بسمه تعالى



اقدار كل جزء الصراحه تتحفينا بمزيد من الابداع والتشوبق والانغماس في حياة الابطال اكثر دائما يكون بين طيات الجزء من خبايا الامور الكثير التي تجعلنا اكثر حماس ورغبه بالمتابعه فما تكتبينه بعيد كل البعد عن الملل والرتابه دائما نتفاجئ بعكس ما تكون مخيلتنا قد نباتنى عن حدوثه وهذا ان دل على شي فهو كونك كاتبه ذكيه ومتمكنه وذات خيال خصب يحصد منه كل ماهو طيب وجميل فجعل المولى عز وجل في كل خطوة تخطينها خير وسلام ورضى


طبعا عنوان البارت هذا الاسبوع مبعث لسعاده في النفوس وبشرنا احنا بالفرح يعني ابتينها ببسمه غزة شفاهنا ونرسمة على وجوهنه ونهيناه بالحيره وخوف وتوجس من المجهول الي حملته طيات كلامات ليلوه وتناهى الى مسامع شادن بس الله يستر

نجي لكتاكيت القصه شهد والعنود هذا الاسبوع ثنتيناتهم كانوا عسل وموتون من الضحك والله تذكرنا بايام الطفوله ااااه ايام جميله كلها براءه العنود وموقفها مع الشيخ عماد والبرنسيس شادن ونايف كان حححححححده اجنن وضحك ردود كلها عفويه ولاموقف الشاي ههه صج مال اول هههه اما الانسه شهد فياعيني عزعلانه والي بترجع الهدايه هههههههههه والله اليهال عليهم ذكاء وتفكير يودي في داهيه ربي يحفضهم

اما نوف فجد كانت تكسر الخاطر شكلها عايشه في حالة انكار ورفض للواقع ب حرام يانوف هذا نصيبج وارضي به وحمود ولد حلال لا تضيعينه من ايدك ولي فات الفوت ماينفع الصوت

نوره بدت في الاجزاء الاخيره تفرض حضورها وهالبنت حبوبه وباين عليها عقلها كبير احس انها راح يكون لها دور في الاجزاء القادمه

ليلى هلانسان الصراحه نفرتني منها من اول مدخلت وهي لابسه عبايه يبيلها عبايه فوقها شكلها انسانه جاحده مدامها متنكره بهذا الشكل لديره الي ربت وكبرت فيها اوف واكره ماعندي الي يقعدون طول وقتهم يذمرررررررررررررررررون خاطري اسطرهم الا ريلي يغربلني لوع جبدي ياربي اسكتي وبلا هذره زايده وشكلها ماعندها احترام لا لنفسها ولا لغيرها والله يستر من الي شافته حنان او الكلام السم الي قالته لفوزيه انا شاكه ان عن عماد لان انتي قلتي تحطم الي بنته قبل شوي وهي الي بنته كان مع عماد ممكن عن الي كان يبيها من قبل ونسية اسمها

اما احمد الشخصيه لجديده الي طلعت شكله انسان مررررررره حبوب وخفيف دم بس ياربي ليه ساكت على مرررررررته الي مافيها حيه يعني هو صح برد خاطري وعطها زفه تفشل بس بعد ليش يخليها كذا

ساااااااااااااارونه والله انج قطعتي قلبي وانتي رايحه الايتاااام ااااااااااااه يكسرون الخاطر وهم يبون ماما فاطمه صعب انهم بعد منحرموا من امهم وابوهم وبالاخر يحصلون ايد حنونه تمسح دمعتهم وتخفف من المهم بعد الموت يرد ويخطفها منهم بس الحمد الله انج فكرتي تكملين المشوار الي بدته فاطمه وربي يعينج على فعل الخير واصعب شي لما تشوف ياهل يسال عن امه بعد متوفت صعب اااااه الله يعين اعيال اميره

فهد اول شي عورت قلبي وانت تغني لسعود الكلمات يااخي تعور وتصيح كلها موت في موت ااااااااه جد سعود كان نصفك الثاني بس الصراحه يافهد انت مصيبتك اهون بكثير من الي فقد ام وتيتم وهو صغير وفقد كل اهله او ولد مجهول الهويه يعني انت اهون من غيرك ولن يصيبنا الا ماكتب الله لنا بس رديت ضحكتني وانت تتحرطم هههههههه وانت تنحر مسكينه الذبيحه مادري شلون تقدر او اقول بلا ماتقول مابيها لانها مطلقه قول ماابي اتزوج وبس الحين الناس فازعيلك ومسويلك حزب وبالاخر تقول مطلقه

وام ناصر ياعجوزنا الحلوه اولا قرت عينج بشوف ولدج احمد و ربي يستر اخاف هذا هدوء الي يسبق العاصفه بس انتي شكلج مو متاكده لحين شاكه وانشاء الله ماتخربيش الدنيا على راس عماد تراج مو فله وانتي زعلانه منه

طيب نجي هلا لسي السيد عماد انت ذي البارت تمااااااااام تمام ياولد ماقطعت علينا اللحضات الحلوه ولسانك ولله الحمدد كان عسل تكفى تم على هذا المنوال فرحت البي يا الب شادن ويارب يرزقك بمشعل لان انت فيك حنان مااعتقد ان شهد وام ناصر خذو الا جزء منه ياربي انك تضهره لمشعل وام مشعل انشاء الله

والله وانتي ياشااااادن اصيله انتي ولكابتشينو حقج ست بيت محترمه وانتي صج داهيه كيف جبتي سالفه امر رفيجتج والعلاج وشكله عماد من رده تحمس لهشي ودخلت الفكره في نفوخوه ربي يشفيه انشاء الله هذا دخل الامل فيني انج ممكن ماتذبحينه بس بعد الله يستر
والله يخوفي الي سمعته يحطم الي بنيتيه انشاء الله يطلع كلام مالا اصل من السوسه ليلو هذي من اولها سوت مشاكل

وفنهايه مشكوره يا الغلا على هذا البارت الحلو كغيره وربي يعينج وسهلجج ضروفج ويوفقج ويسعدج مثل مانتي تسعدينا

من angel