يا عيني بقايا ...ونزلت القصة قبل حتى ما ارد عليك ههههههههههه .. باقي لي الاجزاء الاخيرة
اخيرا ..نشوف ناصر وعمايله هههههههههه

تعليق العيناوية بعد الأنتهاء من القصة

السلام عليكم ورحمة الله وبركاته

كيف الحال حبايب ؟ ان شاء الله تكونون بخير

حبيت اقول اني ما غفلت عن القروب واني مازلت اتابع ردودكم

وانا شاكره لكل كلمه حلوه انقالت وكل انتقاد وصل على عيني وراسي
لانه فعلا من بعد ما انتهيت من القصة حسيت انه فيها ضعف من بعض الجوانب..
والنهاية جدا متوقعه مافي اي مفاجآت
فخاطري اغير اسلوبي شوي في القصة اليايه..خخخخخخ بنقلب شريره
بالنسبه للي انصحوني بالنشر ..انا اقولها لكم بصراحه (القصة مب على مستوى انها تكون في غلاف كتاب محترم)ههههه
تحطيم ذاتي صح؟..بس والله صدق القصة في نظري فيها عيوب واستحي اني انشرها
وفيه سبب ثاني وهو اللغه اللي انكتبت فيها القصة هي عامية
وانا بنت متخصصة في اللغة العربية يعني فظيحه انشر شي بالعامي الا اذا كنت بدمج بين العامي والفصيح وهذا هو الاسلوب المتطور حاليا في كتابة القصص..
وان شاء الله بيكون هذا اسلوبي في القصة اليايه اللي بركز عليها وااااااااااااااااااايد
المهم..ان شاء الله تكون نفسيتكم ارتاحت الحينه من بعد انتهاء القصة
اعرف انه نصكم مب مصدقين انها خلصت من عقب كل ذاك الانتظار
وانا من ضمن هالمجموعه على فكره
اقول حق ربعي "من عقب ماخلصت القصة رحت ارقد رقاد عنيف..حسيت بنفس احساسي يوم امتحنت اخر امتحان لي في الجامعه وكان اخر يوم دراسي لي فيها"..يعني فعلا كانه هم وانزاح

عالعموم.. انا محتاره مب عارفه شو اسوي بالقروب دامنا خلصنا من القصة
فكرت اني استخدمه باني اشارككم وتشاركوني باشياء شفناها او استعملناها او حتى قصص مميزه قريناها ونتونس ونستفيد شوي
لين تطلع بالبال قصة يديده ننشرها
مادري...شرايكم انتوا! ههههه فظاوه
فيه مجموعه كبيره اسألت عن اجزاء القصة ..
القصة مازالت موجوده في قسم Files
بتحصلون كل اجزاء القصص هناك..

وقبل ما اطلع ابا اراويكم شي يونسكم شوي..
http://www.youtube.com/watch?v=3dO7VOGA89Q

تحياتي للجميع
واتمنى لكم ايام طيبه
»• ¤ ©§| ( Al3enawyA ) |§© ¤ •«