كاتب الموضوع :
اقدار
المنتدى :
القصص المكتمله من وحي قلم الاعضاء
اقدااااار الف تحية لتس.. بسم الله عليتس.. الله يحفظتس.. عيني عليتس بارده.. اعوذ عليتس بكلمات الله التامه.. ابداااااع يا اقداااار ابداع مااله مثيل.. وقسم بالله اني صادقه.. وان كل مقطع وكل مشهد فيه واقعيه ماتتخيلينها .. الجزء هذا بالذات انا ما قريته انا شفته...
نجي عااد لربعنا...تدرين والله فعلا احس انهم صارو جزء مني...
عماد : ياترى وش سرك ياعماااد... الرجل من لما قام يرجع من اول ليلة زواج....قلت انه حامل..هههههه... لاصراحه تدودهت مدري وش السالفه.. الرجال فيه مرض.. لاكن مستحيل انه يكوون القولون.. يمكن يكون الكبد ... مدري والله..
بس الرجال اعتقد انه مافيه عجز ولا عقم فيه مرض عضوي.. لاني فهمت من كلامه مع نفسه انه لو كانت علاقته طبيعيه مع شادن بعدين بتنصدم ..ونا اتوقع ان الاطباء قايلين له ان له سنوات معدوده.. وبعدين يموووت بسم الله عليه..ياحلو حركاته وهو عند جدته في الصباحيه ... من لما قام يسألها عن حالها مرورا بتمرير قطعة الشوكلاته من ورا جدته لشادن.. انتهاء بانشغاله بتغليفة الشكولاته اللي قام يصفطها حتى صارت صغنونه..عمااد اليوووم مسيطر على الجو بشكل غريب... ولو ان شادن تلزق فيه شوي والله ماياخذبيدها دقيقتين.. بس عاد وش نسوي في هذيك اللي تستحي..خخخخخ
شادن : ليلة زواج فاقت كل توقعاتها وطبعا بالنسبه لها كانت من سئ الى اسوأ.. صدمه صراحه وفي ليلة العمر على ماقالوا وتواجه بها البرود.. بس اعجبتني لما قالت له يطلع عشان تبدل.. صح بيدي لا بيد عمرو..تجي مني ولامنه ويهيني اكثر...
مدري وش اقول عن شادن بس صراحه لما قامت تصيح ليلة زواجها من بعد طلعت عماد.. حسيت ان هاللحظه هذي امر لحظه في حياتها.. والله يعينك ياشادن على الليالي المقبلات..
فهد : يااااااااااااا بعد قلبي.. يابو دم خفيف.. والله دموعك مهيب سهله ولااا رخيصه عندي ياااا غالي...
في بدايه الجزء كنت كل موقف فيه فهد او يتكلم عن فهد اموووووت ضحك.. زي موقف عمته نوره لما قالت:و
|
اقتباس :-
|
ش اسوي مضطرة فواز يقول انه مشغول وبندر مرتبط بموعد في مكة ولا ابشرك فهد جاب لي عذر مسكت يقول ماني رايح مستحي من بناتك وانه اذا شال الحرمة يكتئب ويحس بدوخة ويخاف انه يصدم فينا .
|
اما لما وصف شعوره بالنسبه لنبات عمته وقال..
|
اقتباس :-
|
رفع فهد شماغه وقام سلم على راس ابوه قال : الله يطول لي بعمرك .. ماصار مشوار ذا اللي يخليك تقول هالكلام .. مالك الا من يرضيك ومن يودي اختك بس والله يالبستين المتشابهه اللي معها يروعون .
|
لاكن شوي وانقلب حالي من الضحك للصيااح وبقوه..
بكيت مع فهد صديقه سعود على الرغم من ان اسم سعود وحضوره ماشفناه الا اليوم.. لاكن حزنت عليه وبكيت عليه عشان فهود.. والله ان عيونه مهيب حلوه وهي كلها دموووع.. ياقلبي عليك يافهد.. بس هذي الدنيا.. والا لما كان يقنع نفسه بان سعود مامات ويهاوش ربعه لايصيحوون.. يالله صعب صعب الواحد يفقد غالي فمابالك ان هالغالي يكون توأم الروح..الله يعينك يافهد ويصبر قلبك.. والا لما قام يفكر كيف يعيش بدون سعود.. صراحه يااقدااار ابدعتي ابدعتي ابدعتي.. بالنسبه لي انا في الجزء هذا تفوقتي على نفسك.. وان شاء الله الباقي احسن واجمل..
مدري وش اقول لاكن وضع فهد كلــــــــــه هزني مررررررررره ... وضع ما ادري وش اقول عنه الا فعلا انه واقعي وكثــــــــير زي فهد اذا مات صذيقه المقرب ماعاد يلقى مثله ويكونون الناس كلهم سوى عنده ماعند صديق مقرب وكانه بعدم مصادقته لاحد بقوة يكوون وفي لصاحبه اللي مات وكانه يبي يوصله انه ماااا فيه مثلك في هالكووون ابد...
فهد اتوقع وفاة سعوود بتهزه من جوا وبتغير نظرته للحياة كلهاااا.. ويمكن يترك استهتارة ولا مبالاته.. بس ياااااا خوفي يصير زي عماااد لاضحك ولا سعة صدر...بس ياخوفي ان الشرطه تبهذل فهد وربعه ويمررون عليهم عيشتهم.. وخوفي الاكبر صراحه انهم يتهمون فهد انه ذابح سعووود...
اقدااار نهاية سعود وانه صلى قبل لايموووت تحسب لك ياقلبي..وفعلا كل واحد يتمنى الخاتمه الحسنه.. الله يحسن خاتمتنا>>> جتكم العجوووز..خخخ بس والله اني صادقه محد يدري متى يومه؟؟؟
ام ناصر : طووول الجزء وهي فرحااانه.. وفعلا ياااغافلين لكم الله..خخخخخ... مسكينه..
ودي اتكلم بكل شخصيه بس تعبت من الكتابه..
بس فيه توقع لي.. وهو ان نايف بما انه مهوب ماخذ وحده من البسس..هههه.. اتوقع ياخذ منال بنت عمه .. احسها تناسبه.. ولااااا تقولين لااااا...خخخخخ..
مشكوووره على هالتحفه اللي انتي كاتبتها.. والله يسلم هاليدين اللي ابدعت عن النار..
تحياتي لك...
|
01-12-07, 07:10 PM
..
جديد مواضيع قسم القصص المكتمله من وحي قلم الاعضاء
العرض العادي
