الجزء الاخير..


سعود (مستانس) مريوووووم ..مرايـــــــــم..
مريم : هـا شفيييييك..
سعود (طاير من الفرحه) ما قلتلج اخرتها بتوافق ..ميثو وافقــــــت مريوووووم.

ابتسمت مريم : مبروووووك اخوي ..

سعود : هـا طلع كلامي صح و الا غلط ..و بجوفين باجر بتحبني ..وبتحس سوالف الحب كل لعب يهااااااال..

قالت (مريم) فـ خاطرها يحليلك (سعود) انت ما اتعرف شي ..بس ما ابا اخرب عليك وناستك .

اجدمت (مريم) اتبوس اخوها : مبروك سعوودي الله يسعدكم .
سعود : و الله لو اتقولين لي اشكثر مستانس ..ما بقدر اوصف لج ..اللـــــــه صج اني محظوظ .اخيرا ميثووو بتصير ملكي ..لي بروحي ..يالله اشكثر احب هالانسانه ..

كانت (مريم) بتصيح من كثر ما هي جايفه اخوها طاير من الوناسه ..
مريم : الله يديم عليك الفرح ..الا متى بتملجون ..؟؟!!

سعود : الخميس الياي ..ليش انتي ما رمستي ميثااا.؟؟!!

مريم : لا ما رمستهاا موبايلها كل مغلق ..و اصلا انا ما كان عندي وقت .اليوم ارمسهاا .

سعود : زين روحي باركي لحرمة اخوج يالــــله..
مريم : من عيونـــــــي ..شرايك توصلني بيتهم ..ما بحصلها اذا دقيت لها تلفون .

سعود (مستانس): انزين يالله .. و قبلها بنمر نشتري لهاا باقة ورد ..J
مريم (تضحك): اوكى يا المعرس .

**
(ميثاا) راقده ع فراشها اطالع سقف الحجره ..اتفكر ب(منصور) اكيد يحاول يتصل بها بس كل الموبايل مغلق ..
"فديتك منصور ..يا ليت اعرف شو اخبارك "

سمعت دق ع الباب ..
ميثاا : منوو؟؟
ام راشد : افتح الباب هاي مريوم يايه اتبارك لج .

ميثا في خاطرها "ع شو يا حسره " قامت تفتح الباب ..
سلمت عليها (مريم) و باركت لهاا .. وعطتها باقه ورد .. وعرفت ان هاي الباقه من(سعود)..بعد ما طلعت (ام راشد ) من الحجره ..

مريم : ادريبج مضايجه؟؟
ميثا : ع قولتج كل شي نصيب ..

مريم: سعود وايد مستانس ..ما اتخيلين اشكثر .
ميثا : وما تصورين اشكثر انا مضايجه و تعبانه .
مريم : انا اسفـــــه .
ميثا : لا مريووووم ..دخيلج ساعدينـي انسى منصور .

مريم: موبايلج وينه.
ميثا :موجود بس غلقته ..من يومين بعد ما طرشت المسج لـ (منصور)

مريم (تمسك ايد ميثاا) الله يعينج ...مب جنه مستعيلين في الملجه ..

ميثا : ليش متى !!
مريم : سعود قال لي الخميس الياي .
ميثا (تتمصخر) و الله محد قالي ..يعني بعد اربعة اياااااام..
سكتت شويه اتفكر ..اكيد (منصور) خمن اني بتزوج (سعود)

ميثا: مرايم.
مريم: امري..
ميثاا: اباج اطلعين لي بطاقه تلفون يديده .
مريم : من عيوني و الله ..انتي تامرين بس ..ميثوو ..لو خسرتي منصور ..بس صدقيني سعود وايد يعزج . و ان شا الله بترتاحين معاه ..

ميثا "تتنهد" انا خـلاص ما بجوف السعاده بعيوني ..الله يسامحج امـايه .

** قبل الملجه في يوم ..كانت افكار ادور في بال (ميثاا) كانت اتفكر ادق تلفون لـ (منصور) ..تطمن ع اخباره .. و تودعه للابد ..

في البدايه كانت متردده ..بس بعدين ...قالت هاي اخر مره بتكون..اسمع فيه صوته ..بعد صراع بين قلبها و عقلهاا .

فتحت موبايلهاا ..توقعت اتلاقي مسجات من (منصور) بس ما جافت شي ..
دق ع (منصور) ..كانت (ميثاا) بتصكر التلفون ..بس رن رنه و ع طول (منصور) رد ..تمت ساكته .. و هم بعد ساكت ..
اخيرا اتكلمت ..(ميثاا)
ميثا(كانت بتصيح) : انا احــــبك.
منصور : و بعـــــد.
ميثا (بصوت خفيف) بس.

منصور (تنهد) ميثاا ليش ما قاومتي ..
ميثا : حاولت بس امايه ضغطت علي من كل الجوانب .

منصور :انا عايش بعذاب ..صدقيني الحين بس احس اني ادفع ثمن طلاقج...ملجتــــي..؟
ميثا ..بـاجر ..عساني ما اعيش لهـا اليوم .

منصور : لا اتقوليين جــــي حبيبي..انتي بتمين في قلبي ..حتى و لو كنتي لغيري .

ميثا (متندمه):- لو بإيدي ارد عن القرار الي اتخذته ..كنت غيرت كل شي ..بس ما عاد ينفع الحين .

منصور : اصلا اهلج ما يبوني حتى عمج ما رد لي خبر .. و لا قال انكم رافضيني ..

ميثا : حبيبي ما اقدر اسوي شي سامحنـي .
منصور : ميثاا لا تقطعيني .

ميثا : اتصدق هاليومين الي مروا كنت كل دقيقه احس بعمري بموت ..احاول ادق لك بس خايفه من انك تصدني .
منصور : ميثاا عمري أي وقت اتصلي بي ..صدقيني كافي علي صديتج مره .. و الحين يالس ادفع الثمن .

كمل منصور : آآه يا ميثاا باجر بصيرين عروس بس لغيري .
ميثا (شويه بتصيح) لا ترمس جي ما اتحمل .

** توقعت (ميثاا ) انها بتكلم منصور دقايق ..بس تفاجات يوم عرفت انها طولت معاه ساعات ..من غير ما يحسون بالوقت ...

000000000
في اليوم الثاني ..حست (ميثاا) انها مصدعه ..لانها كانت سهرانه ..اتسولف مع (منصور) لي الفير ..دشت عليها (ام راشد) ..
ام راشد (مستانسه) : هـا العروووس..يلا قومـي .
يلست (ميثاا) ع الشبريه ..صباح الخير امايه .

ام راشد : صباح النور و السكر يمه .
ميثاا: راحه يوم اتكونين راضيه عنيه ..

ام راشد : سامحينــــي امايه ضغطت عليج شويه ..بس كل ها عشانج ..يلا قومي ..اتريقي..

ميثاا: ان شالله ..

ام راشد : يالله و تعالي جوفي الميلس كيف نظفته ..ترا الرياييل بيووووون بعد صلاه المغرب .

ميثاا (مستغربه) ليش ..؟
ام راشد : شو ليش بعد ترا اليوم بتملجين ..

ميثاا: ع بالي في المحكمة .
ام راشد : لا بتكون الملجة في البيت و بعد صلاة المغرب ..يلا عاد قومي وبسج كـيل .

ميثا : يالله قمنـــــــاا ..
كانت (ميثاا) تعبانه ..تتمنى ان ها اليوم يمر ابسرعه ..ما عندها طريقه ..عشان تتخلص من الدوامه الي دشت فيهاا ..

البارحه ..يلست ساعات مع (منصور) يسولفون ..عن حبهم و كيف شعور كل واحد منهم ..اول ما داومت في الشركه ..

**
وقت الغدا ..
ام راشد: تعالي تغدي.
ميثاا: مالي نفس ..
راشـد : اونج مرتبكه عادي مب اول مره اتعرسين .
ام راشد :رشـووووود تأدب ..
راشد: سوالف بنت الخاله.
ام راشد: سود الله ويهك ..ما اتجوف حاله اختك بعد تبا اتزيدهاا ..

راشد: يا بوي السموحه ما قلنا شي ..
ميثا :انا بسير حجرتي احس بعمري مصدعه ..
راحت حجرتها ..كانت واقفه عند التسريحه اطالع ويهها

..قالت في خاطرها "ها ويه عروس الحين ..جي يكون شكل ويهها ..بدال ما تكون مستانسه ..اه وين انا و الوناسه وينهاا .."

دشت (ام راشد) حجرتها و يلست ع الشبريه ..اطالع (ميثاا)..
ام راشد : بلاج اماييه .
ميثا : ماشي.
ام راشد: انتي من الصبح ما كلتي شي ..لازم تاكليين عشان ينور ويهج ..ترا المعرس بجوفج اليوووووم.

سارت (ميثا) صوب امهاا ..ويلست ع الارض وحط راسها بحجر امها .. و يلست اتصيح بصوت عالي ..

ميثا (كانت تصيح) :-امايه الله يخليج لا تزوجيني سعود ..انا ما اباه ..لا تبليني فيه ..حرام عليج ما ابا اتطلق مره ثانيه ..انا وافقت عليه ..عشانج بس ابا ارضيج ..بس انتي ما فكرتي شو يريحني و يرضيني ..

توقعت (ميثاا) اتييها رفسه من امها ..بس تمت امها ماسكه ايد (ميثاا) و الايد الثانيه تمسح ع راسهاا

ميثا: (بعدها اتصيح)انا تعبـانه ..وايد تعبانه ..ما بداوم ولا برمس منصور ..بس لا تخليني اتطلق مره ثانيه ..حتى لو سعود يباني ..انا ما بستحمل اعيش مع انسان ما احبه ..كافي الي صار لي قبل..

كملت كلامهاا :-سامحينـي..بس ابا صج استقر بحياتي بسني هم و نكد .انتي ما تعرفين شكثر عانيت هالايااام ..

انصدمت (ميثاا) يوم رفعت راسها و جافت دموع امهاا ..كانت بتكمل كلامهاا بس سكتت ..يوم جافت امها متأثره بكلامهاا ..

وقفت (ميثاا) وسارت الحمام اتغسل ويهها ..ويوم طلعت من الحمام ..جافت امها طلعت من الحجره ..
انصدمت (ميثاا) يوم رفعت راسها و جافت دموع امهاا ..كانت بتكمل كلامهاا بس سكتت ..يوم جافت امها متأثره بكلامهاا ..

وقفت (ميثاا) وسارت الحمام اتغسل ويهها ..ويوم طلعت من الحمام ..جافت امها طلعت من الحجره ..

فكرت تطلع من حجرتها و تسير تعتذر من امهاا ..بس رن موبايلها . و كان المتصل (منصور) شي منعها اترد عليه ..
يلست ع الشبريه ..تتخيل كيف بتكون حياتها من غير (منصور) اترمس عمرها ""شو الفايده ترجيت امايه انها ما تزوجني سعود..بس بعد ما بتزوج منصور.."تنهد ..

و جريب المغرب ..يت (مريم) بيت (ام راشد) يوم جافت (ميثاا) علقت
مريم: ابيـــــــــه
ميثا : شـو ..
مريم: شو هالويه جي اليوم بيطالعج ريلج ..فشلـــــــه.
ميثا : مريوووووم اسكتي عني مب فاضيه لج..

مريم قامت من مكانها و سارت صوب التسريحه و شلت علبه المكياج..
مريم:تعالي بسوي لج مكياج اعدل ها الشيفه عن يشرد اخوي.

ميثا: ما ابـا ردي العلبه مكانهاا.
مريم : عيب عليج و الله ..بس بغطي هالعيوب ..شكلج جنج طالعه من مقبره .
يلست (مريم) اتمكيج (ميثا)
ميثاا: اسمع حشره برع..
مريم: حريم الفريج يعشون الريايييييييل..
ميثا :و الله اشكثر ناس يايين.
مريم : اربعه مدري خمسه ..
ميثاا: شوعندهم عرس..
مريم: لا و الــــــــله تستهبلين .
ميثا: امايه ما جفتها من الظهر ..اخاف زعلانه علي.

مريم: انا جفتها من ساعه كانت مستانسه و تضحك و تسولف ..لا اتسوين سوالف ..ما قلتي شو تلبسين..

ميثا: ما فكرت.
مريم: لا تكونيييين سخيفه ..
سارت وفتحت كبت (ميثاا) وطلعت فستان خفيف.
ميثا: شو هاااا انتي وايد امبالغه ..رجعيه ما بلبسه.

مريم: اذا ما لبستييييه بزقر حريم الفريج يساعدوني و انلبسج غصب.

صرخت (ميثاا): انتي ما تحسيييين فيني .
سكتت مريم شويه : اممم ما بزعل منج لان اليوم ملجتج بس بعد الملجه ذكريني اعطيج كف ع ويهج .

ميثاا: مريوووووم انا تعبانه ابا ارقد ..
مريم : شو ترقدين يالــــــــله البسي عشان خاطر ام راشد..

شويه .. واندق باب الحجره ..
مريم : منوو
ام راشد :خلي ميثاا تلبس عبايتها و شيلتهاا ..عمها بيي ياخذها الميلس.

ميثاا: شوفي حتى ما اتنزلت ادش الحجره و اتبارك لي.
مريم (ادور العبايه و الشيله): انتي اول املجي بعدين تحرطمي ..اوووف متفيجه يلالا قومي البسي..

ميثاا: انتي مستانسه وايد
مريم: ويه ملجة اخوي و ربيعتيه و ما تبيني استانس ..حسوووووده.

ميثا(تضحك) : حرام عليج
مريم : اخيرا ضحكتي ابا اضحكج من زمااااااان ..يلا نطلع..

ميثا (بتصيح):- ما ابـــــــــا ابا منصور
مريم: توج يالسه تضحكين ..سود الله ويهج ترا بخبر عليج سعود..يالله نطلع ..

طلعت (ميثا) من حجرتها و معها (مريم) ....كانت (ميثا) ادور امهاا ..
ميثاا: وين امايه..
مريم: يمكن فـ المطبخ يالله عمج عند الباب يتريااااااج..

العم:- يالله يبه..الرياييييل يتريووون..
طالعت (ميثاا) (مريم)
مريم :يالله شكلج جنج هبله روحي..

ساروا (ميثاا) و(عمهاا) صوب الميلس..


قالت ميثا في خاطرها "ياربي انا ليش سويت جي ..اماييييييه كانت مستانسه خربت عليها وناستها ..صج ما استحي ع ويهي .."

حست (ميثا) بقلبها يدق بسرعه ...يوم انفتح باب الميلس .. و طلعوا منه ثلاث رياييييييل ..نزلت ميثاا راسها بالارض ..فسمعت الملاج يقول ..
"انتي ميثاا"
ميثاا:نعم.
الملاج: تقبلين بـ منصور زوج لج.
قالت (ميثاا) فـ خاطرهاا "يا ربي..وينك يا منصور يالسه اتوهم اني اسمع اسمك""

ميثاا:"تتنهد" قبلت.
الملاج: انظري الى وجهه هل هذا الذي تريدين..

(ميثاا)بخاطرها.. و ابويي ها الريااااال صج ما عنده سالفه ..فشلللللله و الله ..
رفعت (ميثاا) اطالع سعووووود..بس اتعلقت عيونها بويه (منصور)..في البدايه كانت تتوهم انه سمعت الملاج يقول اسمه ..لكن شكله صورة ويهه مستحيل تتخيلها ..و من غير ما اتحس بعمرهاا ..
همست : منصور.
منصور يطالعها ويبتسم.."يعني هي ما تووهم ..بس كيف جي.."
الملاج: يا بنتي هل هذا الشخص الذي ترغبين بالزواج منه.

ميثاا(بسرعه) نــــــعم.
الملاج: مبروك..
بس ميثاا مب مستوعبه شو السالفه..كيف جي..طالعت (راشد) اخوها وجافته يبتسم..ما حست بعمرها يوم (عمها) يبوسها ع راسها و يبارك لهاا ولا ,رشود..

بس اتاكدت انه ريلهاا صار (منصور) بعد ما سمعت صوته وهو يبارك لهاا..

العم: يالله يبه روحي حجرتج..بنعشي الريايييييل..
ما عرفت (ميثاا) كيف وصلت حجرتها..كانت مستغربه ..كل شي يدور ويصير حوليهاا..

فتحت باب حجرتها ..جافت(امها) و (مريم) يالسين ..يتريونهاا..

سارت (ام راشد) تحضن بنتها و تبارك لهاا ..
يلست (ميثااااا) اتصيح فـ حضن امهاا ..
مريم: إيــــــه المكياج خربيته ..غربل الله ابليسج..بعد منصور ما يلس معاج..
ميثا: سامحيني اماااااااه..
ام راشد: المهم سعادتج يا بنتي..تستاهلين كل خير..
سلمت عليها (مريم) وباركت لهاا ..

وشويه وطلعت (ميثاا) من الحجره ..عشان اتسلم باهل (منصور)..و يباركون لهاا..

وفي حجرتها ..كانت يالسه مع (مريم)
ميثا: كيييييف جـي مب فاهمه.

مريم: ما اتجوفيني مستانسه ..شكلج يضحك و انتي ما اتعرفين السالفه.

ميثا: امايه كيف غيرت رايهاا.
مريم: امممم اتصلت بي الظهر..واعتذرت من سعود..

ميثاا:سعود شو سوا..
مريم :حليله اخوي انصدم ..بس بعدين حاولت اقنعه وشكله رضى بالواقع..

ميثا (تضحك) انتي ساحره اتعرفين تقنعين ابليس بروحه..
مريم (تضحك) :ها مستانسه..

قامت (ميثاااااا) من مكانها وحضنت (مريووم)
ميثاا: بطير من الوناسه..(تضحك) الملاج قال اتوافقين ع منصور انا قلت نعم و ع بالي يتهيألي الاسم..

مريم: تستاهلييييين اشكثر استانست يوم امج دقت لي و قالت تعالي يلسي عند ميثووو..بس لا تقولين لها ان منصور المعرس..

ميثاا: امممم مفاجاه حلوه لا مب مفاجاه صدمه حلوه..
ميثاا:امنو رمس مع منصور..
مريم: امج قالت لي ..عمج رد له خبر ....و منصور ما صدق قالوله اليوووووم ..(تضحك) مدري كيف دبر بيزات المهر..

اشويه ودشت(ام راشد) الحجره..
ام راشد: يالله امايه..الرياييل راحـو..قومي يلسي عند ريلج يتريااج في الميلس.

ميثا: ما بتطلع الا اذا قلتي انج راضيه عني و عن منصور..
ام راشد: و الله اني راضيه ..كل ها الصياح الي صحتيه

الظهر .. و ما تبيني ازوجج الي تبينه .

ميثا(تحضن امها) : احبج امــــــــاييه..
دشت (ميثاا) الميلس ..توقعت بيكون(راشد) و (عمها) موجودين ..بس لقت (منصور) يالس ابروحهاا..استحت يوم

وقف لها (منصور)و يلسها حذاله..
منصور: مفاجاه صح.
ميثاا:0(مستحيه)و الله للحينه مب مصدقه و مضيعه السالفه.

منصور (يضحك) اخيرا حبيبي صار معاي.
ميثا: (تقرصه من خده):-ليش ما قلت لي..

منصور: اووووووف لا اتذكريني امج حطت علي شروط كسرت ظهري فيهااا...و اناا ماشي كل ان شا الله ..و فالج طيب..ع بالي بس رمسه..والا اجوف عمج يالس يطري الشروط جدام الملاج...

ميثا:تضحك ) عشان اتعرف اني غاليه..
منصور: و الله انج اغلى من الغلالا يا الغلا كلــــــــه
..متى بتبين العرس؟؟؟.

ميثاا:لازم انسوي عرس كافي حفله ملجه في الصاله وخلاص..

منصور:افـــــــا انتي تستاهلين حفله ملجه و حفله عرس (يضحك)..بس اباه كل فـ يوم واحد..

منصور مسك ايد (ميثاا)..اخاف اتهدينـي..

(ميثا) انا ما اسويها بس.......

منصور: وغلاتج اموت ولا اهدج يا احلى من سكن دنياي وقلبي ..

شويه دشوا اهل منصور .. و مريم و اهل ميثاااااا..و الكل كان مستانس برجعت (ميثاا) لـ (منصوور)..بعد ها السنين الي مرت..وكانت نظرات (ميثا) و (منصور) في عالم غير العالم الي يالسين فيه اهلهم....

تمت

القصه رائعه مشكوووووووووورة

جميله جدا وقمة الروعه

يسلمو حبيبتي على المجهود

الرائع ووفقك الله