يالله قوويه عينه ما قد سمعت عن كذا مواقف

الله يعافيك
وتــــــــــــــــســلــــــــــــــم

ههههههههههههه انا فكرت الفرس وحدة صبية حلوة هههههههه

بس ذكرتني بحادثة صارت معي قبل سنه العام بشهر آب كانت سهرة عمي وكنت كتير فرحانه وطبعاً البنات عندنا بالأعراس بتكشخو متل عندكم " بتكشخو اخدتها من لهجتكم ما بعرف اذا صح :( "

المهم بعد ما خلصت السهرة نادت علي عمتي اساعدها وطلعت على ظهر لسطوح لأنه كان العشا فوق وشو محدا قدي طالعه بكعب عالي ومش مصدقه حالي ههههههه بعد ما وصلت قلتلي عمتي نزلي هاد براد القهوة الساده معك واعطتني تنين " براد قهوة سادة هو ترمس يمكن بلهجتكم " المهم انا اخدتهم لتنين ونزلت طبقتين ولما وصلت تحت كان في نسوان كتير قاعدات وعاملات ديوان وكان عمي التاني قاعد معهم المهم انا ماسية بأمان الله وحاملة بردات القهوة معي ومبسوطة والي بشوفني بقول انا الي تزوجت وانا العروس فرحانه بالطقم يلي لابستو قد ما قالولي عنه حلو ولابق علي ههههههههه وصلت نص الطريق طررررررررررررررررررراخ وقعت على طولي وبرادات القهوة وقعن من ايدي وصوت قزازهم اتطبش وانشق الطقم يلي كنت لابستو عند ركبتي واجوا اولاد عم ابي قاموني من على الارض وتطلعت على ايدي لقيتها انخدشت من جوة وكلها دم وركبتي مش انخدشت والطقم اخ على الطقم والا الكعب العالي حرمت البس عالي بحياتي المهم بعد ما قاموني ووصلت البيت ونظفوا محل السهرة وقعدو ولا جابوا سيرتي وانا قاعده معهم سهرانه مهو انا بسبع ارواح المهم بعد ما عمي سمع قصتي اني وقعت قلي مهو انتي لما مرقتي من حد النسوان في وحده قالت عنك " مين هالبنت الحلوة والطويلة ( مش عارفه اني لابسة كعب هههه ) الي مارقة هاي من البلد ؟ " المهم هاي المرأة معروفه عندنا بتصيب بالعين وعمي قلي انه هي السبب وبصراحه لما صرت اشوفها صرت اخاف لانه اكتر من مرة تشوفني ويصير فيني شي وفي مرة تفركشت ولولا كانت امي حدي ولا بقع