المنتدى :
العناية بالبشرة
الحمام المغربي على طريقة نور الهدى ....خاص جدآ
السلام عليكم ورحمة الله وبركاته
كيفكم بنات؟
اليوم قلت بنزل موضوع انا عارفه مكرر بس للاسف فيه كثير ناس تفهم غلط
اول شي معروف الحمام المغربي منذ القدم
وما يختص فيه بس هل المغرب
لا بل حتى في الشام يستخدمون الكيس (الليفه )اللي البعض يسمسها الليفه المغربيه
وحاليا عندنا منتجعات صحيه ونوادي للحمامات المغربيه
وفي المشاغل
بس انا ما اقتنع فيه الا اني اسويه لنفسي
لعدة اسباب
اني اتفنن فيه واتقنه
ثانيا استحي اتكشف قدام اي شخص غريب حتى لو كانت حرمه
ثالثا مراعاة الله وحسابه وعقابه قبل كل شي
رابعا اني اعرف لنفسي وايش متطلبات جسمي وكل الاغراض اللي احتاجها موجوده
المهم نبدا في المفيد
بس قبل كل شي احب انبه
فيه بنات يعتقدون ان الوسخ اللي يطلع من الجسم يطلع من الليفه لا بالعكس
انا اقدر اثبت لكم الشي هذا
لمن تفركين تطلع منك شي لونه رمادي على شكل خيوط شعيريه
زي اللي تطلع مع سنفرة كريم كاب
وهذالا يطلع الجلد المتراكم والدهون المترسبه داخل المسام
وينعم البشره ويلطفها وتحسين حتى اللون فتح بعدها
وتزيل الخشونه اللي في الاكواع والركب والارداف
وتزيل ايضا الاثار اللي تبقى من الحنا على الجسم والجلد المتراكم حول المسامات في الارجل واللي كثير يعانون منه
وشعر تحت الجلد هذا كله يزال بواسطة الليفه المغربيه
ومو شرط استخدام الصابون المغربي السوريات يستخدمونها مع صابون عادي واحيانا بدون صابون
للتقشير وتنظيف البشره من بقايا الجلد الجاف والميت
ويستخدمون اي صابون وحده صاحبتي تستخدم صابون ديتول معاها وبعد ماتشطفه تليف بالليفه الكيس
بس هذا بعض من التوضيح للبنات اللي يجهلون الحمام المغربي وفوائده
اما طريقة الحمام المغربي اللي انا امارسها فهي:
صابون مغربي او صابون غار
مخلوط بالكركم والحناء ومسحوق البابونج والخزامى
اخلطهم سوا واتركهم لمدة نصف ساعه عشان يتفاعلون مع بعض
انقع الليفه المغربيه قبل الحمام بنصف ساعه ايضا عشان تلين وتليف كويس
اجهز البخار واخليه يبخر في الحمام لمدة نصف ساعه قبل الدخول
املي ربع البانيو كفايه عشان يملي الحمام بالبخار
واقفل جميع المنافذ عشان ما يكون فيه مجال لخروج البخار للخارج او دخول الهواء للحمام
واكون قبل بساعتين مدهنه جسمي كامل بفازلين او اي خلطة لتطرية الجلد
واجهز وقتها مقشر من اللي طرحت قبل كذا في المنتدى وكثير طرحت مقشرات وافضل مقشرات ملح الحليب
الطريقه:
ادخل الحمام وانزع جميع ملابسي
اجلس تحت البخار عشر دقايق واصب على جسمي ماء ساخن تتحمله البشره
وادلك بالصابون اللي ذكرت في البدايه
لمدة عشر دقايق اخرى
وبعدين اشطف بالماء الساخن كويس لحد ما يختفي اثر الصابون
وبعدين اجيب الليفه اعصرها من الماء كويس
واليف بها جميع اجزاء الجسم وافرك كويس
واركز عالمواضع اللي فيها خشونه مثل الاكواع والركب وخلف الركبه بس بلطف مو بقوه تدعكين كانك تدعكين في سجاده لا شوي شوي افركي
وبعد ماتخلصين جسمك كامل اشطفي بماء دافي
وجيبي المقشر وفركي جسمك كويس بس بلطف ولا تطولين فيه بس تفركي بدل الصابون
وبعدها اشطفي بماء بارد جدآعشان يحرك الدوره الدمويه في الجسم ويشد الجسم ويقفل المسام
وبعدها رطبي بشرتك بكريم غير معطر او زيت جلسرين مع ماء الورد
او اي كريم لطيف عالبشره
وبعدها البسي ملابسك وشوفي ثاني يوم نضارة بشرتك وجسمك كيف ؟
طبعا شعرك سوي له حمام زيت اثناء الحمام وبعدين اشطفيه بماء بارد
اما بالنسبه للوجه فيفضل انه ماتليفينه لانه حساس
بس افركي بقطعة منشفه صغيره وشوي صابون للوجه او موس للوجه (رغوه)
او اي غسول تحبينه
شوفي نضارتك بعدها
احلى منه مافيه
وخليك مجهزه فوطه بالاعشاب اللي نزلت موضوعها من قبل
عشان الريحه الحلوه او مسك حجر مطحون وامسحي المنطقه فيه
وتبخري بعود او اي بخور تحبين
وبخري شعرك او حطي فيه خمريه للشعر
واتمنى اني كفيت ووفيت في موضوعي وانجزت فيه
بس حبيت اوضح لكم طريقتي في الحمام المغربي عشان تستفيدون
وارجو انكم ما مليتو لاني طولت يله حبيباتي هذاا لمصلحتكم
ان شاء الله يعجبكم الموضوع والطرح
منقول الاخت نور الهدى
التعديل الأخير تم بواسطة Rehana ; 13-01-13 الساعة 03:58 AM
سبب آخر: حذف المد من العنوان
|
22-10-07, 04:03 PM
جديد مواضيع قسم العناية بالبشرة
العرض العادي
