المنتدى :
الارشيف
اموت ولا ادخل الجيش قصة ظريفه
اموت ولا اروح الجيش
جملة معروفه فى صعيد مصر الجوانى ,,كانهم كرهوا حكم النفس على النفس
وحين يذهب احد الى الجيش يكن هو الشخص الفاهم والواعى بالحكومة والقوانين بل وقد يستشار
بخصوص مدة العقاب لأى جريمة ,,,وده اللى يخليه يعيش فترة الجيش وكأنه عنتر زمانه 
مش هطول عليكم ..
فيه واحد جارنا راح الجيش وكان كل مرة يحكى مغامراته فى الجيش وازاى كلم الظابط بكل جراءة
وانه بياكل احسن اكل وأى ظابط لا يستطيع ان يستغنى عن خدماته ...
والغريب انه فى الاجازة لما يروح أى مشوار كان يلبس بدلة الجيش <<علشان الهيبة والوقار ..
وكان يحمل مسدس خرطوش معه <<علشان العسكرى محدش يقدر يفتشه ,, 
المهم اننا فى جزيرتنا المصونه لابد من القارب للذهاب العودة ..ولما جه صاحبنا مالقاش القارب
كبرت عليه نفسه انه يستنى القارب لما ييجى من الجهه الثانية ,,قم قال لصياد :تعالى عدينى
الصياد قاله لعععععع مش هعدى حد ..
قام صاحبنا طلع المسدس وضرب طلقة فى الهوى لأرهاب صاحبنا ,,الصياد اتى الى البر وربط القارب ومشى
صاحبنا افتكر الصياد ذهب الى منزله من شدة الخوف او انه آثر السلامه
اتارى الصياد طلع على قسم الشرطة ...وقدم بلاغ ان شخص يدعى نصر محمود حسن ضرب عليه نار
وانه لم يدخل معه فى عراك علشان كان لابس البدلة الميرى ,,
قام طلع الظابط ومعاه اتنين مخبرين وأتى الى بلدتنا ....وهو ماشى لقى اتنين قاعدين فلما شافوا الظابط
خافوا جداً علشان عليهم العسكرية ..وممكن ياخدهم ويروحوا الجيش ,,
المهم سال الظابط اول واحد وقاله اسمك ايه ..:؟قاله :عبد الناصر يا باشا
وسأل التانى وانت اسمك ايه .؟ قاله مصطفى يا باشا ..
المهم كان صاحبنا جاى من الغيط ولما شاف الظابط قام نفش صدره معلناً عدمه خوفه علشان انه عسكرى
قام الظابط قايله وانت اسمك ايه ...؟قام جرى صاحبنا وجاء امام الظابط وضرب الارض برجله بقوة ورفع يده الى رأسه مؤدياً التحية العسكرية وقال .,.:جندى مجند نصر محمود حسن
الظابط قال هو ده المطلوب ...هاتوا ابن الجزمة ده
وقام الخفر بقطع جريدة من النخل وقاموا بخلع ملابس صاحبنا وفين يوجعك
والظابط يقوله اثناء ضربه :.عاملى فيها ظابط بوليس وعمال تفترى على الخلق ..وفى الآخر جاى تضحك عليه
وتضربلى تعظيم سلام ,,
ومن ساعتها صاحبنا راحت منه المنظرة وبقى ساكن فى روحه
ــــــــــــــــــــ
ولكم تحيتى اخيكم زيزو عتباوى 
معلشى لغتى ركيكة بس ان شاء الله تعجبكم
|
25-11-07, 05:04 AM
جديد مواضيع قسم الارشيف
العرض العادي
