مساء الخير ياسمسمه
البارت رائع مليان دموع وظلم وشجن ماشاء الله عليكى مبدعه فى البارت
هند مسكينه الله يعينها اللى بيظلموها كتير ويعتبروا من اقرب الناس ليها فاذا كان الظلم على الانسان العادى قاسى ومؤلم ما باللك لما الظلم ده يجى من ناس المفروض انهم قريبين منك الله يعينها البنت ديه محتاجه اللى يحتويها ويهديها انا خايفه عليها من الانهيار
وبالذات لما ظهرت سناء بالصوره فى فرحها كانها جت تاخد اخر خيوط الامل اللى متمسكه بيه .
وبالنسبه للاحداث كانت حلوه عجبنى مدى وصفك لهند وردود افعالها تجاه اللى حصل معاه وحوارها مع ابو رياض وعجبنى عقل ابو رياض حكم عقله وبدا يفسر الاحداث من غير تهور زى ابو الهول .
ريما وغلا وحمد وام رياض وابو رياض وقفتهم مع هند ان دلت على شىء تدل انهم فعلا بيحبوها ومستنكرين اللى حصل ولو لاحظنا انهم مش بيعرفوها وده دليل تانى المفروض يبقى قدام رياض لان مافيش انسانه ممكن تخدع كل دول ببرائتها وطيبتها.
سناء كتله من الشر افعى سامه و كمان طلعت خاينه وبتكلم على اللى قلتى عنه ان سمعته مشبوهه وكلامهم اصلا كان مشبوه ووصلت لقمه الوقاحه لما راحت الفرح كان ممكن اقوللك زوجه وبتدافع عن زوجها بس تصرفاتها الوقحه قتلت كل احساس ممكن الواحد يشفق عليها بيه وكمان حكايه غلا معاها والاسؤا لما جت الفرح تغزل خيوطها على رياض بجد انسانه حقيره.
بندر فاكهه القصه بلا منازع عقل ممتزج بالحكمه و كان لكلامه مع رياض اثر كبير فى تهدئه الاوضاع .
ام رياض الحنان متجسد بامراه .
حوارك كان روعه وانتى وصفه كل كلام بيتقال بمشاعر الابطال لحظتها وعجبنى كمان حوار هند مع ام رياض كان رائع فعلا الاحساس بالحرمان من اهم مشاعر فى الدنيا وهى مشاعر الام صعب افتقاد هند لمشاعر الحب والحنان من حولها مر بس ربنا عوضها بحنان مش بس بام لالالا ديه عيله كامله .

اما رياض مش عارفه اقوللك ايه عليه عايزه اشتمه لسوء ظنه وتصرفاته يلا ربنا ينور بصيرته وعلى فكره ما قدرش الومه لو قال انه بيفكر فى سناء وبرضه لما قال انه مشدود لهند لما كان فى المزرعه بس اكيد لما هيعرف تصرفات سناء الوقحه هينعدل الميزان لصالح هند بس انا نفسى مشاعره ناحيه هند توضح قبل ما يعرف حقيقه العقربه سناء
وبعدين اول لما شاف سناء سكت وفضل يبص لها وبس مارعاش شعور هند ولا نظرات امه واخواته ليه مش حاسس انه قتل كل فرحه في هند الله يسامحه لالالا ما عجبتنيش تصرفاته فى البارت ده وبرغم كده اتوقع فى البارت الجاى انه مش هيروح لسناء مش حب لهند ولكن نوع من انواع تاديب سناء.

واخيرا تسلم ايديكى على القصه الجميله اللى خليتينا عايشين و منفعلين معاها قوى