كاتب الموضوع :
اقدار
المنتدى :
القصص المكتمله من وحي قلم الاعضاء
اقتباس :-
المشاركة الأصلية كتبت بواسطة سعوديه وكلي عز  |
عدنـــــــــــا للتعليق وأسمحيلي أقدارلازم أعلق على كل موقف
وأبشرك أنا راضيه عليك << أمها على غفله ,, إذا مارضيتي طقي براسك الجدارإللي بجنبك
من جد بارت نقول عنه عموما مفرح ,, فيه شمعة تفاؤل وقوة إيمان وثقه بأن الله هو النافع الضار
أقدار الغاليه تستحقين من يقف ويهتف لك بأعلى صوته ويقول هاذي بنت بلادي ,,
حسستينا إنو فيه بنات في ذا الوقت فيهم خير ومتمسكين بالدين ,, وهذا مالمسته من بين سطورك الرائعه
وترا جف حلقي وأنا أقول مبدعه ,, رائعه ,.... ياأقدار << وشلون خدودك ههههههه خضراء حمراء إختاري
نبدأ بالتعليق ::
~~ احلامٌ مكسورة ~~ مو مكسوره أقدار يمكن نقول{أحلام غير مكتمله }لكن إن شاء الله بتكتمل
**سالفة خطبة فهد على العموم
ماألوم مشاري على اللي قاله المفروض حتى ولو كانو يعرفون فهد لازم يسألون عنه ويشاورون البنت طيب يمكن ساره ماتتقبل الموضوع ويجيها إكتاأب وتمرض زياده وتتنوم في العنايه بعدين تموت << إنالله وإنا إليه راجعون موتتها .,.ماعندي وقت على طول العنايه ههههه
وفهد ياشين عجلته مخفة قاعده يعني لازم تطلع على الأقل إصبر لين يوضحون لك الأسباب بعدين من الأدب ناتسوي كذا يالمخفه <<قاهرني من اول بارت وإحنا مع قدوره نترجاها تزوجك ساره بعدين تجي في غمضة عين وتخرب كل مخططاتنا السريه بس الشرهه على اللي يخطط ويضبط لك بس هين بيجي يوم وتحتاجنا فيه بنقول لك إقلب وجهك <<البنت ماأخذه مقلب بنفسها أقول لايكثر
يعني لازم في نفس المجلس يوافقون ويلحقونك تعال ملك على بنتنا ياكرهي للعجلين يذكرني بولد إختي حتى من العجله مانعرف وش يقول نص الحروف مايطلعها هه ,, وبعدين يحمد ربه إن الأميره ساره وافقت عليك وش ذنبها يوم يوصلها خبر إنها مخطوبه بعدين يقولون عود يهون الخطيب حراام تجرح مشاعرها << الله عليك يام المشاعر و الأحاسيس ,,دوبها كانت تناظرالدنيا بنظرة تفاؤل
على طاري كلمة دوبها تراني ماخذتها منك في مهلا ياقدر كنتي داءما ترددينها
اللموهيم أقولك يافهيييييد إذا ماتبيها تراني باخطبها لأخوي وإلا لأبوي وبأخلي الملكه أول أيام العيد تخبر نبغى الفرحه فرحتين وتطمن بنسبقك وبنحدد وقت الملكه قبلك <<تغاريه
<<حلم إبليس في الجنه أزوجها أبوي خخخ عودت تهون البنت
أجل تبغون أمي تذبحني يالهوووووووووووووي يامصيبتي
** شادن
ياحبي لشادن تحب ريحة الطين ذكرتني بأيام الطفوله هييييييييييه <<الله يصبر أميمتي مانطلع ونرجع إلا وملابسنا كلها طين
**عماد
عماد خير يالأخو أشوفك قمت تغازل لو سمحت راع إنو في قارئات لسا عزابيات تحمر وجيههم هههههههههه
وحلو المزح والوناسه عليك أفا ماتوقعت شدوون تغلبك اللحين عماد ذو الشخصية المهيبه نغلبه بنت هههههههه تستاهل
بس وشلون شريت الفستان لشدوون وش دراك بمقاسها آآآخ يالرجال إذا بغيتو شئ سويتوه على أكمل وجه وجبتو أحسن شئ
جزاك على ماتسويه فيها أول أيام زواجكم ,, والله منتب سهل تقول شعر ههههههه شكلك غرقان لشوشتك
ماعندها إلا إخوان مثل فهييييييد جلوف الكلمه الحلوه في وادي وهم في وادي << قاهرينها أخوانها
عماد إن شاء الله يستمر على العلاج وعليه بكتاب الله هو أفضل من مية علاج ولاتقنط من رحمة الله والله رؤؤف رحيم,,
وحلو منه إنه يخلي شدوون تشاركه همومه وأسراره ,,
وأتوقع سبب إصراره على نقل شدوون يبغاها تبعد عنه قبل مايبعده الموت عنها
<< يابعد قلبي ياعماد الله يشفيك وجعل الموت في بوش ولا فيك
**نوف
مأقدر أقول إلا أول الغيث قطره ألحين تحس بفضل حمود بعدين باألفته بعدين والأهم حبه لها وحبها له
سبحان الله أكثر موقف أثر فيني لما كانت توزع الهدايا على أهلها ,, الحمد لله على النعمه إللي عايشين فيها
ويارب على كل اللي سواه ماتصير ناكره للممعروف << من قدها بتعيش في الطايف ياليت تبادل معي تجي الرياض ذا الحاره والله سودتنا وأنا أروح للطايف البارده آآآآآه ياقلبي معاناة مع جو الرياض بس ولو غلاتها في قلبي غير عن بقية المدن إلا قرية الأجواد هذي شئ ثاني
**أم ناصر
ياطيب قلبها ياناس الله يخلي جدتي لي ويطول بعمرها مع إنها تنقد علينا في اللبس وإلا الكلام بس مثل العسل على قلوبنا
**ليلى
فاجأتني بخبثها وأنانيتها ماتوقعت إنها تاخذ موانع حمل الظالمه ليش تسوي كذا لو أحمد مو كويس عذرناها لكن أحمد رجال وقليل زيه ,, من رائيي إنه يطلقها ذي مخها مغسوول بالمره ,,
وأحمد لو يضربها ويهزأها مانلومه أجل حارمته من العيال أربع سنوات أكيد بيقول فيه سبب؟؟؟؟
**خالد
والله قلة أدب مخطي ويطول لسانه على أخوه الكبير اللحين أبي أفهم أهو يهاوشك وش دخل سالفة البنت المطلقه فيكم ,,البنت المطلقه مالها رب وهاذي وهي مادخل عليها زوجها أجل لوخذ مطلقه معها عيالها وش بتقولون
عجبني فهوود هذا الأخو وإلا بلاش
يربي إخوانه وينصحهم
**العنود
هههههههههههههههههههههههه وش مسويه بعمرها ,, بزران أخر زمن وشو له تكبر عمرها أما طولها أقل من متر الله يطولهاهههه
** منال
فيني لقافه وش مروح لها نايف ,, وياحبي للبنت اللي تستحي زينة البنت في حياها
**قراءة ممتعه ارجوها لكم
بسم الله توني باديه أقرا مامداه يخلص من جد أقدار ماأحس بنفسي وأنا أقراء يمكن لأنني من النوع إللي أركز على كل حرف وأحلله <<عاده غريبه فيني
أخيرا ياليت لو يرضيك هذا الرد البسيط مقابل ماتعطينا من بارتات رووعه
تقبلي فائق تحياتي 
أختك سعوديه وكلي عز
|
ياهلا وغلا
حياك الله ياسعودية ..
تسلمين لي ياقلبي على هالحضور المميز ..
الله يديم الرضا يارب
من جد خدودي صارت مثل هذا >>>
تسلمين لي يالغاليه على كلامك وتشجيعك سواء هنا ولا في المنتدى الآخر ورسايلك اللي بجد بجد ترفع من معنوياتي وتبثني حماس واحساس بالفرح ..
لا مقلب ولا شي ياسعوديه
اذا انتي في حزب ريما عز الله بتسوون اللي تبون
فهد زعل من مشاري لأن ابو مشاري وافق واعطاهم واللي وقف الخطبه مشاري وفهد كان يتوقعه اول من يرحب فيه ..
عاد شباب هالأيام اغلبهم على شاكلة فهد ..
اجل ماخذه دوبني مني ..
ياكثر ماارددها في حياتي مش بس في مهلاً ياقدر .. وبعض الناس مايصدوقني اقولها يمسكونها عليّ ..
الله يخلي لك امك وابوك ولا يفرقهم يارب
عماد .. غلبته شادن لأنه الهوى دايماً غلاب
تابعي بقية حكاية عماد ..
نوف وحمود لهم من الأحداث القادمه نصيب ..
تابعيها عساها نعجبك ..
اجل ماعجبك فهد الا لمن ضرب خالد
خالد مراهق وتفكيره متهور جداً
انتظري بقية حكاية خالد وفهد ..
ليلى لبقية افعالها تفاصيل انتظريها في القادم ..
العنود .. براءة الطفولة وسذاجتها تجسدها العنود ..
انتظري بقية حكايتها ..
يسعدك ربي ياسعودية من جد من جد احرجتيني بكلامك وردك الرائع
اتمنى اني اوفيك حقك بس الشكر وكل الكلام يعجز
عسى تعجبك بقية تفاصيل حكاية ابطالنا وأحداثهم ..
وكلي لكِ امتنان ..
ودي لقلبك
|
03-03-08, 03:53 AM
جديد مواضيع قسم القصص المكتمله من وحي قلم الاعضاء
العرض العادي
