اطفال الناس الهاي.... والورعان المحترمين........

أطفال الناس الهاي والورعان المحترمين
أطفال الناس الهاي .:.

في الصباح حيث يبدأ يوم أطفال الناس الهاي عندما يستيقظ على صوت

الكناري اللي بغرفته بعدها يتوجه للحمام يتروش ويفرش أسنانه ويطلع

من الحمام تستقبله المربية بالمنشفة وتصبح عليه يروح يغير ملابسه

وياخذ شنطته وينزل لغرفة الطعام ويصبح على أمه وأبوه وأحلى

بوسه ياخذها منهم ويفطر ذاك الفطور طبعاً عبارة عن كورن فلكس

أبو الديك ذاك وبيضه وحده بس !! وكاس عصير وشويت زبده مع العسل

على خبزه <<< نادراً ماتشوفها

بعدين يقوم يغسل فمه ويودع الماما والبابا ويتوجه للسيارة يلقى قدامه

السواق مبتسم ويفتح له الباب ويوديه لمدرسته الخاصة <<< أم الدراهم


.:. الورعا111ن المحترمين .:.

يقوم الصبح بعد ما يطلع عين أهله ولازم أفراد العائلة تمر عليه

عشان تصحيه وكل واحد وطريقته

الأب : قم جعلك الهزل

الأم : قم جعلك الجدري

الأخ : والله إذا ما تقوم لا أفقع وجهك

أخته: يالله قوم وأعطيك شنطة أخوك تروح فيها للمدرسة <<< تسوي نفسها بتدلعه

بعد ما يقوم يمر الحمام على السريع ويغسل وجهه شطف هذا إذا راح

وبعدين ياخذ أقرب كتب عنده ويربطها ويجيك مدحدر يدور الفطور ويتفاجأ

إنهم ما حطوه ؟؟

بعد ما يجي الفطور وهو كالعاده : فول + شكشوكه + حليب أبو وادي فاطمة

يبدأ الورع بالأكل وشوي إلا وهو حاذف أخوه بعلبة الهندسة ؟؟؟ <<< عشانه سحب صحن الفول من عنده <<< ههههههه مسكين ما يطوله

وشوي الا وهو مسدد بقس عنيف ماشي 200 لأخوه الثاني <<< لأنه سرق قلمه الرصاص

حال اخوه بعد البقس =====>

أبوه يتكلم معه يا ورع أركد وافطر وعيّن خير إنت وش بلاك وراك مدرسة

يرد الورع عليه: إنت ما تشوف سعيدان سارق قلمي؟؟

>>> سعيدان أكبر سروق بالبيت أبوه على طول يصدق ويصـــــــك سعيدان كف

المهم بعد ما يخلص الفلم اليومي يروح الولد للسيارة يلقى أخوه فاتح

الكبوت ويصب ماء للرديتر المشقوق تقفل

اخلاق الورع وينقز للشارع ويأشر لأقرب سيارة ويروح للمدرسة

أكيد حكوميه <<====


.:. أطفال الناس الها111ي .:.

بعد المدرسة يرجع أطفال الهاي ويلقى المربية في استقباله تاخذ

الشنطة وتوديها لغرفته بصحبته يغير ملابسه ويغسل وجهه ورجليه

ويستريح له ساعة في انتظار أفراد العائلة عشان يتغدى وبعد الغداء

الرايق طبعا ما أعرف وشو بس اللي اعرفه أنهم ياكلونه بشوكه وسكين

يروح لغرفة الجلوس ويشرب شاهي للتهضيم ويحلي بقطعة كيك وبعدين

يروح لغرفته ينام له ساعة قبل العصر.


.:. الورعا111ن المحترمين .:.

أما الورع منهم يجي من المدرسة وثوبه قالب لونه بني >>> تقول جدار مدرسة

ولا دخل البيت حذف الشنطة >>> آسف السير اللزاق بالصالة وفصخ ثوبه

ووينك يالشارع >>> أخوياه يحترونه <<< وهاتك يالعب كورة بذا القايله

وعادي الشارع مولع من الحرارة وهم عادي مرررة ولا كأنه فيه شيء وأهله ما يدرون ؟؟

في هذه الأثناء يرسل أبوه كتيبه من أخوانه للبحث عنه ولا لقوه وجابوه

للبيت قام يصيح طقوني وسحبوني قدام الناس <<< نصااااااااب والله محد لمسه

المهم يحطون الغداء معروف يا كبسة لحم ولا مشخول دجاج <<< غيره ما فيه

يتغدى الورع الكريم ويصـــــــــــك بعدها لتر لبن

بعدها يجلس ساعة فاتح فمه تحاول تسكر بفمه أنسى

يحتري من يوديه يغسل له يديه ؟؟؟!!!


.:. أطفال الهاي .:.

لا جاء العصر جابوا دروسهم وشافوا وش عليهم من

واجبات وحلوها وحضروا دروس بكره بمساعدة الماما والبابا

بعدها يروح لغرفة الألعاب ويجلس على البلاي ستيشن تو يلعبون

لمدة ساعتين تقريبا يعني إلى وقت ما بين المغرب والعشاء

بعدها تطلبه أمه مع بقية أخوانه عشان يجتمعون ويشربون العصير

ويسولفون سواليف مررررررره حلوه << أسألوني ؟؟؟!!!


.:. الورعان المحترمين .:.

يجي وقت العصر وهو نايم

مفعول اللبن >> يقوم قبل المغرب >>

وياخذ دروسه وواجباته وأقلامه ناسيها في درج الطاولة اللي بالمدرسة

ويروح عند أخته ويتحايل عليها بكل ما أوتي من قوه على شان تحل له

الواجبات وإذا قالت لا يا ويلها يا سواد ليلها

بعد كذا أنواع الدجة والصرقعة مع ورعان الحارة ومن هم على شاكلته ما يخلون

هندي إلا وسرقوا سيكله

ولا دكان << خلوه دكان >> إلا ولعبوا بحسبته

ولا رجع البيت << على الساعة 11 تقريبا >> تلقى راسه مفلق من

جميع الاتجاهات والشرطة تدوره وجارهم مسوي إعلان عليه مطلوب

<< حـــــــــي أو مــــــــــيت >>

وخذلك عاد مساكين أهله


.:. أطفال الناس الها111ي .:.

أطفال الهاي بعد ما يتعشى ويمسي على أهله يروح لغرفته ويجلس

على النت ساعة أو ساعتين <<< يشيك على إيميلاته ويتصفح بعض المواقع

إلى موعد نومه الساعة 10 تقريباً

بعدها يغير ملابسه وتجي المربية وتحكي له قصه إلين ينام تغطيه وتطفي النور


.:. الورعا111ن المحترمين .:.

لا رجع البيت >> الساعة 11 >> ما يدخل مع الباب لا ينط من فوق السور على شان أبوه ما يمسكه

وعلى طول يزبن لغرفته ويسكر الباب ويطفي النور ويطل من الدريشة >>> الشباك يعني >> على باب الشارع الرئيسي يشوف وش صار على >>

مسلسل المشاكل المكسيكي اللي جابها معه للبيت وكيف بيحلها أبوه

مع الناس ومع جارهم ومع الشرطة >> يبي يقيم أبوه أبو الشباب >>

وفي أثناء ذلك يستغل الفرصه ويدز للمطبخ وياخذ منه جبن جبنة البقره الضاحكة

وخبز ويرجع لووووووووووكره <<< آسف غرفته

ويقفل باب الصندقة <<< اكرر اعتذاري الغرفة

ويتعشى من ذا الجبن والخبز

اللين يدوخ <<< على الساعة 3 <<< إلا وأزيدكم من الشعر بيت ما ينام

إلا وهو متلطم ومتوطي بالعقال ؟؟؟!!! على باله مراقب

ويجي صباح اليوم الثاني ويتكرر نفس المسلسل


.:. وبهذا تكون نهاية القصة