلال
طلال: سعود ايش في صوتك؟؟؟
سعود: معليش طلال نسيتك بس انا بالمستشفى الحين
طلال الخوف راح يقتله لاتكون مشاعل : سلمات
سعود: والله كنا طالعين بالاستراحه وفهد اخوي غرق بالمسبح والله يستر
طلال: انتم باي مستشفى؟؟؟
طلال بعد ماقفل من سعود طلع من بيت عبدالله واتجه ع المستشفى يمكن يقدر يساعد بشي وبعدين مستحيل يترك مشاعل واخوانها لوحدهم
00000000000000000000000000000000000000000000000000 00000
في المستشفى
ام مشعل: مشعل روح دق ع ام سلطان بلغها
مشاعل معصبه : وليش يدق عليها كانها راح تهتم ,, اصلا فهد مايهمها
ام مشعل: معليش ياحبيبتي هذي امه مهما كان
مشاعل وهي تبكي : ام بالاسم بس
مشعل: مشاعل ماما صادقه راح ادق عليها ,, هذا ولدها
مشاعل رجعت تبكي: ماما تتوقعي فهد راح يقوم
ام مشعل : يارب ادعي له
مشاعل شافت سلطان وفيصل يبكوا ,, وراحت لهم
مشاعل: سلطان لاتبكي انشالله راح يقوم بالسلامه
سلطان وهو يبكي : لا ياميشو فهد مات انا لما شلته كان مايتحرك
مشاعل رجعت تبكي : لا ياسلطان لا تقول كذا انشالله راح يقوم انا متاكده بس خلنا ندعي له
مشاعل تذكرت امنيات فهد كان يبي يصير ضابط,, معقوله يموت ومايحقق حلمه,,, بكت من قلب,,, لااا مستحيل فهد يموت مستحيل,, ,وانهارت بالمستشفى
مشعل يحاول يهديها: خلاص مشاعل تعوذي من ابليس
مشاعل تحاول تهدي نفسها بدون فايده كانت منهاره ,,, وكانت بكائها يسبب توتر لسلطان وفيصل
ام مشعل: هاه مشعل دقيت ع ام سلطان
مشعل: ايه وهي بالطريق
مشاعل: الحقيره ايش تبي ,, مسويه نفسها حزينه عليه
سكتت مشاعل لما شافت وجه تعرفه زين,, كانت تتخيل نفسها قويه وبسهوله راح ترفضه,,, بس الحين صعب مررره انها ترفضه بعد ماشافته ,,, كان يمشي باتجاهها وعيونه كلها خوف وقلق عليها
طلال : هاه سعود بشرني؟؟
سعود: والله للحين الدكاتره ماطلعوا
اتجهت نظرات طلال لمشاعل الي كانت متغطيه ,,, عرفها من جسمها ,, لان ام مشعل باين انها حرمه كبيره ,, اما نجود كانت اسمن من مشاعل
رغم صعوبه الموقف ,, ماقدر يمنع نفسه من السعاده لشوفتها ولو من وراء الطرحه
طلال: طيب انا اعرف واحد هنا بالمستشفى راح اروح له انشالله يطمنا ع فهد
مشعل: راح اجي معاك
بعد طلال مع مشعل عنهم,, انتبهت لنفسها انها مانزلت عينها عنه من اول ماجاء,, صدق شهم اول ماعرف بالموضوع جاء ركض لهم,,, نفسها تجلس معاه وتبكي بحظنه
لمحوا ام سلطان جايه تركض
ام سلطان: وين فهد وينه؟؟؟
ام مشعل: هدي نفسك هو الحين جوا وانشالله الله بيحفظه ويقومه بالسلامه
ام سلطان تكلم مشاعل: انتي السبب ,,, ليش تاخذي اولادي معاك,, حسبي الله عليك
سلطان: ماما مالك شغل بميشو ,,, ميشو الي كانت تطلعنا وتضحك معانا وتلعب معانا ,, انتي ايش سويتي لنا ,, وايش سويتي لفهد ع شان تحزني عليه,, اصلا امنا مشاعل مو انتي
ام سلطان انصدمت من ولدها : سلطان عيب عليك انا امك
سلطان: امي؟؟؟ انا ماعرف الا ماما مشاعل
ام سلطان: ايش سويتي لعيالي لعبتي بروسهم
سعود: ياام سلطان عيب عليك انت يحرمه كبيره
فيصل يضم مشاعل: ميشو لاتخليها تاخذني معاها
ام سلطان انصدمت من تصرف فيصل : لعبتي براس عيالي ,, ايش قلتي لهم عني,,, سلطان هذي ماتحبكم هذي تبي تموتكم ,, شوف ايش سوت لفهد ,, تركته يغرق
قطع كلامها صوت طلال: اذا ماتقدري تسكتي وتسكري فمك اطلعي برا,, مافكرتي تشكري مشاعل لانها وقفت مع عيالك وربتهم وانتي الي عجزتي عن تربيتهم,,, صدق اذا اكرمت الكريم ملكته واذا اكرمت اللئيم تمردا ,,, ترى انتي حرمه كبيره مو صغيره ع شان تتصرفي بهالشكل,,, بعدين احترمي ع الاقل ولدك الي جوا مرمي تعبان
مشاعل وهي تبكي وتترجى طلال : طلال كيف فهد ,, لاتكذب علي,, قول لي انه راح يعيش
كانت ملامح طلال قاسيه لما كان يكلم ام سلطان ,, حقد عليها ليش تغلط ع مشاعل ,, بس اول ماسمع صوت مشاعل وكأن السلام والحب ملا قلبه
طلال بحنان: لاتخافي فهد انشالله بخير طمنونا عليه وانشالله راح يصحى قريب
مشاعل: احلف ياطلال انه طيب,, احلف انه راح يصحى
ابتسم طلال لانها ماصدقته : انشالله انه راح يصحى حالته الحين احسن ,,, بس هو تعبان شوي من كميه المويه الي شربها
ام سلطان كانت في حاله ذهول شخص ماتعرفه جاي يهينها ,, ولدها بين الحياه والموت,,, اولادها يرفضوها,, ويكرهوها,,, اختاروا عدوتها ام لهم,, ليش؟؟؟؟
طلع الدكتور اخيرا
الدكتور: ابشركم الحمدلله الولد صحته كويسه بس راح نحطه تحت المراقبه 24 ساعه
مشاعل قامت: دكتور بليز ابي اشوفه
الدكتور: اوكي شخص واحد بس الي يدخل,, ,افضل ان الي يدخل امه,, وين امه؟؟؟
الكل سكت وطالع ام سلطان
ام سلطان بتردد وهي تطالع مشاعل : انا امه,,, بس انا ابي اخته مشاعل هي الي تدخل
الكل انصدم من تصرفها
مشاعل وقبل ماتغير رايها ام سلطان دخلت بسرعه ع فهد
جسمه صغير ومايتحمل هالاجهزه,, بكت ع حاله وشكله الي يكسر الخاطر,,, مسكت يده وطالعت عيونه
مشاعل: فهد حبيبي معقوله تبي تروح وتخلينا,,, مين يصير طيارنا ويودينا لكل مكان نبيه؟؟
ضغط بخفه ع يدها دليل تجاوبه معاها
مشاعل: فهودي اطلع بسرعه ع شان اول شي راح نسويه راح اعلمك السباحه ع شان ماتخوفنا عليك مره ثانيه
ابتسم فهد بصعوبه
00000000000000000000000000000000000000000000000000 000000
طلعت مشاعل وضمت ام مشعل: الحمدلله ياماما فهد صحى
طلال في نفسه"ياليتني ام مشعل ع شان تضمني ميشو,, بس يالله راح يجي اليوم الي تضميني ياقطوتي"
مشاعل توجه كلامها لام سلطان وبدون نفس قالت : ترى فهد صحى وهو احسن ,,, وشكرا لانك خليتيني ادخل
ام سلطان كانت ساكته
سعود: طيب اذا تطمنا ع فهد خلونا نرجع للبيت
مشاعل: لا ياسعود انا راح اجلس معاه هنا مستحيل اخليه
مشعل: تجلسي ايش تسوي ,,, بكره من الصباح واحنا عنده انشالله
طلال كان وده يجلس عند فهد بس ع شان يريحها ,, كان وده يقول روحي ارتاحي وانا راح اهتم بكل شي,, بس خوفه من اخوانها هو الي منعه
مشاعل: خلاص انا قررت اني اجلس
واخيرا اتفقوا ان مشاعل راح تجلس
ام سلطان كانت جالسه مع مشاعل وساكته ومحد تجرا يقول لها ارجعي للبيت لانها راح تفسر كل شي ع كيفها
00000000000000000000000000000000000000000000000000 00000
الصباح
كانت مشاعل نايمه ع الكنبه وتاركه السرير لام سلطان,, صحت الصباح وظرها متكسر من هالنومه المتعبه
وقفت عند فهد وعطته بوسه ع خده ,, مبين عليه التعب
لاحظت ان ام سلطان مو متغطيه كويس وكان الجو مره بارد بالمستشفى,, اخذت الغطاء وغطتها كويس ,, ام سلطان ماكانت نايمه وحست بمشاعل
بس مافكرت حتى تشكرها
دخلت مشاعل للحمام ولما طلعت لقت سعود موجود
مشاعل: هلا سعود ايش جابك من الصباح الساعه الحين 9
سعود: اف لاتقهريني
مشاعل: ليش؟؟؟
سعود: طلالوه ماخلاني انام,, يقول كيف تخلي مشاعل لوحدها بالمستشفى ,,, ومن 7 وهو يزعجني,,, وهو برا الحين البسي عبايتك انتي وام سلطان
مشاعل منصدمه: ايش جابه؟؟
سعود: يقول انه يبي يتطمن ع فهده,, بس انا متاكد انه يبي يتطمن عليك
مشاعل مره استحت خاصه انها لاحظت نظرات ام سلطان ,, وحست بانها راح تنفجر من الضحك
دخل طلال بعد ماتغطوا
طلال: السلام عليكم
الكل: عليكم السلام
طلال: اجل فهد نايم
سعود: ايه نايم احد يصحى من 8
طلال: اوه لا اكون بس صحيت الاهل؟؟؟
سعود: لا مشاعل صاحيه من بدري بس ام سلطان شكلها اليوم راح تدعي عليك
طلال: والله انا اسف بس حبيت اتطمن ع فهد واجيب لكم فطور
مشاعل: وليش ياطلال تتعب نفسك,, يكفي الي سويته معانا ويكفي وقفت معانا امس
طلال لما سمع صوت مشاعل حس ان الحياه رده له
طلال: لا ما سويت شي وعموما تطمنوا ع فهد الدكتور يقول انشالله المغرب راح يطلع من هنا
مشاعل: الله يبشرك بالخير
سعود: اقول طلال ايش رايك تجلس هنا وانا اروح اكمل نومي؟؟
طلال: والله فكره حلوه
مشاعل مره استحت,, ياكرهه طلال ماجاء الا مع اخوها سعود,, ع الاقل كان جاء مع مشعل لانه شديد اكثر من سعود وماراح يسمح لطلال انه يتكلم معاها
كلهم انتبهوا لفهد الي صحى من النوم
فهد: مشاعل انا عطشان
مشاعل على طول نادت الممرضات يجيبوا له مويه
ام سلطان تشوف مشاعل واهتمامها باولادها ,, وهي طول الوقت تتهجم عليها وتهينها,,, مافيه احد يملك مثل قلب مشاعل,, ع قسوتها معاها وكرهها لها كانت مشاعل خايفه على ام سلطان حتى من البرد ,, ماتخيلت ابد ان مشاعل تملك هالقلب,,, وندمت ع كل شي سوته
بدون ماتحس لقت نفسها تقول لمشاعل
ام سلطان : مشاعل ودي اشكرك ع اهتمامك باولادي ورعايتك لهم,, يمكن انتي مستغربه اني اتكلم معاك بهالاسلوب,,بس انا شفت نتيجه الي زرعته,, انا زرعت بقلوب عيالي الخوف مني وكرهي وانتي زرعتي بقلوبهم حبك ,,, انا كنت قاسيه معاك,,, وتذكرت كلامي لك واني دايما اعايرك بموت امك ,,, حسيت ان ربي عاقبني بولدي فهد وكنت راح اخسره,,, ولاحظت كره اولادي لي,, مشاعل انا غلطت بحياتي كثير بس انا ماطلب الكثير ولااطلب انك تسامحيني لاني عارفه انك ماراح تسامحيني بس الي اطلبه انك تساعديني ع تربيه اولادي
طلال كان منصت لابعد حد,, خاصه ان الموضوع يتعلق بمشاعل,,, وكان ام سلطان ندمت,, وبكذا راح ينفتح له المجال انه يتزوج من مشاعل
طلال لما سمع ام سلطان تقول ابيك تساعديني ع تربيتهم بدون مايحس قال
طلال: لا مشاعل مخطوبه وماتقدري تربي عيالك لانها راح تلهى بعيالها
الكل انصدم من جرئة طلال ,, سعود مات ضحك عليه وماقدر يمسك ضحكته ,,
ام سلطان: بصراحه يامشاعل خطيبك لسانه طويل الله يعينك عليه
الكل مات ضحك ع ام سلطان لان شكل طلال عدوها الجديد
مشاعل التفتت ع ام سلطان: وليش ماسامحك مو انتي ام اخواني,, كل الي ابيه منك انك تهتمي باخواني((وضمتها))
ام سلطان كانت تبكي من الفرحه,, معقوله مشاعل قلبها كبير لهدرجه,,, كل الي سوت فيها ومع كذا تسامحها بهالبساطه
مشاعل شافت فهد يطالعهم بحزن ,, قربت منه وجلست جنبه
مشاعل: ممكن اعرف طيارنا ايش فيه زعلان
فهد يطالع مشاعل: راح تتزوجي وتتركينا
مشاعل التفتت ع طلال والي كان ينتظر ردها ع احر من الجمر
مشاعل رجعت تطالع فهد : كل بنت لازم تتزوج وطلال خطبني وانا مقدر ارفضه,, وانتم عندكم امكم الي راح تكون احن عليكم مني,,, ترى يافهد مافيه مثل حنان الام
طلال مو قادر يمسك نفسه من الفرحه,, كان وده يشيل سعود ويرميه من الدور 3 الي كانوا فيه بس استحى من وام سلطان
00000000000000000000000000000000000000000000000000 00000
بعد شهر
ام سلطان: سلطان حبيبي روح البس يله
سلطان: ماما شوي هذي اخر لعبه,, ماما تعالي العبي معاي
ام سلطان جلست تلعب مع سلطان بلي ستيشن
دخلت مشاعل عليهم ويدها ع خصرها: مشالله ياخالتي ,,جالسه تلعبي ومالبستي يله ام طلال واخواته راح يجوا الحين ,,, والا نسيتي ان اليوم ملكتي؟؟؟
ام سلطان: ايش اسوي حبيبي سلطان يبيني العب معاه ومقدر ارده
سلطان: ماما لا خلاص قومي ماتعرفي تلعبي خسرتيني
ام سلطان: طيب هذا جزاي الي جالسه العب معاك
فيصل جاء يركض: ماما ابي البس ثوب مثل فهد وشماغ
00000000000000000000000000000000000000000000000000 00000
كانت مشاعل ع سنقه 10 ع قولتهم ,,, كانت لابسه فستان قصير ولا بسه بوت صيفي مفتوح من قدام يغطي رجلها ,,, كان لون الفستان بيج وع الصدر شريطه بينك ,, اما البوت كان لونه بينك ,,, والميك اب مره كويت,,, وكانت تسريحه شعرها بسيطه وناعمه
وبكذا برزت جمالها الطبيعي اكثر
ام مشعل دخلت ع مشاعل: يله حبيبتي وصلوا ,,, مشاعل امه ماتعرف عربي شلون راح اتفاهم معاها
مشاعل: هههههههههههه ماادري يمكن بالاشاره
ام مشعل: خلي ام سلطان تجي معانا تعرف انقليش ,, ع الاقل احد يسولف معاها
مشاعل: لا يماما ام طلال ماتعرف انقليش,, ماتعرف الا اسباني,, قلت لك مالك الاشاره
ام مشعل: يالله كان خلوها في البيت
مشاعل: هههههههههههه
نزلت مشاعل مع ام مشعل,,, وكانوا جالسين بالمجلس,,, كانت خايفه مره اوله مره تشوف امه واخته هيفاء
دخلت عليهم اخيرا
ام طلال: ماشالله هلوه كتير
مشاعل كانت راح تنفجر من الضحك حستها خدامه لان كلامها نفس كلام الخدامات
مشاعل اكتفت بالابتسام,, ولما وصلت لمياء,, وهي تسلم عليها
لمياء: تعرفي لو طلال يشوفك اليوم راح ينجن
مشاعل صار وجهها احمر
وصلت اخيرا لهيفاء
هيفاء تطالعها بتفحص : هاي كيفك؟؟
مشاعل: الحمدلله,, كيفك انتي؟؟؟
هيفاء: كويسه
كانت الجلسه صعبه لان ام طلال كانت تسولف بالاسباني ولمياء اشتغلت مترجم لها,, اما هيفاء كانت تتفحص مشاعل جزمتها لبسها ومبيك ابها,, شعرها كل شي,, تبي تعرف هي من مستواهم او لا
سعود من بعيد: مشاعل
مشاعل: هلا
سعود: تعالي
طلعت مشاعل لسعود ومعاها ام سلطان,, اما ام مشعل كانت مشغوله بالمطبخ بتجهيز الشاي
سعود يضحك : ميشو بصراحه مشعل مايبي يجي يخليك توقعي لانه خايف ان وجهه نحس((وطالعها بابتسامه)) جاهزه ؟؟؟
مشاعل حست بغصه يمكن من الخوف لانها اخيرا راح ترتبط بطلال,, يمكن الفرحه خلتها خايفه
مشاعل تبتسم : جاهزه
راحوا باتجاه مجلس الرجال ومن وراء الباب
سعود: ياشيخ العروس جاهزه
الشيخ: بنتي انتي موافقه ع طلال الـ ؟؟ وبرضاك؟؟؟
مشاعل سكتت
سعود: تكلمي ليش ساكته
مشاعل تهمس لسعود: مستحيه
سعود يبي يخوفها : طيب خلصينا ترى اذا سكتي الشيخ يحسبك مغصوبه ويروح
مشاعل خافت وعلى طول قالت : موافقه ياشيخ
سعود: هههههههههههههههههه
الشيخ : يااخ سعود ياليت تقول لها توقع هنا تحت اسمها
سعود: ابشر
سعود يكلم مشاعل يبي قهرها: هاه تبين اروح اقول لهم انك غيرتي رايك؟؟
مشاعل منحرجه: يوووووه سعود هات اوقع
سعود: اعصابك كل هذا شفاحه ع العرس
مشاعل: ايه ايش عندك
كانت مشاعل متشوقه تبي توقع ,, كانها خايفه انه يصير شي وماتتزوج طلال,, كانت مبسوطه ومتشوقه انها تكون زوجه لطلال,, الناس يقول عنها زوجه طلال ,,, السعاده خلتها مثل المجنونه,, كانت تبي تاخذ القلم من سعود بالقوه وتوقع,, مر عليها هالموقف قبل لكن مع بندر,,, كانت متردده وخايفه,, فرق كبير بين الموقفين,, مع انهم يتشابهوا ولكن الشعور داخلها يختلف
اخذت القلم واخيرا وقعت
مشاعل الحين زوجه لطلال ع سنه الله ورسوله
سعود يبتسم : الف مبروك يامشاعل والله تستاهلي طلال,, وطلال يستاهلك
مشاعل بكت
سعود: لالا ليش الحين الدموع ,, الميك اب راح يخرب,, بعدين يشوفك طلال وينتحر
مشاعل: بسم الله عليه
ام مشعل جايه ركض: هاه نقول مبروك
مشاعل تهز راسها وهي تبكي
ام مشعل على طول عرفت انها دموع الفرح: مشاعل الف الف مبروك
مشاعل: الله يبارك فيك
00000000000000000000000000000000000000000000000000 00000
سعود دخل عليهم وعلى طول اتجه لطلال: الف مبروك ياطلال
رنه الكلمه هذي باذنه وكانه مو مصدق كان خايف تغير رايها ,, الف مبروك معنى هالشي ان مشاعل الحين زوجته ,,, مو معقوله ,, خلاص انتهت المشاكل,, والله جمعه معاها,, في لحظه كان فاقد الامل لرجعتهم,, والحين رجعت له كزوجه ,,, ماقدر يستوعب
طلال ووجه انشق من الابتسامه : الله يبارك فيك
وصار المجلس ماتسمع فيه الا مبروك والله يبارك فيك,,, وكانت الفرحه عامه المكان
حتى في مجلس الحريم,, الكل كان يبارك لمشاعل والي حست انها ملكت الدنيا كلها ,, اخيرا طلال صار زوجها
هيفاء دق موبايلها
هيفاء: هاي بابي
ابو طلال: حبيبتي خلي مشاعل تدخل ع شان يلبسها الشبكه
هيفاء: ايه بس يابابي احنا نبي نكون معاكم
ابو طلال: طيب اخوان مشاعل طلعوا تعالوا احنا بالمجلس
هيفاء: اوكي
هيفاء: مشاعل بابي يقول تعالوا المجلس ع شان طلال يبي يلبسك الخاتم والشبكه
مشاعل ماتت من الحياء معنى هذا انها راح تجلس مع طلال وابوه وامه واخواته لوحدها ,, يالله مستحيل تتحمل
مشاعل: اوكي
قامت هيفاء ولمياء وام طلال ومعاهم مشاعل تدلهم ع المجلس
واخيرا وصلوا بس مشاعل وقفت
مشاعل: هذا المجلس تفضلوا
لمياء: وانتي ماراح تدخلي معانا
مشاعل وكانها راح تبكي من الحياء: لا انا مستحيه
لمياء: ههههههههه,, اجل مين راح يلبس اخوي الخاتم ,, لايكون انا او هيفاء
هيفاء: ايش الي تستحي,,, ترى الحياء بطلوه من زمان,,, تعالي لانطول عليهم
مشاعل على طول عرفت انها راح تتعب مع هيفاء واضح انها مو سهله,, بس كله لعيون طلال يهون
مشاعل دخلت بالمجلس وكانت عيونها بالارض مو قادره ترفعهم ,, بس ايش تسوي لازم تسلم ع ابو طلال ,,, ع شان كذا رفعت عيونها تدور عليه
طاحت عينها ع طلال كان ودها تنفجر من الضحك ع شكله كان لابس ثوب ومشلح وغتره كان شكله يموت ضحك,, ابد مايناسبه الثوب
ابو طلال: مشالله قمر مالومك ياطلال اذا تعلقت فيها ,,, الف مبروك يابنتي
مشاعل بهمس وعينها بالارض : الله يبارك فيك
ابو طلال: تفضلي جنب زوجك
خلااااااااااااااااااص مشاعل انجنت لما سمعت هالكلمه زوجي ,,, اخيرا طلال صار زوجي
جلست جنبه وعينها بالارض
طلال: مبروك يامشاعل
مشاعل: الله يبارك فيك
طلال: وانا مافيه لي مبروك
مشاعل تبتسم: مبروك
طلال: على ايش؟؟؟
مشاعل : خلاص طلال
ام طلال قامت تتكلم كلام مافهمته مشاعل كان بالاسباني
طلال: ميشو ماما زعلانه تقول ليش تتكلموا عربي مافهمت شي بدا شغل الحموات الله يعينك
مشاعل: ههههههههههه
طلال طالع مشاعل بكل حب وشوق,,, مشاعل كان ودها تشيل الجزمه الي لابستها وتضربه بها,, كانت مره منحرجه من ابوه وامه واخواته
نواف: يله طلال لبسها الخاتم والا البسها انا
طلال: لا ياشيخ تعال مكاني احسن
لمياء: حرام عليكم خلصوها البنت راح يغمى عليها
طلال يطل بوجه مشاعل الي كان بالارض
طلال: اذا اغمى عليك ياحبي انا راح اشيلك من الارض
مشاعل قامت من الحيا ,, بس يد طلال كانت اقوا ومسك يدها وجلسها
ابو طلال كان ميت ضحك ع طلال اما امه ماكانت تدري ايش القصه,,, ولمياء رحمت مشاعل,, اما هيفاء غامضه ,, نواف يحاول يحرج مشاعل اكثر
ابو طلال : طلال لبس البنت الخاتم اخوانها برا ,, خلهم يدخلوا
كان ع الطاوله الي جنبها صينيتين وكان شكلها خرافي,,, كانت مزينه بالورد ,, الاولى كان عليهم فلوس كثيره كانت مهر مشاعل وكل الف كانت ملفوفه بشريطه حمرا
والثانيه عليها 5 علب
قرب طلال من مشاعل واخذ اول علبه والي هي اصغر علبه ,, وفتحها وطلع منها دبله تجنن كانت مرصعه بالالماس تدل ع ذوق راقي
مسك يد مشاعل وبكل رقه دخل الخاتم في اصبعها باليد اليسار,, ماتدري ايش صار لها لما لمس يدها اقرب شعور هوالاغماء ,, وطبع قبله كله حنان ع يدها
طلال: الف مبروك
مشاعل: الله يبارك فيك
اخذ العلبه الثانيه والي هي اكبر علبه موجوده ,,, وكانت عباره عن طقم الماس مبهر ,,, كان عباره عن طوق كله الماس وفي وسطه 3 من الاحجار الكريمه ,,, ومعاه حلق وخاتم
مشاعل بنفسها" الله يعين انشالله راح يلبسني كل هذا "
اخذ طلال يدها الثانيه,,, ولبسها الخاتم الثاني والي كان واسع شوي ع اصبعها,,, وجاء دور الطوق ,,, طلب منها انها تلف ع وراء عشان يقدر يسكره
كانت مطيعه لابعد حد تبي تنتهي من هالموقف المميت بالنسبه لها
كانت يده قريبه منها كان يحاول يقفل الطوق الي لف به رقبتها ,, ,واخيرا قدر انه يقفله,, كانت مشاعل مرتبكه من قربه ومنحرجه من اهله
وجاء دور الحلق,,, وهذا الي خايفه منه مشاعل ,,, اكيد راح يكون قريب منها مره لدرجه انها اكيد راح يوضح عليها الاحراج,, ياليته خلاها هي تلبسه
مشاعل: لالا ماله داعي انا البسه,, اخاف تعورني
طلال: لا ماما تتشائم اذا العروس لبست الحلق بنفسها ,,, تقول يمكن تكون حياتكم مو سعيده
الكل ضحك
بدا طلال يدخل الحلق في فتحه اذنها وكانت انفاسه قريبه منها ,, وهالشي اربكها ,,, واخيرا انتهى من الاذن اليسار,, جاء دور المرحله الاصعب وهي الاذن الثانيه,,, لانها لازم تلف باتجاه طلال ع شان يقدر يوصل للاذن الثانيه,,, وفعلا لفت وكان طلال قريب منها لدرجه انه لو قرب منها شوي كان قدر يضمها ,,, كانت ترتعش من الحياء والخوف
لمياء: بسرعه البنت راح تموت
طلال وقف عن شغله والي باين عليه كان مستمتع به,, وضحك ع كلام لمياء
مشاعل في نفسها" هذا وقت تضحك فيه خلصني"
وبعد مانتهت الدقايق والي كانها سنوات عند مشاعل
جاء دور العلبه الثالثه وكانت علبه فيها ساعه من ماركه شوبارد ,,, دقايق وصارت الساعه ع يد مشاعل
طالع طلال العلبتين : ميشو هذي العلبه لام مشعل والثانيه لام سلطان هديه بسيطه
مشاعل: ليش ماله داعي
طلال: هذا شكر لهم لانهم قدروا يستغنو عن خدماتك
الكل: ههههههههههه
مشاعل: طيب عن اذنكم
طلال: لالا ايش الي عن اذنكم,,, ابي اجلس معاك لوحدنا شوي
مشاعل : لا مقدر
لمياء: ميشو ترى طلول زوجك
ابو طلال وكانه امر : بنات روحوا داخل
على طول ام طلال طلعت وهيفاء ولمياء
ابو طلال : انا راح استنى برا
مشاعل: لا خالي خلك معانا
طلال: لا بابا استنى مع سعود ومشعل بالمجلس الثاني
بعد ماطلع ابو طلال
مشاعل: حرام عليك تطرد ابوك
طلال ماتكلم كان يطالع مشاعل بكل حب وحاط يده ع خده وكانه يتامل صوره مره عاجبته
مشاعل انحرجت: مضيع شي بوجهي؟؟؟؟
طلال: ايه
مشاعل: قول لي ايش هو ع شان ادوره معاك
طلال: قلبي
مشاعل انحرجت : طلال خلاص
طلال: من اليوم وطالع ماراح تسمعي الي هالكلام يالحقيره
مشاعل انصدمت: حقيره؟؟؟
طلال: ايه حقيره,, لما كنا مخطوبين ليش مارضيتي اني اكلمك
مشاعل تتغلى: كذا مزاجي,, امممم يمكن عشان تشتاق لي
طلال: والله الشوق كان راح يقتلني
مشاعل: بسم الله عليك
طلال يبتسم: تخافي علي
مشاعل: اكيد ياعمري اخاف عليك و...
طلال: وايش؟؟
مشاعل: واحبك
طلال صار يلعب بشعر مشاعل وبخدودها
طلال: ماني مصدق انك قدامي وانك خلاص صرتي زوجتي
مشاعل: مين قال اني زوجتك
طلال: والله اجل ايش انتي؟؟؟
مشاعل: انت الي زوجي
طلال:ههههههههههه
وصار الولد يمون بزياده وصار يقبصها من يديها ويسحب شعرها ويجننها
مشاعل: طلال خلاص مجنون
طلال: كيفي انا حر زوجتي
مشاعل تطالعه بكل حب : اخيرا ياطلال اجتمعنا انا مو مصدقه
طلال : قطوتي والله احبك احبك
مشاعل: وانا احبك
طلال: اثبتي لي
مشاعل : شلون؟؟؟
طلال يعطي خده مشاعل: بوسيني ع شان اتاكد
مشاعل عطته كف خفيف و قامت بسرعه: تمون اقول انا داخله
وراحت تركض قبل طلال مايوصل لها
اخيرا دخلت جوا البيت وبكذا هي في امان من طلال
تسندت ع الجدار وابتسمت : طلال احبك احبك احبك
00000000000000000000000000000000000000000000000000 0000
في سياره طلال
طلال كان معاه لمياء وهيفاء ونواف
اما ابوه وامه فهم جاين لوحدهم بسياره ابوه المرسيدس
طلال : ايش رايكم اتصدق عليكم اليوم واعزمكم ع العشاء
هيفاء: ايش رايك تعزمنا في سبايزو
طلال: اوكي
لمياء: لالا انا ماحبه اكلهم مره شين
نواف: حتى انا ما احبه
طلال: هاه نروح له والا تبو شي ثاني؟؟؟
لمياء: نبي نروح creapaway
هيفاء: لا انا مابيه ايش هذا لو تشوفني وحده من صاحباتي تقول رايحه لهالمطعم الشين ,,, وبعدين كل صاحباتي اليوم بسبايزو
طلال: واحنا ايش دخلنا بصاحباتك ,, انشالله راح نعزمهم بعد
هيفاء: لا بس ابي اشوفهم هناك
طلال: خلاص اليوم راح نرضي هيفاء وبكره راح اوديك يالمياء انتي ونواف للي تبو,,, اتفقنا
لمياء وانوف بدون نفس: اتفقنا
طلال: بس راح امر ع البيت اغير ملابسي لاني احس اني ماقدر امشي من هالثوب
لمياء: طلول شكلك يموت ضحك فيه
طلال: ايش اسوي بابوك غصبني
هيفاء: هههه اجل ايش راح تسوي يوم زواجك
طلال: راح اقصه واخليه تيشرت
كلهم :هههههههههههههههه
00000000000000000000000000000000000000000000000000 00000
سعود: هاه ميشو والله وصرتي حرمه وتزوجتي
مشاعل: هههههههههه احد قال لك اني بزر؟؟؟
سعود: والله للحين محد قال لي
مشاعل: ليش فيه امل احد يقول لك؟؟؟
سعود: والله مدري عن الهنوف يمكن تقولها
مشاعل: ايش صار ع الهنوف؟؟؟
سعود يطالع امه: والله مدري عن عجوزنا
ام مشعل : عجوزنا هاه خلني اشوف مين حيخطبها لك
سعود راح يبوس امه : لا كل شي ولا زعل الورده اقول ماما متى نروح نخطبها
ام مشعل: ايش تبي فيها هذي تكلمك والي تكلمك تكلم الف واحد غيرك
سعود: ماما لو سمحتي الا هنوفتي,, بعدين انا ماعرفها من يوم والا يومين اعرفها من 5 سنوات وواثق فيها
ام مشعل : والله انا عجوز وماقوى اروح معاك خل مشاعل تروح معاك
سعود: لا عاد بلا دلع انتي غزال بس كلمي امها ,,, ماما تكفين خايف تطير مني
مشاعل: قص جنحانها
سعود: انتي اسكتي فرحانه لانك تزوجتي طلالوه وصرتي تتهزي فيني
ام مشعل: خلاص تراك ازعجتني ,,, انشالله بكره اكلمهم
سعود: ماما خير البر عاجله دقي اليوم
قطع عليهم سالفتهم صوت موبايل سعود
ام مشعل: رد ع حبيبه القلب
سعود يطالع مشاعل: لا هذا حبيب القلب مو حبيبه القلب
مشاعل على طول فهمت قصده وفتحت اذانها وكانها ردارات
سعود: هلا طلالوه
طلال: عسى ماشر طلالوه تمون
سعود: ايه امون مو نسيبي ,, كيفي اناديك باللي ابي
طلال: استنى علي لما اختك تكون عندي وانا اوريك ياشبيه الضفدع
سعود: ضفدع هاه ,, ايش تبي ماعندنا حرمه لك باي
طلال: لالا تعال اسف طال عمرك
سعود: اخلص ايش تبي ترى انا مشغول
طلال: اخس يالمشغول,, اقول وين اختك ,, قول لها اني زوجها كانها ماتدري ,, ابي اكلمها وينها
سعود: ميشو زوجك يبيك
مشاعل اعجبها ان سعود يقول عنه زوجها كانت تسعدها هالكلمه
مشاعل: قول له يدق ع موبايلي
سعود: دق ع موبايلها
طلال: دقيت مقفل ,, حظرتها مو فاتحته من اول ماخطبتها ,, قول لها الحين تملكنا يعني زوجتي ع سنه الله ورسوله وغصب عنها تكلمني
سعود: يقول لك مقفل,, اقول انتم تحسبوني ببغاء,,, خذي كلميه ماني فاضي انقل كلام
اخذت مشاعل الموبايل
مشاعل بكل نعومه : الو
طلال: قلبييييي
مشاعل: سلامت قلبك
طلال: احبك
مشاعل تطالع ام مشعل وسعود والي كانوا مركزين معاها وانحرجت
مشاعل: حتى انا
طلال: انتي ايش؟؟؟
مشاعل: زي الي قلت
طلال: هههههههه عندك الضفدع
مشاعل تضحك: ههههههههههه مين الضفدع
طلال: اخوك سعود
مشاعل : ايه
طلال: يووه خليه ينقلع لايتلصق في المتزوجين ,, توه هو عزوبي اخاف نخربه
مشاعل: ههههههههههههههههههه
طلال: فديت هالضحكه
مشاعل انحرجت
طلال: طيب قلبو افتحي موبايلك ابي اكلمك
مشاعل: حطلع غرفتي واكلمك
طلال: اوكي حبي انتظرك
مشاعل: باي
طلال: بوسه
مشاعل بحده : باي
طلال: باي
مشاعل راحت ركض ع غرفتها تكلم طلال
00000000000000000000000000000000000000000000000000 00000
هيفاء كانت تضرب على طلال الغرفه لانه تاخر ,,, ساعه يغير ملابسه ,, طفشوا من الانتظار,, واخيرا طلع وكان لابس جينز لو وست كعادته وقميص انيق من Purberry
هيفاء: طلول يله طفشتنا
لمياء: طلول والله لو انك عروس اخيرا طلعت,,, اخس ايش هالكشخه
طلال: خلاص انا عريس لازم اكشخ ههههههههههه
نواف: عريس والا تبي تغازل
طلال: اغازل بعينك,, يله اركبوا
ركب طلال ونواف وهيفاء ولمياء
طلال توه حرك السياره يبي يطلعها من البيت وهو واقف عند البوابه ينتظر البواب يفتح الباب
دق موبايله ولما شاف الرقم نزل من السياره بسرعه
طلال: وحشتيني ياقطوتي
مشاعل: كذاب توني كلمتك لحقت اوحشك
طلال: بكل دقيقه وثانيه يازوجتي
مشاعل انسدحت ع السرير وحطت رجل ع رجل : ياحلو هالكلمه منك
طلال: احبك
نواف طلع راسه مع الشباك : يله يابو الشباب احنا جوعانين
مشاعل: تبي تتعشى قلبي؟؟؟
طلال: لا انا عازمهم ع العشاء ,, اليوم مدلعهم
مشاعل: اها وانا اخر مين يعلم ,,, انت الحين متزوج يعني المفروض ماتطلع من البيت الا باذني
طلال: ههههههه ابشري طال عمرك ممكن اروح للمطعم
مشاعل: ع حسب المطعم
طلال: رايحين سبايزو
مشاعل شهقت: ايش ايش ايش,,, مستحيل اخليك تروح هناك
طلال مستغرب: ليش؟؟؟
مشاعل: كله بنات,, انسى انك تروح,,, اعزمهم بمكان ثاني
طلال بترجي: قطوتي بليز وعدتهم ,, بس المره هذي وبعدها ماراح اروح الا باذنك
مشاعل: توعدني ماتطالع ولا تجلس قدام طاوله بنات
طلال ابتسم: تغاري علي؟؟؟
مشاعل: لا
طلال: اجل ليش ماتبيني اشوف بنات
مشاعل: ابد ع شان ماتحسدهم عارفه عينك حاره
طلال: هههههههههههه,, ياحبي لك
نواف: راح تجي او نروح مع السواق
طلال: ممكن اروح
مشاعل: ترى صاحباتي كلهم هناك يعني لو تسوي شي ترى راح يقولوا لي
طلال: مافيه ثقه؟؟؟
مشاعل: احبك وماتحمل انك تشوف احد
طلال: اموووووووووووووووووووووووووووووووه
مشاعل: ....................
طلال: ههههههههههههه غريبه ماقفلتي
مشاعل: ..................
طلال: انخرستي؟؟؟؟
مشاعل: يله روح لا يزعلوا
طلال: اوكي انا اول ما ارجع للبيت راح ادق عليك
مشاعل باستهزاء: ههههههههههههه ياحليلك وتتوقع اني اخليك هناك بدون ماشيك عليك كل دقيقه
طلال: ههههههههههه احلى تشييك
مشاعل: اوكي باي
طلال: باي
ركب طلال السياره
هيفاء: مابغيت تخلص ,,, ساعه لاطعنا
طلال: اسكتي ترى بغير رايي ماعزمكم
لمياء: لا خلاص سكتنا
نواف: اقول طلول معاك عطر؟؟؟؟
طلال: ليش ايش تبي فيه
نواف: يمكن القى وحده اطيحها
الكل: هههههههههههههههه
00000000000000000000000000000000000000000000000000 000
مشاعل الفرحه كانت مش سيعاها ع قوله المصريين ,, حاسه انها بحلم حلو ماتبي تصحى منه
سمعت صوت الباب
مشاعل: مين؟؟؟
نجود: ممكن ادخل
مشاعل: اكيد
نجود: الله ايش هالفرحه الي اشوفها الله يديمها
مشاعل: امين
نجود: هاه ماعندك نيه نروح نشتري اغراض لزواجك ؟؟؟؟
مشاعل: نجود انا فكرت بالمهر الي عطاني طلال,, تعرفي المبلغ مره كبير ودي اسافر معاك ومشعل لباريس ع الاقل تغيروا جو ومنها اروح اشتري ملابسي من هناك
نجود: روحي انتي ومشعل انا صعبه اروح وخالتي هنا لوحدها
مشاعل: مدري بسال طلال اخاف مايوافق
نجود: ماتوقع انه ماراح يوافق ((وابتسمت)) خاصه انه يموت فيك
مشاعل ابتسمت : تتذكري لما حكيت لك عن فارس احلامي
نجود: ايه
مشاعل: قلتي لي وقتها ان فارس الاحلام بس بالروايات والقصص والافلام صح
نجود: صح
مشاعل: نجود كلامك مو صح لان فارس احلامي موجود ,, وهو زوجي وحبيبي وكل دنيتي ,,, نجود صدقيني فارس احلام كل بنت قدامها بس يمكن هي ماتشوفه او مو قادره ترتبط فيه لسبب معين مثل ماصار معاي ,, بس اخيرا حصلت عليه
نجود: صدقيني انا افرح لما اشوف فرحتك
مشاعل: ااااااااااه يانجود مو مصدقه انه راح يجمعنا بيت واحد احس انه كان حلم
نجود: الله يوفقك قولي امين
مشاعل: امين
00000000000000000000000000000000000000000000000000 00000
سعود: هاه ماما ادق عليهم ؟؟؟؟
ام مشعل: يوووه منك ياسعود قلت لك الف مره ماراح ادق الحين الوقت متاخر بكره انشالله
سعود: يماما والله امها داجه ماتنام الا 2 الليل
ام مشعل: وانا ايش دخلني انشالله ماتنام الا 4 الفجر ,, هذي الاصول ان الناس مايدقوا يخطبوا بهاليول
سعود: اوووووووووووه ماما تفكيرك قديم
00000000000000000000000000000000000000000000000000 000000
كان طلال جالس بجنب نواف وقدامه لمياء وهيفاء
هيفاء: يااااااااااي لمو شوفي هذي العنود صاحبتي
لمياء: يالله اكرهها لاتشوفنا تكفين
هيفاء تاشر للعنود
العنود طبعا ماصدقت بما ان طلال معاهم جت تركض
العنود بدلع زايد : هاي هيفاء كيفك؟؟؟
هيفاء: كويسه كيفك وكيف البنات؟؟؟
العنود: تمام اشوفك جايه مع اهلك غريبه
هيفاء: اخوي طلول عازمنا اليوم بمناسبه ملكته
العنود: اها حلو,, مبروك طلول
طلال من غير نفس: الله يبارك فيك
العنود: لمو كانك نحفتي شوي
لمياء بنفس خايسه: ليش الاخت ميزان
العنود: لا بس واضح كرشك صغرت
لمياء: اول شي انا ماعندي كرش ,, وبعدين شلون شفتي كل هذا من وراء العبايه
العنود: حبيبتي انا عندي نظره ماتخطي ابد
هيفاء تبي تهدي الاوضاع : عنود ليش ماتجلسي معانا
العنود: صاحباتي معاي بس مو مشكله اجلس معاكم شوي
نواف: لالا صاحباتك يزعلوا منك ,, روحي لهم ع شان تفتحي نفسهم ع الاكل
العنود: شكل بينكم مواضيع خاصه
طلال اخيرا نطق: ايه والله
هيفاء: طلال ,,,, عنود خلاص انا ادق عليك انشالله
العنود تطالع نواف بحقد : اوكي باي
هيفاء: باي
هيفاء بعد ماجلست : مين سمح لكم تكلموا صاحبتي بهالاسلوب؟؟
نواف: احنا سمحنا لنفسنا
هيفاء: انت ماكلمتك اسكت,, طلال ترى حطيتني بموقف محرج معاها
طلال: صاحبتك بجحه تبي تجلس معانا ,,, خير تمون
هيفاء: انا الي دعيتها
طلال: مره ثانيه لاتدعي احد وانا موجود
هيفاء: راح تاكلك؟؟؟
طلال: لا بس انا مابي اجلس معاها اوكي
00000000000000000000000000000000000000000000000000 00000
مشاعل تفكر من وين تشتري فستانها ؟؟ ومين حيسوي لها الميك اب؟؟؟ ومين ومين ومين,,, فكرت بكل شي ,,, تبي كل شي يصير بيرفكت,,, كل شي مرتب
فكرت تدق ع طلال منها تطمن ع الاوضاع عندهم ومنها تساله عن سفرتهم لباريس
مشاعل: هاي
طلال: اه ياقلبي زوجتي تتصل مو مصدق
مشاعل استحت: طلال ترى والله تحرجني بليز خلاص اثقل شوي
طلال: ههههههههههه انشالله
مشاعل: هاه بشر عسى مافيه بنات بس؟؟؟
طلال: اووووووووه مليان وحلوات موت
مشاعل: يله باي
طلال: لالا كل شي ولازعل قطوتي,, اصلا انا ماطالعت احد تدري ليش
مشاعل: ليش؟؟
طلال: لان اي بنت بعدك راح تكون قبيحه
مشاعل: طلول
طلال: عيونه
مشاعل: احبك
طلال: راح اصرخ
مشاعل: لالا اسكت لاتفضحنا ,, المهم طلول كنت بطلب منك طلب
طلال: سمي
مشاعل: ودي اسافر باريس
طلال مستغرب : ايش هالسفره المفاجئه
مشاعل: ودي اشتري ملابسي من هناك ,,, وبسرعه لان حظرتك ماعطيتني مهله الا شهر
طلال: احمدي ربك
مشاعل: الحمدلله ,, بس هاه ايش قلت
طلال: لا
مشاعل: وليش انشالله
طلال: لان مقدر ع بعدك,, خلينا بعد مانتزوج اوديك وين ماتبي واشتري الي نفسك فيه
00000000000000000000000000000000000000000000000000 000000
وبعد شهر ,, كان يوم زواج مشاعل
مشاعل: ماما انا مره متضايقه معقوله ساره صديقه عمري ماتحظر زواجي
ام مشعل: لاتضيقي صدرك هذي ليله عمرك,, وساره ايش تسوي اخوها منعها,, ويكفي انها اتصلت تبارك
كانت روبي المزينه تحط المسات الاخيره لمشاعل,,, كانت مشاعل متعوده دايما تجيبها لاي مناسبه,,لاني ميك ابها مره يعجب مشاعل
ام مشعل : انا راح انزل وقبل الزفه راح اطلع لك فوق
مشاعل: ماما مادري كيف راح تصير زفتي ولا الميوزيك ولا شي طلال مسوي لي مفاجاءه,, ماما انا خايفه
ام مشعل: لاتخافي اذا طلال متكفل بهالموضوع تاكدي انه راح يصير حلو
كان زواج مشاعل اسطوري ,, كان في الفور سيزون ,, مثل ما امرت هيفاء,,, وكانوا المعازيم من الطبخه المخمليه ,, من صاحبات هيفاء والي ينتمون لطبقات راقيه ,, وصاحبات مشاعل المتواضعات ,,, وصاحبات لمياء ,, واخوال طلال الاسبانين وعمانه,, وبعض الاصحاب,,,
كان الزواج مرتب لابعد حد ,,, وكان كل شي مرسوم,, كان الزواج هديه لمشاعل من طلال بدايه من الاوتيل لحد الزفه مشاعل ماعليها الا انها تدخل بالزفه وتتمتع بكل شي ,,, الشي الي كانت مشاعل مسئوله عنه هو فستانها وميك ابها
كان الزواج مبهر من البدايه بحيث ان كل مدعوه تستقبلها خدامه تشيل لها العبايه وتحطها بالمكان المخصص للعبايات ,,, وتوجهها الخدامه الثانيه لمكان تجلس فيه,, ومن بعدها يجيها سيل من الصبابات والي كل وحده تتمنى تخدمها,,, وغير اصناف الحلويات والشاي والقهوه ,, كانت الطاولات مرتبه بالورود مثل الكوشه ,, كانت الكوشه عباره عن بيت من الورد له عواميد وشبابيك خلفيه وكان شكله وريحته تحسسك بالانتعاش وكانك في حديقه,,, فكان الورد عباره عن جدران وارضيه يقطعها طريق يودي للجلسه الي راح يجلسوا عليها طلال ومشاعل
الكل كان متحمس يبي يشوف مشاعل البنت الي سوى لها طلال كل هذا
وبدت الزفه
في البدايه كانت الزفه الخليجيه,, وهي عباره عن 10 شابات لابسين ثياب وشمغ ويرقصون بالسيوف ع صوت اغنيه سعوديه
وتتوسطهم بنت مميزه بينهم بالرقص,, كل الحظور انجنوا ع رقصها ,, والكل شجعها وتحمس معاها,, بعد مانتهوا طلعت الزفه الثانيه وهي الزفه المصريه,, وكانت الموسيقى المصريه تملى المكان والراقصه المصريه تهز خصرها باتقان وفن,,, والكل برضو تحمس معاها
وفي النهايه جاء الوقت الي تطلع فيه مشاعل,, تقفلت الانوار,,, وتصلط نور قوي ع الباب في انتظار طلوع مشاعل وكان صوت يدوي بكل القاعه صوت موسيقى اسبانيه خاصه بزفت العرايس,, كانت موسيقى خطيره ورومانسيه
انفتح الباب وطلعت منه مشاعل وكانت مثل البدر,,, فستان روعه وميك اب اروع وتسريحه مميزه وطرحه ناعمه وقصيره كان فستانها مفتوح من الصدر وكان ضيق مره من فوق وواسع من تحت ,,, كان ذيلها طويل مره ,, وفي نهايه الذيل كانت في رسمه لمشاعل مع طلال ,, كانت مشاعل راسمتها ,, الكل انبهر بهالفستان والرسمه الي بالذيل,, مشت بخطى بطيئه لما وصلت للحديقه او للكوشه الي كانها بحديقه,,, بعد السلام والمباركه من الناس جت اللحظه الي راح يدخل فيها طلال
صح انها بالفتره الاخيره كانت متعوده ع طلال ومكالماته,, بس استحت مره
وفي دقايق طلع حصان ابيض يركبه طلال ,,, وكان لابس بنطلون ابيض مع قميص ابيض روعه,,, وكان فاتح القميص الا نص صدره,,, وكان مسوي ديرتي فيس ,,, وشكله مررره خطير وكانه جاي من اسطوره
مشاعل انجنت عليه,,, نزل من الحصان ,,, واتجه لما مشاعل
مشاعل وقفت لطلال
طلال وهو ماسك يدها: احبك
مشاعل مره استحت : وانا احبك
طلال : تدري انك احلى عروس بالدنيا
سكتت من الحياء ,, كانت راح تبكي لما شافت نظرات الناس ,, الكل يموت ويعرف ايش يدور بينهم من كلام
قرب منها طلال قال لها باذنها
طلال : مو انتي تنتظري الفارس الي يجيك بحصان ابيض هذا انا حققت امنتيك
مشاعل استحت مره واعجبت برومنسيه طلال
طلال: مو معقوله هالقمر زوجتي
مشاعل: ايش قصدك انا شينه
طلال: الا قمر,,, بس انا خايف تجيني عين ويحسدوني ع هالقمر الي جنبي
مشاعل سمعت من طلال احلى كلمات الحب والوله,,كانت في قمه سعادتها
طلال: ميشو يالله نمشي خلاص مليت ابي اجلس معاك
مشاعل: لا مابي عاجبتني الجلسه
طبعا طلال ماراح يشيل مشاعل ويركبها بالحصان ويطلعوا ,, قرر انهم يطلعوا مشي احسن ماتطيح وتتفشل
طلع ماسك يدها ويطالعها بكل حب ,, كان الممر الي يمشوا فيه طويل بالنسبه لثنينهم,, طلال كان وده يقصر المسافه ويكون مع مشاعل لوحدهم,, اما مشاعل كانت مستحيه مره ,, لانها راح تكون لوحدها مع طلال
واخيرا طلعوا من الازعاج والقلق ,,, اخيرا,,, اخيرا راح يكونوا لوحدهم وكل واحد يعبر للثاني عن حبه
ودعتهم ام طلال وام مشعل ولمياء وهيفاء,,, لمياء كانت تبكي وماقدرت تتحمل,, اما هيفاء كانت قويه واكتفت بضمه اخوها وتوديعه,, ام طلال تكلمت كلام كثير بس مشاعل مافهمت منه شي,,, ماتدري شلون بتتفاهم مع خالاتها,,, اما ام مشعل فهي ودعتهم وعزلت نفسها بغرفه تبكي
مشاعل: طلال اطلع وانا جايه
طلال: وين راح تروحي ماراح اتركك تهربي
مشاعل: هههههههه طلال ايش الي اهرب,.,, بس بروح اشوف ماما ,, لانها تبكي وماودي اروح وهي بهالحاله
طلال: اوكي راح استناك هنا لاتطولي
مشاعل: اوكي
مشاعل اتجهت لنفس الغرفه الي دخلتها ام مشعل مالقت احد وكانت راح تطلع لما سمعت صوت
: مشاعل تدوري ع احد
مشاعل شافت بنت بس ماتعرفها : ايه بس اظاهر انها مو موجوده
: اذا كنت تدوري ع امك ترى توها طلعت
مشاعل ابتسمت: شكرا
: لاتشكريني,,, انا ماسويت شي,,اجل لو اقول لك الي اعرفك عن طلال ايش راح تقول لي؟؟
مشاعل منصدمه: ايش قصدك
: ولا شي ,, عن اذنك
مشاعل كانت وقفه عند الباب ومو تاركه المجال لهالبنت انها تمشي
مشاعل: ابي اعرف ايش الي تعرفيه عن طلال
: انا ماعرف بس ,,, الا انا متاكده وعندي اثباتات
مشاعل تنرفزت : اثباتات لا يش
ظلت البنت مع مشاعل 10 دقايق وكانت كل كلمه تقولها تصدم مشاعل اكثر,, وكل اثبات تثبته لها كان يخليها تندم مليون مره ع زواجها من طلال
ايش هالسر الي قلب شعور مشاعل من فرح الى حقد وكره وحزن؟؟؟؟
28-12-07, 06:22 PM
جديد مواضيع قسم الارشيف
العرض العادي
