كاتب الموضوع :
اقدار
المنتدى :
القصص المكتمله من وحي قلم الاعضاء
رووووووووووووووووووووووووووعه الباااااااااااارت
وكلمة رووووعه قليله بحقج وبحق ابداعج بس وقفتي عند نقطه واايد مهمه شيصبرني ليما الأسبوع الياااي
شادن
ليش في كل |[ ابتسامـﮧ ]| .. القى قداميـے |[ دموع ]| ..
وكل دمعـﮧ من |[ دموعي ..
تطفيـے شمعـﮧ من الشموع ..
وليش هميـے هو هميـے .. !
ما يتغير وما يزول .. !
حتى " لو " حل الفرح .. هو " ثوانيـے " ما يطول ..
هو كل الناس مثليـے .. ولا أنا وحديـے ..
هموميـے تسري فينيـے ..
ودموعيـے ما تفارق عيونيـے .. !
يعني ما صدقنا انه شادن تستقر حياتها شوي مع عماد هالحياة الي تكافح عشان استمرارها تطلع لنا هالـ ليلى بخبر لا ع البال ولا ع الخاطر بس شنو اهوا الله أعلم خاصة انه ما اتوقع انه ليلى تعرف بمرض عماد وحتى ان كانت تعرف فهالخبر مو شي يديد على شادن فالأكيد انه ليلي قالت شي مو هين وخطير الله يستر
عماد
يازينه حديث الصمـــت ..
بيـــن عيونـــي وعيونك
وبين فتوني وفتونـــــك
يخلي نبضـــك الولهـان
يســـافر في شراييني
ويخلي قلبك الشفقان
بـــلاصـــوت ينادينـــي
حديث الصمت
به تعلمت شلون أعد مساحات العمر كله ..
وأســـابق مستوى التفكـــير .. و أشـــله ..
وأفكـــك لغـــزك المدفـــوونـــ .. واحـــله ..
لجـــل حبـــك .. انـــا نجم غدى ســـاطع ..
وفـــي حبـــك / أبتمـــرد /علـى الواقع ..
أبكتـبـ ألـــفـ قآمـــوسـ
يضم اول حروف اسمك
ويضـــع ألـــف ناقـــوس
يدق اخر حروف اسمـك
أحس انه عماد يعيش مع هالكلمات خاصة انه في لمحة امل تتجدد بقلبه عن العلاج يا رب يفكر عماد بصوره جديه انه يدور ويلقى شي يساعده على انه يتغلب على هالمرض
وجود شادن بحياته وحبه لها عطاه دافع واتوقع انه هالدافع راح يكون قوي خاصه في حالة عماد يعني قبل الزواج كان بروحه بدون انسان تربطه معاه أجمل المشاعر لكن لما تلقى الي يحبك وتحبه بتناضل بكل ما عندك عشان تبقى معاه وتفرح بوجوده بحياتك
فهد
كل ماسمع _كيف حالك_ينقبض جفني علا..,
دمعة تبغى تقول..:الحال دمع ومهزلــــة..!!
وأبلع العبرة واقول..:بخير والهم انجلى..!!
وآخر الهرج..آتلعثم فيه ..وانقض أولــــــــه
رغم مرور فتره على وفاة سعود بس ما زال جرح فهد يدمي وما زال يحس بالألم على فقدانه لكن هذا ما يمنع انه يستمر بحياته ويفكر بمستقبله
غرريبه رفضه لساره وكونها مطلقه بدون دخول مو سبب مقنع لرفضه لها مع اني حسيت انها لفتت نظر فهد وصورتها في باله ويمكن احساسهم بالحزن الداخلي راح يجمعهم بس خابت توقعاتي
ساره
أصعب لحظات ألمك ...عندما تحس بالأنهيار
(( احساس انك سوف تقع أرضاً.. لعدم قدرتك على تحمل الألم ))
ولكن !!! تجبر نفسك على الوقوف..
رغم انها تعرضت لموقف يشبه الموقف الي تعرض له فهد بس طريقة تعامل كل واحد مع الموقف تختلف يعني أحس فهد استسلم للحزن على العكس من ساره الي رغم حزنها بس قاعده تحاول تلقى حل ينتشلها من حزن وخذت أول خطوه مع أطفال الميتم وتحاول انها تكمل مشوار صديقتها فاطمه بأنها تتقرب منهم وتكسب محبتهم
ليلى
يا كرهني من وين اطلعت هذي صراحه من اول حوار لها ما حبيتها ما احب الشخصيات المغروره والمتكبره وما أدري احس انه ليلوه ما راح تستمر مع أحمد او انها بتاخذ لها درس بحياتها يعلمها عدل إنها تحمد ربها وتقدر النعمه الي اهيا فيها
بس الي محيرني شنو ممكن تكون حنان شافت في تلفونها ممكن يكون شي غير أخلاقي بس اشلون تحتفظ بهالشي واهيا عندها زوج يمكن يطيح تلفونها بإيده بأي لحظه
أقدار ميته وانا انطر تعليق زارا على ليلي اعتقد اهيا الوحيده الي بتعطيها حقها وزياده
العنود
ذكرتني حركتها مع االجاي بحركه كنا نسويها واحنا صغار صج كانت بااايخه بس كان لها لذه خاصه مع نزول السكر الدافي المختلط ببقاي الجاي للفم <يا ليتنا تمينا صغار>
بس موقفها مع عماد ضحكني عن جد هالبنت فيها البراءه تحسين معاها برح الطفوله الي بقلبها على لسانها بدون تخطيط وبدون مجاملات
نوف
خلاص يا أقدار قطعتي قلبي على حالة نوف والله حالتها تعور القلب خاصة مع زواجها الغصب واضح رفضها الشديد لحمود رغم محاسنه بس النفس وما تهوى بس انا متفائله انه حياتها بتتغير انشالله للأفضل بعد الزواج
ننتظر البااااااااارت الياااااااااي بكل
شووووووووووووووووووووووووووووووووووووووووووق
التعديل الأخير تم بواسطة Q8- Angel ; 20-01-08 الساعة 11:29 PM
|
20-01-08, 10:57 PM
جديد مواضيع قسم القصص المكتمله من وحي قلم الاعضاء
العرض العادي
