كاتب الموضوع :
اقدار
المنتدى :
القصص المكتمله من وحي قلم الاعضاء
السلام عليكم ورحمة الله وبركاته
يا حيـــــــــا الله الحبيبة اقدار
كيفك؟؟ يالغالية عساك ان شاءالله بخير؟؟
الله يسعدك ماشاءالله لاقوة الابالله والله انك ابدعتي واتحفتينا بهالجزء الحلو
اللي على طوله ما اروى ظمأنا والحمدلله الذي بنعمته تتم الصالحات<<(ولئن شكرنم لأزيدنكم)
لو بجلس امدحك ياوخيتي من هنا لبكرة ماوفيتك طيبة قلبك وجمال روحك
عسى ربي يحفظك ويسددك لكل خير
لكن عاد انتي ان شاءاله عارفة مكانتك وقدرك عند اختك
عسى ربي يديم المودة على خير
أما اذا جينا للرائعة اللي بين يدينا
من بداية العنوان الله يسعدك ويبشرك بكل خير
من بداية عنوانها وهي بشارة خير ان شاءالله
والله اني حبيته ابو حميد وجهه وجه خير ماشاءالله تكفين لايروح لين تنصلح كل الامور عشان يتباركون به
|
اقتباس :-
|
رغم انه تذكرها بوجع واعادت له طيف سعود وذكراه
|
حاسة ان هذا السبب اللي يخليه يرفضها ماهم مستعد كل ما شافها تذكر سعود
|
اقتباس :-
|
الا انه حمد ربي وهو يشوفها بخير ..!
وحس بنشوة سعاده انه مشارك في نجاتها ..
|
طبعاً فرحته ما جات من فراغ اكيد انها قد حركت القلب
القلب ما حن من فراغ *** والعين ماتسهر عبث
|
اقتباس :-
|
ويتذكر شكلها وجلستها على الدرج وجوالها في يدها ..!
شعرها البني بأطرافه الصفرا من اثر صبغه قديمة ..!
وجسمها النحيل وهي جالسه على الدرجات ..
هذا اللي قدر يلمحه من شكلها اليوم ..
بس اللي حفظه منها في الحادث كثير ..
رغم ان ملامحها كانت دامية وحزينة وبائسة ومفجوعه ..!
الا انها رسخت في ذهنه وثبتت .
|
قالك مايبيها صح ان الرجال يحفظون بسرعة بس عاد عند صاحبنا الوضع غير
الظاهر قليبي عشق *** واللي اخاف منه حدث*
عزيمة ابو مشاري رد فعل طبيعي منه
بس
|
اقتباس :-
|
بس انذهل وهو يقرأ العدد المدون في الشيك 300 الف ريال ..
|
الله يسامحك يا ابو مشاري مرة صعبة على البدوي انه يتجازى على فزعته او معروف سواه زين ما تهاوش معهم فهد
|
اقتباس :-
|
قال فهد بلهجة حاده : اكيد اني بسوي هالتصرف مع أي احد سواء اختك ولا غيرها
|
|
اقتباس :-
|
سكت وهو يشوف فهد يشقق الشيك لقطع صغيرة قال : انت حلفت مايرجع لك .. وانا رجالٍ مااخذ على الواجب اجر ياابو مشاري ..
وقف وكمل : كرمكم الله .. اسمحوا لي بمشي .. ويالله اشوفكم على خير .
|
هنا باتشقق من الفرحة بتصرفه الله يسعده
ممكن يكون هالتصرف بعد اللي خلاها يرفض سارة
|
اقتباس :-
|
ردت ام ناصر بلهجة حاده : اجل انتي تشوفينه ولا تدرين عنه ..؟
|
|
اقتباس :-
|
ابتسمت بتودد لجدتها وكملت : مممم تدرين ياجدتي ان عماد البارحه قال لي انه عامل لي مفاجأة حلوة ..
|
يقالك بترضي العجيز 
|
اقتباس :-
|
ردت فوزية باستغراب : الحين يجي ..؟ ليه ماشفتيه وهو طالع لك قبل ربع ساعه يقول بتروش والبس ..
|
مطب قوي بس الحمدلله اللي عدت
|
اقتباس :-
|
ضحك وهو يطالع في ساعته قال : هههههههههههههههه اذا رااااحوا يالله في العافيه …!
|
ضامن انها بتضيع علومها لا شافت وليدها
|
اقتباس :-
|
قالت بجديه : عماد ترى جدتي قاعده تلمح بكلام قبل شوي عني انا وانت شكلها زعلانه ..
اخذ المبخرة منها ونفخ على الجمر قال : انتي ماقلتي لها شي .
: لا طبعا مستحيل اتكلم مع احد عن حياتنا .
: الله يستر بس لاتشك بشي ثم تزعل ……
|
ياحليلهم متفقين بعد على الكذبة
|
اقتباس :-
|
رمى نفسه بين يدينها بدون أي انذار مسبق اواعلان ..
متجمده للحظات ..
مو مصدقه او مستوعبه ..
المفاجأة كانت هائلة ..
والصدمه ماكانت على البال ولا الخاطر ..
|
مرة موقف احمد مؤثر  يا حليله وهو يسلم على امه
|
اقتباس :-
|
قالت بصوتها المختلط بالبكاء : ابطيت عليّ ياوليدي .. سنتين يادافع البلا .
|
|
اقتباس :-
|
قال لعماد وهو يبتسم : يالملعون كل هالزين لك ..
قال عماد بمحاولة منه اضفاء شيء من المرح ..: اذكر الله تراني خابرٍ عينك قوية ..
|
ياحليله ما اقول اني حبيته
ليلى ما اعجبتني تصرفاتها شكلها من اللي ماشافت الدنيا الابعد ما طلعت من الديرة ونست نفسها بقوة
بس حلو ان قلبها طيب لحد الآن ولا تزعل اوتشيل من كلام البنات عنها
اما كابتشينو لو اسويها عند احد بالديرة صرت نكتة عشر سنين قدام يالله العافية
زين انا نستفيد من خبراتك يا اقدار بالطبخ في كل جزء الله يسعدك
|
اقتباس :-
|
حطه في الصينية قال باستهبال : حتى انا مااشرب قهوتكم ..
|
ياحليلك ياعماد والله لنك اليوم عاجبني بقوة عسى الله لايغيرك
|
اقتباس :-
|
قالت ام ناصر بدقه لعماد : شادن مامنها الله يستر عليها ليت الحريم مثلها بالصبر والستر على اللي فيها .
قال احمد : افاااااا الكلام دق ياابو مشعل اعترف وش مزعلٍ امي فيه .
|
يا حليل العجيز ودقاتها
حلو مرة وصفك لأم نوف احس مرة كأني اشوفها في الديرة وكيف تدخل وتطلع وتروح للغنم الله يسعدك ويستر عليك يا اقدار
اما الصغار من جد يكونون فضيحة احيان على الواحد
خاصة الاشاعات بس عطها طفل ينرها ولا وكالةرويترز خاصة في حالة كانوا في ديرة ودايماً يتجمعون ويطلعون الصغار
والدليل كيف العنود فضحت باختها نوف الله يستر علينا ولايحطنا بلسان طفل
ياحليل سارة كل هذا حياء اجل لوتدري ان فيه مشروع زواج اش بتسوي
توقعين ترفض يا اقدار 
|
اقتباس :-
|
ليت المنايا وقفت عنك ياسعود ......... خلّتك لين أوريتني في ضريحي
أنت الصديق الصادق الود ياسعود ......... وانت الطبيب لقلبي اللي جريحي
انا أشهد أني عقب فرقاك مقرود ......... ماأنلام انا لو كان اصفّق واصيحي
والله لصيحك لين أجاورك ياسعود ......... الله يعجّل جنب قبرك مطيحي
الدمع غار وجفّت العين ياسعود ......... والقلب ينحب والجوارح تصيحي
|
رائعة مرة ومؤثرة بقوة
|
اقتباس :-
|
لف عماد يده ورى شادن قال : ماشاء الله طلعتوا تحبون مرتي وانا ماادري ..
|
اتوقع سوى كذا عان توصل الكلام لنوف وتيأس مررة منه
|
اقتباس :-
|
نسى العرق اللي يقوله نايف واكتفى بعيونها ..!
|
الا ينسى ابو جد نايف بعد ماهو العرق وبس
|
اقتباس :-
|
يعني غيرة ..!
ولا الحالة اليوم وفرحته باحمد مخربطته ومايدري وش يقول ..!
|
زين ماشاءالله عليها ذكية استغلت الحالة اللي هو فيها وقدرت بعون الله انها تبدأ خطواتها بالقرب منه اكثر ومحاولة علاجه وحلو طريقة انها تمثل بناس شفاهم الله وعافاهم حتى لو من راسها وبالعكس تسوي هالحركات عشان يتشجع ويتعالج عشانها هي
وفعلاً اللي قلتيه عن مريض السرطان
الحمدلله عمي عمره 9سنوات جاه العام مرض سرطان في المعدة والعظام والحمدلله شفاه الله بقدرته جل جلاله ثم بالرقية الشرعية طبعاً مع علاج الكيماوي والحمدلله الحين بين اهله مابه الا العافية ولله الحمد والمنة
|
اقتباس :-
|
ردت ليلى بتأفف : وانا وش مضيعني الا طيبة قلبي .. المهم زوجة عماد وين راحت .. ياربي من برودها يرفع الضغط .. من يوم جيت وهي توزع ابتسامات وتشتغل . . ماتتعب هي ..؟
|
اممم اشتغلت غيرة الحريم وتعلقها على برود وتوزع ابتساما
ياحلوة هذي شادن السنع كله حفيدة (بنتاخي) ام ناصر
اقدار ليلى تقرب لعذبة اللي طلقها عماد
|
اقتباس :-
|
شهقت حنان وهي تفتش جوال ليلى وردت عليها ليلى بشهقه مماثله وهي تقول : قليلة ادب من سمح لك تفتشين ...؟
رمته حنان عليها قالت : خسارة انتس زوجة عمي احمد ..!
|
اش ممكن يكون ماضنيتها تخون احمد بس اش ممكن يكون
|
اقتباس :-
|
يحبها وتحبه ..!
واثق من حبها له ..!
عيونها وكلامها وتصرفاتها كلها تثبت حبها له ..!
|
زين انه عرف واكيد هالشئ بيخليه يتشجع للعلاج وين ماكان وممكن يشجعه بعد انه يقولها على اللي فيه وممكن يخفف من ردة فعله اذا عرف بتطعيماتها من وراه
|
اقتباس :-
|
غفت عينه بجنب شادن لأول مرة بدون أي مقاومه وبمنتهى الاستسلام ..!
|
ماني باقول انك وجه خير يا ابوحميد اله يسعدك ياشيخ ويسلط عليك امك ماتروح من عندها الامتزوج
اخاف بس انك انت للي تأخذ سارة موفهد
|
اقتباس :-
|
قال : اعتقد انتس اقتنعتي ان فيه احد غيرتس مايلبس هالفستان واللثمة .. شوفي لبس فوزية وشادن وتعلمي .
سكت ماردت عليه لأنها في قرارة نفسها اقتنعت بأن لبسها منبوذ بينهم ..!
|
شكله المسكين عجز يفهمها ويقنعها تترك هالعباية خاصة انه طيب فقال خل تقتنع من حالها اذا شافت الناس مير الظاهر ماحولك احد يا احمد
زين ان في قرارة نفسها مقتنعة بالصح والخطأ وهذا راجع لاصلها وتربيتها بالديرة حتى لو حاولت تتمرد عليها
شكل احمد اخذها عن حب عشان كذا يعملها بهالطريقة وصابر عليها
|
اقتباس :-
|
بااااااي .. خافي ربك هذي مو كلمة مسلمين .
|
|
اقتباس :-
|
غمض عيونه وهنا جزم انها ياكاشفته ياشاكه فيه ..
قال باعلان للاستسلام في لحظة شبه حرجة : اليوم مافيني الا العافية ..
|
تطور ماشاءالله ياحليلك يا احمد اقدار تكفين حبي راسه 
آآآآه يا اقدار الحمدلله اللي من علينا فأفضل وأعطانا فأجزل
الحمدلله الذي عافانا مما ابتلاهم به وفضلنا على كثير ممكن خلق تفضيلاً
مرة وصفتي حالة الايتام بشكل مؤثر خاصة لما يسألون عن فاطمة
أسأل الله الكريم يطول لنا باعمار والدينا ويحفظهم لنا من كل شر ومكروه ..آمين
الحمدلله الحمدلله الحمدلله رب العالمين
|
اقتباس :-
|
: لا مو عشان كذا ..! بس هي تدري اني ماراح اتنازل عن حقوقي لأي مخلوق في الدنيا حتى لو لها هي اعز الناس .
انطفت الابتسامه بالتدريج من ملامحه قال بجديه : الموضوع اللي تقصدينه لازم نتكلم فيه بجديه بس مو الحين ..
طالعت في الطريق بجنبها قالت : لا الحين ولا بعدين ياعماد .. اذا اشتكيت لك ساعتها يحق لك تكلمني فيه .. انا راضيه بعيشتي كذا الا اذا انت ....
|
|
اقتباس :-
|
كان فهد واقف ومعلق الذبيحه في احد اغصانها العريضه ويسلخ بعصبيه ووجه مكفهر وغاضب ..
|
ياحليله مرررة رهيب موقفه وهو يسلخ تعجبيني مرررة يا اقدار يوم تجيبين هالمواقف
|
اقتباس :-
|
طاحت السكين من يد فهد وهو يسترجع كلمة عماد اللي كمل مسيره ويربطها بالصورة والشكل اللي ماغابوا عنه ..!
|
هههههه قالك ما ابيها اجل وش طرح السكين والذبيحة المسكينة اللي نسيت تعبك كله فيها بس يوم جا الطاري ياشيخ روح شكلك غرقان لشوشتك
|
اقتباس :-
|
وقف خالد بعصبيه وطلع من دون مايتكلم قال فهد لنايف : نايف بالله قوم طلع لي ملابس نظيفه من الشنطه .. وجيبها لي عند الحمام بتروش الله يعين على هالبرد
|
يا حليله الشيخ يتأمر طلعوا لي ملابس بعد
|
اقتباس :-
|
قرب عماد من الحليب وصب له كاسة وهو يتذكر كلام الدكتور اللي نصحه بحليب النياق لأن فيه دراسه جديدة اثبتت فاعليته في مقاومات التهاب الكبدي ......!
|
ههه وبدينا نذكر كلام الدكتور ووش كان يقول من اول ماله طاري ياحليلك يا شادن ضيعتي علوم الرجال
|
اقتباس :-
|
دخل نايف قال : انا بنتظر بندر برا .. عن اذنكم .
قال فواز باستغراب : وش السالفه ..؟ وراه متخربط ..؟ قبل شوي وش زينه ..!
|
اش ممكن يكون فيه مدري احس اني مافهمت الموقف ممكن شاف احد ولا ايش
|
اقتباس :-
|
قالت فوزية في شادن وهي تغمز لها : اشوف الوجه مشرق اليوم بزيادة .. كل هذا عشان السيد عماد رجع ..؟
طالعتها ليلى بعقدة حواجبها وهي توها صاحية من النوم قالت : رجع من وين ..؟
ردت منال بحده : من وين يعني .. اكيد من شغله ..!
|
اممم هذا المقطع يثير شكوكي لحاجات كثيرة
من وين رجع عماد ولا قصدها من جدة يعني
وليش ردت منال بحدة
ممكن ان اللي في جوال ليلى صورة لعماد
ليلى تقرب لعذبة
وليش ليلى تسأل كذا عن عماد
؟؟؟؟؟؟؟؟؟؟
|
اقتباس :-
|
تسمرت بمكانها وارتجفت يدها وصوت ليلى وهي تتكلم يخترقها لحد العظم ..
هزها وقلب لها حياتها رأساً على عقب ..!
السعادة اللي عاشتها قبل شوي صحتها منها ليلى على كابوس مرير ..
وقفت على الباب وليلى تتكلم وفوزية تكذبها وتوبخها وتدافع ..
وطاحت الكاسة من يدها وتحول الزجاج لشظايا اختلطت بالعصير ..!
وقفت فوزية وشافتها فاتحه عيونها وفمها بذهول ..
وانطلقت شادن تجري لغرفة عماد ..
قفلت الباب قبل توصلها فوزية ..
قالت فوزية : شادن افتحي الله يخليك لاتقلبينها مشكله ترى ماعندها سالفه
|
اكيد الا ابصم بالعشرة انها متكلمة عن ساللفة عماد مع عذبة وممكن سمعت شادن جزء من السالفة وفسرته على ان عماد ممكن كان متزوج قبلها او ...........
اقدار الله يستر عليك تكفين لا تتأخرين علينا تراني ماعاد اجمع خلاص ولا عاد اعرف وش اتوقع
اختي الحمدلله طيبة بس تتدلع علينا
***الله يسعدك ويسلم يمينك ياحبيبة قلبي انتي***
ننتظرك ان شاءالله على خير وبشووووق
:rdd10ut5:
اختك
اصالة-نادرة
التعديل الأخير تم بواسطة اصالة-نادرة ; 22-01-08 الساعة 07:37 AM
|
21-01-08, 07:18 AM
............ 
جديد مواضيع قسم القصص المكتمله من وحي قلم الاعضاء
العرض العادي
