كاتب الموضوع :
سعود2001
المنتدى :
الارشيف
( أول سيارة )
كنت با لمتوسط أول ما سقت السيارة
(ومن سيارته ) سيارة السواق ( ونيت ابو غماره )
وكنت مهبل فيه و مخلص عليه البنزين
وهو يقول : سعوووط فيه بروبليييييم
بنزين فيه رووووه
قلت ما عليك عطني المفتاح
و أركب الهلي و على بيت خوالي اشقل
عزوز و هات يا خمسااااات
اذا تذكرت هبالنا قلت زين اللي ما صار لنا شي
المهم قدر الله في مرة من المراير
و رحنا حول الجسر المعلق
و تسلط عزيز الا بركب و اخمس
طبعا مو على الجسر نفسه لكن
قريب منه وانا و اياه و الوادي
واااااااااااااااااااااااااااااااااااااو
يا بعد الارض بعدااااااااا ه
بصراحه وجعني قلبي
وفحط عبيد العزيز و فجاة فقد السيطره
على السياره ويبي يوقفها و هي مدهررره
انا سكت و عزيز عقد حواجبه
ما وقفت السيارة الا قبل الحافه بشبر
و كان احد ماسكها أنا غمضت عيوني
بقوة و قمت ابولع ريقي
و عزيز حط يديه و راسه على الطاره
( الدريكسوون )
جلسنا دقيقتين ساكتين
و أنزل من السياره و اروح جهة عزيز
و أمسكه مع ياقته و أجره جر
و نزلته من السيارة و هو
ساكت ما قال و لا شيء
و اركب انا و ارجع ريوس و لحقني عزيز
و ركب و انا ماشي بالسياره
وقال وش فيك سعووووود
قلت وش رايك بغينا نمووووت
و انت السبب
قال سيارتكم
مقربعه و ما تتحمل
قلت قبل شوي و انت مبسوط فيها
سكت قلت : ترا من حلاوة الروح
ما راح ترد زين على كلامي
رجعت البيت و الى أمي
في وجهي و شافت وجهي
وشفيك يا سعوووووووووود
ما رديت قالت : ليش خذت السياره من السواق
قلت رحت اتمشى انا و عزوز
المهم راحت سنين و شريت سيارات و كنت
محافظ على كل سيارة حتى اذا بعتها ابيعها
نظيفه و ما فيها خدش حتى
وكانت خمسات عزوز هي السبب
و الجسر المعلق ما اروح معاه ابدا الا في
الضروره القصوى
هذي الخمسات علمتني
اني ما اتهاون في قيادة السيارة ابد
..........................................
يوميه مرعبه اذا تذكرتها طار النوم من عيني
عشان كذا كتبتها بالنهار 
|
23-10-07, 06:34 PM
جديد مواضيع قسم الارشيف
العرض العادي
