كاتب الموضوع :
اقدار
المنتدى :
القصص المكتمله من وحي قلم الاعضاء
السلام عليكم ورحة الله وبركاته
صباح الورد و الفل و الياسمين
لأحلى كاتبة
اعذريني في التقصير بالرد وما كنت من الخمسة الاوائل
بس الطيور طارت بارزاقها
انقهرت لاني كنت مسنترة معك في الصفحة بعدين مدري وين رحتي << منتي مثلي عاطلة وراك جامعة
لما وصلت تسعة ما عاد اشوف شي نمت << شوفي القهر
لا ما دام فيها خاص << الا اعبر واعبر واعبر وش يصبرني
ما كنت فاهمة الموضوع كده
بس تدرين لما وقفتي عند شادن احس باحترق ودي اعرف وش صار
وكل الافكار السوداء جات في بالي
بس الله يطمن قلبك لما قلتي
{وعشاق عماد وشادن اعدكم بجزء قادم مليء بأحداثهم لحد الاشباع}
ما ادري احس ارتحت شوي
واتجه فكري لمنحى ثاني انه بتكون احداث مفرحة مشبعة برومانسية وعاطفة ملتهبة
بقدر صبر عماد وشادن
نجي للتعليق
على الجزء الرائع من يد أحلى قدورة
جزء كان لسارة وفهد النصيب الاكبر << جزء زارا
شـــ عمــاد ـــادن
يالله ينرحمون<< تحسين قلبك ينعصر لما تجي مواقفهم <<وش رأيك في التعبير
عفوا يذوب كمدا<< ولا هذا أحلى
صراحة ينرحم عاشق وهيمان لحد الثمالة
وقريب وبعيد بنفس الوقت
وش حيلته الا الصبر
ان شافها ما عاد يقدرتقوده للجنون
وان سمع صوتها ما عاد يقدر ينساق وراء مشاعره واحاسيسه التي تأبى الا ان تترجم
ويشبعها غزلا وعاطفة فياضة مزوجة برومانسية العاشق
ما قدر يعطيها كل شئ فما يحرمها من كل شئ
خله يشبع عواطفها ويحسسها بانوثتها ويعطيها اللي يقدر عليه
من الاحاسيس والمشاعر اللي تهتم فيها كل انثى من حبيبها
الى ان يفرجها رب العباد قريب ان شاء الله
**************************
أفكّر فيكـ واتأمّل أيش الدنيا قبل ما ألقاكـ ..؟؟
وأنا من يومـ حبّيتكـ صارت حياتي ..
هويت النّاس والدنيا كثر ما خاطري يهواكـ ..
وصار الحبّ له تفوق الوصف والتعبير ..
حياتي دنيتي أهلي وكلّه عالمي يفداكـ ..
أنا كلّي غلا جيتكـ ومن فوق الغلا ..
أحسّ اللّيل به نبضكـ وريحة عطركـ وذكراكـ ..
وأحسّ أنفاسكـ الحلوة يداعبها الهوى وتطير ..
ألا ياليتني أفتح بقلب اللّيل لكـ شباكـ ..
وأجيلكـ شايل(ن) قلبي على خيطالظّلامـ أسير ..
قدير الله يجمعني على أرض الفرح وياكـ ..
ويشرق صبحنا الدافي وجنحان الظلامـ تطير ..
**************************
وحتى ببعدها يتعذب ويشوف اثرها بكل مكان
واللي حواليه ما قصروا يذكرونه بمحاسنها<< هو ناقص
ويبونها ترجع لو الود وده ما بعد عنها
ولا ضاقت فيه الوسيعة ببعدها عنه
ولا كان اكبر هاجسه " بس لو كانت فيه"
ولا اقصى استطاعته رسايل يبث فيها عواطفه واشواقه
وتسافر بها روحا وقلبا وحواسا اليه
وما صارت تسمع أو تفكر الا فيه
واي شئ حولها محوره عماد
وقادتها ظنونها لما شافت اخوها وامها
ان الامر يتعلق بعماد وسره
اللي كفته ترجح قدام خالها
وما اثر فيها خبره بقدر ما كان منقذ لقلبها
وما تنلام صراحة اللي سواه فيهم مو شوية
كان موقفها مو حقد وتشفي ولها وجهة نظر
بقدر ما هو مؤلم انها ما تقدر تسامحه وهو خالها
اللي المفروض بوجوده ما يحسون بالقهر والضيم
والعكس هو كان مصدره ومساعد لغيره
بس لانها شادن ما راح تقدر الا ان تسامح و الوقت كفيل بذالك
قلبها مو ناقص احزان علشان تزيده وتحمله أحقاد
وان شاء الله الفرح راح يزوره ويقيم فيه للأبد
أوعدك ماتخلى عنك ابد,وقلبي عمره مايسكنه احد,انت عشقي وحياتي وببقا لك للأبد.
وإن مر يوم وماسألت لاتقول خانني وخان العهد
قول مات وللحين ماحبني كثره احد
و الجدة اخيرا خرجت من صمتها
وسمحت لتفسيرها البعيد كل البعد عن الحقيقة أن ينطق به لسانها
الا ليتك تعلمين الحقيقة
بس وش راح يكون دورها غير تصريحها الناري انها عارفة وساكتة
وش اللي يصبرها الا حبها لعماد
ويتأرج موقفها منهم بين كفتي حبها كفة حبها لعماد وكفة حبها شادن
بس فيه أشياء حولها علامات استفهام
- صورة التقرير اللي تنعرض قدامه ؟؟؟؟؟؟؟؟؟؟؟؟؟؟؟؟
- اعتراضه على اكمال التطعيمات ؟؟؟؟؟؟؟؟؟؟؟؟؟؟؟؟؟؟؟
- موقف المستشفى و تطنيشه أو عدم انتباهه لنايف نتأمل ان السبب قلبه طاير من الفرح ؟؟؟؟؟؟؟؟؟؟؟؟؟؟؟
- المسجد هل هو شكر أم التجاء الى رحمة الله ؟؟؟؟؟؟؟؟؟؟؟
- الرسالة وش علاقتها باغماءة شادن هي مفرحة أو محزنة ؟؟؟؟؟؟؟؟؟؟؟؟؟؟؟؟
**********************************************
ســـ فـهـد ــارة
يا حظ زارا فيه << آسفه اقصد سارة
يا عليه اسلوب يبي لسارة شغل واجد هذا والله من تأثير البر
بس تستاهل خلها تعرف الفرق بينه وبين اللي ما يتسمى
وعلى كذا هي معذورة من اللي مرت فيه
خالد كسر بداخلها اشياء كثيرة وخوفها من شئ اسمه ثقة ورجل
بس ما شاء الله كيف انقلب حالها من اقتناعها فيه
وانه خير من خالد بكل شئ الى تصرفها الطائش وتهيؤاتها اللي مو في محلها
وخربت عليها ليلة زواجها
يالله اول قاسم مشترك بينهم التهور و الاستعجال
بس والله انه خاف شوي
وما هي بردات فعله الحب عامل عمايله
ويمكن رسالة مشاري كانت وراء تحكمه بردات فعله
طَلبُتِگ
عُنٍ لآتِحِآگيًنٍي
أحِبُآبُك وٍلآذِگرٍآك
وٍلآوٍدُيً
عُن آلمٍَآضَيً تِعُلمٍَنٍيً
أدُرٍيً
آنٍآ مٍَآهُمٍَنٍيً آلمٍَآضَيً
وٍلآ آيًآمٍَگ َقٍِبُل لآ ألَقٍِآگ
آنٍآ عُنٍدُيً بُدُآيًتِنٍآ
بُدُآيًة
(عُمٍَرٍيً)
و(عُمٍَرٍگ )
بس تنرحم لما عرفت الحقيقة وانها ظلمته
وهو كان هدفه لما كلم المقرود راعي المشاكل
ان يبعده عن الاذى من اللي انفسهم شيطانيه
ويحميه بطريقه تشجيعيه و بدون ما يصرح للولد
عن اش اللي ممكن يصير ويصدم الولد ويشوف جانب اسود من حياة الناس
يا غالي ليه تِطْعَنِّي ,, وأنا اللِّي لدنيتِكْ شفقان
( أفَا )
وشْلونْ تتْرِكْهَا ,, عُيوني تِنامْ زَعْلانَه
تِخيِّلْ ما قِدَرْ يِمْسَحْ دُموعِي مِعْطَفْ النِسْيَان
تِطِيحْ الدَّمْعَه مِنْ عِيني عَلَى طَارِيكْ وَلْهَانَه
اللحين هي جيدة تتهجم وتسب
يوم جات على الاعتذار ترددت وبعد هو ما ساعدها
يعطيها كاش ويشحنها حسافة وندم<<لكل فعل رد فعل
هو صح غريب عليها وفي الاوضاع العادية ما راح تتجرأ
هي وضعها مو وضع عروس عادية ما تعرف عنه شئ وما صار بينهم مواجهة فتستحي
صح انه غريب بس هي وش مهببة
وعلشان تصحح غلطتها لازم تكون صريحة مع نفسها
وانها لازم تبادروبكل وسيلة تقدرها وما تحتريه
بس توها تشوف الدنيا من منظور ثاني
وتشره على فهد ليش ما حجز فندق
وش تبينه يسوي وانتي متهمته ومخربة عليه فرحته
وهو مو لئيم لها الدرجة << بس بيعلمها كبر غلطتها
هو
فقط ظاهرياً لها لامبالي
فقط الخارج من وبارد
وبداخله اشتياق وحنين وملل من وضعهم المتازم
بس عهدٍ اخذه على نفسه انه يوريها نتيجة تهورها وتبجحهاعليه
طال انتظاري والوله يحرق الجوف..
والصبر ما يطفي من البعد ناري ..
اكتم شعور الشوق واصارع الخوف..
وفي داخلي نهر من الهم جاري..
اضحك ولحن الحزن بالصدر معزوف..
ودمعي حبسته لا يبين انهياري..
على انه منقهر منها و مو عاجبه الوضع
بس مزاجه كان رايق و تعليقاته عند جدته رهيبة
-مااخترت عبث يا أم ناصر
- شايلها على هذي وماتبيني ادري عنها
لا كلش والا يا الله يا بنت
وشادن ما قصرت كانت المرآة الصادقة لها ونصحتها
ولانها عارفة داخل نفسها عظم غلطتها
فصادف كلامها اذان صاغية
**********************************************
منـــ نايف ـــال
الله لا يلومها اما عيال جدة لصقة
ياخي البنت تستحي قدر
عاد لين وصلت للدموع فهمت
ولا هو بعد جرئ يعني مو من طقة سلام وما سلام هذا يبي يدخل بالعميق
" بس يحبها ويشتهي وصلها ويبي يغتني بصوتها عن صوت غيرها خاصة انه شاب ومحتاج انثى بحياته ومايبيها الا حلال "
وهو له بعد عذره << عذره منطقي بس وش نسوي اذا هي متربية على هالشئ وتستحي<< تربية عمه اللي يبي يغسل مخه
لا تستحي من ضمّة الرّوح للرّوح ..
دايمـ يضموّن الحبايب حبايب ..
هي لهفة(ن) فيها الغلا دومـ مسموح ..
حتّى ولو كانت من أشواق ذايب ..
ضمّة غلا ماهي تعابير ومزوح ..
لا تحسب إن ضمّة غلانا مصايب ..
لو تكسر ضلوعكـ بتحيي بكـ الرّوح ..
صدّقني أدري في ألمها عجايب ..
بصراحة انا مقدرة وقفها احنا بعد كذا لين ليلة الزواج وتطيح الفاس بالراس<< وتصير المفاجعة
صح لوبعد الملكة على الاقل تتعرف عليه<< تطلق وهي عند اهلها احسن
بس والله صعبة
**********************************************
نـــ حمود ــــوف
سبحان مغير الاحوال قبل كنا ندعي عليها
واللحين ندعي لها بالتوفيق << بعد ما بعدت عن عماد
اللحين تعرف انها كانت عايشة بوهم
والحقيقة هي حبها لحمود وترقبها لطفلهما
**********************************************
مهـــ أحمد ــــا
اتمنى ان مسايرته لاهله ونيته في الانتقام ما تنعكس على مها اللي ما تستاهل انه يشبهها بليلوه<< ياخي وش جاب لجاب
اتمنيت ملتزمة ونلت فلا تطولها وان شاء الله افكاره وهواجسه تكون حبيسة صدره وما يجرح فيها مها باي طريقة
وان شاء تتغير نظرته وان الحريم كلهم مو سوا قبل ما يفجر قهر ليلى فيها
وان شاء الله تكسب ثقته وتجيب عياله
وسبحانه اللي معه يوفقه << عجبني موقفها من الاغاني
**********************************************
نــورة
الله يوفقها لكل خير
شئ طبيعي موقف ابوها وتردده
المفروض يكون مقياسنا للرفض و القبول الدين
بس هذا ما يعني انه ما نهتم لمستويات اخرى << التعليم والمجتمع اللي راح تعيش فيه و العمر
اولا واخيرا
ما نقدر نحكم من الاصلح القريب او البعيد<< الخير والشر موجود في الاثنين
بس تتكل على الله و تستخير
**********************************************
حنان
الجزء هذا عرفنا عليها وعلى ربشتها
شهد
يا الله على قلبتها على عماد وزعلت جدته منه كل هذا حب لشادن
العنود
اما البنت هذي في كل بارت تطلع لها بطلعه
ليلى
تستاهل من هذا وأردى
**********************************************
ننتظر البارت الجاي بفارغ الصبر وعلى احر من الجمر
ومثل ما وعدتينا على الخاص
انا كنت ناوية ارد ومخصصة اليوم علشانه من غير
بس لما قلتي خاص وقبل ما ينزل المنتدى تحمست واعطيتيني دفعه معنوية وطاقة كتابية
الله يوفقك لما يحب ويرضى ويسعدك في الدارين
أختك ديوم
التعديل الأخير تم بواسطة ديـ*M*ـوم ; 24-04-08 الساعة 04:02 PM
|
23-04-08, 02:36 PM
جديد مواضيع قسم القصص المكتمله من وحي قلم الاعضاء
العرض العادي
