مرحبا بكي اختي مشتاقة ، ارجو من حضرتك توضحي اكثر ما تريده ، يعني انتي مدرسة فاكيد متدربة على تقديم الدروس فمظنش ان حد هيقدر يفيدك الا اذا كان مدرس مثلك ، وبصراحة انا معنديش خبرة كبيرة في الاحياء لكن لو تحبي احضرلك بحث او كتاب خاص عن التكاثر الجنسي في الكائنات الحية معنديش مشكلة ......... ارجو ان توضحى ما تريديه بالتحديد ....... تحياتي لكي

انا درست التكاثر فى منهج الثانوية العامة بس واضح ليا حتى من الردود اختلاف طريقة تدريس المنهج فى السعودية عنه فى مصر ، عامة اللى اعرفه ان الدرس بيتشرح بطريقة موضحة بالتجارب اللى بتتعمل فى المعمل ومنها حسب ماافتكر كان فيه مقارنه للجهاز التناسلى للضفدعة ودى تم تشريحها من قبل المدرس او شرائح جاهزة محفوظة من المعمل وبتتعرض تحت الميكرسكوب وبيتم مقارنه بين الجهازين لانثى وذكر الضفدعة ، وفيه الجهاز التناسلى لانثى وذكر الانسان ودا كان بيبقى موضح بعرض الباور بوينت او بمجسم واضح من المعمل ، من ناحية التكاثر فى النبات كنا احنا كطلبة بنجمع انواع مختلفة من الزهور والنباتات وبعد كدا بنحدد اجزائها ، اما طرق الاسئلة المعروضة من الاخ vueleveغالبا بتستخدم للصفوف الدراسية الابتدائى والاعدادى كطرق مشوقة لكن فى مرحلة الثانوى بنكون وصلنا خلاص ان العلم نفسه هو المشوق وبالتالى بيكون كل الاهتمام منصب على التجارب العلمية والكورس العلمى النظرى ، وفى الأخر بيكون طرق التطبيق قائمة على الاسئلة والأجوبة بشكل فردى للطلاب او مسابقات بين مجموعات طلابية قائمة على التنافس العلمى .........

انا كمان بأيد اختي نور في كلامها وخاصتا ان فيه اختلاف في التعليم بين مصر والسعودية لاننا في مصر بتدرس عند طلبة الاعدادية وليس الثانوية كذلك بيتم الفصل بين الشباب والبنات دى لو المدرسة مشتركة وبيكون في صورة شرح مع صور علمية للاجهزة التناسلية بين الذكر والانثى ، اما الضفادع فدي بصراحة اول مرة اعرفها غير انها بتدرس في كليات الطب والصيدلة لكن بالنسبة ليا بصراحة مشفتش ضفدغ متشرح من قبل ........... تحياتي