كاتب الموضوع :
اقدار
المنتدى :
القصص المكتمله من وحي قلم الاعضاء
ادري راحت علينا فرصة البارت الجائزة ..
بس انا لظروفي وكوني (مدرسة)زي شادن ...>>>>>تبي تتلزق باي طريقة..
كنت مشغولة بالاختبارات والمشاريع ويا المدرسة وطالباتي..
بس انصدمت يوم شفت البارت نزل..لا زعلين مني لو قلت لك اني شبه يأست من نزول البارت او تكملت القصة حتي..
للاسف لاني قريت قصص رائعه وتعلقت فيها وبالنهاية ما يكملونها الكتاب ويفجعونا بغيابهم بدون مبرر..
والله يا قدوره اني رحت اخذ عمره وبالي مع القصة استغفر الله ..شاغلتني الله يسامحني وياك..
المهم ..نجي للتحليل ..
قبل كل شيء الاخت اللي قبلي ذكرت نقطه انا حسيتها واللي هي ..البرود..يمكن لان صار لنا فترة من قرينا اخر الاحداث فهذا عمل نوع من البرود لعدم تذكرنا لاخر ماحدث..بس عن نفسي انا اذكر اخر موقف..
المقصود هنا ..الشغف.. لما كنا نقرأ البارتات السابقه كنا شغوفينا وعلى يقين ان البارت الجاي بينزل على الوعد..ادري يا اقدار ان الانسان له حياه اخري غير النت والمنتديات ولكن اتمني تفهمين وجه نظري لكن القصد ان تتابع الاحداث وقربها يولد نوع من الشغف لدي القارئ واكيد انتي عارفه هالنقطة ولكن ابي اوضحهها لمن لا يعرف..>>>>ادري تقولي يا كثر ما قرقت..تحمليني..
البارت والتحليل..
بدينا بموقف نايف ومنال..حزنتني منال اللي حسيتها في صراع ما بين مشاعر ومطالب الحبيب ومابين التقاليد والتربيه اللي تعودت وعاشت عليها..وعجبني تفهم نايف وطبعا بعد ما شاف دمعتها ضاعت علومه واضطر انه يرضخ للامر..ويقوي قلبه..انا اري انه شيء ايجابي..ولكن ذكرتي شغلة عجبتني ..لما كان نايف ينتظر اتصال منها اول خيط للوصل..وذكرتي انه محتاج لوصلها هي كزوجة حتي لا يحتاج لوصل انثي ليست بلحليله له..
واقع بمجتمعنا البعض يؤيدها والاخر يعيبه..انا معه بصراحة دامه ملك عليها ليش ما يكلمها وهي حليلته..
نقطه تحسب لصالح القصة>>>كان خاطري اكلم زوجي بس هلى من طقة اهل حنان..خخخخ
فهد....وسااارة..تسرع سارة الدائم دايم يجيب لها مالا تحمد عقباه ..لكن عذها صدمتها الاولى بخالد..الله يغفر له..
المهم هنا ن فهد ايضا كان حااااار ومتسرعه ابد عود كبريت ماصدق..يعني الله يعينهم على بعض عاد قدوره حنني قلبه عليها هي بعد ماتنلام بعد اللي شافته..(كافي صدمـــات ياحبيبي..على قولة عبدالله رويشد)....بس اعجبني شغله احبها فيج يا قدوره..دايم تبيني الصراعات الداخليه ..وهاذي انا اعتبرها اساس اي رواية ..لان ممكن افهم من خلالها تصرفات اي شخص..وهالصراعات تكمل لنا خيال اي شخصيها نحنا كقراء قاعدين نرسمه..
مثال على هالكلام في البارت التاسع عشر..كان مبين من كلام عماد وحركتها الداخليه واللي ماقصرتي في رسمها لنا ..كان واضح الامل والايمان بوجود علاج..كانت لغة التفاؤل واضحه..شيء يحسب لصالحك ككاتبه..
الحين..احمد والمسكينه عروسه الجديدة مها
شكله مثل ما نقول بالانجليزي he will give her hard times يعني بيخليها تكره العيشه اللي توها ما بدتها..الوسواس والشك والظنون الخائبه دائما ماكانت السوس الذي ينخر الحياة الزوجية كما ينخر في الخشب حتي يهترئ وينكسر..هو مابين شعورين متناقضين وراح يتعب كثير..تضرفاتها تطمئنها وذكريات ليلي المؤلمة تجعله يتراجع عن اي فرصة لمنح الثقة..
سيتعب كثيرا والله يعينها عليه..
خال شادن..
على الرغم مما قام به ودوره السئ في حياة شادن وامها ..الا اني رحمته..فمهما كان هو مريض..
شادن مغبونه او مثل ما نقول مقهورة وما اشفت غليلها..بان عليها الحزن ولكن كانت نوعا ما مصدومه وفرحانه لان ربها رد الدين..كما تدين..تدان..لا الومها على شعورها ولكن اعطيها فرصة للتفكير في ما حصل وقلبها كبير وماظن اصلها راح يمنعها من مسامحة خالها..
ام نايف
على الرغم مما حصل فهي مفجوعه لان مهما صار الاخ لا يتعوض ..الزوج يتعوض والابن ولكن الاخ مايتعوض..وقوفها بجانب اخيها خلال هذه المحنه دليل على طيب اصلها ونقاء معدنها ..واتوقع بعد هالمحنه راح يعرف اخوها خطأه وانه ظلم اخته واولادها بدل من يحميهم ويذود عنهم..
نجي لعصافير الحب.. عـــــ شــــادن ـــــماد
على ان هالبارت فيه بعد ..ولكن دام حبهم وحاجتهم لبعض واضحه وموجوده فلا خوف..الخوف يا اقدار من القدر اللي مانعرفه...ما ندري وش مخبي لهم...
موقف السهر حزني كثير...حسسني بمدي ضعف عماد وشوقه لها..>>>ادري اني خبله بس ترا بكيت على الموقف ..
يختي خلي عماد يجي لم مرت عمي تراها تكوي على الوباء الكبدي..وخلينا نحل المسألة ..ناس كثير تشافوا بأمر الله... قطعتي قليب هالمسكين...
ودي اتمدد اكثر وخاصه في جزئية عماد وشدون بس والله ماعاد اشوف ووراي بكره الله يعين الطالبات على ...
تقبلي تحليلي وتعليقاتي وما ذكرت في البداية..اتمني تتقبلينها برحابة صدر..
..قدوره لك مني دعاء بان يحقق لك الله ما ترجين وان يكتب لك الخيره في كل امر..
اختك نظرة شموخ
|
21-04-08, 11:27 PM
جديد مواضيع قسم القصص المكتمله من وحي قلم الاعضاء
العرض العادي
